6B01401 Дене шынықтыру және спорт в Халықаралық туризм және меймандостық университеті

Бұл пән дене шынықтыру мен спорттың ежелгі дәуірден бүгінгі күнге дейінгі даму эволюциясын, Олимпиада ойындарының тарихын, Қазақ ұлттық спорты мен спорт ойындарының қалыптасуын оқытады. Пәнді оқу барысында білімгерлер адамзат қоғамының әртүрлі кезеңдерінде болған дене тәрбиесінің құралдары, әдістері, идеялары, теориялары мен жүйелерінің әлемде пайда болуы мен таралуы туралы материалдармен танысады.

Бұл пән кинезиология және динамикалық морфология принциптері ненегізделген адамныңішкі мүшелерінің сыртқы формасы мен құрылымын оқытады. Адам денесінің құрылымы мен қызметін, өсу мен дамудың негізгі заңдылықтарын, балалар мен жасөспірімдердің антропометриялық, физикалық параметрлерін анықтау диагностикасын, спортшылардың спорттық денесінің морфологиялық ерекшеліктерін қарастырады.

Бұл пән физиология негіздері, ағзаның жас ерекшеліктері, балалар мен жасөспірімдердің дене құрылымы мен анатомиялық ерекшеліктеріне сәйкес өсу және даму заңдылықтары туралы қазіргі заманғы мәліметтерді қарастырады. Физиологиялық ерекшеліктерді ескере отырып, оқушылардың денсаулығын нығайтудың, спортпен шұғылдану кезінде жұмыс қабілеттілігін арттырудың физиологиялық механизмдері туралы түсініктерді оқытады.

Пән болашақ мұғалімнің педагогикалық мәдениетінің негізгі ұғымдарын оқытады, қазіргі педагогикалық ғылымның теориялық негіздері туралы білімді және кәсіби мәселелерді шешуде шығармашылық көзқарасты қалыптастырады. Білім беру саласындағы кәсіби қызметтің құндылық негіздеріне, педагогикалық қызметтің құқықтық нормаларына және білім беруді жүзеге асыруға, білім беру процесінің мәні мен құрылымына; білім беру тұжырымдамаларын таңдау мен жүйелі талдауға үйретеді.

Бұл пән балалардың жас дамуының заңдылықтарымен анықталатын дене шынықтыруды жүзеге асырудың ерекшеліктерін қарастырады. Әр түрлі деңгейдегі жарыстарды ұйымдастыру және өткізу ережесін, мектеп оқу бағдарламаларындағы оқыту жүйелерін, спорт түрлері бойынша балалардың жас санаттарымен жұмыс істейтін спорт клубтарын ұйымдастыру ерекшеліктерін үйретеді.

Пән оқу орындарында спорт түрлері бойынша секциялық жұмысты ұйымдастыру және өткізу тәртібін үйретеді. Оқушылардың жас, жеке және психологиялық, физиологиялық, анатомиялық, физикалық ерекшеліктерін ескере отырып, спорт секцияларында сабақ өткізудің негізгі мақсаттарын, мазмұны мен әдістемесін оқытады.

Бұл пән негізгі ұғымдар, дене тәрбиесінің жалпы принциптері, физикалық қабілеттерді дамытудың әдістері мен тәсілдері туралы ақпарат береді. Білім беру мекемелерінде дене шынықтыру сабақтарын өткізу әдістемесіне, бақылау мен есепке алуға, сабақтан тыс, мектептен тыс уақытта жұмысты жоспарлауға, ересектер мен қарт адамдардың денсаулығын нығайтуға үйретеді.

Бұл пән дене тәрбиесі бойынша оқудан тыс жұмысты ұйымдастырудың теориясы мен әдістемесінің негіздерін оқытады. Оқушылардың жас, жеке ерекшеліктерін және материалдық базаның мүмкіндіктерін ескере отырып, дене тәрбиесі бойынша үйірме және секциялық жұмыстарды ұйымдастыру мәселелерін, оқу орындарындағы ұйымдастырушылық және спорттық-бұқаралық жұмыстарды жүзеге асыруды үйретеді.

Бұл пән дене тәрбиесі және спорт саласындағы жаңартылған білім беру мазмұнын оқу үдерісін ұйымдастыруда қолданылатын педагогикалық тәсілдер, әдістер мен технологияларды қарастырады. Спорттық жетілдірудің қасиеттерін қалыптастыру контекстінде педагогикалық үдерісті ұйымдастыру, өткізу және бейнелеуге қойылатын талаптар мен жаңартылған мазмұн бойынша оқу үдерісін ұйымдастырудың ерекшеліктерін оқытады.

Бұл пән дененің физикалық белсенділікке физиологиялық бейімделуін оқытады. Дене жаттығуларының физиологиясын; дене жүктемелеріне жедел және ұзақ бейімделудің сапасы мен тиімділігін физиологиялық бағалау принциптерін; дене шынықтыру-сауықтыру құралдары мен физиологиялық әдістерді қолдану ерекшеліктерін; дене шынықтырумен айналысатындардың дамуының антропометриялық параметрлерін анықтаудағы диагностиканы қарастырады.

Пән болашақ мұғалімнің мектеп оқушыларымен тәрбие жұмысын ұйымдастыруға және өткізуге теориялық және әдістемелік дайындығын қарастырады. Педагогика ғылымының мақсаттарын, құрылымын, әдіснамалық негіздерін, дамудың негізгі кезеңдері мен категорияларын; тәрбие жұмысының құралдарын және олардың жаңа технологиясын; педагогика ғылымының өзекті мәселелерін, Қазақстан Республикасындағы білім берудің заманауи тұжырымдамаларын, білім беру жүйелерін, тәрбие жұмысының диагностикасын оқытады.

Бұл пән адам бойындағы жеке, абсолютті, салыстырмалы, механикалық күш түрлерін жан-жақты оқытады. Жаттығу көрсеткіштерінің ерекшеліктерін, дене күшін дамыту әдістерін, спортшының дене шынықтыру жүйесіндегі дене күші дамуының рөлі мен орнын қарастырады.

Бұл пән аэробика түрлері, оның мәні, сабақтың ерекшелігі мен құрылымы туралы; аэробика сабақтарын өткізу бойынша білім кешенін қалыптастыруды оқытады. Спорттың осы түрімен шұғылданушылардың жеке басына қойылатын гигиеналық талаптарды, сондай-ақ олардың қимыл әрекеттері мен арнайы қабілеттерін үйретеді. Аэробика жүйесіндегі дене шынықтыру мұғалімінің рөлін қарастырады.

Пән қоғамдық сананы жаңғырту тетіктерін және қоғамның рухани даму басымдықтарын қарастырады. Қазақстан халқының санасын жаңғыртудың алты бағытына, Рухани жаңғыру бағдарламасы бойынша іске асырылатын арнайы жобаларға үйретеді. Бұл курста "Мәңгілік елдің" патриоттық бағыты және оның ұлттық сана үшін маңызы, жастардың рухани жаңғыруына жетелейтін рөлі қарастырылады.

Бұл пән шаңғыларда спорттық бағдарлаудың пайда болу, даму және жетістіктер тарихын, спорттық бағдарлауды ұйымдастыру әдістерін оқытады. Жергілікті жерде бағдарлауды, шаңғымен бағдарлау бойынша спортшыларды даярлауды, жарыстарды ұйымдастыру және өткізу ережелерін жүзеге асыруды үйретеді.

Пән шаңғы спортының даму тарихын, шаңғышыға арналған көпжылдық жаттығулардың негіздерін, шаңғы жарыстарын ұйымдастыру және өткізу ережелерін оқытады. Шаңғы жабдығына техникалық қызмет көрсету және шаңғымен сырғанаудың әдістері мен тәсілдерін үйретеді.

Бұл пән гимнастиканың әр түрін теориялық және практикалық тұрғыдан оқытады. Гимнастиканың теориялық негіздері мен білімдерін, қимыл дағдыларын қалыптастырады; жаттығулардың гимнастикалық жабдықтарда практикалық орындалу әдістерін және жарақаттың алдын алу шараларын үйретеді. Мектептегі гимнастиканы оқыту әдістемесін, саптық, жалпы дамыту, қолданбалы, еркін, акробатикалық жаттығулар мен секірулер әдістемесінің ерекшеліктерін қарастырады.

Бұл пән тұлғаның онтогенезі қалыптасуындағы психикалық процестері мен психологиялық қасиеттерінің ерекшеліктерін; олардың статистикалық жас ерекшелік даму нормаларына сәйкестігін; әртүрлі факторлардың психика мен адамның жасаралық дамуын оқытады. Өмірдің әр түрлі кезеңдерінде адамның психологиялық көзқарасын, психологиялық ерекшеліктерін тануды үйретеді.

Бұл пән дене шынықтыру және спорт саласындағы психологияның заңдылықтарын, принциптерін, әдістері мен формаларын; жаттығулар мен жарыстардың психологиялық негіздерін оқытады; спортшыларды жарыстарға даярлаудың психологиялық аспектілерін ашады. Физикалық, техникалық және тактикалық дайындықтың оқу-жаттығу процесінде спорттық психология негіздері туралы білімді қолдану мүмкіндіктерін ашады.

Бұл пән гимнастиканың пайда болу және даму тарихымен, жарыстардың ерекшеліктерімен және гимнастиканың дамуына айтарлықтай үлес қосқан әлемдік деңгейдегі гимнасттардың жетістіктерімен таныстырады. Гимнастикалық жаттығуларды орындау техникасын үйретеді. Оқу процесін жүргізу кезінде қауіпсіздік техникасы ережелерімен таныстырады.

Бұл пән жеңіл атлетикадан оқу-жаттығу сабақтарын ұйымдастырудың ерекшеліктерін қарастырады. Жеңіл атлетика секциясын ұйымдастыру үдерісінде жеке тұлғаны қалыптастыруда қозғалыс, ерік-жігер және моральдық қасиеттердің дамуын; оқу-жаттығу жұмысының барлық бөлімдерінің (физикалық, техникалық-тактикалық, психологиялық және теориялық дайындық) өзара тығыз байланысын оқытады.

Пән таңдалған спорт түріне (командалық және жекелей) оқушыларды іріктеу талаптарын, оқушының спорт түріне бейімділігін; спорттық іріктеуді тиімді жүргізуге және көпжылдық спорттық дайындық кезеңдерінде нәтижелерді болжауға мүмкіндік беретін құзыреттер жиынтығын қарастырады. Баланың спорттық іс-әрекеттің белгілі бір түріне бейімділігін анықтауды оқытады.

Бұл пән дене тәрбиесіндегі заманауи инновацияларды оқытады. Спорт мектебіндегі педагогикалық үдеріс мазмұнының зияткерлік, адамгершілік, мінез-құлық, жұмылдыру, қозғалыс, коммуникативті, денсаулықты сақтау және денсаулықты қалыптастыратын дене шынықтыру құндылықтарын спорттық дайындықтың әлемдік мәдениетінің жетістіктері мен инновацияларына сүйене отырып меңгеруін қарастырады.

Бұл пән әр елдің қозғалмалы ойындарының пайда болу тарихын; оқушының қимыл-қозғалыс дағдыларын қалыптастыру және дене қабілеттерін дамыту ерекшеліктерін; сабақта және сабақтан тыс уақытта өткізілетін ойындардың әдістемесін оқытады. Жас ерекшеліктеріне байланысты ойын түрлерін таңдауды, ойынның мазмұны мен ережелерін, қозғалмалы ойындар бойынша жарыстарды ұйымдастырып, өткізуді үйретеді.

Бұл пән Қазақстан Респубикасының «Цифрлық Қазақстан» мемлекеттік бағдарламасын енгізу және іске асыру кезеңдерін, электрондық қызмет көрсетудің цифрлық платформаларын, дене шынықтыру және спорт саласында цифрлық технологияларды енгізу және пайдалану тәсілдерін қарастырады. Пән дене шынықтыру және спорт саласы үшін мамандарды кәсіби даярлау үдерісін цифрландырудың ерекшеліктерін оқытады.

Бұл пән көркем гимнастиканың пайда болу және даму тарихын, жаттығулардың әдістемесін, ережелерін, арнайы түрлерін, жарыстарды өткізу кезіндегі талаптарды (спорт залына, жарысқа қатысушыларға қойылатын санитарлық-гигиеналық талаптарды, хаттамалар жасауды және т.б.) оқытады. Гимнасттың жан-жақты үйлесімді дамуына, денсаулығы мен қимыл функцияларын нығайтуға ықпал етеді.

Бұл пән спорт түрінің пайда болу тарихын, жеңіл атлетика түрлері бойынша арнайы қабілеттерді дамытуға, спортшыларды даярлаудың әртүрлі кезеңдерінде қозғалыс дағдылары мен физикалық қасиеттерді қалыптастыруға бағытталған техниканы оқытудың теориясы мен әдістемесін оқытады. Жеңіл атлетикалық спорт түрлері бойынша жарыстарды ұйымдастыруға және өткізуге, жарыс ережелерін жасауға үйретеді.

Бұл пән бадминтон негіздерін, ракетканы ұстау тәсілдерін, қозғалыс техникасын оқыту ерекшеліктерін; допты беру әдістемесін, ракетканың ашық және жабық жағымен төменнен және жоғарыдан соққы беру, допты қабылдау; шабуылдау және қорғану техникасын үйретеді. Жеке және жұптық ойындардағы қимыл әрекет тактикасын оқытады.

Бұл пән жаттығу үдерісінің технологиясын игерудің негізгі әдістері мен құралдары туралы теориялық мәліметтерді оқытады. Күрес түрлері бойынша палуанның қимыл дағдысын қалыптастыру; арнайы және жалпы дамыту жаттығуларының ерекшеліктерін; оқу үдерісінің әртүрлі кезеңдеріндегі жеке қабілеттерін ескере отырып, палуандарды даярлау негіздерін үйретеді.

Пән балалардың инклюзивті дене тәрбиесінің теориясы мен әдістемесінің негіздерін оқытады. Сабақтарды ұйымдастыру мен жоспарлауды қарастырады, жалпы дамыту және түзету жаттығуларын, қолданбалы қимыл әрекеттерін орындау әдістемесінің ерекшеліктерін үйретеді. Мүмкіндігі шектеулі балалардың дене тәрбиесі (ойын түрлері) үшін қажетті материалдық-техникалық жабдықтармен таныстырады.

Пән бейімдік спортты ұйымдастырудың негіздерін, функциялары мен принциптерін үйретеді. Паралимпиадалық спорттың негізгі бағытын қарастырады. Бейімделген спорттың теориясын дамытудың халықаралық тәжірибесін; халықаралық стандарттары мен құқықтық негіздерін; жеке әдістерін; дәрігерлік-педагогикалық бақылау әдістерін оқытады.

Бұл пән білім беру жүйесіндегі жаңартылған мазмұн негізінде білім алушылардың оқу жетістіктерін критериалды бағалауға, бағалау рәсімдерінің сапасын арттыруға, заманауи технологияларды қолдануға оқытады. Сыни тұрғыдан ойлауға, тәжірибе алмасуға, АКТ-ны пайдалануға, жеке және топтық жұмысқа, білім берудің жаңартылған мазмұнының технологияларын пайдалануға үйретеді.

Бұл курста пән әр түрлі топтардың дене шынықтыру жүйесіндегі даму тарихы мен жүзу орнын зерттейді; аква фитнесімен айналысу кезінде моториканы қалыптастыру және физикалық қасиеттерін дамыту ерекшеліктері; суда әр түрлі жастағы топтармен сауықтыру және дене шынықтыру-сауықтыру әдістемесін; жүзу жаттығуларының көпжылдық әдіснамасы; су айдыны бойынша ғылыми, әдістемелік және зерттеу жұмыстарын ұйымдастыру және әдістемесі; аква фитнесімен айналысу кезінде жарақаттану себептері және оның алдын-алу жолдары. Пәнге: адамның су ортасындағы қозғалыстардың жалпы заңдылықтары, жүзудің спорттық әдістері, жүзудің қолданбалы әдісі, жүзуді жаттықтыру әдістемесі, оқыту әдістері, жарыс ережелері және тағы басқалар кіреді.

Пән жүзу тарихын, теориясын; жүзу сабағын өткізу әдістемесін; оқу орындарында жүзу бойынша бұқаралық және спорттық жұмысты ұйымдастыру ерекшеліктерін оқытады. Судағы қауіпсіздік ережелері мен жүзу түрлерінің (кеудемен құлаштап, шалқалап, баттерфяй, брасс) техникасын үйретеді.

Пән теннистің даму тарихын, негізгі терминдерді, ойын құрылымын, ойын техникасы мен тактикасын оқытады. Тіреудің, ұстап алудың, допты ойынға қосу, допты қабылдау әдістерінің, соққылардың техникалық тәсілдерінің әдістемесін үйретеді. Ойын стратегиясы мен тактикасын, ойын алаңында тиімді позицияны таңдауды, жарыстарды ұйымдастыру және өткізуді қарастырады.

Пән баскетболдың пайда болу тарихын, ойын техникасы мен тактикасын оқытады. Допты әртүрлі әдістермен (Кеудеден, жоғарыдан, төменнен, қапталдан, жасырын) беру, ұру, алып жүру, себетке лақтыру, допты иелену, жырту, қайтару, жабу, ұру тәсілдерін үйретеді. Баскетболда жарақаттанудың алдын алу және сабақ өткізу кезінде қауіпсіздік техникасын сақтау туралы хабарлайды. Жарыстарды ұйымдастыру және өткізу негіздері туралы ақпарат береді.

Бұл пән волейбол тарихын, ойын техникасы мен тактикасын, төрешілік ережелерін, физикалық, психологиялық және теориялық дайындықты, либеро ойыншысының қызметін үйретеді. Әр түрлі деңгейдегі жарыстарды ұйымдастыру және өткізу ережелерімен таныстырады. Тірек-қимыл жүйесін нығайтуға, дененің барлық функцияларын жақсартуға, физикалық қабілеттерін дамытуға (жылдамдық, ептілік, күш, төзімділік, икемділік) ықпал етеді.

Пән мини-футбол негіздері мен ойын ережелерін оқытады; допты тепкілеу, допты тоқтату, допты баспен ұру, допты жонглинг, алдамшы қозғалыстар (финт). Қақпашы ойынының техникасы мен тактикасын, мини-футболдың техникалық және тактикалық ерекшеліктерін үйретеді.

Пән гандболдың пайда болуы мен даму тарихын; ойынның ережелері мен мазмұнын, жарыстарды өткізу шарттарын оқытады. Гандболшының дене қасиеттерін дамытуды; ойынның техникалық және тактикалық тәсілдеріне оқытудың принциптерін, құралдары мен әдістерін; гандболды халықтың әртүрлі санаттарымен ұйымдастыру және өткізу қағидаларын қарастырады. Жарыс хаттамалары мен ойын кестесін құруды, әртүрлі деңгейдегі жарыстарды өткізуді үйретеді.

Пән отырып ойнайтын волейболды оқытудың тарихы мен негіздерін, отырып ойнайтын волейболдан спортшылардың дене дамуының ерекшеліктерін оқытады. Материалдық-техникалық қамтамасыз ету, физикалық, техникалық, тактикалық және интегралды оқыту әдістемесін қарастырады. Нұсқаушы және төрешілерді даярлауды, отырып ойнайтын волейболдан жарыстар ұйымдастыруды үйретеді.

Бұл пән спорттық-сауықтыру кәсіпорындарын ұйымдастырудың негіздері мен принциптері туралы оқытады. Спорттық-сауықтыру іс-шараларын ұйымдастыруды, спорттық-сауықтыру іс-шараларын өткізу кезінде жарақаттанудың алдын алуды, спорттық-сауықтыру сервисінің орындаушылары мен тұтынушылары арасында салауатты өмір салты ұғымын қалыптастыруды қарастырады.

Бұл пән ұлттық спорт түрлерінің теориясы мен әдістемесін оқытады. Мұғалім мен жаттықтырушының өзіндік жұмысы үшін қажетті ұлттық спорттық және қимыл ойындарының тарихын, дағдылары мен техникасын үйретеді. Оқытудың ұжымдық, топтық және жеке формаларын қарастырады.

Бұл пән ерекше қажеттіліктері бар адамдардың дене тәрбиесі мен спорт жүйесіндегі паралимпиадалық спорт түрлерінің теориялық негіздерін қарастырады. Арбадағы баскетболды оқыту негіздерін, ережелердің ерекшеліктерін, ойын техникасы мен тактикасын, халықаралық, республикалық, қалалық және т.б. деңгейлерде жарыстарды ұйымдастыру және өткізу ерекшеліктерін үйретеді.

Пән Қазақстан Республикасындағы және шетелдегі футболдың даму тарихымен, футболдағы техника, тактика эволюциясы және ойын ережелерімен таныстырады. Топтық және жеке өзара әрекеттесуге үйретеді. Спорттық дайындықтың бастапқы кезеңінде гигиеналық нормалар мен қауіпсіздік ережелерін қарастырады. Оқу-жаттығу процесін өткізу кезінде шабуылда және қорғаныста қажетті футболшылардың дене дайындығына қойылатын талаптармен таныстырады.

Бұл пән көшбасшылық және оның белгілерін, бәсекелестік және көшбасшылар арасындағы қатынасты, спорттағы жетекшілік және көшбасшылықты, көшбасшы болудың белсенді тәсілін қарастырады. Таңдалған спорт түріндегі спорттық дайындық үдерісін басқаруды, жаңадан келген спортшылар мен жоғары спорттық разрядтағы спортшыларды даярлау жүйесін, жарыстарды ұйымдастыруды, таңдалған спорт түрінен оқу-жаттығу жиындарын өткізуді оқытады.

Пән үстел теннисінің тарихын, Қазақстанда және шет елдерде дамуын оқытады. Ракетканы ұстау тәсілдерін, тіреулер, қозғалыс және беру техникасына бастапқы оқыту әдістемесін үйретеді. Негізгі соққылардың (кесу, орау), "стенд", "шам" техникасын оқытудың ерекшеліктерін, жеке және жұптық ойындардағы техникалық және тактикалық әрекеттерді қарастырады.

Бұл пән қазақ күресін оқытудың ерекшеліктерін; қазақ батырларының жауынгерлік жорықтар мен аумақты қорғау кезінде күрестің осы түрін қолдану тарихын қарастырады. Пән студенттердің күш, ептілік, шыдамдылық, икемділік дене қабілеттері мен қимыл дағдыларын және сенімділік, ерік-жігер, жеңіске жетуге деген ұмтылыс сияқты мінез-құлық қасиеттерін жүзеге асыруды үйретеді.

Бұл пән регбидегі ойын және спорттық іс-әрекеттің негізгі ұғымдарын оқытады. Топтық және командалық іс-қимыл әдісін, екі ойыншының өзара әрекетін, қауіпсіздік, жеке және аймақтық қорғаныс жүйесін қарастырады. Ойынның техникалық-тактикалық әдіс-тәсілдерін, физикалық және психологиялық дайындық негіздерін, жарыстарды ұйымдастырып өткізу әдістемесін үйретеді.

Дене шынықтыру және спорт саласындағы спорттық-сауықтыру сервисі мен инклюзивті педагогикалық үдерісті ұйымдастырудың ғылыми негізделген құралдары мен әдістерін пайдалану.

Жынысы мен жасын ескере отырып, адам ағзасының анатомиялық-физиологиялық ерекшеліктері туралы білімді қолдану, сондай-ақ дене шынықтыру-спорттық қызметте білім алушылардың жеке ерекшеліктерін ескеру. Дене шынықтыру-спортпен шұғылдану барысында адам ағзасының қимыл-қозғалысқа бейімділігін анықтау және жасушалардың, тіндердің, мүшелердің, функционалды жүйелердің өмірлік процестерін қарастыру.

Спорт түрлері бойынша әртүрлі деңгейдегі жарыстарды ұйымдастыру және өткізу; физикалық қасиеттерді дамыту әдістемесін пайдалану және оқудан тыс жұмысты ұйымдастыру; көшбасшылық қасиеттерді дамыту.

Жан-жақты дамыған тұлғаны қалыптастыруға ықпал ететін жаратылыстану, әлеуметтік-гуманитарлық ғылымдар саласындағы базалық білімді қолдану.

Дүниетанымдық ұстанымды қалыптастыру үшін іргелі білімді қолдану, Қазақстан халқының мәдени байлығын, салт-дәстүрін және мұрасын өз бетінше игеру, әлеуметтік, этникалық, саяси, діни және мәдени айырмашылықтарды толеранттылықпен қабылдай отырып азаматтық ұстанымын қалыптастыру, қоғамның тарихи дамуының негізгі кезеңдері мен заңдылықтарын талдау.

Дене шынықтыру және спорт саласындағы негізгі ұғымдарды түсіндіру. Кәсіби міндеттерді шешуде гуманитарлық және спорт ғылымдарының жүйеленген теориялық және практикалық білімдерін қолдану. Спорттың әр түрінен жарыстар өткізу, хаттамалар жазу, ойын түрлерінің техникасын және дене тәрбиесінің принциптерін, ойын әдістерін, қимыл-қозғалыс әрекеттерін үйрету, төрешілік ережелерді, жесттерді көрсету, тез шешім қабылдау, ойын қорытындысын талқылау және тұжырымдау.

Инновациялық педагогикалық технологияларды, сондай-ақ заманауи ақпараттық-коммуникациялық технологияларды дене шынықтыру және спорт саласында қолдана отырып, кәсіби қызметте стандартты және стандартты емес міндеттерді шешу.

Дене шынықтыру және спорт бойынша оқу, сыныптан тыс және мектептен тыс қызметті ұйымдастыру кезінде психологиялық-педагогикалық білімдерді қолдану; психологиялық-педагогикалық диагностика жасау, талдау және синтез негізінде кешенді мониторингті жүзеге асыру; педагогикалық рефлексияға қабілетті болу, спорттық мәдениетті үнемі жетілдіру.

Дене шынықтыру және спорттың теориялық-әдістемелік негіздерін, базалық спорт түрлерінің техника негіздерін оқыту, оқу-әдістемелік материалдарды әзірлеу және белгілі бір спорт түрі бойынша оқыту әдістемесін анықтау, сондай-ақ дене шынықтыру және спорт сабақтарын өткізу кезінде жарақаттанудың алдын алу ерекшеліктерін үйрету.

Тұлғааралық және мәдениетаралық қарым-қатынас мәселелерін қазақ, орыс және шет тілдерінде шешу (сөйлеу, жазу, логикалық дұрыс және дәлелді ойлау).

Оқытудың заманауи әдістерін, нысандарын, құралдарын, дене шынықтыру және спорт саласындағы жаңартылған білім беру мазмұны шеңберінде оқыту нәтижелерін бағалаудың қазіргі заманғы құралдарын пайдаланудың практикалық дағдыларын тәжірибеде көрсету және қолдану.