7M01506 Физика в Қожа Ахмет Ясауи атындағы Халықаралық қазақ-түрік университеті

Физиканы оқытуда оқушылардың оқу нәтижелерін бағалаудың заманауи құралдарын және физикалық білімді бақылау мен бағалауда АКТ-ны қолдануды ұйымдастырады, біліктілігін көтеру мен жетілдіру мақсатында өзінің қызметіне талдаулар жасайды, физиканы оқыту нәтижелерін бақылау жүйесін құру мақсатында әдістемелік жұмыстарды ұйымдастырады. Заманауи мектепте білім алушылардың білім беру қызметін бағалауға критериалды тәсілдерін, кері байланысты жүзеге асырады, білім беру процесінің барлық қатысушыларына өлшенетін критерийлер және оқыту нәтижесін бағалайды.

Педагогикалық эксперимент және оны жүргізудің әдістемесін, өлшеу ұғымын, педагогикалық эксперимент жағдайында математикалық әдістерді қолданудың мүмкіндіктерін, эксперимент мәліметтерін көрсетіп берудің формаларын, үлестірімнің қалыптылығын бағалау әдістерін ұйымдастырады. Педагогикалық эксперимент нәтижелерін өңдеудің қарапайым, сипаттамалы, индуктивтік және корреляциялық әдістерін, статистикалық гипотезаларды тексерудің жалпы принциптерін, айырмашылықтың статистикалық критерийлерін талдайды, білім алушылардың магистрлік диссертацияны орындау бағытындағы шығармашылық әлеуетін қалыптастырады.

Физикадан қолданбалы есептер шығарудың маңызына, олардың оқу үрдістеріндегі орнына, есептерінің классификациясына, қолданбалы есептерді шығару тәсілдеріне, есептер шығару үрдісінің кезеңдеріне, қолданбалы есептерді шығарудың әдістеріне, есептің алынған жауабына талдау жасайды. Физикалық есептердің әр түрлі типтерін шығаруға үйретудің әдістемесін, сапалық (логикалық) есептерді шығаруға үйретудің әдістемесін, тәжірибелік есептерді шығаруға үйрету әдістемесін, графиктік есептерді шығаруға үйрету әдістемесін әзірлейді.

Қазіргі заманғы ЖОО-да қолданылатын физиканы оқытудың әртүрлі әдістері мен оқу сабақтарының нысандары бойынша білім жүйесін қалыптастыру; физиканы оқытудың заманауи әдістемесі мен әдіснамасын салыстыра отырып, берілген мәселелерді шеше білу; тәжірибие жасауда қолданбалы есептерді пайдалану; физика тарауларында кездесетін дифференциалдық және интегралдық есептерді талдау жасап, шығара білу; физикалық есептерді, тәжірибелерді компьютерлік модельдей білуді меңгеру.

Физикалық құбылыстарды түсінеді, талдайды. Физикалық құбылыстарды ойша елестетіп, компьютерлік моделдей алады. Физикалық экспериментте қолданылатын құрал-жабдықтардың жұмыс жасау қағидаттарын түсіндіріп, компьютерлік моделін ұсына алады. Физика кабинетінде жоқ немесе істен шыққан құрал жабдықтарға балама ретінде виртуалды немесе 3d модельдеу орталарын қолдана алады. Физиканы оқыту үдерісінде заманауи технологияларды және АКТ-ны тиімді қолдана алады. Жасалынған компьютерлік модельдерді заманауи талаптарға сәйкес дамытады.

Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

Пәннің мақсаты магистранттарға жалпы академиялық қағидаттар шеңберінде ғылыми этика және академиялық адалдық талаптарына сәйкес басылымдарға мақала дайындау жолдарын меңгерту. Пәнді оқу нәтижесінде магистрант мақала мәтінін құрастыру әдістерін, академиялық жазбалардың түрлерін және халықаралық дерекқор базаларын пайдалану жолдарын меңгеріп, әртүрлі ғылыми журналдардың талаптарына сай мақала дайындау және журналдардың онлайн жүйелерімен (сайттарымен) жұмыс жасау дағдыларын қалыптастырады. Курста ғылыми деректерге талдау жасау әдісі қолданылады.

Физиканы оқытудың қазіргі заманғы әдістері туралы білімдерді талдайды; жалпы физика курсын оқытудың негізгі міндеттерін, физикадан оқу сабақтарын ұйымдастырудың әдістемелерін, оқытудың қазіргі заманғы технологияларын, оларды жүзеге асыру жолдарын меңгеру; физика пәнінің мұғалімінің ғылыми-зерттеу жұмыстарын ұйымдастырады; физика мұғалімдерінің озық тәжірибелерді қолданады; қазіргі заманғы физиканы оқыту проблемалары туралы ақпаратты ажырату және алынған ақпаратты бағалайды, талдау жасайды.

Пәннің мақсаты магистранттардың зерттеудің әдістемелік негіздері саласындағы білімдерін дамыту, эмпирикалық және қолданбалы зерттеулер жүргізуге үйрету. Пәнді оқу барысында магистранттар ғылыми әдебиеттермен жұмыс жасай отырып, зерттеу жоспарын жасауға, гипотезаны құруға, проблемалық сұрақтарды талдауға дағдыларын қалыптастырады және ғылыми зерттеудің негізгі түрлерін, зерттеу әдістерін қалай анықтап, негіздеуді үйренеді. Курста деректерді талдау, сипаттау, интерпретациялау сияқты әдістер қолданылады.

Мектептегі физикалық тәжірибенің барлық түрлерін ұйымдастыра алады және әдістемесін жетілдіреді. ЖОО-дағы зертханалық жұмыстарды тиімді ұйымдастыра білу, зертханадағы қондырғылармен жұмыс жасай алу, ұқыптылық, икемділік қабілеттері; Физикалық құрал жабдықтардың ақауын табу, ақауын жою және жетілдіру; Физикалық тәжірибені ұйымдастыру кезінде байқалатын іс-әрекет ретінде көрінетін тәжірибелік-зерттеушілік құзыреттіліктер; Физика кабинетінде жоқ немесе істен шыққан құрал жабдықтарға балама ретінде виртуалды жұмыс орталарын қолдана алады.

Ғылыми-зерттеу жұмыстарының түрлерін талдау; зерттеудің сандық және сапалық әдістерін қолдана отырып, алынған нәтижелерді салыстыру, эксперименттік және бақылау топтарында педагогикалық эксперимент ұйымдастыру және нәтижелерді бағалау; зерттеу жұмыстарының ғылыми апаратын құру; зерттеу бағытында алынған нәтижелерді талдау және қорытындылау; ғылыми экспериментер мен жобаларды қою мен қорғау; ғылыми жоба әзірлеу және жоба нәтижелерінің шынайлығын анықтау; алынған нәтижелерге енгізу актілерін әзірлеу.

Пән жоғары мектептегі тұтас педагогикалық үдерістің әдіснамалық негіздері мен қазіргі білім беру парадигмалары туралы білімдерді зерттейді. Пәнді оқу барысында магистрант жоғары кәсіби білімнің ролі мен маңыздылығын және жоғары мектеп оқытушысына қойылатын негізгі талаптарды меңгере отырып, жоғары оқу орындарында ғылыми-зерттеу әдістерінің түрлерін пайдалануды, нақты ғылыми-педагогикалық зерттеуді ұйымдастыру мен жүргізудің әдістемесін қолдануды үйренеді.

Пән басқарушылық қызметтің психологиялық теорияларының іргелі түсініктерін, әлемдегі басқарудың тиімді стратегиялары мен теорияларын зерттейді. Пәнді меңгеру барысында магистрант ұйымдастырушылық мінез-құлықтың психологиялық теорияларын синтездей білу, командада тиімді өзара іс-қимыл жасай білу, команда құру және басқару психологиясының ережелерін ескере отырып, оның жұмысын ұйымдастыру дағдыларын игереді. Көшбасшылық қасиеттерді көрсете білуді және шиеленістік ситуацияларды басқарудың психологиялық әдістерін қолдануды үйренеді.

Жоғары және орта мектептегі физика курсының негізгі мазмұны мен құрылымын, оқу жұмысының жаңа формалары және физикалық білім берудің әдістемелік негіздерін, осы бағытта ғылыми жарияланымдарды білімін жетілдіруде қолдану туралы түсініктерді зерделейді. Пәнді оқыту нәтижесінде магистранттар білім алушылардың оқу жетістіктерін бағалаудың және оқытудың инновациялық әдістерін меңгереді, жоғары мектептегі физикалық білімнің әдістемелік негіздерін әзірлеуге дағдыланады.

Пән ғылыми ойлаудың тарихы мен философиясы, ғылымның философиялық негіздері, эмпирикалық және ғылыми танымның генезисі, мәні, болашағы туралы білімді қалыптастырады, білімгерлердің ғылыми-зерттеу жұмыстарын жүргізуіне қажетті әдістемелік аппаратты дамытады. Проблемалық оқыту, тақырыптық талқылау, жоба әдісі сияқты оқытудың белсенді әдістері қазіргі заманғы ғылым жетістіктерін сыни тұрғыдан бағалау дағдыларын меңгеруге, өзіндік этикалық ұстанымын қалыптастыруға бағытталған.

Молекулалық физика және термодинамика тарауларын оқытудың тиімділігін арттыру технологияларын анықтау; молекулалық физикадағы құбылыстар мен заңдылықтарға сүйеніп, тапсырмалардың, есептердің, зертханалық жұмыстардың нәтижелерін дәлелдеу; молекулалық физика және термодинамика тарауларын оқытудың әдістемелік жүйесін заманауи технологиялар негізінде құру және әдістемелік жүйенің тиімділігін бағалау; жылу құбылыстарына байланысты жаңа білімдерді қалыптастыру; заман талаптарына сәйкес оқытудың мазмұнын жаңадан құру.

Механика бойынша қолданыстағы бағдарламалық педагогикалық құралдарды және нормативтік әдебиеттерді зерттеу және талдау; механика есептерін шешудің негізгі тәсілдерін, әдістерін анықтау; магистранттардың кәсіби дағдыларын дамыту және қалыптастыру, білім беру қызметінің тиімділігін арттыру; жоғары нәтижелерге қол жеткізу; магистранттардың пәнді оқуға деген ынтасын күшейту және ақпаратты қабылдау мен өңдеудің заманауи техникалық құралдарын ажырата білу және технологияларын, дағдыларын меңгеру.

Геометриялық оптика, толқындық оптика, кванттық оптика тараулары бойынша теориялық білімдерді салыстыру;оптика курсын оқытудың тиімділігін арттыру технологияларын талдау; оптика курсында құбылыстар мен заңдылықтарды жеңіл меңгерту әдістері мен құралдарының тиімділігін бағалау; оқытудың жаңа технологияларын пайдаланып жарық құбылыстарына байланысты есептер мен зертханалық жұмыстарды құру және қалыптастыру; жоғары және орта білім беруде оптика бөлімін оқытудың әдістемелік жүйесін құру және оның тиімділігін бағалау.

Электр және магнетизм саласындағы білім негіздерін түсіндіру және зерттеу әдістерін анықтау; электромагниттік құбылыстарды жіктеу, есептерді шешу, салыстыру; теоремаларды және интегралдық, дифференциалдық есептерді шығара білу, қателіктерді анықтау; электромагниттік құбылыстарды шешу әдісін таңдауды дәлелдеу және алынған шешім мен нәтиженің дұрыстығын бағалау; эксперимент жасау және нәтижелерін талдау; магистранттардың танымдық іс-әрекетін талдау және оны жандандыру.

Атомның құрылымын, элементтердің периодтық кестесін, рентген сәулелерінің табиғатын, атомдық құбылыстардың кванттық қасиеттерін, фотондар және лазер сәулелерінің табиғатын анықтап, Шредингер теңдеулерінің атомдық процестерді түсіндіруге қолдану. Атом ядроларының статикалық қасиеттерін, ядроның байланыс энергиясын, ядролық модельдерді классификациялау. Радиоктивтілік құбылысының жалпы заңдылықтарын, элементар бөлшектер жалпы қасиеттерін талдау. Электромагниттік, гравитациялық, әлсіз және күшті әсерлесу қасиеттерін, фотондар, адрондар, лептондар және резонанстарды бағалау.

Физика дамуының негізгі кезеңдерін, жаратылыстанудың заманауи концепцияларын, классикалық, классикалық емес және постклассикалық емес физиканың негізгі ережелерін, физиканың негізгі түсініктерін тұжырымдайды; ғылыми және философиялық зерттеудің әр түрлі әдістерін бағалайды, оларды кәсіби іс әрекетінде жалпылап, пайдаланады; физиканың философиялық мәселелері бойынша мәтіндерді талдай алады; жаратылыстанудың заманауи концепциялары бойынша анықтамалық және периодты әдебиеттермен жұмыстарды ұйымдастырады; пәннің терминологиялық аппаратын меңгерген, аудитория алдында сөйлеу мәтінін дайындайды.

Педагогикалық экспериментті ұйымдастырып, математикалық және статистикалық өңдеу әдістерін қолдана отырып, қазіргі заманғы оқыту құралдарын пайдалану тиімділігін бағалап және ғылыми-зерттеу қызметінің эксперименттік нәтижелерін талдайды

Физикадан қолданбалы және күрделі есептерді шығара отырып, олардың классификациясын, әдістемесін меңгеріп, физика тарауларында кездесетін дифференциалдық және интегралдық есептерді шығарып, кәсіби қызметте қолданады

Физиканы оқыту әдістемелерін, жаңартылған мазмұндағы сабақ құрылымын әзірлеп, іске асыра отырып, физикалық практикумдарды, тәжірибенің барлық түрлерін өз бетінше ұйымдастырып, өткізіп, физикалық құбылыстарды компьютерлік модельдеп, компьютерлік модельдерді заманауи талаптарға сәйкес дамытады

Заманауи аналитикалық әдістерді қолдана отырып, ғылыми-зерттеу нәтижелеріне талдау жасайды.

Кәсіби қызметінде шет тілінде ауызша және жазбаша қарым-қатынас орнату дағдыларын қолданады.

Халықаралық ғылыми дерекқор базасының өнімдерін қолданып, ғылыми этикаға сай, академиялық адалдықтың қағидаттарын сақтай отырып, ғылыми-зерттеу жұмыстарының нәтижесінде ғылыми еңбектер дайындайды

Физиканы оқытудың қазіргі заманғы әдістері туралы білімдерді, оқыту проблемалары туралы ақпаратты ажыратып және алынған ақпаратты талдап, физиканы оқытуда креативтілікті диагностикалаудың әдістерін, оқу нәтижелерін бағалаудың заманауи құралдарын меңгеріп, әдістемелік жұмыстарды ұйымдастырып, кері байланысты жүзеге асырып, өлшенетін критерийлер және оқыту нәтижесін бағалайды

Педагогикалық такт және этика ережелерін сақтап, кәсіби саладағы көшбасшылық және басшылық іс-әрекеттері мен дағдыларын көрсете отырып, ЖОО-да білім беру іс-әрекетін нәтижелі ұйымдастырады.

Физика ғылымы дамуының негізгі кезеңдерін, ережелерін, жаратылыстанудың заманауи концепцияларын, философиялық зерттеудің әр түрлі әдістерін талдап, жалпы физика курсындағы білім негіздерін, физикадағы құбылыстар мен заңдылықтарға сүйеніп, тапсырмаларды, есептерді шығарып, зертханалық жұмыстардың нәтижелерін дәлелдеп, заманауи технологияларды және тиімділігін бағалайды

Алынған теориялық білімдерін ғылыми-зерттеу іс-әрекетінің әртүрлі нысандарында қолдана отырып, ғылым тарихы мен философиясы дамуының негізгі мәселелері мен қазіргі даму тенденцияларын талдайды