6B03204 Архивтану, құжаттану және құжаттаманы басқаруды қамтамасыз ету в Әл-Фараби атындағы Қазақ ұлттық университеті

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Курстың мақсаты: Қазақстанның жаңа және қазіргі заман тарихының негізгі кезеңдерін, оның ішінде империялық кезеңдегі қазақтардың ұлттық-азаттық қозғалысын, Ресей империясының Қазақстандағы реформалары мен эксперименттерін, Алаш қозғалысының тарихын зерттеу, Кеңсетік жүйедегі қазақ даласы, ХХ ғасырдың 20-30 жж зобалаң, 1986 жылғы Желтоқсан оқиғасы, КСРО-ның ыдырауының, Қазақстанның тәуелсіздік алуының кезеңдері бойынша тұжырымдарды қалыптастырады.

Мақсаты: экономикалық ойлау тәсілін; коммерциялық іске асырылатын индустриялық-инновациялық жобаларға бағытталуды қалыптастыру үшін қажетті өз бизнесін құрудың теориясы мен практикасы саласында базалық білімдерді қалыптастыру. Кәсіпкерлік, шағын және орта бизнестің ішкі және сыртқы ортасының негізгі шарттары; мемлекеттік реттеу және мемлекеттің кәсіпкерлік орта үшін рөлі мәселелері қарастырылады.

Мақсаты: студенттердің архивтануды кешенді ғылыми пән ретінде, болашақ кәсіби қызмет шеңберінде оны зерттеудің әдістері мен мәселелері туралы тұтас жүйелі түсініктерін қалыптастыру. Архивтанудың нормативтік-құқықтық базасы, Қазақстандағы архив ісінің ұйымдастырылуы, архивтану қағидаттары, архив құжаттарын жіктеу және жүйелеу, архив құжаттармен жұмыс істеудің негізгі кезеңдері сынды мәселелер қарастырылады

Пәннің мақсаты - студенттердің құжаттану ғылымның әдістемелік және ұйымдастырушылық мәселелерін зерттеу негізінде салалық құжаттамалық жүйені анықтау және бағалау мүмкіндігін қалыптастыру. Құжаттанудың негіздері, ұғымдық аппараттын қалыптастыру, құжаттарды жіктеу, жүйелеу, құжаттың материалдық негіздері, құжаттамалық қызметтің негізгі бағыттарының мазмұны, құжаттанудың қазіргі заманғы қолданбалы пәндермен өзара байланыстары қарастырылады.

Пәннің мақсаты - студенттердің шетел архивтерді зерттеу саласында ғылыми көзқарастарын қалыптастыру және шетел архивтануының даму кезеңдерін көрсету. Пән әртүрлі тарихи кезеңдердегі шет елдерде архивтердің пайда болу, қалыптасу және даму тарихын, негізгі анықтамалар мен категориялық аппараттын зерделеуге, шетелдік архивтанудың негізгі мәселелерінің мәнін ашуға бағытталған.

Пәннің мақсаты студенттердің арнайы тарихи пәндер білімдерін олардың кәсіби қызметінде пайдалану қабілетін қалыптастыру. ҚТП принциптері мен әдістері, қазіргі заманғы арнайы тарихи пәндерде қолданылатын негізгі ұғымдар мен терминдердің мазмұны, арнайы тарихи пәндердің қалыптасу және даму тарихы, қалыптасу кезеңдері, қазіргі жағдайы, ҚТП тарихи және архивтанулық зерттеулеріндегі ерекшеліктері мен рөлдері қарастырылады.

Мақсаты: студенттердің технотронды архивтер құжаттарын құру, сақтау және пайдалану салаларында теориялық білімдер мен тәжірибелік дағдылар қабілетін қалыптастыру. Технотронды архивтің қалыптасуы және дамуы, архив құжаттарының жіктелуі, технотронды архивтің құрамы мен мазмұны, толықтыру көздері, есепке алу, құжаттардың құндылығын сараптау, сақтау технологиясы, технотронды архивтің ақпараттық жұмысы, технотронды архив құжаттарын пайдалану мәселелері қарастырылады.

Пәннің мақсаты - студенттердің құжаттардың құндылығын сараптау үшін олардың архив қорларын толықтырудағы әсерін тигізуде, құжаттар, деректермен жұмыс жасауға дағдыларын қалыптастыру. Пән деректанудың теориялық-әдіснамалық негіздерін, деректану принциптерін, жіктелуі мен жүйеленуін, дереккөзбен жұмыс істеудің негізгі кезеңдерінің мазмұнын: деректанулық эвристика, тарихи деректердердің сыртқы және ішкі сындарын, тарихи деректерді талдауды зерттеуге бағытталған.

Пәннің мақсаты студенттердің мемлекеттің саяси жүйесінде мемлекеттік мекемелердің орны мен рөлін талдау қабілетін қалыптастыру. Мемлекеттік құрылыстың нысандары, мемлекеттік мекемелердің тарихи дамуындағы жүйесі, құзыреттері, функциялары мен жаңғыртылуы, мемлекеттік мекемелердің қызметі мен билік өкілеттіктері бойынша (заңнамалық, атқарушы, сот), мемлекеттік аппарат жүйесіндегі орны бойынша (жоғары, орталық, жергілікті) жіктелуі қарастырылады.

Мақсаты: студенттердің құжаттаманы басқаруды қамтамасыз ету саласында ақпараттық технологияларды қолданудың қолданбалы негіздерін сипаттау мен бағалауда қабілеттілігін қалыптастыру. ҚБҚ-де ақпараттық технологияларды енгізу кезеңдері; автоматтандыру тиімділігін бағалау әдістері; дерекқорлар және қолданбалы бағдарламалық қамтамасыз ету; ҚБҚ-де Интернет-технологияларды қолдану, ҚБҚ-де пайдаланылатын ақпараттық жүйелерде ақпаратты қорғау құралдары қарастырылады.

Пәннің мақсаты студенттердің басқарудың қазіргі заманғы әдістері мен технологияларын, архивтік қызметті табысты насихатталуын сипаттау және бағалау қабілетін қалыптастыру. Пән архивті басқарудың негізгі функцияларын және архив ісінде менеджмент пен маркетингтің қазіргі заманғы үрдістерін зерделеуге, архивте маркетингтік қызметтерді қолдануға бағытталған.

Курста классикалық тілдердің (араб, парсы, латын) фонетикасын, лексикасын және грамматикасын бастауыш деңгейде оқыту қарастырылған. Оқу материалы негізінен диалогтік формада беріледі және қарапайым лексикалық-грамматикалық безендірілуімен ерекшеленеді. Алынған дағдылар мен білімдерді «Классикалық тілдер (араб, парсы, латын) (жалғастырушы деңгей)» пәнді оқу кезінде қолдану керек.

Пәннің мақсаты - студенттердің заманауи ақпараттық қоғамды дамытуда ақпараттардың мәні мен маңыздылығын түсіну қабілеттілігін қалыптастыру. Пән қорғалатын ақпараттың құрамын, ақпараттық қауіпсіздікті қамтамасыз ету жөніндегі қызметтің түрлері мен әдістерінің ақпарат қауіптерінің құрылымын, ақпараттық қауіпсіздікті құқықтық және ұйымдастырушылық қамтамасыз ету негіздерін, ақпараттық қауіпсіздікті жіктеуді, ақпаратты қорғау әдістері мен құралдарын талдауды зерделеуге бағытталған.

Жалғастырушы деңгейге сәйкес қажетті білім мен дағдыны қалыптастыратын пән. Курс грамматика мен лексиканы, атап айтқанда, фонетиканы, тіл мен дыбыстардың айтылуын ажыратуды қарастырады. Бұл материал күрделі лексикалық және мағыналық сөз тіркестері бар грамматикалық сөйлемдерден тұрады. Архив және кітапхана қорларындағы дереккөздермен (араб, парсы және латын тілді) жұмыс жасауға үлесін тигізеді.

Мақсаты: студенттердің теориялық білімі мен практикалық дағдыларын қалыптастыру және аутсорсинг саласындағы техникалық әдістерді игеру. Курста мыналар қарастырылады: Аутсорсинг түсінігінің мазмұны, негізгі принциптері. ҚБҚ және архив ісінде аутсорсингтің нормативтік-құқықтық реттелуі. Құжаттаманы басқаруды қамтамасыз ету саласындағы аутсорсинг. Архивтік аутсорсинг. Архивтік аутсорсингте ақпараттық технологияларды пайдалану. Құжаттарды архивтік өңдеу және жою.

Пәннің мақсаты - студенттердің архивтанудың теориялық және әдістемелік бағыттары жөнінде жүйелі түсініктерін қалыптастыру. Келесі аспектілер қарастырылады: архив құжаттарын жіктеудің теориялық негіздері; қорландыру, архивтерде құжаттарды ұйымдастыру бойынша жұмыс әдістемесі; архивтерді құжаттармен жинақтаудың ғылыми-әдістемелік аспектілері; архивтану теориясы мен әдістемесі саласындағы ғылыми-зерттеу және әдістемелік жұмыс.

Пәннің мақсаты студенттерді персоналды басқару мәселелерін шешуде мамандандырылған компьютерлік бағдарламалармен және корпоративтік ақпараттық жүйелермен жұмыс істеудің тәжірибелік дағдыларын қалыптастыру. Қазіргі заманғы ұйымдарда ақпараттық технологияларды пайдалану, персоналды басқарудағы ақпараттық технологиялар, ақпараттық технологиялар персоналды бейімдеу тетігі ретінде, кадр жұмысын мамандандырылған бағдарламалық қамтамасыз етілуі, персоналды басқару саласындағы анықтамалық-іздестіру жүйелері сынды мәселелер қарастырылады.

Пәннің мақсаты - студенттердің архив ісі саласындағы автоматтандырылған технологияларі туралы базалық білімдерін қалыптастыру. Пән студенттерді курс терминологиясымен және архив ісін ақпараттандыру кезеңдерімен, архив ісін ақпараттандыру объектілері және мақсаттарымен, ақпараттық технологиялары және оларды архивке енгізуді ұйымдастырумен, электронды құжаттармен және архивтермен жұмыс істеу әдістемесімен таныстыруға бағытталған.

Пәннің мақсаты - студенттердің әртүрлі мазмұндағы құжаттардың мәтіндерімен жұмыс жасауда ақпараттық-құжаттамалық мәдениетін қалыптастыру. Іскерлік қарым-қатынастың негізгі теориялық тұжырымдамалары, іскери құжаттардың алуан түрлерінде тілдік құралдарды қолдану ерекшеліктері қарастырылады, құжаттарды стандарттау мен біріздендірудің тілдік жақтарына көп көңіл бөлінеді. Пән құжат лингвистикасының принциптерін, жіктемесі мен жүйелеуді, негізгі ережелерінің мазмұнын зерттеуге бағытталған.

Пәннің мақсаты студенттердің құжаттарды қалпына келтіру әдістерін меңгеру және оларды тәжірибеде қолдануға қабілеттілігін қалыптастыру. Қалпына келтіру жұмыстарын ұйымдастыру; желімді дайындау түрлері мен әдістері; қағаз негізіндегі құжаттарды қалпына келтіру, түптеу элементтерін қалпына келтіру әдістері; реставрациялық материалдардың ерекшеліктері, Photoshop бағдарламасында түптеудің графикалық рәсімдеу негіздері қарастырылады.

Пәннің мақсаты-түрлі тарихи кезеңдердегі мемлекеттік басқару аппараттардағы кеңсе жұмысының даму тенденцияларын және іс жүргізу жұмысын жетілдіру жолдарын талдау қабілетін қалыптастыру. Мынадай аспектілер қарастырылады: Қазақстанда іс жүргізудің қалыптасуы; ХV-ХІХ ғ.және ХХ ғ. іс жүргізуді ұйымдастырудың ерекшеліктері, іс жүргізудің қазіргі заманғы жүйесі, құжаттардың алуан түрлері мен типтерін дайындау мен ресімдеудің ерекшеліктері.

Пәннің мақсаты - әр түрлі типтегі басылымдар үшін құжаттарды анықтау және таңдау қабілеттілігін қалыптастыру. Пән археография теориясы мен тәжірибесін, құжаттық жарияланымдарды дайындау әдістемесін, құжаттарды анықтау және іріктеу қағидаттарын, археографиялық өңдеуді, әртүрлі кезеңдегі құжаттардың мәтінін таңдау және беру әдістемесін, жарияланымның ғылыми-анықтамалық аппаратын құрастыруды, жарияланатын құжаттардың археографиялық ресімделуін зерделеуге бағытталған.

Пәннің мақсаты - студенттердің мемлекеттік және мемлекеттік емес ұйымдарда құжат жүйесін ұйымдастырудың әдістері мен технологияларын қолдану мүмкіндігін және құжаттар мен олардың жүйелерін басқару бойынша түрлі әдістемелік және нормативтік құжаттарды әзірлеу дағдыларын қалыптастыру. Мемлекеттік және мемлекеттік емес ұйымдар қызметінің үдерістерін құжаттандыру саласы, жіктелуі, құжаттаудың құқықтық негіздері қарастырылады.

Пәннің мақсаты - студенттердің құжаттаманы басқарудың құқықтық негіздері туралы жүйелі түсініктері мен болашақ кәсіби қызметтерінде алынған білімдерді қолдануға қабілеттілігін қалыптастыру. Құжаттаманы басқаруды құқықтық реттеу туралы қоғамды ақпараттандыру; Қазақстанда ҚБҚ құқықтық жүйесі; шетелде құжаттаманы басқаруды ұйымдастырудың құқықтық негізінің қазіргі заманғы үрдістері мен қағидаттары қарастырылады.

Мақсаты - Қазақстан Республикасының Ұлттық архив қоры құжаттарының сақталуын қамтамасыз ету әдістерін меңгеру және оларды іс жүзінде қолдана алу. Курс архив қоймаларының температуралық және ылғалдылық режимін сақтаудан бастап, қалпына келтіру, архивтік климатология мәселелеріне дейін құжаттарды ұзақ уақыт сақтау мәселелерін шешумен байланысты архив жұмыстарының кезеңдерін зерттеуге бағытталған.

Пәннің мақсаты-студенттердің архив құжаттарын цифрландырудың заманауи технологиялары туралы жүйелі түсініктері мен архивте сканерлер және басқа да техникалық құралдармен жұмыс жасау әдістерін үйрену қабілеттілігін қалыптастыру. Архив құжаттарын цифрлаудың модельдік нысандары; құжаттарды цифрлаудың техникалық құралдары; сканерлеуші құрылғылардың жұмыс қағидаттары; архивтік құжаттарының мәтінін тану, цифрландыру үдерісінің бағдарламалық қамтамасыз етуін таңдау әдістемесі қарастырылады.

Мақсаты: студенттердің шығармашылық тұрғыда ойлау, ғылыми-зерттеу жұмыстарын жеке жүргізу, талдау және ақпаратты қорытындылау қабілеттілігін қалыптастыру. Мынадай аспектілер қарастырылады: ғылыми зерттеулерді жіктеу; ғылыми зерттеулерді жүргізудің жалпы санаттары, ұғымдары, қағидаттары, әдістері мен әдіснамалары; ғылыми зерттеу тақырыбын таңдау; ғылыми ақпаратты жинау; ғылыми-зерттеу жұмыстарын ұйымдастыру, жоспарлау, дайындау, ресімдеу; ғылыми зерттеулердің нәтижелерін енгізу.

Құжаттарды басқаруды қамтамасыз ету және архивтік сақтау қызметінің жұмысын ұйымдастыру; нақты ұйымды басқаруды құжаттамалық қамтамасыз ету жағдайын талдау; құжаттармен жұмысты реттейтін жергілікті нормативтік-әдістемелік актілерді әзірлеу; ұйымның құжаттары бойынша жіктеуіштер, табельдер және басқа да анықтамалықтар әзірлеу және жүргізу.

Кәсіби қызметте архивтік, құжаттамалық және археографиялық салаларында заманауи компьютерлік ақпараттық және телекоммуникациялық технологияларды білікті пайдаланушы деңгейінде пайдалану.

ҚР Ұлттық архив қорының құжаттарын (архивтік, аудиовизуалды, ғылыми-техникалық және жеке текті құжаттар) ғылыми, анықтамалық және тәжірибелік мақсаттарда пайдалануды ұйымдастыру.

Персоналды басқару бойынша жұмысты ұйымдастыру; персоналдың қызметін бағалау; кадр резервін қалыптастыру; ұжымның әлеуметтік дамуына қатысу, еңбек даулары мен жанжалдарын шешу; персоналдың еңбегін ұйымдастыруды жетілдіру бойынша іс-шараларды әзірлеу және іске асыру.

Отандық және шетелдік архивтану, құжаттану, архивтанудың теориясы мен әдістемесі, іс жүргізу, мемлекеттік мекемелер тарихы, археография салаларында кәсіби білімдерін көрсету.

Құжаттарды басқаруда пайдаланылатын бағдарламалық өнімдерді талдау, электронды құжат айналымы жүйелерінде жұмыс істеу; кәсіпорындардың электронды архивін ұйымдастыру, ақпараттық қауіпсіздікті және деректердің тұтастығын қамтамасыз ету, ақпаратты қорғауды ұйымдастыру.

Архив құжаттарын анықтау, жарияланымдардың түрлері мен типтерін және олардың ғылыми құндылығы мен өзектілігін анықтау, жинақтарға ғылыми-анықтамалық аппарат құру; тарихи дереккөздерді жариялау.

Архив саласындағы және құжаттамалық қамтамасыз етудегі менеджмент және маркетинг тиімділігінің факторларын анықтау, архивтік аутсорсингті ұйымдастыру, ұйымдардың маркетингтік стратегиясын әзірлеуге қатысу, оны іске асыруға бағытталған іс-шараларды жоспарлау және жүзеге асыру, басқарушылық жағдайларды модельдеу.

Архивтерде құжаттардың (оның ішінде технотронды құжаттардың) сақталуын қамтамасыз ету жөніндегі жұмысты ұйымдастыру; архив қорлары мен архивтерді дұрыс сыныптау, архив құжаттарын цифрлау технологияларын меңгеру, архив құжаттарын консервациялау мен реставрациялаудың, архивтік климатологияның қазіргі заманғы әдістерін қолдану.

ҚР Ұлттық архив қорын құжаттармен (архивтік, ғылыми-техникалық, аудиовизуалды, электрондық, жеке тектік құжаттар, коммерциялық ұйымдардың құжаттары) толықтыру кезеңдерін талдау; құжаттардың құндылығына сараптама жүргізу, оларды архивтік сақтауға немесе жоюға дайындау; сараптама қорытындысын жасау.

Философия, әлеуметтану, саясаттану, мәдениеттану, экология, тарих, мемлекеттік мекемелердің тарихы, экономика, лингвистика және құқық сияқты шектес ғылымдардың білімдерін кәсіби мақсаттарында пайдалану, ерекше жағдайларға бейімделу, командада жұмыс істеу.

Құжаттың палеографиялық сипаттамасын, жазбаша тарихи деректерді талдау және ғылыми сыннан өткізу, дереккөздермен жұмыс жасауда шығыс тілдері мен латын тілі білімін пайдалану.