7R01106 Отбасылық медицина в Қожа Ахмет Ясауи атындағы Халықаралық қазақ-түрік университеті

Пән отбасылық дәрігер тәжірибесінде жиі кездесетін жағдайларда алғашқы медициналық және шұғыл көмек көрсетудің, өмірге қауіп төндіретін шұғыл жағдайлардың диагностикасы мен ережелерін зерттейді. Резидент төтенше жағдайларда зардап шеккендерге шұғыл медициналық көмек көрсетуді, трахеостомой және трахеостомиялық түтікше күтімін, естен тану, кенеттен тырысқақ ұстай бастау немесе қатты ауыру, улану симптоматикасы өршіген немесе пациенттің жағдайы кенет нашарлаған жағдайларда шұғыл көмек көрсетеді.

Пән балада туа бітті ақаулардың, тұқым қуалайтын немесе әйелдің денсаулығына зиянды аурулардың баржоғын, отбасыны жоспарлау сұрақтары, физиологиялық жүктілікті жүргізу, пренаталды дайындау, гестоз диагностикасын дер кезінде анықтауды зерттейді. Резидент физиологиялық босануды, токсикоздар ерте және кеш, қауіпті абортты, акушерлік және гинекологиядағы шұғыл жағдайларды, гинекологиялық аурулар (еттеккір циклының бұзылуы т.б ауру түрлерін анықтай алады.

Пән хирургиялық әдіспен емделетін өткір және созылмалы ауруларды зерттейтін медицина саласын және хирургия - жедел әдістің көмегімен емделетін жіті және созылмалы ауруларды зерттейтін медицина саласын зерттейді. Резидент жедел хирургиялық патологиялар мен құрсақ қуысының жарақаттарын, тік ішек және тамыр ауруларын диагностикалау әдістерін, амбулаторлық-емханалық көмек деңгейінде халыққа білікті хирургиялық көмек көрсету әдістерін меңгереді.

Пән клиникалық жағдайда фармакотерапия тактикасын жүргізудегі білім мен дағдыларды қалыптастырады, талдау адекватты дәрілік препараттардың енгізу жолдарының таңдауын және ішкі аурулар клиникасында фармакотерапияның ұзақтығын негіздеуге мүмкіндік береді. Резидент дәрілік заттардың зерттеу нәтижелерін интерпритациялауды, қауіпсіз дәрілік заттарды дұрыс таңдау және тағайындауды, олардың қосалқы және дәлелді медицина негізінде берілуін, нақты клиникалық жағдайда науқастың физиологиялық ерекшелігінің болуын толық меңгереді.

Пәнді оқу барысында білім алушылар дәрілік заттардың клиникалық фармакологиясын, дәлелді медицина деректерін пайдалана отырып, ұтымды фармакотерапияны негіздеу және жүргізу бойынша дәрігерлік клиникалық-фармакологиялық ойлау, клиникалық нұсқауларды (хаттамаларды) пайдалану бойынша білімдерін жетілдіреді. Білім алушылар терапиялық және физиологиялық бейінін ескере отырып, фармакотерапияның тиімділігі мен қауіпсіздігін арттыру үшін дәрілік заттарды және олардың дозаларын таңдауда дербестендірілген тәсіл негізінде үйренеді.

Пән Қазақстан Республикасында паллиативті көмекті ұйымдастыру, паллиативті медициналық көмектің психологиялық, әлеуметтік және рухани аспектілерін, науқасты күту кезінде отбасына қолдау көрсету, созылмалы ауырсынуды диагностикалау және емдеу ерекшеліктерін қарастырады. Резидент өмірге қауіп төндіретін аурумен байланысты науқастардың және олардың отбасыларының өмір сүру сапасын жақсартуды, ауырсынуды және басқа да физикалық белгілерді мұқият бағалау, сонымен қатар психоәлеуметтік және рухани қолдауды меңгереді.

Пән резиденттерге учаскеде тіркелген тұрғындарға тек емханада ғана емес, қажет кезде үйде де медициналық көмек көрсетіп, отбасының медициналық-әлеуметтік мәселелерін шешуге жәрдемдесуді, отбасы мүшелерін жан- жақты тексеріп, тиісті кешенді ем шараларын уақытылы жүргізіп отыруды оқытады. Резидент науқастың жеке ерекшеліктерін ескере отырып дәрілерді тиімді таңдаудың ғылыми негізделген принциптерін, дәрілердің терапиялық нәтижелілігін және қауіпсіздігін бағалау әдістерінің кешенін толық меңгереді.

Қазақстан Республикасында амбулаториялық-емханалық қызметті ұйымдастыру. Есепке алу-есеп беру құжаттамасы. БМСК жағдайында кең таралған аурулардың алдын ала диагнозының критерийлері. Емдеуге дейінгі кезеңде науқастарды жүргізу тактикасы. Стационар-алмастырушы технологиялар. Уақытша және тұрақты еңбекке жарамсыздық сараптамасы. Мүгедектік топтарының өлшемдері. Отбасылық дәрігердің клиникалық жұмысындағы дәлелді медицина принциптері. БМСК қаржыландыру және медициналық-экономикалық талдау принциптері.Міндетті әлеуметтік медициналық сақтандыру жүйесі және медициналық көмектің кепілдендірілген көлемі.

Пән ішкі ағза ауруларын, олардың себептерін, диагностикасын, емдеу және олардың алдын алу әдістерін зерттейді. Аурулардың жіктемесінің АХЖ-Х жіктемесіне сәйкестігіне де көңіл бөлінеді. Резиденттердің өзіндік жұмыстары терапияның түрлі бөлімдерінен терең де толық білім алуға мүмкіндік береді, әдебиетпен жұмыс істеу дағдысын дамытады. Ақпараттарды игеру барысында резиденттер клиникалық ойлауға машықтанады. Шұғыл жәрдем көрсетудің алгоритмдерін оқу кризистік жағдайларда қажетті іс-әрекеттерді атқара алуына көмегін тигізеді.

Коммуникация және коллаборация: пациент үшін үздік нәтижелерге қол жеткізу мақсатында пациентпен, оның айналасымен, денсаулық сақтау мамандарымен тиімді өзара іс-қимыл жасауға қабілетті;

Пациентке жетекшілік жасау: медициналық көмек көрсетудің барлық деңгейлерінде дәлелді практика негізінде клиникалық диагнозды тұжырымдауға, емдеу жоспарын тағайындауға және оның тиімділігін бағалауға қабілетті;

Қауіпсіздік және сапа: медициналық көмектің қауіпсіздігі мен сапасының жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті;

Қоғамдық денсаулық сақтау: Қазақстан Республикасы Денсаулық сақтау жүйесінің құқықтық және ұйымдастыру саласы шеңберінде өз мамандығы бойынша әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби емес командалар құрамында жұмыс істеуге қабілетті;

Зерттеулер: барабар зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде халықаралық дерекқорларды тиімді пайдалануға, зерттеу командасының жұмысына қатысуға қабілетті;

Оқыту және дамыту: өз бетінше оқуға және кәсіби команданың басқа мүшелерін оқытуға, пікірталастарға, конференцияларға және үздіксіз кәсіби дамудың өзге де нысандарына белсенді қатысуға қабілетті.