6B07361 Құрылыс материалдарын, бұйымдарын және конструкцияларын өндіру в Халықаралық білім беру корпорациясы

Курста техникалық мамандықтардың әр түрлі пәндерінде оқылатын құбылыстар мен үрдістерді сипаттайтын жоғарғы математиканың бастамасы оқытылады. Ол сызықтық алгебра элементтерін (сызықтық теңдеулер жүйесі, матрицалық есептеу), аналитикалық геометрия (векторлы-координаталық әдіс), бір айнымалды функциялардың туындысы (физикалық, химиялық және басқа процестердің кейбір шамасының өзгеру жылдамдығының математикалық моделі ретінде) сияқты бөлімдерді қамтиды.

"Құқық және сыбайлас жемқорлыққа қарсы мәдениет негіздері" пәні құқықтың негізгі салаларының (конституциялық, әкімшілік, азаматтық, қылмыстық және т.б.) мәселелерін қарастырады, олар қандай да бір құқықтық нормалардың рөлі туралы жалпы түсінік береді, құқықтық мәселелерді шешуде бағдарлануға қажетті білім береді. "Инновациялық кәсіпкерлік және көшбасшылық негіздері" пәні макродеңгейде (инновациялық үрдістің теориясы, инновациялық даму концепциясы, инновацияның жалпы сипаттамасы), сондай-ақ микродеңгейде (инновацияны жүзеге асырудың негізгі факторлары, инновациялық компанияны құру және дамыту, инновациялық стратегияны таңдау, инвестицияларды тарту) инновациялық кәсіпкерлік саласында білім кешенін қалыптастыруға бағытталған.

Жалпы және бейорганикалық химия мен органикалық заттардың теориясы мен практикасының қазіргі күйін көрсетеді, химияның негізгі түсініктері мен заңдылықтарын зерттейді: заттардың жай-күйі, химиялық процестердің өту заңдылығы, электролит ерітінділері, электрохимиялық және коррозиялық процестер, химиялық элементтердің қасиеттері және олардың қосындылары, жоғары молекулалық (полимерлік) материалдар

Пән болашақ инженердің дерексіз ойлау мен кеңістіктік қиялын дамытуға, сурет салу арқылы техникалық идеяларды мазмұндауға, техникалық әдебиеттермен жұмыс жасауға және жобалық қызметтің бастапқы тәжірибесін сәтті игеруге қажетті теориялық білімдер мен практикалық дағдыларды береді.

Курс екі пәннен тұрады: «Экология негіздері және ТӘҚ», «Экономикалық теория негіздері». Бірінші пән тіршілік әрекетінің қауіпсіздігін қамтамасыз ету сұрақтарын, экологиялық проблемаларды шешу жолдарын және кәсіби құзыреттілікті қалыптастыру шеңберінде теріс әсердің дамуын болжауды қарастырады. Екінші пән экономикалық субъектілер мінез-құлқының заңдылығы мен экономиканың жұмыс істеу механизміне қатысты негізгі білімдерді игеруге бағытталған

Бұл курс жоғары математиканың жалпы техникалық аспектілерін білдіреді және мамандықтың әр түрлі пәндерінде оқылатын құбылыстар мен процестерді сипаттайтын математикалық моделдерді қамтиды. Ол бірнеше айнымалды функциялар, дифференциалдық теңдеулер, сандық қатарлар, функционалдық қатарлар, оқиғалар және олардың ықтималдықтары, кездейсоқ шамалар, математикалық статистиканың негізгі ұғымдары сияқты бөлімдерді қамтиды.

Курс классикалық және қазіргі физика негіздерін қамтиды. Физика ғылымының негіздері зерттеледі: табиғатта физикалық процестер туралы негізгі түсініктер, оларды сипаттау әдістері мен тәсілдері туралы; құрылыстың және құрылыс материалдары өндірісінің жалпы мәселелерін шешуге арналған классикалық және қазіргі физиканың негізгі принциптері, заңдары мен теориялары туралы және т.б.

«Құрылыс материалдары» курсын оқып үйрену кезінде алынған теориялық білімдерді бекіту, таңдаған бағытта бастапқы практикалық білім мен дағдыларды дамыту; болашақ кəсіби қызметтік орны, мазмұны мен ерекшелігі, кəсіпорындардың даму жағдайы мен келешегі туралы идеяларды қалыптастыру; негізгі және кәсіптік пәндерді зерттеудің тиімділігін арттыру

Пән студентке конструкторлық тәжірибеде инженерлік міндеттерді шешу үшін қажетті білім беруге арналған, сәулет және инженерлік-құрылыс нысандарын жобалау, курстық және дипломдық жобалардың графикалық бөлігінің орындалуын автоматтандыруға арналған және сәйкесінше сапаны жақсартуға септігін тигізеді

Заманауи құрылыс материалдары мен бұйымдарының түрлері, құрылымы мен қасиеттері, оларды өндірудің технологиялық қағидалары; құрылыс материалдары мен бұйымдарының құрамы, қасиеттері және сапасын сынау дағдыларын және кешенді бағалау әдістерін меңгеру туралы білім беріледі

Студенттерді математика курсының негізгі ұғымдарына, ережелері мен әдістеріне, қарама-қайшы емес логикалық пайымдау жолымен математикалық дәлелдемелерді құру дағдыларына, есептерді шешу әдістеріне үйрету; негізгі математикалық нысандармен, ұғымдармен, әдістермен жұмыс істеу, атап айтқанда сызықтық алгебра, аналитикалық геометрия, дифференциалдық және интегралдық есептеу әдістеріне үйрету, сондай-ақ осы әдістердің әртүрлі қосымшаларымен танысу

Пән студенттердің компьютерлік графика саласындағы ақпараттық технология құралдарын пайдалануда білім, шеберлік және дағдыларын қалыптастыруға арналған және оларды болашақ кәсіби қызметте қолдануға бағытталған. Студенттер AutoCAD САПР бағдарламасын пайдалана отырып, автоматтандырылған жобалау жүйелерінің жалпы ұғымын оқып үйренеді.

Пән ғимараттар мен имараттарды жобалау принциптері, тұрғын және қоғамдық ғимараттардың сәулеттік-құрылыстық жобалау негіздері туралы теориялық білімді қалыптастырады, құрылыстағы модульдік өлшемді үйлестіру туралы жалпы мәлімет береді. Ғимараттардың негізгі құрылымдық элементтері, сәулет-құрылыс конструкцияларының физика-техникалық негіздері, қала құрылысы негіздері, тұрғын және қоғамдық ғимараттар мен имараттардың көлемдік жоспарлық және жобалық шешімдері зерттеледі.

Курс екі бөлімнен тұратын кшенді пән: теориялық механикадан және материалдар кедергісінен. Бірінші бөлім қазіргі теориялық механиканың аналитикалық және графикалық әдістерін, статиканың негізгі қағидаларын қарастырады. Екінші бөлім деформацияның ең қарапайым түрлеріне байланысты құрылыс құрылымдарының негізгі элементтерінің беріктігін, қаттылығын және тұрақтылығын есептеудің аналитикалық және жобалау әдістерін ұсынады.

Пән химия бөлімдерінің жалпы теориялық аспектілерінен тұрады: физикалық, коллоидтық, аналитикалық, силикаттардың физикалық химиясы, органикалық және жоғары молекулалық қосылыстар химиясы, себебі құрылыс индустриясы органикалық синтез өнімдерімен және полимерлермен тығыз байланысты.

Курс механикалық, гидромеханикалық, жылу және масса ауыстырғыш процестерінің негіздері теориясы мен тәжірибесінің қазіргі жағдайын көрсетеді. Құрылыс материалдарын өндірудегі технологиялық процестердің сатылары қарастырылады: ұнтақтау, сыныптау, бастапқы компоненттерді араластыру және массаларды дайындау, бұйымдарды құю және жылумен өңдеу. Қарапайым процестердің негіздері және технологиялық процестің жеке кезеңдерінің жалпы заңдылықтары оқытылады.

Техногенді қалдықтарды өңдеудің механикалық және массаалмасу әдістері мен процестерінің физика-химиялық негіздері. Техногенді қалдықтарды кәдеге жарату және қайта өңдеудің термиялық әдістерінің физика-химиялық негіздері

Пән минералды байланыстырушы заттарды алу технологиясының принциптері туралы білім береді; әртүрлі байланыстырғыштардың заттық құрамын, олардың қатаю үрдістерін және құрылымын қалыптастыруды, әртүрлі байланыстырғыш заттардан жасанды тастың құрамын, құрылымын және техникалық қасиеттерін, қажетті қасиеттері бар тастарды алу әдістерін зерттейді

Пән кристалдық заттардың ішкі құрылымы мен олардың физикалық және химиялық қасиеттері арасындағы негіздерді қамтиды. Заманауи технологияларды дамыту, қажетті материалдармен жаңа материалдар алу кристалдық заттардың қасиеттері мен құрылымдық ерекшеліктерімен байланысты.

Пән кәсіби даярлықты жетілдіруге мүмкіндік береді, мамандық тілі негізінде қажетті тілдік және коммуникативті құзыреттіліктерді дамытуға бағытталған. Курс құрылымында мамандық бойынша мәтіндер негізінде іріктелген және тақырыптық принцип бойынша ұйымдастырылған лексикалық және тілдік материалдар қамтылған. Мәтіндік материал танымдық-дамытушы сипатта, оқу, ғылыми-көпшілік және кәсіби әдебиеттің ерекшеліктерін қамтып көрсетеді

Практика студенттерді нақты өндірістік жағдайларда еңбекті ұйымдастырумен таныстыруға бағытталған және практикалық жұмыс процесінде теориялық білімді сауатты пайдалану үшін біліктілік пен дағдыларды меңгеруге ықпал етеді

«Кәсіби қазақ (орыс) тілі» пәні арнайы кәсіби және ғылыми терминологияны пайдалана отырып, тұрмыстық және кәсіби қарым-қатынас, іскерлік қатынасхаттар және іс-қағаздарын жүргізу үшін қажетті тілдік және коммуникативті құзыреттерді дамытуға бағытталған. Мәтіндік материал оқу, ғылыми-көпшілік және кәсіби әдебиеттің ерекшеліктерін, танымдық-дамытушы сипаттарды қамтып көрсетеді. Курс алдағы ғылыми стильде жазу дағдысын меңгеруге мүмкіндік береді.

Бұл пән құрылыс конструкцияларын есептеу теориясы мен практикасының ағымдағы жағдайын көрсетеді; конструкциялық материалдардың физика-механикалық қасиеттері т І топ шекті күйі бойынша конструкцияны есептеу әдісін есепке алумен олардың конструктивті элементтері туралы жалпы ақпаратты береді.

Минорлы бағдарламалар пәні жүктеме түрлерін зерттейді; жүктеме астында жұмыс істеу кезінде құрылыс элементтерінде пайда болатын кернеулер мен деформациялар; студенттерге механикалық жүйелердің беріктігін есептеу дағдыларын үйретеді, оларды иілу және бұралу әрекеттерін зерттеуде қолданады; деформацияның әртүрлі түрлері кезінде құрылымдық элементтерді беріктікке, қаттылыққа және тұрақтылыққа есептеу әдістемесін қарастырады

Пән кристалдық және аморфты заттар құрылымының теорияларын, кристалдық тордың периодтық өрісіндегі электрондардың күйлерін, зоналық теорияны, кинетикалық қасиеттерді, оптикалық қасиеттерді, квази-бөлшектерді, физикалық қасиеттерді зерттеу әдістерін көрсетеді. Сыртқы өрістердің (электрлік және магниттік), механикалық және температуралық әсерлердің, сондай-ақ оптикалық сәулеленудің әсерінен қатты денелерде болатын физикалық процестерді теориялық сипаттау, есептеу, сапалық және сандық талдау әдістері.

Пән студенттердің шамаларды өлшеу, сондай-ақ құрылыс материалдары, бұйымдары мен құрылымдары сапасын бағалау кезінде олардың бірлігін қамтамасыз етудің өлшемдерін және олардың бірлігін қамтамасыз ету әдістері сияқты ең маңызды танымдық процесс туралы ғылым ретінде стандарттау және метрологияның негізгі ұғымдары туралы білімін қалыптастырады.

Пән құрылыс материалдары мен бұйымдарын өндіретін кәсіпорындардың түрлі технологиялық машиналары мен жабдықтарының түрлері мен қосымшалары туралы білім береді. Құрылыс материалдарын қайта өңдеу теориясының негіздері, технологиялық жабдықтың құрылымдық және кинематикалық схемасы, техникалық сипаты, машиналардың жұмыс органдарының материалмен өзара әрекеттесуі, механикалық жабдықтардың негізгі технологиялық параметрлері мен көрсеткіштерін таңдау және есептеу әдістемесі зерттеледі

«Құрылыстағы цифрлық модельдеу» Минор бағдарламасының пәні әмбебап мамандандырылған бағдарламалық және компьютерлік жүйелерді, автоматтандырылған жобалау жүйелерін пайдалана отырып, құрылыс конструкцияларын, ғимараттар мен құрылыстарды цифрлық модельдеу әдістері мен құралдарын қарастырады; болашақ мамандарға ғимараттар мен құрылыстарды ақпараттық 3D модельдеу (BIM) негіздерін үйретеді және техникалық тапсырмаға сәйкес жобалаудан, құрылыстан бастап пайдалану кезеңіне дейін олардың өмірлік циклінің кез келген кезеңінде оларға өзгерістер енгізуге үйретеді

Бұл пән жылу үрдістерінің теориясы мен тәжірибесінің қазіргі жағдайын және құрылыс материалдары, бұйымдары мен конструкциялары технологиясын көрсетеді; онда құрылыс материалдарын өңдеу үшін қолданылатын кептіргіштер мен пештерді, сондай-ақ бетон бұйымдарын жылу-ылғалмен өңдеуге арналған қондырғыларды есептеу, жобалау және пайдалану негіздері берілген. Құрылыс индустриясында қолданылатын әртүрлі жылу қондырғыларында жылу энергиясын алу, түрлену, беру және пайдалану принциптері қарастырылды

Курста 3Ds Max, Autodesk Revit Architecture және AutoCAD Plant 3D бағдарламалық өнімдер кешені негізінде сәулет жобалау, инженерлік жүйелер мен құрылыс конструкцияларына, сондай-ақ ғимаратты салуды модельдеуіне (BIM технологиясы бойынша) мүмкіндік беретін ғимараттар мен имараттар туралы мәліметтерді жобалау және басқару әдістемесі оқытылады

Пән студенттердің металдар мен қорытпалардың қасиеттері мен құрылымы, болатты термиялық өңдеу теориясы, болат және шойын, түсті металдар мен олардың қорытпаларын жіктемелеу, металдарды, металл конструкцияларын және имараттарды пісіру технологиясы, монтаж әдістері мен тәсілдерін, механизмдерді, аспаптарды жинақтау технологиясы туралы білімін қалыптастырады.

Пәнде жылу үрдістері теориясының қазіргі жағдайы мен құрылыс материалдарының, бұйымдары мен конструкцияларының технологиясында құрылғыны қолдану тәжірибесі көрсетіледі. Жылу энергияын әр түрлі жылу агрегаттарда өндіру, түрлендіру, беру және пайдалану принциптері, құрылыс материалдарын жылумен өңдеуге арналған қондырғыларды есептеу, жобалау және пайдалану негіздері (кептіру, жылумен және ылғалмен өңдеу үшін және пештік) қарастырылады.

Пән заманауи керамикалық құрылыс материалдары мен бұйымдары, оларды өндіруге арналған шикізат және олардың өндіріс технологиясының негіздері, олардың сапасын бағалау әдістері туралы білімдерді қалыптастырады; шикізатты өңдеудің әртүрлі технологиялық кезеңдерінде орын алатын процестерді зерттейді

Қазіргі заманғы машиналарда құрылыс материалдарын өңдеу теориясының негіздері, технологиялық схемалар, жабдықтар, оның техникалық сипаттамалары, конструктивтік және кинематикалық схемалары, машиналардың жұмыс органдарының материалмен өзара іс-қимылы, негізгі технологиялық параметрлер мен көрсеткіштерді іріктеу және есептеу әдістері, құрылыс материалдары мен бұйымдары өндірісінде қолданылатын механикалық жабдықтарды құрастыру және пайдалану оқытылады

Пән студенттердің жылу техникасы және ғимараттарды жылу қорғау, құрылыс конструкцияларын ылғалдан қорғау, қоршаулардың реттелетін ауаның өткізгіштігін қамтамасыз ету, реттеуші табиғи жарықтандыру және инсоляция, сондай-ақ шудан қорғау саласындағы білімі мен дағдыларын қалыптастырады.

Әр түрлі агрегаттық күйдегі заттарды зерттеудің физикалық түсініктері, құбылыстары, заңдылықтары, модельдері мен әдістері туралы түсініктерді тереңдету, кеңейту және жүйелеу; қазіргі заманғы физикалық теориялардың негіздерімен және оларды қолдану шекараларымен танысу; инженердің кәсіби қызметінде физикалық зерттеу әдістерін қолдану мүмкіндіктерін бағалау

Пән құрылыс тәжірибесінде темірбетон конструкцияларын жобалау және қолдану бойынша білім мен құзыреттерді қалыптастырады, темірбетон элементтерін есептеу әдістерінің негізгі ережелерін оқытады

Пән саланың қолданбалы міндеттерін шешу үшін электрондық құжаттарды жасау және өңдеудің ақпараттық технологиялары әдістерімен және аспаптық құралдарымен таныстырады

Пән студенттерде бетондарда, ерітінділерде және басқа да құрылыс материалдарында толтырғыштар мен толықтырғыштардың (ірі, ұсақ, ұнтақ тәрізді, белсенді, күшейткіш толтырғыштар) рөлі мен түрлері туралы түсінік қалыптастырады. Толтырғыштар мен толықтырғыштардың шикізат базалары және оларды, оның ішінде өнеркәсіп қалдықтарынан алу технологиялары қарастырылады; олардың қасиеттері бұйымдардың қасиеттерімен өзара байланыста және сапаны арттыру және оларды алу технологиясын жетілдіру әдістері зерттеледі

Пән студенттерде дайын ғимараттар мен үймереттер түріндегі құрылыс өнімдерін алу үшін қажетті құрылыс, монтаждау және арнайы құрылыс жұмыстарының жекелеген түрлерін орындауды тәжірибеде жүзеге асыруға мүмкіндік беретін инженерлік білімдер жүйесін дамытады; өндірісті кеңінен индустрияландырумен желілік әдістермен жұмыстарды орындау жағдайында құрылыс нысандарын салудың, жөндеудің, реконструкциялаудың оңтайлы технологиясын таңдау дағдыларын береді

Пән студентте металдар мен қорытпалардың қасиеттері мен құрылымы, Болатты термиялық өңдеу теориясы туралы білімді қалыптастырады; болаттар мен шойындардың жіктелуі, түсті металдар мен олардың қорытпалары, дәнекерлеу технологиясы және металдарды кесу арқылы өңдеу; дәнекерлеудің термиялық циклінің және олардың әсерінің нәтижесінде қыздыру мен салқындатудың стационарлық емес режимдерінде металдар мен қорытпаларда болатын процестердің физикалық мәнін зерттеу дәнекерлеу қосылыстарының қасиеттеріне; дәнекерлеу қосылыстарына арналған термиялық өңдеудің негізгі түрлері және олардың құрылымы мен қасиеттерінің өзгеруіне әсері

Пән композиттік материалдарды іріктеу, жасау және пайдалану, оларды қабылданған нормативтік критерийлерге сәйкес бағалау үшін қажетті білімді қалыптастырады. Композиттік материалдардың өнеркәсібіндегі негізгі проблемаларды және оларды шешу жолдарын, композициялар негізіндегі құрылыс материалдарының түрлерін, олардың композицияларын және қасиеттерін анықтау әдістерін, кеңінен қолданылатын композиттік құрылыс материалдарын өндіру технологиясын оқытады

Бұл пән әмбебап және мамандандырылған бағдарламалық-есептеу кешендерін, жүйелерді, автоматтандырылған жобалауды, зерттеулерді автоматтандырудың стандартты пакеттерін қолдана отырып, құрылыс процестерін цифрлық модельдеу мәселелерін қарастырады.

Пән полимерлі құрылыс материалдарын өңдеудің физика-химиялық негіздері, құрамы, осы процестерді басқарудың технологиялық әдістері, жоғары молекулалық қосылыстардың қасиеттері және оларға негізделген композиттік құрамы, полимерлік материалдарды өңдеу процестері, пластмассадан жасалған бұйымдар мен конструкцияларды өндіру технологиялары, құрылыс бұйымдары мен конструкцияларын өндіруде полимерлерді пайдалану туралы білімді қалыптастырады

Пән құрылыс материалдарын, бұйымдары мен конструкцияларын өндіру саласын заманауи деңгеде автоматтандыру әдістері мен құралдарын; автоматты реттеу және басқару теориясының негізгі ережелерін; автоматты жүйе элементтерін қолдану тәсілдерін және құрылымдарын оқытады

Студенттердің теориялық білімдерін бекіту; кәсіби ойлау мен дербестікті дамыту; бейіндік пәндерді оқудың тиімділігін арттыру; өндірісті, оның ерекшелігі мен құрылымын, технологиялық операциялардың реттілігін зерттеу. Еңбек жағдайларында тәжірибе жинақтау, негізгі және қосалқы цехтардың практикалық байланысын түсіну, технологиялық ағындарда бағдарлау

Пән табиғатты ұтымды пайдалану қағидаттары саласында білім кешенін қалыптастырады; өндірістік процестерді экологияландыруды және экологиялық таза құрылыс өнімдерін шығаруды ұйымдастыру үшін қағидаттарды, әдістер мен тәсілдерді қалыптастырады; құрылыс материалдары мен бұйымдары өндірісін экологияландыруға студенттердің тұрақты көзқарастарын тұжырымдайды

Пән әртүрлі құрылымдық жүйелер мен мақсаттағы монолитті, құрама және құрама монолитті құрылымдардан ғимараттар мен үймереттерді тұрғызудың негізгі технологияларын; конструкцияларды, инженерлік жүйелерді және құрылыс нысандарының жабдықтарын монтаждау, реттеу, сынау және іске қосу ережелері мен технологияларын қарастырады

Өнеркәсіп өндірісінің қоршаған ортамен байланысы кезінде қоғамның тұрақты даму тұжырымдамасы мазмұндалған. Табиғи ресурстардың жіктелуі, шикізаттың негізгі зиянды қоспалары, өндірістік қалдықтардың түрлері мен қасиеттері және оларды пайдалану жолдары ұсынылған. Өндірістік қалдықтардан құрылыс материалдары мен өнімдерін өндірудің негіздері, оқытылады.

Пән бетонтанудың негізгі принциптері туралы білімдерін қалыптастырады: ббетонның құрылымы мен қасиеттерін қалыптастыруға, олардың функционалдық қасиеттеріне бетон қоспасының компоненттерінің әсер етуі және өзара әрекеттестігі. Бетонның түрлерін және оларды жобалау әдістерін, бетон, темірбетон бұйымдарын өндірудің негізгі технологиялық қағидалары мен әдістерін, олардың өндірісінің тиімділігін арттыру әдістерін оқытады.

Пән ағаш композициялық материалдардың құрамы, алу негіздері, процестерді басқарудың технологиялық әдістері, олардың құрамындағы жоғары молекулалық қосылыстардың қасиеттері, АКМ-ды құрылыс материалдары ретінде қолдану туралы білімді қалыптастырады

Пән металл конструкцияларын есептеу және жобалау әдістерінің қазіргі жағдайын көрсетеді, әртүрлі құрылымдық сұлбадағы ғимараттар мен үймереттерді жобалау және есептеу мәселелерін қарастырады

Тағайындалуы әртүрлі заманауи керамикалық құрылыс материалдары мен бұйымдарының түрлерін, олардың қасиеттерін анықтауға және оларды өндіруге арналған энергия және ресурс үнемдейтін технологияларды құруға арналған әдістемелік қағидаларды қарастырады. Пән технологиялық проблемаларды тиімді шешуге арнайы дағдыларды игеру және керамикалық құрылыс материалдары мен бұйымдарының өндірістік желілерін, шеберханаларын және зауыттарын жобалау үшін арналған білім қалыптастырады.

Пән қазіргі заманғы әрлеу материалдарын өндіру және қолдану жағдайын және олардың заманауи қала құрылысы ғимараттарының сәулеттік мәнерлілігін қамтамасыз етудегі болошағын көрсетеді

Пән студенттердің құрылыс материалдарын, бұйымдарын және конструкцияларын өндіру үшін технологиялық үдерістерді оңтайлы басқару саласындағы автоматтандыру және автоматтикасы және олардың мүмкіндіктері туралы түсініктерін қалыптастырады. Заманауи техникалық құралдар негізінде өндірістік процестерді автоматтандыру жүйелерін құру принциптері мен әдістерін оқытады.

Пән конструкцияларды есептеу және жобалау үшін қажетті кәсіби компьютерлік бағдарламалармен қамтамасыз етеді. Статикалық жүктемелерден тегіс сырықты жүйелерді есептеу үшін кәсіби бағдарламаларды қолданудың жалпы мәселелерін оқытады; жүйелердегі күштер мен қозғалыстарды анықтау үшін инженерлік тапсырмаларды дербес шешуді, конструкциялық жобалаудың негізгі принциптерін және эпюр құруды оқытады

Пән құрылыс индустриясы кәсіпорындарын жобалау саласындағы мамандарды даярлауға және алдыңғы қатарлы жобалау, зерттеу және дамыту негізінде қолданыстағы кәсіпорындарды қайта құру, техникалық қайта жарақтандыру және жаңғырту бойынша жобаларды іске асыруға бағытталған. Құрылыс материалдарын, бұйымдарын және конструкцияларын өндіруге арналған кәсіпорындардың технологиялық желілерін жобалау ерекшеліктері, соның ішінде қалдықсыз және қалдықсыз технологияларды құру қарастырылады

Бұл пән студенттің әртүрлі экономикалық жағдайларға байланысты техникалық-экономикалық есептерді орындауға мүмкіндік беретін экономикалық дағдыларды меңгеруіне ықпал етеді. Студенттерге кәсіпкерлік қызметте тиімді шешімдерді белсенді өз бетінше іздестіру дағдылары мен көзқарастарын алуға, сонымен қатар дипломдық жобаларды дайындауға көмектеседі.

Пән адамдардың өмірі мен технологиялық немесе тұрмыстық жабдықтардың жұмыс істеуі үшін микроклиматтың көрсетілген параметрлерін және құрылымдардың қажетті сенімділігі мен ұзақ мерзімділігін қамтамасыз ету үшін өнеркәсіптік өндірістің барлық салаларында тиімді термиялық қорғау мәселелерін ашады; шикізатпен қатар функционалдық және жалпы құрылыс мақсаттарын, сондай-ақ қарастырылатын материалдар мен бұйымдарды қолдану аймақтарын анықтайтын мақсатты сипаттамалары бар жылу оқшаулағыш материалдардың жоғары құрылыстық және пайдалану қасиеттерін жасауға ықпал етеді

Пән шыны, ситалл және шыны бұйымдарын алу технологиясының негіздері туралы білімді қалыптастырады; силикат материалдарын алу үшін шикізаттың негізгі түрлерін қолдану тәсілдерін үйретеді; силикат материалдарын алу кезінде болатын процестердің мәнін ашады. Ол келесі негізгі бөлімдерден тұрады: шыны қайнату процестері, шыны материалдарының құрылымы мен қасиеттерінің өзара байланысы, өндірістің технологиялық ерекшеліктері, шыны бұйымдарын өңдеу, ситалл синтезі.

Пән студенттерде құрылыс конструкцияларын, ғимараттар мен құрылыстарды сыртқы ортаның агрессивті әсерінен (оның ішінде механикалық және дыбыстық) қорғаудағы гидрооқшаулағыш және герметикалық материалдардың рөлі, осы материалдардың түрлері, қасиеттері және қолдану әдістері, олардың құрылыс конструкцияларының, ғимараттар мен құрылыстардың сенімділігін қамтамасыз етудегі рөлі туралы түсінік қалыптастырады. Қажетті пайдалану қасиеттеріне ие гидрооқшаулағыш және герметикалық материалдарын жасау тәсілдері және олардың сапасын бағалаудың әдістемелік қағидаттары зерделенеді

Пән бетон бұйымдары мен конструкцияларын өндірудің заманауи технологиялары туралы өндірістік қызметті ұйымдастыру және жүзеге асыру үшін қажетті негізгі өнім номенклатурасын (соның ішінде инновациялық) білуге мүмкіндік береді. Өндірістің негізгі технологиялық үрдістерін, технологиялық параметрлерді есептеудің заманауи әдістерін қарастырады. Орнықты дамудағы өнімділіктің тиімділігін арттыру жолдарын қарастырады: активациялау әдістерін пайдалану, технологиялық жабдық.

Пән жаңа құрылыс және реконструкциялау жағдайында құрылысты жобалау, жұмысты ұйымдастыру, жоспарлау және басқару негіздері туралы білімді қалыптастырады; құрылыс процестерін орындаудың ең озық әдістерін, ғимараттар мен үймереттерді салу, жөндеу және реконструкциялаудың техникалық регламенттерін, жұмыстарды қабылдау және сапасын бақылауды зерттейді

Пән құрылыс және пайдалану сатысында ақпараттық модельге білім береді; жобалау-конструкторлық қызмет; жобалау-технологиялық қызмет ; құрылыс-технологиялық қызмет (өндірістік); ұйымдастыру-басқару қызметі; сервистік-пайдалану қызметі; оңтүстік-реттеу қызметі; ғылыми-зерттеу қызметі; инновациялық қызмет (ақпараттық-коммуникациялық технологиялармен стратегиялық жоспарлау кәсіпорындар мен жобаларды үйлестіру)

Пән заманауи жылу оқшаулағыш және акустикалық материалдар мен оларды зауытта өндірудің техникалық сипаттамалары мен ұтымды технологиялық әдістері бар бұйымдарды жасау түрлері мен қағидалары және оларды қолдану саласы туралы түсіндіріледі; жылу оқшаулағыш және акустикалық материалдар мен бұйымдарды өндіруде тиімді энергия және ресурс үнемдейтін технологияларды құру туралы түсінік береді

Пән жол жамылғысының конструкцияларында қолдану үшін, сонымен қатар автомобиль жолдарының элементтерін тиімді жөндеу және күтіп ұстау үшін материалдарды алу технологиясы мен қасиеттерін зерттеуге қатысты сұрақтар кешенін қарастырады

Пән силикатты материалдарға және оларды өндіру технологиясының негізіне қойылатын негізгі талаптар туралы білімді қалыптастырады. Силикатты материалдардың қазіргі заманғы технологиясының теориялық негіздерін анықтайды: силикат кірпіштер, көбік және газ силикаттары, шыны, ситалл және қожситалл және олардың практикалық қолдану көрсеткіштері. Көрсетілген қасиеттердің өнімдерін өндіру үшін силикат қоспаларының құрамын, силикатты өнімдердің автоклавты өңдеу ерекшеліктерні қарастырады.

Ғимараттар мен құрылыстардың сәулеттік-құрылыстық жобалау негіздерін, конструкцияларды жобалау мен есептеудің негізгі ережелерін білу (оның ішінде кәсіби компьютерлік бағдарламаларды қолдана отырып)

Құрылыс материалтану саласындағы білімді меңгеру: номенклатура, шикізат қоры, әртүрлі мақсаттағы құрылыс материалдарын, бұйымдар мен конструкцияларын өндіру технологиясын және олардың қасиеттерін, нормативтік-техникалық құжаттаманы пайдалана отырып, шикізат қоспаларының құрамын және технологиялық процестерді оңтайландыруды білу

Берілген қасиеттерге ие жаңа материалдар алу үшін кәсіби қызметте жаратылыстану пәндерінің негізгі заңдылықтарын, интегративті процестердің заманауи өнімі ретінде осы ғылымдардың білімін синтездеу, кәсіби қызметте туындайтын проблеманың мәнін анықтау және оны шешу үшін қажетті физика-математикалық аппаратты қолдана білу

Өндірістік процестерді автоматтандыру жүйесін құрудың принциптері мен әдістерін білу және әмбебап құрал ретінде заманауи ақпараттық технологиялар мен бағдарламалық өнімдер кешенін қолдана отырып, инженерлік мәселелерді тиімді шеше білу

Кәсіпорынды дамытудың стратегиялық жоспарларын әзірлеу, жобалық, инженерлік және технологиялық шешімдерді талдау және оңтайландыру, олардың тиімділігіне техникалық-экономикалық баға беру, өндіріс менеджерінің дағдыларын, өндірістік ұжымды басқарудың әдістері мен стильдері туралы білімді меңгеру

Сапаны басқару саласындағы мемлекеттік және халықаралық стандарттарды білу және технологиялық процестің барлық кезеңдерінде бастапқы шикізат пен дайын өнімнің сапасын бақылауды жүзеге асыра білу

Негізгі технологиялық жабдықтардың түрлері мен функцияларын, құрылыс материалдарын, бұйымдары мен конструкцияларын өндіру кезіндегі технологиялық процестердің (оның ішінде жылу және масса алмасу процестерінің) ағымының жалпы заңдылықтарын білу

Ойлау мәдениетін көрсете білу, дұрыс тұжырымдай білу және әлеуметтік және дүниетанымдық сипаттағы мәселелер бойынша өз ұстанымын қорғауға, оңтайлы кәсіби өнімділікті сақтауға ықпалды болу

Конструкторлық және технологиялық құжаттаманы ресімдеуді және оларды оқу ережесін білу, техникалық идеяларды сызба және техникалық әдебиеттермен жұмыс жасау арқылы баяндай білу

Құрылыс материалдары мен әртүрлі мақсаттағы бұйымдарды өндіру бойынша технологиялық желілерді жобалай және тиісті технологиялық есептеулерді орындай білу, құрылыс материалдары, бұйымдары мен конструкциялары өндірісінің жұмыс істеп тұрған кәсіпорындарын қайта құру және техникалық қайта жарақтандыру бойынша жаңа жобаларды әзірлей алу

Еңбекті қорғау талаптарын және кәсіби қызметтегі экологиялық қауіпсіздік негіздерін, техникалық, қаржылық және адами факторларды ескере отырып, өндірістік қатынастар негіздерін және менеджмент қағидаттарын білу

Арнайы кәсіби және ғылыми терминологияны қолдана отырып, тұлғааралық, мәдениетаралық және өндірістік (кәсіби) қарым-қатынас мәселелерін шешу үшін ауызша және жазбаша түрде қарым-қатынасқа түсе білу