7R01116 Клиникалық фармакология в Қожа Ахмет Ясауи атындағы Халықаралық қазақ-түрік университеті

Пән дербестендірілген медицинаның жаңа әдістерін (фармакогенетика, фармакогенетикалық тестілеу, емдік дәрілік мониторинг) қолдана отырып, жеке фармакотерапияны әзірлеу дағдыларын жетілдіреді.Осылайша, Резидент дербестендірілген интегралдық медицинаны, ол үшін жеке емдеуді әзірлеуді, ауруға бейімділікті тексеруді, алдын алуды, сондай-ақ диагностиканы емдеу мен бақылауды интеграциялауды толық меңгереді. Пациент үшін үздік нәтижелерге қол жеткізу мақсатында пациентпен, оның ортасымен, денсаулық сақтау мамандарымен тиімді өзара іс-қимыл жасай алады.

Пән антибиотиктерге резистенттіліктің алдын алу және антибактериалды терапияны бақылау стратегиясын әзірлеу мақсатында антибактериалды препараттарды ұтымды пайдалану білімі мен дағдыларын қалыптастырады. Пәнді оқыту барысында резидент антибиотиктерді терапия үшін де, алдын-алу үшін де ұтымды пайдалану туралы білімдерін жетілдіреді. Оның тиімділігін арттыру мақсатында бактерияға қарсы препараттарды ұтымды пайдалану бағдарламасын бақылау механизмінің дағдыларын меңгереді.

Пән халықаралық және ұлттық клиникалық-тәжірибелік нұсқаулықтарды, хаттамалар мен стандарттарды іздеу, бағалау және бейімдеу дағдыларын жетілдіріп, клиникалық нұсқаулықты, олардың дайындау кезеңдерін, іріктеу және клиникалық нұсқаулықтарды приоритизациялап тәжірибелік денсаулық сақтауға енгізу жолдарын қарастырады. Резиденттер клиникалық хаттамаларды, науқастарды күту және жүргізу жолдары болып табылатын клиникалық нұсқаулықтарды енгізу құралдарымен танысады. Клиникалық нұсқаулықты бағалау AGREE құралы көмегімен жүргізетін болады.

Пән егде және кәрі жастағы емделушілерге қауіпсіз және тиімді дәрілік терапияны тағайындау дағдыларын жетілдіреді. Ағзалар мен жүйелердегі жасқа байланысты өзгерістер аясында дәрі-дәрмектердің фармакодинамикасы мен фармакокинетикасының бұзылу көрсеткіштерін дұрыс анықтауын толық меңгертеді. Резидент егде жастағы және кәрілік жастағы науқастарда дәрі-дәрмектер саны пациенттің жеке ерекшеліктеріне сәйкес келуі үшін, әр дәрі-дәрмектің қауіпсіз және тиімді дәрілік терапия дағдыларын меңгереді.

Пән дәрілік заттарды тиімді пайдалану бойынша практикалық дағдыларды меңгертеді, сонымен қатар дәлелді медицинаның заманауи принциптеріне сәйкес жұмыс істеу үшін дәрілік реакцияларды анықтауға қажетті білім береді. Резидент антибактериалды терапия мен антибиотикопрофилактиканы тағайындаудың негізділігіне мониторинг жүргізе отырып, нақты науқастың препараттарды қолдануымен пайда болған жағымсыз әсерлері арасындағы себеп-салдарын анықтайды және фармакогенетикалық зерттеулер жүргізіп дағдыларын жетілдіреді.

Пән педиатриядағы физиологиялық ерекшеліктері мен клиникалық жағдайын ескере отырып, қауіпсіз, ең тиімді дәрілік заттарды таңдаудағы балалар мен жаңа туған нәрестелердің фармакодинамикасымен фармакокинетикасының ерекшеліктерін қарастырады. Резидент жүрек-қантамыр, тыныс алу, ас қорыту, несеп шығару жүйелерін, қан аурулары және ревматикалық ауруларды, орталық жүйке жүйесінің бұзылыстарымен жүретін аурулардың рациональды фармакотерапиясын жүргізу және негіздеу бойынша дәрігерлік клинико-фармакологиялық ойлауын жетілдіріледі.

Пәнді оқу барысында білім алушылар дәрілік заттардың клиникалық фармакологиясын, дәлелді медицина деректерін пайдалана отырып, ұтымды фармакотерапияны негіздеу және жүргізу бойынша дәрігерлік клиникалық-фармакологиялық ойлау, клиникалық нұсқауларды (хаттамаларды) пайдалану бойынша білімдерін жетілдіреді. Резиденттер терапиялық және физиологиялық бейінін ескере отырып, фармакотерапияның тиімділігі мен қауіпсіздігін арттыру үшін дәрілік заттарды және олардың дозаларын таңдауда дербестендірілген тәсіл негізінде үйренеді.

Пән клиникалық зерттеулер жүргізудің негізгі принциптерін, этикалық нормаларын, реттеуші базасын, зерттеудің негізгі түрлері мен кезеңдерін, халықаралық сапа стандартының талаптарын зерттейді. Резидент медициналық ұйымда дәрі-дәрмектерді пайдалану мен қамтамасыз етуді реттеу және осы процестерді басқару тәсілдерін жетілдіреді. Жеке клиникалық зерттеулердің мақсаттарын, міндеттерін және жоспарларын қалыптастырады. Ауруханалық дәрілік формулярды әзірлеп, дәрілік заттарға қажеттілікке талдау жүргізеді

Пән клиникалық жағдайда фармакотерапия тактикасын жүргізудегі білім мен дағдыларды қалыптастырады, талдау адекватты дәрілік препараттардың енгізу жолдарының таңдауын және ішкі аурулар клиникасында фармакотерапияның ұзақтығын негіздеуге дағдыларын жетілдіреді. Резидент дәрілік заттардың зерттеу нәтижелерін интерпритациялауды, қауіпсіз дәрілік заттарды дұрыс таңдау және тағайындауды, олардың қосалқы және дәлелді медицина негізінде берілуін, нақты клиникалық жағдайда науқастың физиологиялық ерекшелігінің ескеруін меңгереді.

Оқыту және дамыту: өз бетінше оқуға және кәсіби команданың басқа мүшелерін оқытуға, пікірталастарға, конференцияларға және үздіксіз кәсіби дамудың өзге де нысандарына белсенді қатысуға қабілетті.

Қоғамдық денсаулық сақтау: Қазақстан Республикасы Денсаулық сақтау жүйесінің құқықтық және ұйымдастыру саласы шеңберінде өз мамандығы бойынша әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби емес командалар құрамында жұмыс істеуге қабілетті;

Пациентке жетекшілік жасау: медициналық көмек көрсетудің барлық деңгейлерінде дәлелді практика негізінде клиникалық диагнозды тұжырымдауға, емдеу жоспарын тағайындауға және оның тиімділігін бағалауға қабілетті;

Зерттеулер: барабар зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде халықаралық дерекқорларды тиімді пайдалануға, зерттеу командасының жұмысына қатысуға қабілетті;

Коммуникация және коллаборация: пациент үшін үздік нәтижелерге қол жеткізу мақсатында пациентпен, оның айналасымен, денсаулық сақтау мамандарымен тиімді өзара іс-қимыл жасауға қабілетті;

Қауіпсіздік және сапа: медициналық көмектің қауіпсіздігі мен сапасының жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті;