6B03203 Кітапхана ісі в "Ақмешіт" гуманитарлық-техникалық институты

Кітапханатану пәнінің мақсаты студентті жалпы кітапханатану, кітапхана қоры, кітапхана каталогы (құжаттарды электронды тасымалдау), оқырмандармен жұмыс, кітапхана жұмысын ұйымдастыру, кітапхана ісінің тарихымен таныстыру. Пәнді оқыту барысында білім алушылар кітапханалық- ақпараттық қызметтің ерекшеліктерін, ақпараттық ресурстар, ақпараттық ізденістер, жаңа технологиялар, кітапханалық- ақпараттық қызметтің негізгі компоненттерін игереді.

Пәннің мақсаты студентке желі саласы ретінде кітапхана ісін ұйымдастыру мен басқаруды үйрету. Нәтижесінде әр типтегі кітапханалар жұмысының ерекшеліктерін біледі кәсіби санасын қалыптастырады

Пәннің мақсаты: студенттерге құжаттарды жинауға, өңдеуге, ретке келтіруге, іздеуге және таратуға ықпал ететін маңызды процестер туралы түсінік беру, ақпаратты аналитикалық және синтетикалық өңдеудің теориялық және әдістемелік негіздеріне үйрету. Пәнді оқу барысында болашақ мамандар дәстүрлі және автоматтандырылған режимдерде құжаттарды өңдеуге машықтанады.

Болашақ мамандарда сыбайлас жемқорлыққа қарсы іс-қимылдың экономикалық шаралар жүйесі туралы тұтас түсінік қалыптастыру, сондай-ақ ол үшін экономикалық ғылымның заңдылықтары мен әдістерін пайдалана отырып, сыбайлас жемқорлыққа қарсы мінез-құлық үлгілерін зерделеу.

Экология мәселелері, экологияның жаһандық, ұлттық мәселелері баяндалады. Табиғи ресурстар, есепке алу, бағалау, ұтымды пайдалану және қорғау мәселелері, жасыл экономика мәселелері қарастырылады. Студенттерді әртүрлі сипаттағы төтенше жағдайларда халықты және аумақтарды инженерлік қорғау негіздерімен таныстырады

Пәннің мақсаты-кітапхана ісінің болашақ мамандарына кітапхана қорының әдістемесін, олардың қалыптасу тарихын, құжаттардың сандық және сапалық сипаттамаларын білуге дағдыландыру. Пәнді оқу барысында болашақ мамандар құжаттарды іріктеу, құжаттар ағынын ұйымдастыру, қорды қалыптастыру, оларды орналастыру, сақтау, зерттеу және тұтынушылардың сұраныстарына сәйкес қорды пайдалану дағдыларын меңгереді.

Курстың мақсаты сирек басылымдар қорымен жұмыс істеу әдістемесін үйрету. Нәтижесінде студенттер сирек басылымдар қорының құрамын, қалыптасу тарихын, оларды сақтау Ережесін, қорды жүйелеу мен жіктеуді ғылыми сипаттау мен каталогтауды игереді.

Пәннің мақсаты кітапханашы-маманды кәсіби этика әдістеріне, ережелерге оқыту, пайдаланушылардың этикалық мәдениетін қалыптастыру икемін қалыптастыру. Пәнді меңгеру барысында студент оқырмандардың кітапхана мәдениетін және библиографиялық сауаттылық деңгейін анықтау дағдыларын меңгереді.

Пәннің мақсаты студенттерге кітапханалық-ақпараттық қызмет көрсетуді, пайдаланушылардың ақпарат көздері мен қызмет көрсету нысандарын еркін таңдау құқықтарын сақтай отырып, ақпаратқа қол жеткізуін қамтамасыз етуді үйрету. Нәтижесінде кітапханалық кәсіби қызмет көрсетудің өзгерістерін ескере отырып, пайдаланушылардың ақпараттық сұраныстарын қанағаттандыруды үйренеді.

Пәннің мақсаты: жергілікті, аймақтық және әлемдік тораптарда негізгі жұмыс әдістері дағдыларын қалыптастыру. Оқу барысында студенттер электрондық, желілік технологияларды, оларды кітапханалық-ақпараттық жұмыста пайдалану дағдыларын меңгереді.

Курстың мақсаты студенттердің маркетингтік ойлауын және оның жүзеге асырылуын қамтамасыз ететін арнайы дағдыларын қалыптастыру. Студенттер маркетингті басқару қызметінің басым бағыты ретінде, оның кітапханалық-ақпараттық саладағы ерекшеліктерін, кітапхана қызметінің нәтижелілігін арттыру үшін тиімді жарнама және PR-тәжірибе дағдыларын игереді.

Курстың мақсаты-студентке кітапханалардың материалдық-техникалық базасы туралы кешенді түсінік беру, техникалық құралдардың кең спектрін, механикаландыру және автоматтандыру құралдарын қолдану, өндірістік мәселелерді уақтылы және дұрыс шешу үшін дағдыларды қалыптастыру. Білім алушылар заманауи техникалық құралдарды, механикаландыру және автоматтандыру құралдарын қолданудың теориялық білімі мен практикалық дағдыларын меңгереді.

Пәннің мақсаты-көркемдік ағымдар мен бағыттардың ерекшеліктерін зерттеуге, әлемдік әдебиет туындыларын зерделеуге, ұғынуга және талқылауға баулу. Нәтижесінде түрлі жанрдағы шығармаларды талдау, түсіндіру және таныстыру дағдыларын меңгереді.

Пәнді оқытудың мақсаты деректер базасын жобалау негіздері, оларды жүзеге асыру әдістері, дерекқорды басқару жүйелерін әзірлеу бойынша студенттердің білімін қалыптастыру. Оқу барысында студенттер қазіргі заманғы деректер базасын жобалау және іске асыру, деректер модельдерін құру құралдарын игереді.

Пәннің мақсаты-студенттерге кітапхана қызметін ұйымдастыру, жұмыс жүргізу және басқарудың териясы мен тәжірибесінің маңызды жақтары туралы кәсіби білім беру. Оқу барысында болашақ мамандар басқару теориясының әдіснамалық негіздерін, оның даму заңдылықтарын, кітапхана ісін басқарудың принциптерін, функцияларын, әдістері мен формаларын біледі.

Пәннің мақсаты кітапханалық, іскерлік қарым-қатынас дағдыларын, сөйлеу мәдениетін меңгерту. Нәтижесінде студент қарым-қатынас жасауда өзін дұрыс ұстауды, әдептілікті, заман талабына сай білімді, қабілетті, мәдениетті іскер маман болуды, іскерлік қарым-қатынасқа тән ерекшеліктерді, қалыптасқан нормаларды, тіл мәдениетін игереді.

Пәнді оқытудың мақсаты - студенттерге құжаттың дамуы, құжаттама жүйесі, қызметтік құжаттардың құрамы, оларды заманауи ережелерге сәйкес рәсімдеу ерекшеліктері туралы жан-жақты түсінік беру. Нәтижесінде болашақ мамандар ақпаратты құжаттаудың қазіргі заманғы мәселелерін, құжаттардың қалыптасу заңдылықтарын, құжаттама жүйелерін, құжаттар кешендерін игеру, құжаттамалық қамтамасыз етуді жетілдіру бағыттарын үйренеді.

Курстың мақсаты- каталогтардың түрлері мен формаларын, каталогтар мен картотекалар жүйесін ұйымдастыру, жүргізу және редакциялауды игерту. Нәтижесінде болашақ мамандар кітапхана қорын жіктеуді және жаңа технологияларды пайдалану негізінде қызмет түрін автоматтандыруды үйренеді.

Курстың мақсаты-тұлғааралық қарым-қатынас теориясын, әдістемесін және басқаруын қарастыру. Нәтижесінде студент іскерлік қарым-қатынасты ұйымдастыру дағдыларын, тұлғааралық қарым-қатынастың стильдерін, технологиялары мен формаларын игереді.

Пәннің мақсаты студенттерді кітапхана қызметін ұйымдастыруға, басқаруға, менеджментті енгізуге дайындау, кітапхана-ақпараттық ұйымдардың басқару қызметін талдау дағдыларын меңгерту. Нәтижесінде студенттер кітапхананың материалдық, қаржылық және кадрлық ресурстарын басқарудың әдістерін игереді.

Пәннің мақсаты кітаби мұраларды, библиография тарихын, теориясын, библиография қызметін ұйымдастыру жолдарын үйрету. Нәтижесінде студенттер баспа өнімдерін іріктеп, оларды жүйелі түрде саралау, ғылыми сипаттама беру және қысқаша мазмұнын ашуды үйренеді, кітапхана-библиографиялық озық тәжірибелерді игереді.

Пәнді оқытудың мақсаты мұрағаттық құжаттарды сақтау, есепке алу, жинақтау, пайдалану негіздерін игерту болып табылады. Білім алушылар мұрағаттанудың даму тарихымен танысады, мекемедегі құжаттармен жұмысты ұйымдастыру міндеттерін шешудің ұтымды тәсілдерін игереді, мұрағаттық құжаттарды сақтауды, толықтыруды, есепке алуды және пайдалануды ұйымдастыруды зерделейді.

Курстың мақсаты заманауи ақпараттық технологияларды сауатты пайдалануға қабілетті кәсіби маман қалыптастыру. Студенттер ақпараттық жүйелер теориясының негіздері, құжаттық және фактографиялық жүйелердің құрылымы мен жұмыс істеу ерекшеліктері, негізгі қызмет саласындағы кәсіби міндеттерді шешуді қамтамасыз етуде ақпараттық жүйелерді қолданудың негіздері туралы білімді игереді.

Пәннің мақсаты кітапханадағы ақпараттық-библиографиялық үрдістерді автоматтандыру бойынша жұмыс ұйымдастыруды, анықтама-библиографиялық аппаратын жасау, оқырманға ақпараттық-кітапханалық, анықтама-библиографиялық қызмет көрсету мәселелерін түсіндіру. Оқу барысында студент автоматтандырылған анықтама-библиографиялық бөлімнің жұмысын, библиографиялық және ақпараттық жұмыс теориясы мен практикасын, кітапхана-библиографиялық классификация кестесін меңгереді.

Курстың мақсаты кітапханалық дизайнның эволюциянын, даму бағыттарын және түрлерін қарастыру болып табылады. Оқу барысында студент кітапхана ғимаратын жобалау, кітапхана интерьерін ұйымдастыру, дизайн, кітапхана жиһаздары мен жабдықтарын негіздерін үйренеді таңдау.

Мақсаты білім алушыларға оқырманның оқу мәдениетін дамытуды, мәтінмен жұмыс жасауды үйрету. Нәтижесінде студенттер әртүрлі дереккөздерден алынған ақпаратты өңдеуге дағдыланады.

Курстың мақсаты кітапханалық-педагогикалық қызметтің теориялық негіздерін, технологиясын, электрондық ортадағы ерекшеліктерін, анықтамалық-библиографиялық қызметтің педагогикалық бағытын үйрету. Нәтижесінде білім алушы кітапхананы педагогикалық жүйе ретінде қарауға дағдыланады, кітапхана қызметінің педагогикалық әлеуетін пайдалана біледі.

Пәннің мақсаты студенттерге кітапханалардың құжаттық ресурстарындағы аса маңызды басылымдардың, коллекциялардың (тарих және мәдениет ескерткіштеріне жатқызылған) сақталуын қамтамасыз етуді үйрету. Оқу барысында болашақ мамандар осы жәдігерлерді жиынтық каталогтарда есепке алуды және оларды халықтың мәдени игілігінің бөлігі ретінде тіркеуді, сақтауды, пайдаланушылардың игілігіне асыру жұмыстарын меңгереді.

Пәннің мақсаты білім алушыларды ішкі және сыртқы кітапханалық желелермен, жүйелермен таныстыру. Пәнді оқу нәтижесінде студенттер автоматтандырылған кітапханалық-ақпараттық жүйенің қалыпты жұмыс істеуі үшін қажетті отандық және шетелдік бағдарламалық және техникалық құралдар, оларды таңдау, қолдану және енгізу әдістері туралы біледі.

Пәннің мақсаты-библиографияның негізгі ұғымдары мен категорияларын, қазіргі библиография жүйесін үйрету, библиографиялық басылымдардың түрлерін, ақпараттық-библиографиялық іздеу әдістерін меңгерту. Оқу барысында студенттер құжаттарды жүйелеуді, анықтамалық аппаратты құруды, практикалық қызметте библиографиялық әдістерді қолдануды, библиографиялық сипаттама жасауды үйренеді.

Пәннің мақсаты студенттерге қазiргi есептеу техникасының және жаңа технологияны пайдаланудың негiзiнде ақпаратты жинақтау, өңдеу, сақтау, iздеу, таратумен байланысты ақпараттық процестердi игерту. Нәтижесінде білім алушылар автоматтандырылған кiтапханалық-ақпараттық жүйелер мен тораптардың негiзгi даму тенденциясы мен перспективасымен танысады, кітапхананың автоматтандырылған жұмыс орындарында қызмет көрсетуді игереді.

Пәннің мақсаты студенттерге СИБИД стандарттары нормативтік құжаттарда қолданылатын кітапхана, библиографиялық, ақпараттық, баспа терминологиясының жүйесін түсіндіру. Оқу барысында болашақ мамандар СИБИД негізінде жүзеге асырылатын библиографиялық жазбаны қалыптастыру, индекстеу және т. б. негізгі технологиялық процестерді игереді.

Пәннің мақсаты студенттерді құжаттарды индекстеу теориясымен және әдістемесімен таныстыру. Нәтижесінде олар құжаттарды пәндеуді, жүйелеуді және жіктеуді, координаттық индекстеуді меңгереді.

Пәннің мақсаты болашақ мамандарда шетелдік кітапханалар пайда болғаннан бастап ақпараттандыру дәуірінің басына дейінгі тарихы туралы түсінік қалыптастыру. Нәтижесінде студенттер шетелдегі кітапхана ісінің эволюциясын, жұмыс істеу ерекшеліктерін, кітапхана жұмысын жетілдіру тәжірибесін үйренеді.

Курстың мақсаты- әртүрлі типтегі кітапханалардың қорларымен жұмыс істеуге қабілетті маман дайындау, қорды ғылыми негізде жинақтау, ұйымдастыру және басқаруды игерту. Нәтижесінде болашақ мамандар кітапхана қорын жинақтауды, құжаттарды сақтау және қорды толықтыруды, үйренеді.

Пәннің мақсаты студенттерде ақпараттық мәдениетті қалыптастыру, деректерді, ақпараттарды тиімді қолдану, тарату, сақтау, өңдеу механизімдерін жетілдіру, ақпаратты және ақпараттық құралдарды тиімді қолдануға үйрету. Нәтижесінде болашақ мамандар ақпарттық мәдениетті игереді, маңызды ақпаратты айқындайды, оның құндылығын бағалауға машықтанады, ақпаратты өңдеу және оны қолдана алу дағдыларын меңгереді.

Курстың мақсаты студенттерді кітапханалардың әдістемелік қызметтерінің пайда болу және қалыптасу тарихымен таныстыру, кітапхана ісінде қолданылатын инновациялық технологияларды меңгерту, кеңес беру қызметіне дайындау. Оқу барысында студенттерде инновациялық-әдістемелік қызметтің мазмұны, негізгі аспектілері, әдістемелік мониторинг жүргізу, әдістемелік ұсынымдар жасау туралы түсінік қалыптасады.

Курстың мақсаты кітапханалардың гранттық қызметінің пайда болуы мен қалыптасу тарихымен таныстыру, кітапхана ісіндегі инновациялық технологияларға оқыту. Нәтижесінде студенттер жобалық басқару негіздерін, жоба түрлерін талдауды, зерттеуді, өзін-өзі бағалау дағдыларын меңгереді.

Пәнді оқытудың мақсаты студенттерде ақпараттық желілер мен ақпарат беру жүйелерін ұйымдастыру және олардың жұмыс істеу негіздері туралы түсініктерді қалыптастыру. Білім алушылар ақпарат беру желілері мен жүйелерін, олардың техникалық және бағдарламалық компоненттерін, компьютерлік желілер мен телекоммуникация құралдарын зерделейді, өздерінің кәсіби қызметінде қолданады.

Курстың мақсаты Абайдың өмірбаяны мен шығармашылық мұрасын, Абай дәуірінің тарихи-мәдени және әдеби контекстін оқыту. Нәтижесінде білім алушы әдеби мәтіндердің көркемдік ерекшелігін зерттеуге, талдауға дағдыланады.

Курстың мақсаты студенттерді кітапханадағы электрондық ресурстармен практикалық жұмыстың негізгі бағыттары мен формаларымен таныстыру. Білім алушылар электрондық ресурстар мен олардың құрылымын, желілік жергілікті және қашықтықтағы электрондық ресурстардың технологиялық жолдарын қарастыруды, жұмыс технологиясымен және қызмет көрсетуді ұйымдастырумен таныс болады.

Курстың мақсаты Халықаралық кітапханалық ынтымақтастықтың пайда болуы, қалыптасу тарихы мен қазіргі жағдайы, кітапханааралық байланысты дамыту бойынша біліммен қамтамасыз ету. Нәтижесінде студенттер ИФЛА, ЮНЕСКО, ФИД, ИСО т.б. халықаралық ұйымдардың қызметін біледі.

Пәнннің мақсаты студенттерге ғылыми-зерттеу жұмысына қатысу үшін қажетті білім, білік және дағдылар кешенін меңгерту. Студенттер әдіснаманы, логиканы, кітапхана саласын зерттеуді ұйымдастыруды игереді, оқырмандардың кітапханалық-библиографиялық қызмет көрсету сапасы туралы пікірлерін, олардың кітапханаға деген қарым-қатынасын және кітапханалық қызметтерді және олардың даму үрдістерін талдау, халықтың кітапханалық қызмет түрлеріне сұранымын талдауды үйренеді.

Пәннің мақсаты-білім алушыларға ақпараттық iздестiру жүйесiн, ақпараттық iздестiру тiлiн, электрондық басылым, электрондық құжат, электрондық оқулық т.б. үйрету. Нәтижесінде студенттер түрлі электронды-кітапханалық жүйелерді игеріп, пайдаланушыларға қажет ақпараттарды жүктеуді меңгереді.

Пәннің мақсаты-студенттерге мектеп кітапханалары мен ақпараттық -кітапханалық орталықтары қызметінің негіздерін, жұмысын реттейтін құжаттар, санитарлық нормалар мен ережелерін оқыту. Нәтижесінде студенттер мектеп кітапханасы оқырмандарының зияткерлік әлеуетін дамыту және ақпараттық қолдауды игереді.

Пәннің мақсаты студенттерге балалардың зияткерлігіне және өзін-өзі тануына, өздігінен білім алуына ықпал жасауды үйрету. Оқу барысында болашақ маман балаларды оқуға, әлемдік және ұлттық мәдениетке баулуға, оқу және кітап құндылықтарын насихаттауға, балалардың қоғамның әлеуметтік-мәдени ортасына кірігуіне ықпал етуді меңгереді.

Студенттерді әлемдік әдеби процестің даму ерекшеліктерімен таныстыру. Зерттелетін дәуірдің нақты тарихи жағдайларының ерекшелігін, әдеби процестің заңдылықтарын, зерттелетін әдебиеттің тарихи және көркемдік маңыздылығын ашу.

Курстың мақсаты студенттерді кітапханалардағы өлкетану қызметінің теориясымен, тарихымен және ұйымдастырылуымен, кітапханалық өлкетанудың заманауи проблемаларымен таныстыру. Курсты оқу барысында болашақ мамандар аймақ туралы білімдерін кеңейтеді, кітапханалардың өлкетану қызметіндегі прогрессивті технологияларын, формаларын, әдістерін практикалық қызметінде пайдаланады.

Пәннің мақсаты студенттерге қазіргі кітапхана жұмысында пайдаланушылардың сұраныстарын қанағаттандыру және оқуға тарту үшін ақпараттық және коммуникациялық технологияны пайдалану қажеттілігін көрсету. Нәтижесінде болашақ маман жаңа технологияны кәсіби сауатты пайдаланады, заманауи пайдаланушылардың қажеттіліктеріне сәйкес жауап беретін білім мен дағдыларды игереді.

Философиялық және әлеуметтік-саяси білім негіздерін, Қазақстанның тарихи даму кезеңдері мен заңдылықтарын, негізгі құқықтық білімдер мен сыбайлас жемқорлыққа қарсы саясатты пайдалана отырып, табиғи ресурстарды ұтымды пайдалану және қоршаған ортаны қорғау принциптерін талдап, орыс және шет тілдерінде ауызша және жазбаша қарым-қатынас дағдыларын көрсетіп, заманауи ақпараттық-коммуникациялық технологияларды пайдаланып, толыққанды белсенділікті қамтамасыз ету үшін дене дайындығы деңгейін сақтап, өзін-өзі ұйымдастыруға және өзін-өзі тәрбиелеуге, сондай-ақ патриотизм мен азаматтықты қалыптастыруға қабілетті.

Әртүрлі жастағы оқырмандардың жас ерекшеліктеріне қарай кітапханалық-ақпараттық іс-әрекеттерді ұйымдастыруға қабілетті.

Кітапхана жұмысын ұйымдастыруға маркетинг пен менеджментті енгізе отырып, жаңа технологиямен пайдаланушылардың ақпараттық қажеттіліктерін қанағаттандыруға, гранттық жобаларды құруға қабілетті

Шетел кітапханаларының жұмыс істеу ерекшеліктерін ескеріп, отандық стандарттарды сақтай отырып, кітапхана жұмысын жетілдіруге, кітапханалық-педагогикалық, библиографиялық кәсіби қызмет көрсетуге қабілетті.

Кітапхана қорын құжаттармен толықтыруға, мұрағаттық және сирек қормен жұмыс жасауға, оларды техникалық және ғылыми өңдеу тәсілдері мен әдістерін іске асыруға қабілетті

Әлемнің ірі кітапханаларының мәліметтер базасын, ақпараттық жүйелерді пайдаланып кітапханалық-библиографиялық зерттеу жұмыстарымен айналысуға, кітапхана интерьерін, дизайнын жасауға қабілетті.

Ақпараттық, іскерлік мәдениетін, кәсіби этиканы қалыптастыра отырып, электронды ресурстарды, ақпаратты іздеу жүйелерін және деректер қорын қалыптастыруға, өңдеуге, жіктеуге қатыса алады.

Кітапхананың техникалық құралдарын пайдаланып, ақпараттық-кітапханалық қызметін, каталогын автоматтандыруға, әдеби мәтіндердің көркемдік ерекшелігін зерттеуге, жаңа технологиялармен жұмыс жасауға қабілетті.