8D04203 Құқықтану в Әл-Фараби атындағы Қазақ ұлттық университеті

Пәннің мақсаты: құқықтың мәні мен мақсатын талқылау; заңды құбылыстар мен заңды институттардың философиялық мазмұнын анықтау; адам құқықтарын қамтамасыз ету тұрғысынан құқықтық жүйенің дамуын бағалау қабілетін қалыптастыру. Курсты оқу барысында докторант төмендегідей білімдерді меңгереді: - әлеуметтік құбылыстар кешенінде құқықтың жүйелі түсінігін көрсету, құқықтың басты мақсатын анықтау, оның мәні мен принциптерін белгілеу; - философиялық санаттарға негізделген жаңа және күрделі құқықтық идеяларды сыни талдау, бағалау және синтездеу. - қазіргі заманның алуан түрлі құқықтық, қоғамдық-саяси және экономикалық құбылыстарын жүйелі зерттеу; - жоғары ғылыми деңгейде құқықтың философиялық мәселелерін логикалық тұрғыдан түсіну; - құқық философиясының түрлі мәселелерін сыни бағалау, оларды құқықтық практикамен байланыстыру. - құқықтың әлеуметтік табиғатын, мәні мен мақсатын түсіну қабілетін қалыптастыру; құқықтық мемлекет пен азаматтық қоғамды қалыптастыру жағдайында құқық функцияларын талдау және бағалау. Пәннің бағыты. Курс қазіргі және қалаған құқықтарға қатысты негізгі философиялық көзқарастарды баяндауға арналған. Пәнді оқыту барысында құқық философиясының пән ретінде және ғылым ретінде ерекшеліктері, оның қазіргі құқық жүйесі үшін маңызы қарастырылады, құқықтың мәні және оның құқықтық мемлекет пен азаматтық қоғамды қалыптастырудағы рөлі туралы мәселе қозғалады. Теориялық сипаттағы пән, мемлекет және құқық теориясымен; мемлекет және құқық тарихы; конституциялық құқық; Әкімшілік құқық пәндерімен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: құқықтық онтология, құқықтық аксиология, құқықтық герменевтика, құқықтық логика; әлеуметтік детерминизм; өркениет; гуманизм.

Пәннің мақсаты: әлеуметтік конфликтілерді анықтау және жіктеу; әлеуметтік конфликтілерді шешудің құқықтық құралдарына баға беру; әлеуметтік конфликтілерді алдын алу бағыттарын дәлелдеу қабілетін қалыптастыру. Курсты оқу барысында докторант төмендегідей білімдерді меңгереді: - негізгі ұғымдарға анықтама бере білу, заңгердің қарым-қатынасын жүргізу, конфликтілерді шешу тәсілдерінің логикасын қалпына келтіру, құқық пен медиацияның өзара ықпал ету процесін, конфликтілерді шешу тәсілдерінің арақатынасын білдіреді; - конфликтілерді шешудің қолданылатын рәсіміне, конфликтілерді шешудің қандай да бір рәсімі шеңберінде стратегияны таңдауға өз көзқарасын негіздеу; - конфликтілерді реттеудің түрлі құралдарын саналы түрде таңдап, тиімді қолданады. - алынған талдау дағдыларын практикада қолдану, заң коммуникациясының, құқықтық нормаларды, сот актілері мен құқықтық құжаттарды түсіндіру әдістерін меңгеру; - медиацияға, әлемдік келісімге қатысты соттардың құқықтық нормалары мен тұжырымдарын түсіндіру, оларға заңдық конфликтілерді шешу үшін тиімділік тұрғысынан баға беру. Пәннің бағыты. Курс заңдық конфликтологияның негізгі санаттары мен институттарын баяндауға арналған. Пәнді оқу барысында әлеуметтік конфликтілердің себептері мен түрлері қарастырылады; әлеуметтік конфликтілердің алдын алудың құқықтық құралдары талданады; конфликтілердің мәні туралы мәселе қозғалады, қоғамдағы әлеуметтік конфликтілердің оң рөлі анықталады; медиация институты, татуластыру рәсімдері ашылады. Теориялық сипаттағы пән, құқық философиясымен, мемлекет және құқық теориясымен, мемлекет және құқық тарихымен, конституциялық құқықпен, әкімшілік құқықпен пәнаралық байланыстары бар. Пәнді оқу нәтижесінде докторанттер төмендегі мәселелерді қарастырады: конфликтілердің табиғаты, конфликтілердің себептері, конфликтілерге қатысушылар; заңдық конфликтілердің түрлері және олардың жіктелуі; саясат саласындағы конфликтілер; ұлтаралық конфликтілер; нормативтік-құқықтық саладағы конфликтілер, еңбек конфликтілері; халықаралық конфликтілерге заңдық ықпал ету әдістері, адамның бостандыққа құқығының мазмұны; бостандыққа құқықты реттейтін конституциялық-құқықтық нормалар; мемлекеттік органдардың адамның бостандық құқығын іске асыру жөніндегі қызметі.

Мақсаты – кәсіби саладағы зерттеу міндеттерін алдыға қою мен шешу үшін қажетті теориялық және тәжірибелік білімді қолдануды қамтамасыз ететін құзіреттерді қалыптастыру. Қарастырылады: дербес және ұжымдық жоспарлау әдістері; зерттеулерді жүргізуді ұйымдастыруды және өткізу; зерттеу нәтижелерін талдау және бағалау; нәтижелерді апробациялау және ғылыми рәсімдеу; ғылыми зерттеу нәтижелерін тәжірибелік қызметке енгізуді және коммерциализациялау.

Пәннің мақсаты: азаматтық процесс мәселелерін жүйелі түрде түсіну және бағалау қабілетін қалыптастыру; ұлттық және шетелдік азаматтық іс жүргізу заңнамасын салыстыру; азаматтық іс жүргізу құқығының ғылыми теориялары мен тұжырымдамаларын жүйелеу және түсіндіру. Курсты оқу барысында докторант төмендегідей білімдерді меңгереді: - қазіргі азаматтық процестің негізгі мәселелері туралы білімді көрсету - тәжірибеде азаматтық заңнаманы қолданудың өзекті мәселелерін талдау және бағалау; - азаматтық іс жүргізу құқықтық қатынастары субъектілерін топтастыру, азаматтық іс жүргізу құқықтық қатынастарының негізгі және міндетті субъектісі ретінде сотты дәлелдеу және айқындау; - дәлелдеу құралдарына қатысты жаңа және күрделі идеяларды сыни талдау және синтездеу; - дәлелдемелердің қатыстылығы және дәлелдеу құралдарының рұқсат етілуі; дәледемелерді классификацялау; - сот шешімдерін орындау процесіне баға беру. Пәннің бағыты. Курс азаматтық іс жүргізу құқығының өзекті мәселелерін баяндауға арналған. Пәнді оқу барысында азаматтық іс жүргізудің принциптері мен кезеңдері қарастырылады; тәжірибелік мысалдар талданады; азаматтық істердің ведомстволық бағыныстылығы мен соттылығы; іске қатысушы тұлғалардың мәртебесі; сотта өкілдікті ұйымдастыру; дәлелдемелер жүйесі және сотта дәлелдеу тәртібі сияқты институттарды жүзеге асырудағы проблемалар анықталады. Сонымен қатар, іс жүргізу әрекеттерін жүзеге асыру және сот қаулысын орындау тәртібіне ерекше көңіл бөлінеді. Пән практикалық сипатқа ие, азаматтық құқық, еңбек, отбасы, экологиялық құқықтармен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: азаматтық іс жүргізуді жетілдіру мәселелері; азаматтық іс жүргізу құқық қабілеттілігі және әрекет қабілеттілігі; азаматтық іс жүргізу құқық қатынастарының субъектілері, олардың жіктелуі.

Пәннің мақсаты: табиғат пайдалануды құқықтық реттеу және қоршаған ортаны қорғау саласындағы мемлекеттің қызметін бағыттай отырып, жүйелі түсіну және бағалау қабілетін қалыптастыру. Курсты оқу барысында докторант төмендегідей білімдерді меңгереді: - қазіргі жағдайда табиғатты қорғау қызметін жетілдіру мәселелерін зерттеу; - табиғатты қорғау қызметін жетілдірудің теориялық және әдіснамалық мәселелерін жетілдіру жолдары мен сұрақтарын әзірлеу және мазмұнын ашу; - табиғатты қорғау қызметін жетілдірудің теориялық және әдіснамалық мәселелерінің құқықтық және теориялық сұрақтарын сыни талдау және бағалау. - табиғатты қорғау қызметін жетілдіруді реттеу саласында дербес зерттеулер жүргізу әдістерін меңгеру; - табиғатты қорғау қызметін жетілдіру саласындағы құқықтық мәселелер мен казустарды өз бетінше шеше білу Пәннің бағыты. Курс табиғатты пайдалануды және қоршаған ортаны қорғауды құқықтық реттеудің өзекті мәселелерін баяндауға арналған. Пәнді оқу барысында қазіргі жағдайда табиғатты қорғау қызметін жетілдіру мәселелері қарастырылады; табиғатты қорғау қызметін жетілдірудің теориялық және әдіснамалық мәселелері талданады; табиғатты қорғау қызметінің құқықтық тәжірибесі талданады. Практикалық сипаттағы пән, Конституциялық, еңбек, отбасылық құқықпен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: табиғат қорғау қызметін жетілдірудің жалпы сипаттамасы; табиғат қорғау қызметінің объектілері мен субъектілері; табиғат қорғау қызметін жетілдіруді реттейтін заңнама;экологиялық жауапкершілік мәселелері.

Пәннің мақсаты: әлеуметтік қамсыздандыру саласындағы заңнаманы жаңғырту процестерін бағалау қабілетін қалыптастыру. Курсты оқу барысында докторант төмендегідей білімдерді меңгереді: - әлеуметтік қамтамасыз ету ғылымының дамуының негізгі кезеңдерін анықтау және талдау; - әлеуметтік-қамтамасыз ету қатынастары саласындағы әлемдік және қазақстандық ғылымның ғылыми тұжырымдамаларын түсіндіру; - жаһандану жағдайындағы әлеуметтік қамсыздандыру құқығы отандық ғылым дамуының қазіргі үрдістерін, бағыттары мен заңдылықтарын талдау және бағалау; - әлеуметтік-қамтамасыз ету саласындағы әртүрлі теориялық концепцияларды салыстыру және қорытынды жасау; - құқықтық тәжірибені жетілдіруге бағытталған практикалық нәтижелер алу мақсатында академиялық тұтастықпен сипатталатын дербес ғылыми зерттеу жүргізу; Пәннің бағыты. Курс әлеуметтік-қамтамасыз ету заңнамасын жетілдірудің өзекті мәселелерін баяндауға арналған. Пәнді оқу барысында әлеуметтік қамсыздандыруға адам құқығын қамтамасыз ету механизмі қарастырылады; әлеуметтік қамтамасыз ету саласындағы ҚР және шет елдердің заңнамаларын салыстыру жүргізіледі; ұлттық заңнаманы жетілдіру үшін ұсыныстар жасалады. Практикалық сипаттағы пән, Конституциялық, еңбек, отбасылық құқықпен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: әлемдік қоғамдағы жаһандық үрдістер кезіндегі әлеуметтік оңалту нысандары, жүйелері, құрылымдары, әлеуметтік-қамтамасыз ету іс-шараларын қалыптастыру, іске асыру, әлеуметтік-қамтамасыз ету тәуекелдерін азайту ерекшеліктері.

Пәннің мақсаты: криминопенология мәселелерін жүйелі талдау және бағалау қабілетін қалыптастыру; қылмыстың себептері мен түрлерін жіктеу және саралау; қылмыскердің тұлғасын бағалау; қылмыстың алдын алу проблемаларына қатысты ғылыми зерттеулер әзірлеу. Курсты оқу барысында докторант төмендегідей білімдерді меңгереді: - қылмыстық, жазаларды орындау кезінде криминалдық құбылыстардың жалпы әлеуметтік, құқықтық, шағын орта, топтық және жеке профилактикасы бойынша практикалық ұсынымдар әзірлеу; - пенальдік қылмыстың себептері мен жағдайларының арақатынасын анықтау, оларға әсер ету түрлерін анықтау; - пенальдік қылмыстық мінез-құлықтың жалпы заңдылықтарын анықтау; - жазалардың криминопенологиялық параметрлерін, қылмыстың заңдылықтарын, себептері мен жағдайларын, алдын алу бағыттары мен әдістерін анықтау; - пенальдік қылмыстың заңдылықтарын талдау. Пәннің бағыты. Курс криминопенологияның өзекті мәселелерін баяндауға, қылмыстың алдын алу мәселелеріне арналған. Пәнді оқу барысында қылмыстың себептері мен түрлерін жіктеу және саралау жүргізіледі; қылмыстық жазаларды орындау кезінде криминалдық құбылыстардың алдын алу зерттеледі; пенальды қылмыстың себептері мен жағдайларының арақатынасы анықталады, жазалардың криминопенологиялық параметрлері, қылмыстың заңдылықтары, себептері мен жағдайлары, алдын алу бағыттары мен әдістері анықталады; пенальды қылмыстың заңдылықтары талданады. Практикалық сипаттағы пән, қылмыстық, қылмыстық іс жүргізу құқығымен, қылмыстық-атқару құқығымен, криминологиямен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: жазаны орындау кезіндегі криминалдық құбылыстардың заңдылықтары, жалпы әлеуметтік себептер мен пенальдік қылмыстың жағдайлары, оның көрсеткіштері, заңдылықтары, ықпал ету нысандары; пенальдік қылмыстық мінез-құлықтың себептері мен жағдайлары, оның түрлері, олардың көрсеткіштері, алдын алу; жазалардың барлық түрлерін орындаудың криминологиялық аспектілері.

Пәннің мақсаты: латенттік қылмыстың ерекшеліктерін жүйелі талдау қабілетін қалыптастыру; латенттік қылмыстың түрлерін жіктеу және саралау; латенттік қылмыстың ағымдағы жағдайын бағалау; латенттік қылмыстың проблемаларына қатысты ғылыми зерттеулер әзірлеу. Курсты оқу барысында докторант төмендегідей білімдерді меңгереді: - теріс қоғамдық құбылыстарды бейтараптандыру негізінде қылмыстың алдын алу бағдарламасын құру; - криминологиялық тұжырымдамаларды талдау; - латент қылмысын зерттеудің жалпы теориялық және қолданбалы мәнін анықтау; - қылмыстық құқық бұзушылықтардың виктимологиялық алдын алу бойынша ұсыныстар әзірлеу; - қылмыстың сандық-сапалық параметрлерін анықтауға қатысты ғылыми зерттеулер жүргізу. Пәннің бағыты. Курс латентті қылмысты зерттеудегі өзекті мәселелерді баяндауға арналған. Пәнді оқу барысында латенттік қылмыстың ерекшеліктері; латенттік қылмыстың пайда болу себептері қарастырылады; латенттік қылмыстың түрлері жіктеледі және сараланады; латенттік қылмыстың ағымдағы жағдайы бағаланады; латенттік қылмысқа қарсы іс-қимылдың шетелдік тәжірибесі зерделенеді. Теориялық сипаттағы пән, қылмыстық құқықпен, криминалистикамен, қылмыстық іс жүргізу құқығымен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: латентті қылмыс, оның құрылымы мен түрлері, латентті қылмысқа қарсы іс-қимыл мәселелері; латентті қылмыстың жай-күйін зерттеу әдістерінің жіктелуі, латентті қылмыстың болжамды жай-күйін өлшеудің социологиялық тәсілдері мен әдістері, жекелеген қылмыстарды анықтаудың жедел-тергеу әдістері.

Пәннің мақсаты: мемлекеттік басқару саласындағы реформаларды жүйелі түрде түсіну және бағалау қабілетін қалыптастыру; мемлекеттік басқаруға қатысты ұлттық және шетелдік заңнаманы салыстыру; ҚР мемлекеттік қызметін жаңғырту процесін бағалау. Курсты оқу барысында докторант төмендегідей білімдерді меңгереді: - қазіргі заманғы әкімшілік реформаларды талдау; - әкімшілік нормалар мен мемлекеттік басқару процесінің жетілмеу себептерін анықтау және нәтижелерін жинақтау; - мемлекеттік басқару мен мемлекеттік қызметтің негізгі қағидаттарын сыныптау; - ҚР Мемлекеттік басқару және Мемлекеттік қызмет мәселелерін реттейтін заңнамалық актілерді талқылау және бағалау; - ҚР Мемлекеттік басқару және Мемлекеттік қызмет институтының проблемалық мәселелері, теориялық және әдіснамалық проблемалары бойынша өз пікірін негіздеу және білдіру. Пәннің бағыты. Курс ҚР Мемлекеттік басқару жүйесінің өзекті мәселелерін баяндауға арналған. Курсты оқу барысында мемлекеттік басқару жүйесіндегі реформаларды бағалау үшін қазіргі заманғы технологиялар қарастырылады; реформалардың нәтижелері; әкімшілік заңнама талданады; ҚР және шет елдердің мемлекеттік басқару саласындағы заңнамасын салыстыру жүргізіледі. Теориялық сипаттағы пән, әкімшілік құқықпен, экологиялық құқықпен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: әкімшілік процесс; электрондық үкімет; әкімшілік рәсімдердің жаңа түрлері, рұқсат беру жүйесі, мемлекеттік сатып алудың электрондық жүйесі, Әкімшілік құқық бұзушылық.

Пәннің мақсаты: ҚР және шет елдердің азаматтық заңнамасына салыстырмалы талдау жүргізу қабілетін қалыптастыру; Еуразиялық экономикалық кеңістік шеңберінде азаматтық заңнаманы бірегейлендіру мәселелері бойынша жаңа ғылыми идеяларды сыни талдау, бағалау және синтездеу қабілетін көрсету. Курсты оқу барысында докторант төмендегідей білімдерді меңгереді: - ЕурАзЭҚ азаматтық заңнама жүйесіне ғылыми талдау жүргізу; - ҚР және ЕурАзЭҚ елдерінің азаматтық заңнамасын салыстыру; - ЕурАзЭҚ елдерінің азаматтық заңнамасының интеграциясының дамуының болашағын болжау; - ЕурАзЭҚ азаматтық заңнамасын бірегейлендіру барысында туындайтын проблемаларды талдау және бағалау. - құқықтық тәжірибе үшін ұсыныстар дайындау, негіздеу және ұсыну. Пәннің бағыты. Курс азаматтық құқықтың өзекті мәселелерін баяндауға арналған. Пәнді оқу барысында ҚР және шет елдердің азаматтық заңнамаларын салыстырмалы талдау жүргізіледі; Еуразиялық экономикалық кеңістік шеңберінде азаматтық заңнаманы бірегейлендіру мәселелері бойынша жаңа ғылыми идеяларды бағалау; ЕурАзЭҚ азаматтық заңнамалық елдерінің интеграциясын бағалау; ЕурАзЭҚ азаматтық заңнамасын бірегейлендіру процесінде туындайтын мәселелер талданады. Теориялық сипаттағы пән, азаматтық іс жүргізу құқығымен, еңбек, отбасылық, экологиялық құқықтармен пәнаралық байланысы бар. Пәнді оқу нәтижесінде докторанттер төмендегі мәселелерді қарастырады: ЕурАзЭҚ азаматтық заңнама жүйесі, ЕурАзЭҚ ақпараттық жүйесін интеграциялау мәселелері, ЕурАзЭҚ заңнамасын бірегейлендіру мәселелері.

Мақсаты – ғылыми мәтін құру технологияларын және халықаралық риторика ережелерін меңгеру қабілетін қалыптастыру; ғылыми идеяларды жазбаша түрде білдіру және оларды дәлелдей білу; ғылыми зерттеулерді рәсімдеу. Қарастырылады: ғылыми мәтіндерді жасау және редакциялау ерекшеліктері; ресми, бейтарап және бейресми қарым-қатынас тіркелімдері; қазіргі ақпараттық және библиографиялық мәдениет; ғылыми құжаттаманы жасау және ресімдеу әдістері.

Мақсаты - ЕАЭО-ның қаржы және кеден заңнамаларын жетілдіру бойынша ұсыныстар мен есептерді әзірлеу, проблемаларды анықтау, сыни бағалау, және оларды қолдану қабілетін қалыптастыру. Қарастырылады: ұлттық және ұлттық деңгейден жоғары ЕАЭО-ның қолданыстағы қаржы және кеден заңнамасын жүзеге асыру мәселелері.

Жергілікті қылмыстарды талдау және жіктеу; латентті қылмыстың түрлерін бағалау, жіктеу және саралау; қылмыстың ғылыми проблемаларын әзірлеу; қылмыстың алдын алу тұжырымдамасын жасау.

Медиация институты негізінде дауларды баламалы реттеу жүйесі ретінде әлеуметтік конфликтілерді шешудің жаңа тәсілдерін жасау, әзірлеу және бейімдеу. Конфликтілі құқықтық қатынастардың түрлерін сыни бағалау және саралау, әлеуметтік конфликтілердің алдын алуда құқықтың рөлін анықтау; әлеуметтік конфликтілерді шешу үшін құқықтық келісу рәсімдерін қолдану әдістемесін әзірлеу. Медиация институтының рөлі мен маңыздылығын анықтау, медиация институтын жетілдіру жолдарын анықтау; дауларды баламалы шешуді талдау және бағалау, татуластыру рәсімдері

Қоршаған ортаны қорғаудың құқықтық механизмін жетілдірудің негізгі бағыттарын жүйелі түсіну және осы негізде ҚР-да табиғатты қорғау қызметінің даму деңгейін бағалау; табиғатты қорғау қызметін құқықтық реттеу проблемалары бойынша ғылыми тұжырымдамаларды бағалау бойынша диалог жүргізу; халықаралық стандарттарды ескере отырып, Қазақстан Республикасының Қоршаған ортаны қорғаудың құқықтық тетігінің даму үрдісін анықтау.

ҚР кеден қызметі мен кеден саясатын зерттеу әдістемесіне негізделе отырып, Еуразиялық экономикалық одақ шеңберінде заңнаманы бірегейлендіру процесін дамытудың негізгі теориялық және практикалық мәселелерін жүйелі түрде ашып, бағалау. Еуразиялық экономикалық достастық шеңберінде заңнаманың өзекті мәселелері туралы ғылыми талқылауларды жүргізу; Еуразиялық экономикалық достастық елдерінің кедендік заңнамасын дамыту ерекшеліктерін жүйелі түрде түсіну.

Жазалардың криминопенологиялық параметрлерін және олардың типтерін, криминалдық және криминопеналдық құбылыстарды жүйелі түсіну және жіктеу; қылмыстық сот ісін реформалау процестерін талдау. Инновациялық білім беру технологиялары мен оқытудың интерактивті әдістерін қолдана отырып, оларды сыни тұрғыдан түсіну негізінде заң пәндері бойынша оқу сабақтарын және аудиториядан тыс жұмыстарды өткізу үшін оқу-әдістемелік материалдарды әзірлеу.

Әлеуметтік қамсыздандыру саласындағы заңнаманы жаңғырту процестерін бағалау. Әлеуметтік қамсыздандыру құқығы саласындағы қазіргі заманғы ғылыми мектептердің әлемдік тенденциялары мен даму динамикасын сыни бағалау; Қазақстан Республикасының әлеуметтік-қамтамасыз ету заңнамасын жаңғыртудың құқықтық тәсілдеріне қатысты ғылыми ұстанымды түсіндіру және дәлелдеу.

Құқық пен мемлекеттің дамуының және қызмет етуінің басты заңдылықтарының жүйелі түсінігін көрсету; жалпы Қазақстанның құқықтық жүйесінің дамуын сыни талдау; философиялық санаттарға негізделген жаңа құқықтық идеяларды дәлелдеу және синтездеу; құқық түсінудің ғылыми мектептерін саралау; құқықтық практика үшін құқық түсінудің әртүрлі тұжырымдамаларының мәнін бағалау. Әлеуметтік ғылымның жаңа жетістіктерін ескере отырып, мемлекет пен құқықтың мәнін, қызмет етуін және одан әрі дамуын талдау және бағалау.

Азаматтық құқықтың тұжырымдамалық ережелерін жинақтау және топтастыру; білікті заң қорытындыларын әзірлеу және азаматтық заңнама мәселелері бойынша консультациялар жүргізу; ұлттық және шетелдік азаматтық заңнаманы салыстыру; азаматтық құқықтың ғылыми теориялары мен тұжырымдамаларын жүйелеу және түсіндіру.

Халықаралық экономикалық ынтымақтастықтың құқықтық мәселелерін жүйелі түрде талдау; халықаралық құқықтағы интеграциялық байланыстарды дамыту тетіктерін әзірлеу. Қазақстанның шет елдермен экономикалық қатынастарын құқықтық реттеудің перспективалық бағыттарын талдау және анықтау; ҚР шет мемлекеттермен халықаралық экономикалық ынтымақтастығының құқықтық негіздерін сыни бағалау;

Ғылыми пікірталастар мен жарияланымдарда, сондай-ақ ұлттық және халықаралық рецензияланатын басылымдарда талқылау үшін ғылыми нәтижелерді дәлелді және негізді түрде ұсыну; ғылыми идеяларды жазбаша түрде көрсету және оларды дәлелдеу. Құқықтық ғылым проблемаларын шешу үшін қоғамда дұрыс және төзімді өзара іс-қимыл жасауға, әлеуметтік өзара іс-қимыл мен ынтымақтастыққа дайын болу.

Азаматтық іс жүргізу құқығының ғылыми теориялары мен тұжырымдамаларын жүйелеу және түсіндіру; талап-арыз өндірісіне қатысты жаңа және күрделі идеяларды сыни талдау, бағалау және синтездеу; кәсіпкерлік қызмет субъектілерін қорғау; іс жүргізушілік ынтымақтастық; іс жүргізушілік құқықтық мирасқорлық

Конституциялық бақылау институтын сын тұрғысынан бағалау; Конституциялық процесс теориясын әзірлеу; мемлекеттік басқару саласындағы реформаларды бағалау; мемлекеттік басқаруға қатысты ұлттық және шетелдік заңнаманы салыстыру.