7M10121 Медициналық-профилактикалық іс в ҚМУ

Пән қоғамда аурулардың таралуына ықпал ететін қауіп факторларын анықтау, талдау және бағалау үшін қажетті дағдылар мен білімдерді дамытуға бағытталған. Курс популяция деңгейінде ауруларды диагностикалау үшін эпидемиологиялық зерттеулер жүргізу алгоритмдерінің, мәліметтерді өңдеудің статистикалық әдістерінің ғылыми тәсілдерін қолдануды қамтиды. Магистранттар эпидемиологиялық деректерді түсіндіруді, эпидемиялық процесстерді талдауды, инфекциялардың таралуын оқшаулау және жою бойынша ұсыныстар әзірлеуді және сырқаттанушылық деңгейін болжауды үйренеді.

Пән басқару процесінің негізгі ұғымдарымен, функцияларымен, принциптерімен және элементтерімен, менеджмент механизмімен таныстырады. Эволюция сұрақтарына және менеджменттің интеграциялық процесстеріне назар аударылады. Менеджменттің функциялары мен ұйымдастырушылық құрылымдық жүйесі, жоспарлау, SWOT талдау және болжау қарастырылады.

Курс кәсіби қарым-қатынас психологиясының негізгі категориялары (ұғымдары) туралы білім береді. Кәсіби іс-әрекеттегі коммуникативтік процесінің ерекшеліктері, психологиялық факторлардың ролі және тиімді қарым-қатынас процесінің детерминанттары зерттеледі.

Пән медициналық ұйымдарда инфекциялық қауіптерді басқарудың кешенді тәсілін қалыптастыруға, кәсіби қызметте инфекциялық бақылаудың кешенді стратегиясын еңгізу және пациенттер мен қызметкерлердің қауіпсіздігін қамтамасыз ету үшін қажетті құзыреттерді дамытуға бағытталған. Курс аясында білім алушылар инфекциялық аурулардың алдын алудың тиімді әдістерін, инфекциялық бақылау стандарттарын еңгізу мен сақтауды, сонымен қатар инфекциялардың таралуын барынша азайтудың стратегиялық тәсілдерін үйренеді.

Курс шет тілін білуді және оны іскерлік, кәсіби қарым-қатынаста ауызша және жазбаша қолдану дағдыларын жетілдіруге бағытталған

Пән Қазақстан Республикасы еңбекті қорғау және жұмысқа қабілетті тұрғындардың денсаулығын сақтау саласындағы заңды құжаттармен таныстырады. Пәннің практикалық аспектісі өндірістік факторлар мен жұмысшылардың денсаулығының өзара байланысын анықтау және талдау, еңбек гигиенасы саласында халықтың санитарлық-эпидемиологиялық салауаттылығын қамтамасыз ету бойынша бақылау-қадағалау функцияларын жүзеге асыру дағдыларын бекітуге бағытталған.

Пән қоршаған орта объектілеріндегі патогенді, шартты патогенді және санитарлық-көрсеткіштік микроорганизмдердің тіршілік қабілеттілігі туралы білімді, ең бастысы олардың суда, ауада және тамақтық азық-түліктерде болуын және таралуын шектеу үшін профилактикалық шараларды құрастыру дағдыларын қалыптастырады.

Пән Қазақстан Республикасы балалар тұрғындарын қорғау бойынша негізгі заңнамалық құжаттарын, балалар мен жасөспірімдер саласындағы санитарлық заңдылықтарды зерделеуге ерекше көңіл бөледі. Балалар мен жасөспірімдер объектілерінің жағдайын зерттеу және гигиеналық бағалау, еңбек пен демалысты ұйымдастыру, олардың денсаулығын қорғау бойынша шараларды құрастыру дағдыларын қалыптастырады.

Пән популяцияның сырқаттанушылығының таралу заңдылықтарын талдау және тұрғындардың денсаулығына әсер ететін факторларды бағалау үшін қажетті кешенді білім мен практикалық дағдыларды қалыптастыруға бағытталған. Білім алушылар әлеуметтік, экологиялық және биологиялық факторларды ескере отырып, аурулардың алдын алу жөніндегі іс-шараларды жоспарлауды және іске асыруды меңгереді. Пән тұрғындардың денсаулығын жақсарту үшін және денсаулық сақтаудың әртүрлі деңгейлерінде аурулардың алдын алу бойынша бағдарламаларды құрастыру үшін тұжырымдалған шешімдерді қабылдау қабілетін дамытуға ықпал етеді.

Аталған пән қоршаған ортаның химиялық факторлары мен тұрғындардың денсаулығы арасындағы өзара байланыстарды анықтау, алу және талдау дағдыларын қалыптастырады. Білім алушылар қоршаған ортада, оның ішінде тамақтық азық-түліктерде кездесетін химялық заттардың адам организміне зиянды әсерінің алдын алу шараларын құрастыру дағдыларын меңгереді.

Пән тұрғындардың радиациялық қауіпсізідгін қамтамасыз ету бойынша заңды және нормативтік құжаттарды, зерттеу әдістерін және қоршаған орта мен радиологиялық объектілерін гигиеналық бағалауды зерттеуге бағытталған. Пән қоршаған ортаны, қызметкерлердің және жалпы халықтың денсаулығын қорғауға бағытталған радиациялық қауіпсіздік шараларын құрастыру дағдыларын қалыптастырады.

Магистранттың эксперименттік-зерттеу жұмысы тағылымдамадан (стажировкадан) өтуді және магистрлік жобаны орындауды қамтиды.

Өндірістік тәжірибе санитарлық-эпидемиологиялық бақылау Комитеті органдарының территориялық базаларында жүзеге асырылады және тағам гигиенасы, еңбек гигиенасы, коммуналды гигиенасы, балалар мен жасөспірімдер гигиенасы мен эпидемиология бөлімдері бойынша жұмыстарды қамтиды

Пәнді меңгеру шеңберінде елді мекендердің атмосфералық ауасын және су қоймаларын санитарлық қорғау, су және сумен қамтамасыздандыру гигиенасы, топырақ гигиенасы мен елді мекендерді санитарлық тазалау, тұрғын үй және қоғамдық ғимараттар гигиенасы проблемалары зерттеледі. Пән коммуналды гигиенасы саласында тұрғындардың санитарлық-эпидемиологиялық салауаттылығын қамтамасыз ету үшін бақылау-қадағалау функцияларын орындау дағдыларын бекітуге ықпал етеді.

Пәннің негізгі бөлімдері тағам гигиенасы сұрақтарын, тағам өнімдерін санитарлық қорғау саласындағы санитарлық-эпидемиологиялық қызметі жұмысын ұйымдастыру мәселелерін, тағам өнімдеріне гигиеналық сараптама жүргізу тәртібі мен қағидаларын қамтиды. Білім алушылар тағам гигиенасы, тағам өнімдерінің сапа көрсеткіштерін гигиеналық бағалау саласында қызметін реттейтін заңды, ғылыми-техникалық құжаттарды қолдану дағдыларын бекітеді. Тағам объектілерінің санитарлық жағдайын санитарлық-бактериологиялық бақылауды ұйымдастыруына қойылатын санитарлық-гигиеналық талаптарды зерделеуге ерекше назар аударады