7M03205 Архивтану, құжаттану және құжаттаманы басқаруды қамтамасыз ету в Әл-Фараби атындағы Қазақ ұлттық университеті

Пәннің мақсаты: жаратылыстану, гуманитарлық және әлеуметтік мамандық саласында оқитын магистранттарды ауызекі сөйлесуде, тұрмыста күнделікті өмірде, өз мамандығы саласында, кәсіби қарым-қатынас жасауда шетел тілін белсене қолдана білу дағдыларына үйрету. Курсты оқу барысында магистрант төмендегідей білімдерді меңгереді: 1. қажетінше жылдам әрі ойланбастан күнделікті және кәсіби тақырыптарда сөйлеуді үйренуге; 2. жалпы және кәсіби тақырыптарда адамдармен пікір таластыруға; 3. әртүрлі тақырыптарға, онымен қоса кәсіби тақарыптарда баяндамалар мен презентациялар дайындауға 4. таныс тақырыптардағы дәірстерді тыңдауға және бір тыңдағаннан оқу мәтінін түсінуге. 5. мамандыққа байланысты түпнұсқадағы мәтіндерді оқу және шет тілінен ана тіліне сөздік пен анықтамалардың көмегімен аударуға; 6. жалпы және кәсіби тақырыптарда өз пікірін дәлелдей отырып эссе және баяндама жазуға, қызықтырған сұрақтар бойынша тереңдетілген хабарламалар жазуға. Пәнді оқу нәтижесінде магистранттар төмендегі мәселелерді қарастырады: «Шет тілі (Кәсіби)» пәні магистранттардың бойында, мамандық бойынша түпнұсқа әдебиетті оқып аудару, терминологиялық сөздікті қалыптастыру, баяндамалар жазып, конференцияларда сөз сөйлеу, күнделікті кәсіби қарым-қатынас саласында және т.б. үшін қажетті коммуникативтік құзыреттер мен дағдыларды дамытуды көздейді. ағылшын тілін үздіксіз оқыту циклінің интегративті бөлігі. Бұл курс коммуникативтік (оқу, жазу, тыңдау, сөйлеу) және тілдік (айтылу, лексика, грамматика), жалпы мәдени және тұлғааралық құзыреттілікті қалыптастыруға бағытталған. «Шет тілі (Кәсіби)» курсы магистранттарды шетел тілін мамандық саласында жүйелі білімін жетілдіру, тереңдету, кеңейту, өз бетінше кәсіби біліктілігін арттыру құралы ретінде пайдалана білуге баулуға бағдарланған. Пәндерді оқыту кезінде келесі аспектілер қарастырылады: оқу, жазу, тыңдау, сөйлеу және тілдік соның ішінде: айтылу, лексика, грамматика, баяндамалар жазып, конференцияларда сөз сөйлеу.

Пәннің мақсаты: жоғары мектеп педагогикасының әдіснамалық негіздерін, оқыту мен тәрбиелеуді талдау, жоспарлау мен ұйымдастырудың заманауи технологияларын, білім беру процесінде оқытушы мен білім алушының қарым-қатынасының коммуникативтік технологияларын пайдалана отырып, орта және жоғары білім беру ұйымдарында педагогикалық қызметті ұйымдастыру үшін оқытушының кәсіби құзыреттілігін меңгеру Курсты оқу барысында магистрант төмендегідей білімдерді меңгереді: 1. жоғары мектеп оқытушысының кәсіби-педагогикалық мәдениетінің негіздерін меңгеру; білім алушылардың мәдени және тілдік қажеттіліктерін жүзеге асыру үшін қолайлы білім беру ортасын дамытуға ықпал ету; 2. әзірленген және бекітілген әдістемелік нұсқаулардың талаптарын ескере отырып, семинарлық, практикалық, зертханалық сабақтарды оқытудың дәстүрлі және қашықтықтан түрлері үшін әртүрлі оқыту мен заманауи интерактивті әдістерді қолдана отырып, сабақ түрлерін өз бетінше өткізу; 3. инновациялық білім беру үдерісін жүргізудің психологиялық негіздері мен педагогиканың заманауи талаптарын ескере отырып, оқыту үшін бейіндік пәндердің оқу-әдістемелік кешендерін әзірлеу; 4. білім беру процесінде оқытушы мен білім алушының субъекті-субъектілі өзара іс-қимылының коммуникативтік технологияларын бағалау; 5. алынған нәтижелерді қорытындылайды және оларға баға береді, зерттеу нәтижелерін байқаудан өткізу және оларды практикалық педагогикалық қызметке бейімдеу. Пән келесі аспектілерді зерттеуге бағытталған: Педагогикалық ғылым және оның ғылым жүйесіндегі орны. Жоғары білім берудің қазіргі парадигмасы. Қазақстандағы жоғары кәсіптік білім беру жүйесі. Педагогикалық ғылымның әдіснамасы. Жоғары мектеп оқытушысының кәсіби және коммуникативтік құзыреттілігі. Жоғары мектептегі оқыту теориясы (дидактика). Жоғары білім мазмұны. Жоғары мектепте кредиттік оқыту жүйесі негізінде оқу үдерісін ұйымдастыру. Оқытудың дәстүрлі және қашықтықтан инновациялық әдістері мен формалары. Жоғары мектептегі жаңа білім беру технологиялары. Кредиттік технология жағдайында магистранттардың өзіндік жұмысын ұйымдастыру. Оқу-әдістемелік материалдарды құрастыру технологиясы. Жоғары мектептің ғылыми қызметінің теориясы. Ғылыми-зерттеу жұмысы. Жоғары мектеп маманның тұлғасын қалыптастыру және тәрбиелеу әлеуметтік институты ретінде. Жоғары білім беру жүйесіндегі куратор. Білім берудегі менеджмент.

Пәннің мақсаты - магистранттардың әртүрлі тұжырымдар мен теорияларды талдау негізінде мұрағаттық ойдың дамуы және архивтанудың ғылыми мектептерінің қалыптасуы туралы түсініктерін қалыптастыру. Пәнді меңгеру нәтижесінде магистрант қабілетті болады: - архив ісінің теориясы мен практикасының қазіргі жай-күйін, кейінгі кәсіптік қызметте пайдалану үшін мұрағаттық білімнің даму деңгейін түсіну; - архивтанулық талдаудың әдіснамалық мәселелерін талдау; архивтанулық ғылымының жетекші бағыты аясында архивтану саласындағы қазіргі заманғы ғылыми білімдерін түсіндіру және қорытындылау; - архивтану тарихы саласына қатысты жалпы гуманитарлық білімдерді қолдану, пәнаралық тәсілдер негізінде архивтанулық ойлардың тарихы бойынша деректерді, түрлі теорияларды, тұжырымдамаларды талдау, бағалау және сипаттау; - қазіргі кезеңдегі архивтанудың түрлі бағыттары аясында архив материалдарын зерттеудің әдістерін жүйелеу.. Пәнді оқып-үйренуде магистранттар мына төмендегі аспектілерді зерттейді: Архивтанулық білімнің пайда болуы мен даму үрдістері. Қазіргі замандағы қоғамдық пәндер ауқымындағы архивтанулық ой дамуының негізгі сатылары, заманауи жағдайы және ұзақ болашақ жетілу үрдістері. Архивтанудың өзіндік белгілері және даму ерекшеліктері, сондай-ақ теориялары мен тұжырымдамалары. Тұлға-қоғам-мемлекет ретіндегі біртұтас тарихи даму көрініс тапқан, зерттеу нысаны өзіндік баға жетпес архив құжаты болып табылатын ғалымдардың зияткерлік шығармашылығы үдерісі.

Пәннің мақсаты - магистранттардың архив ісі саласында қоғамдық қатынастардың құқықтық реттелуінің мазмұны, заңдылықтары мен ерекшеліктері туралы түсінікті, нақты тәжірибелік міндеттерді шешуде архивтік құқық нормаларының жалпы жүйесінде бағдар алуды қалыптастыру. Пәнді меңгеру нәтижесінде магистрант қабілетті болады: - Қазақстан Республикасы архив ісі саласындағы заңнамалық және нормативтік актілерді талдау, - архив ісі саласындағы нормативтік-әдістемелік құжаттарды пайдалану; - тапсырылған жұмысты өздігінен орындау, құжаттаманы әзірлеу; - кәсіби қалыптасуы барысында алынған нәтижелердің маңыздылығын бағалау; - архивтің нормативтік құжаттамасын құрастыру әдістемесі мен дағдысын меңгеру; - архивтің толықтыру көздерімен жұмыс жасау; - архив жұмысын әдістемелік қамтамасыз ету мен ұйымдастыруды жүзеге асыру; - архив құжаттарының құндылығын сараптауды жүргізу, сарапшының жұмысын ұйымдастыру. Пәнді оқып-үйренуде магистранттар мына төмендегі аспектілерді зерттейді: ҚР архив ісі және заманауи архив жүйесі. Архивтік құқық және архив заңнамасы. XX ғасырдың 90-жылдарындағы архив саласындағы негізгі заң актілері. Заманауи архив заңнамасы және архитер қызметінің нормативтік базасы. Толықтыру және құжат құндылығын сараптау ережелері. Архивтерде құжаттарды тіркеу және сақтауды қамтамасыз етудің нормативтік-құқықтық негіздері. Архив құжаттарына қолжетімділікті құқықтық реттеу проблемалары және оларды пайдаланудың ережелері. Архивтер мен архив ақпаратын пайдаланушылар арасындағы құқықтық қарым-қатынастар. Азаматтардың архив ақпаратын алу құқығы.

Пәннің мақсаты өзіндік ғылыми зерттеулерді жоспарлау, дайындау, ұйымдастыру және жүргізу қабілетін қалыптастыру. Пәнді оқу нәтижесінде магистрант мынадай қабілеттерге ие болады: 1. зерттеу процесін ұйымдастыру; тұлғаның және ұйымның дамуындағы ғылыми зерттеулердің рөлін анықтау; ұйымның принциптері мен құрылымы. 2. ғылыми жұмыстың тиімділігін анықтайды, оның нәтижелерін жүзеге асырады; 3. мәселелерді қалыптастыру және оларды шешу кезінде ғылыми зерттеулер саласында кәсіби білімін қолдану; 4. талдау, проблемаларды табу, мақсатқа жету үшін іс-әрекеттердің оңтайлы реттілігін жасау, ғылыми қызметті жоспарлау, оны бағалау және бақылау; 5. ғылыми зерттеулерді ұйымдастыруда басқару тетігін әзірлеу; студенттер мен жас ғалымдар арасында ғылыми зерттеулер жүйесін ұйымдастыру. «Ғылыми зерттеулерді ұйымдастыру және жоспарлау» пәні болашақ мамандардың тәуелсіз зерттеу жұмыстарына қабілеттілігін қалыптастыруға бағытталған. Пәнді оқу барысында келесі тақырыптар қарастырылады: ғылыми жарияланымдардың халықаралық жүйесі; халықаралық ғылыми басылымдар жүйесіндегі авторлық құқық; ғылыми дәйексөз индексі және импакт-факторы; ғылыми зерттеу әдіснамасы мен әдістері; ағылшын тіліндегі мәтіндердің грамматикалық және стилистикалық ерекшеліктері; LaTex-те форматтау; журналды іріктеу және мақалаларды ұсыну; пікір рәсімі.

Пәннің мақсаты магистранттардың базалық (желілік / компьютерлік) құжаттарды басқару технологияларын модельдеудің негізгі принциптерін сипаттау және бағалау мүмкіндігін, сондай-ақ оларды қазіргі заманғы ҚБҚ-да сұранысқа ие ақпараттық ресурстармен жұмыс істеуде қолдануға қабілетін қалыптастыру. Пәнді меңгеру нәтижесінде магистрант қабілетті болады: - құжаттарды басқару әдістері мен технологияларына салыстырмалы талдау жүргізу; - басқару жүйесінде құжаттарды біріктіру технологиясын сипаттау; - құжаттарды басқару жүйесінде қолдану мүмкіндіктерін түсіндіру: құжаттарды жіктеу және жүйелендіру, құжаттарды рәсімдеу; - құжаттармен жұмыс істеу және оларды басқару процестерін ұйымдастырудағы өзгерістерге бейімделу үшін қолданыстағы технологияларды оңтайландыру бойынша ұйымдастырушылық және басқарушылық шешімдерді табу; - ұйымдарда құжаттарды басқару жүйесін енгізу кезінде құжаттармен жұмыс істеу саласындағы тәжірибе мен дағдыларды пайдалану; - белгілі бір ұйымдарда құжаттарды басқару үрдісін талдау негізінде кәсіби мәселелерді шешуде ақпарат көздерімен жұмыс істеу дағдыларын меңгеру; - құжаттарды басқару саласындағы мәселелерді шешудің оңтайлы әдісін таңдау үшін кәсіби білімдерге, қорыту әдістеріне, ақпаратқа талдау жасау. - құжаттарды жедел сақтауды және құжаттарды ведомстволық архивке тапсыруды дайындауды ұйымдастыру (құжат құндылығн анықтауда сараптама жасауды, істерді ресімдеуді, тізімдемелер жасауды қосқанда). Пәнді оқып-үйренуде магистранттар мына төмендегі аспектілерді қарастырады: Қазақстан Республикасында құжаттарды басқару саласындағы негізгі мәселелер, құжаттарды басқарудағы шетелдік тәжірибе; құжаттарды басқару саласындағы қазіргі кезеңдегі үдерістердің мәні, құжаттардың құрамын оңтайландыру және олармен жұмысты оңтайландыру қағидалары; басқарудың ақпараттық-құжаттамалық қамтамасыз етілуінің даму бақыттары, құжаттарды басқару әдістері мен технологиялары.

Пәннің мақсаты магистранттардың құжаттану ғылымының негізгі кезеңдері, факторлары мен даму тенденцияларын, құжаттану саласындағы негізгі мәселелерді, құжаттану ғылымының дамуындағы негізгі кезеңдерді, факторлар мен үрдістерді, құжаттану саласындағы негізгі мәселелерді, қазіргі кезеңде құжаттану тарихнамасының дамуын анықтайтын жаңа ғылыми бағыттарды және мектептерді талдауға қабілетін қалыптастыру. Пәнді меңгеру нәтижесінде магистрант қабілетті болады: - құжат дамуының және құжаттама жүйелерінің теориялық және методологиялық мәселелерін, сондай-ақ құжаттанудың қалыптасуы мен дамуын талдау; - отандық және шетелдік ғалымдардың еңбектерінде шоғырланған мұрағаттанудың түйіткілді проблемаларын шешудегі көпқырлы теориялық бағыттарын талдау; - құжаттарды сыныптау бойынша заманауи бағыттарды және көзқарастарды жүйелеу; - архивтану теориясының (ғылыми көзқарастардың қақтығысы, бағыттар) әртүрлі кезеңдердегі архив ісінің тәжірибесін ел тарихындағы мемлекеттілік, экономика, қоғамдық қатынастар дамуын ескере отырып қалыптастыруға ықпалын ашу. - құжаттанудың қалыптасуы мен даму үрдістері бойынша кең ауқымды білімді иелену; -құжаттама бойынша мектептердің ғылыми зертханасын талдау; - отандық және шет елдік құжаттаншылардың іргелі еңбектерін талдау және баға беру; - құжаттама бойынша ғылыми зерттеулердің зерттелу деңгейін өзбетінше анықтау; - құжаттанудың зерттелмеген мәселелерін анықтау. Пәнді оқып-үйренуде магистранттар мына төмендегі аспектілерді зерттейді: Құжаттың жалпы теориясы: құжаттамалық және архивтанулық аспектілер; Құжаттың тұжырымдамалық теориясының пайда болуы; ХХ ғ. 20-30-шы жылдардағы құжаттаманың теориялық мәселелерін қайта қарастыру; ХХ ғ. 50 -80-шы жж. құжаттану теориясының қалыптасуы; Қазіргі кезеңдегі құжаттаманың теориялық және практикалық мәселелері; Мамандандырылған жарияланымдар беттерінде іс жүргізу саласында теориялық және тәжірибелік мәселелердің зерттелуі; Ғылыми құжаттанудың қалыптасуы және дамуы: құжаттардың санаттары және құжаттама принциптері. Антропологиялық құжаттану. Құжаттанудың пәнаралығы.

Пәннің мақсаты магистранттардың тарихи құжаттарды Интернет желілерінде электронды форматта жариялаудың теориялық және қолданбалы мәселелерін талдауға және компьютерлік іздеу құралдарын мен электронды ғылыми анықтамалық аппаратты жасауға қабілетін қадыптастыру. Пәнді меңгеру нәтижесінде магистрант қабілетті болады: қолданбалы және компьютерлік археография, архив ісі, құжаттарды басқару және тарихи информатика салаларында орын алатын негіздер мен процестерді түсінуді кеңейту; - электронды форматқа құжаттармен жұмыс істеудің теориялық және әдіснамалық негіздерін, оларды электрондық басылымға дайындау тәсілдерін түсіндіру; - электронды құжаттық басылымдарды дайындау, құжаттарды археографиялық өңдеу, мәтінмен жұмыс істеу және электронды форматта жариялаудың ғылыми анықтамалық аппараты құрастыру үшін теориялық білімдер мен тәжірибелік дағдыларды пайдалану; - электронды басылымдар мен жарияланған құжаттар технологиясын таңдауды негіздеу, мәтінді транслитерацияның оңтайлы нұсқасын іздестіру, электронды мәтінді жаңартып, құжаттарды сипаттау үшін тарихи құжаттың түпнұсқасын зерттеушілерге ұсынуу; - құжаттың толық мәтінінің немесе құжат фрагменттің немесе форматталған (археограф қысқартқан, құрылымдалған) мәтіндік деректер – регестлерды анық беру. Пәнді оқып-үйренуде магистранттар мына төмендегі аспектілерді зерттейді: Археографияның компьютерлік және тәжірибелік негіздері. Электронды форматта құжаттық басылымдарды құрудың нормативтік базасы. Электронды форматта жарияланымдарды дайындаудың жалпы принциптері. Отандық веб-сайттардағы электронды басылымдар. Шетелдік және отандық сайттарда электронды басылымдарды салыстырмалы талдау. Интернет-басылымдарды жіктеу. Сайттардағы жарияланымдар. Цифрлы құжаттарды қашықтан қол жеткізу. Түрлі мәтіндік, графикалық, аудиовизуалды деректер басылымдарының күрделілігі. Толық мәтінді дерекқорлар құрамындағы құжаттардың электрондық басылымдары. Электрондық форматта құжаттық басылымдарды құрудың негізгі мәселелері. Ғылыми мекемелердің электронды басылымдары. Шетелдік дерекқорларда электрондық басылымдарды талдау. Электронды басылымдар мен технологиялар. Мультимедиялық форматта электронды құжаттық жарияланымдарды құрудың халықаралық тәжірибесі.

Курстың мақсаты – басқару психологиясының іргелі ұғымдарын меңгеру негізінде жоғары білікті мамандардың ғылыми дайындығын қамтамасыз ету, кәсіби қалыптасу үрдісінде басқару саласының ең маңызды аспектілерін теориялық түсіну және практикалық пайдалану үшін алғышарт жасау. Пәнді меңгеру нәтижесінде магистрант қабілетті болады: 1. басқару психологиясының теориясы мен практикасының заманауи жағдайын кейінгі кәсіби іс-әрекетінде қолдану үшін оңтайлы көлемде түсінуге; 2. басқару тиімділігін жоғарылату мақсатында жеке тұлғаларды және әлеуметтік топтарды (қауымдастықтарды) зерттеудің психологиялық әдістерін қолдануға және сипаттауға; 3. әртүрлі басқару мәдениеттерінің байланысы барысында іскерлік және тұлғааралық қарым-қатынас дағдыларын дамытуға; 4. жеке өмірде және кәсіби іс-әрекетте табысты қарым-қатынас стратегияларын жүзеге асыруға; 5. басқару психологиясы тарапынан өмірлік және кәсіби жағдайларды сыни бағалауға; өзіндік және ұжым потенциалын дамыту үшін басқару психологиясы бойынша білімдерді тиімді пайдалануға. Курс заманауи менеджменттің негізгі бағыттарының білімін береді. Бизнес-технологиялардағы және басқарудағы психологиялық талаптарды ашады. Адамдармен өзара әрекеттестікпен байланысты басқару іс-әрекеті тиімділігінің психологиялық негіздерін анықтайды. Курс аясында басқару психологиясының пәні, негізгі қағидалары, басқару өзара әрекеттестігіндегі тұлға, тұлға мінез-құлқын басқару, құндылықтар бойынша басқару туралы заманауи көзқарастар, топтық құбылыстарды және үрдістерді басқару психологиясы, басшы тұлғасының психологиялық ерекшеліктері, жеке басқару стилі, басқару іс-әрекетіндегі ықпал ету психологиясы, қақтығыстық жағдайларды басқару қарастырылады.

Пәннің мақсаты магистранттардың шетелдердегі ақпараттар мен құжаттарды басқарудың теориялық мәселелері мен қолданбалы асектілері туралы түсініктерін қалыптастыру. Пәнді меңгеру нәтижесінде магистрант қабілетті болады: - шет елдеріндегі құжаттаманы және ақпараттардың нормативтік-құқықтық реттеудің жалпы үрдістерін анықтау; - ақпарат пен құжаттаманы стандарттау саласындағы теориялық және қолданбалы әзірлемелерді дамытуға жекелеген мемлекеттердің ұлттық ерекшелігін және үлесін ажырата білу; - құжаттаманы және ақпараттарды басқаруды құқықтық реттеудегі шет елдік тәжірибені талдау; - болашақ кәсіби біліктілік үшін жаңа құзыреттілік қалыптастыру мақсатында алынған білімдерін, дағдыларын және қабілеттерін талдау, жинақталған білімдерін жүйелеу; - отандық тәжірибеде құжаттаманы басқаруды қамтамасыз ету саласындағы шетелдік стандарттаудың нормативтік-құқықтық негіздерін, негізгі халықаралық стандарттар мен халықаралық стандарттау жүйесін қолдану. Пәнді оқып-үйренуде магистранттар мына төмендегі аспектілерді зерттейді: Ақпараттық қоғамдағы құжаттамалар. Құжаттаманы және ақпараттарды басқаруды құқықтық реттеудің шетелдік тәжірибесі; Шет елдердегі құжаттаманы және ақпараттарды нормативтік-құқықтық реттеудің жалпы үрдістері. Құжаттаманы және ақпараттарды басқару бойынша халықаралық нормативтік-құқықтық актілердің негізгі ережелері. Біріккен ұлттар ұйымының құжаттаманы және ақпараттардыі басқару саласындағы рөлі және оның интернационалды ақпараттық саясат қалыптастырудағы құрылымдары. АҚШ-тағы құжаттаманы және ақпараттарды басқару. Ұлыбританияның құжаттамалық-ақпараттық құқығы: құжаттаманы құқықтық реттеудегі ерекшелігі. Канаданың федералды құжаттамалық-архивтік заңнамасы: базалық заңдары және олардың негізгі ережелері. Австралияда құжаттаманы және ақпараттарды басқарудағы регламентациялық үдерістер. Шет елдердің құжаттамалық-архивтік құқығы.

Пәннің мақсаты магистранттардың аудиовизуалды құжаттардың методологиялық мәселелері, негізгі ережелері, теориялары мен тұжырымдамалары, сондай-ақ, оларды есепке алу, сақтау және пайдалануда туындайтын мәселелер, оларды шешу жолдары туралы түсініктерін қалыптастыру Пәнді меңгеру нәтижесінде магистрант қабілетті болады: - аудиовизуалды құжаттар бойынша негізгі ережелерді, теорияларды және тұжырымдамаларды талдау; - аудиовизуалды құжаттар құндылығын сараптауда жалпы және нақты өлшемдер жүйесін қолдану; - аудиовизуалды архивтердің есептік және ғылыми-анықтамалық аппарат жүйесін құру, - аудиовизуалды құжаттарды пайдалануда шетелдік және отандық тәжірибені синтездеу; - аудиовизуалды құжаттардың архивтану саласындағы тарихнамалық талдаулар жүргізу;. - аудиовизуалды құжаттарды толықтыру, құндылығын сараптау, жіктеу, есепке алу, сипаттау, сақталуын қамтамасыз ету, ғылыми-анықтамалық аппарат жүйесін құру және пайдалануда мамандандырылған мемлекеттік және ведомстволық архивтердің қызметін талдау; - кинофотофоноқұжаттармен жұмыс істеудің әдістемелік қамтамасыз ету тәжірибесін жинақтау. Пәнді оқып-үйренуде магистранттар мына төмендегі аспектілерді зерттейді: Технотронды құжаттау құжаттанудың объектісі ретінде; Кинофотовидеоқұжаттау басқару және бұқаралық ақпарат құралдар салаларында; Кинофотофоноқұжаттау жеке құжаттамалық жүйе ретінде; Микрофильмдеу құжаттарды көшірмелеу әдісі ретінде; Кинофотофоноқұжатарды зерттеуде архивтанулық және деректанулық білімдердің орны; Бейнелі және аудиовизуалды мәтіндердің атрибуциясы мен герменевтикасының тәсілдері мен әдістері; Аудиовизуалды құжаттар: ғылыми көзқарастар мен зерттеу практикалары; Мемлекеттік және ведомстволық архивтердегі аудиовизуалды құжаттар кешенін қалыптастыру және зерттеудегі заманауи тұғырнамалар; Мемлекеттік архивтердің аудиовизуалды құжаттармен жұмыс жасаудағы теорясы мен практикасы.

Пәннің мақсаты магистранттардың археографиялық қызметтің түрлі салаларында теориялық білім мен практикалық дағдыларын, жарияланған архив құжаттарымен жұмыс жасаудың негізгі заңдылықтарын жүйелі тұрғыда талдау қабілетін қалыптастыру. Пәнді меңгеру нәтижесінде магистрант қабілетті болады: - археография ғылымының заңдылықтары мен даму үрдістерін талдау; - тарихи деректерге тарихи-құжаттық сараптама жүргізудің және ғылыми жариялаудың негізгі талаптарын сипаттау; - теориялық және қолданбалы археографияның байланыстарын анықтау және көрсету; - ғылыми басылымның әртүрлі жіктелуінің қағидаларын анықтау, оларды жіктеу, құжаттық басылымдардың классификациясының ұтымды және әлсіз жақтарын анықтау; - тарихи деректің жарияланған тарихи деректің мазмұнына (олардың сапасы, сенімділік дәрежесі және ғылыми деңгейі) баға беру үшін жүргізілетін тарихи-құжаттық сараптаманың негізгі тәсілдерін қолдану. - деректі баспаға дайындау, сондай-ақ материалдарды жарияланымға таңдап алу және сұрыптау бойынша білімін көрсету; - археографиялық ойдың түрлі мектептерінің тұжырымдамаларын талдау және салыстыру; - тәжірибеде материалдарды жарияланымға таңдаудың және сұрыптаудың принциптері мен әдістерін қолдану; - алынған білімді құжаттар жинағын дайындауда интеграциялау. Пәнді оқып-үйренуде магистранттар мына төмендегі аспектілерді зерттейді: Негізгі археографиялық ұғымдар. Археографиялық теория негіздері. Құжаттық басылым үшін құжаттарды іріктеудің негізгі өлшемдері. Құжаттық басылымдағы құжаттарды жүйелеу. Құжаттық басылымдардың типологиясы. Құжаттық жарияланым мен қоғамдық сананың өзара әрекеттестігі. Құжаттық басылымның моделі, оны дайындау. Әлеуметтік археография: негізгі бағыттары мен перспективалары. Шетелдік археографиясы: мәселелері және перспективасы. Құжаттық басылым тарихи және археографиялық түсінік ретінде. Революцияға дейінгі Қазақстан тарихының тарихи құжаттарын жариялау. Кеңес кезеңіндегі архив құжаттарын жариялау ерекшеліктері. Қазіргі кезеңдегі тарихи құжаттарды жариялау ерекшеліктері. Аудиовизуалды құжаттарды жариялау ерекшеліктері. Жеке текті құжаттарды жариялау ерекшеліктері. ХХ ғасырдың отандық тарихы посткеңестік археографияда. Археографиялық қызметтің және археографиялық ойды дамытудың заманауи мәселелері.

Пәннің мақсаты:ғылыми білім өндіруге бағытталған ерекше қызметтің заңдылықтары мен даму тенденциясын зерттеу. Ол тарихи динамика негізінде және тарихи өзгермелі әлеуметтік-мәдени контексте қарастырылады. Курсты оқу барысында магистрант төмендегідей білімдерді меңгереді: 1. ғылымның табиғатын, құрылымын, ұйымдастыру және қызмет ету принциптерін; ғылымның генезисі мен тарихын оның үлгілерінің, бейнелерінің және ойлау түрлерінің қалыптасуы тұрғысынан түсіндіруге; 2. ғылыми ізденіс қызметінде туындайтын және терең кәсіби білімдерді қажет ететін міндеттерді тұжырымдауға және шеше білуге; 3. зерттеудің қажетті әдіс-методтарын таңдауды, бұрынғыларын жетілдіруді және нақты ізденістің міндеттерінен туындайтын жаңа әдіс-тәсілдерін жасауды жүйелеуге; 4. ғылымның тарихы мен философиясының, жаратылыстану, әлеуметтік-гуманитарлық және техникалық білімдер методологиясының негізінде қазіргі заманғы теория мен практиканың шындығын сараптауға және түсінуге; 5. әдістемелік және әдістік білімдерді ғылыми ізденісте, педагогикалық және тәрбие жұмыстарында қолдануды түсіндіруге. Ғылымның тарихы және философиясының пәні, Ғылымның көзқарастық негіздемелері, Ғылымның қызметтері, Ғылымның пайда болуы және қалыптасуы. Ежелгі дүниедегі, Орта ғасырдағы және Қайта Өркендеу дәуіріндегі ғылым, Жаңаеуропалық ғылым – ғылымның дамуының классикалық кезеңі, Ғылымның дамуының классикалық емес және постклассикалық емес кезеңінің негізгі концепциялары және бағыттары, Ғылыми танымның құрылымы мен деңгейлері, Ғылымның мамандық ретінде қалыптасуы. Ғылымның идеалдары мен нормалары, Ғылымның философиялық негіздемелері және дүниенің ғылыми бейнесі, Ғылыми дәстүрлер және ғылыми революциялар, Жаратылыстану ғылымдары мен техникалық ғылымдардың тарихы мен философиясы, Әлеуметтік және гумантарлық ғылымдардың тарихы мен философиясы, Қазіргі заманғы жаһандық өркениет дамуының философиялық мәселелері.

Пәннің мақсаты магистранттардың құжаттанудың теориялық және методологиялық мәселелерін және оларды шешу жөніндегі ұсыныстарын талдау қабілетін қалыптастыру. Пәнді меңгеру нәтижесінде магистрант қабілетті болады: - құжаттанудың мәртебесін анықтау; құжаттанудың ғылымдар құрылымындағы және қолданбалық қызмет саласындағы орнын анықтау; - құжаттану саласындағы үдерістер мен проблемаларды белгілі құжаттанушы мамандардың пікір-талас материалдарын зерттеу негізінде талдау; - ұйымдық даму және құжаттаманы қамтамасыз етуді басқару жүйесін жобалаудың және архив ісінің методологиялық негіздері, құжаттанудың проблемалары, ақпараттық жүйелерді жобалау туралы білімді көрсету; - теориялық және тәжірибелік қызмет үрдісінде әлеуметтік, гуманитарлық және экономика ғылымдарының әдістерін пайдалану; - перспективті ғылыми-зерттеу және қолданбалық міндеттерді шешуде зерттеудің заманауи әдістерін, әдістемесін қолдану. Пәнді оқып-үйренуде магистранттар мына төмендегі аспектілерді зерттейді: Құжаттанудың теориялық және методологиялық негіздерінің пайда болуы мен қалыптасуы. Құжаттанудың дамуы. Шетелдік тәжірибе. Құжаттың пайда болу заңдылықтарын анықтау құжаттану теориясының бөлігі. Терминологиялық мәселелердің теориялық аспектілері. Құжаттау және құжаттың пайда болуы үдерістерін құқықтық және нормативтік реттеудің теориялық аспектілері. Құжаттанулық зерттеулердегі басқару құжаттамасын жіктеу мәселелері. Құжат жүйелері қалыптасуының тарихи сабақтастығы. Жүйелік тұрғы концепциясының теориялық негізделуі; оның құжаттанулық қолданбалы зерттеулерде қолданылуы. Құжаттанулық зерттеулерде тұрғылардың өзгеруі. Құжаттану теориясы дамуының қазіргі мәселелері.

Пәннің мақсаты - өндірістік іс-әрекеттің әртүрлі салаларында пайда болатын ғылыми-техникалық құжаттама архивін басқаруды ұйымдастыру, жобалаудың білімін, дағдысын және іскерлігін қалыптастыру. Пәнді меңгеру нәтижесінде магистрант қабілетті болады: - ғылыми, ғылыми-инновациялық, өндірістік қызметтің әртүрлі құрылымдарында қолданылатын ғылыми-техникалық құжаттама жүйесін анықтау; -олардың қызметі барысында құрылатын ғылыми - техникалық құжаттаманы жүйелендіру, - Ұлттық архив қорының құрамына немесе ведомстволық сақтауға жатқызу мақсатында ҒТҚ мазмұнын талдау, -ұйым жүйесінің әр түрлі деңгейдегі ғылыми , ғылыми-инновациялық қызметтің ресурстық базасын құру мақсатында архивке сақтауға жататын құжаттардың жай-күйін сын тұрғысынан бағалау; - осы саладағы өз білімін үнемі жетілдіруде тиімді пәнаралық тәсілдердің тәсілдерін және ұстау жолдарын таңдау; - ғылыми, ғылыми-инновациялық қызметтің құжатталған ақпараттарын сақтау, қорғауды қамтамасыз ету, архив ісінің этикалық нормаларының принциптерін сақтау.Пәнді оқып-үйренуде магистранттар мына төмендегі аспектілерді зерттейді: Интеллектуалды қызмет түрі ретінде ҒТҚ ғылыми тұрғыда қайта қарастырылуы, ғылыми-техникалық құжаттамалардың жіктелуі, ғылыми-техникалық құжаттамалардың жүйесі мен санаттары, ҒТҚ архивінің қазіргі заманғы құрылымы мен ұйымдастырылуы, ҒТҚ ұйымдастыру және басқару бойынша заңнамалық-нормативтік базасы; ғылыми-техникалық қызмет құжаттарымен жұмыс істеу бойынша жобалау, ұйымдастыру, басқару және функционалдық операциялар әдістері мен практикалық негіздері.

Пәннің мақсаты магистранттардың мемлекеттік органдар мен жергілікті өзін-өзі басқару құжаттарымен жұмысты ұйымдастырудың теориялық және әдістемелік тәсілдерін жинақтау мен жүйелі түсіну қабілетін қалыптастыру. Пәнді меңгеру нәтижесінде магистрант қабілетті болады: 1. - мемлекеттік органдардың және жергілікті өзін-өзі басқару органдарының қызметінде құжаттамалық қамтамасыз етудің заңнамалық және нормативтік-әдістемелік реттелуі туралы білімін көрсету; 2. - мемлекеттік органдардың және жергілікті өзін-өзі басқарудың ақпараттық-құжаттық өзара іс-қимылының нормативтік-құқықтық базасын талдау және бағалау; 3. - мемлекеттiк органдарға және жергiлiктi өзiн-өзi басқару органдарына қатысты осы жүйелердi құжаттандыру тәртiбiн айқындайтын нормативтiк және iс жүргiзу құжаттарын әзiрлеу; 4. - жергілікті өзін-өзі басқарудың мемлекеттік билік жүйесіндегі нақты басқару жағдайында пайдаланылатын құжаттардың түрлері мен түрлерін жобалау және енгізу; 5. – құжаттаманы басқару саласындағы басқарушылық міндеттерді шешу үшін корпоративтік коммуникацияларды пайдалану мақсатында стратегиялық талдау әдістерін меңгеру. Пәнді оқып-үйренуде магистранттар мына төмендегі аспектілер қарастырылады: Қазақстан Республикасында мемлекеттік органдардың және жергілікті өзін-өзі басқарудың құжаттайналымы жүйесінің теориялық аспектілері; Құжат айналымының жалпы сипаттамасы және құжаттарды басқару жүйесі; Мемлекеттік және жергілікті басқару органдарында құжат айналымын ұйымдастыруды талдау және бағалау; Жергілікті өзін-өзі басқару органдарында құжат айналымын ұйымдастыру мәселелері; Құжаттарды басқарудың заманауи жүйелерін талдау; Мемлекеттік және жергілікті басқару органдарында автоматтандырылған құжаттарды басқару жүйелерін енгізудің перспективалары; Мемлекеттік және жергілікті басқару органдарында құжатайналымының нормативтік-құқықтық қамтамасыз етілуін жетілдіру.

Пәннің мақсаты – магистранттардың электронды мемлекеттік басқару саласында электронды үкіметтің құжаттық коммуникацияларын басқарудың практикалық міндеттерін шешуде негізгі тәжірибелік дағдыларын қалыптастыру. Пәнді меңгеру нәтижесінде магистрант қабілетті болады: - электронды үкімет саласындағы кәсіби қызметтерді іске асыруға байланысты міндеттерді тұжырымдау; - Қазақстан Республикасында электрондық үкіметті қалыптастыру тұжырымдамасын сипаттау; - ақпаратты талдау және түсіндіру, басқару шешімдерін қабылдау үшін алынған ақпаратты пайдалану; - мемлекеттік органдардың қызметіне және электронды түрде ұсынылатын мемлекеттік қызметтерге ақпаратқа қоғамдық қолжетімділіктің инфрақұрылымын сипаттау; - электрондық үкіметтің қағидаттарын, әдістерін және заманауи технологияларын көрсету. Ақпараттық қоғам тұжырымдамасы. Ақпараттық қоғамды дамыту стратегиясы. Электрондық үкіметті дамытудың нормативтік-құқықтық қамтамасыз етілуі. Ақпараттық қоғамның және электронды мемлекеттік басқарудың негізгі тұжырымдамалары мен теориялары. Электронды мемлекеттік басқаруды дамытудың негізгі бағыттары. Электрондық үкіметті дамытуды реттейтін мемлекеттік билік органдарының жүйесі. Электрондық үкімет инфрақұрылымын дамыту. Тұтынушыға бағытталған электронды үкіметті дамыту. Ақпараттық-коммуникациялық технологияларды билік органдарында қолдану. Ашық деректерге негізделген мемлекеттік басқару. Электронды мемлекеттік басқарудың даму перспективалары. Электронды коммуникациялар және әлеуметтік коммуникациялардағы желілер.

Пәннің мақсаты - қазіргі заманғы қоғамдағы құжаттардың рөлі мен орнын көрсететін әртүрлі теорияларды, тұжырымдамаларды, ережелерді қалыптастыру, мемлекеттіліктің және экономиканың дамуы тұрғыда архивтану теориясының архив тәжірибесін қалыптастыруға ықпал ету туралы тұтас түсінігін қалыптастыру. Пәнді меңгеру нәтижесінде магистрант қабілетті болады: - архивтанудың теориялық-методологиялық аспектілерін талдау; - отандық және шетелдік ғалымдардың еңбектерінде шоғырланған мұрағаттанудың түйіткілді проблемаларын шешудегі көпқырлы теориялық бағыттарын талдау; - архивтану теориясының (ғылыми көзқарастардың қақтығысы, бағыттар) әртүрлі кезеңдердегі архив ісінің тәжірибесін ел тарихындағы мемлекеттілік, экономика, қоғамдық қатынастар дамуын ескере отырып қалыптастыруға ықпалын анықтау; - іс жүргізу және архивтердегі құжаттық кешендердің қалыптасуы мен қызмет етуін жүйелеу. - ақпараттық-құжаттық қамтамасыз ету және архив ісі дамуының үрдістерін анықтау; - деректер мен әдебиеттерді іздеуді жүргізу, құқықтық мәліметтер базасын пайдалану; - библиографиялық және архивтік шолуларды құрастыру; - архив құжаттарына анықтамалық-іздеу құралдарын құрастырудың принциптері мен әдістерін қолдану; - архив ісін басқарудағы озық шет елдік тәжірибені қолдану; - ақпаратты жинаудың, сақтаудың және өңдеудің тәсілдері мен әдістерін меңгеру. Пәнді оқып-үйренуде магистранттар мына төмендегі аспектілерді зерттейді: Тарихи-мәдени құжаттық мұраны сақтаудың теориясы, принциптері мен әдістерінің эволюциясы. Әртүрлі тарихи кезеңдерде қоғамның архивке қатынасы. Архив қоры әлеуметтік жады институтының жүйесінде. Архив қоры құжаттарының зерттеу дәрежесі. Қоғамдық даму факторларының елдегі құжаттық және архив қорларын қалыптастыруға тигізген әсері. Құжаттың жалпы теориясының архивтанулық аспектісі. Құжаттардың құндылығын сараптау және мен архивтерді толықтырудың теориялық аспектілері. Қорландыру мәселелері. Архив құжаттарын жіктеу, сипаттау және пайдаланудың теориялық негіздері. Сипаттама теориясының принциптері мен әдістері.

Пәннің мақсаты - ақпараттық және цифрлық қауіпсіздікті қамтамасыз етудің құқықтық негіздерін түсіну, негізгі қатерлерді талдау; осы саладағы қауіпсіздікті қамтамасыз ету әдістемесіне талдау жасау; осы саладағы мемлекеттік органдар қызметінің ерекшеліктерін анықтау. Пәнді оқу нәтижесінде білім алушы қабілетті болады: - Ақпараттық және цифрлық қауіпсіздікті қамтамасыз етудің құқықтық негіздерін түсіну қабілетін көрсету; - Ақпараттық және цифрлық қауіпсіздік үшін негізгі қатерлерді талдау және жіктеу; - Ақпараттық және цифрлық қауіпсіздікті қамтамасыз ету әдістемесіне талдау жүргізу; - Ақпараттық және цифрлық қауіпсіздік саласындағы мемлекеттік органдар қызметінің ерекшеліктерін айқындау; - Осы салада заң құжаттарын дайындау Пәнді оқу кезінде келесі аспектілер қарастырылады: ақпараттық және цифрлық қауіпсіздік түсінігі, ақпараттық және цифрлық қауіпсіздік қатерлері; қауіп-қатерлерге қарсы әрекет ету әдістері, «Қазақстанның Кибер қалқаны» тұжырымдамасы.

Пәннің мақсаты – магистранттарды теориялық білімдері мен зерттеу практикалары негізінде құжатайналымы қозғалысын ұйымдастыру мен басқару жүйесінің жобалау технологиясының методологиялық негіздері мен әдістемелік тәсілдерін игеруді қалыптастыру. Пәнді меңгеру нәтижесінде магистрант қабілетті болады: - ұйымның құрылымы мен басқару жүйесін жетілдіру қажеттілігіне байланысты нақты жағдайларды талдау; - оның негізгі кіші жүйелерінің өзара қарым-қатынасын және өзара байланысын ескере отырып, ұйымдық басқару жүйесін ұтымды ету бойынша шаралар кешенін анықтау; - ұйымдық жобаларды нормативтік-әдістемелік қолдаудың сапасын бағалаудың, ғылыми мазмұнды талдаудың және ұйымдық жобалық ұсыныстардың экономикалық тиімділігін бағалаудың қолданыстағы принциптері мен әдістерінің негізінде сараптау жүргізу. - ұйымдық жобалаудағы жүйелік және ситуациялық тәсілдердің әдіснамасын меңгеру; - ұйымдық жобалаудың міндеттерін шешудегі әртүрлі тәсілдердің ерекшеліктерін меңгеру. Пәнді оқып-үйренуде магистранттар мына төмендегі аспектілерді зерттейді: Ұйымдық даму және құжат айналымы басқару жүйесін жобалаудың теориялық және методологиялық негіздері. Ұйымдағы құжат қозғалысын жобалау жұмыстарын жоспарлау және ұйымдастыру. Құжат айналымы басқару жүйесін ұйымдық жобалаудың сатылары. Құжат айналымын басқару жүйесін зерттеу, талдау және жобалау әдістері. Ұйымдық жобалаудың әртүрлі сатыларында тиімділікті бағалау әдістері. Құжат айналымын басқару жүйесіндегі дербес жобалауды енгізу.

Мақсаты – кадрлық саясаттың мәні, ерекшелігі, мемлекеттік қызмет туралы білімді интеграциялау және кадрлық саясат туралы заңнаманы жетілдіру мәселелері жөніндегі пікірлерді тұжырымдау қабілеттерін қалыптастыру. Пәнді оқу нәтижесінде білім алушы қабілетті болады: - кадрлық саясатты қалыптастыру негіздерінің заманауи білімін көрсетуге; - Қазақстан Республикасындағы мемлекеттік қызметтің мәнін, ерекшелігін және негізгі түрлерін бағалауға; - мемлекеттік қызметшілер корпусын қалыптастыру тәртібінің, олардың түрлерінің, өкілеттік жүйесінің, олардың құқықтары мен міндеттерінің мәселелерін талдауға; - мемлекеттік қызметшілердің сыбайлас жемқорлыққа қарсы мәдениетін және сыбайлас жемқорлыққа қарсы санасын қалыптастырудың негізгі үрдістерін саралауға; - мемлекеттік қызметшілердің құқықтарын қорғау және олардың мансаптық өсуін қамтамасыз ету тетіктерін нығайту жолдары мен мәнін бағалауға. Пәнді зерделеуде келесі аспектілер қарастырылады: - кадрлық және жалдамалы жүйені дамыту; - мемлекеттік қызметтің конституциялық негіздерін дамыту; - мемлекеттік қызметтің негізгі қағидаттары; - меритократияны енгізу және кәсіби мемлекет құру үрдістері; - мемлекеттік қызметшілер корпусын қалыптастыру міндеттері; - мемлекеттік қызметшілер қызметінің сапасын бағалау

Қолданбалы міндеттерді шешуде жаңа тәсілдерді әзірлеуді, әртүрлі әдістерді (оның ішінде инновациялық) пайдалануды талап ететін ғылыми, технологиялық, әдістемелік сипаттағы проблемаларды шешуге қатысу.

Құрылымдық бөлімшелерде іс жүргізуді және құжат айналымын (оның ішінде электрондық құжат айналымын жобалауды) басқаруды жүзеге асыру, қол жеткізу тәртібін енгізуді және құжаттардың қауіпсіздігін қамтамасыз етуді ұйымдастыру, сондай-ақ оларда қамтылған ақпаратты пайдалану.

Архив саласының, БҚҚ қызметінің практикалық міндеттерін шешуде әр түрлі ортада (соның ішінде, өзге тілде) дербес ғылыми зерттеуді жүзеге асыру, электрондық форматта құжаттармен жұмыс істеудің теориялық және әдістемелік дағдыларын қалыптастыру және оларды электрондық жариялау үшін дайындау.

Архивтану және құжаттану саласындағы оқытудың заманауи әдістерін, инновациялық және интерактивті технологиялар мен жоғары оқу орындарында тілдік пәндерді оқытудың пәнаралық тәсілдер (философиялық) контекстіндегі архивтанулық және құжаттамалық пәндерді оқыту әдістерін көрсету.

Архивтануға тән дәстүрлі жұмыс әдістерінінің сандық ортаға бейімделуі және архивтік ақпаратты ұсынуда жаңа заманауи білімдерін қолдану; құжаттарды басқару және архив ісінде озық шетелдік тәжірибені қолдану.

Жұмыс тәжірибесіне Қазақстан Республикасы Еңбек заңнамасының және өзге де нормативтік құқықтық актілердің нормаларын енгізу, персоналды басқаруда еңбек заңнамасының қағидаттары мен нормаларын талқылауға қатысу, басқару психологиясының қағидаттарын пайдалану.

Архив саласының стратегиялық дамуының негізі бағыттарын зерттеу және сыни талдаудың ғылыми тәсілдері негізінде архив қызметінің ұлттық, өңірлік және халықаралық деңгейлерде бағдар беру.

Архив ісі, археография және құжаттану мәселелері бойынша жобалар, құқықтық актілер, ғылыми, әдістемелік құралдар, нормативтік-әдістемелік актілер әзірлеу және оларды өндіріске және оқу үдерісіне енгізу.

Қазақстан Республикасының ұлттық мәдени құндылықтары нысандарына және аса құнды құжаттарға жатқызу мақсатында құжаттарды анықтау.

Архив ісі, археография және құжаттану саласында сараптамалық зерттеулер жүргізуге қатысу және оларды жұмыс тәжірибесіне енгізу.

Технотронды құжаттармен (аудиовизуалды және ҒТҚ) жұмыс істеу әдістерін жетілдірудің озық шетелдік және отандық тәжірибесін синтездеу және архивтерді басқаруда қолдану.

Архив ісі және БҚҚ қызметі, ақпараттық-құжаттық жүйелерді басқару саласындағы ғылыми зерттеудің мәселелері мен міндеттерін тұжырымдау (соның ішінде ғылыми-техникалық құжаттама), тиісті әдіснаманы таңдау, зерттеу кезеңдерін анықтау, алынған нәтижелерді бағалау және түсіндіру.