8D01530 Информатика в Павлодар педагогикалық университеті

Пән білім алушыларды бұлтты технологиялар мен электрондық оқытуды ғылыми қызметке интеграциялау, цифрландыру және электрондық оқыту жөніндегі нормативтік құжаттаманы зерделеу бойынша практикалық біліктер мен дағдыларды игеруге дайындайды, практикада білім алушылар ғылыми қызметтегі бұлтты технологиялар мен есептеулердің мүмкіндіктерін, электрондық оқыту платформасын салыстырады, ЖАОК платформаларында және командалық жұмыс форматында ресурстарды құру сервистерінде электрондық білім беру ресурстарын әзірлейді.Қорытынды жоба бағаланады.

Бұл курс Ғылыми жарияланым дардың онлайн сервистерін пайдалана отырып, әдебиеттерге жүйелі шолу жасауды, ми шабуылы және сыни талдау әдістерін қолдана отырып, зерттеу логикасын сипаттауды, ғылыми этика және академиялық адалдық нормаларына сәйкес мақалаларды, докторлық диссертацияны сәтті жазуға арналған ақпаратты синтездеуді қамтитын академиялық стильде ғылыми мәтінді ресімдеу әдістерін зерделеуге бағытталған. Мәтіндерді талдау, өзіндік жұмыс, жазбаша жұмыстарды бағалау кезінде кейс-әдісі қолданылады.

Пән зерттеу жұмысын ұйымдастырудың теориялық-әдістемелік мәселелерін, әдіснамалық аппаратты зерделеуге, гипотезаны тексеру үшін зерттеудің теориялық және эмпирикалық әдістерін негіздеу мен қолдануға, ғылыми-зерттеу қызметін ұйымдастыруда ғылыми логика заңдарын, стандарттарды пайдалануға бағытталған; білім алушылар практикада модельдеуді және зерттеу нәтижелерін жүйелі талдауды қолдана отырып, ғылыми менеджмент қағидаттары негізінде психологиялық-педагогикалық эксперимент жүргізу әдістерін меңгереді. Жүргізілген экспериментті кешенді бағалау жүзеге асырылады.

Пән білім алушыларды қазіргі заманғы оқыту процесінің талаптарына сәйкес қазіргі заманғы білім беру технологияларын талдау және әзірлеу дағдыларын игеруге дайындайды, практикада STEM-де білім беру техногияларын педагогикалық модельдеу мен жобалауды, оқытудың әдістемелік жүйесін жалпылауды меңгереді, пәндердің оқу-әдістемелік кешенін және жобалау жұмысы түріндегі цифрлық ресурстарды әзірлейді, білім беру технологияларын енгізудің тиімділігін бағалауды жүзеге асырады. Білім беру технологиясы жобаны шығармашылық қорғау түрінде бағаланады.

Бұл курс білім беру мекемелерінің үлкен деректерін интеллектуалды талдау және визуализациялау әдістерін зерттеуге бағытталған, іс жүзінде студенттер білім беру жүйелерінде өңдеу, статистика, талдау, болжау және басқару шешімдерін қабылдау үшін автоматтандырылған құралдарды қолдануды үйренеді, R бағдарламалық пакеттерін қолдана отырып жасырын ақпарат алу үшін деректерді визуализациялайды.

Курс докторанттардың цифрлық білім беру ортасының құрылымын, бизнес-процестерді цифрландыруды, деректер негізінде басқаруды зерделеуіне бағытталған. Білім алушылар білім беру өнімдерімен, персоналды дамыту жүйесімен, білім беру процесін цифрландыру кезінде экожүйелік өзара іс-қимылды ұйымдастырумен танысады, практикада есептеу қуатын және IT-инфрақұрылымды анықтауды, онлайн сервистерде UX/UI пысықтауды жүзеге асыруды, жобалық командалық жұмыс форматында ғылыми тәсілді пайдалана отырып деректер модельдерін құруды үйренеді. Қорытынды жоба бағаланады.

ОН1. Ғылыми этика және академиялық адалдық нормаларына сәйкес академиялық стильде ғылыми жұмыс жазу.

ОН2. Ғылыми менеджмент принциптері негізінде ғылыми зерттеу әдістерін қолдана отырып, психологиялық-педагогикалық эксперименттер жүргізу.

ОН3. Қазіргі заманғы оқыту процесінің талаптарына сәйкес білім беру технологияларын әзірлеу.

ОН4. Ғылыми тәсілді пайдалана отырып, цифрлық білім беру ортасын және білім беру мекемелерінің IT-инфрақұрылымын жобалауда инновациялық технологияларды қолдану.

ОН5. Ғылыми зерттеулердің үлкен деректерін (Big Data) жинауды және өңдеуді, кейіннен оларды визуалдауды жүргізу.

ОН 6. Бұлтты технологиялар мен электрондық оқыту технологияларын ғылыми қызметке біріктіру.