6B07271 Фармацевтикалық және парфюмерлік-косметикалық құралдар технологиясы в М.Әуезов атындағы Оңтүстік Қазақстан университеті

Сызықтық және векторлық алгебра, аналитикалық геометрияны; математикалық талдауды кіріспе; бір айнымалы функцияны дифференциалдық есептеу, анықталмаған және айқын интегралдар; бірнеше айнымалылары бар функцияны қолдану, қарапайым дифференциалдық теңдеулерді қарастырады. Қатарлар теориясын, ықтималдықтар теориясын, қолданбалы есептерді моделдеуді есептеу дағдыларын үйретеді.

Химияның негізгі заңдарын; химиялық процестер өтуінің негізгі заңдылықтарын; химиялық элементтер, заттар және қосылыстардың жіктелуін және қасиеттерін; негізгі химиялық заттар мен олардың қосылыстарының мақсаты мен қолданылу аумағын қарастырады. Заттар мен қосылыстарды химиялық зерттеудің негізгі қарапайым әдістерін; кәсіби міндеттерді шешуде жалпы химияның негізгі заңдылықтары мен әдістері қолдану дағдыларын үйретеді.

Акдемиялық салаға қатысты мемлекеттік, орыс және шет тілдерін пайдалану саласындағы комуникативті құзыреттілікті кеңейтеді, студенттерде мемлекеттік, орыс және шет тілдері материалдарында прагматиялық ойлау дағдыларын, тілдің вариантты бірлігін талдай білу және комуникация мақсаттары мен шарттарына байланысты қажетті бірлікті таңдауды сауатты жүзеге асыру дағдыларын қалыптастырады.

Жоғары оқу орнында білім беру үрдісін ұйымдастыру ережелерін, білім беру процесінің негізгі компоненттерін; білім беру бағдарламасы туралы ақпаратты; Қазақстан Республикасының мұнай өңдеу және мұнай химиясының даму тарихын; көмірсутекті шикізатты өңдеу технологиясының негіздерін; полимерлер, каучуктер және резина алу технологияларын қарастырады. Химиялық инженерияны дамыту үрдістері туралы білімді қалыптастырады, органикалық заттардың химиялық технологиясы саласындағы инновацияларды таныстырады

Материалдық нүктенің кинематикасы мен динамикасын; механикадағы сақталу заңдарын, тұтас орталар механикасы элементтерін; механикалық тербелістер мен толқындарды; молекулалық физика; термодинамика; тасымалдау құбылыстарын; нақты газдар, электростатикасы; тұрақты электр тогы, магнит өрісі, электромагниттік индукция құбылысын, тербелістер мен толқындар, кванттық физика, жылу сәулеленуі, фото әсер; кванттық электроника және атомдық ядро физикасы элементтерін қарастырады.

Қоғамдық сананы жаңғыртудың ұғымдарын, түрлерін, белгілерін, ерекшеліктерін, мәнін және негізгі бағыттарын; бәсекеге қабілеттілікті, прагматизмді, ұлттық сәйкестікті, эволюциялық дамуды, жаңа идеологияны қарастырады. Ұлттық сәйкестікті сақтау, отанға қалтқысыз қызмет ету; сананың ашықтығы, өзгерістерге даяр болу, ашықтық және әлемдік үздік жетістіктерді қабылдау дағдыларын қалыптастырады.

«Мұхтартану» ғылымының қалыптасу және даму тарихын, М.Әуезовтің өмірі мен шығармашылығындағы айтулы кезеңдерін, қазақ әдебиетіндегі М.Әуезов шығармаларының рөлі мен маңызын қарастырады. М.Әуезовтің өмірі мен шығармашылығы туралы ақпаратты іздену және пайдалану; шығармаларын дербес іздену, қандай да бір мәтіннің негізгі шығармашылық құралдарын айқындау және мәселесін көруді болжайтын көркем шығармаларын аналитикалық оқу дағдыларын үйретеді.

Абайдың өмірі мен шығармаларын, шығармашылығын, оның философиялық, эстетикалық және қоғамдық көзқарастарын; «Абайтану» ғылымының туындауы және қалыптасуын, абайтанушы-ғалымдардың негізгі еңбектерін қарастырады. Негізін қалаушы ретінде әлемдік және шығыс әдебиетінде М.Әуезовтің әдеби мұрасын талдау дағдыларын дамытады, отансүйгіштік сезімін және отанына деген сүйіспеншілігін қалыптастырады.

Мәтіннен қажетті ақпаратты теріп алу, оны оқу-кәсіби тілдесуде түсіндіре білу дағдыларын дамытады. Тілдесу мақсаттары мен жағдайларына қарай кәсіби деңгейде қарым-қатынас орнату, сауатты қарым-қатынас тұрғызу қабілетін қалыптастырады. Кәсіби тілдесу саласында орыс (қазақ) тілінде сөйлеу мінез-құлқы бағдарламасын құру процесінде шығармашылық, инновациялық, алқалыққа бейімделу қабілетін орнатады.

Кәсіби қызмет саласында ауызша тілдесуге қажетті сөйлеу әрекетінің барлық түрлерін; кәсіби тиісті ақпаратты бөліп алып мерзімді басылым материалдарын және арнаулы әдебиеттерді оқуды, іскер қатынас хаттар және заманауи байланыс құралдарын қолданып құжаттарды жүргізу, мамандық бойынша ақпаратты шет тілінен аударуды, кәсіби бағытталған ортада әртүрлі жазбаша жұмыстарды (түйіндеме, баяндама, реферат, эссе) жазуды меңгеру дағдыларын қалыптастырады.

Химиялық термодинамика, химиялық тепе-теңдік; су ерітінділер, газдар және электролиттер қасиеттері, фазалық тепе-теңдікті есептеу әдістері; беттік құбылыстар мен дисперсті жүйелер және коллоидты ерітінділер қасиеттері туралы білімді қалыптастырады. Өтетін химиялық процестің негізгі параметрлерін есептеу, процестің оңтайлы технологиялық параметрлерін таңдауды жүзеге асыру дағдыларын қалыптастырады.

Сызба геометриясы негізгі ережелерін, инженерлік графиканы, МЕМСТ сәйкес жалпы техникалық және арнайы сызбаларды практика-лық орындауды қарастырады. 3D-модельдеу, AutoCAD автоматты жобалау ортасында заманауи компьютерлік бағдарламалармен жұмыс істеу, техникалық сызбаларды оқу дағдыларын қалыптастырады.

Аналитикалық химиядағы химиялық реакциялар және процестердің негізгі типтерін; гравиметриялық талдау әдісінде қолданылатын теория және химиялық реакциялар; титриметриялық әдістер теориясын, негізгі индикаторларды, ерітінділер концентрациясын өрнектеу тәсілдерін; титрлегендегі эквиваленттік нүктені анықтау әдістерін қарастырады. Химиялық талдау әдісі мен жүргізуді, иондарды анықтау мен сәйкестендіру; ерітінділерді даярлау әдісін таңдау дағдыларын қалыптастырады.

Өнеркәсіптік органикалық химияда қолданылатын табиғи шикізаттың құрамын, қасиеттерін, даярлау әдістері мен өңдеуді; өнеркәсіптік органикалық синтездің маңызды өнімдерін және оларды алудың заманауи әдістерін қарастырады. Зертханалық жағдайларда өнеркәсіптік органикалық химия өнімдері синтезін жүргізу; органикалық қосыластар құрылымын айқындау және тазарту, зертханалық зерттеулер нәтижелерін өңдеу дағдыларын қалыптастырады.

Заманауи органикалық химияның теориялық негіздерін (органикалық заттардың негізгі кластарының құрамы, құрылысы және химиялық қасиеттерін, органикалық қосылыстар құрылысының олардың реакцияға түсу қабілетімен байланысы), химиялық реакциялар типтерін және олардың өту жағдайларын қарастырады. Қосылыс құрылысы және оның химиялық қасиеттері, зертханалық жағдайларда органикалық қосылыстарды синтездеуді жүргізу арасындағы өзара байланысты айқындау дағдыларын қалыптастырады.

Теориялық механиканы: статика аксиомаларын; күштер жүйесін ең қарапайым түрге келтіруді; тепе-теңдік шарттарын; нүкте және қатты дене кинематикасын; материалдық нүкте және қатты дене динамикасын; материалдар кедергісі негіздерін, беріктік, қатаңдық, тұрақтылық ұғымдарын; деформация түрлерін - созылу және сығылу, бұралу, кесу, майысу, күрделі деформация; машина бөлшектерін жобалау критерийілерін қарастырады.

Парфюмерия және косметика Қауіпсіздігі Менеджментінің өзектілендірілген стандарттарының жүйесін қарастырады: ISO: 9001 – сапа менеджменті; 14001 – экологиялық менеджмент; 18001 – Кәсіби қауіпсіздік және денсаулық сақтау. Өнімнің парфюмерлік және косметикасы менеджменті жүйесі бойынша нормативтік құжаттарды пайдалану және әзірлеу дағдыларын қалыптастырады

Синтетикалық шикізатты синтездеу және қайта өңдеудің физика-химиялық негіздерін қарастырады: органикалық спирттер, оның ішінде көпатомды спирттер, полиэтиленгликольдер, органикалық қышқылдар, синтетикалық гель түзетін заттар, мұнайды қайта өңдеу өнімдері (парафин, церезин, вазелин және парфюмерлік май). Синтетикалық шикізатты синтездеу және талдау бойынша зертханалық зерттеулер жүргізу дағдыларын қалыптастырады.

Химиялық өндірістің негізгі кезеңдерін, химия өндіріс тиімділігін критерийлерін; химиялық технологияның теориялық негіздерін; гомогенді, гетерогенді және гетерогенді-каталитикалық химиялық процестердің негізгі заңдылықтарын; химиялық реакторлардың жұмыс істеу принциптерін қарастырады. Химиялық-технологиялық процес-тердің материалдық және жылулық баланстарын есептеу және талдау; технологиялық сұлбалардың элементтерін суреттеу үшін негізгі кинетикалық параметрлерді қолдану дағдыларын қалыптастырады.

Экономика, құқық, антикоррупциялық мәдениет, экология және тіршілік қауіпсіздігі, кәсіпкерлік, ғылыми зерттеулер әдістері саласында интеграцияланған білімді қалыптастыру. Адам мен табиғаттың қауіпсіз өзара іс-қимылының, экожүйелер мен биосфераның өнімділігінің негіздері. Ресурстардың шектеулілігі жағдайындағы қоғамның кәсіпкерлік қызметі, бизнес пен ұлттық экономиканың бәсекеге қабілеттілігін арттыру. Экология және адам тіршілігінің қауіпсіздігі саласындағы қатынастарды реттеу. Қазақстандық құқықты, субъектілердің міндеттері мен кепілдіктерін білу, әлеуметтік прогресті қамтамасыз ету үшін қоғамдық қатынастарды мемлекеттік реттеуді білу және сақтау. Ғылыми зерттеулер әдістерін қолдану.

Химия-технологиялық процестердің математикалық модельдерінің жіктелуін, химия-технологиялық процестердің детерминирленген, стохастикалық математикалық модельдерін әзірлеуді, химия-технологиялық процестердің математикалық модельдерінің баламалылығын бағалау және оңтайландыру әдістерін қарастырады. Зертханалық зерттеулер нәтижелерін сандық өңдеу және түсіндіру дағдыларын үйретеді.

Өсімдік шикізатын өңдеудің физика-химиялық негіздері мен жалпы принциптерін; өсімдік шикізатының негізгі қасиеттерін және өсімдік шикізатын өңдеу сапасына әсер ететін факторларды; фармацевтикалық және парфюмерлік-косметикалық бұйымдар өндірісінде өсімдік шикізатын пайдалану перспективаларын қарастырады. Өсімдік шикізатына зертханалық зерттеулер жүргізу дағдыларын қалыптастырады.

Парфюмерлік-косметикалық өнімдер мен ауыз қуысы гигиенасы құралдарын өндіру мен сапасына қойылатын санитариялық-эпидемиологиялық талаптар парфюмерлік-косметикалық өнімдерді өндіру объектілерінің үй-жайларын, жабдықтарын және ауыз қуысы гигиенасы құралдарын жобалауға, салуға, сумен жабдықтауға, кәріздеуге, жарықтандыруға, желдетуге, күтіп-ұстауға қойылатын талаптарды белгілейді. Осы бағыт бойынша ҚР нормативтік құжаттарын зерттеу.

Химиялық-технологиялық процесстердің жалпы сипаттамалары мен жіктелуін; химия-технологиялық жүйелерді (XTЖ) термодинамикалық талдауды; қысым, температура және реагенттердің артық мөлшері туралы Ле-Шателье принципіндегі шектеулерді; гомогенді және гетерогенді химиялық процестер кинетикасын, өту аумағын, өтудің әртүрлі аумақтарында гетерогенді процестерді күшейту жолдарын қарастырады. Реакциялық қоспаның тепе-теңдік құрамын есептеу; химиялық-технологиялық процестерді шектейтін факторларға талдау жүргізу дағдыларын үйретеді.

Парфюмерлік-косметикалық өнімдерді өндіруге арналған шикізаттың (спирттер, эфир майлары, БАЗ және т.б.) элементтік және топтық құрамын; шикізаттың құрылымдық-топтық құрамын анықтау әдістерін; биологиялық активті компоненттерді талдаудың қазіргі заманғы әдістерін; өсімдік шикізатының физикалық-химиялық сипаттамаларын, оларды талдауға арналған жабдықтарды қарастырады. Аналитикалық жабдықпен, бақылау-өлшеу аппаратурасымен, шикізатқа және шығарылатын өнімге стандарттар мен техникалық шарттармен жұмыс істеу дағдыларын үйретеді.

Парфюмерлік өнімдерді дайындау технологиясын, рецептураны есептеуді; хош иісті заттар өнімнің хош иісті негізі ретінде, этил спирті хош иісті заттарды еріткіш ретінде және дезинфекциялаушы заттар, бояғыштар мен қосалқы заттар, парфюмерлік өнімдерді дайындаудың технологиялық процестерін қарастырады. Парфюмерлік өнімдерді жасаудың практикалық дағдыларын, зертханалық және өнеркәсіптік жағдайларда олардың қасиеттерін зерттейді

Техникалық реттеу, стандарттау жүйелерін, өлшемдер бірлігін қамтамасыз ету, заңнамалық және нормативтік құжаттар, стандарттар түрлері мен санаттарын қарастырады. Стандарттау әдістерін, сертификаттау схемаларын, техникалық регламенттер талаптарын қолдану, нарық субъектілерінің метрологиялық стандарттар мен ережелерді, стандарттау, сертификаттау бойынша талаптар сақталуын талдау; мемлекетаралық және халықаралық стандарттау, сертификаттау, метрология бойынша жұмыстың экономикалық тиімділігін бағалау дағдыларын қалыптастырады.

Биохимия объектілері және зерттеу әдістерін; заманауи биохимияның өзіндік ғылым ретінде қалыптасуының негізгі кезеңдерін; тірі ағзалардың химиялық құрамын; мұнай өңдеудегі микроағзалардың маңызын қарастырады. Ең маңызды табиғи объектілердің қасиеттерін зерттеу және сәйкестендіру бойынша химиялық талдау жүргізу; биохимиялық зерттеулер жүргізгенде қажетті құралдар мен зертханалық құрал-жабдықтарды пайдалану дағдыларын қалыптастырады.

Жылу және масса беру процестерін тасымалдау механизмін, процестердің негізгі теңдеулерін; жылу және масса алмасу аппаратураларының негізгі түрлерінің құрылысын; кептіру, кристалдану және ерітудің материалдық және жылулық баланстарын қарастырады. Жылу мен масса алмасу процестерін есептеуді жүргізу және оларды жүргізудің оңтайлы параметрлерін анықтауды; осы процесті қамтамасыз ететін негізгі аппараттардың жобалық-құрастыру есептеулерін орындау дағдыларын үйретеді.

Дәрілік өсімдіктерді және өсімдік және жануар тектес бастапқы қайта өңдеудің кейбір өнімдерін; олардың химиялық құрамын, өсімдіктерден осы заттарды бөлу тәсілдерін; дәрілік өсімдік шикізатын нормалау және стандарттауды қарастырады; тиімді фармацевтикалық және косметикалық заттардың ассортиментін кеңейту және жасау мақсатында өсімдік тектес жаңа дәрілік заттарды іздеу және талдау дағдыларын қалыптастырады.

Жуу құралдарын алудың теориялық негіздері мен өндірістік процестерін, косметикалық жуу құралдарын сыныптауды, синтетикалық жуу құралдарын өндіру технологиясын, жуу құралдарын өндіруде БАЗ қолдануды қарастырады. Жуу құралдарының рецептілерін есептеу және олардың қасиеттерін зерттеу дағдыларын үйретеді.

Көмірсутектер химиясының тәжірибелік әдістері мен теориялық негіздерін қарастырады: өсімдік, жануар немесе қазба шикізатынан жеке заттарды бөлу; көмірсутек қосылыстарын синтездеу және тазалау; химиялық реакциялардың механизмдері. Заттардың құрылымын анықтау; көмірсутектердің құрылымы мен олардың қасиеттері арасындағы тәуелділікті анықтау дағдыларын дағдыландырады.

Сабын өндіруге арналған шикізатты, химиялық құрамын, дайындау технологиясын, сабын сапасының жіктелуі мен көрсеткіштерін қарастырады. Зертханалық жағдайда дайын өнімнің сапасы мен тағайындалуына байланысты сабын рецептурасын әзірлеу үшін ингредиенттерді іріктеу дағдыларын үйретеді.

Табиғи және синтетикалық хош иісті заттардың құрамы мен физика-химиялық қасиеттерін; шикізатты өңдеуге дайындаудың теориялық негіздерін, шикізаттың әр түрлерін бөлудің физикалық әдістерін; сұйық дисперсиялық жүйелерді; табиғи және синтетикалық хош иісті заттарды өңдеу процестерінің негізгі физика-химиялық сипаттамаларын қарастырады. Табиғи және синтетикалық хош иісті заттарды синтездеудің, зертханалық және өнеркәсіптік жағдайларда олардың қасиеттерін зерттеудің практикалық дағдыларын дағдыландырады

Биополимерлерді жоғары молекулалық қосылыстар класы ретінде және құрылысы, иілгіштігі және молекуладан сырт құрылымы туралы ұғымдарға негізделген олардың құрылымдық ұйымдастырылу деңгейін; биополимерлер химиясының химиялық инженерия саласындағы жаратылыстану-ғылыми пәндермен және мамандық пәндерімен өзара байланысын қарастырады. Биополимерлер қасиеттерін зерттеу үшін химиялық талдау жүргізу дағдыларын үйретеді.

Өндірісті аналитикалық бақылаудың теориялық негіздерін; аналитикалық бақылаудың метрологиялық және стандартталуын; техникалық талдау жүргізу бойынша жалпы әдістемелік нұсқауларды; өндірісті экологиялық бақылаудың негізгі элементтері мен объектілерін; Талдаудың химиялық, физикалық және физика-химиялық әдістерін қарастырады. Парфюмерия мен косметологияда қолданылатын органикалық заттарды таңдау және техникалық талдау жүргізу дағдыларын үйретеді.

Гидравлика, гидродинамикалық процестер мен аппараттардың негіздері, жылулық процестер, массаалмасу процестері, аппараттар мен құрылымдарды есептеу және таңдау негіздерін; аппараттар жұмысына салыстырмалы талдау жасауды, технологиялық процестерді өткізудің оңтайлы жағдайларын табуды қарастырады. Процестердің материалдық және энергетикалық есептерін жүргізу және оларды жүргізудің оңтайлы параметрлерін анықтау; осы процесті қамтамасыз ететін негізгі аппараттардың жобалық-құрастыру есептеулерін орындау дағдыларын үйретеді.

П30.04.2021 жылғы №6 хаттама. Қосымша білім беру бағдарламасы (Мinor) (минор) – қосалқы құзыреттіліктерді қалыптастыру мақсатында оқу үшін білім алушы анықтаған пәндер мен (немесе) модулдер және басқа да оқу жұмысы түрлерінің жиынтығы.

Косметикалық өнімдер - кремдер, гельдер, маскалар, тіс ұнтақтары мен пасталар, шаш күтімі құралдары, шампуньдер, бальзамдар, душ және сұйық сабынға арналған гельдер, косметикалық бұйымдардың жіктелуін қарастырады. Косметика, косметикалық препараттар үшін ароматизаторлардың рецептурасын жасау, өсімдік экстрактілері, биологиялық белсенді қоспалар, емдік балшықтар мен тұздар негізінде жоғары тиімді косметикалық өнімдерді жасау дағдыларын зертханалық жағдайда қалыптастырады.

Экономикалық жүйелер түрлері және өтпелі экономика заңдылықтары; нарықтық экономиканың мәні мен механизмі; сұраныс пен ұсыныс теориясының негіздері; кәсіпкерлік қызмет туралы білімді қалыптастырады. Өз ісін құру, сауда-саттық жүргізу, құқықтық сипаттағы құжаттарды даярлау, бизнес-жоспар құрастыру дағдыларын үйретеді.

Дисперсті жүйелердің қасиеттерін; осмотикалық қысымды; диффузияны; дисперсті жүйелерді алу және тазалау тәсілдерін; дисперсті жүйелердің кинетикалық және құрылымдық-механикалық, реологиялық және технологиялық қасиеттерін; беттік құбылыстарды;адсорбцияны; агрегативтік орнықтылықты, коагуляцияны және дисперсті жүйелердің электрлік қасиеттерін қарастырады. Дисперсиялық жүйелерді алу тәсілдерін таңдау, олардың негізгі қасиеттерін зерттеу дағдыларын үйретеді.

Автоматты реттеу және басқару негіздерін; технологиялық процестерді басқарудың автоматтандырылған жүйелерінің қызметі, мақсаты және функциясын; автоматты бақылау; автоматты бақылау жүйелерінің қызметін; аспаптарды; технологиялық параметрлерді автоматты түрде бақылауды; қашықтан және телемеханикалық бақылау мен басқаруды; мұнай өнімдерін өндіруді автоматтандыруды қарастырады. Технологиялық процестерді автоматтандыру міндеттерін шешу үшін жаңа ақпараттық технологияларды қолдану дағдыларын қалыптастырады.

Негізгі технологиялық объектілерді автоматтандыру жүйелерін, технологиялық процестерді басқарудың иерархиялық жүйелерін; технологиялық процестерді басқарудың автоматтандырылған жүйесінің құрылымын және негізгі технологиялық параметрлерін өлшеу әдістері мен тәсілдерін, технологиялық объектілерді автоматтандыру жүйелерін, автоматтандырудың функционалдық схемаларын синтездеуді қарастырады. Технологиялық процестерді автоматтандырудың типтік сұлбаларын оқып білу; автоматтандырудың негізгі құрылғыларды және құралдарын экономикалық негіздеу дағдыларын қалыптастырады.

Қожалық етудің нарықтық жүйесінде кәсіпорынды ұйымдастыруды; өндіріс түрлерін, оның техникалық-экономикалық сипаттамаларын; өндіріс құрылымын; кәсіпорында техникалық бақылауды ұйымдастыруды; өндірісті техникалық даярлауды басқаруды; өндіріс мәні, функциялары және басқару әдістерін қарастырады. Кәсіпорын жұмысы тиімділігін жоғарылатуға, өнімділікті арттыруға бағытталған әртүрлі басқару шешімдерін құрастыру мен негіздеу дағдыларын үйретеді.

Физика-химиялық негіздерді және шикізатты қайта өңдеудің жалпы принциптерін; табиғи және синтетикалық шикізаттың негізгі қасиеттерін және парфюмерия өндірісінде шикізатты қайта өңдеу сапасына әсер ететін факторларды; парфюмерлік бұйымдар өндірісінде жаңа шикізатты пайдалану перспективаларын қарастырады. Табиғи және синтетикалық шикізатқа зертханалық зерттеулер жүргізу дағдыларын қалыптастырады.

Дәрілік заттарды дәрілік препараттарға қайта өңдеудің теориялық негіздері мен өндірістік процестерін оларға белгілі бір дәрілік нысан беру арқылы, емдік профилактикалық мақсаттағы косметикалық заттарды өндіру кезінде фармацевтикалық технологияны пайдалануды қарастырады. Рецептерді және технология параметрлерін қажетті есептеуді орындау; дәрілік түрді дайындаудың оңтайлы нұсқасын таңдау және зертханалық жағдайда оның сапасын анықтау дағдыларын қалыптастырады.

Өсімдік және жануар шикізатынан майларды алудың теориялық негіздері мен технологиясын; синтетикалық көмірсутек шикізатынан майлы спирттерді алу және пайдалануды; парфюмерлік және косметикалық өнімдер өндірісінде майларды қолдануды қарастырады. Жануарлар мен өсімдік майларынан парфюмерлік және косметикалық өнімдердің компоненттерін алу және олардың қасиеттерін зерттеу бойынша зертханалық зерттеулер жүргізу дағдыларын қалыптастырады.

Сәндік косметика өндірісінің теориялық негіздері мен технологиясын, мақсаты, қолданылу аясы, тырнақтарды, шашты күту, бет аймағы, дисперсиялық жүйенің табиғаты, әрекет ету ұзақтығы және шығару формасы бойынша жіктеуді; сәндік косметиканы жасау технологиясының ерекшеліктерін қарастырады. Сәндік косметиканы әзірлеу және олардың қасиеттерін зерттеу дағдыларын үйретеді.

Парфюмерлік-косметикалық құралдарды (ПКҚ) сараптау объектілері мен міндеттерін; ЖКС ассортименті мен сапасын қалыптастыратын факторларды; сапа талаптарын, сапа көрсеткіштерін, сапаны бағалау және бақылау ерекшеліктерін, ПКҚ тауарлық кіші топтарын сараптау ережелерін, сәйкестендіруді және сертификаттауды; ПКҚ сапасы мен қауіпсіздігі саласындағы негізгі нормативтік-құқықтық құжаттарды қарастырады. Парфюмерлік және косметикалық заттарға сараптама жүргізу дағдыларын қалыптастырады.

Беттік активті заттардың (БАЗ) физикасы мен химиясын; БАЗ ерітінділерінде мицелл түзілуін; баз концентрацияланған жүйелерінің фазалық тәртібін; эмульсия мен эмульгаторларды; микроэмульсияларды қарастырады. БАЗ-дың физика-химиялық қасиеттері мен тұрақтылығын болжау және зерттеу дағдыларын үйретеді.

Биологиялық белсенді қосылыстардың синтезі мен бөлінуінің физика-химиялық негіздерін, оның ішінде органикалық қышқылдар, алколоидтар, флавондар, флавоноидтар және т. б. қарастырады. Табиғи биологиялық белсенді қосылыстарды синтездеу және бөлу бойынша зертханалық зерттеулер жүргізу дағдыларын қалыптастырады.

Дезодорациялайтын құралдардың сипаттамасын, жіктелуін және әсер ету механизмін; әртүрлі шығарылым нысанындағы дезодорациялайтын құралдардың рецептурасы мен алу технологиясын; тауарлардың сапасын бағалауды қарастырады. Дезодирлеуші косметикалық құралдардың рецептурасын талдау және негіздеу бойынша практикалық іскерліктер мен дағдыларды қалыптастырады.

Түрлі заттарды экстракциялаудың теориялық негіздері мен өндірістік процестерін, экстрагирлеу және өсімдік шикізатының экстрагирлеу үшін қолданылатын еріткіштердің түрлерін, өсімдік шикізатын экстрагирлеу процесіне әсер ететін факторларды, экстрагирлеу әдістерін және қолданылатын жабдықтарды қарастырады. Этил спиртінің концентрациясын анықтау, тұнбаны және экстрактарды дайындау дағдыларын қалыптастырады.

Парфюмерлік-косметикалық өнімдер мен жуу құралдарын стандарттау мен сертификаттаудың құқықтық және нормативтік базасын, олардың номенклатурасы мен қасиеттерін, олардың сапасын жақсарту жолдарын қарастырады. Фармацевтикалық, парфюмерлік-косметикалық өнімдер мен жуу құралдарына, белгілі сапа көрсеткіштері бойынша зертханалық және талдамалық зерттеулер жүргізу, ингредиенттерді тауар ассортиментінің бірі бойынша сәйкестік мәніне сәйкестендіру дағдыларын үйретеді

Объектілерді, жобалаудың жалпы ережелері мен ерекшеліктерін; технологиялық өндірістерді ұйымдастыру әдістері мен принциптерін; фармацевтикалық, парфюмерлік-косметикалық бұйымдар мен жуу құралдарын өндіруге арналған аппараттар элементтерінің механикалық есептерін қарайды. Процестерді аппаратуралық рәсімдеу, технологиялық схеманың негізгі аппараттарын есептеу және іріктеу дағдыларын қалыптастырады.

Студенттердің ғылыми-зерттеу жұмыстарының ұйымдастырылуы мен кезеңдерін қарастырады; эксперименталды зерттеулерді метрологиялық қамтамасыз ету; эксперимент нәтижелерін өңдеу; зерттеу нәтижелерін графикалық баяндау әдістері; СҒЗЖ нәтижелерін рәсімдеу; патенттану негіздері. Ғылыми зерттеулерді жоспарлау және жүргізу, ғылыми мақалалар мен баяндамаларды дайындау, теориялық және эксперименттік деректерге салыстырмалы талдау жүргізу, оқу және ғылыми зертханаларда жұмыс істеу дағдыларын дамытады.

Құрастырудың міндеттері мен конструкциялардың сапасын бағалау өлшемдерін; құрал-жабдықтарды әзірлеуге арналған негізгі бастапқы деректерді; құрал-жабдықтардың сенімділігін; конструкциялардың металл сыйымдылығы мен қаттылығын; құрастырудың экономикалық негіздерін; құрал-жабдықты құру немесе жаңғырту процесінің кезеңдерін; материалды таңдауды қарастырады. Фармацевтикалық және парфюмерлік-косметикалық бұйымдарды өндіруге арналған аппараттарды есептеу және құрастыру дағдыларын үйретеді.

Нанотехнологияларды дамытудың қазіргі заманғы деңгейін және косметикада нанотехнологияларды пайдалануды, косметикалық құралдардың қауіпсіздігі мен тиімділігін қамтамасыз ету үшін нанотехнологиялардың ерекшеліктерін, косметикалық құралдарды әзірлеу саласында нанотехнологияларды дамыту мәселелері мен перспективаларын қарастырады. Нанотехнологияларды қолдану арқылы косметикалық құралдардың қауіпсіздігі мен тиімділігін арттыру жолдарын іздеу және талдау дағдыларын қалыптастырады.

Фармацевтикалық құралдар мен өсімдік шикізатын өндіру кезіндегі негізгі экологиялық проблемаларды, фармацевтикалық Қалдықтарды кәдеге жарату жолдарын, фармацевтикалық құралдарды өндіру кезіндегі Жасыл экономика принциптерін қарастырады. Фармацевтикалық құралдарды өндіру бойынша кәсіпорындардың қоршаған ортаны ластаудан экономикалық залалды есептеуін орындау дағдыларын үйретеді.

Парфюмерлік және косметикалық құралдар өндірісінің қалдықтарының жіктелуін, қоршаған орта мен адам денсаулығына парфюмерлік-косметикалық құралдардың зиянды әсерін, өндіріс қалдықтарын кәдеге жарату жолдарын, экологиялық қауіпсіз парфюмерлік-косметикалық құралдарды жасау принциптерін қарастырады. Парфюмерлік-косметикалық құралдарды өндіру бойынша кәсіпорындардың қоршаған ортаның ластануынан экономикалық залалды есептеуді орындау дағдыларын үйретеді.

Парфюмерлік-косметикалық өнімдерді ораудың қазіргі заманғы түрлерін, орама жабдықтарының деңгейі мен сыныптамасын, парфюмерлік-косметикалық құралдарға арналған орама жабдықтарының негізгі түрлерінің функционалдық-технологиялық сызбаларын қарастырады. Технологиялық процестердің ерекшеліктерін және бұйымның мақсатын ескере отырып, қаптаманы дайындау үшін материалдарды ұтымды таңдау дағдыларын қалыптастырады.

Ғылыми зерттеуді ұйымдастыру және жоспарлау әдістерін, материалдардың қасиеттері мен құрылымын зерттеудің заманауи әдістері мен құралдарын, өлшеулерді метрологиялық қамтамасыз ету және нәтижелерді статистикалық өңдеу негіздерін, ғылыми есепті, мақаланы, баяндаманы рәсімдеу ережелерін қарастырады. ҒЗЖ өз бетінше жоспарлау және орындау, зерттеу тақырыбы бойынша қажетті ақпаратты іздеу және талдау дағдыларын дамытады.

Мәдениетті және академиялық адалдық принциптерін түсінумен халықаралық ортада жұмыс істеуге мүмкіндік беретін деңгейде тілдерді меңгеру; кәсіби міндеттерді шешу үшін ақпараттық және цифрлық технологияларды пайдалану

Экономикалық және экологиялық факторларды ескере отырып, ғылыми және техникалық ақпаратты талдау негізінде фармацевтикалық, парфюмерлік-косметикалық және жуу құралдарын өндірудің ұтымды технологиясын таңдау және негіздеу.

Аспаптар мен талдамалық жабдықтарды пайдалана отырып шикізат пен дайын өнімді техникалық талдау және зертханалық бақылау әдістерін меңгеру

зерттеу, кәсіпкерлік дағдыларды пайдалана отырып, өндірістік міндеттерді шешуде дербестік көрсете отырып, жеке және команда мүшесі ретінде тиімді жұмыс істеу, өмір бойы біліктілігін арттыру

Беттік активті заттарда қолданылатын әртүрлі фазааралық шекаралардағы коллоидты-химиялық процестерді терең түсіну негізінде композициялар құрамын әзірлеу үшін ғылыми зерттеулерді жоспарлау және жүргізу, деректерді математикалық өңдеу әдістерін қолдана отырып, теориялық және эксперименттік деректерге салыстырмалы талдау жүргізу.

Кәсіби қызметте жаратылыстану, математикалық, әлеуметтік, экономикалық және инженерлік білімді, нормативтік құжаттарды, ғылыми және эксперименттік зерттеу әдістерін қолдану

Қауіпсіздік техникасын, еңбекті қорғау нормаларын және стандарттар мен техникалық шарттардың талаптарын сақтай отырып, технологиялық регламентке сәйкес фармацевтикалық, парфюмерлік-косметикалық және жуғыш заттарды алу үшін табиғи және синтетикалық шикізатты қайта өңдеудің технологиялық процестерін басқару әдістерін меңгеру.

Фармацевтикалық, парфюмерлік-косметикалық және жуу құралдарын өндірудің технологиялық схемасының негізгі және қосалқы аппараттарын есептеу, материалдық және жылу баланстарын құрастыру, аппаратуралық және технологиялық ресімдеу дағдыларын меңгеру.