8D04117 Қаржы в Қожа Ахмет Ясауи атындағы Халықаралық қазақ-түрік университеті

Пән аясында ғылыми-зерттеу жұмысын жалпы академиялық адалдық қағидалары шеңберінде ғылыми этикаға сай жазу, жобалау, жүргізу жолдары және оларды салыстырмалы талдау, бағалау әдістері көрсетіледі. Сондай-ақ, халықаралық ғылыми дерекқорлар мен әртүрлі ғылыми баспалар таныстырлып, қалай жұмыс жасау, олардың өнімдерін қалай және қай жерде пайдалануға болатындығы үйретіледі. Ғылыми-зерттеу жұмыстарына сілтеме жасау және плагиатқа тексеру әдістері мен бағдарламалары таныстырылады.

Әлемдік қаржылық дағдарыс жағдайындағы қаржылық технологиялар мен қаржы жүйесі пәнін меңгерудегі негізгі мақсат - жоғары оқу орнынан кейінгі кәсіптік білім берудің (докторантура) негізгі Кәсіптік білім беру бағдарламасының жалпы мақсаттарына сәйкес докторанттардың әлемдік қаржы және ақпараттық ресурстар үшін жаһандық бәсекелестік жағдайында қалыптасатын өзекті саяси-экономикалық салада жүйелі білім қалыптастыруы болып табылады. Қаржылық технологияларды игеріп, әлемдік дағдарыс кезеңінде тығырықтан шығу әдістерін қолдануға дағдыланады.

Бұл курста қаржылық реттеудің қазіргі заманғы туындайтын проблемаларды шешудің теориясы мен практикасы, қоғамның әлеуметтік-экономикалық дамуының әртүрлі кезеңдеріндегі реттеу процесінің деңгейі мен сапасын бағалау мәселелерді қамти отырып білімін ұштайды. Докторанттар экономиканы реттеудің нақты экономиканың міндеттерін шешуге бағытталған заманауи қаржылық әдістерін талдайды. Курстың интерактивті кейстері экономиканың ұзақ мерзімді дамуын қаржылық реттеудің стратегиялық басымдықтарының жүйесін әзірлеуге негізделген.

Пәнді оқу барысында докторанттар қаржы пәндерін оқытудың теориялық-әдістемелік негіздерін (принциптері, әдістері және т.б.) білуі тиіс. Оқытудың интерактивті әдістері негізінде оқу процесінде инновациялық технологияларды қолданбалы пайдалану дағдыларын алу. Дәрісті үйрену барысында қазіргі заманғы қаржы пәндерінің жаңа әдістерін оқып үйренуге дағдыланады. Бұл пәннің мақсаты - жоғары оқу орындарындағы іргелі теориялық білімді алуға, сондай-ақ қаржы саласындағы практикалық дағдылар алуға бағыттау және білім алушылардың жалпы кәсіби құзыреттіліктерді қалыптастыру болып табылады

Докторанттарда диссертациялық жұмысты орындау және ғылыми мақалаларды жазу кезінде қолданылатын ақпаратты жинау, өңдеу және талдау әдістері туралы дағдылар мен білімді қалыптастыру. Бұл білім алушыға өзінің диссертациялық жұмысында зерттеудің сапалық және сандық әдістерін таңдауға мүмкіндік береді. Білімалушыға ғылыми әдісті ғылыми-зерттеу жұмыстарында қолданудың мәні мен ерекшеліктерін түсінуге, ғылымның қазіргі заманғы деңгейіндегі ғылыми мәселелерді қоюға және шешуге мүмкіндік береді.

Мінез-құлық қаржысы инвесторлардың рационалды әрекет етеді деген тұжырымдамасын жоққа шығара отырып қаржылық шешімдерді қабылдауда қажетсіз деп қабылданған компоненттерді де ескеретін жаңа қаржылық модельдерді жасайды. Бағалы қағаз кірістілігін бөлудің оң жақты асимметриясы орташа кірістіліктің төмендігін талдайды. Тәуекелдерден бас тарту және «тар шеңбер» тетігі инвестициялық мүмкіндіктерді таңдауды қысқартады.

Кәсіби саласында қолданылатын заманауи зерттеу әдістері мен дағдыларының ерекшеліктерін жүйелі түрде түсініп, ғылыми-зерттеу жұмыстарында қолданады

Ғылыми-зерттеу еңбектерін жазуда, ғылыми этика шеңберінде академиялық адалдық қағидаларын қолданып, халықаралық ғылыми дерекқорлар өнімдерін пайдаланады

Зерттеу бағыты бойынша мақсаттар мен міндеттерді анықтай отырып, зерттеу нәтижелері негізінде қағидалар ұсынып, ғылыми еңбектерді әзірлейді және қорғайды

Қаржы саласындағы әртүрлі ғылыми пікірлер мен теорияларды сыни тұрғыдан талдай және салыстыра отырып, инновациялық және қаржылық зерттеу әдістерін қолданады

Қаржы нарығының мінез-құлық процестері мен құралдарын, тәуекелдерді, басқару шешімдерін, заманауи әдістерді қолдана отырып, қаржылық және инвестициялық қызметті бағалау әдістерін іс-жүзінде қолданады

Алған дағдыларын тәжірибеде қолдананып, әлемдік қаржы дағдарысы жағдайында қаржылық технологияларды талдайды және салыстырады