6B04102 Экономика в "Ақмешіт" гуманитарлық-техникалық институты

Қазақстан экономикасын тиімді басқару, Қазақстандағы кәсіпкерлікті басқару, халық игілігінің жоғары деңгейіне жету үшін инвестициялық үдерістерді басқару ерекшеліктерін анықтау секілді бағыттарды қарастырады. Пәннің мақсаты: студенттерге заманауи экономикадағы күрделі үдерістерді дұрыс түсіну үшін Қазақстан экономикасын басқару әдістері мен негізгі тәсілдері, негізгі экономикалық категориялар жайлы білім беру.

Экономикалық теория ғылымының зерттеу пәнін, аясын, объектісі мен субъектісін, зерттейтін негізгі мәселелерін, әдістерін, құрылымын, атқаратын қызметтерін және экономикалық теорияның ғылым ретінде қалыптасуын жан-жақты қарастыру. Пәннің мақсаты:экономика салаларының талдау әдістерін, құралдарын өз бетінше қолдану үшін студенттердің экономикалық ойлау тәсілін, экономикалық процестерді зерттеу әдістемесі туралы білімін қалыптастыру.

Экономикалық даму заңдылықтары, ғылыми-техникалық прогрестің әсері зерттеледі, Экономикалық талдаудың заманауи әдістері, экономикалық модельдердің құрылысы мен қолданылуы ашылады. Кәсіпкерлік компаниялардың төрт түрі, көшбасшылық топ ұғымы, команда құру принциптері қарастырылады. Студенттің құқықтық дүниетанымының негіздерін қалыптастыру. Сыбайлас жемқорлыққа қарсы саясат, халықаралық сыбайлас жемқорлық ұғымдары мен мәні және онымен күресу тәжірибесімен қатар, кәсіби қызметте құқықтық білімдерін, сыбайлас жемқорлыққа қарсы іс-қимыл стратегияларын қолдануға қабілетті.

Пән экономикалық бағыттар бойынша мамандарды даярлауда іргелі негізгі пәндер қатарына жатады, макродеңгейдегі экономикалық құбылыстар туралы жүйелік білімді қарастырады. Пәннің мақсаты: экономикадағы субъектілерді дара бірлік ретінде қарастыра отырып, фирма, салалар өндірісі, тауар икемділігі, сұраныс пен ұсыныс туралы және бәсеке нарықтары жағдайларын зерттеуді, олардың арасындағы қатынастарды қолданбалы түрдегі есептермен сабақтастырып жүзеге асыру

Экология мәселелері, экологияның жаһандық, ұлттық мәселелері баяндалады. Табиғи ресурстар, есепке алу, бағалау, ұтымды пайдалану және қорғау мәселелері, жасыл экономика мәселелері қарастырылады. Студенттерді әртүрлі сипаттағы төтенше жағдайларда халықты және аумақтарды инженерлік қорғау негіздерімен таныстырады

Пән Қазақстан аймақтарының классификациясы мен экономикалық дамуының ерекшеліктерін жан-жақты қарастырады, кәсіпорындарды ел аумағының жекелеген өңірлеріне ұтымды орналастыруды, аймақтағы өндірістік салаларды жетілдіруді зерттейді. Пәннің мақсаты: Студенттерде ҚР өндіргіш күштерін аумақтық ұйымдастырудың теориялық және практикалық негіздері, экономиканың өңірлік дамуының қазіргі жағдайы мен бағыттары бойынша жан-жақты білімді қалыптастыру

Экономиканың әртүрлі салаларындағы кәсіпорындарда тәжірибелік жұмыс дағдыларын меңгерген қаржы саласының жоғары білікті мамандарын даярлау. Курстың мақсаты: Қаржының негізгі ұғымдарын меңгере отырып, студенттер қаржының мәнін, қаржылық қатынастардың ерекшеліктерін, қаржы жүйесінің сфералары мен буындарының құрамын және экономиканың әртүрлі салаларындағы қаржыны ұйымдастыру ерекшеліктерін түсінеді.

Курсты оқу қажеттілігі қоғам дамуындағы еңбектің басым рөлімен анықталады. Пәннің мақсаты: Студенттерге сыртқы және ішкі еңбек нарықтарының қызмет етуінің экономикалық теориясының негіздері, сонымен қатар ұйымда жұмыс күшін пайдаланудың практикалық аспектілері туралы негізгі түсінік беру

Оқу барысында студент экономиканы басқарудың негізгі модельдерін, нарықтық экономикаға мемлекеттің араласуының объективті қажеттілігін, кәсіпорынның әлеуметтік-экономикалық және экономикалық мүдделерін игереді. Пәннің мақсаты: студенттерге экономикалық реттеудің негізгі бағыттарын және макроэкономикалық реттеу процесінде Мемлекеттік органдардың принциптері мен қызметінің мемлекеттің экономикалық саясатына әсерін түсіндіру.

Білім алушылардың ұйымдағы басқару саласындағы теориялық білімді меңгеруі, оларды практикада қолдану білігін меңгеруі және басқару қызметінде қажетті кәсіби құзыреттерді қалыптастыру. Пәннің мақсаты: менеджмент теориясы мен практикасын дамытудың тарихи кезеңдерін, басқару функциясының ерекшеліктерін және оларды практикада іске асыруды зерделеу.

Курстың міндеттері: Маркетинг саласындағы негізгі ұғымдарды игеру, кәсіпорынның маркетингтік қызметінің мазмұнын зерттеу, практикалық жағдайларда теориялық білімді қолдану дағдылары, сондай-ақ кәсіби қызмет үшін қажетті құзыреттерді қалыптастыру. Мақсаты: маркетингтік стратегиялар барысында қажеттіліктерді анықтау, құру және қанағаттандыру, маркетингтік қызметті жүзеге асыру үшін қажетті жалпы мәдени және кәсіби құзыреттіліктерді қалыптастыру бойынша білім мен дағдыларды игеру.

Курс қазіргі кезеңдегі кәсіпкерлік қызметті заңнамалық реттеудің ерекшеліктерін ашады, Қазақстанда және шетелде кәсіпкерлік субъектілерін құру, тіркеу және қызмет ету тәртібін көрсетеді. Курстың мақсаты: студенттердің нарықтық экономика жағдайында кәсіпкерлік қызмет саласында теориялық білім мен практикалық дағдыларды алуы.

Курстың міндеттері: Болашақ экономистердің математикалық есептерді шешуде логикалық және алгоритмдік ойлауын, математикалық интуициясын дамытуға бағытталған Пәнді оқытудың мақсаты студенттердің математикадан теориялық білімдерін, практикалық дағдыларын дамыту, экономикалық есептерді модельдеуге, талдауға және шешуге көмектесу, студенттердің болашақ іс-әрекеті саласындағы процестер мен құбылыстарды зерттеуге және болжауға мүмкіндік беру.

ҚР статистикасының тарихы, пәні мен әдісі, статистикалық байқаудың мақсаттары мен міндеттері қарастырылады. Статистикалық деректер, соның негізінде талдау жасалатын көрсеткіштер қолданылады. Графикалық кестелер, диаграммалар, графиктер табиғи, шығындар негізінде жасалады. Пәннің мақсаты: қоғам өмірінің жаппай құбылыстарын, кәсіпорындар мен салалардың қызметін, сондай-ақ ел экономикасының статистикалық көрсеткіштерін және әртүрлі салалардағы кәсіпорын қызметінің нәтижелері мен жағдайларын статистикалық талдау әдістерін дамыту.

Студенттердің компанияның ақша ағындарын оңтайлы басқару және ұйымдастыруы үшін тиісті заңнаманы білу негізінде теңгерімді шешімдерді әзірлеу, компанияның ақша ағындарын қалыптастыруға әсер ететін факторларды зерттеу, оңтайландыру бағыттары мен әдістерін таңдау арқылы ақша ағындарын басқару саясатын негіздеу қабілеті. Пәндерді оқудың мақсаты: кәсіпорынның қаржылық стратегиясы мен қаржылық саясатының басымдықтары негізінде оның ақша қаражаттарының қозғалысын басқару бойынша іс-әрекеттердің мазмұны мен үздіксіздігін негіздеу.

Курстың міндеттері: Оқытылатын пән студенттерге теориялық білім мен практикалық есеп дағдыларын алуға арналған. Білім алушылар есепке алудың негізгі қағидаттарын, есепке алу әдістерін зерделейді, есепке алу объектілері және негізгі есепке алу көрсеткіштері туралы түсінік алады.

Білім алушы кәсіпорынның инвестициялық стратегиясын қалыптастыру процесінің принциптері мен негізгі кезеңдері туралы түсініктері саласында білім алады Пәннің мақсаты: кәсіпорынның инвестициялық стратегиясын қалыптастыру, инвестициялық ресурстарды оңтайлы пайдалану принциптері мен жолдарын, тікелей инвестицияларды қолдау мәселелері және шетелдік инвестицияларды кәсіпорынға тартудың негізгі бағыттарын игереді

Елдер арасындағы экономикалық өзара тәуелділікті, әртүрлі мемлекеттердің шаруашылық жүргізуші субъектілерінің экономикалық мінез-құлқын мемлекетаралық үйлестірудің ортақ тетіктерін әзірлеу мақсатында қазіргі әлемдік экономикалық жүйенің қызмет ету заңдылықтарын қарастырады. Пәннің мақсаты: студенттерде халықаралық экономикалық қатынастарды реттеудің ұйымдастырушылық-экономикалық тетіктері мен Қазақстан Республикасының халықаралық экономикаға қатысу бағыттары туралы теориялық білімді қалыптастыру.

Пәнді оқытудың мақсаты бухгалтерлік есептің практикалық мәселелерін шешу туралы білімді игеру мақсатында "1С Бухгалтерия" жүйелі бағдарламалық жасақтамасын зерттеу болып табылады. Курсты оқу барысында білім алушылар ҚР қолданыстағы заңнамасына сәйкес "1С: Бухгалтерия 8.3" бағдарламасымен жұмыс істеудің негізгі әдістерін, принциптерін, тәсілдерін, "1С: Бухгалтерия 8.3" негізінде автоматтандырылған бухгалтерлік есепті жүргізудің негізгі ережелері мен талаптарын зерделейді. Іс жүзінде кәсіпорында жаңа мәліметтер базасын құрып, бастапқы құжаттарды толтыруды зерделейді. Есептілікті қалыптастырады, конфигурация жасайды.

Өндірістік ресурстарды пайдалану тиімділігін арттыру үшін кәсіпорынның шығындарын басқару тәжірибесін қалыптастыру мақсатында оқытылады. Пәннің мақсаты: пайданы ұлғайту мақсатында кәсіпорындағы шығындарды басқару әдістері мен құралдарын анықтау саласында білім алу.

Студенттердің халықаралық қаржы теориясы мен халықаралық валюта-кредит қатынастары, әлемдік валюта жүйесін дамытудың практикалық проблемалары және оларды шешу жолдары саласындағы білімдерін, іскерліктерін, дағдыларын меңгеруі. курстың мақсаты: әлемдік валюта жүйесін қалыптастырудың құрылымдық қағидаттарын, валюта саясатын іске асырудағы валюта бағамының рөлін, Халықаралық валюта-кредит ұйымдарының қызметін және олардың әлемдік валюта жүйесін тұрақтандырудағы рөлін зерделеу, халықаралық есеп айырысуларды жүзеге асыру дағдыларын меңгеру

Қазақстан Республикасында жүргізіліп отырған инвестиялық саясат және оның бағыттары, инвестиция тарту критерийлері, инвестиция типтері, инвестиция тартудың оң және теріс бағыттары қарастырылады. Пәннің мақсаты: инвестициялық қызметінің саясатын жан-жақты зерттеу, нақты инвестициялық мүмкіндіктерді бағалауға қатысты талдау мен шешімдер қабылдаудың әртүрлі әдістерін пайдалануды үйрету

Кәсіпорынның (шаруашылық субьектісінің) ресурстық әлеуетін тиімді пайдалану бойынша шешімдерді негіздеу және тұжырымдарды аргументтеу, талдау жасау дағдыларын үйрену және меңгеру негізінде студенттердің экономикалық ой-өрісін қалыптастыруды қарастырады. Пәннің мақсаты:студенттерге заманауи экономикадағы күрделі үдерістерді дұрыс түсіну үшін кәсіпорын экономикасын басқару әдістері мен негізгі тәсілдері мен негізгі экономикалық категориялары туралы білім беру

Курс сапаны басқарудың теориялық негіздерін зерделеуді, студенттердің кәсіпорындардағы өнімдер мен басқа да объектілердің сапасын басқаруды ұйымдастыру бойынша ұсынымдарды практикалық қолдану дағдыларын қалыптастыруды қамтиды. "Сапаны басқару" пәні студенттердің өнімнің сапасын қамтамасыз ету және сапасын басқару, өндірістің мамандануын дамыту, өнім, жұмыс, қызмет сапасын басқару сияқты менеджменттің негізгі идеяларын дамыту, өнім берушілер мен тапсырыс берушілер арасындағы сапа саласындағы қатынастардың заманауи тәжірибесімен және сапа саласындағы құқықтық мәселелер бойынша негізгі нормативтік құжаттармен танысуды мақсат етеді

Курстың міндеттері: Экономист студенттерде меншікті (бизнесті) пайдаланудан түсетін табысты сауатты бағалау және болжау үшін қажетті белгілі бір білім көлемін қалыптастыру және оқытылатын пән бойынша әдебиетпен өз бетінше жұмыс істеу дағдыларын қалыптастыру. Курстың мақсаты: жылжымайтын мүлік нарығын қалыптастыру туралы түсінік беру. Бизнесті бағалау әдістерін меңгеру және оларды практикалық қызметте қолдана білу, бағалаушылардың этика нормаларымен танысу, меншікті бағалау жұмысының нәтижелері бойынша есеп жасай білу.

Пәнді игеру барысында студент ел экономикасының бәсекеге қабілеттілігін жетілдіру саясатын қалыптастыру жолдарын игереді. Пәннің мақсаты: студенттерге ұлттық экономиканың бәсекеге қабілеттілігі туралы түсінік беру

Экономика саласындағы қоғамдық қатынастарды құқықтық реттеудің нормативтік негіздері мен көздерін білу. Экономикалық қатынастарды құқықтық реттеу тетігінің құқықтық құралдарын қолдана білу. Заңнама нормаларын нақты қоғамдық қатынастарға қолдану және нақты дауларды қарау тәжірибесінің соңғы тенденцияларын қолдана отырып, жанжалды жағдайларды шешуді дамыту, заңды негізделген ұйымдастырушылық және басқарушылық шешімдерді таба білу және олар үшін шешімдердің әлеуметтік маңыздылығы тұрғысынан жауап беруге дайын болу

Салық салудың мемлекет жүйесіндегі және кәсіпорындардағы орны мен рөлі, бюджетке міндетті төлемдерді есептеу бойынша практикалық дағдыларды игеру, Салық кодексін ҚР Салық практикасында пайдалану. Кірістер мен шығыстардың есептілігі негізінде салық есептілігін жасау, салықтық құқық бұзушылықтар саласындағы проблемаларды талдау. Пәнді оқытудың мақсаты білім алушыларда Қазақстан Республикасындағы салық жүйесі туралы тұтас түсінікті, салықтар мен салық салудың теориялық негіздерін қалыптастыру, жекелеген салықтарды есептеу әдістемесіне оқыту болып табылады.

Оқу пәнінің мақсаты студенттердің халықаралық сауданы дамытудың мәні мен негізгі бағыттарын, халықаралық саудада болып жатқан процестерді талдау әдістерін игеруі, оның жұмыс істеу принциптерімен танысу болып табылады. Пәннің міндеттері: сыртқы сауда қатынастарының негізгі түрлерімен, олардың жұмыс істеу және реттеу тетіктерімен таныстыру, халықаралық сауда-экономикалық қатынастардың дамуына және кеңеюіне әсер ететін факторларды анықтау, әлемдік тауар нарықтарының құрылымын, олардың даму динамикасын зерттеу

Экономиканың әр түрлі құрылымдары бойынша даму жағдайы мен тенденциясын талдай білу, кірістер мен шығыстар сметасын құру, трендтерді талдау және олардың негізінде қысқа мерзімді және ұзақ мерзімді болжамдар жасау, ресурстар мен дайын өнім бағаларын талдауды игеру. Пәннің мақсаты: шаруашылық жүргізуші субъектілердің экономикалық әлеуетін қалыптастырудағы жоспарлаудың теориялық негіздерін меңгеру.

Пән салықтық жоспарлау, талдау және салық төлемдері бойынша бағыттарды, бухгалтерлік есепте ставкаларды есептеу әдістері мен схемаларын зерттейді. Салық салу үшін кірістер мен шығыстарды тану ережелерінің модельдерін қалыптастыру, декларациялар жасау және табыс салығын есептеуді дұрыс қолдану. Пәнді оқытудың мақсаты студенттердің салық есебін жүргізу және салық декларацияларын жасау саласында теориялық білімі мен практикалық дағдыларын қалыптастыру болып табылады.

Cалааралық экономикалық процестердің ғылыми-теориялық негіздерін, динамикалық салааралық модельдерді құрудың негізгі тәсілдерін сипаттайды. Балама макроэкономикалық модельдермен салыстырғанда динамикалық салааралық модельдердің артықшылықтары мен кемшіліктерін сипаттайды. Ұлттық экономиканың ұдайы өндіру аспектілерін барабар көрсету және макроэкономикалық деңгейде туындайтын нарықтық қатынастарды есепке алу мәселелерін баяндайды.

Ауыл шаруашылығын мемлекеттiк реттеудiң пəні болып ауылшаруашылық коммерциялық ұйымдардың өндiрiстiк-шаруашылық, əлеуметтiк жəне басқа да қызмет салаларындағы аграрлық қатынастар табылады. Пәннің мақсаты:Студенттердің білім деңгейін мамандану тәжірибесімен толықтыра отырып, егеменді мемлекетіміздің қызметкерлерінің іс-әрекетінің мәнерін, мәдениетін, басқарушы мен бағынушы қызметтік қарым-қатынас мәселелерін білуге үйрету.

Деректерді жинау, өңдеу және түсіндірудің жалпы принциптері мен әдістерін қолдану негізінде экономистің практикалық қызметінде пайдалану үшін шетелдік ұйымдар және кәсіпорындардың сыртқы экономикалық қызметінің әртүрлі аспектілерімен танысу мақсатында зерттеледі. Сыртқы экономикалық қызметте туындайтын нарықтық қатынастарды есепке алу мәселелерін зерделейді

Нарықтық экономикадағы фирмаішілік жоспарлауды ұйымдастыру, фирмаішілік шығындардың жіктелу, өнімнің өзіндік құнын жоспарлау т.б. бағыттарды қамтиды. Пәннің мақсаты: кәсіпорын қызметін басқаруда фирмаішілік жоспарлау принциптерін талдай білуді игереді

Кәсіпкерліктегі халықаралық тәуекелдердің алдын алу мақсатында экономикалық бөлімдерге қажетті есептеулерді негіздеп, ұйымда қабылданған және халықаралық тәжірибеде қолданылатын стандарттарға сәйкес жұмыс нәтижелерін көрсете отырып, талдау кезінде экономикалық мәселелерді анықтау арқылы нақты жағдайлардың шешу жолдарын ұсыну барысында күтілетін нәтижелерді бағалай алады. Пәннің мақсаты: шетелдік кәсіпкерлік операцияларды жүзеге асырумен байланысты кәсіпкерлік тәуекелдердің тәжірибесі саласындағы негізгі құзыреттерді, халықаралық бизнесте стратегиялық және тактикалық тәуекелдерді төмендету құралдарын қолдануда теориялық және практикалық білімдер мен дағдыларды қалыптастыруға ықпал ету.

Қаржы-экономикалық есептерді жүргізу мақсатында инвестициялық портфельді қалыптастыру мен басқарудың теориялық негіздерін зерделеу, сауатты инвестициялық шешімдер қабылдау кезінде инвестициялық портфельді бағалау мен тиімділігін анықтауға практикалық тәсілдерді меңгеру. Пәннің мақсаты: инвестициялық портфельді басқарудың стратегиясын анықтау және тиімділігін бағалау дағдыларын қалыптастыру мақсатында оқытылады

Кәсіпорынның ресурстарын қолданудың тиімді нысандары мен тәсілдерін негіздеу бойынша және өндірістік ұйымдардың шаруашылық қызметінің оптималды нұсқаларын таңдау бойынша экономикалық есептерді орындау үшін қажетті кәсіби және есептік-аналитикалық дағдыларды алу болып саналады. Пән өндірісті ұйымдастыру мәселелері бойынша теориялық білім мен практикалық дағдылардың қалыптастыратын мәселелер кешенін қарастырады

Елдің, жалпы аймақтың тұрақты экономикалық өсуінің және ұзақ мерзімді экономикалық дамуының негізгі принциптерін зерттеу. Пәннің мақсаты: Экономикалық тұрақты өсу процестерін және экономикалық белсенділіктегі айырмашылықтардың көздерін талдау үшін тиісті білім деңгейін және қажетті дағдыларды қалыптастыру, сондай-ақ аймақтардың экономикалық өсу кезінде кездесетін қиындықтары мен проблемаларын терең түсіну қарқынына қол жеткізу

Өтпелі процестерді, экономикалық және басқарушылық шешімдерді қабылдау мен іске асыру қағидаттарын қоса алғанда, экономиканың жұмыс істеуінің теориялық негіздерін меңгеру Пәннің мақсаты: нақты жағдайларды талдау кезінде экономикалық сипаттағы мәселелерді анықтау, оларды шешу жолдарын ұсыну және күтілетін нәтижелерді бағалау қабілетін дамыту

ҚР-ның экономикасын реформалау әдісінде, елдің экономикалық даму стратегияларын өңдеуде, объективті жоспарлау мен ұзақ және орта мерзімді болжаудың қажеттігінайқындайды. Пәннің мақсаты: еліміздің әлеуметтік-экономикалық дамуын болжау және жоспарлау саласындағы қолданбалы міндеттерді шешу үшін студенттердің теориялық білімі мен практикалық дағдыларын қалыптастыру

Басқарудағы стратегиялық шешімдерді таңдау тәсілдері туралы түсінікке ие болу Пәннің мақсаты: студенттердің стратегиялық басқарудың негізгі теориялары туралы, басқарушылық шешімдер қабылдаудың әртүрлі деңгейлеріндегі стратегиялық басқару процесінің негізгі элементтерінің мазмұны мен өзара байланысы және оларды практикалық қызметте қолдану туралы білімдерін қалыптастыру

Кәсіпорынның инвестициялық қызметі, оны тиімді қаржыландыру мен несиелеудің негізгі аспектілері, қазіргі инвестициялық жобалар мен қаржылық инвестициялардың мәні туралы түсінікке ие болу. Пәннің мақсаты: Кәсіпорынның инвестициялық жобалары мен қаржылық инвестициялардың мәні туралы түсінікке ие болу. Инвестициялық қызметті тиімді қаржыландыру және несиелеудің аспектілері негізінде белгісіздік пен тәуекелді ескере отырып, тиімді қаржылық инвестицияларды бағалау әдістерін талдай алуы

Экономикалық қауіпсіздікті заңнамалық-құқықтық қамтамасыз ету мәселелері, мемлекеттің, өңірлердің, кәсіпорындардың экономикалық қауіпсіздігі мәселелері қаралады. Пәннің мақсаты: студенттердің ұлттық экономикалық қауіпсіздікті қамтамасыз ету саласында білімді меңгеруі және осы салада белсенді қызметке даярлау

Халықаралық экономикалық интеграциялық процестерді дамытудың модельдік проблемалық аспектілері негізінде аймақтық экономикалық интеграцияның бағыттарын зерделеу және талдау арқылы елдің интеграциясына шешуші әсер ететін экономикалық қайта құрулардың маңызды ерекшеліктерін ашу процестерін зерделеу.Пәннің мақсаты: Аймақтық экономикалық интеграцияның дамуының салдары ретінде еркін сауда аймақтарының, кедендік одақтардың, ортақ нарықтың, экономикалық және валюталық одақтың қызмет ету ерекшеліктерін талдай білу.

Монополиялық қызметті тежеу мақсатында мемлекет әкімшілік және экономикалық шарадан басқа, заң бойынша әділеттілік шаралар қолданудың негіздерін түсіндіреді.Пәннің мақсаты: мемлекеттің монополияға қарсы саясатты ұйымдастырудың теориялық және тәжірбелік негіздерін зерттеу.

Кәсіпорынның (ұйымның) қаржылық жағдайын талдау және оның даму перспективаларын бағалау дағдылары. Пәннің мақсаты: Дағдарысты басқару нұсқаларын таңдау бойынша шешімдер қабылдау, кәсіби міндеттерді шешу үшін қажетті деректерді жинау, талдау және өңдеуді жүзеге асыру, қаржылық саясатты, бюджеттік жоспарлауды, салық жүйесін, кәсіпорындардың қаржылық қызметін анықтайтын заңнамалық және нормативтік құқықтық актілерді білу

Шаруашылықтың аумақтық ұйымдастырылуын зерттеу жүйесі, өндіргіш күштер түсінігі, өндіргіш күштердің дамуы мен орналасу мәселелерітуралы жан-жақты қарастырады. Пәннің мақсаты: студенттерге өндіргіш күштерді орналастыру және аумақтық ұйымдастыру негіздері туралы түсінік қалыптастыру.

Корпоративтік басқару және әлеуметтік жауапкершілік қағидаттарын ескере отырып, акционерлердің құқықтарын қорғауға назар аудару, компания қызметінің бағытын анықтау, корпорацияның оң имиджі мен іскерлік беделін құрудағы корпоративтік әлеуметтік жауапкершіліктің рөлін бағалау, әлеуметтік жауапкершілік жүйесін ұйымдастырудағы мемлекеттің рөлі зерделеу Пәннің мақсаты – әлеуметтік бағдарланған менеджмент және маркетинг тұрғысынан компанияны басқарудың заманауи тұжырымдамаларын, компанияның корпоративтік әлеуметтік жауапкершілігін талдау және бағалау әдістерін меңгеру.

Курстың міндеті: Әлеуметтік саланы және оның жекелеген салаларын ұйымдастырудың, жоспарлаудың, қаржыландырудың, кадрлық қамтамасыз етудің теориялық-әдіснамалық және практикалық аспектілерін қарау негізінде әлеуметтік салада болып жатқан экономикалық процестер туралы тұтас түсінікті қалыптастыру. Пәннің мақсаты: Қоғамда болып жатқан әлеуметтік маңызды проблемалар мен процестерді талдау, болашақта олардың мүмкін дамуын болжай білу, әлеуметтік-экономикалық көрсеткіштердің өзгеру тенденцияларын анықтау, басқарушылық шешімдердің ұсынылған нұсқаларын сыни бағалау

Экономикалық кеңістіктегі нақты жағдайды бағалау үшін әлемдік тәжірибе мен микро - макро - деңгейдегі модельдер негізінде сыни талдауды және экономикалық теорияларды қолдану мүмкіндіктерін іске асыруға, заманауи әдістер мен персоналды басқару құралдарын меңгеруге қабілетті

Табиғи ортаны сақтау, қоғамның тұрақты дамуын қамтамасыз ету үшін, оның ішінде төтенше жағдайлар мен әскери қақтығыстар қаупі төнген және туындаған кезде күнделікті өмірде және кәсіби қызметте қауіпсіз өмір сүру жағдайларын жасауға және қолдауға қабілетті

Халықаралық кеңістікте компанияны тиімді басқаруды және дамытуды жүзеге асыру үшін қаржы ресурстарын жинау, талдау және жоспарлауды жүзеге асыру, ақша, қаржы және несие қатынастары саласындағы экономикалық процестерді болжау.

Инвестициялық қатынастар мен инвестициялық қызметті ұйымдастыру мәселелерін реттейтін нормативтік құқықтық актілерді пайдалануға, инвестициялық жобаларға олардың тиімділігі тұрғысынан бағалау жүргізуге, қандай да бір инвестицияларды жүзеге асырудың орындылығы туралы шешім қабылдауға құқығы бар

Әртүрлі меншік нысанындағы кәсіпорындардың, ұйымдардың, ведомстволардың және т.б. есептілігінде қамтылған қаржылық, бухгалтерлік және өзге де ақпаратты талдау және түсіндіру, алынған мәліметтерді басқарушылық шешімдер қабылдау үшін пайдалану.

Қаржылық-экономикалық міндеттерді шешу үшін қазіргі заманғы статистикалық әдістерді, математикалық модельдеу тәсілдерін, ақпараттық технологияларды қолдануға қабілетті

Экономикалық заңдар мен заңдылықтарды, ұлттық және әлемдік экономиканың, оның ішінде бюджеттік және салық жүйесінің, салалардың, жаһандану жағдайындағы нарықтық субъектілердің және тез өзгеретін қоғамның жұмыс істеу модельдері мен алгоритмдерін түсіндіру негізінде шешімдер қабылдау, дағдарысты басқару, кәсіпорындардың даму перспективаларын бағалау дағдыларын меңгеру.

Өндірісті ұйымдастырудың қажетті формаларын таңдай отырып, экономикалық объектілердің қызметін талдау. Процестерді, құбылыстарды, жағдайларды сипаттау және болжау үшін модельдерді құру және пайдалану, олардың сапалық, сандық талдауын жүргізу

Қазақстан Республикасының заңнамасын, оның ішінде экономика және кәсіпкерлік саласындағы заңнаманы ескере отырып, кәсіби қызметті жүзеге асыруға, сондай-ақ экономика саласындағы қоғамдық қатынастарды құқықтық реттеудің нормативтік негіздері мен көздерін қолдана отырып, сыбайлас жемқорлық мінез-құлқына төзбеушілік қатынасты қалыптастыруға қабілетті.

Ұйымда және оның негізгі құрылымдық бөлімшелерінде кешенді экономикалық талдау жүргізу, өндірістік-экономикалық және қаржылық әлеуетті бағалау, кәсіпорынның тиімділігін арттыруға бағытталған басқарушылық шешімдер дағдыларына ие болу.

Кәсіпкерлік қызметті жүзеге асырудың әлеуметтік-экономикалық жағдайларын бағалай отырып, бизнес-жобаларды әзірлеу, бәсекеге қабілеттілікті қамтамасыз етуге бағытталған нарық конъюнктурасын ескере отырып, бизнес пен инновациялық өнімдерді құруға қатысу.