7M06111 Информатика және компьютерлік ғылымдар в М.Х.Дулати атындағы Тараз өңірлік университеті

Пәннің мақсаты – білім беру саласындағы іс-әрекетті, тұлғалардың қарым-қатынасын басқарудың жалпы психологиялық аспектілерін қалыптастыру. Басқару психологиясының тарихы, басшы қызметінің психологиялық механизмдері, кәсіби білім берудің психологиялық мазмұны, басқару субъектілері мен объектілері меңгеріледі. Пәнді меңгерудің нәтижесінде магистранттар жоғары мектептегі басқарушылық іс-әрекеттің психологиялық қырын және кәсіби іс-әрекетте тұлғалық психологиялық қарым-қатынасты басқарудың негізін меңгереді. Білім алушылар түрлі ресурстарды басқарудың психологиялық аспектілерін түсіндіруге; басқару әдістерін қолдануға; проблемалық жағдайларды талдауға қабілетті болады.

Пәннің мақсаты – магистранттардың кәсіби саласындағы шет тілдік коммуникативті құзыреттіліктерін халықаралық шет тілінде білім беру стандарттарына сәйкес дамыту. Пәнді меңгеру нәтижесінде магистрант келесідей құзыреттіліктерге ие болады: лингвистикалық білім мен біліктерін кеңейтеді, кәсіби және ғылыми қызметінде жүзере асыру мақсатында іскерлік ағылшын тілінің негізгі лексикасы мен академиялық хатты меңгереді.

Пәннің мақсаты – болашақ мамандардың ғылыми және ғылыми-педагогикалық қызметі үшін ғылыми, философиялық-әдістемелік және дүниетанымдық негізін қалыптастыру. Ғылыми мамандықтар бойынша білім беру және зерттеу жұмыстарын тиімді жүзеге асыруға қажетті білім, дағды және құзыреттіліктерді дамыту. Пәнді оқыту барысында мәдениет пен философияның дамуы контекстіндегі ғылымның пайда болу мен даму тарихы, ғылыми білімнің құрылымы мен зерттеу әдістері, заманауи ғылымның даму кезеңдері, өркениеттің дамуындағы ғылым мен техниканың рөлі, ғылыми ілім мен өркениеттің болашағы қарастырылады.

Пәннің мақсаты – жоғары кәсіби педагогиканың құзыреттіліктерін, жоғары мектеп педагогикасының ғылыми-теориялық, әдіснамалық, практикалық негіздерін меңгерген маман даярлау. Жоғары мектеп педагогикасының негізгі және қосымша категорияларын, жоғары мектеп дидактикасы, жоғары мектептегі менеджмент, жоғары мектеп педагогикасының заманауи мәселелері, жоғары мектептегі жалпы педагогикалық жүйені меңгеріп, өздерінің кәсіби іс-әрекетінде қолдана алады. Пәнді меңгеру нәтижесінде магистрант жоғары мектеп педагогикасының ғылыми-теориялық аспекттілерін меңгереді. Кәсіби іс-әрекетке шығармашылық тұрғыдан даяр болады.

Интернет-қосымшаларды бағдарламалауға кіріспе. Java қосымшаларының тілі мен қолдану мүмкіндіктері. Бастапқы файлдың құрылымы, кластар, әдістер, өрістер, айнымалылар. Мәліметтер түрлері. Қарапайым және объектілік түрлері. JEE құрылымы, веб-қосымшаларды құру үшін пайдаланылатын пакеттер. HTTP хаттама. Java servlets: жалпы құрылым, Java servlets қолдау үшін контейнерлерді ұйымдастыру. Java Server Pages: JSP жалпы құрылымы, JSP тегтері, JSP қосымшаларын әзірлеу. Веб-қолданбалар жасау үшін танымал фреймворктар.

Big Data анықтамасы мен ақпараттық қауіпсіздік. Жұмыстың негізгі принциптері мен үлкен деректерді аналитикалық зерттеу. Big Data қоймаларын жобалау принциптері. Қауіптердің жіктелуі. Үлкен деректерді талдау, бағдарламалық қамтамасыздандыру саласындағы тиімді шешімдер; Big Data тәсілінің қағидаларын зерттеу; Big Data платформасы мен ақпараттық қауіпсіздікті қамтамасыз етуді зерттеу. Қорғау алгоритмдері мен Big Data қорғауды қамтамасыз ету шараларының кешені.

Android қосымшасының архитектурасы. Android-та мобильді қосымшаларды бағдарламалау. Қосымшалар ресурстары. Android үшін қосымшаларды әзірлеу құралдары: Android Studio, Android NDK. Android эмуляторлары. Android қосымшаларының негізгі түрлері. Мобильді платформаларға шолу. Google Android платформасын зерттеу. Google Android платформасында қол жетімді құралдарды әзірлеу. Мобильді қосымшаларды құруға арналған бағдарламалау тілінің ерекшеліктері. Мобильді қосымшалардың дизайнын жасау.

БҚ өмірлік циклі. Әзірлеу үдерісінің технологиялары мен аспаптық қолдауы. Бағдарламалық жасақтаманы талдау және жобалау әдістері. Ақпараттық жүйелерді жобалау. Қолданбаны әзірлеу әдістері. Бағдарламалық жасақтаманы тексеру әдістері. Бағдарламалық қамтамасыздандыру сапасын бағалауының, құжаттауының және қауіпсіздігінің замануи әдістері. Жобалардың тәуекелдерін бағалау принциптері. БҚ әзірлеуді басқарудың кешенді құралдары. БҚ әзірлеушілерінің ұжымдарын басқару принциптері. Бағдарламалық кешендерді әзірлеу технологиялары.

Курстың мақсаты магистранттардың теориялық білімі мен басқарудың заманауи стратегиялық тәсілдерін қолданудың практикалық дағдыларын қалыптастыру болып табылады. Кәсіпорындағы стратегиялық менеджменттің мәні мен маңыздылығы; кәсіпорынның даму стратегиясында басқару қажеттілігін айқындайтын негізгі факторлар; стратегиялық менеджменттің негізгі функциялары мен орындалатын міндеттері; кәсіпорынның миссиясы мен мақсатын қалыптастырудың базалық дағдылары; кәсіпорынның қаржылық мақсаты; құндылықтар тізбегінің тұжырымдамасы;кәсіпорынның стратегиялық жобалары және іске асыру жолдары; бизнес-бірліктер мен тұтынушыларға көрінетін және көрінбейтін артықшылықтарды айқындауды оқытады.

TRACE MODE интеграцияланған ортасында объектілерді модельдеу және басқару процестеріне жүйелік көзқарас. Математикалық, әдістемелік және бағдарламалық-техникалық құралдар, перспективалық ақпараттық технологиялар (SCADA-жүйелер) модельдеу және объектілерді басқару. TRACE MODE SCADA-жүйесіндегі химиялық процестерді басқарудың автоматтандырылған жүйесін жобалау және зерттеу. Химия-технологиялық процестің статикалық бейнесін жасау. TRACE MODE-да басқару жүйесін зерттеу.

Прототиптеу технологиясына кіріспе. 3D модельдеу және прототиптеу технологиясының негізгі түсініктері. Прототиптеу технологиясындағы 3D нысандарының математикалық көрінісі. FreeCAD, OpenSCAD технологияларын қолдана отырып 3D нысандарын құру. Прототиптеу технологиясының негізгі кезеңдері. Математикалық модельдеу. Стереолитография технологиясының артықшылықтары мен кемшіліктері StereoLithography. Selective Laser Sintering технологиясы. Жіптерді қабатпен қаптау арқылы прототиптеу. 3D принтерлермен көп ағынды модельдеу. Үш өлшемді басып шығару технологиясы.

Ақпаратты қорғау әдістері. Ақпаратты қорғаудың құралы мен түрлі құралдары. Модельдерді зерттеу. Кешенді қауіпсіздік жүйелері. Гаммалау. Зерттеу нысандары және ақпаратты қорғаудың жіктелуі. Криптография. RC4 шифры. Бағдарламалық пакеттерді қолдана отырып шифрлау алгоритмдері. Зиянды бағдарламалардан қорғау әдістері. Ақпараттық жүйелердің осалдығы. Ашық желілердегі қауіпсіздік. Ашық кілт криптографиясы. Рұқсатсыз қол жеткізу және қарсы әрекет ету тәсілдері.

Жасанды нейрондық желілер теориясына кіріспе. Жасанды нейронның құрылымы мен қасиеттері. Нейрондық желілердің архитектурасы, жіктелуі және қасиеттері. Жасанды нейрондық желілердің классикалық модельдері. Нейрондық құрылымды және есептерді шешу алгоритмдерін математикалық формализациялау. Нейрондық желілерді талдау және оқыту әдістері. Нейрондық желілердің әдістері мен құралдары. Нейрондық желілер мен нейрожелілік басқару жүйелерін құруға арналған стандартты бағдарламалық құралдар.

Криптография, криптожүйелер, шифр құрылымдары, блоктық шифрлерді пайдалану режимдері, криптографиялық алгоритмдер туралы негізгі ережелер. Шифрларды ауыстыру және қайта құру. Кездейсоқ және псевдо-кездейсоқ сандар. Псевдо- кездейсоқ сандар генераторы. Роторлы машиналар. Гаммалау. RC4 шифры. Блок шифрлары. Шифрлау режимдері. DES шифрлаудың симметриялық алгоритмі. Блоктық және ағымдық шифрлерге шабуылдар. RSA алгоритмі. Ашық кілт Электрондық сандық қолтаңба.

Тілдердің мақсаты мен орындалу моделі бойынша жалпы жіктелуі. Динамикалық тілдердің жалпы қасиеттері. Бағдарламалауға құрылымдық тәсілдің технологиялары. Қолданбалы бағдарламалық қамтамасыздандыруды әзірлеу тәсілдері. Қазіргі объектілі -бағытталған бағдарламалау тілінің негіздері. Функционалды және есептеуіш есептерді компьютерлік шешудің негізгі кезеңдері. Деректерді компьютерлік өңдеудің базалық құрылымы мен алгоритмдері. Қазіргі бағдарламалау тілдері. Мета программалау элементтері, аспектілі бағдарламалау.

Пәннің мақсаты - технологиялық кәсіпкерлік пен инновация дағдыларын қалыптастыру. Команда құру, принциптері, топ мүшелерінің функциялары. Шаблондар негізінде бизнес-модельдеу. Бизнес-идеяны негіздеу, аймақтық кәсіпкерліктің инновациялылығы мен өзектілігін бағалау. Нысаналы сегменттерді бағалау және негізгі құндылықтарды айқындау, клиенттермен өзара қарым-қатынас арналары, бизнес-жобаларды таныстыру негіздері, elevatorpitch, Технологияларды коммерцияландыру әлеуеті және идеядан нарыққа шығу жолдары мен тосқауылдары зерделенетін болады.

Офистік бағдарламалауға кіріспе. Визуалды бағдарламалау ортасын дамыту саласындағы жаңа бағыттар. Қолданбаларды автоматтандыру тілі функционалдылықты кеңейту құралы ретінде. Кеңсе қосымшаларының макро тілдері. Алгоритмдерді өңдеу, деректер құрылымын сипаттау және басқа да негізгі деректер ұсыну әдістері мен технологиялары. Офистік қосымшаларда бағдарламалау элементтерін өңдеу. Офистік қосымшаларды интеграциялау модельдері. Visual Studio-да офистік қосымшаларды және интеграциялау құралдарын іске асыру.

Компьютерлік шабуылдар және оларды анықтау. Ақпараттық кодтау теориялары және жүйелік талдау. Желілік ақпаратты қорғаудың бағдарламалық құралдары. Жалпы сипаттамалар мен жіктелуі. Желіаралық экран технологиясы. Сымсыз қауіпсіздік және сымсыз желілерді қорғау механизмдері. Ақпаратты қорғаудың техникалық арналары. Желілердегі қауіпсіздік аудиті. Аутентификация. Ақпаратты қорғаудың криптографиялық әдістері. Файлдар мен криптоконтейнерлерді шифрлау және шифрын ашу.

Үлестірілген есептеулерді ұйымдастыру мақсаты. Үлестірілген есептеу жүйелерінің түрлері. Үлестірілген есептеу құралдары мен әдістеріне қойылатын талаптар. Үлестірілген есептеулерді ұйымдастырудың заманауи әдістері мен құралдарына шолу. Grid-жүйелер, Globus Tooikit, NumGrid құралдарына шолу. Bolnc құралдары негізінде үлестірілген есептеулерді ұйымдастыру. Үлестірілген есептеулердің сенімділігін қамтамасыз ету. Бұлтты есептеулер, бұлтты есептеулерді ұйымдастыру құралдарына шолу.

Компьютерлік модельдеу жүйелеріне кіріспе. Компьютерлік модельдеу, жіктелуі, әдістемесі. Компьютерлік модельдеу жүйелері, қолдану салалары. Математикалық модельдеу технологиясы. Құрылымдық-логикалық схема. Зерттеу объектісін абстракциялау. Компьютерлік модельдеуді ұйымдастыру, талдау, жоспарлау және іске асыру. Алгоритмдерді іске асыру және шешімдер қабылдау. Wolfram SystemModeler ортасында компьютерлік модельдеу. Wolfram SystemModeler ортасының негізгі артықшылықтары мен ерекшеліктері.

Желілік және Web-қауіпсіздіктің теориялық негіздері. Web-қосымшадағы осалдықтар мен шабуылдар. Желіаралық экрандар. Ақпаратты қорғау жүйелері. Web-қосымшалардың және желілік трафиктің қорғалуын талдау әдістемесі. Желілік қауіпсіздікті қамтамасыз ету және мәселелері. Жергілікті және жаһандық желілерде қорғаныс сенімділігін бағалау принциптері. Хакерлік шабуылдарды бақылау. Желілік қауіпсіздік моделі. Веб-бағдарламаның қауіпсіздігі. Тестілеу. Ақпаратты инженерлік-техникалық және бағдарламалық-аппараттық қорғау.

Пәннің мақсаты ғылыми-зерттеу жұмысын ұйымдастыру мәселелерін реттеу, ғылыми зерттеулер және қолданбалы аналитика, зерттеу жұмыстарының дизайны және конфигурациясы, зерттеу және зерттеу өнімінің параметрлері; ғылыми зерттеулер мен қолданбалы аналитика әдістерін меңгерту. Ғылыми зерттеулердің категориялық аппараты, ғылыми-әдістемелік зерттеудің ұғымдық аппараты, оның мазмұны мен құрылымы, ғылыми зерттеулердің заманауи әдістері мен әдіснамалары, ғылыми танымның парадигмалары мен тұжырымдамалары, педагогикалық зерттеулердің теориялық және практикалық маңызы оқытылады.

Замануи Grid-жүйелері, негізгі сипаттамалары. Grid-жүйелерді құру технологиясының негіздері. Grid-жүйелердің жұмыс істеуін ұйымдастыру алгоритмі. Бұлттық есептеулерді ұйымдастыру принциптері, таратылған қосымшалар мен инфрақұрылымдардың түрлері. Grid-жүйедегі есептеулерді тарату әдістері, есептеу тиімділігінің критерийлері. Бұлтты архитектуралар және бұлтты серверлердің желілік модельдері. Бұлтты есептеу жүйелерінің жұмысын ұйымдастыру алгоритмі. Таратылған есептеу жүйелерін құру және бағдарламалық қамтамасыз ету туралы түсініктер.

Таратылған деректер қоймалары мен олардың жіктелуі. Деректерді анықтау, талдау, сақтау әдістері. Деректерді сақтау жүйелеріне шолу. Сақтау әкімшілігі. OnLine Transaction Processing транзакцияларын жедел өңдеу режимі. Extract, Transform және Load деректерін жылжытудың аспаптық тәсілі. Data Mining технологиясы. Аналитикалық өңдеу. Желілік модель. Тұтастық шарты. Виртуалды ортада таратылған деректерді сақтау жүйелері.

Пайдаланушының инфрақұрылымы мен құралдары. Деректерді алу, түрлендіру және тазарту құралдары. Сақтауды басқару құралдары. Қосымшалар. Сақтау құрылысының модельдері. Microsoft SQL ортасы. Деректер қоймасының көп өлшемді және реляциялық моделі. RapidMiner аспаптық ортасындағы модельдер. Деректер базасы. Data Mining технологиясы. OLAP технологиясы. Data Warehouse ақпараттық мәліметтер базасы. Көп өлшемді текшелер. Деректер қоры платформасын іске асыру.

Модельдеудің химия-технологиялық процестерінің айырмашылық және ықтималдылық принциптері. Comsol-дағы химия-технологиялық процестер. Соңғы элементтер әдісімен химия-технологиялық процестерді модельдеуді жүзеге асыратын заманауи бағдарламалық өнімдер (Comsol Multiphysics және бірқатар GEANT4 кітапханалары БҚ негізінде). Comsol Multiphysics бағдарламалық қамтамасыздандырудың және бірқатар GEANT4 кітапханаларының артықшылықтары. Мультифизикалық модельдеу негіздері. Химия-технологиялық процестерді мультифизикалық модельдеу арқылы оңтайландыру.

Пәннің мақсаты - наноқұрылымдарды құрудың теориялық негіздері, табиғи және жасанды нанобөлшектердің, нанобөлшектердің қасиеттері, құрылымы, наноматериалдардың қасиеттері мен құрылымы. Оны өндіру үшін жабдықты таңдау, наноматериалдарды алу әдістері мен тәсілдерін бағалау, материалдар құрамын іріктеу, наноматериалдарды сынау және сапасын бағалау әдістерін пайдалану дағдыларын қалыптастырады.

Шет тілін ғылыми-педагогикалық, зерттеу және кәсіби қызметінде пайдалана отырып, ғылыми білімнің генезисі, философиялық болмысы мен даму ерекшеліктерін сипаттау.

Наноматериалдардың құрылымын зерттеу және сапасын бағалау, ғылыми зерттеу әдістерін қолданады, компанияның стратегиясы мен жобаларын әзірлеу бойынша ұсыныстарды тұжырымдау кезінде стратегиялық, ағымдағы және жедел жоспарлау мен бақылау (менеджмент) құралдарын пайдаланады.

Қазіргі заманғы жергілікті және жаһандық компьютерлік желілерде деректерді шифрлау жүйелерінде пайдаланылатын негізгі криптографиялық әдістерді, алгоритмдерді, хаттамаларды қолдана отырып, деректерді шифрлау жүйелерін құру қағидаттары негізінде ақпаратты қорғаудың әдістері мен құралдарын таңдай отырып, ақпаратты қорғау жүйесін әзірлейді және ұйымдастырады.

Нейронды желілердің есептеу процестерін, желінің үлгісін құрастыру мақсатында мәліметтер мен олардың жүйедегі өзара әрекеттесуін сипаттау, нейронды желілердің технологияларын жүзеге асыра отырып заманауи құралдарын пайдалану, архитектура құрастыруға арналған арнайы әдістемені қолдана, бұлтты есептеулер жүйесінің архитектурасын әзірлеу.

Модульдерді бағдарламалық жүйеге біріктіруді, бағдарламалық жасақтама компоненттерін өзара әрекеттесу деңгейінде жобалық және техникалық құжаттаманы талдай отырып, мамандандырылған бағдарламалық құралдарды қолдану арқылы бағдарламалық жасақтама өнімін күйге келтіруді жүзеге асырады, бағдарламалық жасақтама компоненттерін белгілі бір функционалдылық пен сапа дәрежесі бар кодты алу әдістерін қолдана отырып, кодтау стандарттарына сәйкестігін тексереді.

Стресс жағдайында эмоционалды және когнитивті өзін-өзі реттеу құралдарын таңдауда психологиялық мәселелердің, педагогикалық жүйелердің аспектілерін анықтау, нақты практикалық мәселені шешу кезінде жеке тұлғаның ерекшеліктерін ескере отырып, психоанализдегі концепциялар мен тенденциялар арасындағы байланысты табу.

Бағдарламалық жасақтаманың өмірлік циклінің моделін құру кезінде модульдер мен бағдарламалық жасақтама компоненттерін құрастыру әдістері мен құралдарын қолданады, TRACE MODE, Comsol модельдеу процесінде компьютерлік модельдеу жүйелерін қолдана отырып нәтижелерді өңдейді.