8D03105 Халықаралық қатынастар в Әл-Фараби атындағы Қазақ ұлттық университеті

Пәннің мақсаты – докторанттардың таңдаған тақырыпты негіздеу, мақсаты мен міндеттерін анықтау, зерттеу проблемасын қалыптастыру, жұмыс жоспары мен құрылымын құру, дереккөздерге шолу жасау, халықаралық бейіндегі қазіргі заманғы әлеуметтік ғылымдар стандарттары деңгейінде ғылыми мәтіндерді жазу қабілетін қалыптастыру. Курс ғылыми еңбектерді импакт-факторы бар шетелдік журналдарда, БҒСБК жарияланымдарында және басқаларында жариялау саласында ғылыми, әдіснамалық және әдістемелік білімді қолдана алады.

Пәннің мақсаты: қазіргі халықаралық қатынастардың маңызды мәселелерін зерттеу қабілетін қалыптастыру. Курсты оқу барысында докторанттар төмендегідей білімдерді меңгереді: - қазіргі заманның ғаламдық мәселелерін талдау, нақты мәліметтер мен халықаралық проблемалардың қазіргі жағдайын басшылыққа алу; - халықаралық қатынастардың негізгі үрдістері мен тенденцияларына талдау жасай алатын; - әлемдік саясаттағы үдерістер мен құбылыстарға талдау жасау және салыстыру, сондай-ақ, олардың мәнін түсіну және туындау себептеріне баға беру; - халықаралық қатынастар мен әлемдік саясатты зерттеудің қазіргі заманғы әдістерін жетік меңгерген; - халықаралық қатынастардың нақты проблемаларын талдау барысында теорияны пайдалана алу. Пәнді оқу нәтижесінде докторанттар төмендегі мәселелерді қарастырады: ХҚ мәселелерін зерттеудегі әр түрлі теориялық мектептер мен саяси дәстүрлер; әлемдік саясаттағы үдерістер мен құбылыстар, олардың мәні және себептер; қазіргі әлемдік тәртіптің мәселелері, ХҚ қазіргі жүйесінің негізгі параметрлері, әлемдік саясаттағы ағымдағы үрдістер, ХҚ қазіргі жүйесіндегі қауіпсіздіқ пен қарусыздану мәселесі; Халықаралық лаңкестік қауіпсіздікке қауіп төндіретін негізгі тренд ретінде; әртүрлі аймақтарда тұрақтылық пен қауіпсіздікке төндіретін қауіп-қатерлер; адам құқықтарын қорғау мәселесі; қазіргі заманғы ХҚ көші-қон үдерістері; қазіргі ХҚ энергетикалық қауіпсіздік мәселесі; экологиялық қауіпсіздік

Пәннің мақсаты - халықаралық бейіндегі әлеуметтік ғылымдар саласында өзіндік ғылыми шығармашылық жұмысты жүзеге асыру қабілетін қалыптастыру, Халықаралық қатынастар мен Аймақтану, Әлемдік экономика және Халықаралық құқық саласында зерттеулер жүргізу кезінде ғылыми таным әдістерін қолдану. Курс теориялық және қолданбалы әдебиеттермен жұмыс жасау, ағымдағы оқиғаларды талдау, ғылыми ақпараттарды іздеу және өңдеу, ғылыми нәтижелер жасау дағдыларын қалыптастырады.

Пәннің мақсаты: әлемнің түрлі аймақтарындағы интеграциялық үдерістер эволюциясының негізгі теориялық-әдіснамалық және тәжірибелік тәсілдерін жүйелеу қабілетін қалыптастыру. Курсты оқу барысында докторанттар төмендегідей білімдерді меңгереді: - әлемнің түрлі аймақтарындағы интеграциялық үдерістер дамуының негізгі теориялық және әдіснамалық әдіс-тәсілдерін жүйелеу; - интеграция феноменін зерттеудегі теориялық және әдіснамалық тәсілдерді анықтау; - әлемнің түрлі өңірлеріндегі саяси интеграциялық үрдістердің сипаты мен динамикасың зерттеу; - интеграциялық және дезинтеграциялық үрдістердің өзара қарым-қатынасын зерттеудегі негізгі тұжырымдамалық көзқарастарға талдау жасау. Пәнді оқу нәтижесінде докторанттар төмендегі мәселелерді қарастырады: интеграциялық үрдістерді зерттеуге қатысты теориялық көзқарастар; федерализм және неофедерализм; функционализм және неофункционализм; реализм және неореализм; экономикалық интеграция теориялары туралы; интеграциялық құрылымдардың әлемдік тәжірибесі; мемлекетаралық тәсіл теориясы және коммуникациялар теориясы; көп деңгейлі басқару мен жаңа институционализм теориясы; саясат желілер тұжырымдамасы жәнеүкіметаралық көзқарас теориясы; экономикалық интеграция теориялары; Еуразияшылдық теориясы; Еуропалық Одақ қазіргі заманғы интеграцияның моделі ретінде; интеграциялық құрылымдардың әлемдік тәжірибесі; Еуразия кеңістігіндегі интеграциялық үдерістер; Орталық Азиядағы интеграция: тәжірибе және даму болашағы

Пәннің мақсаты: Халықаралық қатынастардың заманауи жүйесін оқытудағы ақпараттық-аналитикалық технологиялар қолдану қабілеттілігін қалыптастыру. Курсты оқу барысында докторанттар төмендегідей білімдерді меңгереді: - халықаралық қатынастардың қазіргі заманғы жүйесі туралы біртұтас түсінікке ие болу; халықаралық қатынастарды зерттеуде ақпараттық-сараптамалық технологиялар дағдыларын қолдану қабілетін қалыптастыру; - ақпараттандыру жағдайында сыртқы саяси қатынастарды трансформациялау мүмкіндіктерін ескере отырып, зерттелетін объекті туралы ақпараттар мен аналитикалық деректер жинақтау құрылымын түсіну; - халықаралық қатынастарды зерттеуде ақпараттық-аналитикалық технологиялар дағдыларын қолдану; - халықаралық қатынастарды зерттеу үдерісіне жаңа ақпараттық технологиялардың әсерін талдау; - ақпараттық-аналитикалық технологиялар негізінде халықаралық үдерістердің одан әрі дамуын модельдеуді және болжауды білу Пәнді оқу нәтижесінде докторантар төмендегі мәселелерді қарастырады: ақпараттық технологиялардың пайда болу және даму тарихы; ақпараттық қоғам, ақпараттық кеңістік, ақпараттық-коммуникативтік технологиялар, ақпараттық қауіпсіздік, ақпараттық соғыс, ақпараттық баспасөз; зерттелетін объект туралы ақпараттық деректерді жинақтаудың құрылымы; ақпараттандыру жағдайында сыртқы саяси қатынастарды қайта құру мүмкіндіктері; жаһандық ақпараттық қоғамды дамытудың мақсаттары мен перспективаларын айқындайтын жаһандық ақпараттық қоғамның Окинава Хартиясы; АКТ-ны пайдаланудың әлеуетті мүмкіндігімен байланысты халықаралық тұрақтылық пен қауіпсіздікке қауіп-қатер.

Пәннің мақсаты: Орталық Азиядағы негізгі акторлардың геосаяси мүдделерін талдай білу қабілетін қалыптастыру. Курсты оқу барысында докторанттар төмендегідей білімдерді меңгереді: - Орталық Азиядағы геосаяси акторлар күштерінің тепе-теңдігін талдай білу; - халықаралық қатынастардың келешектегі дамуының сценарийлерін құрудың және болжау дағдыларының негізгі элементтерін игеруді қалыптастыру; - Орталық Азиядағы жетекші державалардың геосаяси мүдделер динамикасын болжайтын тәуелсіз баламалы іздеу дағдыларын игеру; - ОА геосаяси ортасының даму үрдісін анықтау мақсатында өңір елдерінде болып жатқан процестерді талдай білу; - ОА-дағы геосаяси процестерді моделдеу және стратегиялық талдау дағдыларын меңгеру. Пәнді оқу нәтижесінде докторанттар төмендегі мәселелерді қарастырады: Орталық Азиядағы геосаяси процестердің мәнін, мазмұнын, ерекшеліктерін ашатын геосаясат және ұлттық қауіпсіздік теориясының негізгі идеялары, ережелері мен санаттары; оқиғалар дамуының ықтимал үрдістерін анықтау үшін сценарийлік болжау әдісінің ерекшеліктері; болжау түрлері; геосаяси процестерді болжау тізбегін құрудың сценарийлік әдісі; ОА жетекші державалардың саясатының құралдары мен әдістері, олардың геосаяси мүдделері, олардың өңірдегі күштер балансына әсері; ОА елдерінің Ресеймен, ҚХР, АҚШ, ЕО қарым-қатынасының сипаттамасы; ОА сыртқы саяси ортасын қалыптастыратын халықаралық және өңірлік ұйымдардың рөлі; Орталық Азияның геосаяси жағдайындағы негізгі үрдістер мен проблемалар.

Пәннің мақсаты: ұлы державалардың мүдделері мен стратегияларын талдау негізінде олардың ОА-дағы сыртқы саясатының негізгі бағыттарын талдау қабілетін қалыптастыру. Курсты оқу барысында докторанттар төмендегідей білімдерді меңгереді: - Орталық Азиядағы геосаяси жағдайдың жалпы даму үрдістерін талдай білу; - ОА ұлы державалардың мүдделерін және олардың геосаяси позицияларың жүйелеу; - Орталық Азия аймағындағы ірі державалардың мүдделерін сараптау барысында халықаралық қатынастар теориясының ықпалды мектептері мен бағыттарының көзқарастары жөнінде жан-жақты түсінік алу - олардың сыртқы саяси тұжырымдамалары мен іске асыру әдістерінің ерекшеліктерін сыни бағалау; - Орталық Азиядағы геосаяси процестерді зерттеуде әдіснамалық талдаудың құралдарын қолдана алу. Пәнді оқу нәтижесінде докторанттар төмендегі мәселелерді қарастырады: Орталық Азиядағы ұлы державалардың сыртқы саясатының тұжырымдамалары мен теориялары; Орталық Азияда ұлы державалардың саясатының даму кезеңдері; Орталық Азияда ұлы державалардың саяси тәсілі мен құралдары; Орталық Азиядағы аймақтан тыс державалардың ұзақмерзімді мүдделері және олардың Орталық Азия мемлекеттерінің тұрақты дамуына ықпалы; Ресейдің ОА стратегиялық мүдделері; Ресейдің ОА құралдары мен тәсілдері; Қытайдың жаңа сыртқы саяси бағытындағы ОА; 2001 ж. кейінгі АҚШ-тың ОА саясаты; АҚШ ОА елдерімен екі-жақты қарым-қатынастары; Американың «Үлкен Oрталық Азия» жоспары; ЕО сыртқы саясатындағы ОА түсінігі; ОА қатысты ЕО сыртқы саясатының болашағы; Үндістанның ОА саяси мүдделері.

Пәннің мақсаты: халықаралық ұйымдардың қызметін әлемдік саясат тұрғысынан олардың ұйымдастырушылық қызмет әдістерін талдау қабілетін қалыптастыру. Курсты оқу барысында докторанттар төмендегідей білімдерді меңгереді: - халықаралық ұйымдардың қызметін зерттеу әдіснамасын талдау және әлемдік саясат тұрғысынан олардың ұйымдастырушылық қызмет әдістерін талдау; - халықаралық ұйымдарыдың талдау негіздері жөніндегі білімді жүйелеу; - халықаралық ұйымдарды трансформациялау мәселесіне комплексті, жүйелі қөзқарасың калыптастыру; - әлемдік басқарумен байланысты проблемаларды сыни тұрғыдан сараптау; - тұжырымдарды жобалау әдістерін және зерттеу стратегиясын қолдану. Пәнді оқу нәтижесінде докторанттар төмендегі мәселелерді қарастырады: жаңа деңгейдегі халықаралық ұйымдардың қарым-қатынасы мен ынтымақтастығының түрлері; халықаралық ұйымдар халықаралық қатынастарды реттеуші механизім ретінде; халықаралық экономикалық ұйымдардың қызымет етуінде ұйымдастырушылық-басқару механизімінің дамуы; халықаралық экономикалық ұйымдардың халықаралық экономикалық қатынастардың дамуына әсері; халықаралық экономикалық ұйымдардың қызымет етуінде ұйымдастырушылық-басқару механизімінің дамуы; халықаралық ұйымдар және терроризімге қарсы тұру; халықаралық ұйымдардың дәрменсіздігі, халықаралық ұйымдарды реформалау жөнінде ағымдағы пікірталастар және жаһандық басқаруға қатысты практикалық тәсілдерді нығайту мүмкіндіктері.

Халықаралық қатынастар саласында сараптамалық және ғылыми-зерттеу қызметінің нәтижелерін диссертация, ғылыми есеп, мақала, сонымен қатар рейтингтік журналдардағы басылым түрінде айғақты және дәлелді көрсету, халықаралық қатынастар жайындағы қазақстандық ғылымның дамуына ерекше зерттеулермен үлес қосу.

Заманауи ақпараттық-аналитикалық технологияларды қолдана отырып, ХҚ-дың өзекті мәселелерін жүйелік талдауы негізінде қазіргі халықаралық-саяси парадигмалардың негізгі идеясын жеткізу; салыстырмалы, сценариялық-талдау және т.б. әдістер негізінде қазіргі әлемдік саясаттың халықаралық ахуалы мен үрдістерінің дамуын болжамдау.

Қазіргі әлемдік құрылымның қалыптасуының жаңа тенденцияларын талдау, сын көзбен бағалау, жаһандық қауіпсіздіктің және қарулы қақтығыстардың жаңа факторларын талдау барысында аймақтық және жаһандық қауіпсіздіктің қазіргі теориялары мен тұжырымдамаларының әдіснамасын қолдану; халықаралық қауіпсіздіктің жаңа қауіп қатерлерінің алдын алу бойынша жеке ұсыныстарды тұжырымдау.

Орталық Азиядағы қазіргі қатерлер, мүмкіндіктер және сын-тегеуріндерді зерттеудегі танымал ғылыми мектеп өкілдерінің зерттеу тәсілдеріндегі ерекшеліктерін айқындау; жетекші акторлардың мүдделерінің серпінісін сын көзбен талдау; Орталық Азиядағы геосаяси жағдайлардың дамуының сценариялық-болжамдық талдауын жүргізу және кәсіби қызмет шеңберінде ұсыныстар беру

Халықаралық қатынастар жайлы заманауи білімін жинақтау, жаһандану үдерісімен өзара байланыстағы жаһандық дамудың кешенді үрдістерінің салыстырмалы және пәнаралық талдауын жүзеге асыру және оларды ЖОО-да халықаралық қатынастар бойынша пәндерді оқыту барысында қолдану.

Ғылыми зерттеу бағдарламасын өздігінен дамыту, халықаралық қатынастардың, ғаламдық және аймақтық, ұлттық дамудың өзекті мәселелері бойынша ғылым-білім және сарапшы-талдаушы кәсіби қызметте қолданбалы маңыздылығы бар мәселелерді шешуге бағытталған ерекше зерттеу міндеттерін құру.

Халықаралық қатынастар саласындағы қазіргі ғылыми зерттеулердің нәтижелерін сыни тұрғыдан бағалау; экономикалық, әлеуметтік, мәдени, халықаралық-саяси жаңа үдерістер мен құбылыстарды ұлттық, аймақтық, ғаламдық деңгейлерде жүйелі түсінікті көрсету және олардың негізінде халықаралық үдерістерді қолданбалы саяси талдаудың әдістерін білуге негізделген халықаралық қатынастар мәселелерін зерттеудің жаңа тәсілдерін құру.

Халықаралық қатынастардың реттеу тетігі ретінде халықаралық ұйымдардың рөлін талдау барысында жалпы теориялық тәсілдерді түсіндіру, халықаралық ұйымдардың өзрегуі мен дамуы мәселелерін өздігінен талдау қабілетіне ие болу және оларды тиісті мекемелерге ұсыныстарды беру үшін қолдану.

Интеграциялық үдерістер туралы ғылыми теориялар мен тұжырымдамаларды сыни тұрғыдан бағалау, мемлекеттік және мемлекеттік емес құрылымдардағы кәсіби қызмет аясында қолданбалы ұсыныстарды әзірлеу үшін интеграциялық бірлестіктердің қызметінің тәжірибесін зерделеу барысында қолданылатын ұғымдар мен тәсілдер туралы білімді қалыптастыру.