7M07118 Робототехникалық жүйелер в Әл-Фараби атындағы Қазақ ұлттық университеті

Мақсаты - жоғары оқу орындарының дидактикасы, тәрбие мен білім беруді басқару теориялары, педагогикалық қызметті талдау және өзін-өзі бағалау білімдері негізінде университетте педагогикалық іс-әрекеттің қабілетін қалыптастыру. Болашақ оқытушының білім беру қызметін ОКТ қолдана отырып жобалауды, Болон процесін жүзеге асыруды,дәріскерлік,кураторлық шеберлікті оқыту/тәрбиелеу және бағалау стратегиялары мен әдістерін қолдана отырып (TLA-стратегиялар) игеруді қарастырылады.

Мақсаты: магистранттармен параллельді роботтарды оңтайлы жобалау және есептеудің негізгі әдістерін, параллель роботтардың заманауи конструкцияларын зерттеу және оларды өнеркәсіптік робототехникада қолдануды оқыту. Мынадай тақырыптар зерделенетін болады: қазіргі заманғы параллель роботтардың типтері мен конструкциялары, қазіргі заманғы параллель роботтың кинематикалық модельдерін жасау және қолдану, қазіргі заманғы параллель роботтарды бағдарламалау және қолдану.

Пәннің мақсаты – дербес ғылыми зерттеулерді жоспарлау, дайындау, ұйымдастыру және жүргізу қабілетін қалыптастыру. Бұл курсты оқу барысында ғылыми жарияланымдардың халықаралық жүйесі; халықаралық ғылыми жарияланымдар жүйесіндегі авторлық құқықтар; ғылыми зерттеудің әдіснамасы мен әдістері; журналға арналған түпнұсқа мақаланың мәтінін ұйымдастыру; ғылымның даму заңдылықтары; зерттеу нәтижелерін тіркеу және қорғау ережелері; рецензиялау рәсімі; ғылыми әзірлемелерді коммерцияландыру және оны құқықтық сүйемелдеу; ғылыми зерттеулерді енгізу және олардың тиімділігін үйренеді.

Пәннің мақсаты робототехниканың заманауи және өзекті мәселелерін зерттеу, робототехниканың заманауи мәселелері бойынша білім мен кәсіби құзыреттілікті қалыптастыру болып табылады. Курста робототехниканың ғылыми саласы, робототехниканың негізгі өзекті мәселелері, робототехниканың әлемдегі қазіргі жағдайы және робототехниканың заманауи мәселелерін шешу жолдары, роботтардың әртүрлі модельдерінің оңтайлы конструкциялары қарастырылады.

Мақсаты: магистранттардың заманауи автоматтандырылған есептеу және жобалау әдісін қолдана отырып, параллельді манипуляторлар мен роботтытехникалық жүйелердің заманауи конструкцияларын есептеу және оңтайлы жобалаудың негізгі әдістерін зерттеу. Топтар теориясы мен бұрандалы есептеулер негізінде құрылымдық синтез, параллель роботтар мен робототехникалық жүйелердің ұтымды құрылымдық схемалары, манипуляторлар мен робототехникалық жүйелердің заманауи автоматтандырылған жобалау жүйелері зерттеледі.

Ғылыми білім өндіруге бағытталған ерекше қызметтің заңдылықтары мен даму тенденциясын зерттеу. Ол тарихи динамика негізінде және тарихи өзгермелі әлеуметтік-мәдени контексте қарастырылады. Курс арнайы философиялық талдау пәні болып табылатын ғылым феноменінің мәселелерімен таныстырып, ғылымның тарихы мен теориясы, ғылым дамуының заңдылықтары және ғылыми білімнің құрылымы туралы білім қалыптастырады.

Мақсаты: заманауи робототехникалық жүйелерді эксперименттік зерттеу әдістерін зерттеу. Курс робототехникалық жүйелерді эксперименттік зерттеудің заманауи әдістері туралы білім береді. Сигналдарды өлшеу негіздері, датчиктерді калибрлеу және өлшеулерді өңдеу және талдау әдістері, эксперименттік зерттеу әдістері зерттеледі. Заманауи сенсорлық технологиялар, заманауи робототехникалық жүйелердегі сенсорлық ақпаратты сезіну және өңдеу жүйелері қарастырылады.

Бұл пән басқару мен көшбасшылықтың психологиялық теорияларын оқытып, сонымен қатар топтық даму және ұжымдық қалыптасу динамикасын көрсетіп, және көпшілік пен тобыр психологиясының ерекшеліктерін, сондай-ақ қарым-қатынастың психологиялық теорияларын және басқарушылық қарым-қатынас шеңберінде өзінің кәсіби қызметі үшін қажетті жанжалды шешудің стратегияларын объективті бағалау бойынша әлеуметтік-психологиялық құзыреттілікті қалыптастыруға бағытталған болып табылады.

Мақсаты: магистранттармен заманауи гуманоидты роботтарды, гуманоидты роботтардың заманауи конструкцияларын есептеу және оңтайлы жобалаудың негізгі әдістерін және оларды робототехникада қолдану саласын зерттеу. Қазіргі гуманоидты роботтардың типтері мен конструкциялары, қазіргі гуманоидты роботтың кинематикалық модельдерін жасау және қолдану, қазіргі гуманоидты роботтардың бағдарламалау және қолдану салалары зерделенетін болады.

Пәннің мақсаты: магистранттарда іскерлік және ғылыми салаларда қарым-қатынас жасауға қажетті дағдыларды қалыптастыру, халықаралық ғылыми ұжымдарда ғылымизерттеу қызметін жүргізуге мүмкіндік беретін коммуникативтік құзыреттіліктерді жүзеге асыру. Мыналар зерттелетін болады: ауызша, жазбаша және электронды коммуникация әдістері; ағылшын тілінде өнімді кәсіби маңызды мәтіндерді құру.

Пәннің мақсаты-биомеханиканың іргелі заңдары мен принциптері туралы білімді, биологиялық тіндердің, жүйелердің механикалық қасиеттері туралы теориялық білімді, сондай-ақ тіршілік процесінде және кеңістікте дененің қозғалысы кезінде болатын физикалық құбылыстарды қалыптастыру. Зерттеледі: механикалық қозғалыс. Кинематика. Адамның қозғалтқыш аппаратының биомеханикасы. Адам ағзасына сыртқы әсерлер. Жасанды ағзалардың биомеханикасы.

Пәннің мақсаты-өнеркәсіптік роботтардың түрлерін, мақсатын, жалпы жұмыс принциптерін, сондай-ақ олардың заманауи сенсорлары мен басқару құрылғыларын зерттеу. Магистранттардың әртүрлі өнеркәсіптік робототехникалық және мехатрондық жүйелерді талдау және синтездеу дағдыларын дамыту. Бұл курста мыналар қарастырылады: өнеркәсіптік роботтардың түрлері мен конструкциялары, өнеркәсіптік робототехникалық жүйелердің жіктелуі, қолданылу саласы және дамуы.

Мақсаты: кинематикалық жұптардағы үйкелісті ескере отырып, механизмдерді, манипуляторларды зерттеу үшін қатты денелер жүйелері динамикасының әдістерін қолдану дағдылары мен іскерліктерін қалыптастыру, қозғалтқыштардың динамикалық сипаттамаларын, әртүрлі тербеліс режимдерін және олардың сипаттамаларын ескере отырып, роторлық жүйелер мен машиналардың динамикасын зерттеу. Үйкеліс кезінде және қозғалтқыштың сипаттамаларын ескере отырып, жүйенің динамикасын сипаттайтын теңдеулерді шешу қарастырылады.

Мақсаты: жасанды интеллект туралы жүйелі базалық түсінікті қалыптастыру және роботтарды, зияткерлік жүйелерді терең оқыту, роботтардың заманауи Зияткерлік жүйелерін зерттеу әдістері бойынша тәртіптік құзыреттерді игеру. Жасанды интеллект әдістері, сараптамалық жүйелер мен нейрондық желілік құрылымдар, ассоциативті жад технологиялары, анық емес логика мен ситуациялық басқару, робототехникаға арналған 2D және 3D зондтау зерделенетін болады.

Пәннің мақсаты: заманауи басқару әдістері бойынша жүйелі білім мен кәсіби құзыреттілікті қалыптастыру, РЖ басқарудың заманауи әдістерінің негіздерін оқыту, РЖ локализациялау, навигация және жоспарлау мәселелерін шешуге үйрету. Әртүрлі физикалық сипаттағы объектілерді басқару процестері, автоматты басқарудың жалпы қағидаттарын әзірлеу, сондай-ақ робототехникалық жүйелерді басқару жүйелерінің әдістері зерделенетін болады.

Мақсаты: қатты және серпімді доңғалақтардағы доңғалақ аппараттарын зерттеу және жобалау, доңғалақ аппараттарын басқаруды құру; роботтың динамикалық және геометриялық тегіс траекторияларды өңдеу дәлдігін зерттеу; серпімді, оның ішінде аз қысымды дөңгелектері бар заманауи мобильді роботтардың динамикасын зерттеу. Басқару модельдері, зерттеудің қолданбалы міндеттері, роботтандырылған мобильді платформалардың заманауи зияткерлік жүйелерін құру қарастырылады.

Эксперименттер жүргізу әдістемесін әзірлеу және робототехникалық жүйелердің қолданыстағы макеттері мен үлгілерінде эксперименттер жүргізу және заманауи ақпараттық технологиялар мен техникалық құралдарды қолдана отырып нәтижелерді өңдеу;

Робототехникалық жүйелер бойынша арнайы пәндерді оқыту әдістемесі саласында өзіндік ғылыми зерттеуді жүзеге асыру, жоғары мектеп педагогикасы мен басқару психологиясының заманауи әдістерін білу және оларды педагогикалық қызметте қолдану;

Жеке және орындаушылар тобының құрамында орындалған зерттеулер мен әзірлемелердің нәтижелерін практикада енгізу, зияткерлік меншік нысандарына құқықтарды қорғауды қамтамасыз ету

Роботтар мен робототехникалық жүйелердің басқарушыларының, ақпараттық және атқарушы модульдерінің тәжірибелік макеттерін әзірлеу және оларды заманауи ақпараттық технологияларды қолдана отырып зерттеу жүргізу;

Жоғары және орта оқу орындарында робототехникалық жүйелер бойынша арнайы пәндерді оқыту.

Орындалған жұмыстың нәтижелері бойынша аналитикалық шолулар мен ғылыми-техникалық есептер құрастыру, зерттеулер мен әзірлемелердің нәтижелері бойынша ғылыми жарияланымдар дайындау, алынған нәтижелер мен қорытындыларды ғылыми презентацияда немесе қорғауда дәлелді түрде ұсыну.

Ұжым құрамында жұмыс жасау, инновациялық ғылыми-білім беру жобаларымен танысу, кәсіби қызмет шеңберінде жауапты шешімдер қабылдау, стандартты емес шешімдерді іздестіру, әлеуметтік коммуникацияны басқару саласында стратегиялық ойлау дағдыларын меңгеру.

Компьютерлік жобалау құралдарын пайдалана отырып, роботтар мен робототехникалық жүйелердің бөлшектері мен тораптарын жобалау және құрастыру, роботтар мен робототехникалық жүйелерді моделдеудің әдістері мен құралдарын таңдау;

Заманауи ақпараттық технологияларды меңгеру, робототехникалық жүйелерді және олардың жеке модульдерін жобалау және басқару кезінде жобалаудың заманауи және бағдарламалық құралдарын қолдану;

Роботтар мен робототехникалық жүйелердің функционалдық және құрылымдық сұлбаларын әзірлеуге қатысу, техникалық тапсырмаға сәйкес робототехникалық жүйелердің құрылмаларының жобалық есептері мен техникалық-экономикалық негіздемесін жүргізу;

Қолда бар бағдарламалық пакеттерді пайдалану және робототехникалық және биомеханикалық жүйелерде ақпаратты өңдеу және басқару үшін қажетті жаңа бағдарламалық жасақтаманы әзірлеу;

Ғылыми-техникалық ақпаратты жинау, өңдеу, талдау және жүйелеу, робототехникалық зерттеулер бойынша патенттік іздеу жүргізу, "робототехникалық жүйелер"кәсіби қызметінің бағыты бойынша отандық және шетелдік ғылымның, техника мен технологияның жетістіктерін пайдалану.