7R01125 Неонатология в Қожа Ахмет Ясауи атындағы Халықаралық қазақ-түрік университеті

Пәнді игеру кезінде резиденттер стационарда неонаталдық қызметті ұйымдастыру, перинаталдық көмекті аймақтандыру, мамандандырылған көмекке мұқтаж дені сау және науқас жаңа туған нәрестелерді жүргізу, неонатологияда пайдаланылатын диагностикалық әдістердің нәтижелерін түсіндіру, жаңа туған нәрестелерді тасымалдау, түрлі аурулардың асқынуларының алдын алу бойынша дағдыларды зерделейді және меңгереді. Дәлелді медицина тұрғысынан диагностика мен емдеудің заманауи әдістері бойынша халықаралық деректер базасында ақпаратты тиімді іздеуді жүзеге асырады. Олар этикалық қағидаларды, құпиялылықты, пациенттер, олардың ата-аналары, қоғам және кәсіп алдындағы жауапкершілікті ұстанады.

Пәнді оқу кезінде резиденттер туа біткен ақаулар, некротикалық энтероколит, пневмоторакс ауруларын анықтайды. Дәлелді медицина қағидалары негізінде хирургиялық ауруларды диагностикалау мен емдеудің заманауи әдістерін меңгереді. Хирургиялық араласуды талап ететін іріңді - бактериялық инфекциялардың асқынуының алдын алу бойынша пациенттердің ата-аналарымен әңгімелесулер жүргізеді. Жіті хирургиялық патологияны диагностикалайды және тиісті мамандандырылған көмек көрсету үшін бейінді стационардың балалар хирургиялық бөлімшесіне жібереді. Балаға негізсіз ауырсыну процедураларын болдырмау үшін тиімділігі жағынан төмен емес, аз ауырсынатын балама емдеу әдістерін қолданады. Өздерінің практикалық іс-әрекеттерін талдайды, өзін-өзі жетілдіру қабілетін дамытады, көшбасшылық қасиеттерді көрсетеді, жанжалды басқарады.

Осы пәнді оқу кезінде резиденттер уақытша аралықтарды белгілемей, бірінші талап бойынша баланы емізу практикасын қолдауды жүзеге асырады. Нәрестені ананың кеудесіне дұрыс орналастыруға және емізуге практикалық көмек көрсету үшін емізуді визуалды бағалау жүргізіледі. Босанғаннан кейінгі патронаждарды жүргізеді, физикалық, моторлық, психо-әлеуметтік, психо-неврологиялық жағдайды бақылауды және мониторингілеуді жүзеге асырады. Олар зерттеу сұрақтарын тұжырымдайды және амбулаториялық неонатология бойынша кәсіби әдебиеттерді сыни бағалайды.

Бұл пәнді оқу кезінде резиденттер патологиялық жағдайды диагностикалайды және емдейді: ЖІДТ, неонаталды сепсис, орталық жүйке жүйесінің зақымдануы, респираторлық дистресс-синдромы, гипогликемия, гипербилирубинемия. Жаңа туған нәрестелерге қауіпсіз, тиімді көмек көрсете отырып, кәсіби міндеттерді орындауға және этикалық қағидаттарды сақтауға бейілділігін көрсетеді. Қазақстан Республикасы Денсаулық сақтау жүйесінің қолданыстағы нормативтік-құқықтық негіздері шеңберінде шешім қабылдау дағдыларын жүзеге асырады.

Осы пәнді игеру кезінде резиденттер жаңа туған нәрестелердегі неврологиялық аурулардың топикалық диагностикасы, зертханалық және аспаптық зерттеулерді бағалау, неврологиядағы нейровизуализация, жаңа туған нәрестелердегі неврологиялық бұзылыстарды емдеу мониторингі бойынша білім мен дағдыларды қалыптастырады, неврологиялық патологиясы бар нәрестенің жағдайын бағалайды, сондай-ақ мәліметтер базасында ақпараттық іздеу арқылы алынған нәтижелерге сүйене отырып көмек көрсетеді. Өздерінің практикалық іс-әрекеттерін өзін-өзі бағалау бойынша қорытындылар жасайды, одан әрі өзін-өзі жетілдіру арқылы білім мен дағдылардағы кемшіліктерді дербес жояды.

Пәнді оқу кезінде резиденттер неонатологиялық патологиясы бар пациентпен және оның айналасымен, сондай-ақ басқа да денсаулық сақтау мамандарымен (невропатолог, реабилитолог және т.б.) тиімді өзара іс-қимыл жасайды. Шала туған нәрестенің жағдайына байланысты мамандандырылған медициналық көмек көрсетеді, сондай-ақ этикалық қағидаларды сақтауға бейілділігін көрсетіп, салмағы өте төмен Жаңа туған нәрестелерге қауіпсіз, тиімді және білікті көмек көрсетеді. Шала туған балаларды күту, гипотермияның алдын-алу және вакцинация мәселелері бойынша аналарға кеңес береді, иммунизацияға (БЦЖ, ВВГ) көрсеткіштер мен қарсы көрсеткіштерін айқындайды. Медициналық көмек көрсетудің қолданыстағы нормативтік-құқықтық негіздеріне сүйене отырып , денсаулық сақтау жүйесінде практикалық қызметті жүзеге асырады.

Білім алушылар пациенттермен тиімді қарым-қатынас жасай отырып, жаңа туған нәрестелерде жиі кездесетін тұқым қуалайтын ауруларды анықтау, фенилкетонурияны, туа біткен гипотиреозды және басқа ауруларды анықтауға скрининг жүргізу дағдыларын дамытады. Резиденттер Денсаулық сақтау жүйесінің қолданыстағы нормативтік-құқықтық негіздері шеңберінде шешім қабылдау дағдыларын жүзеге асырады. Бұл пәнді оқу кезінде олар зерттеу сұрақтарын тұжырымдаумен қатар, тұқым қуалайтын патология бойынша кәсіби әдебиеттерді сыни бағалай алады.

Пәнді оқу кезінде резиденттер қауіптерді бағалайды және реанимациялық іс-шараларға мұқтаж жаңа туған нәрестелерге медициналық көмектің қауіпсіздігі мен сапасының жоғары деңгейін қамтамасыз ету үшін неғұрлым тиімді әдістерді пайдаланады. Өмір бойы үздіксіз жеке және кәсіби өсуді қолдау үшін қажетті қасиеттерді көрсетеді, қажетті зерттеу түрлері мен емдеудің оңтайлы әдістерін тағайындай отырып, ауыр жағдайда балаға күтім жасау дағдыларын жетілдіреді. Ата-аналарға баланы эмоционалды қолдау, олардың баланың жағдайы мен емделуіне мониторинг жүргізудегі рөлі және терапияның күтілетін нәтижесі туралы кеңес береді және оқытады. Тыныс алу, жүрек-қан тамырлары, метаболикалық бұзылулар, инвазивті және инвазивті емес респитарлы терапия, инфузиялық терапия және парентеральды тамақтану сияқты өмірлік маңызды функцияларды түзетуді қамтитын қарқынды терапия жүргізеді.

Пәнді зерделеу кезінде резиденттер баланың өміріне, денсаулығына, дамуына қауіп төндіретін медициналық және әлеуметтік сипаттағы қатерлерді жою және азайту, қаупі жоқ отбасында міндетті түрде болу санын азайту мақсатында БҰҰ Балалар Қоры( ЮНИСЕФ) ұсынған әмбебап-прогрессивті модель негізінде жаңа туған нәрестелерге үйде патронаждық бақылау ұйымдастырады және жүргізеді. Көшбасшылық қасиеттерді көрсетеді, командада жұмыс істей алады, өзін-өзі жетілдіру арқылы білімдегі олқылықтарды жояды

Коммуникация және коллаборация: пациент үшін үздік нәтижелерге қол жеткізу мақсатында пациентпен, оның айналасымен, денсаулық сақтау мамандарымен тиімді өзара іс-қимыл жасауға қабілетті

Қауіпсіздік және сапа: медициналық көмектің қауіпсіздігі мен сапасының жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті

Пациентке жетекшілік жасау: медициналық көмек көрсетудің барлық деңгейлерінде дәлелді практика негізінде клиникалық диагнозды тұжырымдауға, емдеу жоспарын тағайындауға және оның тиімділігін бағалауға қабілетті

Зерттеулер: барабар зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде халықаралық дерекқорларды тиімді пайдалануға, зерттеу командасының жұмысына қатысуға қабілетті

Оқыту және дамыту: өз бетінше оқуға және кәсіби команданың басқа мүшелерін оқытуға, пікірталастарға, конференцияларға және үздіксіз кәсіби дамудың өзге де нысандарына белсенді қатысуға қабілетті

Қоғамдық денсаулық сақтау: Қазақстан Республикасы Денсаулық сақтау жүйесінің құқықтық және ұйымдастыру саласы шеңберінде өз мамандығы бойынша әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби емес командалар құрамында жұмыс істеуге қабілетті