7R01105 Терапия в Қожа Ахмет Ясауи атындағы Халықаралық қазақ-түрік университеті

Біріншілік медициналық-санитарлық көмек деңгейінде ересектерге емдеу, алдын-алу көмегін ұйымдастыру. Кардиология, пульмонология, ревматология, гастроэнтерология, нефрология, гематология, эндокринология ауруларының алдын алу, клиникалық синдром бойынша ерте диагноз қою, дифференциалды диагностика, емдеу, диспансерлеу, оңалту шараларын жүргізу. Бейінді маманнан алғашқы медициналық-санитариялық көмек дәрігеріне жіберілетін консультациялық-диагностикалық қызметтер, диспансерлік топтардың нозологиясының тізбесі мен көлеміне сәйкес пациенттерді бақылау. Медициналық-әлеуметтік сараптама мәселелерін шешуге құзіретті.

Пән егде және кәрілік жастағы адамдарда ішкі ағзалар аурулар арасынан популяцияда таралған ауруларының (АГ, ЖИА, СЖЖ, СОӨА, тромбоздар, қант диабеті, остеоартроз, гипотиреоз) диагностикасы мен дифференциалды диагностикасы бойынша ағым ерекшеліктері мен практикалық дағдылардың теориялық білімін; әсіресе қарттарға тән коморбидтілікті және дәрілік препараттардың қауіпсіз жеке дозаларын ескере отырып емдік шараларын таңдау құзыреттілігін қалыптастырады.

Пән "дәлелді медицина қағидаттарына" сүйеніп Қазақстан Республикасының "ауруларды диагностикалау мен емдеу хаттамаларын" пайдалана отырып, дәрілік препараттардың қауіпсіздігі мен тиімділігін ескере отырып, ішкі органдар ауруларын диагностикалаудың жаңа жоғары технологиялық әдістері бойынша білім мен практикалық дағдыларды, терапевтік бейіндегі пациенттерді жүргізу бойынша құзыреттерді; кенеттен жіті терапиялық жағдайлар кезінде шұғыл көмек көрсету машықтарын қалыптастырады.

Пән ҚР-дағы ана аурушаңдығы мен өлім-жітімінің статистикасын ескере отырып, біріншілік (гестациялық) және қайталама экстрагениталдық (вирустық пневмония, артериялық гипертензия, созылмалы пиелонефрит, гломерулонефрит, HELP-синдром, созылмалы вирустық гепатиттер, анемия, тромбоздар, АФС, қант диабеті және т.б.) патологиясы бар жүкті әйелдерді қазіргі заманғы диагностика және жүргізу бойынша білім мен практикалық дағдыларды; жіті жағдайлар кезінде жүктіліктің барысын ескере отырып, шұғыл көмек көрсету бойынша құзыреттерді қалыптастырады

қоғамдық денсаулық сақтау: Қазақстан Республикасы Денсаулық сақтау жүйесінің құқықтық және ұйымдастыру саласы шеңберінде өз мамандығы бойынша әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби емес командалар құрамында жұмыс істейді;

коммуникация және коллаборация: пациент үшін үздік нәтижелерге қол жеткізу мақсатында пациентпен, оның айналасымен, денсаулық сақтау мамандарымен тиімді өзара іс-қимыл жасайды;

пациентке жетекшілік жасау: медициналық көмек көрсетудің барлық деңгейлерінде дәлелді практика негізінде клиникалық диагнозды тұжырымдайды, емдеу жоспарын тағайындайды және оның тиімділігін бағалайды;

қауіпсіздік және сапа: медициналық көмектің қауіпсіздігі мен сапасының жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдаланады;

зерттеулер: барабар зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде халықаралық дерекқорларды тиімді пайдалануға, зерттеу командасының жұмысына қатысады;

оқыту және дамыту: өз бетінше оқуға және кәсіби команданың басқа мүшелерін оқытуға, пікірталастарға, конференцияларға және үздіксіз кәсіби дамудың өзге де нысандарына белсенді қатысады.