7R01105 Гематология (ересектердің) в Марат Оспанов атындағы Батыс Қазақстан медицина университеті

Пән амбулаториялық тәжірибеде гематологиялық ауруларды диагностикалаудың және қазіргі заманғы емдеу әдістерінің өзекті мәселелерінің мәнін ашады. Пәнді оқу барысында ұсынымдарға сәйкес дәлелді медицина принциптеріне және ҚР мен Халықаралық гематологиялық қауымдастықтар ұныстарына негізделген алғашқы медициналық-санитарлық көмек сатысында гематологиялық ауруларды диагностикалық іздеу және емдеу алгоритмін қолдану бойынша білімдер мен дағдылар қалыптасады, сондай-ақ диспансерлік есепке алу, біріншілік және екіншілік профилактика қағидаттары, бағдарлау, медициналық-әлеуметтік сараптама, клиникалық тексеру және оңалтудан тұратын қан жасау органдарының қан аурулары бар гематологиялық науқастарды динамикалық бақылауды жүзеге асыру қалыптасады.

Пәнді оқу барысында резиденттер қазіргі заманғы зерттеу әдістерін қолдана отырып, қан ауруларының дифференциалды диагностикасының принциптерін меңгереді және қорытынды жасайды, гематологиялық науқастарды емдейді және емдеуді қадағалайды, қан жасау мүшелерінің қан аурулары бар науқастарды бақылайды, көрсеткіштерді анықтауды үйренеді және қан компоненттері мен өнімдерін құюды жүргізуді игереді

Бұл пән БМСК сатысындағы науқастарда қан түзу жүйесі мен гомеостаз жүйесі ауруларын диагностикалық іздеу және емдеу алгоритмін, бастапқы және екіншілік профилактика, бағдарлау, медициналық тексеру және реабилитация принциптерін қолдану бойынша білім мен дағдыларды қалыптастырады, сонымен қатар дәрігер-гематологтың кәсіби стандартын ескере отырып, медициналық көмектің амбулаториялық сатысында гематологиялық аурулары бар науқастарды диагностикалау және емдеуде өздерінің қажетті еңбек функцияларын орындау үшін резидент – гематологтардың білімдерін, дағдылары мен машықтарын жүйелеуге және тереңдетуге ықпал береді.

Бұл пән патогенезінде анемия, лейкоз және т.б. қан және сүйек кемігі жүйесі ауруларының пайда болу себептері мен жағдайлары, даму механизмдері мен аурудың ақыры туралы мәліметтерді патофизиологиялық талдау негізінде гематологиялық мәселелер бойынша білімді қалыптастырады, морфо-иммунды-цитогенетикалық зерттеу әдістерімен түсіндірілетін және дәлелді медицина негіздерінде гемобластоздардың типтік формалары және анемияны дер кезінде диагностикалау мен емдеуге мүмкіндік береді.

Пән қан түзу мүшелерінің қан ауруларымен және гемостаз жүйесінің патологиясымен ауыратын науқастарды диагностикалау, дифференциалды диагностикалау, емдеу, алдын алу және реабилитациялау, гематологиялық синдромдарға дифференциалды диагностика алгоритмдерін тиімді қолдану бойынша білім мен дағдыларды қалыптастырады. Резидент-гематологтар пациенттегі ықтимал қауіптер мен бар гематологиялық патологияларды ескере отырып, дәлелді медицина қағидаттарына негізделген гематологиядағы диагностика мен емдеудің заманауи әдістеріне сәйкес білім алады.

Пән гемостаз жүйесінің патологиясында кәсіби мәселелерді шешуде, гемокомпоненттік терапия кезінде асқынулардың алдын алуды, посттрансфузиялық реакцияның пайда болу себептерін талдау және оның алдын алу шараларын халықаралық әдебиеттер мәліметтері мен дәлелді медицина негізінде қан аурулары бар науқастарды емдеу және трансфузиологиялық көмек көрсету тактикасын алдын ала анықтауда білім мен дағдыларды қалыптастырады.

қан жүйесі ауруларының, сүйек тіні және гемостаз жүйесі патологиясының этиологиясы, патогенезі, профилактикасы, клиникалық белгілері, жіктелуі, дифференциалды диагностикасы, ересек организмнің трансфузиологиясы және посттрансфузиялық реакциясы туралы заманауи ұғым түсініктерді білу;

Клиникалық диагноз қою және ересектердегі гематологиялық аурулардың дифференциалды диагностикасын жүргізу арқылы онкогематологиялық аурулардың ерте диагностикасын жүргізу;

пациентке, туыстарына, әріптестеріне түсінікті түрде ақпарат беру, ұсынылатын араласуларды, зертханалық-құралдармен зерттеулер, гематологиялық аурулар кезінде сүйек кемігін трепанобиопсияның аспирациясы мен қан құю қажеттілігінің мәнін түсіндіру;

гематологиялық көмек көрсетуде ең жақсы нәтижелерге қол жеткізу үшін ересектердегі гематологиялық ауруларды зертханалық және медициналық құралдармен диагностикалаудың заманауи әдістерін қолдану;

Қазақстан Республикасының денсаулық сақтау жүйесінің құқықтық және ұйымдастырушылық шеңберiнде әрекет ете отырып, қан жасау жүйесi ауруларымен ауыратын науқастарды резидент өз бетiнше кешенді тексере отырып, науқастарға ұсыныстар беруімен қатар амбулаторлы-емханалық көмек көрсетудi ұйымдастырады;

ҚР мен Халықаралық гематологиялық қауымдастықтардың ұсыныстарына, біріншілік және екіншілік профилактика, бағдарлау, медициналық-әлеуметтік сараптама, клиникалық тексеру және оңалту принциптеріне сәйкес БМСК сатысында гематологиялық ауруларды диагностикалық іздеу және емдеу алгоритмін қолдану; гематологиялық науқастар;

гематологиялық науқастарды жоспарлау және жүрзізу, қауіпсіз және тиімді зертханалық-құралдармен тексеру жүргізу және емдеуді түзету, асқынуларды болжау және науқастарды емдеудің тиімділігін бақылау және профилактикалық іс-шараларын жүргізу;

қан ауруларымен ауыратын науқастарға трансфузиялық көмек көрсету, гемокомпоненттік терапия кезінде асқынулардың алдын алу, посттрансфузиялық реакциялардың себептерін талдау және шетелдік әдебиеттер деректері негізінде олардың алдын алу шаралары.