8D04107 Экономика в Нархоз Университеті

Курс бағдарламасы әлеуметтік саламен еңбек нарығындағы проблемаларын анықтауды және шешуді, идеяларды қалыптастыруды, әлеуметтік экономика объектілерін бағалау үшін эконометрикалық модельдерді жасауды қарасытрады. Экономикалық даму теориясы мен қазіргі заманғы ғылыми әдістерге сүйену арқылы, докторанттар статистикалық мәліметтерге талдау жүргізеді, сонымен қатар, әлеуметтік экономика және еңбек нарығы салаларында күрделі мәселелерді шешу үшін пәрменді әдістерді анықтайды.

Курс жазбаша ғылыми қарым-қатынас дағдыларын дамытуды қамтиды. Курстың тақырыбы ғылыми стиль мен ғылыми жанрлардың жалпы мәселелерін, зерттеу жазбасының әртүрлі формаларын талдау мен қолдануды, сондай-ақ ғылыми ақпаратты мамандар мен кең аудиторияға беру стратегияларын зерттеуді қамтиды. Интерактивті сыни талқылау, ғылыми мақалаларды талдау, практикалық ситуациялық міндеттерді шешу докторанттарға академиялық жазу және ғылыми стиль саласында дағдыларды алуға мүмкіндік береді.

Курс әлемдік экономикадағы интеграция үрдісін, болашағын және экономиканың стратегиялық даму проблемаларын, экономикалық тәуекелдерді, экономикалық дамуды тежейтін факторларды, ел экономикасына дағдарыстың әсер етуін талдауды қамтиды. Заманауи экономикалық әдістерді қолдана отырып, сонымен қатар, өзінің жеке зерттеу нәтижелері арқылы, докторанттар күрделі мәселелерді айқындай алады, стандартты емес шешімдерді анықтайды және табады, ел экономикасының стратегиялық дамуының басым бағыттарын өңдейді.

Пән ивестициялық процестерді экономикалық және математикалық модельдеуді ескере отырып, инвестицияның заманауи теориясын, инвестициялық жобаларды оңтайландыруға және экономика секторларын ұтымды басқаруға негізделген проблемалық мәселелерді шешуге бағытталған. Курстың аясында докторанттар мемлекеттің инвестициялық саясатының басымдықтарын қарастырады, экономиканың және әлеуметтік саланың басым бағыттарына инвестицияларды пайдалану тиімділігін талдау негізінде инвестициялық стратегияның бағыттарын болжауға мүмкіндік алады.

Курс аясында кешенді құрылым ғылыми теориялар мен зерттеу әдістері қарастырылады және ғаламдану жағдайында даму тенденциясы қарастырылады. Заманауи зерттеу әдістерін қолдана отырып, докторанттар құрылымдар арасындағы өзара әрекеттесудің ұзақтылығы мен субъктілердің тәуелсіздік дәресжесін айқындайды, негізгі даму тенденцияларын анықтайды, ұйымның өзгермелі ішкі және сыртқы орталары жағдайында кәсіпорындардың өзара әрекеттесуінің заманауи тәсілдерін сыни бағалайды.

Курс ғылыми зерттеу жүргізуді жүйелейді, экономикалық зерттеу әдіснамасын, өзекті мәселелерді анықтау мен шешуді, міндеттер қоюды, ғылыми зерттеудің дизайнын, әдістері мен әдістемелерін, бастапқы және қайталама деректерді жинауды қамтиды. Зерттеулердің заманауи құралдарын интерактивті сыни тұрғыдан талқылау және талдау докторанттарға дербес ғылыми және қолданбалы зерттеулер жүргізу үшін әдіснамаларды негізді таңдауға мүмкіндік береді.

Курс экономика және қаржы саласындағы мәселелерді эмпирикалық талдау және өз зерттеулерін бағалау мен оның жаһандық сынақтарға сәйкестігін бағалау мақсатында қазіргі зерттеулердің жарияланған нәтижелерін талқылау негізінде зерттеуге бағытталған. Докторанттар макро -, мезо - және микро деңгейлердегі экономикалық даму нысандарының, әдістері мен модельдерінің тұтастығын білдіретін экономикалық дамудың қазіргі заманғы тұжырымдамаларына талдау жүргізеді.

Курс экономиканың түрлі бағыттарындағы өзекті мәселелерін талдау кезінде озық сандық зерттеу әдістерін әзірлеуге және практикада қолдануға бағытталған. Докторанттар гетероскедастикалық, автокорреляция, уақыттық сериялы талдау, синхронды теңдеулер модельдері, панельдік деректерді талдау, инструменталды айнымалы әдістер, екі деңгейлі кіші квадраттар әдісі (2SLS); тұрақты әсерлер мен кездейсоқ әсерлер арасындағы айырмашылық сияқты сандық әдістерді меңгереді.

Бұл курс экономикалық қатынастарды бағалау және тестілеу үшін статистикалық зерттеу әдістерін меңгеруге бағытталған. Докторанттар регрессиялық талдаудың әртүрлі формаларына, регрессиялық коэффициенттердің болжамдарына, жалған айнымалыларға негізделген эконометрикалық үлгілерді салады. Бұл курста практикалық жұмыстарды шешуде және экономикалық деректерді талдағанда, STATA, EVIEWS, R, SPSS сияқты статистикалық платформаларға қоса басқа компьютерлік бағдарламалық өнімдерді пайдалану қамтамасыз етіледі.

Курс әртүрлі елдердің қазіргі заманғы экономикалық дамуының ғылыми талдауын, көп өлшемді статистикалық талдау әдісін және экономикалық өсудің жағдайларын, факторларын және модельдерін анықтау, сондай-ақ адами капиталды дамыту, денсаулық сақтау, мәдениет, қаржы және сақтандыру секілді әлеуметтік маңызды бағыттардағы экономикалық талдауды қамтиды. Докторанттар зерттеу және коммуникация саласындағы заманауи әдістемелерді қолданып, өздерінің зерттеу жұмыстарының объектілеріне эмпирикалық талдау жүргізеді.

Зерттеу нысандарын моделдеуді жүргізе отырып және бағдарламалық өнімдер мен ақпараттық-коммуникациялық технологияларды қолдана отырып, кәсіби және ғылыми салалардағы құрылымдық емес проблемалардың заманауи шешімдерін табу.

Жоғары кәсіби ортада әр түрлі тілдерде өзіндік ғылыми зерттеулердің нәтижелерін ұсыну.

Бизнес және басқару саласындағы инновациялық ("серпінді") жеке және топтық ғылыми жобаларды зерттеу және коммуникация саласындағы заманауи әдіснамаларды шығармашылықпен қолдана отырып, Даму экономикасының теориясына сүйене отырып, зерттеу объектілеріне эмпирикалық талдау жасай отырып басқару.

Заманауи ғылыми әдістерді, талдауды және нәтижелерді өңдеуді пайдалана отырып, мемлекеттің инвестициялық саясатына талдау жасау.

Тиісті статистикалық мәліметтерді талдай білу және кешенді құрылымды зерттеу үшін экономикалық модельді өңдеу.

Экономикалық дамудың қазігі заманғы теорясымен әлемдік тәжірибе негізінде Қазақстанның стратегиялық мәселелерін талдай білу.

Зерттелетін сала бойынша заманауи теориялар мен тәжірибелерді сыни бағалау негізінде әлеуметтік экономика және еңбек нарығы саласындағы іргелі мәселелерді шешудің ең тиімді әдістерін анықтау.

Білім беру бағдарламаларын жобалап, оқыту технологияларын әзірлеп, университеттерде (жоғары оқу орындарында) педагогикалық қызметті жүзеге асыру.