8D10110 Медицина в Қожа Ахмет Ясауи атындағы Халықаралық қазақ-түрік университеті

Докторанттарда диссертациялық жұмысты орындау және ғылыми мақалаларды жазу кезінде қолданылатын ақпаратты жинау, өңдеу және талдау әдістері туралы дағдылар мен білімді қалыптастыру. Бұл білім алушыға өзінің диссертациялық жұмысында зерттеудің сапалық және сандық әдістерін таңдауға мүмкіндік береді. Білімалушыға ғылыми әдісті ғылыми-зерттеу жұмыстарында қолданудың мәні мен ерекшеліктерін түсінуге, ғылымның қазіргі заманғы деңгейіндегі ғылыми мәселелерді қоюға және шешуге мүмкіндік береді.

Пән аясында ғылыми-зерттеу жұмысын жалпы академиялық адалдық қағидалары шеңберінде ғылыми этикаға сай жазу, жобалау, жүргізу жолдары және оларды салыстырмалы талдау, бағалау әдістері көрсетіледі. Сондай-ақ, халықаралық ғылыми дерекқорлар мен әртүрлі ғылыми баспалар таныстырлып, қалай жұмыс жасау, олардың өнімдерін қалай және қай жерде пайдалануға болатындығы үйретіледі. Ғылыми-зерттеу жұмыстарына сілтеме жасау және плагиатқа тексеру әдістері мен бағдарламалары таныстырылады.

Қолайсыз нәтиженің туындау ықтималдығын азайтуға негізделген басқарушылық шешімдерді қабылдау және орындау процесстері қаралатын болады. Зерттеу барысында білім алушы зерттеудің заманауи әдістері мен дағдыларын қолдана отырып, келесі кезеңдерде тиісті шешім қабылдау үшін жеткілікті толық ақпарат жинау тиіс. Докторант кездейсоқ оқиғалардың (тәуекел) адам қызметінің әртүрлі салаларына, соның ішінде пациенттердің денсаулығына да физикалық, моральдық және экономикалық залал келтіретін әсерін зерттей алады.

Пәннің мазмұнында заманауи ұйымдастыру ақпараттық технологияларын, математикалық және әлеуметтік статистика әдістерін қолдана отырып, тұрғындардың денсаулығы мен қоршаған орта мәселелерін зерттеу әдістемелері берілген. Сонымен бірге қолданбалы статистикалық бағдарлама жинақтарын пайдалану арқылы категориялық мәліметттерді сараптау қарастырылады және зерттеледі, бұл биомедициналық ғылыми зерттеулерде қолданылатын негізгі статистикалық критерийлерді сараптауға және интерпретация жасауға қабілетті етеді.

Пән ғылыми зерттеудің сипаты мен әдістемесін таңдауда этикалық көзқарастардың әсерін және негізгі категориялардағы этикалық стандарттарды қарастырады. Зерттеу барысында этикалық нормалар, мәдениет аралық ғылыми ортадағы этикалық мәселелер сарапталады. Бұл биомедициналық технологиялардың жетістіктерімен, биология мен медицинаның жаңа ғылыми жетістіктерімен байланысты туындайтын, денсаулық сақтау практикасына еңгізілетін, кейде екіұшты және қарама-қарсы пікірлер мен бағалауды тудыратын этикалық-философиялық, медициналық-әлеуметтік, әлеуметтік-құқықтық және басқа да проблемаларды түсінуге мүмкіндік береді.

Бұл пәнді оқытудың негізгі мақсаты гранттық қаржыландыруға өтінімдерді жазу дағдыларын, іскерліктерін, білімдерін, сондай-ақ принциптерін дамыту болып табылады. Докторанттарға ғылыми жобаны басқарудың негізгі ережелері және ғылыми зерттеу жүргізу әдіснамасы толық көлемде баяндалып, ұсынымдар мен практикалық кеңестер берілетін болады. Бұл гранттық жобаны бағалау элементтерін, жобаның өзектілігін зерделеуге мүмкіндік береді, сондай-ақ гранттық жобаны толтыру кезінде туындайтын проблемалар қаралатын болады.

Ғылыми-зерттеу еңбектерін жазуда, ғылыми этика шеңберінде академиялық адалдық қағидаларын қолданып, халықаралық ғылыми дерекқорлар өнімдерін пайдаланады;

Кәсіби саласында қолданылатын заманауи зерттеу әдістері мен дағдыларының ерекшеліктерін жүйелі түрде түсініп, ғылыми-зерттеу жұмыстарында қолданады;

Зерттеу бағыты бойынша мақсаттар мен міндеттерді анықтай отырып, зерттеу нәтижелері негізінде қағидалар ұсынып, ғылыми еңбектерді әзірлейді және қорғайды;

Ғылыми іс-шараларға, іргелі ғылыми отандық және халықаралық жобаларға қатысады;

Ғалымдармен байланыс ұйымдастырады және орнатады, денсаулық сақтау мен медицина ғылымының идеялық-әдістемелік ерекшеліктеріне көңіл бөледі;

Өзіндік жаңа ғылыми идеяларды тудырады, өз білімі мен идеяларын ғылыми қоғамдастыққа қосады, ғылыми білімнің шекарасын кеңейтеді;

Тиісті саладағы мәселелерге кәсіби және жан-жақты талдау жүргізуге қабілетті;

Жаһандану және интернационалдану жағдайында отандық медицина ғылымының қазіргі даму тенденцияларын, бағыттары мен заңдылықтарын ұйымдастырады және қалыптастырады