7R01110 Гастроэнтерология ересектердің, балалардың в Қожа Ахмет Ясауи атындағы Халықаралық қазақ-түрік университеті

Пән адам ағзасының асқазан-ішек жолдарының мен ұйқы безі ауруларының заманауи диагностикасын, дифференциальды диагнозын, олардың емін, алдын-алу әдістерін зерттейді. Резидент асқорыту жүйесі ауруларында клиникалық диагнозды тұжырымдап, дәлелді медицина негізінде медициналық көмек көрсетеді. Науқасты жүргізу барысында үздік нәтижеге қол жеткізу үшін халықаралық ғылыми дерекқордағы ақпараттарды пайдаланып, көрсетілген көмектің сапасын, қауіпсіздігін сақтай отырып, пациент ортасымен, денсаулық сақтау мамандармен тиімді әрекет ету дағдысын қалыптастырады.

Пән резиденттерде адам ағзасында аурулар кезінде, жалпы медициналық қарау барысында науқастың жынысын, жасын ескере отырып, сондай-ақ жүктіліктің физиологиялық және патологиялық ағымында ультрадыбыстық диагностиканың негізгі әдістері, принциптері мен мүмкіндіктері туралы заманауи білімді қалыптастырады. Аурухана және амбулатория-емхана деңгейінде сәулелік диагностика қызметін ұйымдастыру, зерттеудің негізгі және қосымша әдістерін (бір өлшемді эхография, доплерография, дуплексті сонография) үйренеді. Білімгерлердің өз бетінше оқуға қабілеттілігін дамытады.

Резидент науқастарды физикалық тексеруді, іш қуысын пальпациялауды дербес жүргізеді, асқазан мен тоқ ішектің ісікалды және ісік аурулары кезіндегі аспаптық зерттеу әдістерінің нәтижелерін дұрыс түсіндіреді, пациенттермен тиімді өзара іс-қимыл жасайды. Клиникалық хаттамаларға сәйкес, резидент онкологиядағы алдын алу және емдеудің негізгі принциптерін игереді, науқастарды диспансерлеуді жүргізеді. Халықаралық деректер базасын пайдаланып, ақпараттарды сыни бағалайды, өз бетінше кәсіби білімін үздіксіз дамытады.

Пән жүктілік кезінде асқазан-ішек жолдары және бауыр ауруларының ерекшеліктерін ерте анықтап, заманауи зерттеу әдістерін сапалы, қауіпсіз қолдану арқылы, клиникалық диагнозды тұжырымдап, дәлелді медицина қағидаттары негізінде ем жоспарын тағайындауды, оның тиімділігін бағалауды үйретеді. Резидент науқасты жүргізу барысында кәсіби міндеттерді орындау, Халықаралық деректер базасын тиімді пайдалану, денсаулық сақтау ұйымдарының медицина қызметкерлері мен пациент ортасымен өзара, тиімді қарым-қатынас жасау дағдыларын қалыптастырады.

Тағамның және тамақтану үрдісінің адам ағзасына тигізетін әсерін, тағамның қорытылуын, ағзадан шығу жолдарын зерттеп, емдәм принциптерін меңгертетін пән. Резидент әртүрлі патологиялардың емдәмін тағайындауда халықаралық деректердегі ақпараттарды қолданып, медициналық көмектің сапасы мен қауіпсіздігін қамтамасыз етеді. Денсаулық сақтау мекемелерінде алиментарлы-тәуелді және инфекциялық емес аурулардың алдын-алу бойынша халықтың әртүрлі топтарының әлеуетін және хабардарлығын арттыру мақсатында санитарлы-ағарту жұмыстарын жүргізеді. Өз бетінше оқуға қабілеттілігін дамытады.

Пән адам ағзасының қуысты мүшелерін арнайы құрылғының көмегімен визуальді тексеру әдісін, оның принциптерін, мүмкіндіктерін үйретеді. Резидент пәнді меңгеру барысында диагностиканың қыр-сырын өзі және командамен тереңдете игеріп, халықаралық ақпараттар дереккөздерін тиімді пайдаланып, науқас пен оның ортасымен, медицина қызметкерлерімен өзара, оңтайлы іс-әрекет жасау арқылы науқасқа қауіпсіз, сапалы медициналық көмек көрсету дағдысын қалыптастырады. Кәсіби құзыреттілікті дамытуда өздігінен білім алу дағдыларын қалыптастырады.

Пән бауырдың патоморфологиясы мен патофизиологиясы туралы заманауи мәліметтерді, бауырдың жұқпалы және жұқпалы емес ауруларын, атап айтқанда вирустық гепатиттер, бауырдың алкоголді емес майлы ауруы, бауырдың алкогольді зақымдануы, аутоиммунды аурулар, тұқым қуалайтын зат алмасу бұзылыстары, бауырдың уытты зақымдануы және т.б. инновациялық технологиялар арқылы диагностикасы мен дәлелді медицина тұрғысынан емдеуді үйретеді. Этиопатогенетикалық емдеу тәсілдері мен терапия мониторингін меңгереді. Бауыр трансплантациясына көрсеткіштері мен мүмкіндіктері.

Пәнді меңгергеннен кейін резиденттер гастроэнтерологиялық аурулары бар балаларды диагностикалауға және емдеуді дәлелді медицина тұрғысынан және ҚР ДСМ хаттамаларына сәйкес жүзеге асыруға қабілетті болады. Білім алушылар тәуекелдерді бағалай алады және баланың жасын ескере отырып, қауіпсіздіктің жоғары деңгейін қамтамасыз етудің тиімді әдістерін қолдана алады. Сондай-ақ үздіксіз тұлғалық және кәсіби өсуді шыңдай отырып, пациенттерге күтім жасауды үнемі жақсарту үшін қажетті қасиеттерді көрсететін болады.

Гастроэнтерология саласында клиникалық диагнозды тұжырымдай отырып, медициналық көмек көрсетудің барлық деңгейлерінде дәлелді тәжірибеге негізделген емдеу жоспарын тағайындап және оның тиімділігін бағалай алады;

адекватты зерттеу мәселелерін тұжырымдай алады, кәсіби әдебиеттерді сыни тұрғыдан бағалауға, өзінің күнделікті қызметінде Халықаралық деректер базасын тиімді пайдалануға, зерттеу командасының жұмысына қатысуға қабілетті;

өз бетінше оқуға және кәсіби команданың басқа да мүшелерін оқытуға, пікірталастарға, конференцияларға және үздіксіз кәсіби дамытудың басқа да нысандарына белсенді қатысуға қабілетті.

Пациент үшін үздік нәтижелерге қол жету мақсатында пациентпен, оның ортасымен, денсаулық сақтау мамандарымен тиімді өзара іс-қимыл жасай алады;

Қазақстан Республикасының денсаулық сақтау жүйесінің гастроэнтерология мамандығы бойынша құқықтық және ұйымдастық шеңберлер аясында әрекет ете отырып, төтенше жағдайларда базалық көмек көрсетеуге, ұлт денсаулығын нығайту саясатын жүзеге асыру үшін кәсіпқой топтар құрамында жұмыс жасауға қабілетті;

пациентке көрсетілетін медициналық көмектің сапасы мен қауіпсіздігінің жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті ;