6B07365 Құрылыс в Қорқыт Ата атындағы Қызылорда университеті

Пәннің мақсаты: техника және технология саласында білім алушыларды кәсіби қызметінің негізгі базасы бойынша теориялық даярлау, олардың ғылыми дүниетанымы мен құзыреттілігін қалыптастыру. Пәннің міндеттері: білім беру және қазіргі физиканың құбылыстары мен заңдарын меңгерту, шығармашылық ойлауын; танымдық қызметтің дағдыларын; физикалық жағдайларды модельдей алуын; кәсіби міндеттерді шешудегі дағдыларды дамыту.

Пән математикалық есептерді шешудің негізгі формулалары мен әдістерін, логикалық және алгоритмдік ойлау қабілетін дамытуға бағытталған. Сонымен қатар, математикалық интуицияны дамыту, зерттеу саласына тән әдістерді пайдалану, жалпы құрылымын және оның элементтері арасындағы байланыстарды көрсете білу, математикалық есептерді практикалық тиімді нәтижелерге дейін жеткізу мүмкіндігі.

Пән физика заңдарын тұжырымдауды, құбылыстар мен заңдарды сипаттайтын шамаларды және олардың арасындағы байланысты анықтауға бағытталған. Сонымен қатар, физикалық теорияны, заңдылықтарды, ұғымдарды, тәжірибелерді, есеп шығару әдістерін меңгере отырып, айналада болып жатқан құбылыстарды, процестерді физикадан алған білімдерін пайдалану арқылы кәсіби білім мен дағдыларын жетілдіруге мүмкіндік береді.

Курстың мақсаты: таңдалған мамандыққа қызығушылықты ыңталандыру, оқутыға сонымен қатар кәсіби білімді алудың заманауи әдістеріне саналы қатынасқа ықпал ететін дүниетанымын қалыптастыру. Курсты оқып-үйрену студенттерді болашақ мамандығымен таныстыруға, таңдаған мамандық туралы тұтас көзқарас қалыптастыруға және қажетті білім мен дағдыларды игеруге ынталандыруға бағытталған

Пән білім алушыларды математиканың негізгі ұғымдарын, формулаларын және математикалық әдістерін қолдану және инженерлік есептерді шығару дағдыларын қалыптастыру. Сонымен қатар, математикалық есептеулерді шешудің тиімді әдістерін қолдануды, алынған мәліметтердің сенімділігін бағалауда математикалық әдістерді білуге, талдауға, нақты шешім қабылдауға мүмкіндік береді.

Пән CREDO бағдарламасы арқылы инженерлік-геодезиялық жұмыстардың есептеу бөлігін автоматтандыруды үйретуге бағытталған. Сонымен қатар, ведомосттар мен журналдардағы мәлімет енгізуді теңестіруді, жер бетінің түсірісін, сызықтық ізденістерді өңдеуді, тік және көлденең профильдерін жасауды меңгеруге мүмкіндік береді.

Пән ғимараттар мен имараттарды жобалау принциптерін тұрғын сәулеттік құрылыстық жобалау негіздерін ұйымдастыруға бағытталған. Сонымен қатар, тұрғын үй және қоғамдық ғимараттардың жүк көтергіш қаңқаларын жобалау негіздерімен, негіздер мен іргетастардың, конструктивтік шешімдерімен және конструкцияларды тұрғызудың жалпы ережелерімен танысуға мүмкіндік береді.

Пән құрылыс материалдарының негізгі қасиеттерін, табиғи тас пен керамикалық материалдар мен бұйымдардың құрамы мен сапасын ажырата білу мәселелерін, қазіргі заманғы құрылыс материалдарының өндірілу технологиясын және қолданылу аясын, олардың зерттеу тәсілдерін оқытады.

Пән заманауи теориялық механиканың аналитикалық және графикалық әдістері, статиканың негізгі ережелері, күш өзара механикалық әсер өлшемі ретінде қарастырылады. Сонымен қатар, құрылыс конструкцияларының негізгі элементтерін қарапайым деформация кездерінде беріктікке, қатаңдыққа және орнықтылыққа есептеулің аналитикалық және жобалық әдістерін меңгеруге мүмкіндік береді.

Пән материалдардың гидрофизикалық және жылу физикалық қасиеттерін, қирау механикасы, механикалық қасиеттер моделі және кернелу релаксациясы туралы мәліметтерді меңгеруге бағытталған. Сонымен қатар, физика-химиялық қасиеттер: адгезия құрылымдық беріктік және төзімділік, технологиялық қасиеттер туралы ұғымдарды меңгеруге мүмкіндік береді.

Пән ортогональ проекциялар арқылы кеңістікте орналасқан нәрсенің графикалық сызбаларын тұрғызу әдістерін меңгеруге бағытталған. Сонымен қатар, нүктенің, түзудің және жазықтықтың сызбаларын, дербес және жалпы жағдайда орналасқан түзу мен жазықтықтарды, проекцияны түрлендіру қасиеттерін, позициялық және метрикалық есептерді шешу әдістерін үйренуге мүмкіндік береді.

Көлемдік жоспарлау және конструктивтк шешімдерін әзірлеудің негізгі тәсілдері мен әдістері. Архитектуралық шығармашылықта ғылыми-техникалық прогрестің жетістіктерін қолданудың әдістемесі. Сәулет және конструктивтік сызбаларды оқу және бейнелеу. Сәулеттік құрылыстық және арнайы және ғылыми терминология.

Пән компьютерлік жобалаудың негізгі принциптерін, компьютерлік графиканың құралдары мен әдістерін, AutoCAD редактор командаларын, AutoCAD ішіндегі графикалық примитивтерді, дизайн командаларын сызуды меңгеруге бағытталған. Сонымен қатар, суреттерді өңдеуге, AutoCAD бағдарламасындағы примитивдердің қасиеттерімен танысуға, құрылыс сызбаларын сызуға мүмкіндік береді.

Пәнді оқытудың мақсаты өндірістік ортаның жағымсыз факторларын анықтау, адамды зиянды және қауіпті өндірістік факторлардан қорғау, еңбек қызметінің қолайлы және қауіпсіз жағдайларын жасау, кәсіптік аурулар мен өндірістегі жазатайым оқиғалардың алдын алу үшін еңбекті қорғаудың теориялық және практикалық негіздері мәселелері бойынша білім алушыларды даярлау болып табылады.

Пән машина жасау сызбаларында инженер-құрылысшыға конструкцияларды монтаждау, санитарлы-техникалық құрылымдарды және құрылыс машиналарын эксплуатациялау жұмыстарын меңгеруге бағытталған. Сонымен қатар, сызбалар және олардың түрлері, шрифттер мен таңбалар, масштабтар, материалды шартты белгілеу, өлшемдерін енгізу, бөлшек сызбалары, эскиздер, құрылыс конструкциялар бөлшектерінің сызбаларын орындауды үйренуге мүмкіндік береді.

Бұл пәнде кеңістіктік геометриялық объектілердің кескіндерін (модельдерін) салу тəсілдерін, олардың геометриялық қасиеттерін жəне осы кескіндерде кеңістіктік геометриялық есептерді шығару тəсілдерін зерттейді. Құрылыстық сызба техника мен ғылымның әртүрлі салаларында кеңінен қолданылады. Сонымен қатар ұсақ бөлшектер мен нәрселердің аксонометриялық проекциялары мен кесінділерді салу, сызба сызықтардың түрлері олардың қолдану орынымен, теориясын меңгереді. Перспективаға қатысты позициялық және метрикалық есептердің шығару әдістеріне машықтанады.

Пән геодезиялық аспаптар, өлшеуді зерттеу әдістері, нүктелер координаттарын есептеу, топографиялық түсірудің принциптерін меңгеруге бағытталған. Сонымен қатар, геодезиялық жұмыстарды өндіруге арналған нормативті әдебиеттермен, топографиялық жоспарлар бойынша инженерлік тапсырмалармен және жерде орындалатын геодезиялық өлшемдермен жұмыс істеу мүмкіндіктері.

Пән технологиялық машиналар мен жабдықтардың элементтерін есептеудің қазіргі заманғы әдістерін, деформацияның негізгі түрлері мен кернеулі және деформацияланған күйлер теориясын, беріктік және пластикалық гипотезаларды оқытады. Күрделі қарсыласу, статикалық анықталмаған жүйелерді, жұқа қабырғалы қабықшаларды және қалың қабырғалы құбырларды есептеуді үйретеді.

Пән азаматтық және өнеркәсіптік ғимараттардың көлемдік-жоспарлауды, конструктивтік шешімдерін, құрылыс жобаларының сәулет-құрылыс бөлімдерін және сәйкес ғимараттың конструктивтік шешімдерін меңгеруге бағытталған. Сонымен қатар, ғимараттар мен олардың жеке элементтерін жобалау шешімдерін қалыптастыруға мүмкіндік береді.

Студенттерді әртүрлі меншік нысандарындағы кәсіпорындардың ұйымдастырушылық-құқықтық формаларымен, белгілі бір бизнес-идеяларды жүзеге асырудың белгілі бір түрін таңдаумен таныстыру. Курс Экономика мен кәсіпкерліктің мәні мен оның формаларын ашады, осы қызметтің теориялық және практикалық аспектілерін жан-жақты қарастырады.

Курстың мақсаты: Адамның қоршаған ортамен қауіпсіз өзара әрекеттесуін және төтенше жағдайлардағы жағымсыз факторлардан қорғау негіздерімен танысу. Курсты оқу салауатты өмір салты нормаларын сақтау қажеттілігі, тіршілік қауіпсіздігі ережелерін саналы түрде орындау туралы кешенді түсінікті қалыптастыруға бағытталған

Курстың мақсаты студенттердің құқықтық санасын және құқықтық мәдениетін арттыру, әлеуметке қарсы құбылыс ретінде сыбайлас жемқорлыққа қарсы іс-қимыл бойынша білім жүйесін және азаматтық ұстанымды қалыптастыру болып табылады. Курсты оқу барысында студенттер құқық және мемлекет теориясының негіздерін меңгереді, құқықтың қоғам өміріндегі орны мен рөлін түсінеді, сыбайлас жемқорлықтың мәні мен факторлары, оның әртүрлі көріністері туралы кешенді білім алады, сыбайлас жемқорлыққа қарсы іс-қимыл бойынша әрекеттер мен дағдыларға ие болады.

Пәнді оқытуда құрылыс конструкцияларының қасиеттерін және физика-механикалық сипаттамаларын, негізгі элементтеріне әсер ететін жүктемелерді анықтауды және оларды шекті жағдайдағы топтар бойынша есептеуді меңгереді . Сондай-ақ, әр түрлі кернеулі жағдайда элементтердің жұмысын, конструктивтік элементтердің көлденең қимасының пішіндері мен өлшемдерін есептеуге мүмкіндік береді.

Пән ағаштан жасалған құрылыс конструкцияларының әртүрлі кернеулі жағдайдағы жұмысы, оларды кұрылғылау және есептеу тәсілдерін үйретуге бағытталған. Сонымен қатар, теория мен практикада ағаштан жасалған конструкцияларды есептеу мен жобалаудағы заманауи тәсілдер мен тенденцияларды қолдануға мүмкіндік береді.

Пәнді оқытуда тау жыныстарының құрылымы, қасиеттері, табиғи геологиялық процестер және инженерлік-геологиялық жағдайлардың өзгергіштігі туралы негізгі мәліметтерді зерттей алады. Тау жыныстарын құрайтын минералдар, магмалық, шөгінді және метаморфты тау жыныстары, жер асты сулары қарастырылады. Топырақ механикасының негізгі заңдылықтары, топырақтағы кернеуді анықтау әдістері, шекті кернеулі күй теориясы және оны қолдану, топырақтың деформациясы және олардың уақыт бойынша өзгеруін біледі.

Білім алушы қоршау конструкцияларының жылу-техникалық көрсеткіштерін тексеруді және есептеулер жүргізіп тиімді шешім қабылдауды үйренеді. Сонымен қатар қоршау конструкцияларының жылу сақтау технологияларын қарастырады.

Пән ғимараттар мен құрылымдардың жылу қауіпсіздігін қамтамасыз етуді, құрылыс нормаларын және ғимараттарға жаңа энергетикалық көрсеткіштер енгізуді, энергияны үнемдеу, ғимараттарды жобалау жұмыстарын меңгеруге бағытталған. Сонымен қатар, ғимараттар мен имараттарды жобалауда қоршау конструкцияларының климаттық параметрлерін және оларды артық ылғалдандырудан қорғау, желдету мен жылыту жүйелерінің ұзақ мерзімділігі мен қажетті сенімділігін есептеуді игеруге мүмкіндік береді.

Пәнді меңгеруде білім алушылар әртүрлі жылу электр станцияларының жалпы принциптері мен құрылымын және жұмыс істеуі туралы білімдерін қалыптастырады. Өнеркәсіптік кәсіпорындардың жылу және электр энергетикалық жүйелерінің құрылымы мен жұмыс істеуінің жалпы принциптерін, өнеркәсіптік кәсіпорындар мен жылумен жабдықтау жүйелерінің электр желілерінің, өнеркәсіптік тұтынушылар мен электр энергиясын қабылдағыштардың негізгі түрлері мен сипаттамаларын, әр түрлі жылу технологиялық процестердің энергиясы мен жылуына қажеттілікті есептеуді біледі.

Пән ғимараттардың қоршау құрылымдарында болып жатқан Физикалық процестерді және ішкі ортаның физикалық қасиеттерін білуге бағытталған. Ғимаратты жобалау кезінде үй-жайларда қолайлы микроклиматты қамтамасыз ету мақсатында жылу техникасы, акустика, жарық техникасы бойынша есептеулер жүргізуге мүмкіндік береді.

Пән инженерлі геология төңірегіндегі инженерлі-құрылыс жұмыстарының теориялық және практикалық негізін білуге бағытталады. Сонымен қатар, топырақ механикасының негізі, топырақтың ыдырау теориясы, іргетас құрылысы және жерасты құрылысы туралы мәліметтерді, құрылыс алаңын инженерлі-геологиялық жағдайын дұрыс бағалауды меңгеруге мүмкіндік береді.

Пәнді оқытуда ғимараттар мен құрылыстарды салу кезінде орындалатын құрылыс-монтаждау процестерін жүзеге асыру тәсілдері мен құралдары, еңбек және қоршаған ортаны қорғау, технологиялық жобалау туралы негізгі түсініктер мен ережелер туралы меңгеруді, құрылыс процестерінің еңбек сыйымдылығын, машина қажеттілігін және қажетті жұмысшылардың, техникалардың санын анықтауды үйренеді.

Пән статикалық анықталған жүйелерді және статикалық түрде анықталмайтын жүйелерді есептеу әдістемесін, құрылыс конструкциялары мен құрылымдарын есептеудегі құрылыс механикасының негізгі әдістерін меңгеруге, құрылымдардың жұмысын талдауға бағытталған. Сонымен қатар, статикалық анықталатын және анықталмайтын стерженьдік жүйелерді есептеуге мүмкіндік береді.

Пән Autodesk фирмасының 3ds Max пакетін меңгеруді, модельдеудің ауқымды әдістерін, олардың түрлері мен күрделілігі, әртүрлі үшөлшемді компьютерлік модельдерді құру үшін үйлесімін оқытады. Бағдарлама сондай-ақ қуатты визуализатор болып табылады, кіріктірілген визуализаторлардың үлкен саны бар, сондай-ақ үшінші тарап әзірлеушілерінің визуализаторларын пайдалануға мүмкіндік береді. Анимацияланған сахна құру мүмкіндігі бар. Бағдарламаны қолдану шеңбері жан-жақты бағытта игеріледі.

Пән энергия тиімді үйлерді жобалауды ғылыми негіздеуге, ғимараттар мен құрылыстарды салу және пайдалану саласындағы энергия үнемдеу стратегиясын құруға бағытталған. Сонымен қатар, құрылыс энергиясы және энергия үнемдеуді, құрылыс пен жобалаудың отандық және әлемдік тәжірибесін меңгеруге мүмкіндік береді.

Пән құрылыс нормативтерін және олардың сақталуына бақылау рәсімдерін, сондай-ақ энергетикалық тиімділікті бағалауға және мониторинг жүйесін жетілдіруге бағытталған. Сонымен қатар, құрылыс материалдары және олардың құрауыштарының энергетикалық тиімділігін стандарттауды және сертификациялауды меңгеруге мүмкіндік береді.

Пәнді игеруде білім алушылар компьютерлік графиканың жетілдірілген мүмкіндіктері мен бағдарламалық пакеттерді пайдалана отырып, құрылыстағы сандық форматтағы құжаттарды әзірлеуді меңгереді. Дайындалған сандық құжаттарды қолдана отырып, құрылыс нысандарын уақтылы жөндеуді жоспарлауды және жүргізуді, бүкіл пайдалану кезеңінде ғимараттың барлық инфрақұрылымының тиімді жұмысын қамтамасыз етуін, сондай-ақ табиғи апаттар, өрттер, террорлық шабуылдар және т. б. жағдайында қауіпсіздікті қамтамасыз етуге үйренеді.

Пән құрылыс процестерін орындау әдістері мен процестерін және құрылыс жұмыстары мен жұмысшылардың еңбегін ұйымдастыру, процестердің сапалы орындалуын қамтамасыз ету, еңбек және қоршаған ортаны қорғау, технологиялық жобалау туралы негізгі түсініктер мен ережелерді білуге мүмкіндік береді.

Пән оқыту барысында инженерлік жүйелерді жобалау, монтаждау, пайдалану саласында білім беруге бағытталған. Сонымен қатар, тұрғын - үй, қоғамдық, өндірістік ғимараттар мен арнайы мақсаттағы нысандарды сумен қамту, канализация, жылыту, желдету, кондиционерлеу және газбен қамтудың ішкі жүйелерін есептеуді жүргізу, жұмыс орнындағы міндеттерді тәжірибе жүзінде шешу дағдыларын игеруге мүмкіндік береді.

Пән заманауи қалаларды және ірі елді мекендердегі жеке ғимараттарды, құрылыстар мен өндіріс орындарын салу мәселесін шешу кезінде инженерлік жүйелерді жобалау негіздерін меңгеруге бағытталған. Сондай-ақ, ішкі және сыртқы инженерлік жүйелерді жоспарлау, құрастыру, ұйымдастыру, пайдалану туралы теориялық білім мен практикалық дағдылануға мүмкіндік береді.

Пән өндіріс саласында баға белгілеу негіздерін, заманауи әдістемелік және бағаланған нормативтік базасын, жобаның сметалық құнын құрамы мен құрылымын, жергілікті бюджеттеу мен жиынтық стандарттарға баға беруді үйренеді. Жобалау жұмыстарының сметалық құнын анықтап, жұмыс көлемін есептеу ережесін, жергілікті бюджеттің бөлімдері бойынша жұмыс көлемін есептеуді игереді.

Пәнді оқытуда өндірістің маңызды саласы ретінде меншік нысаны және құрылыстағы байланыстар, инвестициялардың экономикалық тиімділігі, баға белгілеу және құрылыстағы бюджет, құрылыс ұйымы өндірісінің құнын есептеуді, құрылыстағы нарықтық экономиканың механизмін меңгереді.

Пән құрылыс машиналарын жіктеуді, көліктік, тасымалдаушылық, жүктеу-жүк түсіру және жүк көтеруші машиналары туралы ақпаратты игеруге бағытталған. Сонымен қатар, жерлік және қадалық жұмыстарға арналған машиналар мен жабдықтарды, тас материалдарын уақтауға, сұрыптауға және жууға арналған машиналардың жұмыс істеу механизмін меңгеруге мүмкіндік береді.

Пән құрылыс машиналары мен жабдықтары туралы ақпаратты, көлік және көтеру, жерге орналастыру машиналары туралы ақпаратты игеруге бағытталады. Сонымен қатар, бетон және ерітінділерді дайындау және тасымалдау, бетон қоспаларын тығыздау, әрлеу жұмыстарына арналған машиналар мен жабдықтардың жұмыс істеу механизмін меңгеруге мүмкіндік береді.

Пән ғимараттар мен құрылыстарды салуға арналған өнеркәсіптік әдістерді, құрылыс-монтаждау жұмыстарының негіздерін, жеке құрылыс-монтаж жұмыстарының технологиялық жобалау әдістемесін меңгеруге бағытталған. Сонымен қатар, құрылыс-монтаж жұмыстары өндірісі жобасының мазмұны мен құрылымын, ғимараттар мен құрылыстарды салу ережелерін игеруге мүмкіндік береді.

Пән темірбетон конструкцияларын зерттеу және сынау мәселелерін, ғимараттар мен үймереттерді сынаудың экспирементальды әдістерін игеруге бағытталған. Сонымен қатар, темірбетонның негізгі физикалық-механикалық қасиеттерін, олардың жобалау принциптерін, есептеудің теориялық және практикалық аспектілерін, әртүрлі кернеулі жағдайлардағы конструкциялардың қарсыласу ерекшеліктерін жобалауды игереді. Темірбетон конструкциясын сындырмай сынау, ғимараттар мен үймереттердің көтеру конструкциясын статикалық сынау әдістерін меңгеруге мүмкіндік береді.

Пән әртүрлі кернеулі күйдегі темірбетоннан жасалған конструкциялардың жұмысын, оларды есептеуді және конструкциялауды меңгеруге бағытталған. Сонымен қатар, экономикалық тұрғыдан ең тиімді конструктивті шешім қабылдауға дағдылануға, конструкциялардың жүк көтеру қабілетін сандық және сапалық түрде бағалауға мүмкіндік береді.

Пән іргетас тұрғызу саласының қалыптасуы мен дамыуын, топырақ сілемдерін жобалаудың негіздерін, топырақтың көтергіштік қабілетін, іргетастар салу тереңдігін талдауды игеруге бағытталған. Сонымен қатар, терең емес жатқан іргетастар мен қадалы іргетастарды жобалауды, салу жұмыстарының технологиясын меңгеруге мүмкіндік береді.

Пән топырақ механикасы мен іргетастар құрылысының практикалық мәселелерін шешуге және есептеуге бағытталады. Сонымен қатар, негіздер мен іргетастарды жобалау, инженерлік-геологиялық және топырақтың физика-механикалық қасиеттерін анықтауды үйренуге, жобалық шешімдерге техника-экономикалық баға беруге мүмкіндік береді.

Пән ғимараттар мен құрылыстарды күшейту технологиясының негізгі қағидалары мен міндеттерін игеруге бағытталған. Сонымен қатар, темірбетон конструкцияларын күшейтуде құрылыс процестерінің түрлерін, қауіпсіздік талаптарын және монтаждау технологиясының әдістерін меңгеруге мүмкіндік береді. Темірбетон конструкция элементтерінің қорғаныш қабатын қалпына келтіру жұмыстарының реттілігі мен ерекшеліктерін игереді.

Пәнді оқытуда техникалық құралдарды, материалдарды, бұйымдар мен конструкцияларды қолдануға, қайта құрылатын объектілердің құрылыс өндірісінің қазіргі заманғы технологиясын, тиімділік пен сапаны арттыру мәселелерін қамтып, бөлшектеу технологиясы бойынша келтірілген үйлер мен ғимараттардың құрылыс конструкцияларын күшейту, бұзу, жаңғырту, қайта құру, қосымша қабаттар салу сияқты процестердің технологияларын игеруге мүмкіндік береді.

Пәнді оқытуда білім алушы кеңістіктік құрылымдарды, оларды қолдану саласын және оларға қойылатын талаптарды, темірбетон мен металдан жасалған кеңістіктік жүйелерді есептеу мен құрастырудың негізгі ережелерін, элементтердің кернеулі күйін талдауды және зерттеуді үйретеді. Бірегей ғимараттар мен құрылыстардың жабындарының кеңістіктік конструкцияларының техникалық-экономикалық көрсеткіштерін бағалауды қалыптастыру және элементтердің, тораптардың түйіспелерін есептеу мен құрастыруды зерттеуді игереді.

Пән үйлер мен ғимараттарды зерттеу мен сынау барысында, сапаны бақылаудың түрлері бойынша негізгі ұғымдар, нормативтік база, құрылыс жұмыстарының сапасын бақылауды ұйымдастыруды біледі. Сапаны бақылаудың әдістері мен техникалық құралдары, сапаны бақылау жөніндегі құжаттама, халықаралық талаптарға, жобаға сәйкес талап етілетін сапа деңгейін қамтамасыз ету, ақауларды уақтылы анықтау, зерттеу және тікелей орындаушылардың жеке жауапкершілігін арттыруға мүмкіндік береді.

Пәнді оқытуда құрылыс өндірісін басқаруда жобалық және инженерлік ізденістерді ұйымдастыру, құрылыс ұйымдастыру жобасы және жұмыс өндірісінің жобасын жасауды меңгеруге мүмкіндік береді. Құрылыстық бас жоспарларын жобалауды, жұмыстың жекелеген түрлеріне арналған технологиялық карталарды, күнтізбелік құрылыс жоспарларын әзірлеуді игереді.

Пәнді оқытуда үлкен аралықты ғимараттар мен құрылыстарды кәсіби жобалауда ерекше санаттағы құрылыстарға қойылатын талаптарды меңгереді. Ірі құрылымдар: мегаполистер мен қалаларда кездесетін театр ғимараттарын, концерттік және көрме кешендерін, сауда, кеңсе, спорт орталықтарын, көп деңгейлі гараждар, ангарлар және т.б. жобалау және есептеу қарастырылады. Осы құрылымдағы ғимараттарды жобалау арнайы заңдарға сәйкес жүргізіледі.

Пән оқытуда металл қаңқалы өндірістік ғимараттарды жобалауды, қаңқаның көлденең рамасын есептеу, көлденең раманы статикалық есептеу арқылы тиімді конструктивті шешім қабылдауды, сонымен қатар, ғимаратты және жекелеген конструкцияларын есептеу мен жобалауда инженерлік шешімдерді өз бетінше қабылдауға мүмкіндік береді.

Пәнді оқытуда кез-келген кезеңдегі құрылыс конструкциялардың физика-механикалық қасиеттерін заманауи құралдар көмегімен анықтауды, механикалық сынаулар жасауды, ультрадыбыстық зерттеу құралдары көмегімен бұзбай сынау жүргізуді үйренеді. Талдау нәтижесінде, алынған ақпараттар бойынша конструкцияның дұрыстығы немесе күшейту, қайта құру сияқты атқарылатын жұмыстар анықталады.

Пәнді оқу барысында білім алушылар құрылыстағы ақпараттық модельдеу жайлы, жұмыс жасау қағидасы мен мүмкіндіктерін игереді. Сондай-ақ, құрылыстағы ақпараттық модельдеу жүйелерінде практикалық жұмыстарды орындау барысында 3D көрінісімен біртұтас ақпараттық, параметрикалық модель құруды, модельден дайын күйінде жоспар, қима, қасбеттер мен ведоместерді алуды және баспадан шығаруды үйренеді.

Пән құрылыс өндірісін дайындауға арналған жобалық және инженерлік ізденістерді жоспарлауды, құрылыс құжаттарын әзірлеуді үйренуге бағытталған. Сонымен қатар, құрылыстық бас жоспарларын жобалауды, жұмыстың жекелеген түрлеріне арналған технологиялық карталарды әзірлеуді, күнтізбелік құрылыс жоспарларын әзірлеуді меңгеруге мүмкіндік береді.

Пәнді оқытуда құрылыстағы баға белгілеу және сметалық іс бойынша теориялық және практикалық білімді қалыптастыру. Құрылыс өнімдеріне бағаның негізгі бөліктерін қалыптастыру кезінде сметалық формаларды қолдану дағдыларын меңгеру. Бағалардың өзара байланысы халық шаруашылық салалары, барлық ұйымдар мен өндірістердің өзара байланысын белгілейді. Құрылыстың сметалық құнын анықтау үшін қажетті ақпаратты жинауды, талдауды және өңдеуді жүзеге асырады.

Пән ғимараттар мен үймереттерді көлемді-жобалау және құрылымдық шешіміне байланысты сейсмотұрақтылыққа дұрыс есептеу мен жобалауды меңгеруге бағытталған. Сонымен қатар, ғимараттардың сейсмикаға төзімділігін арттыруды және олардың құралымдық сұлбаларына сәйкес сейсмикалық есептеулерді игеруге мүмкіндік береді.

Бір және көпқабатты өндірістік ғимараттардың металл қаңқаларын жобалау және орналастыруды, қаңқалық колонналар, кран асты және жабындық құрылымдарды жобалауды, тиімді нұсқасын таңдауды, құрылымдық сызбаларын дайындауды меңгеруге мүмкіндік береді. Пәнді оқытуда металл конструкция элементтерін жүктемелерге есептеуді, ішкі күштерді анықтауды, шектік жағдайлар бойынша есептер жүргізуді үйренеді.

Пән сейсмикалық жүктемені анықтау әдісін, сейсмикалық тұрақты ғимараттардың конструктивті шешімдерін меңгеруге бағытталған. Сонымен қатар, құрылыс алаңын инженерлік сейсмология тұрғысынан таңдауға, іргетастардың, топырақтың сейсмикалық қасиеттерін ескере отырып, құрылыс алаңының жағдайын бағалауға, ғимараттардың көлемдік-жоспарлау және конструктивтік шешімдерін әзірлеуге мүмкіндік береді.

Пән BIM технологиясын қолданып, жобалар дайындауды үйретуге бағытталған. Сонымен қатар, білім алушы BIM технологиясын меңгеру арқылы жобаны сызу мен есептеу жұмыстарын, біртұтас ақпараттық модельден дайын құжаттамаларды бір мезетте орындауды игереді.

Қазақстан мәдениеті мен заңдарының тарихи құндылықтарын, қоршаған ортаның экологиялық жай-күйін, гуманитарлық және әлеуметтік ғылымдар саласындағы мемлекеттік жалпыға міндетті білім беру стандартында көзделген білімді игереді.

Жаңа құрал-жабдықтарды қолданып, геодезиялық жұмыстар мен инженерлік-геологиялық зерттеулер жүргізеді.

Ғимараттар мен имараттардың сәулет-құрылыстық және инженерлік жүйелерінің жобалық құжаттамасын әзірлеуде деректерді жинауды, өңдеуді және рәсімдеуді меңгереді.

Нарықтық экономика заңдарын, принциптерін, моделдерін және әдістерін, кәсіпкерлік қызмет пен бизнесті ұйымдастыруды, құрылыстың сметалық құжаттамасын жүргізуді меңгереді.

Материалдар мен бұйымдардың сапасын анықтауда стандартты сынау әдістерімен есептеу жүргізуді біледі.

Құрылыс конструкцияларын құрастыру және есептеу, жобалау-конструкторлық жұмыстарды орындауда ВІМ технологияларын қолданады.

Бұйымдардың эскизін құрастыруға, сызбаларды безендіруге стандарт талаптарын, технологиялық және конструкторлық құжаттардың негізгі ережелерін, заманауи графикалық бағдарламаларды қолдануға дайындайды.

Ғимараттар мен имараттарды жобалау және салуда математика, жаратылыстану ғылымдары мен техника саласындағы білімді қолдану.

Құрылыс өндірісі процестерін, үйлер мен ғимараттарды күшейту және қайта құру технологиялары бойынша конструкциялардың ұзақ мерзімді жарамдылығын қамтамасыз етуді меңгереді.

Ғимаратты жобалауда энергия тиімділік мәселелерін, жаңа технологиялар мен ғылыми –зерттеу жұмыстарын зерттейді.

Ғимараттарды сейсмотұрақтылыққа және құрылыс конструкциялары элементтерін төзімділікке есептеуді игереді.

Құрылыстық бас жоспарын жобалау, өндірістік-техникалық құжаттаманы дайындау ерекшеліктерін меңгереді.