6B01619 Тарих в Қорқыт Ата атындағы Қызылорда университеті

Курста Тұран табиғи географиялық аймағының өзекті мәселелері, Тұран халықтарының ежелгі этнографиясы мәселелері қарастырылады. Тұран тарихы, археологиясы, этнографиясы бойынша жазба, қазба деректері талданып, ежелгі дәуірдегі Тұран тайпалары мен халқының тарихтағы рөлі мен орны қарастырылады. Ежелгі Тұран этногеографиясының ерекшеліктеріне жан-жақты ғылыми негізделген ақпарат беріледі.

Курста тарихилыққа дейінгі адамның пайда болуы, адамзат эволюциясы, адам қоғамның қалыптасуы мен дамуының негізгі кезеңдері мен мәселелері қарастырылады. Тарихилыққа дейінгі адамзаттың қоныс аударуы және құрлықтарға таралып орналасу үдерістері, діни нанымдары мен мәдениеті, тілдің шығуының негізі аспектілері, өркениет пайда болуыны алғышарттарымен танысады

Курстың мақсаты студенттерге мұражайлар мен мұрағаттардың мақсаттары мен міндеттері, олардың түрлері туралы, сондай-ақ олардың материалдарын ғылыми және оқу жұмыстарында пайдалану туралы білімнің қажетті көлемін беру болып табылады. Мұражайтану тарихымен және олардың қалыптасу ерекшеліктерімен танысу, музей теориясын меңгерту және белгілі бір тақырыптарды толық меңгеру үшін көрме материалдарын дайындау үдерісін қалыптастыру. Мұрағат материалдарын сараптау және сақтау, мұрағат материалдарын ғылыми- зерттеу жұмыстарында пайдалану.

Курс педагогикалық қызметтің ұйымдастыру негіздерімен, мектепте тарихты оқытудың ерекшеліктерімен таныстырады, тарихты оқытудың негізгі әдістері туралы түсінік береді, тарихты оқытудың ерекшеліктерін көрсетеді, білім алушылардың білімін, болашақ мұғалімнің кәсіби мәдениетінің негіздерін және студенттерді педагогикалық мамандыққа бағыттайды.

Курстың мақсаты: Адамның қоршаған ортамен қауіпсіз өзара әрекеттесуін және төтенше жағдайлардағы жағымсыз факторлардан қорғау негіздерімен танысу. Курсты оқу салауатты өмір салты нормаларын сақтау қажеттілігі, тіршілік қауіпсіздігі ережелерін саналы түрде орындау туралы кешенді түсінікті қалыптастыруға бағытталған

Пәнді оқытудың мақсаты өндірістік ортаның жағымсыз факторларын анықтау, адамды зиянды және қауіпті өндірістік факторлардан қорғау, еңбек қызметінің қолайлы және қауіпсіз жағдайларын жасау, кәсіптік аурулар мен өндірістегі жазатайым оқиғалардың алдын алу үшін еңбекті қорғаудың теориялық және практикалық негіздері мәселелері бойынша білім алушыларды даярлау болып табылады.

Студенттерді әртүрлі меншік нысандарындағы кәсіпорындардың ұйымдастырушылық-құқықтық формаларымен, белгілі бір бизнес-идеяларды жүзеге асырудың белгілі бір түрін таңдаумен таныстыру. Курс Экономика мен кәсіпкерліктің мәні мен оның формаларын ашады, осы қызметтің теориялық және практикалық аспектілерін жан-жақты қарастырады.

Курстың мақсаты студенттердің құқықтық санасын және құқықтық мәдениетін арттыру, әлеуметке қарсы құбылыс ретінде сыбайлас жемқорлыққа қарсы іс-қимыл бойынша білім жүйесін және азаматтық ұстанымды қалыптастыру болып табылады. Курсты оқу барысында студенттер құқық және мемлекет теориясының негіздерін меңгереді, құқықтың қоғам өміріндегі орны мен рөлін түсінеді, сыбайлас жемқорлықтың мәні мен факторлары, оның әртүрлі көріністері туралы кешенді білім алады, сыбайлас жемқорлыққа қарсы іс-қимыл бойынша дағдылар мен дағдыларға ие болады.

Адам ағзасының дамуы мен өсуінің негізгі заңдылықтарын, жеке дамудың әр-түрлі кезеңдерінде мүшелер мен аппараттардың қызмет ету ерекшеліктерін, ағзаның қорғаныс күштерін арттырудың негізгі әдістерін, онтогенездегі физиологиялық функциялардың нейрогуморальды реттелуінің қалыптасуын меңгертеді.

Курста Батыс және шығыс өркениетінің пайда болу тарихы, хронологиясы, даму кезеңдері, ежелгі батыс және шығыс мемлекеттерінің қалыптасуы, мемлекеттік басқару жүйесі, шаруашылық, саяси, мәдени, әлеуметтік құрылым ерекшеліктері, ежелгі шығыс халықтарының әлемдік мәдениетке, саясатқа қосқан үлесі қарастырылады, тарихи процестің күрделі сипатына Батыстың Шығысқа дәстүрлі қарсы тұруының шарттылығы түсіндіріледі.

Курста орта білім беру жүйесінде педагогикалық іс-əрекетті жүзеге асыруда болашақ мұғалімдердің кəсіби- педагогикалық бағыттылығы мен кəсіби құзыреттілігін қалыптастыру қарастырылады. Болашақ мұғалімді даярлауда кəсіби педагогикалық іс-əрекет теориясы туралы білімдермен қамтамасыз етіледі.

Курсты игерудің мақсаты: білім алушылардың педагогикалық дизайн құралдары мен әдістері туралы түсінігін қалыптастыру. Курс барысында: педагогикалық дизайнның негіздері, принциптері, ұйымдастырушылық схемалары мен сценарийлері, педагогикалық дизайн схемаларын көрсетудің мәтіндік және көрнекі тілдері қолданылуын зерделенеді; дизайн және мета-дизайн кейстері қарастырылады.

Курста орта ғасырлардағы Батыс және Орталық Еуропа елдерінің V ғасыр соңынан XVII ғасырдың ортасына дейінгі тарихы қамтылады. Орта ғасырлар тарихы курсында феодалдық және христиандық өркениеттің қалыптасуы, мемлекеттердің гүлденуі және құлдырауы, орта ғасырлардағы Крест жорықтары, Батыс және Орталық Еуропа елдеріндегі капитализмнің шығу генезисі мәселелері қарастырылады.

Курста Грек және Рим тарихындағы миф мәселесі қарастырылады. «Мифті» қалай анықтауға болады? Миф қалай жұмыс істейді? Ежелгі және қазіргі теоретиктер, философтар және басқа ойшылдар миф туралы не айтты? - деген сынды сұрақтарға жауап беріледі. Гомердің «Одиссея» эпикалық поэмасы және ежелгі Рим және Грекиядағы мифттер арқылы қарқынды зерттейді.

Пәнде орта ғасырдағы Азия елдерінің тарихи дамуының ерекшеліктері, «Азиялық өндіріс тәсілі» ұғымы, әлеуметтік-экономикалық қатынастардың тарихы мен ерекшелігін кезеңдеу мәселелері, феодалдық жер меншігі және оның нысандары, Азия елдеріндегі қауым және оның сипаты, көшпенділер өркениетіндегі әлеуметтік-экономикалық қатынастардың ерекшелігі, көшпенділер мен отырықшы өркениеттердің өзара қарым-қатынасы қарастырылады.

Курстың мақсаты-студенттерге әлем мұражайларының Ежелгі дәуірден қазіргі уақытқа дейінгі белгілі бір әлеуметтік-мәдени институт ретінде қалыптасу және даму тарихы туралы қажетті білім беру, мұражай түрлерінің алуан түрлілігімен таныстыру, мұражайдың әртүрлі ғылыми пәндермен және мәдени құбылыстармен, эстетикалық идеялармен және әлеуметтік сұраулармен көпжақты байланысын көрсету. Мұражайдың белгілі бір әлеуметтік-мәдени институт ретінде эволюция кезеңдерін қарастыру, мұражайдың мақсаты және оның әртүрлі дәуірдегі қызметі туралы идеялардың дамуын көрсету, студенттерді әлемдегі ең маңызды мұражай коллекцияларының тарихымен таныстыру.

Ежелгі және орта ғасырлардағы Қазақстан тарихы пәні курсы алғашқы қауымдық қоғам кезінен бастап ХVІІІ ғасыр басына дейінгі Қазақстан жеріндегі ең маңызды тарихи мәселелерді оқытады. Курста Қазақстанның ежелгі тарихы, өңір аумағындағы түрлі этникалық құрылымдардың құрылуы, ерте орта ғасырдағы түркі тілдес тайпалық одақтар мемлекеттерінің тарихы, моңғол дәуіріндегі Қазақстан тарихы, қазақ халқының қалыптасуы және Қазақ хандығының құрылуы, көшпелі қоғамның мәдени құндылықтары туралы тарихи мәліметтер ұсынылған.

Славян халықтарының тарихы курсы славян халықтарының этногенезінен бастап бүгінгі күнге дейінгі тарихын қамтиды. Соның ішінде олардың рухани, мәдени, әлеуметтік-экономикалық өмірі, мемлекеттіліктің пайда болуы, көршілес славян және славян емес тайпалар мен мемлекеттермен байланысы. Дүниежүзілік тарихтағы орны мен рөлі. Қазіргі тарихын, халықаралық қатынастарың және славян халықтарының геосаясатқа әсері қарастырылады. Славян халықтарының өзара халықаралық және экономикалық қатынастары.

Курста Ресей мемлекеті мен орыс халқының ежелгі заманнан 1917 жылға дейінгі тарихының негізгі оқиғалары мен үдерістері, кезеңдері, саяси жүйесінің эволюциясы, даму ерекшеліктері қарастырылады. Киев Русі, Мәскеулік кезең, Алтын Орда құрамындағы кезеңі және империялық кезеңдегі Ресей тарихы, І-Петр реформаларының тарихи маңыздылығы мен ІІ-Екатерина реформаларының ерекшелігі көрсетіледі. капитализмнің дамуы, Ресейдің ХІХ ғ. аяғы мен ХХ ғ. басындағы халықаралық жағдайға араласуы, Бірінші дүниежүзілік соғысқа қатысуы және 1917 жылғы Орыс революцияларының тарихы оқытылады.

Археология – ежелгі дәуірден қазіргі кезеңге дейінгі адамзат қоғамы дамуының заңдылықтарын зерттейтін, жазбаша ескерткіштер болмаған жағдайда оны материалдық ескерткіштер арқылы зерделейтін ғылым саласы болып табылады. Археология өзіндік мақсаты мен міндеттері бар тарихи іргелі пән.

Курста Түркі өркениетін қалыптасу мәселелері, әлемдік тарихтың, мәдениет пен өркениеттің Түркі өркениетіне әсері және Түркі өркениетінің оларға әсері қарастырылады. Бұған қоса қазіргі Түркі өркениетінің даму барысына, қазіргі кезеңдегі түркі халықтарының рухани мұрасын қайта жаңғыртудың нақты бағдарламасын құру қажеттілігіне үлкен әсер еткен тарихи факторлар қарастырылады.

Қазақ халқының этнографиясы курсында Қазақстанда этнографияның ғылым ретінде қалыптасу мәселелері, Қазақ этнографиясының даму тарихы, Қазақстанның этнографиялық ғылымына ресейлік және басқа да ғалымдардың қосқан үлесі, қазақ халқының материалдық және рухани мәдениеті, қазақ халқының тұрмысының, әдет-ғұрпының, салт-дәстүрінің, мәдениетінің ерекшеліктері баяндалады, қазақ халқының этнографиясының тарихына деректану және тарихнамалық шолу беріледі.

Курсты меңгерудің мақсаты: жалпы менеджмент теориясы саласындағы және оны білім беру салсында қолдану ерекшілігі бойынша білім деңгейін көтеру. Курсты оқып-үйрену білім берудегі инновациялық басқару тәжірибесінің тиімділігімен танысады, білім берудегі менеджменттің озық және инновациялық тәжірибесін зерттеуге шығармашылық ғылыми көзқарас қалыптастырады, басқарудың білім берудегі озық және инновациялық тәжірибесін практикалық қолдануға әдістемелік және технологиялық дайындауды қамтамасыз етеді

Пән этнология ғылымының терминдік-анықтамалық аппаратын, этнографиялық деректер мен зерттеу әдістерін, этнология ғылымының қалыптасу тарихын, этнологиялық мектептерімен әлем халықтарын классификациялау принциптерін, этнос теориясын, этногенезін және этникалық тарихтың теориялық аспектілерін, мәдениет және этникалық психология негіздерін, этника аралық коммуникация, этникалық жанжал оны шешу және болдырмау жолдарының концепцияларын оқытады.

Бұл курс ерекше білім беруді қажет ететін балалармен жұмыс істеудегі кәсіби құзыреттілігін қалыптастыруға бағытталған. Курс ерекше қажеттілігі бар балалармен түзету-дамытушылық жұмыстың заманауи формаларымен, әдістері мен технологияларымен танысу үшін негіз болып табылады. Психокоррекциялық сабақтардың әдіс-тәсілдерімен танысады

Курста тарихқа қосымша пәндер оқытылады. Білім алушылар генеология, геральдика, нумизматика т.б пәндер туралы ақпарат алады; олардың тарихи зерттеулердегі тарихи-деректік маңызын түсінеді; тарихқа қосалқы пәндердің құжаттық, деректік ролін анықтайды. Қосалқы тарихи пәндер нәтижелері археологиялық және этнологиялық, этнографиялық зерттеулер жүргізуде маңыздылығын ескеріп, өз бетінше зерттеулер жүргізе алады.

Курста номадтық өркениеттің мәселелері, себептері, пайда болуы, оның қалыптасу кезеңдері, номадизм тарихының негізгі тарихи оқиғаларын, көшпенді өркениеттің Батыс өркениетінен ерекшелігі, Қазақстанның ежелгі аумағында қала мәдениетінің дамуы туралы соңғы археологиялық деректерді талдау, көшпенділер өркениетінің әлемдік өркениеттің дамуына қосқан үлесі қарастырылады.

Пәнді игерудің мақсаты студенттердің аймақтардағы туристік әлеуеті туралы білім алуы болып табылады. Ежелгі дәуірден бүгінгі күнге дейін өлкенің қасиетті жерлерінің тарихын зерттеу, кіші отан тарихының отандық тарихпен ара қатынасы мен өзара байланысы, тарихи-мәдени, сәулет ескерткіштері, көрнекті тарихи, діни қайраткерлер, ақындар, жыраулар, ишандарың білу. Мәдени-тарихи нысандарға туристтік маршруттарын белгілеп, туризмнің неғұрлым перспективалы түрлерін, олардың тартымдылық өлшемдері негізінде анықтау.

Пән тарих саласындағы білікті мамандарды даярлау бойынша жоғары білім беру бағдарламасын жүзеге асыруға арналған, оларды білім беру саласында шешуге қабілетті көптеген мәселелерге бағытталған. Пәнді оқыту барысында студенттерге тарихты оқыту әдістемесі курсының мазмұнын, мектеп тарихын оқытудың ғылыми негіздерін меңгеруді қалыптастырады.

Курста қазақ қоғамының ХVIII ғ. басынаң тәуелсіздік алған уақытқа дейінгі кезеңді қамтиды. Отандық тарихтың негізгі оқиғалары, кезеңдері, ұлт-азаттық қозғалыстар тарихы, Қазақстанның Ресейге қосылу үдерісі, отарлық жағдайы, патшалық Ресейдің басқару реформалары, өмірге жаңа көзқарасы қалыптасқан қазақ зиялыларының қызметі мен Алаш қозғалысының барысы, тәуелсіздік жылдарындағы Қазақстанның әлеуметтік-экономикалық және саяси дамуы, арнайы Қазақстанның басқа елдермен халықаралық байланысы, геосаяси дамуы және Қазақстанның халықаралық қауымдастықтағы орны мен халқыаралық ұйымдарға мүшелігі қарастырылады.

Пәнде шетелдегі қазақ диаспорасының қалыптасуы, кезеңдері, қазіргі жағдай қарастырылады. Курста шетелдегі Қазақ диаспорасы екі топқа бөліп қарастырылады, біріншісі бұрынғы КСРО териториясындағы елдердегі қазақ диаспоралары, оның ішінде қазақ иридентасыда бар және алыс шетел мемлекеттеріндегі қазақ диаспоралары. Хронологиялық шеңбері негізінен жаңа заманнан басталып қазіргі кезеңге дейінгі уақытты қамтиды. Ал негізгі қоныстану кезеңдері есебінде, Патшалық Ресей. КСРО және егемен Қазақстан кезеңдері қарастырылады.Бұл пәнді оқу барысында студенттер бойында шетелдегі қандас бауырлар, олардың шетелге кету себептері мен жолдары, қазіргі кезеңдегі жағдайы және бұл процестің кенеюі мен азаю мүмкіндігі туралы түсініктер қалыптасады.

Бағалау оқытудың маңызды және қажетті құрамдас бөлігі болып табылады және оқу процесінің барлық кезеңдерінде мұғалімнің оқу барысын жүйелі бақылауды қамтиды. Бұл курсты оқу орындалған жұмыс үшін жауапкершілікті арттыруға, жүйелі жұмыс дағдыларын қалыптастыруға және мұғалімнің сыныбындағы оқу тапсырмаларын орындауда дәлдікке ықпал етеді.

Курста тәуелсіз Қазақстанның демографиялық ахуалы, пәннің мақсаттары, курстың терминологиясы, тәуелсіздік жылдарында орын алған демографиялық процестердің тарихы, халық санының төмендеу себептері, өсуі, көші-қон процестері, республика халқының ұлттық құрамы, жұмыспен қамту, демографиялық болжамдар, қазіргі Қазақстандағы демографиялық проблемалары, статистикалық мәліметтерді талдау және зерттеу мәселелері қарастырылады.

Курста тәуелсіздік жылдарындағы Қазақстанның әлеуметтік-экономикалық және саяси дамуы қарастырылады. Арнайы Қазақстанның басқа елдермен халықаралық байланысы, геосаяси дамуы және Қазақстанның халықаралық қауымдастықтағы орны мен халқыаралық ұйымдарға мүшелігі қарастырылады.

Шағын комплектілі мектептердегі педагогикалық проблемалар және оларды шешу жолдары; шағын комплектілі мектепте тарих пәндерін сынып және сынып-комплект жағдайында оқытудың тиімділігі мен қиыншылығы; шағын комплектілі мектепте оқыту және тәрбие процестерін ұйымдастыру жолдары; пәнішілік және пәнаралық байланыстарды жүзеге асыруға негізделген оқу пәндерін интеграциялау

Бұл курста қазіргі замандағы халықаралық қатынастардың тарихы қарастырылады, осы кезеңдегі негізгі сыртқы саяси оқиғалар мен процестер олардың себеп-салдарының байланысы көрсетіледі. Соңғы зерттеулердің материалдарына сүйене отырып, тақырыпта халықаралық қатынастардың жекелеген жүйелерінің қалыптасу кезеңдері, жұмыс істеу ерекшеліктері және ыдырау себептері көрсетіледі, атап айтқанда: Версаль-Вашингтон, Ялта-Потсдам және қазіргі жүйелер. Бұл пән студенттерде халықаралық қатынастар тарихы пәні туралы білімді және сыртқы саяси процестерді дербес талдау дағдыларын қалыптастырады.

Бұл курста жаңа заман тарихының маңызды оқиғалары мен проблемалары қарастырылады, батыс қоғамының көрсетілген кезеңдегі әлеуметтік-экономикалық және мемлекеттік-құқықтық дамуының негізгі тенденциялары, осы елдердің әлеуметтік ой-пікірінің эволюциясы және мәдениетінің дамуы талданады.

Курстың мақсаты - қазіргі мектептің білім беру кеңістігінде болып жатқан процестер туралы түсінік беру. Курс аясында студенттер заманауи мектепте оқытуды ұйымдастыру принциптерімен, теориясы мен оқыту әдістемесінің ерекшеліктерімен, қазіргі білім беру технологияларымен танысады.

Пәнді оқытудың мақсаты студенттердің этнографиялық туризм саласында, оның мүмкіндіктері, туристердің қызығушылығы, халықтардың шынайы өмірі,мәдениетке, салт-дәстүрге және шығармашылыққа баулу, қазақ халқының ұлттық мәдениеті мен әдет-ғұрпын Қазақстан Республикасында туризмді дамыту себептерінің бірі ретінде зерттеу болып табылады. Студенттердің аймақтық тарих пен мәдени дәстүрлер туралы білімдерін, жергілікті табиғаттың ерекшеліктерін, бүкіл аймақты тұтастай зерделеуді, аймақтағы тарихи-мәдени байланыстарды, саяси, экономикалық, әлеуметтік өмірді, сондай-ақ ұлттық құндылық пен этникалық ерекшелікті сақтау үшін оған тән ерекшеліктерді, оның жай-күйі мен даму деңгейін қалыптастыруды қамтамасыз ету.

Курста Қазақстан Республикасының Тәуелсіздік жылдарындағы сыртқы саясатының негізгі оқиғалары, Қазақстанның дербес сыртқы саяси қызметінің қалыптасуы, ҚР Тұңғыш Президенті Н. Ә. Назарбаевтың елдің сыртқы саясатындағы рөлі мен қызметі, Қазақстанның таяу және алыс шетелдермен қарым-қатынастар тарихы,ҚР сыртқы саяси курсының негізгі принциптері мен бағыттары қарастырылады.

Пән дүниежүзілік өркениет тарихын оқытады. Білім алушылар мәдениет пен өркениетті зерттеудің әдістемелік-философиялық мәселелерін біледі; мәдениет пен өркениеттегі дәстүр мен жаңашылдық үрдістерін түсінеді; ежелгі, ортағасырлық, Батыс және Шығыс өркениеттерін талдайды; жаһандану үдерісінің дүниежүзілік мәдениет пен өркениетке қатысты теориялық және практикалық мәселелерін сараптайды.

Курста түркі тілдес халықтардың ежелгі кезеннен ХХІ ғ. дейінгі ортақ тарихы қарастырылады. Түркі халықтарының ортақ арғы тегі саналатын Сақтардың, Ғұндардың, Көк түріктердің және одан тараған этностар мен мемлекеттердің саяси және мәдени тарихы көрсетіледі. Түркі тілдес халықтардың өткені, бүгіні және болашақ интеграциясы, түркі тектес этностар мен ұлыстардың шаруашылығы, мәдениеті, саяси өмірі, салт-дәстүрі және әдет-ғұрыпы оқытылады.

Курста Кытай халық республикасы тарихындағы негізгі даму тенденциялары мен оқиғалары, мемлекет қайраткерлерінің өмірі мен қызметі, әлемдегі қазіргі геосаяси орны, халықаралық байланысы, халқының демографиялық ахуалы, әлемдік нарықтағы алатын орны, елдің әлеуметтік-экономикалық дамуы қарастырылады. Кытай халық республикасы ішкі және сыртқы саясатының ерекшеліктері оқытылады.

Бұл курста Ұлы географиялық ашылулардан бастап Бірінші дүниежүзілік соғысқа дейінгі Шығыс елдерінің тарихы жүйелі түрде баяндалған. Курс отандық және шетелдік тарихнаманың жетістіктерін ескере отырып, тарих ғылымының заманауи әдіснамасы негізінде оқытылады, онда проблемалық және жүйелі тәсілдер үйлеседі, тұлғаның тарихтағы рөліне назар аударылады. Отарлау кезеңіндегі Шығыс елдерінің идеологиясы мен саясатына маңызды орын берілген.

Пәнде адамзаттың ерте заманнан қазіргі кезеңге дейінгі дамуы, кемуі оған әсер етуші факторлары ашып көрсетіледі. Түрлі елдердегі адам санынын өсуі, оған ішкі және сыртқы саяси-әлеуметтік, экономикалық жағдайлардың әсері, соғыстар мен эпидемиялардың адам санынын даму процесіне әсері айтылады. Қалалардың дамуынын адамзаттың көбеюіне әкелген пайдасы нақты фактілер тұрғысынан берілген. Қазіргі кезеңге байланысты демографиялық серпін, түрлі қоғамдық ұйымдардың жасаған кестелері арқылы кең көлемде беріледі.

«Тарих теориясы мен методологиясы» пәні тарих ғылымының теориялық негіздері, методологиясы оқытады. Білім алушылар тарихи танымдық принциптерді біледі; ұстаным талаптарын түсінеді; адамзат дамуының тарихи заңдылықтарын сараптайды; дүние жүзілік тарихтың даму заңдылықтарын, бағыттарын талдайды; тарихи мектептер мен тарихи ойдың дамуын бағалайды

Курста әлем тарихындағы 1970 жылдан 1910 жылға дейінгі ең маңызды мәселелер қарастырылады. Дәстүрлі және заманауи тарихтағы зерттеулер мен нәтижелері, 1760 жылғы әлемдегі бейбітшілік, коммерциялық революция, әскери революция, әлеуметтік-экономикалық жағдай, Батыс Еуропа, Азия елдері, Үндістан мен Солтүстік Американың тағдыры және тағы басқа жаhандық тарих оқытылады.

Курстың негізгі мақсаты-студенттерді экскурсияның әдістемесі мен техникасымен таныстыру,экскурсияның негізгі функцияларын сипаттау, экскурсия жетекшісінің қызметін қалыптастыру, жеке адамның, отбасы мен қоғамның әлеуметтік және мәдени қажеттіліктерін қанағаттандыру. Студенттерді экскурсиялық мәтіндерді құрастыру әдістемесімен таныстыру түрлі экскурсияларды өткізу; әдістемелік, өлкетану, тарихи және т.б. әдебиетті пайдалану. Студент: экскурсиялық мәтіндерді құрастыру әдістемесін; экскурсиялардың әр түрін өткізу әдістемесін; экскурсиялық жұмысты ұйымдастыру әдістерін білуі, жеке мәтіндерді құрастыра білуі, экскурсиялық объектілерді іріктеп, зерделей білуі, туристік-экскурсиялық кәсіпорында гид-экскурсовод қызметін атқара білуі тиіс.

Деректану пәні тарихшы-студенттерді даярлау жүйесінде негізгі орындардың бірін алатын басты пәндердің бірі. Бұл пәнді оқыту - білім алушының негізгі кәсіби дағдыларын қалыптастыруды, әрбір тарихи кезеңдердегі және әр түрлі сипаттағы және мазмұндағы алуан түрлі деректермен жұмыс істеудің әдістері мен тұжырымдамаларын қамтиды. Тарихи деректер туралы түсінік, деректердің түрлері, оларды сыныптау, пайдалану, талдау мәселелерін түсіндіріледі.

Курста ежелгі дәуірден бүгінгі күнге дейінгі Ресейдегі тарих ғылымының және тарихнамасының өзекті мәселелері баяндалады. Әсіресе ХХ ғасырдағы Ресей тарихнамасына ерекше назар аударылады. Ресейдің жаңа дәуірден бүгінгі күнге дейінгі тарих ғылымының ең көрнекті өкілдерінің еңбектері мен мұраларына тарихнамалық талдау жүргізіледі.

Азия және Африка елдерінің қазіргі замандағы тарихы курсында ХХ ғасырдың алғашқы ширегінен бүгіні күнге дейінгі Азия, Африка елдері мен халықтарының ұлт азаттық күресінің нәтижелері, тәуелсіздіктің кейінгі дамуындағы қиыншылықтары мен қайшылықтары, азаматтық соғыстары және қазіргі даму ерекшеліктері, жаһандасу үдерісіндегі олардың ролі қарастырылады.

Курс шетел зерттеушілерінің Қазақстаннын ежелгі дәуірінен қазіргі кезеңіне дейінгі тарихына қатысты енбектерін қамтиды. Білім алушылар шетелдік тарихшылыардың Қазақстан туралы енбектерінің жазылу обьективтілігі туралы біледі; тарихнама базасын түсінеді; шетелдердегі Қазақстанды зерттеуші орталықтар туралы, олардың қазақ тарихына қатысты ой-пікірлерін талдайды; салыстырмалы талдау жасайды

Курста Еуропа, Америка елдерінің 1917 жылғы Қазан төңкерісінен бүінгі күнге дейінгі дамуының негізгі үдерістері мен оқиғалары, Екінші дүние жүзілік соғыстан кейіні КСРО мен АҚШ арасындағы «Салқын соғыс» жылдарындағы капиталистік және социалистік елдер арасындағы халықаралық қатынастары, 1991 ж. КСРО ыдырағаннан кейінгі әлемдік геосаяси күштердің трансформациясы, жаңадан пайда болған бұрынғы кеңес елдерінің дүние жүзілік қауымдастыққа кіріуі, 2014 жылдан кейінгі Ресей мен АҚШ және Евроодақ елдері арасындағы қатынастың қайтадан шиеленісуінің негізі аспектілері қарастырылады.

Пәнді оқыту барысында білім алушыларға Сыр өңірінің тарихына қатысты ежелгі дәуірден қазіргі кезеңге дейінгі мағлұматтар беріледі. Бұлардың қатарында Сыр елінің археологиялық ескерткіштері, Сырдария өзені бойындағы қоныстары, Сыр еліндегі тарихи оқиғалары, зиялы қауымы, ауыл шаруашылығының, мал шаруашылығының, өндірістің дамуы.

Пәнді оқыту барысында студенттерге Қазақстан тарихының тарихнамасы туралы мәселелерді оқыту көзделеді. Әртүрлі кезеңдердегі Отандық тарих ғылымының дамуының басты бағыттары айқындалады. Тарихнамалық зерттеу жұмыстарының әдістерімен танысады. Қазақстан тарихы ғылымының қазіргі кезеңдегі даму деңгейі жаңаша зерделенеді.

«Әлем тарихның тарихнамасы» курсында студенттер тарихи білім мен тарих ғылымының дамуы, тарихнамадағы бағыттар мен мектептердің қалыптасуы мен эволюциясы, олардың идеологиялық және саяси ағымдармен байланысы туралы тұтас идеяларды зерттейді. Олардың көрнекті өкілдерінің өмірі және шығармашылық қызметімен танысады.

Курста 1910 жылдан бастап жаhандық тарихтағы өзекті мәселелер қарастырылады. 1914 жылғы бірінші дүниежүзілік соғыс барысы, соғыс жағдайына әлем халықтарының қабылдауы мен дайынды, соғыстың әлем тарихына әсерін, соғыстан кейінгі бүкіл әлемдік орын алған жағдайлар, соғыс нәтижелерінің мемлекеттердің әлеуметтік-экономикалық жағдайына әсері оқытылады.

КСРО және ТМД елдерінің тарихы курсында КСРО-ның құрылған кезінен ыдырағанына дейінгі және одан кейін пайда болған ТМД-ның қазіргі кезеңіне дейінгі отандық, ресейлік және шетелдік ғалымдар әзірлеген қазіргі заманғы әдіснамалық және ғылыми тәсілдер негізінде Кеңес мемлекетінің және ТМД-ның қалыптасуы мен даму үдерісі зерттеледі, 1991 жылдан қазіргі уақытқа дейін посткеңестік, кеңістіктегі интеграциялық және дезинтеграциялық үрдістердің геосаяси, экономикалық, әлеуметтік-мәдени факторларына талдау жасалады, курс бойынша тарихнамалық зерттеулерге шолу жасалады.

Курста шығыс өркениетінің тарихы мен дамуы, шығыс мідениеттері, оның ішінде ежелгі Египет, Месопотамия, Қытай, Үнді өркениеті, көшпенділер өркениеттерінің ерекшеліктері, шығыс және батыс өркениетінің өзара ықпалдастық мәселелері, шығыс өркениеті тарихының заманауи тұжырымдамалары, көрнекті Шығыс ғалымдардың тарихтағы еңбектері, өркениет бағыттың негізгі тарихи көздері қарастырылған.

Курста Қазақстандағы ХІХ-ХХ ғғ. ұлт - азаттық қозғалыстардың себептері, барысы, тарихи маңызы және ондағы қазақтың тарихи тұлғалары мен Алаш қайраткерлерінің рөлі баяандалады. ХХ ғасырдағы орын алған 1916 жылғы ұлт азаттық қозғалыс,1929-1932жж. және 1986 жылғы желтоқсан оқиғасы жайлы жаңа мәліметтер негізінде ашылып көрсетіледі. Жоғарда көрсетілген ұлт-азаттық қозғалыстарының Қазақстан тарихында алатын орны,қазақ халқының ұлтық рухының шыңдалуы тарихи фактілер негізінде көрсетіледі.

Пәннің басты міндеті Мұстафа Шоқайдың баға жетпес мұраларын саралап, әсіресе қос революция тұсындағы Түркістан халықтарының дербестігі, тәуелсіздігі жолында атқарған іс-әрекеттерін мұғажырлық жағдайда жүргізген идеялық күресін ғылыми тұрғыда көрсету және оны Қазақстан тарихының тарихнамасына, әлемдік тарихтың тарихнамасына қосқан мұраларын зерделеу. Кеңестік тарих ғылымындағы М.Шоқайдың өмірі мен қызметіне байланысты деректерді зерттеп, оның салиқалы жаңа тарихи портретін студенттерге оқытып үйрету пәннің міндеттерінің бірі.

Бұл курста ХХ ғасыр басындағы ұлт көсемі, қоғам және мемлекет қайраткері, қазақ халқының еркіндігі үшін күрес жолында болған, өшпейтің терең із қалдырған қазақ зиялылыларының бірі, Алаш Орда үкіметінің өкілі, маңызды жазба мұралар қалдырған – Әлихан Бөкейханның өмірі мен қызметі қарастырылады.

Негізгі, іргелі, арнайы тарихи пәндердің теориялық және практикалық білімін, мемлекеттік қорытынды аттестацияны дайындау және өту үшін тарихты оқыту әдістемесін, әрі қарай оларды кәсіби қызметте қолдануды меңгерген.

Гуманитарлық, қоғамдық-саяси ғылымдардың, тілдердің, Қазақстан Республикасының заңнамаларының, патриотизмді дамыту жөніндегі мемлекеттік саясаттың және Қазақстан дамуының қоғамдық-саяси тұжырымдамаларының әлеуметтік басымдықтарының негіздерін біледі.

Педагогикалық қызметте тарихты оқыту әдістерін және оқытудың жаңа технологияларын меңгерген жоғары кәсіби педагогтардың тәжірибесін зерделеу, жинақтау, тарату және қолдану бойынша іскерліктер мен құзыреттерді пайдаланады.

Ғылыми-инновациялық пәндердің негізгі мәселелерін түсіндіреді.

Археология, этнология, түркі халықтарының тарихы, Шығыс өркениетінің тарихы, Ресей және ҚСРО мен ТМД елдерінің тарихы бойынша негізгі бөлімдерге талдау жасайды, сонымен қатар геосаяси, қазіргі заманғы тарихты зерттеудегі тарихи мәселелерді нақтылайды.

Тарих ғылымының тұжырымдамалық және теориялық негіздерін, оның ғылымдар мен құндылықтардың жалпы жүйесіндегі орнын, тарихи даму мен қазіргі жағдайды біледі; теория мен методологияның негіздерін, дәуірлеуді, хронологияны, Қазақстан және Дүниежүзі тарихының барлық кезеңдердегі ғылыми тұжырымдамаларын: алғашқы қауымдық құрылыстан бастап, ежелгі дәуір, орта ғасырлар, жаңа, қазіргі заманға және бүгінгі кезеңге дейінгі, дайындалған курстарды ғылыми-танымдық мәліметтер негізінде меңгереді.

Арнайы тарихи пәндердің негізгі ұғымдарын, терминологиясын, хронологиясын, тарихи өлкетанудың, музейтанудың, мұрағаттанудың мазмұнын игереді және ғылыми зерттеулер жүргізеді, демографиялық процестерді түсінеді және талдайды.

Білім беру тұжырымдамаларын жүйелі түрде талдай және таңдай алады, әртүрлі кәсіби міндеттерді шешу және бағалау үшін педагогикалық диагностика әдістерін қолдана алады.