7M07302 Геодезия в Дәулет Серікбаев атындағы Шығыс Қазақстан техникалық университеті

Курс құрылыс параметрлерінің дәлдігін геодезиялық бақылау әдістері н, принциптерін, кезеңдерін, өнеркәсіптік кәсіпорындардың жабдықтарын монтаждауды тереңдетіп оқытуға бағытталған және монтаж аяқталғаннан кейін тұрақты бекітілген объектілердің пландық және биіктік орналасуының, сондай-ақ инженерлік желілердің нақты жағдайының атқарушы түсіріс өндірісін зерттеуге бағытталған.

Курс қалаларды іздестіру, жобалау және салу, қайта құру, пайдалану және кеңейту кезіндегі геодезиялық жұмыстарды, қалалық геодезиялық тірек желілерін жобалауды, құрылыс салынған аумақтағы топографиялық түсірістердің ерекшеліктерін, күрделі нысанды және құрылымды ғимараттарды геодезиялық қамтамасыз етудің ерекшеліктерін зерттейді.

Курс ақпараттық жүйелердегі 3D үлгілеудің негізгі ұғымдарын, 3D-де геометриялық нысандарды моделдеудің негізгі тәсілдерін, 3D геоақпараттық моделдеудің әдістерін, үшөлшемді кеңістікте 2D деректерді өңдеуді зерттеуге, сондай-ақ қалалар мен объектілердің ірі масштабты үшөлшемді модельдерін әзірлеудегі қолданбалы есептерді шешуге бағытталған.

Қазіргі заманда қоғамның басқару қызметінде тұрақты кездесетін өзекті әртүрлі әлеуметтік мәселелерді шешуге қажетті психологиялық терең теориялық білім мен тәжірибелік дағдыларды қалыптастыру. Ұйымның персоналын басқарудың негізгі тәсілдерін және қызметкерлермен жұмыс жасау әдістері мен технологияларын, әсіресе көшбасшының стилін зерттеу.

Ғылым философиясы мен жаратылыстану-техникалық ғылымдар интеграциясына негізделген ғылыми білім мен зерттеу әдістері саласындағы жүретін процестерге бағдар. Танымдық іс-әрекеттің тарихи эволюциясы логикасы, қазіргі эпистемологияның мазмұны мен құрылымы және негізгі философиялық парадигмаларының мағынасы туралы түсінік қалыптастыру.

Пән геоақпараттық (ГАЖ) технологияларды кәсіби қызметте қолдану саласында теориялық және практикалық білімі бар мамандарды даярлауға, ГАЖ-технологияларда, геодезия және картография саласында қолданылатын геокеңістіктік деректерді жинау, өңдеу және тарату компьютерлік технологиясын қолдану дағдыларына бағытталған.

Оқыту курсы магистранттардың лингвистикалық, дискурсивтік және әлеуметтік-мәдени құзыреттілігін қалыптастыруды, оларды оқытылатын тіл елдерінің мәдениетіне баулуды, шет тілінде кәсіби сөйлеу дағдыларын қалыптастыруды, мамандық бойынша мәтіндерді аудару дағдыларын дамытуды көздейді. Курсқа кіретін тақырыптары: грамматикаға шолу, оқу және жазбаша жұмысқа дайындалу әдістемелері, эссе жазу, тындау және сөйлеу әдістемелері.

Курс математикалық статистиканың, корреляциялық және регрессиялық талдаудың, өлшеу қателіктер теориясының, геодезиялық желілерді теңдестірудің негізгі ережелерімен таныстыру мақсатын көздейді және магистрантты жүргізілетін өлшеулердің дәлдігін және алынған нәтижелерді талдауды қамтитын пәндерді саналы оқуға дайындауға, сондай-ақ бақылау әдістемесінің, құралдардың және т. б. оңтайлылығын талдау негізінде таңдауға бағытталған.

Курс әр түрлі күрделіктегі геодезиялық жұмыстарды орындауға арналған автоматтандырылған геодезиялық кешендердің принциптік құрылымын, технология ерекшеліктерін зерттеу негізінде заманауи автоматтандырылған геодезиялық кешендердің құрылысы мен қолдану технологиясы саласында кәсіби құзыреттілікті қалыптастыруға бағытталған.

Курс картографиялық проекциялар теориясын, карталарды құрастыру және редакциялау тәсілдерін, шартты белгілерді, шолу-топографиялық, арнайы және тақырыптық карталарды, географиялық атластарды, картографиялық жұмыстарды автоматтандыру жүйелерін, карталар бойынша құбылыстарды зерттеу әдістерін, электронды картографиялау технологиясын зерттеуге бағытталған.

Цифрлық фотограмметриялық жүйелерді қолдану негізінде түсірістік спутниктік жүйелердің және жоғары шешімді ғарыш түсірілімдерін өңдеу әдістерін дамуы түрлі масштабтағы карталарды жасау және жаңарту технологиясына өзгерістер енгізеді. Бұл курс сапалы жаңа бағытта карталарды жасау және жаңарту үшін аэроғарыштық суреттерді фотограмметриялық өңдеудің сандық технологияларын зерттеуге бағытталған.

Педагогикалық теория мен педагогикалық шеберлік негіздері, жоғары оқу орындарында оқытуға арналған оқу процесін басқару, педагогиканың негізгі категориялары туралы түсінік, гуманитарлық ғылымдар жүйесіндегі және оқытушының практикалық жұмысындағы жоғары білім педагогикасының орны, рөлі мен маңызы, қазіргі педагогиканың негізгі әдістері мен әдіснамасы жоғары білім берудің педагогикалық мәселелерін шешудің тәсілдері.

Курс кәсіпорындағы өндірісті ұйымдастырудың мәні мен заңдылықтарын, кәсіпорындардағы жобалық, ғылыми зерттеулерді ұйымдастыру мен жоспарлауды, ҒЗЖ кезеңдерін, тәжірибелік-конструкторлық жұмыстардың сипаттамасын, өндірістің конструкторлық дайындығын ұйымдастыруды, оның мазмұнын, өндірісті ұйымдастыру мақсаттары мен негізгі кезеңдерін зерттеуге бағытталған.

Математикалық статистика-ғылыми негізделген қорытындылар алу және олардың негізінде шешімдер қабылдау үшін статистикалық деректерді жинау, өңдеу және пайдалану әдістерін зерттейтін математика бөлімі. Пәннің мазмұны келесі сұрақтарды қамтиды: статистикалық деректерді өңдеу, сандық сипаттамалардың Нүктелік және аралық бағалары, гипотезаларды статистикалық тексеру, корреляциялық және регрессиялық талдау, эксперименталды деректерді статистикалық өңдеу.

Пәнге геодезиялық ақпаратты автоматтандырылған өңдеу үшін компьютерлік технологияларды қолданудың негізгі құрал-саймандық және бағдарламалық-технологиялық құралдарын оқып үйрену, геодезиялық өлшеулердің жаңа озық технологияларын, картографиялық жұмыстарды оқып үйрену, әртүрлі қолданбалы есептерді шешуде олардың артықшылықтары мен маңыздылығы кіреді.

Геодезиялық желілердің дәлдігін бағалау теориялық және практикалық маңызы зор. Ол жобалау сатысында да, желіні құру мен теңестіруден кейін де, сондай-ақ теңдестірілген есептеулердің қорытынды кезеңінде де орындалады, бұл геодезиялық әдістермен тиісті ғылыми және халық шаруашылық міндеттерді шешу кезінде геодезиялық желілерді дұрыс пайдалану үшін қажет.

Курс табиғи және техногендік сипаттағы геодинамикалық құбылыстарды зерттеу бойынша кешенді зерттеулерді, геодинамикалық жағдайларды басқару бойынша шешімдерді қабылдау үшін геодинамикалық объектілердің құрылымын автоматтандырылған сәйкестендіру мүмкіндігімен әр түрлі кеңістіктік-уақытша масштабтағы геодезиялық және геофизикалық бақылауларды математикалық өңдеу мәселелерін зерттеуге бағытталған.

Курс жаһандық жерсеріктік позициялау жүйесін, GPS-жүйелердің құрамдас бөліктерін, қолданылатын жиіліктерді, құрамдас бөліктердің құрылымы мен мақсатын, жерсеріктік өлшеулерді өндіру әдістемесін, өлшеу нәтижелерін өңдеуді, жерсеріктік технологиялардың координаталар жүйесін, координаттарды түрлендіру әдістерін, анықтаудың дәлдігін және оны арттыру жолдарын зерттеуге бағытталған.

Курс геодезия және картография саласындағы әлемдік жетістіктерді шолу және талдау негізінде қазіргі кезеңдегі геодезия және картография саласындағы картографиялық ғылым, техника, технология және экономика процестерін анықтайтын жаңа ғылыми шешімдер, геодезия және картография саласындағы қазіргі заманғы проблемалардың мәнін зерттеуге бағытталған.

Картографиялаудың сандық технологиясы (КСТ) - сандық карталарды ГАЖ немесе КАЖ құралдарымен құрастыру және пайдалану. КСТ дәстүрлі картографиялау технологиялары секілді бастапқы ақпараттарды жинаудың тәсілдеріне, құрастырылатын сандық картаның типіне (тағайындалу тақырыбы және масштабы) және пайдаланылған жүйенің ерекшелігіне байланысты айырмашылықтарға ие болады.

Пән теориялық және практикалық аспектілерді, әртүрлі кластағы мемлекеттік геодезиялық желілерді құру әдістерін, арнайы желілерді, сонымен қатар оларды жергілікті жерде бекітуді зерттеуге бағытталған.

Жеке және команда мүшесі ретінде тиімді жұмыс істеу, орындаушылардың жекелеген топтарына басшылық ету дағдыларын көрсете отырып, жеке жауапкершілікті көрсете білу

Инженерлік іздестірулер кезінде аумақтарды қашықтықтан зондтауға байланысты жұмыстарды және топографиялық-геодезиялық жұмыстарды жүргізу жобаларын құру

Қазіргі қоғамның дамуындағы ақпараттың мәні, оны түсінуді және жобалау-технологиялық қызметті орындау қабілетін көрсете білу

Қазіргі заманғы жабдықтар мен аспаптарды кәсіби пайдалану, геодезия, геодинамика және қашықтықтан зондтау саласында жоғары дәлдікті өлшеулерді жүзеге асыруды істей білу

Зерттеу және жобалау жұмыстарын ұйымдастыруда іскерліктер мен дағдыларды практикада қолдану

Геодезиялық жұмыстарды автоматтандырудың заманауи әдістері мен құралдарын қолдана отырып, инженерлік құрылыстарды іздеу, жобалау және салу кезіндегі геодезиялық жұмыстарды орындай білу, геодезиялық жұмыстар өндірісін бақылауды жүзеге асыру

Табиғи ресурстардың, табиғатты пайдаланудың, техногендік қауіп-қатер аумақтарының мониторингін жүзеге асыруды істей білу

Топографиялық-геодезиялық, картографиялық және фотограмметриялық өнімнің сапасын басқару, техникалық бақылау жүргізудің әдістерін тәжірибеде қолдануды істей білу

Сандық топографиялық-геодезиялық және тақырыптық ақпараттың базалары мен деректер банкін құруды істей білу

Геодезиялық жұмыстарды орындау кезінде жобалау, жүйелік талдау, математикалық өңдеу, өлшеулердің дәлдігін бағалау әдістемесін білу, жаңа проблемалар мен жағдайларды шешуде шығармашылықпен қарау

Ғылым мен техника философиясының интеграциясы негізінде ғылыми танымның заманауи тенденциялары мен әдіснамасын білу, білім, жоғары мектеп педагогикасы мен ғылымның қоғамдық қызметтегі рөлі мен маңызын білу, кәсіби деңгейде шет тілін меңгеру

Ғылыми-зерттеу және өндірістік-технологиялық шешімдерді қабылдау үшін мультимедиялық, виртуалды, көп өлшемді сандық кеңістіктік модельдеудің технологияларын, BIM-технологияларын енгізу