6B10156 Стоматология в Қожа Ахмет Ясауи атындағы Халықаралық қазақ-түрік университеті

Пәннің мақсаты: адам организмін құрайтын ағзалардың, мүшелер мен тіндердің құрылысын, жеке, жыныстық және жастық ерекшеліктеріне сәйкес оның филогенез, антропогенез дамуын қоса, мүшелердің өзара анатомо-топографиялық қатынастарын зерттеуге бағытталған.

Пәннің мақсаты-.Студенттер медициналық пәндерді әр түрлі пәндермен, қажетті деген латын терминдерін оқу арқылы қажетті білім ала алады. Грек-латын терминдерін және латын грамматикасы арқылы студенттер көптеген шет тілдердегі арнайы әдебиеттерді оқып, түсіне алатын болады. Латын тілінің терминологиясын, грамматикасын игеру нәтижесінде студенттер медицина терминологиясының негізін толық меңгереді.

Мақсаты – тірі ағзаға тән табиғи органикалық қосылыстар мен биополимерлердің негізгі кластарының химиялық қасиеттері, ағзадағы химиялық процестердің (реакциялардың негізгі түрлері) жүруінің жалпы энергетикалық және кинетикалық заңдылықтары мен кинетикасы туралы білімін медицинада қолданады. Ағзада жүретін биохимиялық процестерді сипаттауда физико-химиялық заңдылықтарды қолдана білуді үйрету. Заттардың құрылысы, құрамы мен биологиялық активтілігі арасында өзара байланыс қалыптастыру. Медициналық профильдегі мамандардың ғылыми ойлау қабілетін, сондай-ақ құзыреттілігін және кәсіби маңызды қасиеттерін қалыптастыру болып табылады.

Мақсаты – медицинадағы химияның теориялық негіздерін қалыптастыру, тірі организмде болатын маңызды биохимиялық процестер мен әртүрлі тепе-теңдік түрлерінің химиялық, физика-химиялық заңдылықтарын қолдана білуді үйрету. Тірі ағзадағы процестердің мәнін, механизмдерін түсінуге қажетті табиғи органикалық қосылыстар мен биополимерлердің негізгі кластарының құрылымы мен химиялық қасиеттері арасындағы байланыс туралы түсінік қалыптастыру.

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Медициналық биофизика пәнінің мақсаты биологиялық құрылымдардағы құбылыстарды физикалық заңдылықтар арқылы зерттеп және түсіндіру; болашақ дәрігерлерге денсаулық сақтау саласында қолданылатын медициналық құралдардың жұмыс істеу принциптерін оқып және оны қолдануды үйрету. Сонымен қатар, жасуша мембраналарының биофизикасын, биопотенциалдың пайда болуын, таралуын, электроқозғыш ұлпалардың биофизикасын, кванттық биофизиканы, ұлпалар мен мүшелер биофизикасын меңгерту.

Пәннің мақсаты: студенттердің қазақ тілінің грамматикалық құрылымы туралы білімдерін қалыптастыру, грамматикалық ережелерді үйрету, жазбаша тапсырмаларды орындау дағдыларын дамыту. Студенттердің белсенді және пассивті сөздік қорын кеңейту. Пән қазақ тілінде күрделі сөйлемдерді қалыптастыруға бағытталған; түрлі тақырыптарда күрделі мәтіндерді қолдана отырып, қазақ тілін меңгеруге бағытталған. Пәнді оқу нәтижесінде білім алушы қазақ тілінің грамматикалық ережелерін сөйлеу мен жазуда қолдана алады. Бұл пән Қазақстан мен Түркия арасындағы келісім негізінде құрылған университет білімгерлері үшін міндеттелген.

Бұл курс академиялық B2 деңгейіндегі түрік тілінің негізгі стандартын үйренуге арналған. Курс техникалық (мамандандырылған) тақырыптарды қоса алғанда, түрік тіліндегі нақты және дерексіз тақырыптар бойынша күрделі мәтіндерді ұсынады. Курстың мақсаты-академиялық тілді жетілдіру. Пәнді оқу нәтижесінде студент әртүрлі тақырыптар бойынша түсінікті, егжей-тегжейлі мәтін құра алады, көзқарасты түсіндіре алады, тақырып бойынша әртүрлі көзқарастарды қолдай алады және оларға қарсы дәлелдер келтіре алады.

Мақсаты – студенттерге ағзаның ең көп кездесетін ауруларды тиімді диагностикалау, алдын алу және емдеу үшін қалыпты мен патологиядағы ағзаның негізгі молекулалық-генетикалық және жасушалық механизмдері туралы қазіргі заманғы білім беру, теориялық және практикалық медицинада молекулалық-генетикалық әдістер мен технологияларды қолданудың негізгі принциптері туралы түсінік беру. Тұқым қуалаушылық, өзгергіштік, көбею, биосинтез, қозғыштық, өсу және даму, ақпаратты сақтау және беру, энергияны түрлендіру сияқты тіршіліктің маңызды процестерін молекулалық биология тұрғысынан түсіндіру.

Пәннің мақсаты- ауыз қуысында орналасқан тіс топтарының анатомиялық құрылысымен танысып, тәжірибе жүзінде сабыннан мүсіндеп үйренеді.Әрбір тістің физиологиялық және анатомиялық ерекшеліктерін ескеріп тіс сауыты мен түбірінің мөлшерлі қатынасын үйретеді.

Мақсаты – студенттерге пластикалық және энергетикалық зат алмасу, олардың өзара байланысы, су минералды заттар, ақуыз, майлар мен көмірсулар алмасуының ерекшеліктері сонымен қатар, метаболизм және энергия алмасуының тірі ағза үшін маңызы туралы теориялық білім қалыптастыру.

Мақсаты - тіршіліктің жасушалық негіздері, жасушалардың түрлері мен құрылымы туралы қазіргі заманғы білімді қалыптастыру, жасушалық ұйымның бірлігін түсіну, қоршаған ортаның жасушаларға әсері, өсу механизмдері, метастаз және организмдегі иммундық жауап. Бұл ағзаның патологиясын емдеуде қолданылатын жаңа тәсілдерді дамытуға көмектеседі.

Мақсаты – студенттерге пластикалық және энергетикалық зат алмасу, олардың өзара байланысы, су минералды заттар, ақуыз, майлар мен көмірсулар алмасуының ерекшеліктері сонымен қатар, метаболизм және энергия алмасуының тірі ағза үшін маңызы туралы теориялық білім қалыптастыру.

Пәннің мақсаты-студенттерге ортопедиялық стоматологиялық көмек көрсетуді, ортопедиялық стоматология кабинетінің және дәрігер-ортопедтің жұмыс орнының ұйымдастырылуын, тістехникалық зертхана жұмысының ұйымдастырылуын, тіс техникалық лабораторияның негізгі және қосалқы бөлмелерінің санитарлық нормаларын ,тіс сауытын мүсіндеу негіздерін, фантом моделінде әртүрлі сауытқа арнап тісті егеуді, егелген тіске сауыт дайындауды үйрету.

Мақсаты – студенттердің тірі жүйелердегі процестерді танып, зерттеу көзқарасын қалыптастыру, тірі организмде болатын ең маңызды биохимиялық процестер мен әртүрлі тепе-теңдік түрлерінің химиялық, физика-химиялық заңдылықтарын қолдана білуді үйрету. Тірі ағзадағы процестердің мәнін, механизмдерін түсінуге қажетті табиғи органикалық қосылыстар мен биополимерлердің негізгі кластары мен химиялық қасиеттері арасындағы байланыс туралы түсінік қалыптастыру. Дәрігерлерді дайындауда биохимияның маңызы, ауруға диагноз қоюға және метаболизм ауытқуларына түзетулер енгізуде қазіргі заманғы биохимиялық әдістер туралы түсінік қалыптастыру.

Пәннің мақсаты-студенттерді бас пен мойынның хирургиялық анатомиясын үйрету. Тері қабаттарына анатомиялық түзілімдердің проекциялары фасциалды футлярлар мен қынап, клетчаткалы кеңістіктер, коллатеральды қан айналымы. Хирургиялық аспаптар, тігістер және түйіндер. Жақ-бет хирургиясының хирургиялық араласуының техника негіздерін үйрету. Клиникалық ойлауды дамыту.

Пәннің мақсаты: электрондық денсаулық сақтау саласын дамыту, медицинадағы инновацияның негізгі факторлары емдеу-диагностикалық үрдістің жаңа технологиялары, медициналық жабдықтар, халыққа жаңа медициналық қызмет, қызметкерлерді басқаруға сауатты көзқарас және медициналық мекеме қызметін ұйымдастыруды жүзеге асыру. Заманауи медициналық құрал-жабдықтарды қолдана отырып, инновациялық жүйелерді енгізу – медицина саласының көкжиегін кеңейтіп, медициналық көмектің сапасын жақсартуға жол ашады

Пәннің мақсаты - денсаулық сақтау саласындағы көшбасшы, ұйымдастырушы және медицинадағы құрылымдардың жетекшісі дағдыларын қалыптастыру. Пәннің негізгі бөлімдері мен тақырыптары: денсаулық сақтауды ұйымдастырушының көшбасшылық қасиеттері; денсаулық сақтау жүйесіндегі жоспарлау, басқару, экономика, қаржыландыру; денсаулық сақтау жүйесіндегі ұйымдардың құрылымдары, бөлімдерінің жұмысына сапалы талдау.

Экологиялық танымды қалыптастыруда қоршаған ортаның жай-күйін және қауіпті факторлардың адамға әсер ету дәрежесін бағалауды, әлемде адамның өмір сүруі қоршаған ортаны оңтайландырусыз мүмкін еместігін көрсете отырып, табиғатты ұтымды пайдалану аспектілерін қолдануды үйретеді. Нәтижесінде, білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Пәннің мақсаты: тұтас организмнің және оның жеке құрамдас бөліктерінің тіршілік етуін реттеудің негізгі заңдылықтары мен тетіктерін зерттеу, әртүрлі құрылымдық және функционалдық деңгейлердегі қоршаған ортамен байланыстыра отырып, тіршілік үрдістерін ұйымдастыру.

Пәннің мақсаты- болашақ мамандарды терапиялық стоматология клиникасын ұйымдастыру және жабдықтармен таныстыру мәселелеріне, терапиялық стоматологияда қолданылатын және эндодонтиялық практикада қолданылатын технологиялар мен пломбылық материалдармен таныстырып, науқасты тексерудің жалпы және арнайы әдістеріне, табылған ауру белгілерін бағалауға, тісжегі мен тістің және тісжегіден басқа зақымданулардың этиологиясын, клиникасын, диагностикасын бағалауға бағытталады.

Пәннің мақсаты - практикалық денсаулық сақтауға, емдеу мекемелерінің жұмыстарын ұйымдастыруға, науқасқа күтім жасау мен оны бақылау тәсілдерін үйрететін және пациентпен, оның жанұясымен жақынырақ танысуға, оның жанұялық мәселелерін шешуге қалай көмектесуді үйрету. Студенттерде интегральды жүйеге қалыптастыруға үлес қосуға және медициналық көмек ұйымының барлық сатылары мен кезеңдерінде тұрақты кәсіби тұрғының стереотипін құру

Пәннің мақсаты - микроағзалардың биологиялық қасиеттері және олардың зиянды әрекеттері, табиғи процестер мен жаңа өнім алудағы ролі, микроағзаларды зертханалық жағдайда өсіру, қоректік орталар мен микробиологиялық препараттарды әзірлеу әдістерін меңгеру. Пәнді меңгеру нәтижесінде микробиологиялық процестерді өз бетінше зерттейді, айқындайды, микроағзалардың морфологиялық, физиологиялық және биохимиялық ерекшеліктерін, нәтижелерін талдай отырып зертханалық тәжірибе жүргізу дағдыларын қалыптастырады.

Курстың мақсаты сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастыру, сыбайлас жемқорлықтың туындауының әмбебап мәнін, табиғатын, орнықтылығының себебін ашу. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада жұмыс істеу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

Пәннің мақсаты – білім алушылардың экономикалық білімін қалыптастыруға арналған. Кәсіркерлік пен бизнесті жүргізудің ғылыми дағдысын, тәсілдері мен әдістерін меңгереді. Кәсіпкерлік іс-әрекетті меңгеру барысында цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешумен, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Экономикалық қатынастардың теориялық және практикалық негіздерін меңгере отырып, бизнесті жүргізудегі нормативтік-құқықтық актілерін өз бетінше іздеп қолдану арқылы, өз кәсібін жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағдыланады.

Пәнінің мақсаты: - мүшелер мен жүйелердің тіндік құрылысы, дамуы және тіршілік әрекеттері жайлы; адам мүшелерінің құрамында жасушалар мен тіндердің ультраструктурасы, функциялары және өзара қатынастары жайлы базистық білім қалыптастыру. - оқытылып жатқан гистологиялық фактілер мен тиімді диагностика, емдеу, болжау, аурулардың клиникалық белгілері арасындағы байланыстарды көрсету арқылы пәннің клиникалық бағытталуын қамтамасыз ету.

Пәннің мақсаты ясауилік құндылықтармен таныстыру, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастыру. Пәнді меңгеру нәтижесінде білім алушы ясауи мәдениетінің ерекшелігін бағалап, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын зерттеп, белсенді кәсіби, әлеуметтік қатынас орнату қабілеттерін қалыптастырады.

Патология курсының мақсаты, соның ішінде ауыз қуысының патологиясы аурулардың құрылымдық негіздерін, әсіресе стоматологиялық, олардың этиологиясын, патогенезін және морфогенезін зерттеу болып табылады. Бұл дифференциалды диагностика және дәрігерлік практика үшін алған білім үшін ауру клиникасын тереңдетіп үйрену үшін қажет

Мақсаты – студенттерге ортодонтиялық көмекті ұйымдастыру, тіс-жақ аномалиясының келіп шығуы және оның туындау себептерін зерттеуге, медициналық-биологиялық және медициналық-генетикалық зерттеулердің негізінде, олардың нақтамасы мен жақ сүйегінің өсуін басқаруға арналған ортодонтиялық емнің қажеттілігін, рентгенкинематографиялық, голографиялық, компьютерлі және ортодонтиялық нақтама мен емдеу әдістері туралы түсіндіру және үйрету.

Пәннің мақсаты-білімгерлерге стоматологияда қолданылатын материалдардың құрылымын үйрету.Механикалық,физикалық және технологиялық құрылымын үйрене отырып, стоматологияда материалдарды қолдану орнын түсіндіру. Материалдардың ерекшеліктерін талқылау,стоматологияда қолданылатын қосалқы материалдарды талдау ерекшелігін түсіндіріп,қолдану жолдарын үйрету.Өлшем материалдары металдар мен қорытпалар,уақытша толтырғыш материалдар, тістердің фиссуралары мен ойықтарын пломбалайтын материалдар жайында оқыту.

Пәннің мақсаты-ортопедиялық стоматологияда ең көп қолданатын көпір тәрізді протездер, әртүрлі материалдардан (керамика, пластмасса, металлкерамика, бағалы металдар, ) жасалған көпір тәрізді протездердің клиника лабораториялық кезеңдерін үйрету. Науқастарды тексеру әдістерін, көпір тәрізді протездерге көрсеткіштер және қарсы көрсеткіштермен таныстыру.

Пәннің мақсаты - клиникалық дайындық, студенттерге эстетикалық модельдеу және тістерді қалпына келтіру теориясы мен практикасын, стоматологтың клиникалық стоматологиялық бөлімдерде әрі қарай оқу үшін кәсіби шеберліктерін игеру. Тістерді реставрациялық әдіспен емдеу пәнінің міндеттері: - студенттерге құралдарды, стоматологиялық материалдарды қолдана отырып стоматологиялық жабдықта жұмыс істеу принциптерін және санитарлық-гигиеналық талаптарды, қауіпсіздік ережелерін сақтауды үйрету;

Пән қоғамдық денсаулық сақтаудың негізгі әдістерінің бірі ретінде статистикалық әдісті егжей-тегжейлі зерттейді. Зерттеу жоспарлары, биостатистикада заманауи ақпараттық және компьютерлік технологияларды қолдану, компьютерлік статистикалық бағдарламалар, медициналық, әлеуметтік, биомедициналық, клиникалық және эксперименттік зерттеулерде статистикалық әдістерді қолдану сияқты бөлімдер қарастырылған.

Мақсаты – Студенттерге әр түрлі санитарлық, гигиеналық ережелерді қолдану арқылы стоматологиялық аурулардың алдын алудың нәтижесінде ауыз қуысы шырышты қабаты мен тіндерінің қабыну дерттерін болдырмауға және олардың таралу жиілігін төмендетуге бағытталған іс-шаралардың маңыздылығы мен негізгі әдістері мен ауыз қуысының гигиенасы ережелері туралы түсіндіру және үйрету.

Пән қоғамдық денсаулық сақтаудың негізгі әдістерінің бірі ретінде статистикалық әдісті егжей-тегжейлі зерттейді. Зерттеу жоспарлары, биостатистикада заманауи ақпараттық және компьютерлік технологияларды қолдану, компьютерлік статистикалық бағдарламалар, медициналық, әлеуметтік, биомедициналық, клиникалық және эксперименттік зерттеулерде статистикалық әдістерді қолдану сияқты бөлімдер қарастырылған.

Пәннің мақсаты- пародонт тіндерінің анатомиясы мен физиологиясын ескере отырып, пародонт ауруларының жіктелуін үйрету. Пародонт патологиясымен науқасты кешенді тексеру ерекшеліктерін, пародонт жағдайын индекспен бағалау әдістерін, ауыз қуысына мамандандырылған тістерді тазалау жұмыстарын жүргізуді, гингивиттің жіктелуі, клиникасы, нақтамасы, патологиялық анатомиясы және емін үйретеді.

Мақсаты – студенттерге балалар стоматологиялық клиникасының жұмысын ұйымдастыру, дәрігерлік деонтологиясы, семиологиясы, зерттеу әдістерінен білім беру. Тістер ауруларының клиникалық ағымының, ерекшеліктерін, диагностикасын анықтау және емдеу жоспарын құру. Балалар жасыңдағы стоматологтың негізгі тәжірибелік мануальдық қағидаларың үйрету.

Пәннің мақсаты – студенттерде Түркияның тарихи дамуы туралы жан-жақты түсінік қалыптастыру, тарихи ақпарат жинау, талдау және жалпылау дағдыларын дамыту, Ататүрік принциптерін ғылыми бағалауды қалыптастыру. Курсты оқу барысында студент дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады

«Фармакология» пәнінің мақсаты - тірі ағзалармен дәрілік заттардың өзара әрекеттесуі мен әсер етуін зерттеу. Фармакология – теориялық білімді клиникалық практикамен, әсіресе, фармакотерапиямен біріктіріп оқытылатын мультидисциплинарлы ғылым. Фармакологиялық зерттеулердің құндылығының бірі - дәрілік заттардың клеткалық, субклеткалық және физиологиялық әсер ету механизмдерін анықтай отырып, фармакотерапияның бүкіл ағзаға әсерін зерттеу болып табылады.

Пәннің мақсаты-ортопедиялық стоматологияда қолданылатын жартылай алмалы-салмалы протездермен таныстыру, доғалы протездің түрлерін және жартылай алмалы-салмалы пластинкалық протездерді қолдануға көрсеткіштер мен қарсы көрсеткіштермен таныстыру. Аталған протездердің клиникалық және зертханалық кезеңдерін таныстыру және ерекшеліктеріне көңіл бөлу.

Пәннің мақсаты-пародонт аурулардың профилактикасы бойынша алдын алу шараларын жүргізу, ересектерде аурулардың дамуына табиғи және медициналық-әлеуметтік, экологиялық факторларды бағалау әдістерін қолданудың мүмкіндігі, оларды түзету, гигиеналық мәселелер бойынша санитарлық-ағарту жұмыстарын жүргізу, пародонт ауруларының және басқа да стоматологиялық ауруларының эпидемиологиясы, тұрғындарды гигиеналық тәрбиелеу мен оқыту.

Бұл пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және кешенді зерттеу дағдыларын меңгеруге, өткен мен бүгінгі күннің тарихи процестерінің мән-жайын бағалау, көрсету және түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пәннің мақсаты-студенттерге эндодонтия жайлы түсінік береді. Тістерді және олардың арналарының анатомиялық, физиологиялық және гистологиялық ерекшеліктерімен таныстырады. Эндодонтиялық құрал –саймандардың атауын , қолдану орнын, қолдануға көрсеткіштерін, қолданудан мақсатын үйретеді. Арналарға арналған пломбалық материалдармен таныстырады, оларды жіктеп, қолдануға көрсеткіштерін үйренеді.

Мақсаты – студенттерге науқастарға дұрыс нақтама қою кезінде әр түрлі радиологиялық әдістер мен қызметтерді (X-сәулелерді, Радиациялық физика, Радиобиология. Рентгендік пленка және рентген сәулелері, ауыз ішілік, сыртылық радиографиясы, Рентгенограмманың бағалануы), тіс жегі және периодонтит радиологиясында зертханалық тесерудің емдеу жоспары, клиникалық дәлелді зерттеу әдістерін талдау мақсатында қолданылатын тиімді тәсілдері туралы түсіндіру, үйрету.

Пән мақсаты адам ағзасына инфекциялық және инфекциялық емес аурулардың алдын алу мақсатында қоршаған орта факторларының әсер ету заңдылықтарын зерттеу. Сонымен қатар, тамақ гигиенасы, балалар мен жасөспірімдер гигиенасы, өндірістік және қоғамдық гигиена, профилактикалық және тұрақты санитарлық бақылау тақырыптары қамтылған

Пәннің мақсаты аурулардың этиологиясын, берілу механизмін және алдын-алуды қарастыру. Эпидемиологияны зерттеу инфекциялық, паразиттік және жұқпалы емес аурулардың алдын-алу бойынша медициналық мекемелерде, халықтың әртүрлі контингенттері арасында жеке, топтық және популяциялық деңгейлерде, сондай-ақ төтенше жағдайлар кезінде теориялық және практикалық дағдыларды қалыптастырады

Пәннің мақсаты-ортопедиялық стоматологияда науқастарда кездесетін толық тіссіздік кезінде протез дайындаудың клиникалық және зертханалық кезеңдерін үйрету. Науқастарда кездесетін физиологиялық және патологиялық тістем жағдайында толық алмалы-салмалы протездер дайындаудың ерекшеліктерін үйрету. Пластинкалы протездердің сынығы кезінде қайта қалпына келтіруді үйрету.

Балалар жасындағы стоматология балалардағы клиникалық және функционалдық диагностика әдістерін, жансыздандыру түрлерін, пульпиттің даму және емдеу ерекшеліктерін, уақытша тістерді жою операциясының ерекшеліктерін, көрсетімдері мен қарсы көрсетілімдерін, тіс-жақ жүйесінің жас ерекшеліктерін, балалардағы тіс-жақ аномалияларын және деформацияларды тексеру және емдеу әдістерін зерттейді.

Пәннің мақсаты-пародонтоз және пародонтит ауруларының жіктелуін, пародонтоз және пародонтит ауруларымен ауырған науқастардың клиникасы, нақтамасы, салыстырма нақтамасы және емі, пародонт ауруымен ауырған науқастарды емдеу кезінде қолданатын кешенді емдердің маңызын, науқастарды емдеу кезінде міндетті түрде хирург стоматолог және жалпы ағза мамандарымен жұмыс жасауды үйретеді.

Мақсаты – студенттерге хирургиялық стоматологияда оталар жасау кезінде жиі қолданылатын әдістердің бірі жергілікті жансыздандыру және оған қолданылатын дәрі-дәрмектер, оның түрлері, көрсеткіштері мен қарама-қарсы көрсеткіштері. Жергілікті жансыздандырудан кейін болатын асқынулары, алғашқы медициналық көмек көрсетудің түрлері, сонымен қатар Үшкіл жүйке жүйесінің анатомиясы құрылысы мен қызметінің ерекшеліктерін түсіндіру, үйрету.

Мақсаты – студенттерге хирургиялық стоматологияда оталар жасау кезінде жиі қолданылатын әдістердің бірі жергілікті жансыздандыру және оған қолданылатын дәрі-дәрмектер, оның түрлері, көрсеткіштері мен қарама-қарсы көрсеткіштері. Жергілікті жансыздандырудан кейін болатын асқынулары, алғашқы медициналық көмек көрсетудің түрлері, сонымен қатар Үшкіл жүйке жүйесінің анатомиясы құрылысы мен қызметінің ерекшеліктерін түсіндіру, үйрету.

Пәннің мақсаты-ұлпа қабынуының жіктелуі, клиникасы, салыстырма нақтамасы және қолданатын емдеу әдістерін, периодонт аурулары жайлы түсінікті қалыптастырады. Аурудың түрлерін бір – бірінен ажырату, олардың халықаралық номенклатура бойынша жіктелуі, клиникасы, салыстырма нақтамасы және емдеу әдістерінің түрлерін үйретеді.

Мақсаты - Ортодонтия және балалар протездері емдеу шараларының инновациялық әдістер түріне жатады. Ортодонтия бөлімінің жұмысын ұйымдастыру. Ортодонтия бөлімінің. жабдықтары мен құрал- саймандары. Алынбайтын, алмалы-салмалы орто-донтиялық аппараттар. Элайнерлер. Ортодонтикалық микровинттердің қазіргі құрылымдары. Тіс жақсүйек аномалияларын түзетуге арналған имплантаттар. Тіс жақсүйек аномалияларын алдын алу. Ортодонтикалық емдеу барысындағы қателіктер мен асқынулар. Ретенционалдық кезеңдерді түсіндіру, үйрету.

Мақсаты – студенттерге ауыз қуысы, тіс, жақ ауруларының даму ерекшеліктері, Ақыл тістердің қиналып шығуы, асқынулары. Сілекей бездерінің, самай-төменгі жақ сүйегі буынының, жақ-бет аймағының жүйке жүйесінің аурулары мен жарақаттарын зерттеу мен емдеу жолдары туралы түсіндіру, үйрету.

Мақсаты – студенттерге ауыз қуысы, тіс, жақ ауруларының дамуы, тіс жұлу отасы төменгі және жоғарғы жақта тіс жұлудың әдістерінің ерекшеліктері, күрделі тіс жұлу, асқынудың алдын алу. Хирургиялық стоматологияда төтенше жағдайлар. Ақыл тістердің қиналып шығуы, асқынулары. Сілекей бездерінің, Самай-төменгі жақ сүйегі буынының, Жақ-бет аймағының жүйке жүйесінің аурулары мен жарақаттарын зерттеу мен емдеу жолдары туралы түсіндіру, үйрету.

Пәннің мақсаты-тісжегі ауруының жіктелуін, тіс жегі ауруларының этиологиясы, патогенезі, клиникасы, нақтамасы, салыстырма нақтамасы және емін, тістің қатты тіндерінің тісжегі емес ақауларының жіктелуі, этиологиясы, патогенезі, патологялық анатомиясы, нақтамасы, салыстырма нақтамалары және тістің қатты тіндер ауруларын емдеуде кездесетін қателер мен асқынуларды оқыту.

Жалпы хирургия пәнінің мақсаты - хирургиялық науқастарды соның ішінде (жарақаттар, жаралар, қан кетулер, күйіктерді), тексеріп, емдеу дағдыларын үйретеді. Шұғыл жүрек -өкпе реанимация дағдыларын симуляциялық орталықта меңгереді. Пәнді оқу барысында жалпы хирургия аймағында кәсіптік қызметіне керекті және қажетті тәжіибелік дағдыларды меңгереді.

Мақсаты – студенттерге стоматологиялық хирургиялық зерттеу кезінде науқасты жіті тексеру мақсатында қазіргі заманауи құрал-жабдықтар көмегіне жүгінуге қажеттілік туады. Сондықтан УДЗ, Ортопантограмма, МРТ және тағы басқада құрал-жабдықтар қолданылады.Науқасты толық зерттеу мақсатында клиникада және емханада қосымша тексеру әдістерін қолданылады. Ауыз қуысының сыртынан жасалатын радиографиялы, озық бейнелермен жұмыс жасау әдістері. Intraoral (стоматологиялық) - бір немесе бірнеше тістің көрінісі болған жағдайда қолдануды үйрету.

Көз және оның ағзадағы рөлі. Стоматологтың күнделікті қызметі үшін офтальмологияны оқыту мақсаты. Құрылымы, ішіндегісі, топографиялық анатомия, функциялары, ЛОР-мүшелермен, ауыз қуысымен, бас сүйегінің қуысымен анатомиялық көрудің маңызы. Жас анатомиясы. Көру мүшелері анатомиясының жас ерекшеліктері. Клиникалық маңызы.

Мақсаты- Анатомия, есту физиологиясы, тепе-теңдік, мұрын және ЛОР ағзалары мен тіс-жақ жүйе патологиясы клиникасы тұрғысынан дауыс түзуші функция бойынша түсініктерді жақсарту. Құлақтың, мұрынның және тамақтың жалпы ауруларының патогенезі туралы білім беру. Отоскопия, риноскопия, фарингоскопия және ларингоскопия іскерліктері мен дағдыларын үйрету. Есту және вестибулярлық анализаторды зерттеудің негізгі әдістерін үйрету.

Пәнді меңгеру мақсаты хирургиялық аурулармен ауыратын науқастарды клиникалық тексерудің теориялық және практикалық негіздерін меңгеру, хирургиялық емдеу әдістерінің принциптерімен және хирургиялық аурулардың негізгі түрлерінің семиотикасымен танысу. Пәнді игерудің негізгі міндеттері: хирургиядағы диагностикалық және емдік қызметтің жалпы қағидаларымен танысу. Хирургияда жиі кездесетін негізгі аурулар мен жағдайларды, оларды диагностикалау және емдеу принциптерін зерттеу.

Пәннің мақсаты-ісік тәрізді және идиопатиялық ауруларының жіктелуін, ісік тәрізді және идиопатиялық ауруларының этиологиясын, патогенезін, клиникасын, нақтамасын, салыстырма нақтамасын және емін үйрету. Пародонт ауруымен ауырған науқастарды емдеу кезінде қолданатын кешенді емдердің маңызын, науқастарды емдеу кезінде міндетті түрде хирург стоматолог және жалпы ағза мамандарымен жұмыс жасауды үйрету.

Пәннің мақсаты-стоматология шығу тарихын, алғашқы дәуірдегі стоматология және қазіргі заманмен байланыстыру, орта дәуірдегі стоматология және қазіргі заманмен байланыстыру, ХХ ғасырда стоматологияның бөлімдеріне қарай дамуы және профилактикалық стоматология, таяу кезеңдегі стоматологияның шығу тарихын үйрету.

Мақсаты – студенттерге аурудың пайда болуына және дамуына жол бермеуге бағытталған іс-шаралар кешені ғана емес, сонымен қатар заманауи медициналық көмек түрі. Тіс ауруларының алдын-алу тақырыбы өте өзекті, себебі негізгі стоматологиялық аурулардың интенсивтілігі айтарлықтай жоғары.Ауыз қуысының гигиенасы ережелерін үйрету. Халықтың стоматологиялық білімі. Дұрыс тамақтану ережелерін үйрету

Пәннің мақсаты медициналық сараптаманың себептерін, тағайындау және өткізу тәртібін, сарапшының құқықтары, міндеттері мен жауапкершілігін көрсетілген Қазақстан Республикасының Қылмыстық кодексімен танысыру. Сонымен қатар, әр дәрігер деонтология және медициналық этиканың негіздерін, медицина қызметкерлерінің кәсіптік құқық бұзушылықтар үшін қылмыстық жауапкершіліктерін білуі керек. Курсында құқық саласының негізін қалыптастыратын құқықтық нормалар мен негізгі түсініктер қарастырылады.

Мақсаты – студенттерге дәрігер науқасқа емдік іс-шараларын жүргізгенде нәтижелі, сапалы зерттеулер мен дәлелденген әдістерді қолдану дәл және мәнін түсініп пайдалану, медицинаның дәлелдеуге негізделген, ізденістегі салыстыруды және алынған дәлелді мәліметтерді ауру белгілерін немесе емдеу әдістерін тұрғындардың мүддесі үшін кең көлемде қолданылатын медицина саласы туралы түсіндіру және үйрету.

Неврология, психиатрия пәні негізгі неврологиялық, психикалық, наркологиялық ауруларға диагноз қою және емдеу шараларының жалпы принциптері, ургентті жағдайлар кезінде шұғыл көмек көрсету, сондай-ақ неврологиялық аурулардың алдын алудың, психикалық бұзылыстар мен тәуелділік ауруларының психогигиенасы мен психо-профилактикасының негіздерін қалыптастыру және сауықтыру мәселелері бойынша білім мен іскерлікті қалыптастыру.

Пәннің мақсаты- ғылыми зерттеудің түсінігі, мәні, түрлері, ғылыми зерттеулерді жоспарлау әдіснамасы, зерттеу құрылымы, принциптері, сандық және сапалық зерттеулердің әдіснамасы, зерттеу жұмыстарын жариялаудың өзекті мәселелері мен міндеттері туралы түсінік қалыптастырады

Пән мақсаты: денсаулық сақтау мен денсаулық сақтаудың теориялық негіздері; демография, демографиялық процестерді зерттеу әдістері; халықтың аурушаңдығы және оны зерттеу әдістерін; халыққа профилактикалық көмекті ұйымдастырудың негіздерін; халықтың денсаулығын бағалау үшін статистикалық әдістерді қолдануды қарастыру

Ішкі аурлар пәнінің мақсаты – ішкі ағза ауруларының этиологиясын, патогенезін, жіктемесін, клиникалық көріністерін, синдромдық диагностикасын, диагнозды дәлелдеу үшін қолданылатын зерттеу әдістерін оқыту. Айғақты медицина тұрғысынан тиімді емдеу принциптерін үйретеді. Сауығу критерийлерін, болжамын, алдын-алу шараларын оқытады.

Мақсаты– студенттерге ортодонтиялық науқастарды клиникалық тексерулердің, зерттеулердің, нақтама қою кезінде қолданылатын нақтамалық құралдардың, емдеуің әдістерінің маңыздылығын, ортодонтиялық емдеудің негізгі принциптері, балалардың тіс-жақ аномалияларын емдеуінің аппараттық əдістері мен жұмсақ тіндердің сараптамасын зерттеу, саусақ сору ауыз қуысының тыныс алу дағдылары және миофункционалды терапия әдістері туралы түсіндіреді, үйретеді.

Пәннің мақсаты -«Балалар аурулары» пәнін оқу өздігінен жұмыс істеу кезінде білімгерлердің кұзыреттілігін және кұзіреттілік аясында бағалау, оқыту әдістерін жетілдіру. Балалар жасындағы кең тараған патологияларды диагностикалау және емдеу мәселелері бойынша білім мен машықтарды қалыптастыру

Пәннің мақсаты- студенттерді келешекте науқастармен өзара дұрыс қарым-қатынас жасауға, ятрогениялық әрекеттер жасамауға үйретеді. стоматологиялық жәрдем беруді ұйымдастырудың негізін, , стоматологиялық науқасты тексеру схемасы, анамнез жинауда және диагноз қоюда алған білімін қолданады. Сонымен бірге әріптестер арасындағы қарым- қатынасқа, өздерін ұстауға, диалогты дұрыс қалыптастыруға үйретеді.

Клиникалық патоморфологияның» негізгі мақсаты студенттердің патоанатомиялық қызметті ұйымдастыру, оның міндеттері мен биопсия-секциялық материалдарды клиникалық-анатомиялық талдауға қойылатын негізгі талаптарды, сонымен қатар патоанатомиялық (клиникалық анатомиялық) диагноз тұжырымдамасын қалыптастыру, клиникалық диагноздың сапасын бағалау, клиникалық диагноздың сәйкес келмеу себептері мен категорияларын білу.

Ішкі аурлар пәнінің мақсаты – ішкі ағза ауруларының этиологиясын, патогенезін, жіктемесін, клиникалық көріністерін, синдромдық диагностикасын, диагнозды дәлелдеу үшін қолданылатын зерттеу әдістерін оқыту. Айғақты медицина тұрғысынан тиімді емдеу принциптерін үйретеді. Сауығу критерийлерін, болжамын, алдын-алу шараларын оқытады.

Пәннің мақсаты тері және оның қосындылары «шаш, тырнақ» және олардың әр түрлі ауруларын оқыту. Дерматология жалпы терінің анатомиясы мен физиологиясын, терінің ауруларының жалпы даму заңдылықтарын, оларды емдеу мен алдын-алу шараларын қарастырады. Венерология- венерологиялық аурулардың пайда болу себептерін, таралу жолдарын, аурулардың диагностикасы мен клиникалық ағымын зерттейді.

Мақсаты - толық тіссіз жақтың анатомиялық ерекшеліктері, ауыз қуысының ұяшық өсіндісінің, ауыз қуысының кіреберісін қайта қалпына келтіру оталары, френулопластика, хирургиялық стоматоло-гияда қолданылатын оталар, пародонт ауруларының кешенді емдеу барысындағы хирургиялық әдістер. Ауыз қуысын протездеуге хирургиялық жол мен дайындау. Ауыз қуысы, жақ-бет әлпетінің анатомиялық құрылысы, қызметтерінің ерекшеліктерін түсіндіру, үйрету.

Пәннің мақсаты- тыңдаушыларды Денсаулық сақтау саласындағы басқару негіздеріне заманауи көзқараспен таныстыру, шаруашылық жүргізудің қазіргі нарықтық жағдайларында менеджмент теориясы мен тәжірибесінің негіздерін оқу, жүйелеу және бекіту, Қазақстан Республикасының Денсаулық сақтау саласын дамытудың қазіргі кезеңінде денсаулық сақтау ұйымдарын басқару ерекшеліктерін көрсету.

Мақсаты – студенттерге жақ-бет хирургиясы жақ-бет аймағының жұмсақ тіңдерінің және жақ сүйектерінің қабыну ауруларының, жарақаттарың емдеуге бағытталған хирургиялық стоматологиялық көмектің емханалық саласы болып табылады. Хирургиялық стоматологиялық науқастарды қабылдауда оларды есепке алу, есептілік құжаттарын жүргізу, соны мен қатар хирургиялық стоматологияда отаның түрлері мен тігіс салу кезінде қолданылатын заттарды, дәрі-дәрмектерді түсіндіру, үйрету.

Пәннің мақсаты- адамның еңбек ету барысында оған оптимальды жағдай туғызу мақсатында функциональды мүмкіндіктерді, эргономика міндеттерін, еңбекті жоғары, сапалы және тиімді ету, дәрігерге жұмыс жайлылығын қамтамасыз ету,дәрігер және басқа медициналық қызметкерлердің жұмысына максимальды жағдай жасауды үйрету.

Пәннің мақсаты ішкі ағзаларының аурулары кезіндегі әртүрлі ауыр жағдайлардағы науқастарға жасына байланыссыз жедел жәрдем беру мәселелері бойынша білімдерін және іскерліктерін қалыптастыру, сонымен қатар төтенше жағдайларда (суға бату, тұншығу, жарақаттар, уланулар және т.б.) дәрігерге дейінгі алғашқы көмек көлемінде жедел медициналық жәрдем беру.

Мақсаты - Жақ-бет аймағының одонтогенді аурулары (созылмалы периодонтит және созылмалы периодонтиттің өршуі, инфекцияның түрлері, лимфаденит, жедел іріңді периостит, одонтогенді (абсцесс, флегмона) және одонтогендіқ емес, арнайы қабыну аурулары. Жақ-бет аймағының жарақаттары, жақтардың сынуы, емдеу әдістері, күтімі, тамақтануы, науқастарға жедел көмек көрсету туралы түсініктеме беру, үйрету.

Мақсаты- студенттерде жұқпалы аурулар мен инфекциялық патологияны диагностикалау, емдеу және алдын алу әдістерін, жұқпалы аурулар, инфекциялық аурулар, патогенді немесе шартты-патогенді қоздырғыштармен (инфектогенді) ағзаның бәсекелестік қабілетін әзірлеу туралы түсінік қалыптастырады.

Пәннің мақсаты-түбір өзектерін заманауи құрылғылармен жұмыс істеу тәсілін үйрету, микроскоптармен, апекслокаторлармен, рентгенологиялық тексеруді қолдана отырып жұмыс жасауға үйрету. Алдын емделген асқынған түбір өзектерін емдеуде қолданатын аралас хирургиялық әдістерді меңгеру.

Мақсаты – студенттерге тіс қатарының ақауларында емханалық емдік шараларын қолданып қалпына келтіру үшін тістік имплантологияның көмегіне жүгінуге қажетті жағдайлар туындайды. Тістік имплантологияға сипаттама беру, түрлер, қолдану аясы мен ерекшеліктері. Науқастарды таңдау критерийлері, көрсеткіштері және қарсы көрсеткіштері, тіс тіндердің анатомиялық және гистологиялық ерекшеліктері, жергілікті сүйек жетіспеушілігінде қолданылатын әдістеме-лерін, асқынуларын түсіндіру, үйрету.

Заманауи аспаптық зертханалық және функционалдық зерттеу әдістерінің нәтижелерін интерпретациялау

Денсаулық сақтау саласындағы стандарттарды ұстана отырып, кәсіби білімін көрсету

Балалармен ересек жастағы пациенттерге шұғыл және жедел шұғыл медициналық көмек көрсету білімімен дағдыларын меңгеру және ауруханаға жатқызу көрсеткіштерін анықтау

Қазіргі статистикалық бағдарламалар негізінде деректерді статистикалық өңдеуді жүргізе білу

Дәлелді медицина принциптері негізінде негізгі стоматологиялық аурулар кезінде сұрау, тексеру, диагностика, емдеу және динамикалық бақылау әдістерін білу мен түсінуді көрсету

Құпия ақпаратпен жұмыс істеу бойынша қоғамда қабылданған моральдық және құқықтық нормаларды ескере отырып, кәсіби қызметті жүзеге асыру, дәрігерлік құпияны сақтау

Медициналық этика және деонтология принциптерін сақтай отырып, балалар мен ересектердің психофизиологиялық ерекшеліктерін ескере отырып, стоматологиялық практикада коммуникативтік дағдыларды меңгеру

Өз зерттеулерінің нәтижелерін таныстыру, өз жұмысында академиялық адалдық принциптері мен мәдениетін қолдану

Үздіксіз өз білімін және дамуын жүзеге асыру

Медициналық-биологиялық және клиникалық пәндер негіздерін білу арқылы аурулардың негізгі патологиялық симптомдарымен синдромдарын анықтау

Барлық жастағы стоматологиялық аурулары бар пациенттерді олардың қажеттіліктерімен сұраныстарын ескере отырып тексеруді және емдеуді жоспарлау

Пациенттермен/отбасылармен және әріптестері мен өзара іс-қимылда айқын, тиімді кәсіби байланыспен рефлексия көрсету

Дәрігердің кәсіби қызметінде менеджменттің, маркетингтің негізгі принциптерін іске асыру

Халықтың денсаулығына қол жеткізу үшін денсаулық сақтау жүйесінің дәрігерлерімен және басқа да мамандарымен тиімді жұмыс істеу

Салауатты өмір салтын қалыптастыру және стоматологиялық аурулардың алдын алу дағдыларын меңгеру