6B10155 Жалпы медицина в Қожа Ахмет Ясауи атындағы Халықаралық қазақ-түрік университеті

Пәннің мақсаты: студенттердің түрік тілінің грамматикалық құрылымы туралы білімдерін қалыптастыру, грамматикалық ережелерді үйрету, жазбаша тапсырмаларды орындау дағдыларын дамыту. Студенттердің белсенді және пассивті сөздік қорын кеңейту. Пән түрік тілінде күрделі сөйлемдерді қалыптастыруға бағытталған; түрлі тақырыптарда күрделі мәтіндерді қолдана отырып, түрік тілін меңгеруге бағытталған. Пәнді оқу нәтижесінде білім алушы түрік тілінің грамматикалық ережелерін сөйлеу мен жазуда қолдана алады. Бұл пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Пәннің мақсаты: студенттерге түрік тілінің фонетикалық және грамматикалық құрылымы туралы негізгі түсініктерді қалыптастыру және артикуляция, интонация ережелерін үйрету. Тілдік қызметтің төрт негізгі формаларында (сөйлеу, тыңдау, оқу және жазу) қарым-қатынас дағдыларын дамыту. Бұл пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Пәнінің мақсаты: - жасушалар мен олардың туындыларының, тіндердің негізгі элементтері ретінде, құрылысы, тіршілік әрекеттері, функциялық мамандануы жайлы; - гистологияның келесі бөлігі - жеке гистологияны оқып -білу үшін қажет негізгі тіндердің – эпителий, ішкі орта (қан, қан жасау), дәнекер, бұлшықет және нерв тіндерінің даму көздері, гистогенезі, құрылысы және функциялары жайлы білім қалыптастыру.

Мақсаты – студенттерге пластикалық және энергетикалық зат алмасу, олардың өзара байланысы, су минералды заттар, ақуыз, майлар мен көмірсулар алмасуының ерекшеліктері сонымен қатар, метаболизм және энергия алмасуының тірі ағза үшін маңызы туралы теориялық білім қалыптастыру.

Медициналық биофизика пәнінің мақсаты биологиялық құрылымдардағы құбылыстарды физикалық заңдылықтар арқылы зерттеп және түсіндіру; болашақ дәрігерлерге денсаулық сақтау саласында қолданылатын медициналық құралдардың жұмыс істеу принциптерін оқып және оны қолдануды үйрету. Сонымен қатар, жасуша мембраналарының биофизикасын, биопотенциалдың пайда болуын, таралуын, электроқозғыш ұлпалардың биофизикасын, кванттық биофизиканы, ұлпалар мен мүшелер биофизикасын меңгерту.

Мақсаты – тірі ағзаға тән табиғи органикалық қосылыстар мен биополимерлердің негізгі кластарының химиялық қасиеттері, ағзадағы химиялық процестердің (реакциялардың негізгі түрлері) жүруінің жалпы энергетикалық және кинетикалық заңдылықтары мен кинетикасы туралы білімін медицинада қолданады. Ағзада жүретін биохимиялық процестерді сипаттауда физико-химиялық заңдылықтарды қолдана білуді үйрету. Заттардың құрылысы, құрамы мен биологиялық активтілігі арасында өзара байланыс қалыптастыру. Медициналық профильдегі мамандардың ғылыми ойлау қабілетін, сондай-ақ құзыреттілігін және кәсіби маңызды қасиеттерін қалыптастыру болып табылады.

Мақсаты – студенттерге ағзаның ең көп кездесетін ауруларды тиімді диагностикалау, алдын алу және емдеу үшін қалыпты мен патологиядағы ағзаның негізгі молекулалық-генетикалық және жасушалық механизмдері туралы қазіргі заманғы білім беру, теориялық және практикалық медицинада молекулалық-генетикалық әдістер мен технологияларды қолданудың негізгі принциптері туралы түсінік беру. Тұқым қуалаушылық, өзгергіштік, көбею, биосинтез, қозғыштық, өсу және даму, ақпаратты сақтау және беру, энергияны түрлендіру сияқты тіршіліктің маңызды процестерін молекулалық биология тұрғысынан түсіндіру.

Пәннің мақсаты жас, жыныс және жеке ерекшеліктерін ескере отырып, дененің бөліктері мен мүшелерінің пішінін, құрылымын, позициясы мен топографиялық қатынастарының жүйелі сипаттамасын ұсыну; медициналық терминологияның морфологиялық құрылымдары терминдерін, адам ағзасына қалыпты жағдайдағы және олардың дамуының әртүрлі кезеңдеріндегі патологияларға тән процестерді атауларды қарастырады; адамның аурулары мен патологиялық жағдайлар сипаттау.

Мақсаты - тіршіліктің жасушалық негіздері, жасушалардың түрлері мен құрылымы туралы қазіргі заманғы білімді қалыптастыру, жасушалық ұйымның бірлігін түсіну, қоршаған ортаның жасушаларға әсері, өсу механизмдері, метастаз және организмдегі иммундық жауап. Бұл ағзаның патологиясын емдеуде қолданылатын жаңа тәсілдерді дамытуға көмектеседі.

Мақсаты – медицинадағы химияның теориялық негіздерін қалыптастыру, тірі организмде болатын маңызды биохимиялық процестер мен әртүрлі тепе-теңдік түрлерінің химиялық, физика-химиялық заңдылықтарын қолдана білуді үйрету. Тірі ағзадағы процестердің мәнін, механизмдерін түсінуге қажетті табиғи органикалық қосылыстар мен биополимерлердің негізгі кластарының құрылымы мен химиялық қасиеттері арасындағы байланыс туралы түсінік қалыптастыру.

Пәннің мақсаты: организмнің құрылымдық функциональдық негіздерінің физиологиялық үрдістерін, мысалы, қозу, тежелу, синапстық беріліс, еттердің жиырылуы және секреция сынды, үрдістердіқоршаған ортаның қарым қатынасы тұрғысынан зерттеу.

Пәннің мақсаты - экономиканы оқудың теориялық негіздерін, кәсіпкерлік, кәсіпкердің іс-әрекеттері,кәсіпкерлік істің түрлері, ұйымдастыру әдістері, тактикасы, стратегиясы, кәсіпкерлік бәсекелестік, тәуекел мен бизнес білімін, бизнес-жоспардың құрылымын, мазмұнын, және ұлттық экономиканың салаларында бәсекені күшейту жағдайындағы кәсіпкерліктің және бизнес–жоспарды құрудың теориялық, әдістемелік және тәжірибелік негіздері қарастырылады.

Пәннің мақсаты - практикалық денсаулық сақтауға, емдеу мекемелерінің жұмыстарын ұйымдастыруға, науқасқа күтім жасау мен оны бақылау тәсілдерін үйрететін және пациентпен, оның жанұясымен жақынырақ танысуға, оның жанұялық мәселелерін шешуге қалай көмектесуді үйрету. Студенттерде интегральды жүйеге қалыптастыруға үлес қосуға және медициналық көмек ұйымының барлық сатылары мен кезеңдерінде тұрақты кәсіби тұрғының стереотипін құру

Пәннің мақсаты жұқпалы аурулардың этиологиясын, берілу механизмі және алдын-алуын қарастыру. Эпидемиологияны зерттеу инфекциялық, паразиттік және жұқпалы емес аурулардың алдын-алу бойынша медициналық мекемелерде, халықтың әртүрлі контингенттері арасында жеке, топтық және популяциялық деңгейлерде, сондай-ақ төтенше жағдайлар кезінде теориялық және практикалық дағдыларды қалыптастырады

Пәннің мақсаты микроорганизмдердің классификациясына, морфологиясына және физиологиясына арналған тақырыптар мен бөлімдерін; адамдар үшін патогенді және шартты патогендік бактериялардың қасиеттерін, сондай-ақ, антропоноздар, зооотропоноздар қоздырғыштарын зертханалық диагностикалау әдістерін зерттеу және нақты терапияны жасау және енгізу, адамның жұқпалы ауруларының алдын-алу мәселелерін қарастыру

Курстың мақсаты - студенттерге сыбайлас жемқорлыққа қарсы іс-қимыл саласындағы білікті мамандарға қойылатын талаптарға сай білім беріп, сыбайласқа қарсы сананы қалыптастыру. Алынған білім негізінде студенттер шығармашылық ойлау дағдыларын меңгереді, мәселелік сұрақтарды заманауи талаптарына сәйкес шешу жолдарын ұсыну, республикамыздағы сыбайлас жемқорлықпен күресті сапалы деңгейіне көтеру. Сыбайлас жемқорлықпен күресу мәдениетін қалыптастыруға және осы негізде азаматтық позицияны дамытуға бағытталған.

Пәннің мақсаты: электрондық денсаулық сақтау саласын дамыту, медицинадағы инновацияның негізгі факторлары емдеу-диагностикалық үрдістің жаңа технологиялары, медициналық жабдықтар, халыққа жаңа медициналық қызмет, қызметкерлерді басқаруға сауатты көзқарас және медициналық мекеме қызметін ұйымдастыруды жүзеге асыру. Заманауи медициналық құрал-жабдықтарды қолдана отырып, инновациялық жүйелерді енгізу – медицина саласының көкжиегін кеңейтіп, медициналық көмектің сапасын жақсартуға жол ашады

Пәннің мақсаты - адам мүшелері мен тіндердің құрылысын, жеке, жыныстық және жастық ерекшеліктеріне сәйкес қазіргі дамыған микро- макроскопиялық анатомия, физиология, биология жетістіктерін және оның пренатальды дамуын қоса, мүшелердің өзара анатомо-топографиялық қатынастарын зерттеу; дене ағзалары мен бөліктерін жастық, жыныстық және жеке ерекшеліктеріне байланысты пішінін, құрылысын, орналасуы мен топографиялық өзара қатынасын зерттеу.

Пәннің мақсаты - денсаулық сақтау саласындағы көшбасшы, ұйымдастырушы және медицинадағы құрылымдардың жетекшісі дағдыларын қалыптастыру. Пәннің негізгі бөлімдері мен тақырыптары: денсаулық сақтауды ұйымдастырушының көшбасшылық қасиеттері; денсаулық сақтау жүйесіндегі жоспарлау, басқару, экономика, қаржыландыру; денсаулық сақтау жүйесіндегі ұйымдардың құрылымдары, бөлімдерінің жұмысына сапалы талдау.

Пәннің мақсаты эпидемиологияның негізгі түсінігі мен терминдерін, эпидемиологиядағы негізгі теорияларын, жұқпалы аурулар ошақтарында эпидемияға қарсы іс-шараларды ұйымдастыру және өткізуді, табиғи ошақтар, берілу механизмі мен факторларын, иммундау мәселелерін, вакцинамен басқарылатын инфекцияларды, дезинфекция, дезинсекция, зарарсыздандыруды, иммунопрофилактика, нозокомиальды инфекцияларды қарастыру.

Пәннің мақсаты вирусология мен паразитологияның негізгі принциптерін, паразиттердің биологиясы мен өмірлік циклін, биологиялық жүйелер иерархиясының әртүрлі деңгейлеріндегі паразиттер мен вирустардың өзара әрекеттесуінің әртүрлі аспектілерін, сонымен қатар пайда болу және таралу мәселелерін студенттер арасында тұтас түсінуді қалыптастыруі. Сонымен қатар диагностиканың, емдеудің, алдын-алудың және патогендік агенттер тудыратын аурулардың заманауи әдістері туралы түсінік береді.

Пәнінің мақсаты: - мүшелер мен жүйелердің тіндік құрылысы, дамуы және тіршілік әрекеттері жайлы; адам мүшелерінің құрамында жасушалар мен тіндердің ультраструктурасы, функциялары және өзара қатынастары жайлы базистық білім қалыптастыру. - оқытылып жатқан гистологиялық фактілер мен тиімді диагностика, емдеу, болжау, аурулардың клиникалық белгілері арасындағы байланыстарды көрсету арқылы пәннің клиникалық бағытталуын қамтамасыз ету.

Пәннің мақсаты - экологиялық танымды қалыптастыра отырып, адамның тіршілік ету ортасымен арасындағы жарақатсыз қауіпсіздікке студенттерді дағдыландыру. Курста қоршаған ортаны қорғау және табиғи ресурстарды тиімді пайдаланудың заманауи тәсілдері бойынша теориялық және практикалық білімді қалыптастыра отырып, апаттардан және дүлей зілзалалардан, қарсыластың жою құралдарынан қорғану мақсатында халықты қорғаудың әдістері мен құтқару жұмыстарын ұйымдастыру қарастырылады.

Пәннің мақсаты: тіршілік үрдістерінің, мүшелер мен жүйелердің өзара байланысы, ағзаның әртүрлі әсерлерге тұтас реакциясын қалыптастыру және реттеудің жалпы принциптері туралы білімді меңгеруді қамтамасыз ету. Бұл қасиеттер болашақ дәрігерлердің клиникалық ой өрісінің негізін қалауы тиіс, онда жеке белгілердің негізінде туындайтын механизмдердің өзара байланысын, аурудың туындауының негізгі себебін анықтау мен патологиялық үрдістерді жоюды модельдеуге мүмкіншіліктер береді.

Пәннің мақсаты - түркі тілдес елдерінің жастарын қазіргі заманғы жоғары білікті маман ретінде дайындау бағытында түркі әлемінде ХІХ ғасырдың соңы ХХ ғасырдың басында орын алған Осман империясының тарихы мен маңызын көрсетуге бағытталады. Түрік ұлтының басшысы ретінде Мұстафа Кемалдың мемлекетке байланысты ұстанған принциптерін түсіндіру көзделеді. Пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Пәннің мақсаты – діни және сопылық қайнар көздерден алынған ясауилік ілімінің мәнін сипаттау және бағалау қабілеттерін қалыптастыру. Оқу курсы сопылық терминдер мен категориялардың мәнін, олардың метафоралығын түсінудің теориялық және әдіснамалық негізін, Қожа Ахмет Ясауидің «Дивани Хикмет» шығармасының сопылық мәнін талдауға және бағалауға, оның мәдени-рухани әлеуетін анықтауға қолдана білуді қалыптастырады.

Мақсаты – студенттерге пластикалық және энергетикалық зат алмасу, олардың өзара байланысы, су минералды заттар, ақуыз, майлар мен көмірсулар алмасуының ерекшеліктері сонымен қатар, метаболизм және энергия алмасуының тірі ағза үшін маңызы туралы теориялық білім қалыптастыру.

Мақсаты – студенттердің тірі жүйелердегі процестерді танып, зерттеу көзқарасын қалыптастыру, тірі организмде болатын ең маңызды биохимиялық процестер мен әртүрлі тепе-теңдік түрлерінің химиялық, физика-химиялық заңдылықтарын қолдана білуді үйрету. Тірі ағзадағы процестердің мәнін, механизмдерін түсінуге қажетті табиғи органикалық қосылыстар мен биополимерлердің негізгі кластары мен химиялық қасиеттері арасындағы байланыс туралы түсінік қалыптастыру. Дәрігерлерді дайындауда биохимияның маңызы, ауруға диагноз қоюға және метаболизм ауытқуларына түзетулер енгізуде қазіргі заманғы биохимиялық әдістер туралы түсінік қалыптастыру.

Пәннің мақсаты - түркі тілдес елдерінің жастарынан қазіргі заманғы жоғары білікті мамандарды дайындау үшін өзінің төл тарихы мен мәдениетін, тарихи ерекшелігін ұғып білуді, сондай-ақ, жаһандану процесінде ұлттық болмысын сақтауда қажетті біліммен қаруландыруды көздейді. Түркі халқының этногенезі мен этникалық тарихын, мемлекетінің пайда болуы және оның өркендеуі қарастырады. Пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Клиникалық дағдылар негіздері терапиялық пәнінің мақсаты – науқасты сұрастыруды, қарауды және физикальды тексеруді; семиологияны, яғни науқасты зерттеу барысында алынған мәліметтерді талдауды зерттеу. Синдромдық диагностикаға көп көңіл бөлінеді, себебі студентке ауруларды дұрыс анықтауды үйретудің фундаменті болып саналады.

Пәннің мақсаты: білім алушыға ағзалық, жасушалық молекулалық деңгейде иммундық жүйенің құрылысы мен қызметі жөніндегі, сонымен қатар, дені сау ағзаның тіршілігіндегі иммундық патологиялық процестердің дамуындағы иммундық жүйенің маңызы туралы ғылыми көзқарастарды қалыптастыру.

Пәннің мақсаты: білім алушыға ағзалық, жасушалық молекулалық деңгейде иммундық жүйенің құрылысы мен қызметі жөніндегі, сонымен қатар, дені сау ағзаның тіршілігіндегі иммундық патологиялық процестердің дамуындағы иммундық жүйенің маңызы туралы ғылыми көзқарастарды қалыптастыру.

Пәннің мақсаты теориялық және клиникалық пәндер қиылысында орналасып және интегративті медико-биологиялық ғылым бола отырып, ол дәрігерлік ойлау қабілетін дамытады. Патологиялық физиологияның негізгі мақсаты-студенттерді "науқас төсегінде дүниетануды қолдану" білуді үйрету. Жалпы патологиялық процестер ерекше болып келеді, өйткені олар адамның бүкіл патологиясын қамтиды

Пәннің мақсаты жалпы патологияның негізгі даму кезеңдерімен және оның басқа ғылымдар арасындағы алатын орны туралы, патологиялық процестердің пайда болуы, дамуы және нәтижелерін зерттеу кіреді. Олардың ішінде келесі топтар бөлінеді: зақымдалу, қан айналымы және лимфа айналымының бұзылуы, дегенерация, некроз, қабыну, иммунопатологиялық процестер, регенерация, бейімделу (бейімделу) және компенсациялық процестер, склероз және ісіктер.

Жалпы хирургия пәнінің мақсаты – адам денесінің барлық ағзаларының бөліктерін, сырқаттары мен жарақаттануын зерттейтін және оперативті емдеу әдістерін ұсынып қолданатын медицинаның саласы. Жалпы хирургия пәні негізі жөнінен пропедевтикалық хирургиялық пән ретінде хирургиялық науқастарды клиникалық тексеру және емдеу жүргізуді оқытуды көздейді. ЖОО студенттері жалпы хирургияны оқып үйрену процесінде өздерінің кәсіптік қызметіне керекті және қажетті практикалық дағдыларды меңгереді.

«Науқас жанындағы оқыту» пәнінің мақсаты- студенттерге жүйелер бойынша ағза зақымдалғанда жиі кездесетін шағымдардың механизмдерін оқыту, толық физикалық тексеру жүргізуді меңгерту. Бұл пән қарым-қатынас дағдыларын дамыту, дәрігерлік этика және медициналық деонтология ережелерін ұстану; науқасты сұрастыру, қарау және физикальды тексеру; семиология, яғни науқасты зерттеу барысында алынған мәліметтерді талдауды зерттеүге бағытталған

«Балалар ауруларының пропедевтикасы» пәнінің мақсаты болашақ әр түрлі дәрежедегі медициналық қызметкерлеріне балалардың медициналық қызметін дұрыс жүйеге қоюды, инфекция ошақтарында алдын алу шараларын қамтамасыз етуді білу керек. «Балалар ауруларының пропедевтикасы» бағдарламасы балалар ағзасының анатомиялық және физиологиялық ерекшелітері мен ағзалардың зақымдану семиотикасын қамтып, педиатриядағы заманауи жетістіктерін қарастырады.

Пәннің мақсаты - балалар ағзасының барлық жүйесінің өсу, даму, қалыптасу ерекшеліктері; балалардағы қарау, пальпация, перкуссия, аускультация әдістемесінің ерекшеліктері; балалар жасындағы аурулар кезіндегі науқастарды тексеру көлемі; балалардың рационалды тамақтануының принциптері және балалар организмінің принциптері қарастырылады.

Ағзалар мен жүйелердің патологиясы ағзаның әртүрлі зиянды сәттерге реакциясын зерттейтін биологиялық ғылым болып табылады. Сондықтан пәннің мақсаты әртүрлі ауруларды танып білуге, диагноз қоюға және дифференциалды диагностикалауға арналған және ағзадағы ауру (жарақат) кезіндегі өзгерістерді зерттеу үшін қазіргі заманғы жетістіктерді қолданады.

«Фармакология» пәнінің мақсаты - тірі ағзалармен дәрілік заттардың өзара әрекеттесуі мен әсер етуін зерттеу. Фармакология – теориялық білімді клиникалық практикамен, әсіресе, фармакотерапиямен біріктіріп оқытылатын мультидисциплинарлы ғылым. Фармакологиялық зерттеулердің құндылығының бірі - дәрілік заттардың клеткалық, субклеткалық және физиологиялық әсер ету механизмдерін анықтай отырып, фармакотерапияның бүкіл ағзаға әсерін зерттеу болып табылады.

Пән мақсаты: денсаулық туралы негізгі ұғымдар, денсаулықтың компоненттері мен көрсеткіштерін; денсаулық пен ауруды анықтайтын факторларын; денсаулық қауіпсіз өмір сүрудің негізі ретінде; салауатты өмір салты биологиялық және әлеуметтік проблема ретінде; халық денсаулығының жай-күйінің медициналық-статистикалық көрсеткіштерін қарастыру.

Пән мақсаты адам ағзасына инфекциялық және инфекциялық емес аурулардың алдын алу мақсатында қоршаған орта факторларының әсер ету заңдылықтарын зерттеу. Сонымен қатар, тамақ гигиенасы, балалар мен жасөспірімдер гигиенасы, өндірістік және қоғамдық гигиена, профилактикалық және тұрақты санитарлық бақылау тақырыптары қамтылған

Пәннің мақсаты - ересектер пен балалардағы жүрек-тамыр, тыныс, асқорыту, несеп бөлу, эндокринді, жүйке жүйесінің, тірек-қимыл, қан түзу жүйелерінің қалыпты көрсеткіштерін визуалды аспаптық әдістерімен зерттеу үйрету; Фундаменталды және клиникалық интеграция негізінде студенттерге жүрек-тамыр жүйесі, тыныс алу, асқорыту, несеп бөлу жүйке жүйесі, тірек-қимыл,эндокринді қан түзу жүйелерінің патологиялық ауытқуларын визуалды диагностикалау әдістерімен зерттеуді және нәтижелерін талдауды үйрету;

Патофизиология пәнінің мақсаты жүйелік патофизиология жекелеген ағзалар мен жүйелердің дерттерін зерттеу. Организмнің тіршілігінде өтетін көптеген құбылыстардың реттелуі нерв және эндокриндік жүйелердің біріккен қызметтерімен қамтамасыз етіледі. Бұл жүйелер өзара бірімен-бірі тығыз байланысты. Сондықтан организмнің біртұтас өзін-өзі реттейтін күрделі жүйеге бірігуі нервтік-эндокриндік реттеулердің нәтижесінде болады.

Пәннің мақсаты объективті бағалау, ауытқуларды анықтау және ағзаның әр түрлі мүшелері мен физиологиялық жүйелерінің дисфункция дәрежесін анықтау; аспаптық немесе зертханалық зерттеу әдістерін қолдана отырып, олардың қызметінің физикалық, химиялық немесе басқа объективті көрсеткіштерін өлшеуге негізделген. . Әдістер: электрокардиография, фонокардиография, реография, спирография, пневмотахометрия, электроэнцефалография, әртүрлі органдар мен жүйелердің, рентген диагностикасының, радионуклидті диагностикалау, сенсорлық, эндоскопиялық, зертханалық диагностика.

Ішкі аурлар пәніның мақсаты – ішкі ағза ауруларының этиологиясын, патогенезін, жіктемесін, клиникалық көріністерін, синдромдық диагностикасын, диагнозды дәлелдеу үшін қолданылатын зерттеу әдістерін оқыту. Айғақты медицина тұрғысынан тиімді емдеу принциптерін үйретеді. Сауығу критерийлерін, болжамын, алдын-алу шараларын оқытады.

Пәннің мақсаты – қауіпсіз ортада симуляциялық технологияларды қолдана отырып медицинадағы негізгі клиникалық дағдылар бойынша білім алушылардың білімін, тәжірибелік дағдыларын, іскерлігін жетілдіру. Тәжірибелік дағдыларды үйретуде және бағалауда озық тәсілдерді, робот- симуляторларды, манекен, муляждарды, медициналық құрал жабдықтарды қолдану.

Пәннің мақсаты - дәрілік заттардың клиникада науқастардың ауру түріне және жасына байланысты қолданылу барысында тиімділігі мен қауіпсіздігін арттыру мақсатында олардың адам ағзасына әсерін ғылыми негізде зерттейтін медициналық пән. Клиникалық фармакологияның негізгі бөлімдеріне фармакодинамика-дәрілік заттың жалпы әсері мен әсер ету механизмдерін зерттеу, және фармакокинетика-дәрілік заттардың ағзаға енгізу жолдарын, биотрансформациясы мен ағзадан шығарылауын зерттеу.

Пәннің мақсаты Балалар жасындағы кең тараған патологияларды диагностикалау және емдеу мәселелері бойынша білім мен машықтарды қалыптастыру. «Балалар аурулары» пәнін оқу өздігінен жұмыс істеу кезінде білімгерлердің кұзыреттілігін және кұзіреттілік аясында бағалау, оқыту әдістерін жетілдіру.

Пәннің мақсаты– Жалпы дәрігерлік тәжірибе негіздері пәні амбулаториялық жағдайда жалпы маман дәрігерінің негізгі қызметі туралы жалпы түсінікті алғашқы медико-санитарлық көмекті ұйымдастыруды, профилактикалық және диагностикалық шараларды, емдеудің принциптерін және динамикалық бақылау негіздері бойынша білім мен іскерлікті қалыптастыруды.

Пәннің мақсаты - жүктілікті, босануды және босанғаннан кейінгі кезеңді жүргізу мен диагноз қою мен шұғыл көмек көрсету бойынша білімін, іскерлігі мен дағдыларын қалыптастыру. Студенттерді акушерия мен гинекологиядағы диагностика мен емдеудің негізгі әдістерімен таныстыру; физиологиялық жүктілікті, босануды және босанғаннан кейінгі кезеңді жүргізуге үйрету; акушериялық-гинекологиялық патология кезінде шұғыл көмек көрсетудің принциптерін үйретіп, коммуникативтік дағдыларды жетілдіру.

Пәннің мақсаты - студенттерге қызбалалар мен жасөспірім қыздарға акушерлік-гинекологиялық көмек көрсетуді, жас топтарына байланысты қыздардың жыныс мүшелерінің анатомо-физиологиялық жетілу ерекшеліктерін анықтау, тексеру әдістері бойынша тұрақты білімді, іскерлік пен машықтарды қалыптастыру және бекіту. Жыныстық жетілудің және етеккір циклының бұзылуы, ювенилді жатырдан қан кетуді диагностикалау және емдеудің принциптерімен таныстыру.

Пәннің мақсаты – нәтижелі кәсіби сұхбаттасу бағытында тәжірибелі қарым-қатынас жасай отырып, өте жиі кездесетін хирургиялық аурулардың жас ерекшеліктеріне байланысты типтік түрдегі клиникалық көріністерін сипаттауды, олардың симптомдарына, синдромдарына және аспаптық-лабораториялық мәліметтеріне сараптама жасауды үйрету. Сонымен қатар, ауруларды емдеуге және алдын алу арналған іс-шараларды жүзеге асыру үшін заманауи негізгі әдістер мен тәсілдерді қолдануды үйретеді.

Пәннің мақсаты аймақтар бойынша тіндер мен ағзалардың өзара орналасуын және олардың басқа мүшелер мен тіндермен және орталық жүйке жүйесімен анатомиялық байланыстарын зерттеу.

Пәннің мақсаты ішкі ағзаларының аурулары кезіндегі әртүрлі ауыр жағдайлардағы науқастарға жасына байланыссыз жедел жәрдем беру мәселелері бойынша білімдерін және іскерліктерін қалыптастыру, сонымен қатар төтенше жағдайларда (суға бату, тұншығу, жарақаттар, уланулар және т.б.) дәрігерге дейінгі алғашқы көмек көлемінде жедел медициналық жәрдем беру.

Пәннің мақсаты – амбулаториялық жағдайда жалпы маман дәрігерінің жұмысындағы алғашқы медико-санитарлық көмек кезінде кеңінен тараған жағдайлардың алдын алу, диагностикалау, емдеу және динамикалық бақылау, қаралуға келген әрбір науқастың жасы, жынысы, ауру түріне байланыссыз жүргізілетін алғашқы диагностикалықтексерілу мен арнайымамандарға жіберуінің жалпы принциптері бойынша білім мен іскерлікті қалыптастыруды оқыту.

Пәннің мақсаты - студенттердің клиникалық пәндердегі патологиялық жағдайларды табысты меңгеруі үшін қажетті жаңа технологияларды, радиоизотопты диагностиканы қолдана отырып, жалпы сәулелік диагностикалық теориялық негіздері мен бірге практикалық сұрақтарын оқытып үйретеді. Сонымен қатар, әртүрлі патологиялық жағдайларда диагностика, дифференциальды диагностика жасаумен және емдік көмек көрсетудегі маңызды ролі түсіндіріледі.

Пән мақсаты: денсаулық сақтау мен денсаулық сақтаудың теориялық негіздері; демография, демографиялық процестерді зерттеу әдістері; халықтың аурушаңдығы және оны зерттеу әдістерін; халыққа профилактикалық көмекті ұйымдастырудың негіздерін; халықтың денсаулығын бағалау үшін статистикалық әдістерді қолдануды қарастыру

Пәннің мақсаты медициналық сараптаманың себептерін, тағайындау және өткізу тәртібін, сарапшының құқықтары, міндеттері мен жауапкершілігін көрсетілген Қазақстан Республикасының Қылмыстық кодексімен танысыру. Сонымен қатар, әр дәрігер деонтология және медициналық этиканың негіздерін, медицина қызметкерлерінің кәсіптік құқық бұзушылықтар үшін қылмыстық жауапкершіліктерін білуі керек. Курсында құқық саласының негізін қалыптастыратын құқықтық нормалар мен негізгі түсініктер қарастырылады.

Клиникалық патоморфологияның» негізгі мақсаты студенттердің патоанатомиялық қызметті ұйымдастыру, оның міндеттері мен биопсия-секциялық материалдарды клиникалық-анатомиялық талдауға қойылатын негізгі талаптарды, сонымен қатар патоанатомиялық (клиникалық анатомиялық) диагноз тұжырымдамасын қалыптастыру, клиникалық диагноздың сапасын бағалау, клиникалық диагноздың сәйкес келмеу себептері мен категорияларын білу.

Пәннің мақсаты - ҚР емдеу және диагностика стандарттары пәні ҚР емдеу және диагностика стандарттары негізінде, заманауи зерттеу алгоритмдерін, қосымша зерттеу және емдеу тәсілдерін оқытады. Дәрілік заттардың жағымсыз әсерлерін дұрыс мониторингтеуді үйрету. Нақты нәтижелі және қауіпсіз дәрілік заттарды адекватты таңдау, өзіндік дәрігерлік тәжірибелік сапасын арттыра отырып, қазіргі таңдағы диагностика, ажырату диагностикасы, емдеуді жүргізуді қалыптастыру.

Пәннің мақсаты - жалпы өлімді азайту мақсатында болашақ жалпы тәжірибелік дәрігерлерді репродуктивті денсаулық және отбасын жоспарлау бойынша халықаралық стандарттар мен дәлелді медицинаның қағидаларына сәйкес оқыту.

Пәннің мақсаты тері және оның қосындылары «шаш, тырнақ» және олардың әр түрлі ауруларын оқыту. Дерматология жалпы терінің анатомиясы мен физиологиясын, терінің ауруларының жалпы даму заңдылықтарын, оларды емдеу мен алдын-алу шараларын қарастырады. Венерология- венерологиялық аурулардың пайда болу себептерін, таралу жолдарын, аурулардың диагностикасы мен клиникалық ағымын зерттейді.

Пәннің мақсаты - негізгі неврологиялық, психикалық, наркологиялық ауруларға диагноз қою және емдеу шараларының жалпы принциптері, ургентті жағдайлар кезінде шұғыл көмек көрсету, сондай-ақ неврологиялық аурулардың алдын алудың, психикалық бұзылыстар мен тәуелділік ауруларының психогигиенасы мен психопрофилактикасының негіздерін қалыптастыру және сауықтыру мәселелері бойынша білім мен іскерлікті қалыптастыру.

Пәннің мақсаты - студенттерде зиянды және қолайсыз еңбек жағдайларында жұмыс істейтіндерде кәсіптік ауруларының даму механизмдері туралы негізгі түсінігін қалыптастыру; кәсіптік аурулармен ауыратын науқастарды диагностикалау, алдын алу, емдеу, медициналық-әлеуметтік сараптама, оңалту әдістерін меңгеру, аурудың кәсіппен байланысын сараптау дағдыларын меңгеру.

Пациентті орталықтанған клиникалық бағалауды жүргізу және жүргізу тактикасының жоспарын жасай алады.

Науқасқа және оның отбасына медициналық көмектің жүйелі ұйымдастырылуын түсіндіреді.

Оқыту арқылы өзінің кәсіби біліктілігін үнемі арттырып отырады

Қоғамның денсаулығына деген үміттерін мойындай отырып, оған жауап береді және ол өзінің қоғамға деген адалдығын көрсете алады.

Дәрігер әріптестерімен және басқа мамандармен қалай тиімді жұмыс жасауды жоспарлайды

Үздік тәжірибесін қолдану арқылы жоғары этикалық стандарттарды үйлестірумен пациенттерге өз біліктілігін көрсетеді

Команда мүшесі ретінде медициналық көмектің сапасын және пациенттердің қауіпсіздігін үнемі жақсартуда белсенді түрде үлес қосады

Жанжалдарды шешу, реттеу және алдын алу үшін дәрігерлермен және басқа медицина қызметкерлерімен бірге жұмыс істейді

Қазіргі статистикалық бағдарламаларды қолдану арқылы статистикалық деректерді өңдеуді жүргізе алады

Кәсіби практикада көшбасшылықты көрсетеді

Клиникалық шешімдерді қабылдауда, науқастың жеке басының құпиялылығын және қауіпсіздігін сақтай отырып, медициналық тексеру нәтижелерін жазбаша және электрондық түрде құжаттандырады және ұсынады

Науқас клиникалық ортадан тыс мүдделерді қорғап, өз денсаулығына жеке қажеттіліктері бойынша қамқорлық жасай алады

Өз жұмысында Академиялық адалдық қағидалары мен мәдениетін қолданады. Мақала жазу дағдыларын меңгерген