7R01151 Фтизиатрия ересектердің, балалардың в Марат Оспанов атындағы Батыс Қазақстан медицина университеті

Пәннің аясында резиденттер ересектердегі туберкулездің эпидемиологиясы мен патоморфозы туралы білім алады. Олар міндетті және профилактикалық медициналық тексерулер кезінде ересек тұрғындарға амбулаториялық-емханалық көмекті ұйымдастыру, сондай-ақ туберкулезге күдікті науқастарды тексеру бойынша білім мен тәжірибелік дағдыларды игереді. Резиденттер ересектердегі туберкулезді ерте диагностикалау және алдын алу әдістерін, туберкулезбен ауыратын науқастарды және туберкулезге шалдығу қаупі жоғары тұлғаларды диспансерлік бақылау шараларын, туберкулез инфекциясы ошақтарында туберкулез кезінде эпидемияға қарсы іс-шараларды ұйымдастыруды меңгереді. Алынған білімдері медициналық статистикалық ақпаратты талдау дағдыларын және медициналық құжаттарды есепке алу және есеп беру нысандарын жүргізу дағдыларын жетілдіруге бағытталатын болады.

Осы пәннің аясында резиденттер туберкулезді бақылаудың заманауи стратегиясымен, Қазақстан Республикасындағы және әлемдегі туберкулез проблемасының ауқымымен танысады, фтизиатрияның іргелі негіздері (туберкулездің этиологиясы, туберкулезге қарсы иммунитеттің ерекшеліктері, біріншілік және екіншілік кезеңдегі туберкулездің патогенезі, туберкулездегі қабыну патоморфологиясы) және туберкулездің эпидемиологиясы бойынша терең білім алады. Пән келесі бөлімдерді қамтиды: туберкулездің клиникалық формалары (клиникалық және рентгенологиялық көріністері); өкпе және өкпеден тыс туберкулездің диагностикасы және дифференциалды диагностикасы; туберкулезді кешенді емдеу әдістері; туберкулездің асқынуы кезінде жедел медициналық көмек көрсету; туберкулезбен ауыратын науқастарды, туберкулезден кейінгі қалдық өзгерістері бар тұлғаларды медициналық оңалтуды жүргізу және тиімділігін бақылау; туберкулезбен ауыратын науқастарға паллиативтік медициналық көмек көрсету, инфекциялық бақылау.

Пән аясында резиденттер сәулелік диагностиканың теориялық негіздері бойынша білімін жетілдіреді, туберкулез және туберкулезді емес ауруларды диагностикалауда сәулелік зерттеу әдістерін қолдану, тыныс алу мүшелерінің аурулары кезіндегі негізгі және ажырату диагностикалық рентгенологиялық синдромдарды, сондай-ақ сәулелік диагностика нәтижелерін қолдану және түсіндіру дағдылары мен жасай алуы, сонымен қатар фтизиатр-дәрігер тәжірибесінде соңғы технологиялар мен әдістерді меңгереді.

Пән аясында резиденттер балалардағы тыныс алу мүшелері ауруларының этиологиясы, патогенезі, клиникалық көріністері бойынша білім алады және заманауи зертханалық және аспаптық зерттеу әдістері, соның ішінде әр-түрлі жастағы балалардағы тыныс алу мүшелерінің ауруларын диагностикалау үшін қолданылатын арнамалы аллергологиялық әдістерді, тұқым қуалайтын және жүре пайда болған тыныс алу мүшелерінің ауруларымен ауыратын балаларға ажырату диагностикасын жүргізу, емдеу және профилактикасы бойынша практикалық дағдыларды меңгереді.

Пән аясында резиденттер ересектердегі тыныс алу мүшелері ауруларының этиологиясы, патогенезі, клиникалық көріністері бойынша білім алады және заманауи зертханалық және аспаптық зерттеу әдістерін, ажырату диагностикасын, тұқым қуалайтын және жүре пайда болған тыныс алу мүшелерінің аурулары бар науқастарды емдеу және профилактикасы бойынша тәжірибелік дағдыларды меңгереді.

Дәлелді медицина-бұл ғылыми ақпаратты жинау, талдау, жалпылау және түсіндіру технологиясындағы жаңа тәсіл, бағыт. Бұл ең жақсы ғылыми деректерді дәрігердің клиникалық тәжірибесімен және пациенттің құндылықтарымен біріктіру, белгілі бір науқасты емдеуді таңдау үшін клиникалық зерттеулердің ең жақсы нәтижелерін адал, дәл және мағыналы пайдалану. Соңғы жылдары қоғамдық, кәсіби және басқа да ұйымдар мамандарының назарын аударған мәселе бұл ғылыми зерттеулер менеджментін тиімді ұйымдастыруда кездестін мәселелердің шешімі. Осыған байланысты қызметкерлерде жоғары дәрежеде мотивация қалыптастырып, тез арада белгілі мақсаттарға қол жеткізу қажет. Сондықтан, медициналық мамандық консолидациясы, әлеуметтік ғылыми және әлеуметтік реттеуші үш қызметті кәсіби деңгейде жетік орындауымыз қажет.Осыған байланысты, дәрігер тек соңғы медициналық технологиялар мен дәрі-дәрмектер туралы хабардар болып қана қоймай, сонымен қатар, емдеудің қандай да бір әдісін тиімді және қауіпсіз деп санауға болатындығын білуі керек

Пәннің аясында резиденттер ересектердегі туберкулезді диагностикалаудағы зерттеу әдістерін, ересектердегі туберкулезді диагностикалауда визуалды зерттеу әдістерін, олардың ақпараттық мазмұнын, сондай-ақ ересектердегі тыныс алу мүшелерінің рентгендік семиотикасын, тыныс алу мүшелерінің ауруларындағы рентгенологиялық белгілері мен синдромдарын зерттейді. Резиденттер диагностикалық дағдыларды, өкпе және өкпеден тыс туберкулезді туберкулезді емес аурулармен ажырату диагностикасын жүргізуді меңгереді. Олар ересектердегі туберкулезге қарсы препараттарды қолдануға көрсетпелерді анықтап, химиотерапия режимін тағайындай алатын болады.

Пәннің аясында резиденттер балалардағы туберкулездің эпидемиологиясы мен патоморфозы туралы білім алады. Олар профилактикалық медициналық тексерулер кезінде балаларға амбулаториялық-емханалық көмекті ұйымдастыру, туберкулезге қарсы иммунизациялау, сондай-ақ туберкулезге күдікті балаларды тексеру бойынша білім мен тәжірибелік дағдыларды игереді. Резиденттер балалардағы туберкулезді ерте диагностикалау және алдын алу әдістерін, туберкулезбен ауыратын науқастарды және туберкулезге шалдығу қаупі жоғары тұлғаларды диспансерлік бақылау шараларын, туберкулез инфекциясы ошақтарында туберкулез кезінде эпидемияға қарсы іс-шараларды ұйымдастыруды меңгереді. Алынған білімдері медициналық статистикалық ақпаратты талдау дағдыларын және медициналық құжаттарды есепке алу және есеп беру нысандарын жүргізу дағдыларын жетілдіруге бағытталатын болады.

Пәннің аясында резиденттер балалардағы туберкулезді диагностикалаудағы зерттеу әдістерін, балалардағы туберкулезді диагностикалауда визуалды зерттеу әдістерін, олардың ақпараттық мазмұнын, сондай-ақ ересектердегі тыныс алу мүшелерінің рентгендік семиотикасын, тыныс алу мүшелерінің ауруларындағы рентгенологиялық белгілері мен синдромдарын зерттейді. Резиденттер диагностикалық дағдыларды, балалрдағы өкпе және өкпеден тыс туберкулезді туберкулезді емес аурулармен ажырату диагностикасын жүргізуді меңгереді. Олар балалардағы туберкулезге қарсы препараттарды қолдануға көрсетпелерді анықтап, химиотерапия режимін тағайындай алатын болады.

Пән аясында резиденттер басқа аурулармен неғұрлым жиі үйлесетін өкпе туберкулезі, аурулардың себептік байланысы, үйлесімдердің патогенетикалық механизмдері, әр аурудың ағымына үйлесімнің әсері, туберкулез рецидивінде қатар жүретін патологияның рөлдері туралы білім алады. Резиденттер басқа аурулармен үйлескен өкпе туберкулезін емдеу тактикасының ерекшеліктері бойынша дағдыларды меңгереді.

туберкулездің дамуында медициналық-әлеуметтік факторларын бағалау әдістерін қолдану, туберкулездің профилактикасын (санитариялық, арнайы) ұйымдастыруға, туберкулез инфекциясы ошағында алдын-алу шараларын жүргізу қабілетті;

туберкулезді дер кезінде диагностикалау үшін анатомиялық-физиологиялық негіздерін, зертханалық, клиникалық-рентгенологиялық, аспаптық зерттеу әдістерін және науқас ағзасының функционалдық жағдайын бағалау білімдерін пайдалануға қабілетті;

медициналық-биологиялық және клиникалық пәндер негіздерін білуді пайдалана отырып, науқастардағы туберкулездің негізгі патологиялық симптомдары мен синдромдарын анықтауға қабілетті;

аурулардың және денсаулыққа байланысты проблемалардың халықаралық статистикалық жіктемесіне (АХЖ) сәйкес клиникалық диагнозды тұжырымдауға қабілетті;

қойылған диагнозға сәйкес емдеуді тағайындауға және медициналық көмектің барлық деңгейінде дәлелді тәжірибе негізінде оның тиімділігін бағалауға қабілетті;

туберкулез кезіндегі шұғыл және өмірге қауіп төндіретін жағдайларға диагностикалық және емдік шараларды жүргізуге қабілетті;

клиникалық сауығу сатысында туберкулезден кейінгі қалдық өзгерістері бар адамдарға әр-түрлі оңалту шараларын (медициналық, әлеуметтік, психологиялық) қолдануға қабілетті;

туберкулезге қарсы қызметтің ұйымдық құрылымы, медициналық көмек көрсету үшін әртүрлі типтегі медициналық ұйымдардың басқару қызметі туралы білімді пайдалану, туберкулезбен ауыратын науқастарға медициналық қызмет көрсетуде заманауи медициналық-ұйымдастыру және әлеуметтік-экономикалық технологиялардың тиімділігін бағалауға қабілетті;

пациент үшін ең жақсы нәтижеге қол жеткізу үшін пациентпен, оның қоршаған ортасымен, медицина қызметкерлерімен тиімді өзара әрекеттесуге қабілетті;

қауіптерді бағалау және туберкулезбен ауыратын науқастарға медициналық көмек көрсетудің қауіпсіздігі мен сапасын жоғары деңгейде қамтамасыз ету үшін ең тиімді әдістерді қолдануға қабілетті;

өз мамандығы бойынша Қазақстан Республикасы денсаулық сақтау жүйесінің құқықтық және ұйымдастырушылық саласы шеңберінде әрекет етеді, төтенше жағдайлар кезінде негізгі көмек көрсетеді, ұлт денсаулығын нығайту саясатын іске асыру бойынша кәсіптік ұжымдар құрамында әрекет етуге қабілетті;

денсаулық сақтау саласында қабылданған нормативтік құжаттаманы, сондай-ақ медициналық ұйымдар қызметінің сапасы мен тиімділігін бағалау үшін құжаттаманы пайдалануға қабілетті;

халықтың денсаулығын жақсарту және сақтау бойынша дәлелді шараларды әзірлеу мақсатында халыққа туберкулезге қарсы көмек көрсету көрсеткіштері туралы ақпаратты жинаудың және медициналық-статистикалық талдаудың заманауи әдістерін қолдануға қабілетті;

адекватты зерттеу сұрақтарын құрастыруға, кәсіби әдебиеттерді сыни тұрғыдан бағалауға, өзінің күнделікті қызметінде халықаралық мәліметтер базасын тиімді пайдалануға, зерттеу тобының жұмысына қатысуға қабілетті;

Ғылыми-зерттеу жұмыстарын жүргізу кезінде кәсіби қызметте пайдалану үшін ғылыми зерттеулер менеджментінің және дәлелді медицина принциптері мен дағдыларын игеру және меңгеру.