6B01524 География педагогтерін даярлау в Л.Н.Гумилев атындағы Еуразия ұлттық университеті

Бұл курс географиялық қабық туралы, табиғи кешендерді, үрдістер мен құбылыстарды зерделеуде жүйелі тәсілді, географиялық ашылулар тарихы мен географиялық ғылымның дамуы туралы, қазіргі әлемдегі географияның қызметі, географиялық ғылымдар жүйесі, география әдіснамасы туралы білімді қалыптастыруға бағытталған. Курс болашақ кәсіби қызметімен және оның басқа ғылыми бағыттармен өзара байланысын танып білуге бағытталған. Курс бакалавриаттың нормативті және білім беру құжаттарымен, кәсіптік қызмет объектілерімен, зерттеу әдістемесімен және кәсіби дағдылармен танысуды қарастырады.

Курс география ғылымдары жүйесі мен теориялық негіз туралы негізгі білімді қалыптастыруға бағытталған, Жердің табиғи қабаттары (атмосфера, биосфера); оларды зерттеу әдістерін; өзгерістердің табиғи және антропогендік факторларын зерттеуге бағытталған курстар жүйесінде маңызды орын алады; жаһандық және өңірлік экологиялық проблемалар мен тұрақты даму тұжырымдамасы туралы түсініктерді қалыптастырады; табиғат пен қоғамның өзара байланысы туралы білімді қалыптастыру арқылы патриоттық және экологиялық тәрбиені жүзеге асырады.

Курс Жер құрылысының жалпы географиялық заңдылықтары, табиғат құбылыстары мен үрдістері арасындағы өзара байланысы мен табиғатты қорғау шараларының қажеттілігі туралы түсінік қалыптастырады. Литосфера, атмосфера, гидрофера жер қабығы компоненттерінің қасиеттері мен динамикасы толық қарастырылады. Биосфераны зерттеу кезінде географиялық қабықтың тірі ағзаларының маңызды рөлі ашылып, кешендерінің өзара байланысы көрсетіледі.

«Педагогика» пәнін оқу барысында педагогика ғылымының іргелі және қолданбалы негіздері теориялары және технологиялары жаңа білім беру тұғырлар негізінде меңгертіледі. Педагогиканың теориялық негіздері үдерісінде инновациялық әдістер және педагогикалық іс-әрекеттің практикамен интеграциясы жүзеге асырылады. Болашақ мұғалімдер оқыту мен тәрбиенің принциптерімен, заңдылықтарымен, сонымен қатар, жалпы білім беретін мектептегі оқу-тәрбие үдерісінің жаңа технологияларымен танысады.

Курс студенттерде географиялық қабық және оның компоненттері, табиғатының әртүрлі құбылыстары мен процестері арасындағы байланыстары, қоршаған ортаны қорғау қажеттілігі туралы теориялық білім жүйесін қалыптастыруға бағытталған. Жер қабығы компоненттерінің ерекшеліктері мен динамикасы егжей-тегжейлі қарастырылады: литосфера, атмосфера, гидросфера, сонымен қатар болашақ оқытушыларға қоршаған ортаны зерттеуде жүйелі-пәнаралық көзқарасты дамыту үшін қажетті іскерліктер мен дағдыларды дамытуға ықпал етуге бағытталған

Теориялық, ғылыми және практикалық білім арқылы «Кәсіпкерлік және бизнес» пәні студенттерге бизнес жоспар жасауға, оны ұйымдастыруға және жүргізуге мүмкіндік береді. Сонымен қатар кәсіпкерлік қызмет жүйесінде нақты және туындайтын мәселелерді шешу үшін құқықтық, экономикалық, басқару мен ұйымдастыру мәселелерін шешудің ғылыми-практикалық ойлау жүйесін қалыптастырады.

Курс оқушылардың экологиялық көзқарастарын және экологиялық мәдениеттілікті қалыптастыруға бағытталған. Курстың мазмұны экологиялық проблемалардың маңыздылығын түсінуге және белсенді жастардың қазіргі заманғы қоғамның орнықты дамуына мүмкіндік беретін заманауи жастар арасында экологиялық сауаттылықты дамытуға негізделген. Курста кәсіби қызметтегі және төтенше жағдайларда алғашқы көмек көрсету саласындағы қауіпсіздікті қамтамасыз ету бойынша ережелер мен практикалық дағдыларды зерттеу қарастырылған.

Курс аумақтық объектілерді, процестер мен құбылыстарды сандық сипаттау теориясы саласында базалық білімді, сандық карталарды құрудың технологиялық құралдарын және картографиялық ақпаратты сандық түрге түрлендіру әдістерін меңгеруді, сандық карталарды автоматты түрде құру дағдыларын қалыптастырады. Пән аясында топографиялық және тақырыптық картографиялық ақпаратты кодтау принциптері, мәліметтерді ұсыну құрылымы мен форматтары, сондай-ақ сандық карталарды құрудың техникалық құралдары қарастырылады.

Курс жер ғаламшар ретінде, оның күн жүйесіндегі орны, жердің ішкі құрылысы мен геофизикалық алқаптары, оны зерттеу әдістері, жер тереңдігінде және оның беткі бөлігінде болып жатқан геологиялық процестер, жер қыртысының құрылысы мен құрамы, минералдар мен тау жыныстары, қазіргі геотектоникалық концепциялар, геологиялық уақыт, стратиграфия және геохронология туралы түсініктерді қалыптастырады.

Курс гидросфераны, жер бетіндегі ағынның қалыптасу үрдістерінің жалпы заңдылықтарын, жердің су балансын, құрлықты және өзен бассейндерін зерттеуге, сонымен қатар атмосфераны, оның құрамы мен құрылысын, жылу алмасу, ылғал айналымы мен атмосфералық айналымның принциптері мен заңдарын зерттеуге арналған. Студенттердің гидрометеорологиялық жағдайды бақылауды орындау үшін ұйымдастырушылық, өндірістік және әдістемелік іс-шаралар кешенін игеруі, гидрометеорологиялық өлшемдердің әдістері мен құралдары туралы теориялық білім және алғашқы гидрометеорологиялық ақпаратты алу, өңдеу және сақтау саласындағы практикалық дағдыларды игеру.

Пән қолдану салалары бойынша ҚР «Цифрлық Қазақстан» Мемлекеттік бағдарламасын ендіру және жүзеге асырудың кезеңдерін, электрондық қызметтерді көрсетудің цифрлық платформаларын, әртүрлі кәсіби салалар бойынша цифрлық технологияларды ендіру, қолдану жолдарын қарастырады.

Азаматтар арасында жемқорлыққа қарсы сана-сезім негізін қалыптастыру аясында педагогикалық ғылымдар үшін «Сыбайлас жемқорлыққа қарсы мәдениет» пәні қажет. Мемлекеттің сыбайлас жемқорлыққа қарсы саясаты адамның біліміне негізделген, оның дамуы білім берудің барлық деңгейлеріндегі мұғалімдерге байланысты. Пәннің мақсаты - сыбайлас жемқорлыққа қарсы көзқарас, жемқорлыққа қарсы іс-қимылдарды оқыту

Курс атмосфераның құрылысы, ауа массаларының қозғалысы, радиациялық және жылу балансы, метеорологиялық элементтер туралы; климат, климат түзуші факторлар туралы; гидрологиялық құбылыстар мен процестердің физикалық негіздері туралы, су объектілерінің режимі туралы, су және жылу баланстарын құру туралы, жер беті, топырақ және жер асты суларының өзара әрекеттесуі туралы; жылдық ағынның, максималды және минималды ағынның негізгі сипаттамаларын есептеудің генетикалық және статистикалық әдістерінің теориялық негіздері туралы қажетті білім береді.

Курстың мақсаты – ерекше қажеттіліктері бар балалармен жұмыс істеу кезінде мұғалімнің кәсіби қызметінде студенттердің ақпараттық-коммуникациялық технологияларын қолдану негіздерін меңгеру. Бұл пәнді оқыту студенттерге оқу мен тәрбиенің психологиялық-педагогикалық мақсаттарын іске асыруға негізделген АКТ құралдарын жасау мен пайдаланудың теориясы мен тәжірибесі саласындағы білім мен дағдыларын кешенді қалыптастыруға көмектеседі.

Курс денсаулық мүмкіндіктері шектеулі білім алушыларға арналған білім беру бағдарламаларын, ЕББҚ(ООП)-мен білім алушылардың мүмкіндіктерін ескере отырып, бағдарламалық мазмұнды бейімдеу мәселелерін зерттеуге бағытталған. Студенттер ЕББҚ(ООП)- бар балаларға арналған білім беру бағдарламаларының ерекшеліктерімен танысады. Негізгі білім беру бағдарламасын жүзеге асыру үшін арнайы материалдық-техникалық жағдайлармен; түзету жұмыстар бағдарламасымен; арнайы киім-кешек бөлімдерімен, арнайы білім беру бағдарламаларын іске асырумен жүзеге асады.

Курс геология негіздерін зерделеуді және Жердің шығу тегі мен дамуы туралы жүйелі білімді қалыптастыруды, жер қыртысының заттық құрамы мен оның даму процестері туралы материалдық және диалектикалық түсініктерді қарастыру негізінде география мұғалімдерінің геологиялық және географиялық дүниетанымын қалыптастырады. Тау жыныстарының түзілу ретін анықтаудың және шөгінді қабаттардың пайда болу жағдайларын қалпына келтірудің негізгі әдістерімен танысу. Жердің геологиялық тарихындағы Жер шарының геологиялық құрылымдарының даму тарихын зерттеу болып табылады

Курстың мақсаты инклюзивтік білім берудегі мүгедектігі бар балаларды оқытудың негізгі әдістері мен әдістерін студенттермен таныстыру. Курстың мазмұны мүгедектігі бар балаларды интеграциялаудың модельдерін, білім беру интеграциясының мәселелері мен болашағын, мүгедектердің әлеуметтік бейімделуін, инклюзивті білім беруді басқарудың нормативтік және этикалық негіздерін қамтиды.

Курс білім алушылардың жалпы сөйлеу мәдениетін арттыруға, коммуникативтік әрекеттестіктің әртүрлі жағдайында сөйлеу барысында тілдік құралдарды дұрыс қолдану біліктері мен дағдыларын қалыптастыруға бағытталған. Сөйлеу мәдениетінің негізгі белгілері. Сөйлеу мәдениетінің нормативтік, коммуникативтік, этикалық аспектілері. Сөйлеу этикасы. Сөйлеу стратегиясы, әдіс, тәсілдер. Коммуникативтік сәтсіздіктердің себептері. Ауызша іскерлік сөйлеу мәдениеті және жазбаша сөйлеу мәдениеті.

Курстың мақсаты қазіргі жаһандану заманының барлық қауіп-қатерлерін ескере отырып «Рухани жаңғыру» бағдарламасының аясында қазақстандықтардың рухани құндылықтарын жандандыруға бағытталған түсінік болып табылады. Пәннің мазмұны қоғамдық сананы жаңғырту, бәсекеге қабілеттілікті дамыту, прагматизм, ұлттың жеке құндылығын сақтау, азаматтардың сана-сезімін ояту мен білім беруді дамыту мәселелерін қамтиды.

Курс экология және биогеографияның негізгі ережелері мен принциптері, тірі организмдер мен олардың қоғамдастықтарының географиялық таралу заңдылықтары туралы тұрақты білімді қалыптастыруға мүмкіндік береді; табиғатты қорғау және табиғатты пайдалану саласында алған білімдерін қолдану дағдыларын қалыптастыруға мүмкіндік береді. Курс өсімдіктер мен жануарлар экологиясы бойынша негізгі білімді қалыптастыруға, қоршаған орта факторларының өсімдіктер мен жануарлар ағзаларының тіршілігіне әсері туралы; осы салада қолданылатын негізгі тәсілдер мен концепциялар туралы; оларды биогеографиялық зерттеулерде, тәжірибелік және сараптамалық қызметте қолдану дағдыларын игеруге бағытталған.

Курс биогеография саласында кешенді кәсіби құзыреттіліктерді меңгеруге, атап айтқанда организмдер арасындағы өзара байланыстарды ашуға және олардың жекелеген топтарының биосфера құрамындағы рөлін анықтауға, кеңістікте де, уақытта да өзгеріп отыратын экологиялық ортаға байланысты тірі табиғаттың өзгерістерін көрсетуге бағытталған. Сонымен қатар өсімдіктер, жануарлар және басқа организмдер қауымдастықтарының географиялық таралуы мен орналасуының заңдылықтарын анықтауға бағытталған.

Курс топырақ жамылғысының дифференциациясын сипаттайтын физикалық-географиялық концепцияларды, модельдерді және заңдарды зерттеуге, топырақ типтерінің қалыптасуын және олардың топырақ жамылғысының құрамында орналасуын басқаратын факторларды анықтауға, топырақ жамылғысын қазіргі географиялық аудандастырудың негізіне алынған осы факторлардың иерархиялық өзара қарым-қатынастарымен танысу бағытталған.

Курс эндогенді және экзогенді процестердің өзара әрекеттесуі нәтижесінде жер бедері туралы жалпы теориялық түсініктерді меңгеруге, табиғи кешендердің қалыптасуының негізгі факторларының бірі ретінде жер бедерінің рөлі туралы теориялық түсініктерді қалыптастыруға, адамның әр түрлі дәрежеде шаруашылық қызметі және жер бедерін зерттеудің дәстүрлі, заманауи әдістері туралы, жер бедерін өзгертудегі адамның рөлі және адамның шаруашылық қызметіндегі жер бедерінің рөлін анықтауға бағытталған.

Курс географиялық қабықшаның биотикалық компоненті және жалпы Жер биосферасы туралы негізгі білімді қалыптастыруды қамтамасыз етеді. Топырақтың қалыптасуы мен генезисі, олардың таралу заңдылықтары туралы білім табиғатта күрделі диалектикалық байланыстардың терең ашылуына ықпал етеді. Топырақты табиғи және антропогендік факторлардың өзара іс-қимылы нәтижесінде пайда болған табиғи-тарихи дене ретінде қарастыра отырып, студент табиғатта және қоғамда жалпы байланыс пен өзара іс-қимыл туралы толық түсінік алады.

Курстың мазмұны болашақ мамандардың нақты психологиялық білімдер жүйесін қалыптастыруға бағытталған, бұл оларға педагогикалық жағдайды сауатты талдауға және педагогикалық психологияның негізгі ғылыми тұжырымдамалары туралы теориялық идеяларды кәсіби қызметтің тәжірибелік аспектілерімен байланыстыра отырып қолдануы туралы білімдер жүйесін қамтиды

Курсты оқыту кезінде Қазақстан Республикасы табиғатының және оның компоненттерінің өзара және адамның шаруашылық қызметі – геологиялық құрылымы, жер бедері, климаты, суы, өсімдіктері, топырағы, жануарлар әлемі өзара байланыста қалыптасуының шарттары мен заңдылықтары талданады, аудандастыру мәселелері қарастырылады. Курстың мақсаты - Қазақстан Республикасы табиғи ортасының қалыптасуының, қызметінің, кеңістіктік саралануының, шаруашылық пайдалануының және экологиялық жағдайының аймақтық заңдылықтарын тану болып табылады.

Курсының бағдарламасы болашақ мұғалімдердің оқушылармен тәрбие жұмыстарын өткізуге және ұйымдастыруға теориялық-әдістемелік даярлығы ескеріледі. Білім беру мен тәрбиенің гуманистік парадигмаларын жүзеге асыруға бағытталған тәрбиелік іс-әрекеттің теориялық және практикалық негіздерін қарастырады.

Бұл курс білім алушылар арасында жердің ландшафтық ортасының барлық табиғи компоненттерінің ажырамас бірлігі туралы идеяларды, оның құрылымын құрайтын табиғи геожүйелер туралы білімді қалыптастыруға бағытталған. Курстың мақсаты - физикалық географияның маңызды негізгі бөлігі ретінде ландшафттанудың теориялық негіздерін зерттеу; табиғи кешендер туралы білімді дамытудағы физикалық географияның алдыңғы қатарлы ұстанымдарын негіздеу; халықтық-шаруашылық мақсаттар үшін ландшафттар туралы білімді практикалық қолданудың мүмкіндіктері мен тәсілдерін зерттеу болып табылады.

Курс адамзаттың табиғи және табиғи-антропогендік ортасы ретінде жердің ландшафтық сферасының бірлігі туралы жүйелі түсініктерді қалыптастырады, студенттерді геоэкологиялық көзқарасты қабылдау үшін дайындайды, оның негізі табиғи кешен компоненттерінің өзара байланысы мен адам мен табиғаттың өзара байланысын түсіну болып табылады, табиғи ортаны зерттеудің ландшафтық әдістерін меңгеруді және оның экологиялық жағдайын бағалай білуге үйретеді.

Курс жоғары таксономиялық дәрежелі табиғи-территориялық кешендерінің физикалық-географиялық ерекшеліктерін танып білу, құрлықтар мен жер ғаламшарының қазіргі жағдайы мен қалыптасу тарихы туралы тұтас түсініктерді және әртүрлі дәрежедегі географиялық жүйелердің ерекшеліктерін білу негізінде географиялық дүниетанымды қалыптастырады, сондай-ақ табиғи ортаның қазіргі жағдайын және геоэкологиялық мәселелерді зерттеудің теориялық негіздері мен әдістемелік тәсілдерін білу болып табылады.

Курс заманауи картографияның теориялық концепцияларымен танысуды қарастырады. Геожүйелер мен олардың компоненттерінің құрылымы, байланысы және динамикасы туралы сандық және сапалы ақпаратты алу үшін карталарды талдаудың картографиялық әдісі мен практикалық тәсілдерін зерттеу ерекше маңызға ие. Курс бөлімдерінде ГАЖ заманауи техникалық және бағдарламалық қамтамасыз ету қарастырылады, кең таралған ГАЖ-пакеттерді салыстыру беріледі.

Курс ҚР аумағындағы табиғи кешендер мен геожүйелердің кеңістіктік дифференциациясы туралы, оның табиғи-ресурстық әлеуеті және оны пайдалану мәселелері туралы түсініктерді қалыптастыруға, жалпы географиялық және тақырыптық карталарды талдау негізінде аумақтың физикалық-географиялық сипаттамасын құру бойынша дағдыларды қалыптастыруға бағытталған. Курс ҚР аумағының және оның аймақтарының физикалық-географиялық жағдайын, территорияның физикалық-географиялық аудандастырылуын; географиялық аймақтанудың аймақтық көріністерін, таулы аймақтардағы биіктік белдеуінің құрылымын, территорияны игеру тарихын және табиғатты пайдаланудың қазіргі мәселелерін қарастырады.

Курс құрлықтар мен мұхиттардың қалыптасу тарихы, олардың физикалық-географиялық жағдайы және табиғи салдарлары, географиялық ашылулар мен зерттеулер тарихы, геологиялық құрылысы, жер бедерінің ерекшеліктері, климат түзуші факторлар мен климаты, топырақ-өсімдік жамылғысы, жануарлар әлемі, аймақтық және азоналды табиғи-аумақтық кешендер, адамның шаруашылық қызметі және адамның әр құрлық пен мұхиттың табиғи ортасына әсерінің аймақтық ерекшеліктері туралы базалық жалпы теориялық түсініктерді меңгеруге; физикалық-географиялық елдер мен облыстарға олардың кеңістіктік дифференциациясының факторлары туралы түсінік қалыптастыруға; жердің әр түрлі өңірлерінің табиғаты туралы дүниетанымды кеңейтуге бағытталған.

Курс әлем елдерімен танысудың теориясы мен әдістемесін қарастырады. Пәнді оқу кезінде студенттер мемлекеттерді елтанушылық зерттеудің негізгі принциптері туралы, сондай-ақ туристік ағындары бар мемлекеттердің практикалық маңызы бар сипаттамалары туралы түсініктерді алады. Елтану елдерді кешенді зерттеумен айналысатын, олардың табиғаты, халқы, шаруашылығы, мәдениеті және әлеуметтік ұйымдары туралы әр түрлі деректерді жүйелейтін және жинақтайтын географиялық пән.

Бұл пәнді оқу оқушылардың географияны меңгерудегі нәтижелерін бағалау дағдыларын дамыту болып табылады. Оқушылардың оқу жетістіктерін табысты аяқтауына студенттердің жетістіктерін анықтауға арналған рубрика, бағалау критерилері, тәсілдері мен формалары көмектеседі.

Пән ҚР-ның әлеуметтік және экономикалық географиясын қалыптастыру және дамыту туралы базалық теориялық білімді, экономиканың негізгі салаларын орналастырудың географиялық заңдылықтарын, экономикалық-географиялық аудандастыру негіздерін, экономикалық-географиялық зерттеулер әдістерін, сондай-ақ оларды кәсіби қызметте пайдалану бойынша құзыреттілікті меңгеруге бағытталған. Бұл курс физикалық географиямен және басқа географиялық ғылымдармен байланысы, оның ғылыми әдісі және дамудың негізгі кезеңдері туралы жалпы түсінік береді; елдер мен аудандардың өзіндік ерекшелігін, экономикадағы кеңістіктік айырмашылықтарды, жер шарындағы жекелеген елдер мен аймақтарды көрсету болып табылады.

Курс өнеркәсіп және оның салаларының аумақтық ұйымдасуын және орналасуының өзіне тән ерекшеліктері мен заңдылықтарын қарастырады, сондай-ақ экономикалық, техникалық және табиғи жағдайларына сәйкес жалпы және аймақтық тұрғыда да зерттейді. Сонымен қатар нарықтық қатынастар жағдайында өнеркәсіптің салалық құрылымын басқарудың ерекшеліктерін жете зерделеу, салалық құрылымды басқару түсінігін және мәнін қарастыру, оның өнеркәсіпті мемлекеттік реттеудің жалпы жүйесіндегі орнын және рөлін анықтау мақсаты да бар

Курс болашақ география мұғалімінің шығармашылық тұлғасын қалыптастыруға бағытталған, оны ғылымның теориялық және әдістемелік негіздерін білумен, география мұғалімінің негізгі функцияларын орындауды қамтамасыз ететін әдістемелік дағдылармен қаруландыру болып табылады. Әдістемені зерттеу студенттердің педагогикалық қызметке деген қызығушылығын қалыптастыруға, педагогикалық ойлауды дамытуға, педагогикалық жұмысты ұтымды ұйымдастыруға және географияны оқыту әдістемесі бойынша зерттеу жұмыстарына бағытталған.

Курс жердің даму тарихы мен адам қоғамының тарихы, адам мен табиғаттың өзара байланысы, табиғатты тиімді пайдаланудың негізгі қағидалары мен заңдарын, экологиялық мәдениетті қалыптастыру, табиғатты пайдалану мен қорғаудың қазіргі мәселелерін шешуге студенттерді дайындайды. Пән адамның өмір сүру жағдайын және өндірістік қызметін бағалау, сондай-ақ қоршаған ортаның өзгеруін болжау міндеттерін шешеді.

Пән шағын аумақтарды, аймақтардың орналасу тарихын, шаруашылық пен халықтың құрылымын, ұлттық, демографиялық, экологиялық мәселелерді, ауданның әлеуметтік-экономикалық, саяси, тарихи және мәдени дамуын, ауылдық және қалалық қоныстарды ретроспективада және болашаққа болжаммен жан-жақты зерттейді; табиғи, климаттық жағдайларды, курста бұл пән шеңберінде пәнаралық байланыстар жүзеге асырылады және көптеген ғылымдардың (география, тарих, геология, топонимика, этнография, метеорология) мәліметтері пайдаланылады.

Курс географиялық атаулар жүйесінің қалыптасу, даму ерекшеліктерін қарастырады. Курстың мақсаты - топонимиканың ғылым жүйесіндегі орнын көрсету, аталған саладағы ғылыми ойдың даму тарихы, ғылымның принциптері мен әдістері туралы білімді қалыптастыру, топонимдерді жіктеудің қолданыстағы схемаларын зерттеу, студенттерді әртүрлі топонимикалық фактілер мен құбылыстармен таныстыру және олардың қазіргі әлемдегі рөлін түсіндіру.

Бұл курс өте маңызды және қажетті болып табылады, өйткені студенттің өзгермелі өмірлік жағдайларда икемді бейімделуіне, қажетті білімді өз бетінше алуға, туындаған мәселелерді шешу үшін оларды тәжірибеде шебер қолдануға мүмкіндік береді. Осы курсты оқу барысында студенттер жобалық іс-әрекетті жүргізу әдістемесімен танысады, зерттеу жұмысының практикалық дағдыларын меңгереді және өз жобаларын құруға үйренеді.

Пән студенттерде халық географиясының теориялық-әдіснамалық, әдістемелік және қолданбалы аспектілері туралы жүйелендірілген білімді қалыптастыруға, сонымен қатар демография бойынша базалық білімді қалыптастыруға, халық туралы географиялық ақпаратты іздеу, талдау және жалпылау үшін, сондай-ақ тұрғындар мен елді мекендердің аумақтық ұйымдастырылуын кешенді зерттеу үшін қажетті тәжірибе мен құралдарды меңгеруге бағытталған.

Курс Қазақстанның түрлі өңірлерінде, ТМД елдерінде рекреациялық ресурстармен, туристік игерумен және туризмді дамыту перспективаларымен таныстыруды; халықаралық туристік байланыстардың мәнін зерттеу, талдау дағдыларын меңгеруді және әлемнің жекелеген елдерінде туризмнің тартылыс аймақтарын айқындауды; туризм индустриясындағы жаңа жетістіктерді қорытындылауды көздейді.

Пән туристік-өлкетану жұмысының көп қырлы аспектілерін қамтиды. Оқыту ерекшеліктері, кәсіби бағдар, туристік-өлкетану қызметіне тарту арқылы әлеуметтік бейімделу, сондай-ақ туристік экскурсиялық бағдарламаларды құру үшін қажетті өлкетану ақпаратының негізгі көздері туралы білім беру; студенттерді өлкетану ақпаратының әр түрлі көздерін өз бетінше пайдалануға үйрету; өлкетану білімін практикада пайдалану мақсатында іздеу және жүйелеу іскерлігін қалыптастырады.

Курс студенттерді мектеп құжаттамасының негізгі түрлері және тізімдемесімен таныстыруды; білім алушыларда педагог-мұғалімнің кәсіби қызметінің саласын реттейтін нормативтік және электрондық мектеп құжаттамасының жүйесінде бағдарлануын қалыптастыру.

Пән танымдық іс-әрекетті белсендіруге, географиялық карталарды оқу кезінде жаңа білім мен дағдыларды жинақтау мен жетілдіруге және құрлықтар мен мұхиттар, әлем елдері мен аймақтары картасындағы географиялық объектілер мен құбылыстар атауларының үлкен номенклатурасын есте сақтауға деген тұрақты қызығушылық пен оң мотивацияны табысты дамытуға қабілетті; географиялық ақпаратты, бағдарламалық құралдарды өңдеу және интерпретациялау әдістерін пайдалану, топонимикалық материалды іздеу, әр түрлі көздерден (терминологиялық және топонимикалық сөздіктер, анықтамалар, карталар, нормативтік құжаттар, интернет желісінің ресурстары) ақпаратпен жұмыс істеу дағдыларын бекіту болып табылады.

Әлемдік көзқарасты қалыптастыруда философиялық білімді қолдана білу, сонымен бірге азаматтық ұстаным қалыптастыруда тарихи дамудың негізгі этаптары мен заңдылықтарын талдай білу мүмкіндігі.

Ұлттық білім беру жүйесінің өзекті міндеттеріне сәйкес білім алушылардың оқу-тәрбие процесі мен әртүрлі қызмет түрлерін моделдеу және жүзеге асыру мақсатында географияны оқыту әдістері мен тәсілдерін қолдану.

Жеке, мәдени тұрғыдан және кәсіби қарым-қатынас бағыттарындағы мәселелерді шешуде ауызша және жазбаша түрде қазақ, орыс және шет тілдерінде байланыс жасау.

Алынған білімді геоэкология және қоршаған ортаны қорғау саласында оқушылармен ғылыми-зерттеу жұмыстарын жоспарлау кезінде қолдану.

Экономикалық және әлеуметтік географияның қазіргі жағдайы туралы іргелі білімді көрсету, оның пәнаралық байланысты пайдалана отырып, оқу процесін құрастыру үшін педагогикалық, ғылыми және практикалық міндеттерді шешу үшін ғылымның басқа салаларымен өзара байланысы.

Географиялық ақпарат пен ғарыштық суреттерді жинау және өңдеу әдістерін қолдану; педагогикалық салада пайдалану үшін деректерді қолдану.

Дене шынықтырудың әдістерімен және құралдарымен толыққанды әлеуметтік және кәсіби қызметті қамтамасыз ету, қауіпсіздік мәдениетін меңгеру, экологиялық жағдайдан хабардар болу.

Геология, геоморфология, топырақтану, гидрология және биогеография саласындағы іргелі білімді, іскерлікті және дағдыларды көрсету.

Кәсіби қызметте физикалық география саласындағы негізгі ұғымдар, заңдар, физикалық географияның бөлімдері және географиялық ақпаратты іздеу, формализациялау, құрылымдау және жүйелеу дағдылары туралы білімді қолдану.

Құқықтық сауаттылықты арттыру, мінез-құлық мәдениеті мен қарым-қатынастың этикалық нормаларын, кәсіби міндеттерін орындау.

Ақпараттарды іздеу, сақтау, өңдеу, қорғау және таратуда цифрлық технологияны, әртүрлі ақпараттық және коммуникациялық технологияларды қолдану және тіршіліктің әртүрлі салаларында кәсіпкерлік білімді қолдана білу.

Қазіргі заманғы дидактика, педагогика, психология және IT саласындағы білімді көрсету және психологиялық-педагогикалық зерттеу әдістері арқылы әртүрлі жастағы білім алушылардың даму, қарым-қатынас, іс-әрекет диагностикасын жүргізу.