8D02309 Лингвистика в Әл-Фараби атындағы Қазақ ұлттық университеті

Пәннің мақсаты: сөз ағымындағы интонация мен просодиканың мазмұндық ерекшелігі мен оның коммуникативтік қызметі туралы білімдер жүйесін қалыптастыру. Курс - интонация бірліктерін, өзіндік ерекшелігі мен ішкі заңдылықтарын игере отырып, интонация мен просодиканы өзара ажыратуға, олардың қызметі туралы теориялық білімдер жүйесін ғылыми деректер негізінде меңгертуге; - сөз ағымындағы әртүрлі мағыналық реңктерді, ерекшеліктер мен өзгерістерді ажырату үшін интонациялық компоненттер (әуен, әуез, ұзақтылық пен қарқын, дауыс қаттылығы) туралы түсінік қалыптастуруға; - интонациялық компоненттерді талдау барысында оны практикада жүзеге асыруға бағытталған.

Пәнді оқыту мақсаты - тілдің паремиялық фондын халық менталдылығының көрінісі ретінде сипаттау қабілетін қалыптастыру; фразеологизмдердің мәдени-маңызды интерпретациясының дереккөзін түсіндіру, паремияның ұлттық танымды сипаттайтын мәдени компоненттерін талдау. Пән базалық әмбебап категориялармен сәйкес келетін концептілерге негізделген когнитивтік құрылым ретіндегі әлемнің мақал бейнесін оқытуға бағытталған.

Докторанттарды мәдениаралық коммуникацияның қазақи үлгісі бойынша зерттеулер жүргізудің әдіс тәсілдерін меңгерту. Курс: - мәдениаралық коммуникация теориясының негізгі ұғымдарын; - лингвомәдени бірлік типологиясы, мәдени шок ұғымы, мәдениаралық коммуникация процесінің этаптарын; - этникалық топты сипаттайтын лингвомәдени бірліктерді; - ҚР дағы мәдениаралық коммуникация процесінің тенденцияларды меңгертуге бағытталған.

Лингвистика саласы бойынша докторанттардың ғылыми жазылым құзіреттілігін дамыту. Курсты оқыту академиялық ортада эффективті қатынас жасай білу дағдысы қалыптасқан жоғары білікті докторанттар дайындау үшін жазба ғылыми коммуникациялық құзыреттіліктерін қалыптастыру және дамытуға бағытталған.

Пәннің мақсаты: лингвистикалық зерттеу жүргізу қабілетін қалыптастыру. Оқу курсы өзіне тән анализ принциптері, теориялық негіздері, процедуралары мен тәсілдеріне негізделген лингвистикалық зерттеу әдіснамасын түсінудің негізін қалыптастырады. Пән интернет-ресурстардың, мультимедиялық құралдардың, ғылыми сайттардың, деректер қорының көмегімен зерттеу тәсілдерін интенсификациялауға бағытталған.

Пәннің мақсаты когнитивизм ғылымы аясында тіл мен ойлау дамуының философиялық негізін қарастыру, әр дәуір кезеңіндегі отандық және шетелдік философ, лингвистердің осы мәселеге қатысты тұжырымдарын жүйелеу. Пән: - когнитивтік ғылымдар деңгейінде анықталатын тіл мен ойлау қатынасын зерттеген ғылыми деректердің тарихын; - тіл мен ойлаудың қатынасын зерттеген, когнитивизмнің қарқынды дамуына үлес қосқан ірі антикалық философтар мен қазіргі ғалымдардың тұжырымдарын; - ментальді модельдердің негізгі әдістері мен құрылу тәсілдерін меңгертуге бағытталған.

Пәннің мақсаты – лингвоелтанудың негізгі теориялық және әдістемелік ереже-ұстанымдарын меңгерту; қазақ тіліндегі реалийлер мен лакуналардың ұлттық-мәдени сипатын айшықтап, қазақ халқының мәдени ассоциациялары мен ұлттық құндылықтарын бейнелейтін тілдік құралдар ерекшеліктерімен таныстыру, сондай-ақ лингвоелтанымдық зерттеу жүргізу құзыреттілігін қалыптастыру. Пән -негізгі лингвоелтанымдық тұжырымдар мен анықтамаларды; лингвомәдениеттанымдық бірліктер мен лингвоелтанымдық бірліктер айырмашылықтарын; - лингвоелтану саласына қатысты ұғымдар мен терминдерді; - лингвоелтанымдық талдаудың өзіндік жүйесін меңгертуге бағытталған.

- Пәннің негізгі мақсаты – когнитивті лингвистика құрылымында ономастикалық концептілер мен категорияларды анықтау қабілеттерін қалыптастыру. Пән ономастикалық зерттеулердің когнитивтік әдістерін; ономастикалық атаулардың когнитивтік семантикаларын; ономатсикалық тұрғыдан тіл мен танымның, тіл мен мен мәдениеттің сабақтастығын меңгертуге бағытталған. Пәнді оқытуда: ономастикалық атаулардың лингвокогнитивтік ерекшеліктері; жалқы есімдердің қызметі, оның түрлері; ұлттық ономастика ғылымындағы дәстүрлі құрылымдық зерттеу бағыты мен жаңа лингвокогнитивтік бағыттың өзара айырмашылығы т.б. қарастырылады.

Пән мақсаты: тіл туралы ғылым белгілерінің ежелгі дәуірлерде пайда болуы мен кейінгі кезеңдердегі дамуы туралы және түрлі тарихи кезеңдердегі лингвистикалық мектептер мен ағымдар, бағыттар, сондай-ақ түрлі елдердегі ойшылдар мен лингвист ғалымдардың ғылыми концепциялары және олардың лингвистика ғылымындағы орны туралы терең білім мен лингвистикалық талдау жасау қабілетін қалыптастыру. Пән тіл философиясының дамуының негізгі тарихи кезеңдерін, тіл білімінің философиялық мәселелері мен тіл білімінің философиялық-методологиялық базасының ерекшеліктерін, аналитикалық философияның негізгі концепцияларын, герменевтиканы, структурализмді зерттеуге бағытталған.

Пәннің мақсаты - Этномаркерлік лексика мен фразеологизмдерді көпаспектілі талдау дағдыларын қалыптастыру, сондай-ақ әлемнің этникалық бейнесін қалыптастырудың ерекшеліктері және халықтың менталитеттің тілдегі көрінісінің формалары мен категорияларын меңгерту. Пән: қазақ тіл білімінде дүниенің тілдік бейнесін этнотаңбалар мен этнотілдік сана арқылы тану заңдылықтарын зерттеуге, тіл мен мәдениет тоғысындағы мәдени коды ашылмаған, жаңғыртылмаған лингвокультуремалардың бойындағы ұлт құндылықтарын, халықтың дәстүрлі өмір тіршіліктерін, өмірлік құндылықтарын анықтауға бағытталған.

Пәннің мақсаты – қазақ ауызша тілінің фонетикалық, морфологиялық, синтаксистік, лексикологиялық деңгейлерінің өзіндік ерекшеліктері, жазба тіл мен ауызша тілдің ұқсастығы мен айырмашылығы туралы түсінік қалыптастыру. Пән: болашақ тіл маманының коммуникативтік құзыреттілігін арттыру мақсатында қазақ ауызша сөйлеуі мен жазба мәдениетінің этикалық, коммуникативтік, тілдік нормаларын меңгертуге, көпшілік алдында дұрыс сөйлеу дағдысын қалыптастыруға бағытталған.

ON1. Өзіндік нәтижені қамтамасыз ететін заманауи ғылыми парадигмалар мен зерттеу технологиялары аясында Лингвистика саласындағы ғылыми зерттеулердің кешенді процесін өз бетінше жоспарлау және жүзеге асыру.

Лингвистика және аралас гуманитарлық ғылымдар тұжырымдамалық және әдіснамалық аппараттарын пайдалана отырып, күрделілігі әртүрлі деңгейдегі стандартты емес зерттеу міндеттерін кәсіби деңгейде шешу.

Лингвомәдениеттану, когнитивтік лингвистика, лингвоелтаным саласындағы терең жүйелік білім негізінде этномаркерлі лексикадағы елтанымдық бірліктердегі мәдени семантикаларды игеру және алған білімдерін теориялық, практикалық әрекетте этномаркерлі дискурста қолдану;

Сөйлеу лингвистикасы, сөз мәдениеті, функционалды лингвистика саласындағы терең жүйелік білім негізінде сауатты сөйлеу технологиясын меңгеру;

Когнитивтік ономастиканың әдіс-тәсілдерін игеру және ономастикалық атаулардың концептілік құрылым ерекшелігін айқындай білу;

Тіл философиясындағы феноменология, герменевтика, аналитизм, постмодернизм бағыттарының ғылыми негізін, тіл мен ойлаудың қатынасын зерттеген, когнитивизмнің қарқынды дамуына үлес қосқан ірі антикалық философтар мен қазіргі ғалымдардың тұжырымдарын түсінеді;

Интонация бірліктерін, өзіндік ерекшелігі мен ішкі заңдылықтарын игере отырып, интонация мен просодиканы өзара ажыратады. Олардың қызметі туралы теориялық білімдер жүйесін ғылыми деректер негізінде меңгереді;

Ғаламның тілдік бейнесінің фразеологиялық фрагментін және паремиологиялық бірліктердің сөзжұмсамдағы қолданыстық ерекшеліктерін меңгеріп шығады;

ҚР дағы мәдениаралық коммуникация процесінің тенденцияларды, мәдениаралық коммуникацияның қазақи моделін т.б. білуі тиіс;

Ауызша шаршысөздің құрылымы мен прагматикасының теориялық негіздерімен танысып, көпшілік алдында дұрыс сөйлеу дағдысын қалыптастырады;

Зерттеулер мен эксперименттер барысында алынған нәтижелерді импакт-факторы жоғары ThomsPO-Reuters және Scopus халықаралық деректер қорына енетін журналдарда және жоғары аттестаттау комитетінің тізіміне енетін ғылыми жарияланымдарда жүзеге асыру, халықаралық конференцияларда ұсыну;

Инновациялық педагогикалық технологияларды қолдану, лингвистика пәндерін жүргізуде методикаларды қолдану, әдістемелік нұсқаулар мен әдістемелік құралдарды, бағалалау инструменттерін жасау.