7M02165 Балетмейстерлік өнер в Т.Жүргенов атындағы Қазақ ұлттық өнер академиясы

Курс маркетингтің қалыптасқан жүйесін креативті индустрияның тенденциясы мен заңдылықтары контексіне сәйкес сарапқа салады. Маркетингтің барлық құрамы – ұсынылған тауар сапасы, оның бағасы, жарнама мен маркетингтік «төрттік» арт-менеджмент заңдылықтарына орай түзетіледі, талданады және жүйеленеді.

Курс басқару психологиясы, менеджмент психологиясы және ұйымдастырушылық психология аспектілерін ашып, басқару қызметінің психологиялық құрылымының мазмұны мен маманның психологиялық мәдениетін жоғарылатуына түсінік береді

Бакалавриат деңгейінде педагогикалық қызмет негіздерін оқу. Профильді пәндер бойынша жұмысқа бару және өткізу.Нақты оқу орнында немесе шығармашылық ұжымда хореографиялық композицияның қойылым процесін ұйымдастырудың практикалық дағдылары. Құжаттарды жинау және рәсімдеу дағдысы.

Пәнді оқу кезінде магистранттар келесі аспектілерді зерттейді: компьютерлік лингвистиканың негізгі теориялары мен концепциялары және жаңа форматтар, жасанды интеллект үрдістері. Пән компьютерлік лингвистиканың теориясы мен тәжірибесін, мәліметтерді лингвистикалық талдау және олардың ықпалдасуын, талдауын қалыптастыруға бағытталған.

Музыкалық-хореографиялық форма ұғымы, негізгі терминология. Музыкалық-хореографиялық композицияны құрудың жалпы заңдары, ережелер мен рәсімдеу. Музыкалық-хореографиялық формадағы жұмыстың негізгі кезеңдері. Хореографиялық шығарманың жанры мен стиліне байланысты музыкалық рәсімдеу түрлері (Сюжеттік, сюжетсіз, лирикалық, драмалық, трагедиялық), оларды жазу ережелері.

Бұл пән бакалавриатттан кейінгі білім беру деңгейінің жалғасы болып табылады және магистранттарға шет тілін кәсіби меңгертуді негізгі мақсат етеді. Пән магистранттардың кәсіби шеттілдік дереккөздермен жұмыс жасау дағдысын жетілдіру арқылы білім бағдарламасының өзге пәндерін меңгеруге ықпал етеді. Пәнді оқу нәтижесінде магистранттар халықаралық кәсіби ортаға кірігуге және шет тілін мәдениаралық қарым-қатынас құралы ретінде пайдалануға мүмкіндік алады.

Курс жоғары оқу орнының мәселелері мен педагогика негіздерімен, білім беру үдерісі мен тәрбие жұмыстарын жоспарлау, ұйымдастыру мен талдаудың замануи технологияларымен таныстырып, оқытушы мен студент арасындағы байланыстың технологияларына мән береді

Курста мәдениет динамикасындағы ғылымның даму мәселелері, принциптері мен әдістері, құрылымы мен модельдері, ғылыми-философиялық білімнің рухани мәдениетпен тығыз байланысты қарастырылады

Курстың мақсаты - "бұлтты" технологиялар архитектурасы, "бұлтты" сервистерді жобалау тәсілдері мен ерекшеліктері бойынша теориялық білім мен практикалық дағдыларды алу, сондай-ақ негізгі қолданыстағы "бұлтты" платформаларға арналған қосымшаларды әзірлеу дағдыларын алу.

Курс барысында магистранттар бизнес, ғылым, мәдениет, өнер, саясат сияқты барлық динамикалық өмір салаларында стандартты емес ойлау дағдыларын жинақтайды және жаңартады. Курс барысында магистрант креативті ойлауды әртүрлі білімнің бірігуінің синергетикалық өнімі ретінде анықтайды.

Балеттің музыкалық драматургиясы туралы түсінік. Негізгі музыкалық және балеттану терминологиясы. Хореографиялық шығарманың драмалық негізін құру кезеңдері. Экспозиция, желі, негізгі жанжал, интрига, қорытынды, финал. Музыкалық шығарманы зерттеу хореографиялық шығарманы жазудың негізі ретінде.

Балеттану ұғымы, қызмет етудің негізгі заңдылықтары. Теориялық-әдістемелік аппарат, негізгі терминология. Балеттанудың ғылым және оқу пәні ретінде даму кезеңдері. Хореографиядағы сын ұғымы. Негізгі ғылыми терминдер, жалпы ережелер. Әлемдік деңгейдегі көрнекті балет сыншылары, олардың хореографиялық өнер саласындағы ең танымал еңбектері. Сыни мақалалар мен ғылыми еңбектерді жазудың жалпы ережелері.

Ұсынылған пән аясында өнер теориясы мен тарихының тұжырымдамалық мәселелері қарастырылады. Салыстырмалы көзқарас, ауқымды тарихи дискурс әлемдік өнер эволюциясының заңдылықтарын құрылымдауға, көркем образдардың хронологиялық және географиялық контекстпен байланысын түсінуге мүмкіндік береді. Өнер тарихы бір-бірімен және дәуір контексімен байланысты көркем ұғымдардың проблемасы ретінде, өнер біртұтас көркемдік кеңістік ретінде қарастырылады

Курс ғылыми метрикалық деректер базасымен және көрсеткіштермен жұмыс істеуге, зерттеу әдістерін меңгеруге және өз бетінше зерттеуді жүзеге асыруға, шетелдік басылымдарда ғылыми мақаланы ресімдеуге және жариялауға үйретеді

Кеңістік категориялары және архитектоника принциптері. Хореографиялық мұрадан қазіргі заманға дейінгі ұлы хореографтардың балеттерінің құрылымын талдау. Кинематографтың спектакль стилистикасына әсері. Жарық хореографиялық спектакльдің құрылымдық элементі ретінде.(шетелдік және қазақстандық спектакльдер). Бейнепроекциялар және 3D графика спектакльдерді ресімдеу құралы ретінде (шетелдік және қазақстандық спектакльдер).

Курс ғылыми таным тарихымен, ғылыми зерттеу әдістемесімен және әдістерімен, зерттеу үдерісінің құрылымы және мазмұнымен, ғылыми жұмыс жоспарын: құрылымы, кезеңдері және тәсілдері, зерттеу тұжырымдамасын құруға, логикалық заңдылықтар мен аргуменнтеу ережелерін тәжірибеде қолдануға, ғылыми-зерттеу жұмысының нәтижесін көрсету жолдарына үйретеді

Хореография өнерінің тарихы мен қазіргі жай-күйінің өзекті мәселелері. Зерттеу әдістерінің жіктелуі. Ғылыми деректерді түсіндіру және өңдеу. Хореографиялық өнер саласындағы зерттеу тәжірибелерінің әдістері мен мысалдары. Ғылыми зерттеудің ерекшеліктері мен әдістері. Ғылыми зерттеулердің түрлері.

Әдістеме түсінігі. Әр түрлі халықтардың би мәдениетінің тарихын зерттеу. Би тілі ретінде пластикалық мәнерлілік. Хореографиялық өнер саласындағы теориялық және практикалық зерттеулер. Танымал отандық және шетелдік би мектептері. Әлем театрларының репертуарлық парақтарын зерттеу және талдау Би және мұра балеттерінің бейнелерін қарау және талдау.

 Бұл курс шығармашылық мамандықтарға арналған. Мұнда әлемдік өнер тарихы әр дәуірдің ең өткір мәселелерін көтеретін идеяларды, бейнелерді, символдарды хронология тұрғысынан емес, көркемдік кеңістік ретінде қарастырады. Уақыт пен кеңістікте өнер тілінің әмбебаптығын түсінуге бағытталған.

Бакалавриаттағы «Классикалық биді оқыту теориясы мен әдістемесі» курсының құрылымы. Маман, педагог-хореографты дайындау әдістері. Орыс балет мектебі – оқыту әдістемесіндегі классикалық бидің негізі ретінде. Классикалық биді оқыту әдістемесінің ерекшелігіндегі қазақстандық педагогтардың практикалық тәжірибесі. Жұмыстағы хореография педагогикасының негізгі заңдылықтары. Оқу-әдістемелік кешенді рәсімдеу.

Әлемдік деңгейдегі заманауи режиссерлер мен балетмейстерлердің қолтаңбалары, олардың қойылымдық қызметінің негіздері. Хореографиялық шығарманың формасы, жанры және бағыты туралы түсінік. Хореографиялық шығармамен жұмыс жасау технологиясы. Хореография режиссурасындағы заманауи үрдістер. Көрнекті қазақстандық хореографтардың режиссерлік жұмысының технологиялары

Бакалавриаттағы «Халық-сахналық биді оқыту теориясы мен әдістемесі» курсының құрылымы. Халық-сахналық би бойынша маман, педагог-хореограф дайындау әдістері. Халық-сахналық би мектебі. Халық-сахналық биді оқыту бағдарламасы мен әдістемесін қалыптастыру. Оқу-әдістемелік кешенді рәсімдеу.

Қазіргі хореографиядағы стиль, стилистика, стилизация туралы түсінік. Қазіргі хореографиядағы мектеп және техника ұғымы. Қазіргі хореографияның негізгі бағыттары. Қазіргі хореографиядағы жанр мен қойылым қызметінің заңдары. Қазіргі хореографияның тарихи даму кестесі. Қазақстандағы хореографиялық стильдер мен заманауи хореография мектептері

«Балетмейстерлік өнер» мамандандыруын оқыту курсының құрылымы. Хореография режиссурасындағы шығармашылық іс-әрекеттің әдістері мен әдістерінің жіктелуі. Би қойылымындағы драматургия заңының балама принциптері. Қазіргі кезеңдегі хореографиялық шығарма формаларының әртүрлілігі. «Балетмейстерлік өнер» оқу курсына сабақтарды кешенді жоспарлау және оқу-әдістемелік кешенді ресімдеу.

Хореографияның өнер түрі ретінде дамуының тарихи кезеңдері. Әлемдік маңызы бар көрнекті хореографтар, олардың хореографиялық шығармамен жұмыс істеу әдістері мен принциптері. Хореографиялық өнердің заманауи түрлері мен жанрлары. Қазіргі хореографияның негізгі стильдік бағыттары, олардың дамуы мен жұмыс істеу заңдылықтары.

Курс өнер туындыларын жасаудағы психикалық іс-әрекеттің ерекшеліктерін зерттейді, оларды қабылдау мен түсіну үдерісінің заңдылықтарын, көркемдік тәрбие мен эстетикалық дамудың психологиялық мәселелерін ашады

Гуманитарлық білім мен үдерістердің қазіргі жетістіктерін ескере отырып, қазіргі заманғы ғылым мен өнердің негізгі проблемаларын зерделеу. Өнердің әмбебап категориясы ретінде көркем образ. Қолданбалы педагогикалық зерттеулерді ғылыми негіздеу дағдыларын дамыту

Хореографиялық өнердің заманауи түрлері мен жанрлары, оларды қазіргі контексте түсіндіру. Қазіргі хореографияның негізгі бағыттарының маңызды тұлғалары. Қазіргі хореографияның даму тарихы. Қазіргі хореографияның белгілі бір әдістерін қалыптастыру. Қазақстандағы «Заманауи хореография» пәнінің қалыптасуы

Психологиядағы творчество мәселесі. Творчество мәдени, антропологиялық және әлеуметтік феномен ретінде. Творчество теориялары. Творчество және креативтілік. Креативтіліктің дамуына әлеуметтік факторлардың әсері. Творчествоның индивидуалды-тұлғалық шарттануы. Творчество психологиясының зерттеу әдістері. Творчестволық процесстің өту фазалары. Творчество үшін қажетті эмоциялар мен сезімдер және сезімдердің дамуы. Мотивация және творчество. Творчестволық процестерді модельдеу. Творчество терапия формасы ретінде.