7M05408 Есептеу ғылымдары және статистика в Әл-Фараби атындағы Қазақ ұлттық университеті

Пәннің мақсаты - ғылыми зерттеулерді ұйымдастыру және жүргізу үшін базалық білім мен дағдылар жүйесін қалыптастыру. Ғылыми мақаланы ұйымдастыру, ғылыми жарияланымдардың халықаралық жүйесі, халықаралық ғылыми жарияланымдар жүйесіндегі авторлық құқықтар, Халықаралық ғылыми жарияланымдар жүйесіндегі библиометрикалық (ғылымиметрикалық) индикаторлар: ғылыми дәйексөз алу индексі және импакт-фактор қарастырылатын болады

Мақсаты: Больцманның торлы теңдеулері әдісімен бір фазалы сұйық және газ ағындарын модельдеу. Пәннің мазмұны: бір фазалы ағындардың физикалық негіздері, бір фазалы ағындар үшін Больцманның торлы модельдерін талдау, Больцманның торлы теңдеулері әдісінің сандық алгоритмін жүзеге асыру.

Стахостикалық аппроксимацияның есептері шешіледі: стохастикалық аппроксимация әдісімен теңдеулерді шешу, экстремумдарды табу және қосымша басқарушы параметрі бар үлестірім тығыздығының белгісіз параметрін бағалау. Басқарылатын Марков тізбектері, облыстағы тиімді басқару, басқарылатын Марков тізбектерін тиімді тоқтату туралы есептер қарастырылады.

Ғылыми білім өндіруге бағытталған ерекше қызметтің заңдылықтары мен даму тенденциясын зерттеу. Ол тарихи динамика негізінде және тарихи өзгермелі әлеуметтік-мәдени контексте қарастырылады. Курс арнайы философиялық талдау пәні болып табылатын ғылым феноменінің мәселелерімен таныстырып, ғылымның тарихы мен теориясы, ғылым дамуының заңдылықтары және ғылыми білімнің құрылымы туралы білім қалыптастырады.

Пән білім, білік және дағдыларды қамтамасыз етуге бағытталған, ол белгілі математикалық есептеу әдістерін, анализ және мәліметтерді өңдеудің жоғары өнімді енгізулерін жасауға мүмкіндік береді. Пәнді игерген кезде магистрант алгоритмдерді параллельдеудің теориялық аспектілерін; кластерлерді және кластерлік есептеуді ұйымдастыру технологиялары; деректерді өңдеу алгоритмдерін аппараттық енгізу әдістерін біледі.

Мақсаты - жоғары оқу орындарының дидактикасы, тәрбие мен білім беруді басқару теориялары, педагогикалық қызметті талдау және өзін-өзі бағалау білімдері негізінде университетте педагогикалық іс-әрекеттің қабілетін қалыптастыру. Болашақ оқытушының білім беру қызметін ОКТ қолдана отырып жобалауды, Болон процесін жүзеге асыруды,дәріскерлік,кураторлық шеберлікті оқыту/тәрбиелеу және бағалау стратегиялары мен әдістерін қолдана отырып (TLA-стратегиялар) игеруді қарастырылады.

Пәннің мақсаты: магистранттарда іскерлік және ғылыми салаларда қарым-қатынас жасауға қажетті дағдыларды қалыптастыру, халықаралық ғылыми ұжымдарда ғылыми-зерттеу қызметін жүргізуге мүмкіндік беретін коммуникативтік құзыреттіліктерді жүзеге асыру. Мыналар зерттелетін болады: ауызша, жазбаша және электронды коммуникация әдістері; ағылшын тілінде өнімді кәсіби маңызды мәтіндерді құру.

Бұл пән басқару мен көшбасшылықтың психологиялық теорияларын оқытып, сонымен қатар топтық даму және ұжымдық қалыптасу динамикасын көрсетіп, және көпшілік пен тобыр психологиясының ерекшеліктерін, сондай-ақ қарым-қатынастың психологиялық теорияларын және басқарушылық қарым-қатынас шеңберінде өзінің кәсіби қызметі үшін қажетті жанжалды шешудің стратегияларын объективті бағалау бойынша әлеуметтік-психологиялық құзыреттілікті қалыптастыруға бағытталған болып табылады.

Мақсаты: Больцманның торлы теңдеулері әдісімен көп фазалы және көп компонентті сұйық пен газ ағындарын модельдеу. Пәннің мазмұны: көп фазалы және көп компонентті ағындардың физикалық негіздері, көп фазалы және көп компонентті ағындар үшін Больцманның торлы модельдерін талдау, көп компонентті диффузия теориясы, Больцманның торлы теңдеулері әдісінің сандық алгоритмін жүзеге асыру.

Бұл курстың мақсаты - кванттық есептеу негіздерін, кванттық есептеу модельдерін және тиімді кванттық алгоритмдерді үйрену. Курс кванттық есептеудің пайда болу тарихын зерттейді, кванттық механиканың постулаттарына негізделген қажетті анықтамалар мен түсініктерді енгізеді, кванттық есептеу модельдерін зерттейді, кванттық есептеудің қуатын салыстыратын белгілі кванттық алгоритмдерді егжей-тегжейлі қарастырады.

Стохастикалық процестер мен кездейсоқ функциялар, процестердің стохастикалық анализы, үзіліссіздік және дискреттілік секілді стохастикалық процестердің негізгі қасиеттері қарастырылады. Стохастикалық процесс салдары ретінде Марков процестері қарастырылады. Интегро-дифференциалдық стохастикалық теңдеулер мен стохастикалық дифференциалдық теңдеулер (СДТ) Марков процестерінің анықтамасы болып табылады. СДТ үшін Коши есебі қарастырылады.

Мақсаты: үлкен деректерді жинау, сақтау, ортақ пайдалану, басқару және талдау сияқты Big Data негізгі ұғымдары мен есептерін зерттеу. Пәннің мазмұны: үлкен деректерге арналған заманауи технологияларды меңгеру, құпиялылық пен қауіпсіздік мәселелері, танымал үлкен деректер платформалары, үлкен деректермен жұмыс істеу принциптері, үлкен деректерді талдауға арналған әдістер мен құралдар.

Бұл курстың мақсаты - есептеу торларын одан әрі құру және салынған торлы құрылымдарда ақырғы көлемді және ақырлы элементтер әдістерін жүзеге асыру үшін Вороной бөлімдері және Делоне триангуляциясы сияқты кеңістікті триангуляциялау және бөлу кеңейтілген алгоритмдерін зерттеу.

Мүмкіндігі бойынша Гаусстық әдіспен салыстырылатын деректерді өңдеудің параметрлік емес (мүмкін үлестірім функциялары параметрлерден тәуелді емес) әдістері қарастырылады. Фактолық талдау бойынша, бақыланатын айнымалылар кейбір латентті (гипотетикалық немесе бақыланбайтын) факторлардың сызықты комбинациясы болып табылады.

Бірінші кезекте курс студенттердің терең нейрондық желілерді қолдану арқылы қолданбалы мәселелерді шешу дағдыларын дамытуға бағытталған. Курс нығайтылған оқытудың негіздері мен практикалық қосымшаларын қарастырады және әртүрлі күрделі мәселелерді шеше алатын агенттерді құруда қолданылатын соңғы әдістерді қарастырады.

Шешімдер қабылдаудың Марков процестері немесе басқарылатын Марков процестері қарастырылады. Шешімдер қабылдаудың Марков процестері операцияларды зерттеу, жүйелік талдау, сенімділік теориясы, диагностика, қорларды басқару, бұқаралық қызмет көрсету теориясы, болжау, күрделі техникалық жүйелерді профилактикалық күтудегі есептерді шешу үшін қолданылады. Марков процестерін басқарудың тиімді стратегияларын қолдану маңызды экономикалық эффект береді.

Есептеу математикасының тиімді заманауи әдістерін қолдана отырып, есептеу зерттеулері мен эксперименттерінің алгоритмдерін құру және қолдану

Нәтижелерді тиімді болжау мақсатында есептеу алгоритмінің адаптациясы үшін терең оқыту, нығайтылған оқыту негізінде деректерді интеллектуалды талдау әдістерін қолдану

Инженерлік есептер үшін параллельді есептеу алгоритмдерін құру және оларды жоғары өнімді жүйелерде жүзеге асыру, кванттық есептеу алгоритмдерін құру

СӨЖ үшін әдістемелік ұсыныстар, лабораторялық, практикалық жұмыстар, дәріс курстары, оқулықтар, оқу құралдары, тәрбие жұмыстары жоспары және т.б. құра отырып, инновациялық технологиялар негізінде математикалық пәндер бойынша оффлайн және онлайн режимде сабақтар жүргізу

Есептеу әдістері мен айырымдық схемалардың жинақтылығы мен корректілігіне, сонымен қатар жоғары өнімді алгоритмдер жағдайында математикалық логика және есептеу теориясы элементтерін қолданып, фундаменталды талдау жүргізу

Ақырлы айырымдар, көлемдер және элементтер әдістерімен дифференциалдық теңдеулерді аппроксимациялау негізінде есептеу математикасының алгоритмдері мен әдістерін құру

Заманауи өзекті есептерді шешіп, рейтингы жоғары журналдарға нәтижелерін басылымға шығарып, конференцияларда баяндама жасап, өзіндік ғылыми зерттеулер жүргізу

Шынайы эксперименттер негізінде есептеу жүйелерінің параметрлерін жинақтау, адаптациялау және тестілеу үшін экономика мен өндірістің түрлі салаларында математикалық статистика әдістерін пайдалану

Құрылымды, қисық сызықты, құрылымсыз есептеу торларын тұрғызу және қолдану арқылы күрделі геометриялы облысы бар есептерді шешу

Стохастикалық анализ әдістерін және стохастикалық дифференциалдық теңдеулерді қолдана отырып, түрлі салалрдағы ықтималды үрдістердің есептеу симуляцияларын құру және жүргізу