6B04121 Халықаралық есеп в Нархоз Университеті

Курс барысында студенттер әртүрлі салалардағы бизнес бірліктерді және жалпы компанияны басқару бойынша экономикалық көзқарастарын қалыптастырады. Студенттер өз бетінше және топпен сұраныс, өндіріс шығындары, пайда, бәсеке, нарықтың құрылымы мен өнімділігін талдауға сүйене отырып, тиімді іскерлік шешімдерді қабылдау дағдысын меңгереді. Қазақстандық бизнес кейстерді пайдалана отырып, экономиканы басқару мәселелерін шешу бойынша жеке пікірлерін аргументтеп, талқылайды

Курс ел экономикасының қызметі туралы түсініктерді қалыптастыруға және ойлау мәдениетін арттыруға бағытталған. Cтуденттер макроэкономикалық көрсеткіштерді қолдануды меңгереді, cондай-ақ экономикалық ақпарат көздері негізінде шаруашылық жүргізуші субъектілердің мінез-құлқын талдауды үйренеді,аналитикалық және зерттеу жұмыстарының нәтижелерін таныстыруды дайындау және қорғау, экономикалық мәселелерге қатысты өз пікірін сыни тұрғыдан қалыптастыру және қорғау дағдыларын меңгереді

Курста қаржылық есептің қағидаттары, концепциялары, ережелері, жекелеген бизнес-субъектілердің экономикалық мәмілелерін тіркеу және қаржылық есептілікті түсіндіру зерделенеді. Ситуациялық есептерді жеке және топтарда шеше отырып, студенттер негізгі бухгалтерлік теңдікті құрастырады, сонымен бірге бухгалтерлік есептің бастапқы құжаттамасында және регистрлерінде бизнес-мәмілелерді көрсетуді; субъектілердің қаржылық жағдайы мен қызмет нәтижелері туралы есеп берулерді қалыптастыруды үйренеді. Берілген курс АССА-мен үйлесімделген.

Курс Қазіргі заманғы бәсекеге қабілетті маманның тиімді халықаралық коммуникациясының В2 және одан жоғары деңгейде тілдік дағдыларын дамытуға бағытталған. Курстың мақсаты - қазіргі әлемдік нарықта болашақ кәсіби іс-әрекетте қолданылатын тұрақты дағдыларды қалыптастыру, сонымен қатар іскери тіл деңгейінде қарым-қатынас жасау үшін қажетті тілдік құзіреттіліктерді және іскери әріптестердің, серіктестердің үміттеріне сәйкес және қоғамдастық мүшелеріне қатысты дұрыс қарым-қатынас жасай білу. Курс әр түрлі стандартты емес бизнес-ситуацияларда сыни ойлау, талдау және қарым-қатынас дағдыларын дамытуға ықпал етеді. Курстың мазмұны іскерлік жазбаша хат жазысу бойынша практикалық тапсырмаларды, бизнес саласындағы кәсіби және әдеттегі жағдайларды қамтиды.

Курс қаржы саласындағы негізгі аналитикалық құзыреттіліктерді және сыни ойлауды, макро және микро деңгейлі қаржы ағындарын басқару дағдыларын дамытуға, негізделген қаржылық және инвестициялық шешімдерді қабылдай білуге, қаржылық есептілікті талдау негізінде шаруашылық қызметтің нәтижелерін болжауға, қаржыландырудың оңтайлы көздерін анықтауға бағытталған. Студенттер талдаудың негізгі әдістерін зерделеу кезінде қаржы нарығындағы инвестордың мінез-құлқы туралы өз ойлауын қалыптастырады, күрделі активтердің, инвестициялардың, ақша ағындарының және оларға ілеспе тәуекелдердің тиімділігіне баға береді, Bloomberg, Eikon нақты деректері негізінде қаржылық қатынастар бойынша жағдайлар мен кейстерді шешеді және түсіндіреді. Курсты игеру негізгі тақырыптар бойынша өтеді: ақшаның уақытша құны, акциялар мен облигацияларды бағалау, капиталдың құрылымы мен құны, инвестицияларды жоспарлау, тәуекел және банкроттық. Компанияның қаржы директорларынан қонақ дәрістер қарастырылған

Бұл курс екінші шетел тілін үйренуге арналған және оған француз, неміс, қытай және корей тілдері кіреді. Курстың мақсаты - студенттерге екінші деңгейлі шетел тілін практикалық меңгеруге үйрету. Шетел тілдерінің деңгейінің жалпы еуропалық жүйесіне сәйкес, Delf, Гёте-Сертификат, Корей тілін білу деңгейін тексеру (TOPIC), 汉语 水平 考试. Курс күрделілік деңгейіне сәйкес жанама жазбаша (оқу, жазу) және тікелей ауызша (сөйлеу, тыңдау) дағдыларын дамытуға, мәдениетаралық қарым-қатынасқа дайындықты дамытуға бағытталған. Курстың міндеттері: іргелі лингвистикалық, коммуникативті және әлеуметтік-мәдени құзіреттерді игеру және шоғырландыру.

Пән студенттерді маркетингтің негіздері және оның негізгі функцияларымен таныстырады, ол түрлі салалар мен сектордағы ұйым стратегиясын қалыптастыруда маркетингтік тәсілдер мен құралдарды біріктіруге мүмкіндік береді. Негізгі тақырыптар маркетинг үдерісін басқару, маркетингтік орта, маркетингтік зерттеулер, тұтынушылар мінез-құлқы, сегменттеу, жайғастыру, брендтеу және өнім, маркетингтік микс, баға стратегиялары, жылжыту стратегиялары, бәсекелік артықшылықты дамыту, қоғамдағы маркетингтің ролі, қызмет көрсету маркетингі. Студенттер жеке дара және топпен жетістікке жеткен корпорациялардың кейс-стадиларына талдау жүргізеді. Пән топта таңдап алынған ұйымның маркетингтік стратегиясын жасап ашық түрде қорғаумен аяқталады.

Курс аралық есепті жүргізудің заманауи тақырыптарын қамтиды: ақшаның уақытша құны, табысты тану, дебиторлық берешек пен қорлар, ұзақ мерзімді активтер, міндеттемелер мен капитал есебі. Курс бизнес саласында талдамалық қабілеттер мен критикалық ой-пікірді дамытуға бағытталған. Қаржылық есептің жалпы қабылданған қағидалары мен тәртіптерін қолдана отырып, студенттер ішкі және сыртқы пайдаланушылар үшін қаржылық ақпаратты дұрыс дайындап және ұсына алады. Курсты бітіре отырып студенттер транзакцияларды талдауды, бухгалтерлік циклде қаржылық есептілік элементтерін жіктеу және жинақтауды түсінуді көрсетеді. Курс АССА және CIMA бағдарламаларымен үйлесімделген.

Курс тиімді басқару шешімдерін қабылдау мақсатында нақты экономикалық деректерді талдау үшін қолданылатын сандық әдістерді игеруді қарастырады. Курс MS Excel компьютерлік бағдарламаларының мүмкіндіктерін, R ашық платформасын, Bloomberg, Thomsonreuters деректер массивтерін және т.б. тақырыптарды қолдануды қарастырады: сандық талдау әдістерінің жіктелуі. Ықтималдықты бағалаудың сандық әдістері және бизнестегі талдаудың баланстық әдістері. Тиімді моделі. Имитациялық модельдеу. Регрессиялық талдау. Жалпылама көрсеткіштерді генерациялаудың сандық әдістері және бағалаудың рейтингтік жүйесі. Иерархиялық құрылымдардағы сандық талдау әдістері.Студенттер кейс-әдіс және имитациялық модельдер негізінде шағын топтарда жұмыс істей отырып, қазіргі заманғы қолданбалы бағдарламаларды қолдана отырып, нақты жағдайлар үшін басқару шешімдерін жасайды. Курсты игеру жобаны орындаумен және ашық қорғаумен аяқталады. Қонақ дәрістерге «Қазақстан Халық Банкі» АҚ жетекші сарапшылары қатысады.

Курс IELTS халықаралық тесттің академиялық түрін тапсыруға қажетті білім мен практикалық дағдыларды қалыптастыруға бағытталған. Курс тестке жан-жақты кіріспе ұсынады және барлық төрт негізгі дағдыларды: сөйлеу, тыңдау, оқу және В2 және одан жоғары деңгейлерді қамтиды. Осы курстың әр бөлімінде негізгі дағдыларды, стратегияларды және тестілеу әдістерін талқылайтын мультимедиялық презентациялар бар. Әр бөлімде студенттерге тестілеу форматы туралы ақпарат беріледі, сонымен қатар тестілеуден өтуге пайдалы болатын әдістер мен стратегиялар бойынша кеңестер мен нұсқаулықтар беріледі.

Пән студенттерді ұйым қыметкерлері ретінде де және менеджерлері ретінде де қызметкерлермен тиімді және мақсатты қарым-қатынасты басқару саласындағы негізгі теориялық әзірлемелермен таныстырады. Негізгі тақырыптар мыналарды қамтиды: кадрлық басқару мақсаттары және оның стратегиясы, қазіргі заманғы ұйымдағы кадрлар бөлімінің негізгі функциялары, ұйымдастырушылық мәдениеттің, топтар мен командаларды басқару, қақтығыстар мен коммуникацияларды басқару, ұйымның өнімділігіндегі кадрларды басқару рөлін, қызметкерлер арқылы өзгерістерді басқару, персоналдың алуан түрлілігін басқару мәселелерін зерттейді. Оқыту нәтижелерін бағалау жеке зерттеу жүргізу және емтихан алу, сондай-ақ практикалық сабақтар кезінде қысқаша кейс стадиді қарау арқылы жүргізіледі.

Академиялық мақсаттағы ағылшын тілі B2 деңгейлі материалдың екінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, жетілдірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Өткізілген материалдар мен студенттердің жеке тәжірибелеріне сүйене отырып, жазбаша тапсырмалар беру және ауызша пікірталастарға қатысу арқылы В2 және одан жоғары деңгейлерде заманауи әлеуметтік, мәдени проблемалар мен тұрақты дамудың әртүрлі тақырыптары бойынша ағылшын тілінде еркін пікір білдіру дағдыларын жетілдіру курсы әр түрлі нысандағы түпнұсқалық мәтіндердің (публицистикалық және көркем) және подкасттардың мазмұны алынады. Студенттерден мәнді тақырыптық зерттеулер өткізу күтіледі; оқылатын материалдың мазмұнын сыни тұрғыдан талдау және түсіндіру, делдал ретінде әрекет ете отырып, студенттер мен оқытушыдан толық пікірлер алу; әр түрлі жазбаша жұмыстарды орындау.

Пән іскерлік әкімшілік тұжырымдамаларын, менеджменттің негізгі функцияларын (жоспарлау, ұйымдастыру, басқарудағы көшбасшылық және ресурстарды бақылау), заманауи ұйымдастырушылық құрылымдарды, бизнес ортаның ықпалын, шешім қабылдаудағы менеджерлердің ролін және ғаламдық экономика жағдайында ұйымды басқару, корпоративтік әлеуметтік жауапкершілік пен корпоративтік мәдениеттің ұйым стратегиясына әсерін қамтиды. Студенттер жеке дара және топпен жетістікке жеткен корпорациялардың кейс-стадиларына талдау жүргізеді. Пән топтық бизнес жобаны ашық түрде қорғаумен аяқталады.

Курс аккредиттелген АССА бағдарламасына сәйкес бизнесті құқытық реттеу тақырыптарын қамтиды: заңды тұлғалардың қатынастары ерекшеліктері, келісім-шарттар, міндеттемелік құқық, еңбек қатынастары және интеллектуалдық меншік сұрақтары. Студенттер кәсіпкерлік қызметті жүзеге асыру шегінде заңдылықтардың әрекеттегі нормаларын есепке ала, нормативтік-құқықтық базаны қолдана отырып, келісім-шарттардың жобасын құрастырады. Курс ірі компаниялардың жетекші заңгерлері болып табылатын тәжірибеші қонақтық лекторлардың қатысуын болжайды.

Академиялық мақсаттағы ағылшын тілі курсы В1 деңгейінің екінші бөлігін – тіл бойынша академиялық дайындықтың базалық жеткіліктілігін оқып - үйренуге арналған. Курс студенттерді академиялық ортада ағылшын тілінде оқуға дайындайды. Курс академиялық мәтіндерді оқу, академиялық жазу, дәрістерді тыңдау арқылы тілдік дағдыларды дамытады, сонымен қатар жалпы білім, сыни ойлау, бастапқы көздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуге үйретеді.

Курс көпшілік алдында тиімді сөйлеу дағдыларын игеруге көмектеседі, сонымен қатар сөйлеу мәдениетін қалыптастырады. Студенттер көшбасшылық қабілеттерін, аналитикалық ойлау мен топтық жұмысты көрсете отырып, әр түрлі аудиториямен қарым-қатынас стилін дамытады. Курс сұхбаттасушыны сендірудің тілдік дағдыларын қолдануға және кәсіби салада B2 және одан жоғары деңгейде тиімді келіссөздер жүргізуге бағытталған. Курстың негізгі мақсаты студенттердің көпшілік алдында сөйлеу қорқынышын жеңуге, сонымен қатар көпшілік алдында сөйлеудің негізгі әдістерін игеруге жағдай жасау. Курс идеялардың бірегейлігі мен нақтылығына байланысты олардың шынайы қызығушылығын тудыратын жанды тілдік модельді ұсынады. Ауызша сөйлеу дағдыларын дамытуға ерекше көңіл бөлінеді.

Курста салық салудың концепциялары, құрылымы және саясаты ұсынылады. Қарастырылатын тақырыптар арасында: салықтар түрлері және оларды қолданудың заңдыдикциясы, салықтық саясат және салықтың қатаң стандарттары, шығындарға енетін салықтар, корпоративтік және жеке табыс салықтары, іскерлік операциялардан салық салынатын табыс, меншікті сатып алу, шығындарды жабуға өкім және шегерімдер бар. Курстың материалдарын меңгеру салық салу бойынша ситуациялық есептерді шешу арқылы жүргізіледі және жазбаша емтиханмен аяқталады. Қонақтық лекторлар – Әуезов ауданы және Алматы қ. басқа аудандары бойынша мемлекеттік кірістер Басқармасының мамандары.

Пән келесілерді оқуды қамтиды: кәсіпкерліктің мәні мен мағынасын, бизнес идеяларды іздеу құралдары, шағын бизнес нысандары, шағын бизнесті жоспарлау мен басқару, қаржыландыру көздерін іздестіру, сыртқы және ішкі орта мүмкіндіктеріне сәйкес стратегияны дамыту, базалық қаржылық жоспарлау, сонымен қатар әлеуетті инвестор үшін бизнес жоспар жасау. Студенттер өз бизнес идеяларын сыни бағалай алады және де топта бизнес жоспар жасау арқылы нақты қызмет жасайтын жобадағы стратегияны ілгері дамыта алады

Академиялық мақсаттағы ағылшын тілі B2 деңгейлі материалдың бірінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, кіріктірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Курста маркетингтік зерттеулер жүргізу, іріктемені жоспарлау, кабинеттік және далалық зерттеу әдістері (сандық: пікір сұрау, нысандандырылған бақылау, эксперимент; сапалық: тереңдетілген сұхбат, фокус-топ, проекциялық әдістер; панелдік зерттеулер) оқытылады. Бұл курста әр түрлі маркетингтік зерттеулерді жоспарлау, ұйымдастыру және жүргізу саласындағы негізгі құзіреттіліктерді қалыптастыру үшін теорияны, шетелдік және отандық кейстерді, мысалы, GFK Kazakhstan, ЦБИСМИ ЖШС, «BISAM Central Asia», DAMU Research Group және т.б. зерттеу кіреді, сонымен қатар кабинеттік, пилоттық және далалық зерттеулерді қамтитын командалық жобаны іске асыру арқылы маркетингтік зерттеулердің нәтижелері туралы есеп құрастыру дағдыларын дамыту көзделген.

Бұл курс екінші шетел тілін үйренуге арналған және оған француз, неміс, қытай және корей тілдері кіреді. Курстың мақсаты - студенттерге «Жалпы еуропалық тілдер жүйесі», Дельф, Гете-Сертификат, корей тілін білу деңгейін тексеру (TOPIC), 汉语 水平 考试 »бойынша екінші шетел тілін практикалық білуге үйрету және одан әрі оқуға негіз қалау. Курстың міндеттері - қарапайым лингвистикалық, коммуникативті және әлеуметтік-мәдени құзіреттіліктерді игеру және шоғырландыру. Курстың мазмұны студенттердің қабілетін және мәдениаралық қарым-қатынасқа дайындығын дамытуға бағытталған.

Академиялық мақсаттарға арналған ағылшын тілі курсы B1 деңгейінің бірінші жартысын - академиялық тілді оқытудың негізгі жетістігін оқып-үйренуге арналған. Курстың міндеттері: студенттерді академиялық ортада ағылшын тілінде оқуға дайындау. Курс тілдік дағдыларды - академиялық мәтіндерді оқу, академиялық жазу, дәрістерді тыңдау арқылы, сонымен қатар, жалпы білім, сыни ойлау, түпнұсқалық дереккөздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуді дамытады.

Пән келесілерді қамтиды: қойылған міндеттерге сәйкес экономикалық және басқарушылық деректерді өңдеу үшін құралдарды таңдауды жүзеге асырудағы теориялық және тәжірибелік дағдылар; этикалық нормаларды ескеру мен басқарушылық ойлауды дамытуға әсерін тигізетін көшбасшылық дағдыларды қалыптастыру арқылы ортаның белісіздігі жағдайында шешім табу мен қабылдауға мүмкіндік беру. Оқу нәтижелерін бағалау симуляциялық ойындар, рольдік тәжірибелер, кейс стадилерді талдау мен топтық пікірталастар нысандарында жүреді

Курс ұйымдардың мақсаттарына жетуі үшін басқарудың көптеген альтернативті тәсілдерімен таныстырады. Курс кезінде өнімділікті басқару зерделенеді, ол студенттерге тиімділікті басқару жүйесін қалай талдауды, шешім қабылдауды және дамытуды түсінуге мүмкіндік жасайды. Әр көзқарас тарапынан қаржы бойынша мамандар мен кәсіпорындар жетекшілерімен тез арада жүзеге асыруды қамтамасыз ету үшін бірқатар нақты «идеялардын әрекетке» өңделеді. Аккредиттелген АССА бағдарламасы стратегиялық жоспарлау мен бақылау үшін көрсеткіштер жүйесін құруға, кәсіпорындарды басқару тиімділігі әдістерін жасауға мүмкіндік береді. Студенттер ситуацилық есептердің кең сериясы үшін шешімдер ұсынады.

Пән ұйымдағы жеке тұлғалар мен топтардың мінез-құлығын талдауды, этикалық және моральдық нормаларға сәйкес жұмысшылардың еңбек тәртібін түзету мақсатында көшбасшылық дағдыларға машықтану негіздерін, жүйелік, үдерістік және жағдайлық тәсілдер негізінде ұйым мәдениетін анықтауды, ұйымның тәртіптілік, социомәдени және институционалды табиғатын білуді қамтиды. Студенттер мұндай аспектілерді топтық талқылау, өзін-өзі бағалау бойынша тесттер, кейс-стади және жағдайлық тапсырмалар арқылы меңгереді.

Курс болашақты модельдеу және балама сценарийлерді қалыптастыру үшін заманауи болжау теориялары мен құралдарын қамтиды. Курс барысында студенттер іскерлік және корпоративтік әлеуметтік жауапкершілікке бағыттала отырып, аймақтық және жаһандық деңгейде туындайтын мәселелер мен тенденцияларды қарастыруда сыни және шығармашылық ойлау тәсілдерін меңгереді. Өңірлік контекст мысалында арнайы құрастырылған тапсырмалар сериясы ойындар, модельдеу және болжау бойынша жаттығулар көмегімен "болашақты ойлауды" дамытуға ықпал етеді. Кейстерді шеше отырып және болжамдарды талқылай отырып, студенттер тенденцияларды талдау, соның ішінде "болашақ дөңгелегі" аясында қалыптасқан құзыреттіліктерді көрсетеді. Студенттер болашақ бизнес көшбасшысы ретінде ұйымдық өзгерістер мен оқыту процесін ұсына алады. Қорытынды жоба ретінде студенттер халықаралық компаниялардың қолданыстағы стратегияларын қарастырып, таңдалған болашақ сценарийге сәйкес өзгерістер ұсынады

Пән мінез-құлық теориясы мен тұтынушының мінез-құлқын сатып алу жолының әртүрлі сатыларындағы реакциялар ретінде зерттейді (сатып алудан бұрын, сатып алу уақыты, сатып алудан кейінгі мінез-құлық) Пәннің тақырыптары тұтынушының мінез-құлқының психологиялық аспектілерін, мысалы, есте сақтау, түйсік, әдеттер, қалаулар, қабылдау, ынталандыру, тұлға, құндылықтар, этика, мәдениет, салалық практика және тұтынушы мінез-құлқының жасырын мотивтерін қамтиды. Студенттер тұтынушылардың таңдауы мен шешім қабылдауға әсер ететін тұтынушылық мінез-құлықтың қазіргі мәселелері туралы өз пікірлерін айтады. Пән топтық жобаны қорғаумен аяқталады.

Курс студенттің қабілетін жақсарту үшін нақты қаржылық есептіліктен ақпараттарды алу мен интерпретациялауға, студентке қаржылық есептілік ақпараттары меншікті капиталды бағалау мен қаржылық талдауға біріктіруге қалай өтетінін көрсету үшін құрылымдалған. Курс қаржылық есептілікке талдау жүргізу әдістемесі мен құралдарын қамтиды. Студенттер қаржылық коэффициенттерді талдау мен ситуациялық есептер негізінде болжамдау дағдыларын алады, оның ішінде кәсіптік пікір білдіре, өзекті ақпараттарды талдай отырып, түрлі талдамалық әдістерді қолданып, шешімдер қабылдап, олардың салдарын бағалай алады.

Курс АССА бағдарламасы Базалық деңгейімен сәйкес келеді. Оған келесі тақырыптар кіреді: қаржылық менеджмент функциялары мен ортасы, айналым капиталын басқару, бизнесті инвестициялық бағалау, бизнесті қаржыландыру және тәуекелдерді басқару. Студенттер басталып жатқан бизнес-жобаларды бағалау кезінде жобалық ой-пікірді, болашақты болжау, тәуекелді бағалау, түйіндік мәселелерді талдау және қаржыларды басқаруда қолданылатын бизнес-есептерді шешу үшін әдістерді пайдалануды көрсетеді.

Курс ғылыми жарияланымдарды, дипломдық жұмыстар мен жобаларды жазу дағдыларын алу мақсатында ғылыми зерттеулерге қатысты деректерді жинау, қорыту және өңдеу тәсілдері, стратегиялары мен әдістерін зерттеуге бағытталған. Жеке тапсырмаларды орындау арқылы студенттер тиісті ғылыми зерттеу жүргізу үшін қолайлы әдіснаманы таңдауды, ғылыми гипотезаны қалыптастыруды, деректерді жинау мен аналитикалық өңдеуді жүзеге асыруды, R-талдауды, Python, Bloomberg және т. б. қолдана отырып, нақты зерттеуге қажетті модельдеу құралдарын қолдануды үйренеді. Курс барысында студенттер тілмен, жазу стилімен және зерттеу әдістемесімен байланысты аспектілерді қарастыра отырып, зерттеу нәтижелерін көрсететін мәтіндерді дайындайды. Курс зерттеу тақырыбы бойынша ғылыми мақала жазумен аяқталады.

Курс студенттерге шешімдерді қабылдауға дайын болуға бағытталған. Тақырыптар: шығындарды жіктеу, шығындарды талдау және болжамдау, үстеме шығындарды талдау, толық жұтылу және ауыспалы шығындар бойынша әдістер, стандарт-костинг, бюджеттеу негіздері, менеджмент үшін шоттар мен есеп берулерді дайындау, тәуекелдер мен ықтималдылықтар, қысқа және ұзақ мерзімді шешімдер. Студенттер топта және жеке кез-келген басқарушылық деңгей үшін басқару есептерін шығарады (менеджмент деңгейі). Курсты меңгеру жазбаша емтиханмен аяқталады. Қонақтық лекторлар – әр түрлі экономиканың секторларының басқару есебі мамандары. Бұл курс АССА бағдарламасымен және CIMA ВА2 – мен үйлесімделген.

Курс аудиттің функциясын этика мен аудитордың кәсіптік тәртібіне талаптарды қоса; аудиторлық тәуекелді бағалау әдістерін; қаржылық есептілік аудитін жоспарлау мен аудит жүргізу әдістерін және аудиторлық тестерді анықтауды қамтиды. Курстың мазмұны Халықаралық аудит стандарттарына (ХАС) сәйкес құрастырылған. Студенттер топпен және жеке ұсынылған ситуациялық есептер және нақты кейстермен жұмыс жасайды. Сарапшылар- тәжірибеші аудиторларды шықыру қарастырылған. Курс ситуациялық есептерден құралған жазбаша емтиханмен аяқталады. АССА - мен үйлесімделген.

Курс Персоналды басқару пәнінің жалғасы болып табылады және адамдарды жұмыста басқарумен байланысты негізгі мәселелерді сыни түсінуді дамытуға және олардың қазіргі жұмыс ортасы мен қоғамда тұлғааралық қарым-қатынас дағдыларын нығайтуға бағытталған. Негізгі тақырыптар мыналарды қамтиды: адами ресурстарды стратегиялық басқаруға (АРБ - адам ресурстарын басқару) кіріспе, АРБ және әлеуметтік орта, адам ресурстарын жоспарлау, рекрутмент және әлеуетті қызметкерлерді іріктеу, қызметкерлердің өнімділігін бағалау, адам ресурстарын оқыту және дамыту, қызметкерлерді ынталандыру және өтемақы төлеу, жаһандық контекстегі АРБ. Тәжірибелік сабақтар аясында студенттер АРБ тәжірибелерін енгізу бойынша кейс стадиге (жағдайға) талдау жүргізеді. Меңгеру деңгейін бағалау жеке зерттеу жүргізу, жазу және емтиханды қабылдау арқылы жүргізіледі.

Курс АССА кәсіптік ұйымы талаптарына сәйкес қаржылық есептілікті қалыптастыруға жүйелік түсіну тәсілдемелерін қамтамасыз етеді. Сабақта ҚЕХС-на сәйкес жеке және шоғырландырылған есеп берулерді дайындаудың жеке және топтық жобалары қарастырылады және қаржылық есептілікті дайындау үшін жеке компаниялар және өзара байланысты компаниялар топтары деңгейінде қаржылық ақпараттарды жинау, жинақтау, түсіндіру және талдау дағдылары дамиды. Курс ситуациялық есептерді жеке шешуді қарастырады. АССА - мен үйлесімделген.

Пән қаржы технологияларының дамуының соңғы үрдістерін ескере отырып, қаржының халықаралық өлшеміне және олардың бизнеске ықпалына шоғырланады. Негізгі тақырыптар: валюта нарықтары, тепе-теңдік шарттары, халықаралық борыш, халықаралық капитал және валюта нарықтары, халықаралық қаржы тәуекелдері, қаржы технологияларын дамыту. Студенттер халықаралық қаржы нарықтарында қаржылық технологияларды қолдану мүмкіндіктері мен ерекшеліктерін талдайды, халықаралық қаржыны басқарудың әртүрлі аспектілеріне салыстырмалы талдау жүргізеді. Пән кешенді емтиханмен аяқталады. Пән серіктес-университетте оқытылады.

Пән сервистік маркетинг пен бөлшек сауда маркетингіне қатысты теориялық тұжырымдамаларды қамтиды. Негізгі тақырыптар қызмет көрсету маркетингі, қызмет көрсету сапасын басқару, ұсыныс пен сұранысты басқару, қызмет көрсету және бөлшек сауда маркетингіндегі мінез-құлық тұжырымдамалары, қызмет көрсету саласындағы заманауи мәселелерді қарастырады. Пәнді оқу барысында студенттер таңдалған компанияның қызметтерін халықаралық деңгейде жылжыту стратегиясын жасайды. Пән 3 сағаттық кешенді емтиханмен аяқталады. Пән серіктес университетте оқытылады.

Пән халықаралық ұйымдармен бухгалтерлік есеп принциптері мен әдістерін, оның ішінде ішкі басқару есептілігін талдауға бағытталған. Негізгі тақырыптарға кіреді: басқару есебі функциялары және басқару, шығындарды анықтау және есебі, пайда мен шығындар көлемдерінің өзарақатынастарын талдау, пайдалылықты жоғарлату мен қысқа мерзімді қаржыландыруды басқару үшін қысқа мерзімге шешімдерді қабылдау, экономикалық қосылған құн, жоспарлау және бақылау, бюджеттеу және икемді бюджеттер, қоршаған орта мен тұрақтылықтың мониторингісі шеңберіндегі есеп, бухгалтерлердің этикалық тәртіптері. Пән кешенді емтиханмен аяқталады. Пән Университет- серіктесте зерделенеді.

Пән халықаралық деңгейде жобаларды басқару және PMI халықаралық стандарттарына сәйкес әдіснамасын қарастырады. Негізгі тақырыптар мыналарды қамтиды: жобалардың бизнес-стратегиясымен және ұйымның мақсаттарымен байланысы, жобалардың көлемі, жобалардың кестесі, тәуекелдерді басқару, жобаларды жүргізу және бақылау, тиімді коммуникация және жоба мүшелерінің басқа да кәсіби дағдылары. Пән кешенді 2 сағаттық емтиханмен аяқталады. Пән серіктес-университетте оқытылады.

Пән халықаралық нарықты дамыту перспективаларына және әртүрлі елдер мен мәдениеттердегі маркетингпен байланысты мәселелерге арналған. Негізгі тақырыптар әртүрлі елдер мен мәдениеттердегі маркетингтің негізгі қозғаушы күштеріне, ғаламдық маркетинг тиімділігіне әсер ететін макро- және микроэкологиялық факторлар, ақпараттық-аналитикалық зерттеулер, ірі және шағын компаниялар үшін нарыққа шығу жолдары, брендті басқару, маркетингтік коммуникациялар, баға белгілеуді талдау және халықаралық маркетингтік стратегияны қамтиды. Негізгі тақырыптар экономикасы дамушы елдерге назар аудара отырып, халықаралық тұрғыдан қаралады. Пән халықаралық нарықтың нақты сценарийлері аясында нарықтың құрылымы мен сегменттелуін, бәсекелестер мен клиенттердің мінез-құлқын талдауға бағытталған жеке есеп қорғаумен аяқталады. Пән серіктес университетте оқытылады.

Пән әртүрлі контекстегі кәсіпкерліктің трендтері, теориясы мен тәжірибелерінен тұрады. Негізгі тақырыптар: "кәсіпкер" ұғымына жеке, әлеуметтік және экономикалық көзқарастар, кәсіпкерлік процесс, кәсіпкерлік табыс пен сәтсіздік, шығармашылық пен инновациялар, кәсіпкерліктің халықаралық аспектілері, корпоративтік және әлеуметтік кәсіпкерлік, кәсіпкерлік саласындағы мемлекеттік саясат жатады. Пәнді оқу барысында студенттер старт-ап ашу бойынша бизнес жоспар жасайды. Пән 3 сағаттық кешенді емтиханмен аяқталады. Пән серіктес-университетте оқытылады.

Пән маркетинг пен жарнамада тұтынушыларға психологиялық әсер ету әдістерін зерттеуге бағытталған. Негізгі қарастырылатын тақырыптар: маркетинг контекстіндегі наным (сенімнің) негіздері, мінез-құлық модельдері және олардың шығу тегін талдау, жарнама теориясы, маркетинг психологиясының этикалық аспектілері, қарым-қатынас психологиясы, маркетинг пен жарнамада риториканы пайдалану, маркетинг пен жарнамадағы семиотика. Пән коммуникациялық стратегияны әзірлеуге бағытталған жеке есепті қорғаумен аяқталады. Пән серіктес-университетте оқытылады.

Пән студенттердің халықаралық деңгейде бәсекеге қабілеттілігінің дамуына ықпал етеді. Негізгі тақырыптар: софт-скилс, тайм менеджменттің дамуы, заманауи экономикалық жағдай және даму тенденциялары, іскерлік басымдылық, жұмыс орнындағы этикет, кәсіби мінез-құлық, әлемдік мансаптық мүмкіндіктер. Пән түйіндеме, ілеспе хат, әлеуметтік желілердегі кәсіби-ресімделген беттер, әлеуетті жұмысқа орналасу және кәсіби даму мүмкіндіктері үшін таңдалған ұйымдар бойынша ақпаратты қамтитын жеке мансаптық портфолионы ашық қорғаумен аяқталады.

Пән студенттердің стратегиялық ойлау дағдыларын дамытуға, компанияның бәсекеге қабілеттілігін және оның мүмкіндіктерін талдауға, сондай-ақ өз саласының тұрақты бәсекелестік артықшылығына қол жеткізуге ықпал етеді. Негізгі тақырыптар: 21 ғасырдағы стратегиялық басқару, қоршаған ортаны, ұйым ресурстарын талдау әдістері, стратегияны бағалау, стратегиялық мүмкіндіктер, стратегияны іске асыру. Пән таңдалған ұйымның стратегиясын және оны жақсарту бойынша ұсыныстарды талдауға бағытталған жеке есепті қорғаумен аяқталады. Пән серіктес-университетте оқытылады.

Пәннің негізгі тақырыптары: ұйымдар және халықаралық бизнес орта, жаһанданудың даму келешегі, экономикалық және мәдени орта, саяси және құқықтық орта, әлемдік нарықтағы бәсекелестік, халықаралық сауда және аймақтық интеграция, стратегия және маркетинг, халықаралық жеткізілім тізбектері, корпоративтік әлеуметтік жауапкершілік, бизнес пен қоғам үшін жаһандық сын-қатерлер. Пән аясында студенттер халықаралық бизнес динамикасына және оның ұйымдастырушылық стратегияларға ықпалына талдау жүргізеді. Пән кешенді 2 сағаттық емтиханмен аяқталады. Пән серіктес-университетте оқытылады.

Пән техникалық және әлеуметтік тұрғыда жедел өзгеретін әлемдегі ұйымды басқаруға деген заманауи теориялық және тәжірибелік көзқарастарға шоғырланады. Негізгі тақырыптар ретінде бизнесті жауапты басқару, өзгерістер мен олардың құрылымын анықтау, өзгерістер агентінің ролі, коммуникациялар, билік, этика қарастырылады. Студенттер халықаралық тәжірибелерді зерделеп, бенчмаркингтік зерттеу нәтижелерін тапсырады. Пән кешенді емтиханмен аяқталады. Пән серіктес-университетте оқылады.

Пән халықаралық жеткізу тізбегі мен операцияларын басқару контекстіндегі стратегиялық басқару және шешім қабылдау құралдарына арналған. Негізгі тақырыптар: жеткізу тізбегін басқару стратегиясы, жеткізу тізбегінің стратегиясы және жеткізу тізбегінің конфигурациясы, жеткізудің икемді тізбегі, жеткізу тізбегін «жасыл» басқару, сұранысты жоспарлау және тауарлық-материалдық қорларды басқару, аутсорсинг және оффшоринг, сапаны басқару, логистика және дистрибуция, корпоративтік әлеуметтік жауапкершілік, тұрақтылық және логистикалық тізбек. Студенттер жағдайлық есептерді шешу шеңберінде жабдықтау тізбегін жасайды. Пән 2 сағаттық кешенді емтиханмен аяқталады. Пән серіктес университетте оқытылады.

Пән өзгерістерді басқарудың заманауи теориялық және практикалық тәсілдерін қамтиды. Студенттер сыни ойлау және талдау дағдыларын, бір көзқарас тұрғысынан мәтіндерді жазу және сенімді дәлелдерді қолдануды дамытады. Негізгі тақырыптар: өзгерістерді анықтау және талдау, ұйымдық мәдениет және өзгерістер, өзгерістерді басқарудағы кәсіби стандарттар, өзгерістердегі коммуникация, өзгерістерге қарсылық көрсету, өзгерістерді басқару контекстіндегі іскерлік этика. Пән таңдалған компанияның өзгеру процесінің сыни талдауын, сондай-ақ өзгерістерді жауапты тиімді басқаруға бағытталған жақсарту жөніндегі ұсыныстарды қамтитын жеке есепті қорғаумен аяқталады. Пән серіктес-университетте оқытылады.