6B04245 Құқықтану в Қожа Ахмет Ясауи атындағы Халықаралық қазақ-түрік университеті

Бірінші курста оқытылатын ең күрделі пәндер бірі. Бұл абстракты ғылыми терминдер, ұғымдарды (санаттары) толық қорыту болып табылады. Мемлекет және құқық теориясы пәні екі негізгі функцияларды атқарады: студенттерді құқықтық біліммен таныстырады және жалпы теориялық оқытуды қамтамасыз етеді. Мемлекет және құқық теориясы – мемлекеттік-құқықтық құбылыстарды танытатын бірегей ғылым. Бұл ғылым құрылымы екі маңызды блоктардан (компоненттері) тұрады: мемлекет теориясы; құқық теориясы.

Пәннің мақсаты: студенттерге түрік тілінің фонетикалық және грамматикалық құрылымы туралы негізгі түсініктерді қалыптастыру және артикуляция, интонация ережелерін үйрету. Тілдік қызметтің төрт негізгі формаларында (сөйлеу, тыңдау, оқу және жазу) қарым-қатынас дағдыларын дамыту. Бұл пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Қазақстан республикасының конституциялық жүйесінің негіздерін, адамның және азаматтың мәртебесін, мемлекеттік құрылымын, мемлекеттік билік органдарының жүйесін, жергілікті мемлекеттік басқару және өзін-өзі басқару мәртебесін реттейтін құқықтық нормалардың жиынтығынан тұратын Қазақстан Республикасының құқық саласы. Заңгер мамандар ҚР Конституциясы бойынша мемлекет құрылысы, басқару нысаны, саяси режим, мемлекеттік органдардың қызметі, адам құқықтары мен бостандықтарының жүйесі, қазақстанда сайлауларды ұйымдастыру мен өткізудегі проблемаларды нақты үйретуі тиіс.

Курс отбасы құқығының негізгі нормалары мен қағидаларын, отбасылық құқықтың жекелеген институттарын, құқықтық реттеудің ерекшеліктерін, ерлі-зайыптылардың, балалардың және отбасының басқа да мүшелерінің құқықтарын қамтамасыз етуді, отбасы заңнамасын қолдану тәжірибесін зерттеуге арналған.

Пәннің мақсаты: студенттердің түрік тілінің грамматикалық құрылымы туралы білімдерін қалыптастыру, грамматикалық ережелерді үйрету, жазбаша тапсырмаларды орындау дағдыларын дамыту. Студенттердің белсенді және пассивті сөздік қорын кеңейту. Пән түрік тілінде күрделі сөйлемдерді қалыптастыруға бағытталған; түрлі тақырыптарда күрделі мәтіндерді қолдана отырып, түрік тілін меңгеруге бағытталған. Бұл пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Пәннің мақсаты - сыбайлас жемқорлыққа қарсы азаматтық ұстанымды жүйелі түрде білу арқылы сыбайлас жемқорлыққа қарсы дүниетаным мен құқықтық мәдениетті қалыптастыру, күнделікті білім беру қызметінде сыбайлас жемқорлық көріністерін қабылдауға сыни көзқараспен сыбайлас жемқорлық көріністері, сыбайлас жемқорлыққа қарсы әрекеттерге ықпал ететін факторлар туралы жалпы кешенді білімді меңгеру.

Пән студенттерді құқық қорғау қызметін жүзеге асыратын мемлекет және қоғам органдарымен таныстырады; оларға заңнамалық мәртебесін, олардың ұйымдастырылуы мен қызметінің принциптерін, заңмен белгіленген функцияларды жүзеге асыру құзыреттері мен шектерін, сондай-ақ осы органдарда қызметтегі адамдардың құқықтық мәртебесін ескере отырып, толық сипаттама береді; демократияны нығайту, заңдылық салтанат және құқықтық мемлекет құру ісіндегі сот төрелігі мен құқық қорғау қызметі органдарының рөлін көрсетеді.

Курстың мақсаты - көшбасшылық табиғатымен танысу, көшбасшылықтың негізгі теорияларымен, елдің жаңғыртуының қазіргі кезеңіндегі көшбасшылық рөлі; көшбасшылықтың психологиялық аспектілерін, көшбасшының саяси мінез-құлқын анықтайтын, көшбасшылық имиджін қалыптастыру және насихаттау технологияларын, маркетинг негіздерімен таныстыру, көшбасшылық қасиеттерді өзін-өзі дамыту дағдылары мен дағдыларын үйрету, әрі қарай кәсіби және жеке өсуде, көшбасшылықты дамытудың негізгі үрдістерімен танысу.

Пәннің мақсаты – түркі тілдес елдерінің жастарын қазіргі заманғы жоғары білікті маман ретінде дайындау бағытында түркі әлемінде ХІХ ғасырдың соңы ХХ ғасырдың басында орын алған Осман империясының тарихы мен маңызын көрсетуге бағытталады. Империяның құлауы мен өз жалғасын тапқан түрік ұлтының тәуелсіздік үшін күресі және мемлекеттің құрушысы Мұстафа Кемал Ататүріктің принциптері пәннің мазмұнын құрайды. Түрік ұлтының басшысы ретінде Мұстафа Кемалдың мемлекетке байланысты ұстанған принциптерін түсіндіру көзделеді. Бұл пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Пәннің мақсаты - түркі тілдес елдерінің жастарынан қазіргі заманғы жоғары білікті мамандарды дайындау үшін өзінің төл тарихы мен мәдениетін, тарихи ерекшелігін ұғып білуді, сондай-ақ, жаһандану процесінде ұлттық болмысын сақтауда қажетті біліммен қаруландыруды көздейді. Түркі халқының этногенезі мен этникалық тарихын, мемлекетінің пайда болуы және оның өркендеуі қарастырады. Пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Пәннің мақсаты - экономиканы оқудың теориялық негіздерін, кәсіпкерлік, кәсіпкердің іс-әрекеттері, кәсіпкерлік істің түрлері, ұйымдастыру әдістері, тактикасы, стратегиясы, кәсіпкерлік бәсекелестік, тәуекел мен бизнес білімін, бизнес-жоспардың құрылымын, мазмұнын және ұлттық экономиканың салаларында бәсекені күшейту жағдайындағы кәсіпкерліктің және бизнес–жоспарды құрудың теориялық, әдістемелік және тәжірибелік негіздері қарастырылады.

Әкімшілік құқық – қоғамдық қатынастарды басқару аясындағы мемлекеттің билік ету функциясын атқаратын мемлекеттік органдар мен лауазымды тұлғалардың атқарушы билікке қатысу процесіндегі іс-әрекетін реттейтін құқық саласы (құқық нормаларының жүйесі). Әкімшілік құқығы мемлекеттік басқарудың негіздемелерімен байланысты мәслелерді қамтиды, атқарушы өкіметтің жүйесін ашады, сонымен қатар жеке адамдардың мемлекетті басқарудағы ролін көрсетеді. Ол экономиканы мемлекеттік басқарудың құқықтық, әлеуметтік дамуы мен мәдениеттің, әкімшілік-саяси құрылымдардың, салааралық мемлекеттік басқарудың негіздерін, сонымен қатар басқармалық қызметте заңдылықты қамтамасыз ету нысандары (формалары) мен әдістерін оқытуды қарастырады.

Азаматтық құқық – бұл Қазақстан Республикасындағы құқық салаларының ішіндегі азаматтар мен заңды тұлғалар, мемлекет және оның әкімшілік бөлінісінің күнделікті өміріндегі қызметімен тікелей байланысты құқық саласының бірі болып табылады. Азаматтық құқық дегеніміз — азаматтық заңдарда көрініс тапқан мүліктік және мүліктік қатынастармен байланысы бар мүліктік емес жеке қатынастарды реттейтін нормалар жиынтығы.

Пәннің мақсаты діни және сопылық қайнар көздерден алынған ясауилік ілімінің мәнін сипаттау және бағалау қабілеттерін қалыптастыру. Оқу курсы сопылық терминдер мен категориялардың мәнін, олардың метафоралығын түсінудің теориялық және әдіснамалық негізін, Қожа Ахмет Ясауидің «Дивани Хикмет» шығармасының сопылық мәнін талдауға және бағалауға, оның мәдени-рухани әлеуетін анықтауға қолдана білуді қалыптастырады.

Пәннің мақсаты - қазіргі саяси, экономикалық, күнделікті-тұрмыстық, қоғамдық-саяси, ғылыми және мәдени байланыс, барлық ғылым саласы мен мемлекеттік басқарушы органдардағы терминологиялық және арнайы лексиканы, сондай-ақ іскер хаттар жазысу ережелерін, шарттар мен келісім жасай білуге және іскерлік қарым-қатынаста сөйлеуге қалыптастыру.

Пәннің мақсаты- ақпараттық-коммуникациялық технологиялар түрлерін, ақпаратты қорғаудың теориялық негіздерін, ақпаратты алудың, сақтаудың, өңдеудің негізгі әдістерін, тәсілдерін, заманауи компьютерлік және ақпараттық технологиялар құралдарын меңгеру кәсіби қызмет құралы ретінде компьютермен жұмыс істеу дағдылары меңгеру.

Қылмыстық құқық курсын оқыту барысында студентке жеке адамдардың нақты іс-әрекетіндегі қылмыс құрамының барын дәл анықтауды, қылмысты дұрыс саралауды, іс-әрекетте құқыққа қайшы және қоғамға зиянды мән-жайлардың бар немесе жоқ екендігін дұрыс белгілеуді, кінәліге жаза тағайындауды дәлме-дәл қолданылып жүрген қылмыстық заңға сәйкес қолдануды: бұл жерде жасалған іс-әрекеттің қоғамдық қауіптілігінің мәнің және дәрежесін, кінәлінің жеке тұлғасын, жауаптылықты жеңілдететін және ауырлататын мән жайларды ескере отырып қолдануды үйретеді.

Пәннің мақсаты - экологиялық танымды қалыптастыра отырып, адамның тіршілік ету ортасымен арасындағы жарақатсыз қауіпсіздікке студенттерді дағдыландыру. Курста қоршаған ортаны қорғау және табиғи ресурстарды тиімді пайдаланудың заманауи тәсілдері бойынша теориялық және практикалық білімді қалыптастыра отырып, апаттардан және дүлей зілзалалардан, қарсыластың жою құралдарынан қорғану мақсатында халықты қорғаудың әдістері мен құтқару жұмыстарын ұйымдастыру қарастырылады.

Заңгердің кәсіби этикасы заңгердің кәсіби этикасының курсы заңгер тұлғасының моральдық жағын қалыптастыруға бағытталған. Жалпы түрде заңгердің кәсіби этикасы моралды әлеуметтік реттеуші ретінде; қолданыстағы заңнаманың моральдық мазмұнын; заң қызметінің жекелеген түрлерінің этикалық негіздерін зерттейді.

Азаматтық құқық - азаматтық заңдарда көрініс тапқан мүліктік және мүліктік қатынастармен байланысы бар мүліктік емес жеке қатынастарды реттейтін нормалар жиынтығы. Азаматтық құқықтың ерекше бөлімінде шарттар толығымен қарастырылады. Мысалы: Сатып алу-саты шарты, Мердігерлік шарт, Лизинг шарты, Тапсырма шарты, сыйға беру шарты т.б. айтуға болады. Азаматтық құқықтың ерекше бөлімі шарттардың түсінігін, мазмұнын, мінін, жасалу нысанын және т.б. түсіндіріп, оқытатын пән. Сондай-ақ, ол шарттарды жасаушы тұлғалардың түсінігін, мазмұнын, мәнін, түрлерін, олардың құқықтары мен міндеттерін оқытатын пән болып табылады.

Прокуратура мемлекет атынан Республика аумағында заңдардың, Президент Жарлықтарының және өзге нормативтiк құқықтық актiлердiң дәл және бiркелкі қолданылуына, сотқа дейінгі іс жүргізудің, жедел-iздестiру қызметiнiң, әкiмшiлiк және атқарушылық iс жүргiзудiң заңдылығын жоғары қадағалауды жүзеге асырады. Прокуратура кез келген заңдылық бұзушылықты анықтау және жою жөнiнде шаралар қолданады, Конституция мен заңдарына қайшы келетiн заңдар мен өзге де құқықтық актiлерге наразылық жасайды, сотта мемлекеттiң мүддесiн бiлдiредi, сондай-ақ заңда белгiленген жағдайларда тәртiп пен шекте қылмыстық қудалауды жүзеге асырады.

Қылмыстық құқық ерекше бөлім пәні қылмыстық құқық бұзушылықтың жеке түрлеріне қылмыстық жауаптылық негіздерін және осы қылмыстық құқық бұзушылықтардың құрамының белгілерін, сондай-ақ оған тағайындалатын тиісті жаза түрлерін белгілейтін нормалардың жиынтығын қарастырады.

Әлеуметтік қамсыздандыру құқығы - бұл өмірлік қажетті игіліктердің белгілі бір деңгейін (қарттық, денсаулық жағдайына, асыраушысынан немесе жұмысынан айырылуына және басқа да заңды негіздерге байланысты экономикалық белсенділік көрсете алмайтын) және тиісті ақы төленетін еңбекке қатысу арқылы өзін қамтамасыз ете алмайтын азаматтарға белгілі бір жақсы тұрмыс деңгейін қамтамасыз ететін және әлеуметтік қамсыздандыруға конституциялық құқықтарын қорғау мен қалпына келтіру құқық нормаларының жиынтығы

Экологиялық құқық - экологиялық-заңдылық нормалардың (тәртіп ережелері) жиынтығы.Ол қоршаған ортаны корғау, экологиялық зияндардың зардаптарын алдын ала ескерту, адамды қоршаған табиғи ортаны сауықтыру және сапасын арттыру жолында адам мен табиғаттың өзара қоғамдық (экологиялық) қатынасын реттейді. Қоғам мен табиғаттың өзара әрекеттері аясындағы, адамдардың қазіргі және келешек ұрпақтарының мүдделері үшін табиғат байлығын қорғау және ұтымды пайдалану саласындағы қоғамдық (экология) қатынастарды реттейтін заңи нормаларының жиынтығы.

Нотариус азаматтар мен заңды тұлғалардың құқықтары мен заңды мүдделерін қорғаудың мемлекеттік функциясын жүзеге асыру үшін белгілі бір заңнамалық өкілеттіктер бар тұлға. Бұл өкілеттіктерді оған мемлекет берген және нотариустың қызметі қоғамдық сипатқа ие және мемлекет атынан жүзеге асырылады. «Нотариат» пәні студенттерге нотариаттық қызметпен айналысу негіздерін үйретуді алдына мақсат етіп қояды.

Жеке адамға қарсы қылмыстық құқық бұзушылықтарды саралау негіздері "Жеке тұлғаға қарсы қылмыстық құқық бұзушылықтарды саралау негіздері" курсы адамның өмірі мен денсаулығына, жыныстық қол сұғылмаушылығына, бостандығына, ар-намысы мен қадір-қасиетіне қол сұғатын қылмыстық құқық бұзушылықтар ұғымын және түрлерін, сондай-ақ жеке тұлғаға қарсы қылмыстық құқық бұзушылықтардың жекелеген түрлерін саралау мәселелерін зерттейді.

"Экономикалық қызмет саласындағы құқық бұзушылықтарды саралау мәселелері" курсы экономика саласында жасалатын қылмыстық құқық бұзушылықтарды саралау мәселелерін зерттейді — қасақана немесе абайсызда — зиян келтіру қаупін тудыратын немесе өндіріс, айырбастау, бөлу немесе тұтыну қатынастарына нақты зиян келтіретін және ҚР ҚК Ерекше бөлімінің 8-тарауының нормаларымен қылмыс деп танылатын әрекет немесе әрекетсіздік.

Қылмыстық – атқару құқығы түзеу әрекеттерін қолдану және жаза атқару; жаза атқарушы тұлғалардың құқықтық жағдайы және сипаттамасы; жаза атқарушы мекемелер мен органдардың және олардың персоналдарының жүйесін, сотталғандарды қоғамнан оқшаулауға байланысты жаза атқаруды қалыптастырады.

Қылмыстық құқық бұзушылықтардың жолын кесу, оларды бейтараптықпен, тез және толық ашу, тергеп-тексеру, оларды жасаған адамдарды әшкерелеу және қылмыстық жауаптылыққа тарту, әдiл сот талқылауы және қылмыстық заңды дұрыс қолдану, адамдарды, қоғамды және мемлекетті қылмыстық құқық бұзушылықтардан қорғау қылмыстық процестің мiндеттерi болып табылады.

Шарттық құқық пәні студенттерге азаматтық-құқықтық мамандану аясында оқытылады. Мүліктік айналымды құқықтық реттеудегі шартқа тиесілі орынның маңыздылығы шарттық құқық пәнінің оқытылуын айшықтай түседі. Пәнді зерттеу барысында болашақ заңгер үшін қажетті ұғымдар, заңдар және шартты жасасу мен рәсімдеудің принциптері сондай-ақ, олардың мазмұны жөіндегі ілім меңгеру. Азаматтық айналымдағы шартты жасасу, өзгерту және бұзуға қатысты қоғамдық қатынастар сондай-ақ, шарттық қатынастардың ортақ заңдылықтары, қызмет етуінің принциптері, әралуан шарттық қатынастардың өзара байланысы мен өзара тәуелділігі пәнінің зерттеу объектісі болып табылады.

Тұтынушылар құқығы құқықтың жеке саласы, тұтынушылардың тауар және қызмет көрсету аясындағы құқығын қорғауға бағытталған ережелер мен нұсқаулар нормаларының жиынтығы. Бұл пән кешенді құқық саласы ретінде тұтынушылардың материалдық, мәдени және өзге де қажеттіліктерін реттейді.

Ақпараттық құқық ашық және жабық ақпаратты құру, алмасу, сақтау, қорғау, беру және пайдалану процесін құқықтық регламенттеу ерекшелігін зерделейді. Бұл пәнді оқу барысында Қазақстанда да, басқа елдерде де әртүрлі ақпараттық жүйелерді құрушылардың, иеленушілердің және пайдаланушылардың құқықтық мәртебесінің регламенттелу ерекшелігі оқытылады .

Сот медицина негіздері пәні сот медициналық экспертизаны ұйымдастыру тәртібі мен іс жүргізуі, экспертизаның қорытындысын қарастырады.Сот-медицина сараптамасы сот әділдігі мақсаттары мен міндеттеріне қызмет етеді және елімізде қолданылып жүрген қылмыстық, азаматтық, қылмыстық істер жүргізу және азаматтық істер жүргізу заңдарының, үкімет қаулылары мен өкімдер, ережелердің, бұйрықтар мен нұсқаулардың негізінде және соларды сақтай отырып жүзеге асырылады.

Азаматтық із жүргізу құқығы – бұл сот және басқа субъектілер арасындағы азаматтық іс жүргізу құқығының нормаларымен реттелген, азаматтық із жүргізу құқықтық қатынастар мен іс жүргізу әрекеттерін қарастырады. Азаматтық із жүргізу құқығы пәнінде сот және басқа субъектілер арасындағы азаматтық іс қарау мен шешу кезіндегі құрылатын азаматтық іс жүргізу қүқығының нормаларымен реттелген азаматтық іс жүргізу құқықтық қатынастар және процессуалдық әрекеттер жиынтығын меңгеруге бағытталады.

Криминалистика(лат. crіmіnalіs – қылмысқа қатысты) – қолданбалы заң ғылымы. Қылмыстық және азаматтық істерді қарау кезінде соттық дәлелдемелерді жинақтаудың, тиянақтаудың, зерттеудің және пайдаланудың арнаулы тәсілдері, әдістері мен құралдары жүйесін жасақтайды. Бұл тәсілдер мен әдістер қылмыстық сот ісін жүргізуде қылмыстарды алдын алу, анықтау және тексеру үшін қолданылады, сондай-ақ, қылмыстық, кей жағдайларда азаматтық істерді сотта қарау үшін пайдаланылады.

Атқарушылық өндіріс-сот актілерінің, өзге де органдардың және лауазымды тұлғалардың актілерін орындауды қамтамасыз ету үшін құқық қорғау органдарының және процеске қатысушылардың іс-әрекеттер тәртібін реттейтін әлеуметтік айқын нормалардың жүйесі және нәтижесінде туындайтын құқықтық қатынастар. Зерттеу тақырыбы - атқарушы құжаттардың тұжырымдамасы, міндеттері, принциптері, тақырыптары, тұжырымдамасы және түрлері, сондай-ақ атқарушылық іс жүргізуді бастау тәртібі және т.б.

Жекелеген қылмыс түрлері орын алғанда оны жасаған адамдарға жауаптылық колдану үшін қылмыстық заң нормаларын қолданудың тәртібі мен ережелерін үйренеді. Қылмыстылык деген құбылыспен қатар қылмыстық заң деген ұғымда өмір сүре отырып, ол негізгі мақсаты ретінде қоғамға қауіптілігі бойынша жеке қылмыстың түрі деп тануға болатын іс-әрекеттерді анықтаумен және оларға жауаптылық көрсетумен айналысады.

Қазақстан Республикасының еңбек қатынастарының реттеу мәселелері құқық жүйесінің дербес кешенді құқық саласын білдіреді. Осы оқу курсы шегінде Қазақстан Республикасы мен таяудағы шетел мемлекеттердің еңбек заңының түсінігі, әдісі, қағидаларымен жүйесі жән құрылымы, сондай-ақ Қазақстан мен шет елдердегі еңбек қатынастарының даму тарихы мен диалектикасы сияқты мәселелер қарастырылады.

Сот сараптамасы- ғылым, техника, мәдениет немесе кәсіби саласында арнайы білімі бар сарапшының зерттеуі және қорытынды беруден тұратын және олар сарапшы, сот, тергеу органдары немесе прокурордың белгілі бір істің дәлелін анықтау мақсатындағы процессуалдық әрекеті.

Бұл оқу курсы соттарда азаматтық істер бойынша сот төрелігін жүзеге асыру барысында туындайтын қоғамдық қатынастарды реттейтін және азаматтардың, заңды тұлғалар мен мемлекеттің бұзылған немесе дауланған құқықтарын, бостандықтарын және заңдық мүдделерін қорғау мен қалпына келтіру тәртібін, сондай-ақ азаматтық іс жүргізу құқығы ғылымына тән құқықтық санаттарды, ғылыми көзқарастарды және тұжырымдарды реттейтін құқықтық нормаларды оқып-үйренуге бағытталған. Азаматтық іс жүргізу құқығы пәнін оқып-үйренуде негізгі орын азаматтар мен ұйымдардың субъективтік құқықтары мен заңмен қорғалатын мүдделерін қорғаудың соттық нысанына беріледі.

Қылмыстық iстер бойынша iс жүргiзудiң заңда белгiленген тәртiбi адамды және азаматты негiзсiз айыптау мен соттаудан, оның құқықтары мен бостандықтарын заңсыз шектеуден қорғауды, ал кiнәсiз адам заңсыз айыпталған немесе сотталған жағдайда, оны дереу және толық ақтауды қамтамасыз етуге, сондай-ақ заңдылық пен құқықтық тәртiпті нығайтуға, қылмыстық құқық бұзушылықтардың алдын алуға, құқықты құрметтеу көзқарасын қалыптастыруға ықпал етуге тиiс.

Жер құқығы — құқықтың мемлекеттегі жер қатынастарын реттейтін саласы. Жер құқығы дербес құқық саласы болып табылады. Оның негізгі міндеттері: жер учаскесіне меншікті құқығы мен жер пайдалану құқығының пайда болуын анықтау және оның дамуына жағдай жасау; жер учаскесіне меншік құқығы мен жер пайдалану құқығының өзгертілуі мен тоқтатылуы негіздерін анықтау; жерге байланысты жылжымайтын мүлік нарығын жасау және оны белгілі деңгейде дамыту; жер қатынастар саласында заңдылықты нығайту.

Бұл пән кәсіпкерлік қызметті реттейтін заңнаманы, сондай-ақ аталған құқықтық қатынастарды реттеуде қолданылатын арнайы заң терминдерін зерделеуге, кәсіпкерлік құқықтың іргелі теориялары мен ұғымдарын, кәсіпкерлік саладағы құқықтық қақтығыстарды шешудің әдістері мен тәсілдерін меңгеруге бағытталған.

Әкімшілік іс жүргізу (әкімшілік өндіріс) - уәкілетті органдар мен тұлғалардың (атқарушы органдар мен олардың лауазымды адамдары мен судьялар) әкімшілік істерді қозғау, қарау және шешу жөніндегі әкімшілік-іс жүргізу құқықтық іс-әрекеті

Оқу пәні ретінде «Адвокатура және адвокаттық қызмет» пәні ғылымға негізделген және оқу материалдарымен анықталған заңгер мамандығын жүйелі оқу процессінде оңтайландыру әдістерін қолдануды үйрететін пән болып табылады. Пәннің мазмұны зерттелетін құқық сaласымен анықталады, яғни құқық салаларымен тығыз байланысты. Мамандықты алу үшін оқытылған пәндерді толықтай қолдану әдістерін, адвокаттық қызметпен байланыстыруды үйретеді. Бұл дағдылар мен қабілеттер, болашақ заңгерлерге өте қажет.

Криминология курсы жоғары оқу орындарында студенттердің міндетті компоненттерінің бірі болып есептеледі. Криминология – қылмыстылылықтың динамикасы мен жүйесі туралы, оның әлеуметтік себептері, қылмыскердің жеке тұлғасы туралы және қылмыстың пайда болуын, сонымен қатар оның алдын-алу шараларын зерттейтін ғылым.

Халықаралық қоғамдық құқық - бұл мемлекеттердің, халықаралық үкіметаралық ұйымдардың және осы құқықтың басқа да субъектілерінің практикалық қызметінде қалыптасқан құқықтық нормалардың жиынтығы. Ұлттық құқықтық жүйеден айырмашылығы, халықаралық құқық тік емес, халықаралық шарттардың, халықаралық кеден нормалары мен халықаралық құқықтың жалпы қағидаттары ережелерінің орындалуын және қолданылуын қамтамасыз етуге бағытталған, ең алдымен, халықаралық құқықтағы толық немесе шектеулі заңды тұлға болып табылады.

Халықаралық құқықтың тұжырымдамалық мәселелері мен танысу, маңызды халықаралық келісімдер мен конвенциялар және шарттарды оқып меңгеру халықаралық құқық нормаларын қолдану, халықаралық құқық теорияларын, құқықтың негізгі қайнар көздері ретінде халықаралық әдет-ғұрыпты, келісім шартты және халықаралық ұйымдардың шешімдерін меңгеруге бағытталады.

Курс аясында Кеден ісі ұғымын, мазмұны мен тарихын, кеден қызметі мен кеден саясатының мақсаттары мен міндеттерін, құқықтық реттеудің мәнін, әдісін және кедендік құқық жүйесін, оның құқық жүйесіндегі орнын және құқықтың басқа салаларымен арақатынасын, сондай-ақ кедендік құқық көздерін зерделеу болжанады. Сұрақтардың үлкен бөлігі кедендік құқықтық қатынастарды зерттеуге бөлінген: кедендік құқықтық қатынастардың түсінігі, белгілері мен түрлері; кедендік құқықтық қатынастар субъектілерінің объектілері, түсінігі мен түрлері.

Жоғары заң оқу орындарында "ҚР Салық құқығы" курсын оқытудың мақсаты салық заңнамасының маңызды актілерін білу ғана емес, сонымен қатар құқықтық жүйенің ірі институты ретінде салық құқығының теориялық негіздерін меңгеру болып табылады. Салық құқығы жүйесіне, оның кодификациясына, құрылымына, құқықтық принциптер мен институттарды теориялық негіздеуге қазіргі уақытта салық салудың дамуына байланысты мемлекеттік басқару, бақылау және бюджеттің кірістілігін қамтамасыз ету нысаны ретінде жоғары талаптар қойылады

Нарықтық қатынастар қалыптасу және кәсіпкерліктің даму кезеңінде мемлекеттің экономикасында банктердің ролі аса маңызды болады. Банк, бір жағынан несие берушілердің ақша капиталының орталықтандырылуын, екінші жағынан несие алушылардың орталықтандырылуын білдіреді. Банк түсінігі заңи емес экономикалық мағынаны білдіреді.

Мұсылман құқығы - қазіргі заманғы құқықтық жүйелердің (заңды отбасыларының) бірі; діни рух, моральдық-құқықтық нормалармен үйлесетін, сондай-ақ органикалық тұрғыдан байланысты діни қағидалар мен қағидалар болып табылатын әлеуметтік нормалардың жиынтығы. Курстың мақсаты-қазіргі заманның ерекше құқықтық жүйесі ретінде мұсылман құқығының ерекшеліктерін зерттеу. Курс аясында қазіргі заманғы заңгерге практикалық қызметте қажет мұсылман отбасы, азаматтық, қылмыстық, Қаржылық, Банктік құқықтармен танысу болжанады.

Халықаралық жеке құқық құқық салаларының ішіндегі ерекше саланың бірі болып табылады, себебі ол бірнеше мемлекттердің заңнамаларына сүйене отырып, пайда болған коллизиялық мәселені шешеді. Халықаралық жеке құқықтың спецификалық ерекшелігі осы мемлекеттердің арасындағы және құқық жүйелерінің арасындағы айырмашылықты сақтай отырып, коллизиялық деп аталатын нормалардың көмегімен қай мемлекеттің құқығы тиісті жағдайларда қолданылатындығын анықтауға бағытталған.

Осы пәнді оқытудың мақсаты зияткерлік шығармашылық қызметтің нәтижелері бойынша туындайтын қарым- қатынастарды құқықтық реттеуді және азаматтық айналымға қатысушыларды, тауарларды, жұмыстарды және қызметтерді дараландыру құралдарына теңестірілген қатынастарды оқыту болып табылады .

-мақсатқа бағытталған белсенді оқыту қабілетін қалыптастырады; -жеке және топта ақпаратты басқаруды, цифрлық технологияларды тарату процесін немесе жолдарын түсіндіреді; -барлық салада экономикалық, кәсіпкерлік және шешімдер қабылдау дағдыларын қолданады

-жеке, мәдени тұрғыдан және кәсіби қарым-қатынас бағыттарындағы мәселелерді реттей алады; - мемлекеттік және шет тілдерінде табысты академиялық, кәсіби және әлеуметтік қарым-қатынас орнатады

- қоғамды сақтау және дамыту үшін рухани құндылықтардың маңыздылығын ұғыну мен қарым-қатынастың этикалық нормаларын қолданады,сыни тұрғыдан ойлау қабілетімен әрекет етеді, тарихи деректер мен қағидаттарды қолданады; - қоғамның өмір сүру ортасы мен экологиялық танымды білу, өзіне қатысты құқықтық, адамгершілік міндеттемелерді, құқықтық сауаттылығын арттыру арқылы қоғамға үйретеді, кәсіби қызметте осы білімдерін қолдана алады

- мемлекет және құқық теориясы, ҚР Конституциялық құқығы саласында алған білімін және дағдыларын тәжірибеде қолданады, отбасы құқығы, құқық қорғау органдары заңдары мен нормативтік-құқықтық актілерінің ұғымын, түрлерін, құрылымын, олардың кеңістікте, уақытта және тұлғалар арасында әрекет ету туралы білім қалыптастырады

- заңгердің кәсіби қызметінде азаматтық, қылмыстық құқық (жалпы бөлімдерінде) нормативтік-құқықтық актілерінің мазмұнын, терминологияларды, ұғымдық аппараттарды меңгереді, өзінің кәсіби қызметінің шеңберінде әкімшілік нормативтік-құқықтық актілерді қолданады, нормативтік-құқықтық актілердің құқықтық сараптамасын жүзеге асырады

- aзаматтық, қылмыстық құқық (ерекше бөлімдерінде) нормативтік-құқықтық актілерінің өзгеруі мен толықтырылуына әсер ететін құқықтық жағдайларды анықтайды, құқықтық қатынасты құқықтық реттеудің мәселелерін меңгереді

- экология құқығы, әлеуметтік қамсыздандыру құқығы субъектілерімен заңнаманың сақталуын түсіндіреді, тұтынушылар құқығын қорғауда заңға сәйкес нақты заңды іс әрекет жасауды және шешім қабылдауды ұйымдастырады, экономикалық, жеке адамға қарсы қылмыстық құқық бұзушылықтарды саралау және процессуалдық құқықтың әртүрлі салаларындағы құқықтық қатынас мәртебесін, негізгі ұғымдарын, институтын, санатын қалыптастырады

- атқарушылық өндіріс құжаттарын дұрыс құрастырады және рәсімдейді, сот сараптамасы, еңбек қатынастарында заң фактілерін және соған байланысты пайда болатын құқық қатынастарды, құқық нормаларды талдайды, заң талаптарын сақтай отырып шешімдер қабылдайды және заң іс әрекеттерін қолданады

- халықаралық деңгейде өз ойын нақты жеткізеді, адвокаттық қызмет, криминология салаларында жаңа шешімдерді нәтижеге сәйкес қолданады, заңгердің кәсіби этикасы тұрғысында өз пікірін ұжым пікірімен ұштастыра біледі, прокурорлық қадағалау барысында туындаған келеңсіздіктерді шешуде өз көзқарасы мен идеяларын жақтауда жоғары сенім көрсетеді

- кәсіби қызметтің объектісі болып табылатын шарттық құқық, нотариат салаларында, жер нормаларын жүзеге асыру мен қылмыстарды саралауда, қылмыстық атқаруда адам мен азаматтың құқықтарын қорғауға қажетті шараларды қолданады, сот медицина обьектілерін жіктеу мен айыруда және іздерді табу, алу және бекітудің техникалық-криминалистика әдістерін пайдалану дағдырларын көрсетеді

- халықаралық үкіметаралық ұйымдардың және кәсіпкерлік қызмет субъектілерінің практикалық қызметінде қалыптасқан құқықтық нормаларды қолдану, банк және салық құқығы, кеден ісі құқықтық актілерін талдайды, азаматтық, қылмыстық іс жүргізу құқығы ғылымына тән құқықтық санаттарды, ғылыми көзқарастарды және тұжырымдарды қолданады, жалпы қағидаттар ережелерінің орындалуын сақтайды

- азаматтық, қылмыстық іс жүргізу салаларында дәлелдеу құқығы негіздерінің ережелерін, мәжбүрлеу шараларын қолдану тәртібін қолданады, процеске қатысушылардың қауіпсіздігін қамтамасыз етеді, сот шешімдерін қарау тәртібін біледі, материалдық және процессуалдық құқықтың әртүрлі салаларындағы құқықтық қатынас субъектілерінің құқықтық мәртебесін өз саласында пайдаланады