6B03270 Журналистика в Қорқыт Ата атындағы Қызылорда университеті

Пәннің мақсаты - білім алушыларға бұқаралық ақпарат құралдарының өзіндік ерекшеліктерін, мерзімді басылымдар мен электронды ақпарат құралдарының табиғатын, дәстүрлі журналистика мен жаңа медианың өзгешелігін, редакциялық құрылымын, техникалық, шығармашылық мамандардың атқаратын қызметтерін, міндеттері мен оларға қойылатын талаптарын үйрету.

Әдебиеттану ғылымының зерттеу нысаны, негізгі салалары мен жанама тараулары, басты теориялық қағидалары мен ұғымдары туралы түсінік беріледі. Көркем шығарманың тақырыбы мен идеясы, образдар жүйесі, өлең құрылысы мен табиғаты, сюжет пен композиция ұғымдары түсіндіріліп, әдебиетті өнердің негізгі түрі ретінде қарап, оған тән басты ерекшеліктер айқындалады, шығарманың көркемдік, жанрлық және стилдік ерекшеліктері, суреткер шеберлігі сараланады.

Пәннің мақсаты - қазақ баспасөзінің тарихын ұлт тарихымен байланыста қарастыра отырып, алғашқы газет-журналдардан бастап, тәуелсіздік жылдарына дейінгі жарық көрген басылымдар жайлы толыққанды ақпарат беріп, әр кезеңде шыққан газет-журналдардың бағыт-бағдарына, қоғамда атқарған рөлі, тұрақты айдарлары мен арнаулы беттері, публицистикалық мақалаларына бүгінгі күн көзқарасы тұрғысынан талдау жасау.

Курстың мақсаты: негізгі экономикалық категорияларымен қазіргі экономиканың негіздерін зерттеу, адамның қоршаған ортамен қауіпсіз өзара әрекеттесуін және төтенше жағдайлардағы жағымсыз факторлардан қорғау негіздерімен танысу. Курсты оқу қазіргі экономикалық жүйенің жұмыс істеу заңдылықтары мен тетіктері, салауатты өмір салты нормаларын сақтау қажеттілігі, тіршілік қауіпсіздігі ережелерін саналы түрде орындау туралы кешенді түсінікті қалыптастыруға бағытталған.

Курстың мақсаты студенттердің құқықтық санасын және құқықтық мәдениетін арттыру, әлеуметке қарсы құбылыс ретінде сыбайлас жемқорлыққа қарсы іс-қимыл бойынша білім жүйесін және азаматтық ұстанымды қалыптастыру болып табылады. Курсты оқу барысында студенттер құқық және мемлекет теориясының негіздерін меңгереді, құқықтың қоғам өміріндегі орны мен рөлін түсінеді, сыбайлас жемқорлықтың мәні мен факторлары, оның әртүрлі көріністері туралы кешенді білім алады, сыбайлас жемқорлыққа қарсы іс-қимыл бойынша дағдылар мен дағдыларға ие болады.

Курстың мақсаттары: ұжымдағы және ұйымдағы адамның тиімді көшбасшылығының теориялық және практикалық негіздерін зерттеу, инновациялық қызметпен байланысты құзіреттіліктерді қалыптастыру. Курсты меңгеру барысында студенттер Көшбасшылық теориясы мен практикасы туралы білімдерге, оларды болашақ кәсіби қызметінде табысты қолдану дағдыларына ие болады, инновациялық үдерістердің даму заңдылықтарын және инновациялық қызметтің теориялық негіздерін зерделейді.

Пәннің мақсаты - журналистиканың негізгі функцияларын түсіне отырып, Алаш көсемдерінің публицистік қағиадалары мен кәсіби шеберліктерін жан-жақты танып-білуге дағдылану. Алаш көсемдері қозғаған сол кездегі бірқатар ұлттық мәселелердің бүгінгі таңдағы маңызы мен өзектілігін салыстыра отырып, көз жеткізуді үйренеді.

Курстың мақсаты: табиғаттың жəне қоғамның тұрақты дамуының негізгі заңдылықтары туралы біртұтас түсінік қалыптастыру; студенттерді әртүрлі меншік нысандарындағы кәсіпорындардың ұйымдастырушылық-құқықтық формаларымен, белгілі бір бизнес-идеяларды жүзеге асырудың белгілі бір түрін таңдаумен таныстыру. Курс студенттердің ойлауын экологияландыруға, қоршаған ортаға жауапкершілік сезімін тәрбиелеуге, БиоСфера компоненттерінің өзара әрекеттесу заңдылықтарын, адам қызметінің салдарын, әсіресе табиғатты жедел пайдалану контекстінде, қоғам мен биосфера арасындағы қарым-қатынастың практикалық мәселелерін білуге бағытталған; курс кәсіпкерліктің мәні мен оның формаларын ашады, осы қызметтің теориялық және практикалық аспектілерін жан-жақты қарастырады.

Пәннің мақсаты - студенттерді публицистика жанрлары және пішіндерімен, оларға қойылатын талаптармен, жазылу әдіс-тәсілдерімен, өзіндік ерекшелігімен, сипаттарымен таныстыру. Жанрлардың пайда болу тарихынан хабардар етіп, публицистика жанрларының тілдік, стильдік ерекшелiктерiн меңгерту. Жазу машығын қалыптастыра отырып, үйрету.

Пәннің мақсаты - студенттерге қоғамдағы тележурналистиканың алатын орны, ақпараттық қызметі, принциптері мен негізгі тиімді шарттарын үйрету. Тележурналистика қызметінің ерекшеліктерін, мемлекеттің қоғамдық-саяси дамуындағы тележурналистиканың жалпы теориялық заңдылықтарын, телерадиожурналистикадаға алғашқы ұлттық хабарлар мен телепублицистердің шығармашылық шеберлігін, тележанр табиғатын тануды меңгереді.

Пәннің мақсаты – БАҚ материалдарын дербес құқықтық талдаудың негізгі дағдыларын меңгеруді үйрету. Нарықтық экономиканың дамуын ескере отырып, БАҚ-тың құқықтық базасы үшін қажетті білім беру.БАҚ саласындағы дербес шешім қабылдауға және құқықтық білімді тереңдетуге бағдарлау.

Пәннің мақсаты – ақпараттық сауаттылық туралы ұғым қалыптастыру, фактчекинг туралы түсінік беру, әр түрлі коммуникация құралдарындағы және әлеуметтік желідегі ақпараттың мазмұнын, оқиға мен құбылыстардың берілуін сыни тұрғыда қабылдауға үйрету, жалған, шынайы ақпаратты ажырату жолдарын меңгерту.

Пәннің мақсаты - тіл мәдениетіне қатысты еңбектермен, шығармалармен білім алушыларды жүйелі таныстыра отырып, шешендік сөздегі сөз тапқырлығын, сөзді астарлап, әр ойды анық жеткізудің тәсілдерін, жеткізілетін ойдың көркемдік бояуын сақтауды үйрету және журналистің кәсіби этикасы мен міндеттерін, тіл тазалығын жан-жақты меңгерту.

Пәннің мақсаты – студенттердің кәсіби мораль, кәсіби этика туралы ұғымдарын қалыптастыру, кәсіби моральдың табиғаты мен шығу тегінен хабардар ету, PR маманы мен баспасөз хатшыларының қызметіндегі кәсіби-этикалық нормалар туралы білім беру, моральдық таңдау жасау жағдайларында дұрыс шешім қабылдауды үйрету, болашақ мамандардың шығармашылық қызметінің моральдық-этикалық басымдықтарын іс жүзінде қолдануына ықпал ету.

Пәннің мақсаты - бұқаралық ақпараттық процес жүйесіндегі журналист пен PR маманның орны, рөлі мен маңызы туралы студенттердің көзқарасын қалыптастыру, PR-дың негізгі ұғымдары мен принциптерімен таныстыру, теориялық және әдіснамалық негіздері мен қазіргі тенденциялары туралы түсінік беру, кәсіби ойлау әдістерін үйрету, PR саласының жалпы принциптері туралы іргелі білімдер жүйесін игерту.

Пәннің мақсаты - студенттер құқықтық сауаттылықты меңгере отырып, бұқаралық ақпарат құралдары сүйенетін негізгі принциптер мен міндеттерді, сөз бостандығының жүзеге асырылуын, ҚР Конституциясын, ҚР БАҚ туралы заңын, авторлық және сабақтас құқық жөніндегі заңдарымен таныстырып, теориялық білімді меңгерту, үйрету.

Пәннің мақсаты –ақпаратты сауатты тұтыну және талдау жасау дағдыларын игерту, жалған ақпарат пен шынайы ақпаратты ажырата білу жолдарын үйрету, өздері тұтынатын ақпарат көздерінің сенімділігін саралай алатын, мәлімет іздейтін кезде сенімді дереккөздерге сүйенудің маңыздылығын көрсету, манипуляцияға жол бермеу, түрлі фейктердің арбауына түспеу үшін қажетті құзіреттерді қалыптастыру.

Пәннің мақсаты - қазіргі теле және радио бағдарламаларында қолданылатын әдеби тілдің түрлі функционалдық стильдерін, оның тілдік құралдарын норма талаптарына сай пайдалануды меңгерту. Сондай-ақ ақпараттық, талдамалы, көркем публицистикалық жанрларда материалды сауатты дайындауды үйретеді.

Пәннің мақсаты – радиожурналистің кәсіби этика талаптарымен таныстырып, жалпыадамзаттық құндылықтар мен моральдық-этикалық үлгілерді, сөз бостандығы мен ой-пікір білдіру мәдениетінен хабардар етеді. Тыңдарман аудиториясының сұранысы мен ерекшелігіне сай бағдарламалар жасаудың жүйесі таныстырылады. Әртүрлі сипаттардағы радиоарналар үшін хабар даярлайтын, өңдейтін және тарата алатын мамандардың біліктілігін қалыптастырып, аудиториямен байланыс жасау әдебінің негізгі принциптері үйретіледі.

Пәннің мақсаты - қазақ публицистикасының қалыптасу, даму арналарымен таныса отырып, публицистикадағы тақырыптық, проблемалық, жанрлық, пішіндік өзгерістерді жан-жақты талдау қабілетіне ие болу. Студенттер публицистика ерекшеліктерін, алғашқы бастауларын, шығармашылық даралық құрылымын, публицистиканың тақырыбы мен негізгі бағыттарын, жанрлық ерекшеліктерін, публицистикалық шеберліктің қыр-сырын, белгілі публицистердің шығармашылығын жанрлық тұрғыдан талдауды үйренеді.

Пәннің мақсаты - студенттерге жаңа медиа талаптарына сәйкес қоғаммен байланыстың заманауи әдіс-тәсілдерін, оның қолдану ерекшеліктерін меңгерту, паблик рилейшнздің пайда болу тарихымен, коммуникациялық ортадағы тиімділігімен таныстыру, сонымен қатар ақпаратты басқару, оны жарнамалық әдіспен мультимедиалық нұсқада ұсыну тәсілдерін үйренеді, имиджмейкинг, брендинг, лоббилік қызмет маңызын жан-жақты түсіндіру.

Пәннің мақсаты – деректі фильм мен кинолардың ара жігін ажырату, олардағы кеңестік биліктің ықпалы мен әсерін айқындау. Шетелдік және отандық деректі және кинофильмдер тарихы мен онда қызмет жасаған фильмге қатысушылар шығармашылығымен танысу. Деректі фильмдер тарихындағы қоғамдық-саяси ахуалдың көрсетілуі мен өзекті мәселелердің сөз етілуіне мән бере отырып, шетелдегі және отандық фильмдердің тарихи кезеңдердегі бет-бейнесін, бағыт-бағдарын айқындауды меңгереді.

Пәннің мақсаты - студенттерге телерадиожурналистикадағы журналистік зерттеудің қалыптасуын, аталған тақырыптағы бағдарламалардың ерекшелігі аудиторияға өтімділігін, журналистік шеберлік пен ақпаратқа қол жеткізудің әдіс-тәсілдерін үйрету, болашақ журналистердің кәсіби дағдыларын қалыптастыру.

Пәннің мақсаты - телевизияда және радиода хабар дайындаудың алғышарттарын үйрету, түсірілім, монтаж жұмыстарын меңгерту. Білім алушылардың тәжірибесін шыңдау арқылы сапалы хабар жасауға үйренеді, телерадиохабар жасаудың шығармашылық және техникалық ерекшеліктеріне мән береді.

Пәннің мақсаты – білім алушыларға медиаөнер тақырыбын түсіндіру, шетелдік және отандық өнер туындыларын салыстыру, рецензиялау. Шетелдік медианарықта медиаөнер түсінігінің ауқымы кең, соған сәйкес студенттер бұл ұғымның негізгі басты элементтерін, сипаттамаларын және басты функцияларын меңгереді.

Пәннің мақсаты – деректі фильм жасау технологиясы, оған тән басты ерекшеліктерді үйрету. Деректі фильмнің қалыптасуы мен даму кезеңдері, шетелдердегі және отандық деректі фильмдер туралы мағлұмат беру. Деректі фильмдердің шығуы, дамуы, бүгінгі күнге дейін жарық көрген деректі фильмдердің тарихын, тәжірибесін, даму жолдарын кезеңдік тұрғыдан қарастырып, киномотографистердің шығармашылық шеберханасындағы болашақ журналистерге үлгі боларлық, тағылым аларлық дүниелерді насихаттау және игеру әдіс-тәсілдерін меңгереді.

Пәннің мақсаты – шетелдік және отандық фильмдердің жарыққа шығуы мен онда түскен кейіпкерлермен танысу. Киноиндустриядағы PR қызметінің негізгі принциптерін білу. Шетелдік және отандық деректі фильмдердің тарихы, қалыптасу, даму жолдары мен бүгінгі ахуалына сараптама жасауды үйренеді. Тәуелсіздік алғаннан кейінгі жылдардағы киноиндустриядағы шығармашылық ізденістер, тақырыптық, жанрлық ерекшеліктеріне талдау жасауды меңгереді.

Пәннің мақсаты – мультимедиалық және конвергентті журналистика ерекшелігін және ғылыми тұжырымдарды негізге ала отырып, игерген білімін практикада қолдануды үйрету.Нарықтық қатынастардың жаңа медианың дамуына ықпалын, өзекті мәселелерін қарастыра отырып, жанрлық ерекшеліктерін талдауды меңгерту, ақпарат таратуда қолдану жолдарын үйрету.

Білім алушыларға қоғамдық жағдайды суреттеудегi публицистің шеберлiгiн, әр жанрдың теориясын, кіріккен жанрларды, журналистік зерттеу жанрындағы дата-журналистиканы, креатив сараптама, инсерт-мультимедиа, мультимедиалық сараптама, инфографика (ақпараттық графика), тайм-лайн, әлеуметтік желідегі пост, ақпарат таратудың бобслей әдісінің ережесі мен ерекшелігін үйретеді. Практикалық дағдыларын қалыптастырады.

Пәннің мақсаты - БАҚ-тағы PR-дың ерекшелігі, жарнаманың теориялық маңызы, жарнаманың қоғамда алар орны, PR-дың негізгі функциялары мен принциптері, БАҚ-тың типологиясын түсіндіріп, БАҚ-тағы жарнама жүйесінің өзіндік ерекшеліктерін, маңызын, Қазақстандағы қазіргі бұқарамен байланыс жүйесінің теориялық аспектілерін игерту.

Сайттарды серверге орналастыру және пайдаланушының қарым-қатынасына мүмкіндік беретін клиент тарапында орындалатын ActiveX, JavaScript, VBScript сияқты интерактивті технологиялар және сервер жағында орындалатын CGI, ASP, PHP, SSI технологиялары мен скриптілік программалайды.

Пәннің мақсаты – студенттердің кәсіби және бұқаралық спортта коммуникациялық науқандарды өткізу дағдыларын қалыптастыру, спорттық ұйымның беделі мен имиджін нығайту және құру технологияларымен таныстыру, дене шынықтыру және спорт қозғалысын насихаттау тәсілдерін меңгерту, спорт саласындағы қоғамның түрлі санаттарымен қарым-қатынас орнатуды үйрету.

Пәннің мақсаты – қоғаммен заманауи байланыстағы негізгі мәселе ретінде тиімділікпен қоса салалық PR қызметінің коммуникациямен арақатынасын тұжырымдау. Білім алушылар коммуникациялық әдіс-тәсілдерді салыстыруды, қоғаммен байланыс қызметінің тиімділігін қалыптастыруды, жаңа технология, адами техника, ақпараттық техника құрылымдарын игеріп, меңгереді.

3D модельдеу негіздерін зерделеуді үйретеді; ғылыми-техникалық және шығармашылық әлеуетін дамытады; білім алушылардың шығармашылық және дизайнерлік қабілеттерін шыңдайды.

Пәннің мақсаты - белгілі бір тауардың немесе қызметтің имиджін көтеру мақсатында жасалатын кешенді жұмыстар жоспарын, соған сәйкес атқаратын шараларды жүзеге асыруды үйрету. Медиаөндірістегі имидж пәнін игере отырып, білім алушылар медианарықта бәсекеге қабілетті PR маман ретінде өз қызметін ұсына алады.

Пәннің мақсаты - студенттерді бүгінгі қазақ публицистерінің шығармашылық шеберханасынан хабардар ете отырып, оларды тақырып қоюға, оқиғаны суреттеуге, талдауға, болжам жасауға, қоғамдық үдеріс пен оқиғаны бағалау мен зерттеуге, белгілі бір саланы таңдау және нақты жанрларға бейімделу секілді шығармашылық дағдыларды үйрету.

Пәннің мақсаты – Студенттерді тарихи өлшемдегі спорт феноменімен, оның өркениеттің мәдени құндылықтарын қалыптастыру жүйесіндегі рөлі, физикалық кемелділік, үйлесімділік пен сұлулық екендігімен таныстыру. Спорттық журналистика шығармашылық қызметтің мамандандырылған саласы екенін түсіндіру, ақпараттарды алу мен берудің принциптері мен нормалары туралы кешенді түсініктерін қалыптастыру, саладағы негізгі тақырыптарды танып, журналистік тұлғалық қасиеттерін қалыптастыруға ықпал ету.

Пәннің мақсаты - адамдарға ақпарат алмасу және тұтыну арқылы бір-бірімен өзара әрекеттесуге мүмкіндік беретін веб-байланыс құралдарын білім алушыларға кеңінен түсіндіру, олардың ақпарат ұсынатын негізгі көздерімен таныстыру, медианың әлеуметтік құбылыс екендігін айқындау.

Пәннің мақсаты - білім алушылар отандық радио ісінің тарихымен танысып, радиохабар дайындауды үйренеді, көркемдік-стильдік, жанрлық тұрғыдан тұрғыдан материал жазуға икемделеді. Радиожурналистикадағы теориялық білімін практика жүзінде жүзеге асырады.

Пәннің мақсаты – салалық телеарналар тарихын, ондағы қызмет еткен танымал тұлғалар тәжірибесін, салалық телеарналар бағыт-бағдарын, оны ұйымдастыру жұмыстарын, қызметінің тарихы мен тәжірибесін, сипатын, телеарналардың өзіндік тұғырнамасы, ұстанатын позициясы, жұмыс істеу бағыты, бет-бейнесі, имиджі, форматын сараптау. Салалық телеарналар пікір алуандығын ұсыну арқылы қоғамдағы шындықтың бетін ашуға ықпал ететіндігін түйсініп, оның осы жолдағы әдіс-тәсілдерін меңгереді.

Пәннің мақсаты - студенттерге телеорталықтың мақсат-міндеттерін, қызмет көрсету аясын, түрлі техникалық бөлімдердің жұмыстарын түсіндіру, тележурналистке қажетті кәсіби істерге баулу, шығармашылық топтарға бөлініп, хабар жасаудың технологиялық ерекшелігімен таныстыру. Сценарий жазу, студия ішінде жұмыс істеу, хабарға қатысушыларды дайындау, жүргізуші және диктор қызметтерін атқару, редактор, оператор, режиссер, комментатор, жарық қоюшы және т.б. қосалқы топтардың міндеттерін біліп, оларға қойылатын талаптарды үйренеді.

Пәннің мақсаты - жазу стилі мен ойлау қабілетін жоғары дәрежеге жеткізіп, шығармашылық даму үрдісін жетілдіруге, жаңа методологиялық ізденістерге толы журналистика саласын толықтыруға үлес қосуды үйрету. Қазіргі қазақ публицистерінің жазу дағдысынан сабақ ала отырып, әлеуметтік-саяси тақырыптарға жазылған мақаларларға сараптама жасау қабілетін шыңдайды.

Пәннің мақсаты - менеджмент және маркетинг ұғымымен, олардың тарихы мен теориясымен, тәжірибесімен, журналистиканы басқарудың тетіктерімен, редакция және баспа маркетингі, экономика дамуындағы журналистиканың рөлі және тағы басқа негізгі ұғымдармен жан-жақты таныстыру, тәсілдерін үйрету. Басқарудың заманауи әдістерін меңгеруге дағдыланады.

Пәннің мақсаты - аймақтық журналистиканың қалыптасуы мен даму тарихынан, тәжірибесінен мәлімет ала отырып, алғашқы жарық көрген бұқаралық ақпарат құралдарының бағыттары, көтерген тақырыптары және ондағы публицистер шығармашылығымен танысу. «Сыр бойы» газеті мен облыстық телерадионың тарихи кезеңдердегі бет-бейнесін, қалыптасу, даму жолдары мен бүгінгі ахуалына сараптама жасайды. Алғашқы хабарлармен танысады, тәуелсіздік алғаннан кейінгі жылдардағы өңірлік ақпарат құралдарының шығармашылық ізденістері, тақырыптық, жанрлық ерекшеліктерін сараптауды үйренеді.

Пәннің мақсаты - білім алушыларды қоғаммен байланыс саласының мәдени бағыттары негізінде концерт, мәдени іс-шараларды ұйымдастыруға, ақпараттандыруға баулу, мәдени бағыттың ерекшелік сипаттарымен, оның пайда болу және дамуымен, қазіргі теориялық мәселелерімен таныстыру.

Пәннің мақсаты - SMM түсінігі, SMM технологиясы, әлеуметтік желілерде SMM технологиясын жоспарлау негіздері, әлеуметтік желілерге шолу және олардың әрқайсысындағы SMM технологиясының ерекшеліктерін талдау, қазіргі әлеуметтік желілерде маркетингтік байланыс жөнінде түсінік негізін қалыптастыру.

Пәннің мақсаты - еліміздегі спорттық телеарналар қызметінің мазмұндық-көркемдік, техникалық ерекшеліктерімен танысып, салалық телеарналарда жұмыс істеу принциптеріне үйрену, шығармашылық жобаларды жүзеге асыру, спорттық додаларды тікелей эфирде жүргізу ерекшеліктерін меңгеру.

Пәннің мақсаты - электронды БАҚ-тың өзіндік ерекшеліктерін айқындап, ақпараттық қоғамның негізгі концепцияларын құрайтын дигитализация, конвергенция туралы түсінік бере отырып, ақпараттық сайттар мен әлеуметтік желілерде ақпарат таратудың түрлі тәсілдерін меңгерту, үйрету, дағдыландыру.

Пәннің мақсаты - студенттер түрлі функционалдық стилдерге тән тілдік құралдарды норма талаптарына сай дұрыс қолдана білуді меңгерту және мәтіндерге әдеби редакциялау жүргізу жұмысының әдістемесін үйрету. Әдеби шығармаларға редакторлық талдау жасаудың ерекшелігі мен әдістерін, қолжазбаны басылымға дайындау, оны жетілдірудің жолдарын үйренеді.

Пәннің мақсаты - медиа саласында мультимедиалық құралдарды кеңінен қолдануды үйрету. Мәтіндік, визуальдық, графикалық, анимациялық және дыбыстық сандық ақпараттарды біріктіріп, басқаратын интерактивті мультимедиалық жүйені пайдалану мүмкіндіктерді игереді.

Пәннің мақсаты – маркетинг старегиясындағы редакция мақсаттары мен оның әлеуетті мүмкіндіктерін және нарықтың мүмкіндіктері арасындағы стратегиялық сәйкестікті қалыптастыру, оны бір қалыпта ұстап тұрудың әдіс-тәсілдерін меңгеру. Маркетингтегі стратегиялық жоспарлаудың ерекшеліктері және міндеттерін біле отырып, редакциядағы стратегиялық жоспар өңдеу салаларын сараптай алады. Редакцияның мақсаты мен миссиясын орындау үшін маркетинг стратегиясындағы қолданатын үлгілерді игереді.

Білім алушылар cандық қорды пайдалану негізінде ғылыми-әдістемелік потенциалын дамытады, білім алу сатысында графикалық бейнелеу, мультимедиалық, бейне және дыбыс бөлімдерінің бағдарламасы бойынша алатын жаңалықтарды іске асыруға көпкөмегін тигізеді.

Пәннің мақсаты - телевизиядағы сараптамалық-проблемалық хабарларға тақырып таңдау, оны телекөрермендерге ұсыну ерекшеліктерін кеңінен түсіндіру. Көрермендерді сапалы телеөніммен қамтамасыз ете отырып, олардың ақпараттық сауаттылығын арттыру үшін болашақ мамандарға бағыт беру.

Пәннің мақсаты – жаңа технология саласында заманауи қабілеттерді жетік меңгерту, конвергенттік редакциялық ұжымда жұмыс істей алатын, мәліметтерді графикалық түрде шығаруды қамтамасыз ететін маман дайындау. Контентті коммуникацияның екі және одан да көп арналары арқылы немесе интернет желісі арқылы бірнеше платформада тиімді тарата алудың тәсілдерін үйрету. Инфографика, анимация, сторителлинг, лонгрид жасай алуды меңгерту.

Пәннің мақсаты – Спичрайтинг саласында теориялық білім беру жүйесін қалыптастыру, практикалық дағдыларды қалыптастырып, әлеуметтік және тілдік нұсқаларды қолдануға үйрету. Көпшілік алдында сөйленетін сөздің мәтінін жазу процесін, тәсілін, заңдылықтарын үйрету.

Пәннің мақсаты –түрлі жанрдағы көркем және деректі телевизиялық бағдарламалардың тұжырымдамасын әзірлеп, оларды жасау мен көпшілік алдында көрсетуді жүзеге асыра білуді үйрету. Режиссерлік жұмыстың жоғары көркемдік деңгейін қамтамасыз ету тәсілдерін, телевизиялық өнерді насихаттау жөніндегі жұмысқа қатысу мүмкіндіктерін, көрермендерді қызықтыру тәсілдерін меңгерту.Телерадиобағдарламалардың басқа да қатысушыларының, кинооператордың, суретшінің, композитордың, дыбыс режиссерінің және т.б. шығармашылық топ мүшелерінің атқаратын қызметтеріне сай жұмыс істеу мүмкіндіктерін үйлестіру тәсілдерін меңгерту.

Пәннің мақсаты - телерадиожурналистика саласының теориялық негіздері мен тәжірибелік дағдыларын, телерадиожурналистиканың жанрлары мен пішіндерінің ерекшеліктерін, құрылымдық сипаты мен жұмыс жүйесінің шығармашылық тәсілдерін және телерадиодағы түрлі шығармашылық мамандықтардың ерекшеліктерін жан-жақты игерту.

Пәннің мақсаты - WEB сайттарды жобалау этаптары мен принциптерін игеру және мәселенің шешілу жолдарын программалық құралдар көмегімен анықтай білу; HTML тілімен танысып, кілттік сөздер мен тэгтердің қолданылу мақсаттары мен қызметін практикалық тұрғыда толық меңгеру; JavaScript сценарийлерін WEB сайт әзірлеуде тиімді пайдалануға үйрену; WEB сайттарды құру, оларды серверлерде жариялау мақсаттарында жаңа программалық құрылғыларды тиімді қолдана білу.

Пәннің мақсаты - білім алушыларға "100 жаңа оқулық" аясында аударылған кітапты негізге ала отырып, дәстүрлі және жаңа медиада мәтін жазудың шетелдік тәжірибесін меңгерту, мәтін жазу ерекшеліктеріне талдау жасауды үйрету, редакциялаудың отандық және шетелдік үлгісімен таныстыру.

Пәннің мақсаты – телесценарийлік жоспар, телесценарийлік жоба дайындау және сценарийде автор сөзінің (кадр сыртындағы дауыс), төл сөздің (диалог, монолог), ремарканың (суреттеу, тәптіштеу), әр алуан түсініктемелердің тұтастығын қатаң ескеру тәсілдерін үйрету. Экран тілі мүмкіндігін тиімді пайдалану, фактчекингті үнемі назарда ұстау қағидатын меңгерту.

Пәннің мақсаты – ақпараттық дәуірде телеарна арқылы мемлекеттің ұлттық саясатының аумақтық мәселесін насихаттауда ұлттық нақышымызды дәріптейтін хабар жасау тәсілдерін үйрету. Теледидар экономикалық, саяси және мәдени мәселелерді насихаттауда ұлттық ерекшеліктерді басты назарда ұстау қажеттігін, қоғамдық теледидар құру, әлемнің ұлттық бейнелерін көрсететін теледидар модельдерін жасаудың маңызын түсіндіру.

Пәннің мақсаты - білім алушыларды қоғаммен байланыс саласына мамандандыра отырып, қазіргі БАҚ-тағы PR көрінісі, БАҚ-тағы PR-дың маңызы және ақпарат құралдары мен PR-дың байланысын меңгерту, PR-дағы зерттеулер мен ақпараттық PR материалдарын жазуға бейімдеу.

Пәннің мақсаты – оқиғаның әлеуметтік мәні мен маңызын аша отырып, көрерменнің талғамын таба білу. Репортердің оқиғаның басы-қасында болуынан бастап, сол оқиғаны қаз қалпында суреттеп жазу, оған өзінің қатысын білдіріп, оны қоғамдық пікір талабымен толықтыруды игереді. Репортаждың негізінде қоғамдық-әлеуметтік маңызды оқиғалар жатуға тиістігін түйсіне отырып, оқиғаны толық, жан-жақты, жүйелі түрде көрсетуге машықтанады.

Пәннің мақсаты - халықаралық қатынастар жүйесінің құрылысы мен өзгеру заңдылықтарын түсіндіру. Мемлекеттердің сыртқы саясатының мәнін, мазмұны мен мақсатын оқып-біледі. Халықаралық саясаттың барысын, даму зандылықтарын БАҚ материалдары бойынша пайымдауға үйренеді. Халықаралық қатынастардағы мәселелерді жүйелеу, зерттеу тәсілдерін меңгереді.

Пәннің мақсаты - телевизияның негізгі қызметтерінің бірін ескере отырып, телеэкраннан ұлттық идеологияны насихаттауға баулу. Ұлттық хабарлар арқылы ұлттық құндылықтарымызды дәріптеп, сол бағытта әзірленген хабарлардың мазмұны мен құрылымын жасауға бағыт-бағдар беру.

Пәннің мақсаты - халықаралық қатынастарға терең талдау жасауды үйрету, шетелдік басылымдардың тәжірибесімен танысып, халықаралық қатынастарға ғылыми көзқарас қалыптастыруды меңгерту. Халықаралық тақырыптарда материал дайындауды үйренеді.

Пәннің мақсаты – PR маманы немесе баспасөз хатшысы ретінде дағдарысқа қарсы PR-бедел дағдарысын болжау, болдырмау немесе жеңу жөніндегі іс-шаралар кешенін жасай алуды және ақпараттық қызмет көрсетуді үйрету. Имидж қалыптастыру, дамыту тәсілдерін меңгерту. Студенттердің мемлекеттік басқарудың коммуникативтік негіздері туралы түсініктерін қалыптастыру, ақпараттық саясатты іске асыру тетіктері, ақпараттық процестерді басқару әдістері туралы теориялық және практикалық түсініктерді меңгерту, кәсіби қызметте ақпарат пен коммуникация арналарын пайдалану білігін дамыту.

Пәннің мақсаты - қазақ телевизиясындағы балаларға арналған телехабарлардың, соның ішінде «Балапан» арнасы арқылы беріліп жүрген түрлі бағдарламалардың жалпы мазмұны мен бағытына, телеэкран мәдениетіне, бағдарлама жүргізушісінің шығармашылық шеберлігін айқындап, жаңашылдық бағыттарын саралауды үйрету. Ұлттық телевизиядағы балаларға арналған телехабарлардың жалпы сипатына, мазмұны мен пішініне баға беруді, оларды дамытудың жолдарын қарастыруды, заман талабына сай телехабарлар жасаудың тәсілін меңгереді.

Пәннің мақсаты - коммуникациялық құралдардың негізгісі - тілдік қарым-қатынас жасаудың ерекшеліктерін меңгерту, оның типтерін ажырата білу. Тілдік қарым-қатынас жасаудың басты ережелерін түсіндіру арқылы ортада дұрыс сөйлеуге баулу және сауатты сөйлем құрауды үйрету. Тілдік нормаларды меңгертуді көздейді.

Пәннің мақсаты - телерадиожурналистикадағы рухани мұраны насихаттауды үйрету, телерадиобағдарламалар даярлаудың тәсілдерін үйрету, ақпараттық, ойын-сауықтық бағдарламалар жүргізуге бағыт беру, ток-шоу хабарларының ерекшелік сипаттарын игерту, телехабар даярлау технологиясын, сөйлеу мәдениетін меңгерту, телерадиожурналистика үшін бағдарлама даярлайтын, өңдейтін және тарата алатын мамандардың біліктілігін қалыптастыру.

Пәннің мақсаты - болашақ журналистер мультимедиялық құралдарды қолдана отырып, дәстүрлі редакция мен конвергентті журналистиканың ара жігін ажырату; ақпараттық-коммуникациялық технология, ақпараттық бәсекелестік заманындағы сандық журналистиканың маңызын, сандық журналистика мен шығармашылық ізденіс үйлесімін жан-жақты түсіну.

Пәннің мақсаты - білім алушыларға медиa-талдау жүргізуді, ақпараттарға талдау жасауды және ақпараттық сауаттылық мәселесін игерту, БAҚ пен aқпaрaттық қызметтердің бұл функциялaрды сaпaлы орындaуына талдау жасау, aқпaрaт aрнaлaрымен тиімді жұмыс жасауды меңгерту. Ұжыммен жұмыс істеу aрқылы медиa және өзге де aқпaрaттық қызметтерге жоғaры сaпaлы қызмет көрсетулер ұсынуды түсінеді.

Пәннің мақсаты - білім алушыларды қазақ журналистикасы тарихындағы ғылыми басылымдардың тарихы, ерекшелігі, тақырыптық өзгешелігі туралы теориялық біліммен таныстыра отырып, ғылыми мақалаларға қойылатын талаптарды меңгерту. Ғылым және оның қоғамдағы рөлі, ғылыми-таным туралы түсінік қалыптастырады, ғылыми-танымдық журналистиканың қажеттілігін, ғылыми журналистиканың салалық журналистикамен байланысын, журналистикадағы ғылыми-зерттеу әдістерінің тәсілдерін меңгереді.

Пәннің мақсаты - БАҚ саласымен тығыз байланысты қоғаммен байланыстың мәні мен маңызын, функциясын, міндеттерін, алдыға қойған мақсаттарын кеңінен түсіндіру. Қоғаммен байланыстың бүгінгі таңдағы технологияларын кез келген салада қолдануға үйрету, сол арқылы кәсіби дағдыны қалыптастыруға баулу.

Пәннің мақсаты - тілдік, мәдени қарым-қатынас теориясы мен тәжірибесінің ерекше көкейкестілігін айқындауды үйрену. Мәдениетаралық коммуникация проблемаларына талдау жасауды үйреніп, ғылыми зерттеулерде көрсетілген маңыздылығын меңгереді.

Пәннің мақсаты - білім алушыларға ақпаратты басқару тәсілдерін үйрету, қоғамның кез келген саласына ақпарат арқылы жетекшілік жасауға болатынын түсіндіру. Менеджменттің негізгі қағидалары мен медиадағы ақпаратты басқару тетіктерін ұштастыра отырып, оны медиа саласында қолдануды меңгертеді.

Пәннің мақсаты - телерадиожурналистиканың жанрлық ерекшеліктерімен таныстырып, тікелей эфир ерекшелігін, қойылатын талаптарды меңгерту. Телерадио бағдарламаларының дайындалуымен танысып, болашақ журналистерді мамандыққа бейімдеу мақсатында практикалық (семинар), лабараториялық (тәжірибелік) сабақтарда әртүрлі шығармашалық тапсырмалар бере отырып, тікелей эфирде жұмыс істеуді үйренеді. Эфир этикасы мен сөйлеу шеберлігін қалыптастырады.

Жаратылыстану пәндері арқылы алынған білімді өз құқықтары мен міндеттерін, ұлт тарихы мен мәдениетін дамытуға қолданады.

Журналистиканың негізгі ұғымдары мен теориялық аспектілерін түсінеді, қазіргі БАҚ-тың спецификалық өлшемдерін анықтайды және саралайды.

Қазақ журналистикасы тарихының қалыптасуы мен дамуын біледі, публицистиканың жанрлары мен нысандарын, қазіргі теориялық мәселелерді талдайды.

Отандық және шетелдік журналистиканың тарихы мен қалыптасуын салыстырады, телерадиожурналистика жанрларын жіктейді.

Журналистік шеберлікті, журналистік этиканы, эфирлік сөйлеу мәдениетін қалыптастырады, қоғаммен байланыс саласын меңгереді, спорт журналистикасына бейімделеді, бәсекеге қабілетті маман ретінде сараптама жүргізеді.

БАҚ-та менеджмент және маркетинг мәселелерін қалыптастырады, салалық журналистикаға машықтанады, құқықтық мәселелерді меңгереді.

Ақпараттық-коммуникациялық технологияларды меңгеріп, оларды журналистік зерттеулер мен танымдық хабарлар дайындау барысында іс жүзінде қолданады.

Білім алушылардың игерген теориялық білімдері мен тәжірибесі сараланып, баға беріледі, болашақ маман ретінде құзыреттіліктері қалыптасады.