7M06109 1Ақпараттық жүйелер (КМККАУ) в Әл-Фараби атындағы Қазақ ұлттық университеті

Пәннің мақсаты – кәсіпорын ресурстарын тиімді басқару мақсатында ақпараттық жүйелерді пайдалану қабілетін қалыптастыру. Қарастырылатын тақырыптар: Процестерге стратегиялық көзқарас: тиімділік және нәтижелілік тұжырымдамалары. Ұйымның функционалды бағыттарын интеграциялау. Процестердің компанияның қаржылық, клиенттік және өнімдік мақсаттарына сәйкестігі. Бизнес-процестерді автоматтандыру. Автоматтандырудың жұмыс тәжірибесіне әсерін зерттеу. Корпоративтік ақпараттық жүйелердің архитектурасы. Кластерлік жүйелер. Электрондық құжат айналымы жүйелері. Корпоративтік пошта қызметтері. Ақпараттық жүйелерді интеграциялау. Белсенділік диаграммалары мен бизнес-процестерді модельдеу (BPMN) нотациясын қолдану. Бизнес-процестерді модельдеу құралдары. Қауіпсіздік пен процестерге сәйкестікке қол жеткізу. Жеткізілім тізбегін басқару (SCM). Клиенттермен қарым-қатынасты басқару (CRM). Кәсіпорындарды басқару жүйелері (ERP). Процестердің үздіксіздігі: құрылымдалған және құрылымдалмаған процестер. Корпоративтік деңгейдегі ақпараттық жүйелерді жобалау, интеграциялау және енгізу әдістері мен тәжірибесін зерттеу.

Пәннің мақсаты: дүниеге көзқарастың ерекше формасы ретіндегі философия туралы тұтас жүйелі түсінік, болашақ кәсіби әрекет шеңберінде оларды оқытудың әдістері мен мәселелерітуралы түсінік қалыптастыру. Пәнді оқытудың нәтижесінде қабілеттерге ие болады: философияның тарихи даму шеңберінде метафизика мен онтологияның негізгі мазмұнын сипаттау; дүниені танудың философиялық және ғылыми әдістерін жүйелеу; кəсіби саладағы мəселелердің философиялық мазмұнын анықтауға жəне талқылауға арналған нəтижелерді ұсынуға байланысты зерттеулер жүргізу.

Пәннің мақсаты – зерттеулерді, тәжірибелерді және дәлелді мәліметтерді жинауды жоспарлау және жүргізу қабілеттерін қалыптастыру. Қарастырылатын тақырыптар: Ғылыми зерттеу және оның кезеңдері. Ғылыми зерттеудің теориялық және тәжірибелік әдістері. Ғылыми зерттеу принциптері. Теориялық және тәжірибелік зерттеулерді талдау және қорытынды тұжырымдау. Ғылыми ақпарат: іздеу, жинақтау және өңдеу. Ғылыми ақпарат көздері. Патенттік зерттеулер. Техникалық және зияткерлік шығармашылық және оны құқықтық қорғау. Инновациялар туралы заң. Ғылыми зерттеу кезеңдері. Зерттеу жұмыстарын орындау үшін құжаттаманы әзірлеу технологиялары. Ғылыми-зерттеу құжаттамасын жүргізу бойынша стандарттар мен талаптар.

Пәннің мақсаты – ұйымның стратегиялық мақсаттарына қол жеткізуге бағытталған жүйелер құру үшін АЖ жобасының сапасын, тәуекелдерін және өзгерістерін басқару қабілетін қалыптастыру. Қарастырылатын тақырыптар: Жобаның өмірлік циклі. Жобаның мүдделі тараптары. Жобаның ұйымдастырушылық құрылымы. Ақпараттық технологиялар (АТ) жобаларын басқарудың стандарттары мен әдістері. Жобаның техникалық-экономикалық негіздемесі. Қарым-қатынасты басқару стандарттары мен әдістері. Тәуекелді бағалау әдістері. Тәуекелдерді басқару. Тәуекелдерді басқарудың стандарттары мен әдістері. Өзгерістерді басқару құралдары. Өзгеру процесі. Өзгерістерге ынталандыру және кедергілер. Өзгерістерді басқару көрсеткіштері. Өзгерістердің диагностикасы және тұжырымдамасы. Жобаның бюджеті. АТ жобасын құжаттау. Ғылыми жобаларды басқарудың ерекшеліктері.

Пәннің мақсаты – кәсіпорындардың іскерлік мақсаттарына қол жеткізуге және жаңа бәсекелік артықшылықтарға ие болуға бағытталған шешімдер қабылдау үшін ақпараттық жүйелерді дамытуды басқару әдістерін қолдану қабілетін қалыптастыру. Қарастырылатын тақырыптар: Ақпараттық ресурстарды стратегиялық пайдалану. Ақпараттық жүйелерді стратегиялық талдау модельдері. АЖ стратегиялық талдау модельдерін зерттеу. Ақпараттық жүйелердің стратегиялық үшбұрышы. АЖ-дің ұйымдық құрылымы мен процестерге әсері. Бәсекелестікті анықтаудағы және қалыптастырудағы АЖ-дің рөлі. Ақпараттық технологиялар саласындағы жетістіктер мен тенденцияларды зерттеу. Стратегиялық ақпараттық жүйелерді басқару. Стратегиялық ақпараттық технологиялар аудиты. Ақпараттық технологиялар саласындағы инвестициялар мен операцияларды қаржыландыру және тиімділігін бағалау. Ақпараттық технологияның ресурстары мен мүмкіндіктерін игеру. Инфрақұрылымның мүмкіндіктерін иемдену. Ақпараттық жүйелер қызметтері. Ақпараттық жүйелерді сатып алу. Ақпараттық технологияларды басқару шекараларын қолдану. Тәуекелдерді басқару. Бизнестің үздіксіздігін басқару. Қауіпсіздік және құпиялылықты басқару.

Пәннің мақсаты – ұйымның бизнес-процестерін формалды түрде сипаттау және ақпараттық жүйелердің (АЖ) архитектурасын құру қабілетін қалыптастыру. Қарастырылатын тақырыптар: Бизнес-талдау негіздері және жүйелік талдау әдістері. Ұйымның бизнес-процестерін қалыптастыру принциптері. Ұйымның бизнес-процестерін талдау және модельдеу. Кәсіпорын архитектурасының үлгілерін зерттеу. Қолданыстағы АЖ архитектурасын талдау. АЖ талаптарын анықтауға арналған техникалық процестер. АЖ архитектурасы концепциялары. Архитектураны құрудың әдістері мен модельдері. Архитектуралардың жіктелуі. Архитектуралық шаблондар, стильдер, шектеулер. Архитектуралық жобалау процесі. Архитектура компоненттері. Архитектураның техникалық-экономикалық негіздемесі. Ақпараттық жүйелерді жобалау және дамыту, ақпараттық қауіпсіздік салаларындағы стандарттар, салалық заңдар. Архитектура компоненттерінің сенімділігін бағалау. АЖ архитектурасына қойылатын талаптарды әзірлеу. Кәсіпорындардың архитектуралық тәсілі. Архитектура компоненттерінің жұмыс өнімділігін қамтамасыз ететін модельдер. Жүктемелерді теңестіру. Архитектура компоненттерінің өзара әрекеттесуіне арналған хаттамалар. Архитектураны жүзеге асыру технологияларын таңдау. Архитектураны құру процесі. Архитектураны құру процесін құжаттандыру. АЖ нормативтік-құқықтық құжаттамасы. АЖ архитектурасын жобалаудың сәтті тәжірибелерін зерттеу.

Пәннің мақсаты: Басқару психологиясының іргелі ұғымдарын меңгеру негізінде магистранттардың практикалық дайындығын қамтамасыз ету, кәсіби қалыптасу үрдісінде басқару саласының ең маңызды аспектілерін теориялық түсіну және практикалық пайдалану үшін алғышарт жасау. Пәнді меңгеру нәтижесінде магистранттар келесі құзыреттерге ие болады: -негізгі заманауи психологиялық теорияларды және тәсілдерді білу; -әріптестермен оңтайлы психологиялық қарым-қатынас орнату және қолдау; -қызмет саласында психологиялық білім мен дағдыларды қолдану.

Курсты оқу барысында магистранттар АЖ техникалық мүмкіндіктерін қоса алғанда, компанияның процестеріне кешенді аудит жүргізу және ұйымдастырудың әдістері мен құралдарын игереді. АКТ сапа саясатын меңгереді. Ақпараттық қауіпсіздіктің халықаралық және ішкі стандарттарын қарастырады. Аудиторлық тексерулерге негізделген нормативтік құқықтық актілер. IT технологиясының тенденциялары. АКТ тәуекелдерін басқару. Аудиторлық қорытынды жасау

Пәннің мақсаты – корпоративтік деңгейдегі желілерді дамыту және олардың қауіпсіз жұмысын басқару қабілеттерін дамыту. Пәннің аясында келесі тақырыптар қарастырылады: Корпоративті желілердің құрылымы мен архитектурасы. Желіні иерархиялық жобалау. Корпоративтік желілерді құру технологиялары. Желілік жабдыққа қойылатын талаптар. Желілік жабдықты орналастыру. Желілік жабдықтың күйін диагностикалық тексеру. Қателіктер мен өзгерістерді басқару. Желілік деңгей қызметтері. Желілік қауіпсіздік қағидалары. Корпоративті желі қауіпсіздігін басқару. Жүйелік тапсырмаларды автоматтандыру. Деректерді ұйымдастыру. Деректердің тұтастығы. Қолданбалы қызметтер. Желіні басқару. Желінің өнімділігін талдау. Корпоративтік желіні жаңартуды жоспарлау. Корпоративтік желінің қауіпсіздігін қамтамасыз ету бойынша отандық және шетелдік авторлар еңбектерін талдау.

Пәннің мақсаты: Халықаралық стандарттарға сәйкес шет тіліндегі коммуникативтік құзыреттілікті арттыру және шет тілде болашақ магистранттың мәдениетаралық және кәсіби қызметінде байланыс құралы ретінде пайдалануға үйрету. Пәнді меңгеру нәтижесінде магистранттар келесі құзыреттерге ие болады: -кәсіби қызмет міндетін шешу үшін шет тілінде түрлі формада қарым-қатынас жасау; -кәсіби деңгейде шет тілін оқыту саласындағы теория мен практиканың күрделі мәселелерін анықтау; -магистранттардың кәсіби қызметін жүзеге асыруға қажетті сөздік қорын кеңейту.

Мақсаты - жоғары оқу орындарының дидактикасы, тәрбие мен білім беруді басқару теориялары, педагогикалық қызметті талдау және өзін-өзі бағалау білімдері негізінде университетте педагогикалық іс-әрекеттің қабілетін қалыптастыру. Курс болашақ оқытушының білім беру қызметін оқытудың кредиттік технологиясын қолдана отырып жобалауды,Болон процесін жүзеге асыруды,дәріскерлік,кураторлық шеберлікті оқыту/тәрбиелеу және бағалау стратегиялары мен әдістерін қолдана отырып (TLA-стратегиялар)игеруді қарастырады.

Пәннің мақсаты – ақпараттық жүйелерді талдау, модельдеу және жобалау әдістері мен технологияларын қолдану қабілетін қалыптастыру. Қарастырылатын тақырыптар: Жүйелер теориясының негізгі ережелері. Жүйелік талдау және жүйелік тәсіл. Ақпараттық жүйелерді жобалауға арналған технологиялар. Ақпараттық жүйелердің өмірлік циклінің процестері мен модельдері. Мәліметтер ағынын модельдеу. Ақпараттық жүйелерді жобалаудың негізгі әдістемесі. CASE технологиясы негізінде ақпараттық жүйелерді автоматтандырылған жобалау. CASE-құралдардың құрамы мен жіктелуі. CASE-құралдарды енгізу технологиясы. UML бірыңғай модельдеу тілінің негізінде жобалау. Жобалау процесін құжаттау.

Пәннің мақсаты: мәліметтерді тиімді сақтау мен ұйымдастырудың зерттелген әдістерін қолдана отырып, мәліметтер қоймаларын жобалау және талдау қабілеттерін қалыптастыру. Қарастырылатын тақырыптар: Мәліметтер архитектуралары. Мәліметтер қоймасы және мәліметтерді өңдеуге арналған OLAP технологиясы: мәліметтер қоймасы, көпөлшемді мәліметтер моделі, мәліметтер қоймасының архитектурасы. Реляциялық және гибридтік қоймалар. Мәліметтер қоймасын жобалау тәсілдері мен әдістемесі. Бастапқы мәліметтерді талдау және түрлендіру. Мәліметтерді интеграциялау мәселесі. Мәліметтерді интеграциялау концепциялары, процестері және әдістері. Мәліметтерді түрлендіру, жинақтау және тазарту. Мәліметтер қоймасын талдау әдістерін зерттеу. Виртуалды мәліметтер қоймалары. Мәліметтер текшесінің дамуы: мәліметтер қоймасынан мәліметтерді интеллектуалдық қалдауға дейін. Мәліметтер текшесін есептеу және мәліметтерді жалпылау: мәліметтер текшесін есептеудің тиімді әдістері.

Пәннің мақсаты – қолданушылық интерфейсті жобалау және құру технологияларын қолдану қабілетін қалыптастыру. Қарастырылатын тақырыптар: Қолданушылық интерфейстің модельдері. Тиімді интерфейс критерийлері. Қолданушылық интерфейстің стильдері Қолданушылық интерфейсті жобалау ережелері. Интерфейсті жобалау стандарттары мен принциптері. Пайдаланудың оңтайлылығы туралы түсінік. Мақсатты аудиторияны зерттеу. Қолданушылық интерфейсті жобалаудың отандық және шетелдік тәжірибесін зерттеу. Қолданушылық интерфейсті құру кезеңдері. Қызмет ету ортасы және программалық жабдықтама үйлесімділігі. Адам мен машинаның өзара әрекеттесу сапасының атрибуттары. Көрнекі дизайн. Интерфейсті тестілеу. Қолданушылық интерфейсті құру процесін құжаттау.

Пәннің мақсаты – бизнестің үздіксіздігін қамтамасыз ету үшін қауіпсіздікті басқару жүйелерімен жұмыс істеу қабілетін қалыптастыру. Пәнді оқу барысында төмендегі мәселелер қарастырады: Ұйымның ақпараттық қауіпсіздігінің міндеттері. Ұйымның ақпараттық қауіпсіздігін қамтамасыз ету бойынша ішкі және халықаралық стандарттар, нормативтік құжаттар. Ақпараттық қауіпсіздік тұрғысынан бизнес-процестерді талдау. Ақпараттық қауіпсіздіктің түсінігі мен модельдері. Ақпараттық қауіпсіздікті қамтамасыз етудің техникалық құралдары. Ақпараттық қауіпсіздік саясатының модельдері. Ақпараттық қауіпсіздік процедураларын құжаттандыру. Кіруді басқару және сәйкестікті басқару. Аутентификация, авторизация және есеп (AAA). Қауіпсіздік саясаты. Құпиялылық саясаты (BLP үлгісі). Адалдық саясаты. Қауіпсіздік саясаты. Гибридтік саясат. NIST модельдері, Қауіпсіздік сәулетінің дизайны, Үздіксіздікті жоспарлау. Деректерді қорғау. Қауіпсіз дизайн принциптері.

Пәннің мақсаты: мәліметтерді талдау үшін машиналық оқытудың алгоритмдері мен құралдарын қолдану қабілетін қалыптастыру. Қарастырылатын тақырыптар: Машиналық оқытудың негізгі түсініктері. Оқыту түрлері. Машиналық оқыту алгоритмдері. Машиналық оқыту үшін мәліметтерді өңдеу және дайындау. Мәліметтерді жіктеу және кластерлеу. Машиналық оқыту моделін құру. Машиналық оқыту модельдерінің сапасын бағалау әдістері. Машиналық оқыту технологиясы енгізілген жүйелер. Мәліметтерді талдау және өңдеуге арналған программалау тілдері.

Пәннің мақсаты: әртүрлі қызмет салаларында шешім қабылдау жүйелерін талдау, жобалау және жүзеге асыру қабілеттерін қалыптастыру. Қарастырылатын тақырыптар: Шешім қабылдау модельдері мен теориясы. Шешім қабылдау есебінің формалды қойылымы. Шешім қабылдау кезеңдері. Іскерлік шешімдер қабылдау процесін талдау. Көп мақсаттар жағдайында шешім қабылдауды модельдеу. Тәуекел және белгісіздік жағдайында шешім қабылдауды модельдеу. Шешім қабылдауды қолдау үшін компьютерді қолданудың әдістемелік қиындықтары. Шешімді қолдау жүйелері: мүмкіндіктері, негізгі элементтері, пайдалану мысалдары. Шешімдерді қолдау жүйелерінің қосымшалары. Шешімдерді қолдау жүйесін жобалау, әзірлеу және енгізу.

Пәннің мақсаты: мәліметтер арасындағы жасырын қатынасты анықтау мақсатында мәліметтерді өңдеу құралдарымен жұмыс істеу қабілетін қалыптастыру. Қарастырылатын тақырыптар: Бизнес талдау жүйелері концепциясы. Бизнес талдаудың архитектуралық стегі, негізгі функциялары. Бизнес талдаудың бағалау критерийлері және нақты анықтамалар, Бизнес талдау архитектурасы және нарықтағы компоненттері. Мәліметтерді интеллектуалды талдау алгоритмдерін зерттеу. Кәсіпкерлік есеп беру жүйелерінің компоненттері және құрылымы. Деректерді визуализациялау, диаграмма түрлері және бақылау тақталары. Бизнес талдаудың өмірлік циклы. Бизнес талдау құралдары. Жетілдірілген / дамып келе жатқан бизнес талдау технологиялары, бизнес талдаудың болашағы.

Пәннің мақсаты – әртүрлі веб-іздеу технологияларының мүмкіндіктерін талдау және бағалау, веб-іздеу жүйесін жобалау үшін мәліметтер алу модельдерін пайдалану қабілеттерін қалыптастыру. Қарастырылатын тақырыптар: Ақпаратты іздеуге кіріспе. Жалпы мақсаты іздеу жүйесінің архитектурасы. Веб-іздеу технологиялары: веб-роботтар, белгілеу технологиялары, сілтемелерді талдау технологиялары, қолданушы профилін талдау технологиялары. Мәтіндік файлдарды сөздер бойынша индекстеу және шығару. Мәліметтерді алу модельдерін зерттеу. Мәліметтер базасының құрылымы. Сұраныс үшін мәтіннің маңыздылығын өлшеу. Мәтінді кодтау: токенизация, стеблирлеу, лемматизация, шулы сөздер, тіркестер. Векторлық кеңістікті іздеу моделі. Құжаттарды санау. Косинус өлшемі. Мәліметтерді кластерлеуге кіріспе. Мәтінді жіктеуге кіріспе. Naive Bayes модельдері. Электрондық поштаны фильтрлеу. Веб-граф құрылымы. Зипф және Парето заңдары. Көрінбейтін және арнайы веб-іздеу жүйелері. Мультимедианы анықтау. Веб-іздеу жүйесін жобалау.

Пәннің мақсаты – мәліметтерді өңдеудің күрделі есептерін шешуде нейрондық желі модельдерін қолдану қабілетін қалыптастыру. Қарастырылатын тақырыптар: Нейрондық желілердің модельдері. Нейрондық желінің шығыс параметрлері бойынша кластерлік деректерді талдау. Нейрондық желінің есептеу процестері. Мәліметтерді алудың модельдері мен әдістері. Нысандарды атаулы тану. Қарым-қатынасты танудың модельдері мен әдістері. Уақыт пен оқиғаны анықтайтын модельдер мен әдістер. Ақпаратты іздеудің модельдері мен әдістері. Сұрақтарға жауап беру жүйесінің құрылымы мен бөліктері. Жалпылаудың модельдері мен әдістері. Нейрондық желілерді құру және оқыту. Нейрондық желіні терең оқыту әдісі. Нейрондық желі технологиясын енгізетін заманауи құралдар. Нейрондық желілердің архитектурасы. Нейрондық желілердің алгоритмдері. Мәліметтерді өңдеуге арналған дайын кітапханалар. Нейрондық желілері бар жүйелерді практикалық жүзеге асыру.

Пәннің мақсаты: ұйымның бизнес-процестерін жетілдіру және бәсекелестік артықшылықтарға ие болу мақсатында кәсіпорынның ресурстарын жоспарлау жүйелерімен жұмыс істеу қабілетін қалыптастыру. Қарастырылатын тақырыптар: Кәсіпорынның ресурстарын жоспарлау жүйесінің тұжырымдамалары. Ақпараттық жүйелерді интеграциялау. Кәсіпорынның бизнес-талаптарына шолу. ERP эволюциясы. ERP және онымен байланысты технологиялар. ERP-жүйелерін енгізу: проблемалар мен сәтті тәжірибе. Интеграцияланған басқару ақпаратының ERP моделі. Интеграцияланған деректер моделі. Бәсекелік артықшылыққа қол жеткізудегі ERP рөлі. Бизнес-процестер реинжинирингі. ERP модульдері. ERP жүйелерін енгізудің артықшылықтарын болжау әдістерін зерттеу. Ақпараттық жүйелерді интеграциялау әдістері мен технологияларын зерттеу.

стратегиялық мақсаттар мен міндеттерге жету және бәсекелік артықшылықтарға қол жеткізу мақсатында ұйымның ақпараттық жүйелерін дамыту, жеткізу, интеграциялау және пайдалану бойынша ұзақ мерзімді жоспарларды құру және іске асыру;

ұйымның ішкі процестерінің тиімділігі мен қауіпсіздігін қамтамасыз ету мақсатында және ұйымның бизнес-процестерін талдау негізінде ақпараттық жүйелердің архитектурасы мен инфрақұрылымын құру / дамыту;

ақпараттық жүйенің қолданыстағы архитектурасын және ақпараттық жүйелер саласындағы сапа стандарттарын ескере отырып, ақпараттық жүйенің модульдерін жобалау және құру;

ұйымның дамуына ақпараттық жүйелердің әсерін бағалау және ақпараттық жүйелерді нәтижелі қолдау мақсатында ақпараттандыру және ақпараттық қауіпсіздік мәселелері бойынша стандарттар, салалық заңдар мен ережелер негізінде ақпараттық технологиялар жобасының техника-экономикалық негіздемесін және ақпараттық жүйелерді құру жобасының құжаттамасын әзірлеу;

бизнестің үздіксіздігін қамтамасыз ету мақсатында ақпараттық жүйелердің тәуекелдерін, қауіпсіздігі мен сенімділігін басқару процедуралары мен технологияларын жоспарлау және енгізу, сонымен қатар IT қауіпсіздігі саласындағы стандарттар мен ережелер негізінде ұйымның ақпараттық технологиялық жабдықталуының тұтастығы мен сапасына аудит жүргізу;

шешім қабылдау және бизнес-процестерді жетілдіру үшін қажетті білімді қамтамасыз ету мақсатында мәліметтерді интеллектуалды талдау әдістері мен құралдарын қолдану;

қолданыстағы АКТ салаларынан, жаңа немесе пәнаралық салалардағы білімді интеграциялау арқылы және философиялық, тарихи, лингвистикалық, психологиялық ойларды ескере отырып, теориялық және тәжірибелік зерттеулер жүргізу арқылы ақпараттық-коммуникациялық технологиялар саласын дамыту;

ғылыми-зерттеу құжаттамасын жүргізу бойынша стандарттарға және нормативтік құжаттарға сәйкес ғылыми зерттеу үрдісі мен нәтижелерін құжаттандыру, қажет болған жағдайда, кәсіби және ғылыми қызметте ағылшын тілін байланыс құралы ретінде пайдалану;

оқу-әдістемелік кешенді әзірлеу және психологиялық-педагогикалық принциптер негізінде білім беру қызметін жүзеге асыру үшін курстың мақсаттарына сәйкес оқытудың мазмұнын, әдістері мен құралдарын таңдау;

жоғары әлеуметтік құндылықтардың ұлттық басымдықтарын ескере отырып, студенттердің мәдени және лингвистикалық қажеттіліктерін жүзеге асыру үшін қолайлы білім беру ортасын құруға ықпал ететін гуманистикалық педагогика идеяларына бағытталған тәрбиелеу процесін құру.