7M03201 Медиа зерттеулері және журналистика в Сулейман Демирел атындағы университет

Бұл курс қолданбалы әлеуметтік ғылымдардағы озық сандық зерттеу әдістерін қарастырады. Сонымен қатар, бұл пән дисциплинарлық білім деңгейіне қарамастан, кез-келген магистранттың статистикалық білімін тереңдетуге көмектеседі.

Пән журналистер үшін жазу машықтары және шығармашылық жазудың терең практикалық дағдыларын үйретуге бағытталған. Курс барысында магистранттар әртүрлі жанрдағы мақала мен материалдар жазуды үйренеді. Сондай-ақ олар журналистік мақалаларға арналған сторителлинг және баяндау, академиялық жазу және БАҚ мәтіндерін сыни тұрғыдан талдауға арналған жазу тәсілдерін үйренеді.

Пәннің мақсаты коммуникациялық зерттеулерге және жалпы әлеуметтік зерттеулерге байланысты сапалық және сандық зерттеу әдістерімен таныстыру. Сонымен қатар, пән магистранттарға зерттеу жүргізу, ғылыми мақалалар жазу және зерттеу нәтижелерін ұсыну үшін қажетті дағдыларды дамытуға көмектеседі. Олар БАҚ пен аудиторияны зерттеудің заманауи әдістерімен өзара әрекеттеседі, этикалық дағдыларды дамытады және зерттеу үшін гипотезаларды қалай дұрыс құру керек екенін үйренеді.

Курс жаңалық, деректі репортаж, т.б. түрлі жанрда, түрлі тақырыпта көрнекі визуалды баяндау тәсілдерін үйретеді. Сюжеттік идеяларды дамыту, сұхбат жүргізу және хикаяны құрылымдау - пәннің бас тақырыптары.

Пән тарихи-философиялық тұрғыдан теорияларды, әдістерді, тәжірибелер мен ғылым институттарын зерттейді, ғылымды өзінің тарихи және әлеуметтік контекстіне қояды. Бұл курс ғылымды барлық аспектілері бойынша сыни тұрғыдан түсіну үшін пәнаралық құрылымды қамтамасыз етуге және ғылым философиясының кейбір орталық сұрақтарына тарихи негізделген талдау жасауға тырысады.

Пән магистранттарға ұйымдарды тиімді басқаруға қажетті басқарушылық мінез-құлық психологиясының білімдері мен дағдыларын, сонымен қатар басқару теориясын, зерттеу және басқару практикасын түсінуді қамтамасыз етеді. Курста көшбасшылық стильдер мен әдістер, тиімді қарым-қатынас тәсілдері, уақытты басқару, шешім қабылдау, өкілдік және бақылау дағдыларының негізгі функциялары үйретіледі.

Курс журналистиканы тереңірек түсінуге көмектесетін теориялық және терминологиялық негізді қалыптастыруға бағытталған. Журналистика феномені мен оның мағынасы, этикалық аспектілері, жұмыс принциптері мен технологиялары - фактчекинг, конвергенция және визуализация мысалында қарастырылады.

Бұл курста әлеуметтік ғылымдарға пәнаралық көзқарастан медиа мен коммуникацияны зерттеудегі негізгі теориялық және тұжырымдамалық мәселелер қарастырылған. Ол бұқаралық ақпарат құралдары мен коммуникация құбылыстарын кең әлеуметтік және саяси теориялар шеңберіндегі талдауды үйретеді осылайша жаһанданған білім қоғамындағы мемлекет, нарық және қоғамдық саладағы қатынастар үшін медиа ортаның өзгермелі маңыздылығын ашады.

Бұл курс баспасөз түрінде басталып, қазіргі мультимедиа форматында жалғасып жатқан журналистиканың кең тарихын түсіндіреді. Сонымен қатар, бұл пән жергілікті және мемлекеттік деңгейде қоғамға әсер ететін әлеуметтік, экономикалық, саяси және денсаулық сақтау мәселелерін зерттеу мен хабарлаудағы журналистік этика мен іргелі тәжірибелерді талқылайды.

Пән медиадағы гендерлік теориялық және практикалық мәселелерді, гендерлік мәселелердің БАҚ өндірісі мен тұтынуына және жаңа технологиялардың бұқаралық ақпарат құралдарындағы өзгерістерге әсерін қамтиды. Курстың мақсаты қарым-қатынасты, мәдениетті және гендер тақырыбында медиа-зерттеу жүргізуге бағытталған.

Пән магистранттардың практикалық сабақтар арқылы практикалық педагогикалық шеберліктерін арттыруға бағытталған. Магистранттар пәндерге қатысып, бакалаврларды тақырып немесе диссертация бағыты бойынша сабақ береді.

Пән бұқаралық ақпарат құралдарын зерттеу дағдыларын тереңдетуге және кеңейтуге мүмкіндік беретін аналитикалық құрылым мен тұжырымдамаларға және медиа мен мәдениеттің өндірісін, тұтынылуын және таратылуын сыни тұрғыдан бағалау үшін медиа және мәдениеттану саласындағы негізгі теориялық негіздерді, мәтіндер мен теорияларды жүйелі түрде түсінуге мүмкіндік береді.

Бұл курстың мақсаты магистранттарға жоғары мектеп туралы білімнен жеке тәжірибе мен оқыту арқылы жоғары оқу орнында іс-әрекетке және жұмыс жасау дағдыларын беру. Магистранттар жоғары мектеп туралы негізгі білімдерін кеңейтіп, жоғары оқу орны оқытушысының кейбір функцияларын біледі.

Курс медианарықта қолданылатын экономикалық теориялар жайлы негізгі түсініктерді үйретеді. Курс аясында магистранттар медианарықтың негізгі қағидаларымен танысып, БАҚ-тағы қысым және бәсекелестік түрлері туралы, сондай-ақ бұл феномендердің мемлекет тарапынан реттелу жолдары туралы білімге қол жеткізеді.

Бұл пән магистранттардың болашақ кәсіби мансаптарында тиімді қарым-қатынас жасау үшін қажет болатын ағылшын тілі мен қарым-қатынас дағдыларын одан әрі дамытуға бағытталған. Курс грамматикалық дәлдікті, тиімді жазуды дамытуға және құрылымдық тұрғыдан тиімді, грамматикалық дәл және контекстке сәйкес құжаттарды жасауға бағытталған.

Пән федералды, мемлекеттік және халықаралық баспасөз, хабар тарату және сандық медианы реттейтін заңнамаларға бағытталған. Пән бірнеше салаларды қамтиды, соның ішінде жала жабу, жек көру, жарнама, әлеуметтік желілер және т.б. тақырыптардың құқықтық негіздерін қамтиды. Негізгі мақсат - Қазақстанда және әлемде сөз бостандығы мен бұқаралық ақпарат құралдарына қатысты құқықтық принциптерді сыни және жан-жақты түсінуді дамыту.

Бұл курс мәдени перспективалар мен нормаларды қалыптастырудағы БАҚ рөлін қарастырады. Курс барысында магистранттар медиа хабарламаларды сыни тұрғыдан талдауды және түрлі БАҚ-тың кең аудиториясына арналған тартымды, сенімді және этикаға сай контент өндіруді үйренеді.

Курс компаниялар мен ұйымдардың бренд қалыптастыруын, тұтынушы және мақсатты аудиториямен жақсы қарым-қатынасты сақтау үшін жүзеге асыратын нақты және мұқият ойластырылған қадамдарын қамтиды. Оқу барысында магистранттар түрлі медиа каналдар арқылы қоғаммен байланыс мәселесін шешуді үйренеді.

Пән ғылыми-академиялық талдау мен медиа эстетикасы саласындағы материалдарды зерттеуге бағытталған. Магистранттар бұқаралық ақпарат құралдарында эстетикалық критерийлерді түсіну және бағалау үшін әртүрлі сыни әдістерді оқып үйренеді. Пән теледидар, кино, интернет және басқа да пайда болған бұқаралық ақпарат құралдарын қамтуы мүмкін.

Пән қазақ киносын тарихи-әлеуметтанулық тұрғыдан зерттеуді қамтиды. Ол киноға кім төлеп, кім тұтынады, қазақ киносының әлеуметтік, саяси және экономикалық рөлі қандай, көрнекілік тұрғысынан және коммуникация құралы ретінде социологиялық талдауға бағытталған.

Бұл курс визуалды коммуникацияның түрлі әдістерін және жазбаша контентке көрнекілік сыйлайтын бейнелерді дайындау жолдарын үйретеді. Сонымен қатар, курс барысында магистранттар түстердің мәні мен өзара байланысын, пішіндерді қолдана отырып біркелкі композиция құрауды үйренеді.

Бұл курс медианың саяси экономиялық теориясы тұрғысынан байланыс саласындағы мәселелерді зерттеуге бағытталған. Атап айтқанда, курс қазіргі қоғамда жаңа коммуникациялық технологияларды кеңінен қолдану нәтижесінде туындайтын мәселелерді қарастырады.

Пән активизм, әлеуметтік өзгеріс және медианы және олардың арасындағы тығыз байланысты түсінуге бағытталған. Курс теориялық (белсенділік, медиа теориясы) және практикалық (кейс-стади) аспектілерін қамтиды. Магистранттар бұқаралық ақпарат құралдарының әлеуметтік өзгерістегі рөлін анықтай алады және ол үшін коммуникация құралдарын қолдануды үйренеді.

Бұл курс магистрантты нейронды желі және жасанды интеллект технологияларымен, machine learning және оны шынайы өмірде қолдану әдіснамасымен таныстыруды көздейді. Жоғарыда аталып өткен жаңа технологияларды БАҚ және медиа-коммуникация саласында қолдану жолдарын түсіндіреді.

Пән жаңа технологиялардың қоғамдағы журналистика рөлін өзгертуге әсерін зерттеуге бағытталған. Сонымен қатар, пән магистранттарды цифрлы және интернеттегі бұқаралық ақпарат құралдарында журналистика әдістерімен таныстырады және журналистерге тұжырымдамалық және практикалық құралдар мен жаңа технологияларды үйретеді.

Философиямен және қоғаммен қарым-қатынаста ғылымның тарихи дамуының тарихи сәттерін дұрыс талдай білу; әлеуметтік ғылымдар саласындағы негізгі теориялық, философиялық, социологиялық және тарихнамалық тақырыптарды анықтау және жалпылай алу; ғылым мен зерттеудің этикалық аспектілері туралы түсінікке ие болу.

Жазбаша және ауызша әдістерді және іскерлік этика түсінігін қолдана отырып, психологияның тұжырымдамалары мен теорияларын басқару мен қарым-қатынастың әртүрлі аспектілерінде қолдана білуін көрсету; дәлелдемелер негізінде құжаттар мен хабарламаларды жазу және ағылшын тілінде тиімді презентациялар жасау дағдыларына ие болу; жоғары білім берудегі зерттеулерге, оқу нәтижелерінің, бағалау критерийлерінің, бағалау мен оқытудың өзара байланысына сілтеме жасай отырып, оқытуды, дәлелдемелерді ұйымдастыруға оқу ортасының әсерін талдау үшін білімі болуы; жоғары оқу орнында сабақ беру қабілеті.

Әр түрлі жанрлар мен журналистиканың әртүрлі ақпараттық платформалары үшін, соның ішінде дәстүрлі және интернет-БАҚ үшін баяндау мен мақала жазудың тиімді дағдыларына ие болу; жаңалық пен мақалаларда пайдалану үшін ақпарат жинау және сұхбат жүргізе білу.

БАҚ және коммуникация саласындағы соңғы зерттеулерді талдай білу және нәтижелер, теориялар мен мәселелерді ұсына білу; зерттеу теориясының негізгі парадигмаларын талдай білу және сапалық және сандық зерттеудің негізгі әдістерін қолдана білу; әртүрлі зерттеу әдістерінің салыстырмалы құндылығын және олардың нақты зерттеу жағдайларына бейімділігін бағалау дағдылары; коммуникация саласында, сонымен қатар жалпы әлеуметтік ғылымдарда сапалық және сандық зерттеу әдістерін қолдана білу.

Сандық, жаңа және Интернеттегі БАҚ үшін контент құра білу, конвергентті және мультимедиялық мақалалар жасау үшін жаңа технологияларды білу және қолдана алу, жаңа технологияларды журналистің кәсіби қызметіне интеграциялау дағдыларына ие болу.

БАҚ пен коммуникация саласына қатысты құқықтық мәселелерді дұрыс талдай алу, бұқаралық ақпарат құралдарының және байланыс құралдарының әлеуметтік және саяси жауапкершілігін түсіну, бұқаралық ақпарат құралдарының, журналистика мен журналистердің құқықтары мен бостандықтарын нақты түсіну және тұжырымдай білу, дәлелдерді, сот сынақтары мен прецеденттерін нақты жағдайларға қолдана отырып, олардың конституциялық емес, заңсыз немесе заңды қудалауға жататынын анықтау.

БАҚ құрылымы мен композиция элементтерін таба білу және нақты медианың ерекшелігі мен құрылымын анықтау үшін әртүрлі сыни тәсілдерді қолдану; медиа өнімдерінің элементтерін стиль, мән және эстетика тұрғысынан талдай алу; жеке және тәуелсіз медиа-зерттеу жүргізе алу.

Қазақ киносына сыни тұрғыдан талдау жасауда негізгі әлеуметтанулық ұғымдарды қолдану, ақпарат тарату құралы және ақпарат көзі ретінде кинофильмдік зерттеулер жүргізу, қазақ киносының визуалды (бейне) компоненттерін де, киноны құру мен таратуға әсер ететін басқа да аспектілерді талдаудың әдістемесін сауатты қолдану.

БАҚ пен әлеуметтік айдентиканы зерттеудің негізгі теориялары мен әдістерін дұрыс талдай алу, қоғамдағы гендерлік және әлеуметтік өзгерістерді қалыптастырудағы БАҚ рөлін зерттеу, медиа индустрияның өндірісіндегі әралуандылықтың маңыздылығын зерттеу және негіздей алу қабілетіне ие болу, гендерлік және әлеуметтік айдентика мәселелерін анықтау үшін БАҚ-қа талдау жасай білу, медиаға гендерлік және әлеуметтік өзгеріс тақырыбында тәуелсіз зерттеу жүргізу дағдыларына ие болу.

Медиа және масс коммуникация теорияларына сыни зерттеу жүргізе білу, бұқаралық ақпарат құралдарының этикалық, құқықтық, саяси және экономикалық контекстін түсіну, коммуникациялық жүйелер және бұқаралық коммуникация теорияларының саяси экономиясын қолдана отырып медиа-зерттеу жүргізу дағдыларына ие болу.