6B08100 Агрономия в Жәңгір хан атындағы Батыс Қазақстан аграрлық-техникалық университеті

Білім алушылардың мәдени өсімдіктердің жүйеленуі, морфологиясы, жіктелуі және эволюциясы туралы теориялық білімін қалыптастырады, өсімдіктердің тіршілік ету, қоршаған ортамен өзара әрекеттесу мәселелерін, өсімдік жасушаларында жүретін тыныс алу, фотосинтез және минералдық қоректену процестерін қарастырады. Осы пән бойынша алған теориялық білімінің арқасында білім алушылар егістік және мал азықтық дақылдарды өсірудің технологиялық операцияларын кәсіби деңгейде ұйымдастыра алады.

Атмосфераның құрылымын, ауа массаларының қозғалысын, радиация мен жылу тепе-теңдігін, метеорологиялық элементтерді (температура, ылғалдылық, жауын-шашын, ылғалдың булануы, желдің бағыты мен жылдамдығы және т.б.) оқытады; климат және олардың өзгеру болжамдарын, метеорологиялық мәліметтерді өлшеу әдістері мен техникалық құралдарын оқытады. Ғылыми зерттеулер кезінде агрометеорологиялық әдістерді қолдануды қалыптастырады.

Агрономия негіздерін оқыта отырып, білім алушылардың егістік және мал азықтық дақылдарды өсіру технологиясы, ауыл шаруашылығы өсімдіктерін зиянды организмдерден (зиянкестер, аурулар және арамшөптер) қорғау, мәдени өсімдіктердің агроценоздарында минералдық қоректену және тыңайтқыштарды қолдану, сондай-ақ тұқым шаруашылығы және топырақты өңдеу мәселелері бойынша бастапқы теориялық білімін қалыптастырады. Пән сонымен қатар білім алушылардың алған теориялық білімдерін кәсіби қызметте пайдалану дағдыларын қалыптастыруға ықпал етеді.

Пән мамандық бойынша оқытылатын негізгі пәндердің бірі, ол топырақты а.ш. өндірісінің негізгі объектісі ретінде оқытады. Курсты меңгеру нәтижесінде білім алушылар а.ш. дақылдары егістерін қалыптастыру процесінде пайдалана алу үшін топырақ түрін, оның негізгі агрофизикалық және агрохимиялық көрсеткіштерін анықтауды үйренеді. Мамандар геологиялық көрсеткіштер негізінде топырақтағы органикалық заттарды көбейту әдістерін және оның биологиялық және физикалық қасиеттерін арттырудың амалдарын игереді.

Химиялық құбылыстардың негіздері, сонымен қатар өсімдік шаруашылығы өнімдерін мен дайындаудағы технологиялық процестерді ұйымдастыруға қажетті заттардың қасиеттері оқытылады.

Курстың негізгі объектісі ауыл шаруашылығы алқаптарында кең таралған микроорганизмдердің жүйеленуі, морфологиясы, физиологиясы, биохимиясы, генетикасы, сондай-ақ олардың топырақтың құнарлылығы мен егістік және мал азықтық дақылдарың, азықтық алқаптардың өнімділігін арттырудағы практикалық маңыздылығы болып табылады. Білім алушылардың микроорганизм түрлері туралы теориялық білімін және заманауи микробиологиялық әдістерді пайдалана күрес шараларын ұйымдастыру кезінде пайдалы микроорганизмдерді сапалы анықтаудың практикалық дағдыларын қалыптастырады.

Агродақылдардың өнімдерін алу үшін суармалы жерлер мен көлтабандық суармалы жерлердің ресурстарын пайдаланудың және күйзелген жерлердің мелиорациясының теориялық негіздерін оқытады. Ауыл шаруашылығы дақылдарын суармалы жағдайда өсірудің технологиялық операцияларын, суару режимдерін, суару процесін, техникасын, суаруға арналған машиналар және оларды дұрыс пайдалану жүйесін қарастырады. Білім алушыларда алған білімдерін аса маңызды агродақылдарды суармалы жерлерде өндіру технологиясын ұйымдастыруда және күйзелген жерлерді мелиорациялауда тәжірибе жүзінде қолдану дағдыларын қалыптастырады.

Студенттерге кәсіби жетістіктің теориялық және қолданбалы модельдерінің тетіктерін жан-жақты түсінуге, жеке компанияларда да, қоғамда да қолдануға болатын іскерлік жазбаша бизнес және мансаптық коммуникация стратегияларын, кәсіби көшбасшылық және тиімді командалық жұмыс дағдыларын игеруге мүмкіндік береді. Өзін-өзі таныстырудың, идеяларды қалыптастырудың және іскер адамның имиджін қалыптастыруға бағытталған шығармашылық ойлаудың маңызды дағдыларын қалыптастыру.

Білім алушылар топырақтың жаратылуы, дамуы, құрылысы, құрамы, қасиеттері, құнарлылығы, таралуы, топырақ түзілу факторлары және топырақ түзілу процестері туралы теориялық білімді игереді. Топырақтың минералогиялық гранулометриялық, химиялық және фазалық құрамын зерттеуге ерекше назар аударылады. Білім алушылардың топырақтың құнарлылығын арттыру, топырақтың қасиеттерін, режимдері мен аймақтылығын дербес бағалау жөніндегі іс-шараларды ұйымдастыру кезінде алған теориялық білімдерін пайдалану дағдыларын қалыптастырады.

Бұл пәнді меңгеру нәтижесінде студент: - ауызша нысанда қарапайым вербалды қарым-қатынас құру; - ұсынылған тақырып бойынша жазбаша мәтін құрастыру; - берілген коммуникативті жағдаятқа сәйкес оқылған мәліметтер негізінде мәтінді қайталап айтып беру; - ұсынылған тақырыпқа сәйкес келісілген тұжырымдарды өз бетінше шығару -электрондық пошта арқылы іскерлік хат алмасуды ұйымдастырудың негізгі ережелерін білу; - қажетті ақпаратты алу үшін қажетті әдебиеттерді пайдалану.

Қоршаған орта мен тірі табиғаттың негізгі заңдары мен ресурстарын, ластану көздері мен зиянды факторлардың адам ағзасына әсерін зерттейтін пәні болып табылады сонымен қатар, адамның тіршілік ету ортасымен (өндірістік, тұрмыстық, қалалық, табиғи) қауіпсіз өзара әрекеттесу тәсілдері мен жағымсыз факторлардан қорғау, табиғи және техногендік төтенше жағдайларың алдын алу мен салдарын жою жолдарың қарастырады. Пәнінде экологиялық қауіпсіздік мәселелері оны мемлекетпен қорғалатын құқықтық нормалар түріндегі басқару механизмдері және алғашқы дәрігерге дейінгі медициналық көмек көрсету ұжымдық түрде зерттеледі.Қоршаған орта мен тірі табиғаттың негізгі заңдары мен ресурстарын, ластану көздері мен зиянды факторлардың адам ағзасына әсерін зерттейтін пәні болып табылады сонымен қатар, адамның тіршілік ету ортасымен (өндірістік, тұрмыстық, қалалық, табиғи) қауіпсіз өзара әрекеттесу тәсілдері мен жағымсыз факторлардан қорғау, табиғи және техногендік төтенше жағдайларың алдын алу мен салдарын жою жолдарың қарастырады. Пәнінде экологиялық қауіпсіздік мәселелері оны мемлекетпен қорғалатын құқықтық нормалар түріндегі басқару механизмдері және алғашқы дәрігерге дейінгі медициналық көмек көрсету ұжымдық түрде зерттеледі.

Пәнде операциялық жүйелермен жұмыс, сандық қауіпсіздік, электрондық кестелер құру; Деректер қорын құру. Мультимедиялық технологияларды дамыту; Графикалық редакторлармен жұмыс мәселелері оқытылады, сонымен қатар қазіргі заманғы интернет кеңістігінің негізгі қызметтері және E-технологиялармен практикалық жұмыс қарастырылған.

Ауыл шаруашылығы өндірісінің негізгі объектісі ретінде топырақты сандық-сапалық бағалау әдістері мен тәсілдерін оқытады. Нәтижесінде білім алушылар шаруашылық қызметті жүргізу кезінде топырақ сапасын, атап айтқанда, ауыл шаруашылығы алқаптарының орналасу аймағында таралған топырақтың өнімділігі, сапалылығы және маңызды топырақ көрсеткіштерін практикалық бағалау дағдыларын меңгеретін болады. Топырақ сапасын сауатты бағалау топырақты қорғау мен оның құнарлылығын арттырудың барлық шараларын дұрыс ұйымдастырудың кепілі болып табылады.

Курс бакалаврдың барлық мамандықтары мен бағыттары бойынша біртұтас пәнаралық білім жүйесі болып табылып, құқықтың негізгі салаларының мәселелерін және мемлекеттің сыбайлас жемқорлыққа қарсы саясатының негізгі бағыттарын сондай-ақ жазаның бұлтартпастығын, қорғау мен көтермелеудің құқықтық кепілдіктерін қамтамасыз ететін жекелеген құқықтық институттардың қызметі қарастырады. Сыбайлас жемқорлыққа қарсы іс-қимыл жөніндегі қолданыстағы заңнаманың негіздері, осы немесе басқа құқықтық нормалардың рөлі туралы жалпы түсінік беретін адамдар құқықтық мәселелерді шешуде шарлау үшін қажетті білімді ұсынады. Курс сыбайлас жемқорлыққа қарсы іс-қимыл бойынша мәдениетті қалыптастыруға және осы негізде азаматтық ұстанымды қалыптастыруға бағытталған.

Тракторлар мен ауылшаруашылық техникаларын оқытады. Мал азығы өндірісі мен сақтауындағы машиналар, техникалық қызмет көрсету ережелерін және жем өндірісі кәсіпорындарындағы технологиялық жабдықты біріктіру тәсілдерін, өсімдік шаруашылығы өндірісінің өндірістік циклінде ауылшаруашылық техникаларының жұмысының сапасын бақылау ережелерін қарастырады

Арамшөптердің морфологиялық және биологиялық сипаттамаларын көші-қонның жаңа тенденциялары және өсімдіктердің географиясы мен бейімделу қасиеттері жағдайында қарастырады. Арамшөптердің түрлеріне және сандық құрамына сәйкес оларды бақылау әдістерін таңдау үшін жүйелеу және бақылау әдістерін оқытады. Арамшөптер туралы, дамуы, агроценоздарда таралуы, идентификациялау және оларды жіктеу туралы білімдерін қалыптастырады.

Болашақ мамандарға топырақ құнарлылығын, егістік және мал азықтық дақылдарды өсірудің жалпы мәселелері бойынша білім мен дағдыларды беретін маңызды агрономиялық пән. Ғылым ретінде егіншілік - бұл мәдени топырақтың құнарлылығының қалыптасуы мен көбеюінің үлгісін, оларды тиімді пайдалану әдістері жүйесін қарастырады.

Экологиялық таза және қауіпсіз органикалық өнімдерді өндірудің негізгі қағидаттарын, органикалық ауыл шаруашылығын сертификаттау жүйелерін, егістік және мал азықтық дақылдардың органикалық өнімдерін өндірудің технологиялық процестерін, сонымен қатар ғылыми зерттеу әдістерінің негіздерін оқытады. Білім алушылардың органикалық өсімдік шаруашылығын жүргізу, егістік және мал азықтық дақылдардың органикалық өнімдерін өндірудің практикалық дағдыларын, сондай-ақ ғылыми-практикалық іс әрекетте ғылыми зерттеудің әдістерін қолдана білу дағдыларын қалыптастырады.

Ауыл шаруашылығы өсімдіктерінің теориялық негіздері мен минералдық қоректендіру механизмдерін, органикалық және минералдық тыңайтқыштардың, мелиоранттар мен жасыл тыңайтқыштардың, сондай-ақ қазіргі заманғы био-органикалық тыңайтқыштардың құрамы мен қасиеттерін, әсер ету механизмін оқытады. Білім алушылардың топырақ-климат жағдайлары мен экономикалық ахуалды ескере отырып, егістік және мал азықтық дақылдар танаптарында, сондай-ақ азықтық алқаптарда нақты шаруашылық жүргізуші субъектілердің тыңайтқыштарды қолдану жүйесін дербес ұйымдастыру дағдыларын қалыптастырады.

Студенттерге қазіргі заманғы экономикалық жүйенің заңдылықтары мен тетіктері, нарықтық жүйе мен мемлекеттік реттеу әдістерінің мүмкіндіктері мен кемшіліктері туралы, жеке компания мен тұтас қоғам шешуге тиісті маңызды мәселелер туралы жан-жақты көзқарасты қалыптастыруға мүмкіндік береді.

Далалық дақылдарың, соның ішінде қант қызылшасының морфологиялық және биологиялық ерекшеліктерін, агротехникасын, тәлімі және суармалы жерлерінде ауыл шаруашылығы дақылдарын өсірудің заманауи энергия ресурстарын үнемдейтін технологияларын және өндірісте ең аз шығындармен аудан бірлігінен барынша мол да жоғары сапа көрсеткіштері бар өнім алуға мүмкіндік беретін ауыл шаруашылығы дақылдарын өсірудің ғылыми негізделген цифрлық технологияларын қолдануды оқытады.

Тұқым қуалаушылық, өзгергіштік сияқты принциптерді, генетиканың барлық биологиялық ғылымдар арасындағы орнын, ядро мен цитоплазманың тұқым қуалау үрдісіндегі рөлін, жасұнық циклын және ағзалардың көбею түрлерін оқытады. Ауруға және зиянды организмдерге төзімді, ауыл шаруашылық дақылдарының жоғары өнімді және жоғары сапалы сорттарын, өсімдік шаруашылығы саласын барлық мәдени егістік және мал азықтық дақылдарының жоғары сапалы сұрыптық тұқымдарын қамтамасыз ету технологияларын қарастырады.

Ауыл шаруашылығы дақылдарының тыңайтқыш қолдану жүйесін қалыптастыруда цифрлы және дәл технологияларды қолдануды оқытады. Студенттерде тыңайтқыштарды дәл енгізу, танаптардың қоректік элементтермен қамтылу деңгейінің карталарын жасай білу дағдыларын қалыптастырады.

Пәннің меңгеру мақсаты – ауыл шаруашылығы дақылдарының зиянкестері туралы білімдерін кәсіптік қызметте пайдалана білу, морфологиясын, онтогенезін, географиялық таралуы мен экологиялық ерекшеліктерін, өсімдік зиянкестерінің негізгі жүйелі топтарын оқыту. Өсімдіктердің морфологиялық белгілері немесе тән зақымдануы бойынша зиянкестерді анықтау дағдыларын меңгеру және ауыл шаруашылығы дақылдарының зиянкестермен тиімді күресу шараларын құру.

Өңірдің табиғи, топырақ-климаттық және аймақтық ерекшеліктерін ескере отырып, агродақылдар өнімдерін өндіру технологиясын оқытады. Топырақ өңдеу, сорттар мен тұқымдарды іріктеу, тыңайтқыштарды қолдану, зиянкестермен, аурулармен және арамшөптермен күрес шараларын ұйымдастыру, ауыл шаруашылығы техникасы мен машиналарын таңдау, өңірдің ерекшеліктеріне бейімделген өңдеу технологиясын пайдалану, оқыту аймағындағы басымдыққа ие агроөнеркәсіптік кешендерде өнім жинау және сақтау мәселелерін қарастырады.

Ауыл шаруашылығы дақылдарын, соның ішінде қант қызылшасын өсіру агроамалдары мен процесстерін ұйымдастыруда, ауыл шаруашылығы дақылдарын өсірудің технологиялық карталарын құрастыру, цифрлы технологиялар негізінде шаруашылықтың өсімдік шаруашылығы жүйесін жоспарлау мақсаттарында цифрлы технологияларды қолдану әдістерін оқытады.

Ашық топырақта өсірілетін көкөніс дақылдары мен картоптың ботаникалық, биологиялық ерекшеліктері, қоршаған орта факторларына қатынасы туралы мәліметті қамтиды; сандық технологияны қолдана отырып, көкөніс дақылдары мен картопты ашық топырақта тарату әдістері, ашық топырақта тұқым мен отырғызу материалын дайындау, тұқым себу мен отырғызу мерзімдері, өсімдіктерге күтім жасау тәсілдері, өнім жинау, өнім сапасын көтеру және өнімді тиімді сақтауға үйретеді.

Ауылшаруашылық жануарларын азықтандыруға қолданылатын өсімдіктердің түрлік құрамының қалыптасуын оқытады; бордақылау базасын ұйымдастыру, өлкенің әртүрлі табиғи-экономикалық аймақтарында жем-шөп қорын жасақтау; сандық технологияны қолдана отырып егістік алқаптарда өндірілетін мал азығын өндіру, жасақтау және сақтау бойынша ұйымдастырушылық, экономикалық, технологиялық және экономикалық шаралар жүйесін оқытады.

Жерді ұтымды пайдалану жолдарын және оны эрозиядан қорғау әдістерін, интенсивтендіру процестерін биологияландыру және экологияландыру мәселелерін, топырақ құнарлылығын молайту заңдылықтарын, нақты және сандық технологияларды қолдана отырып, егістік, мал азықтық дақылдардан жоғары және тұрақты өнім алу үшін егіншілікті тиімді пайдалану әдістерін оқытады. Студентте а.ш. танаптарында нақты агротәсілдерді қолдану құзыртеттілігін қалыптастырады.

Нарықтық экономикасы бар азаматтық қоғамның табысты құрылуының басты шарттарының бірі - кәсіпкерлік құқық саласында терең білімі бар және осы білімді іскери тәжірибеде қолдану мүмкіндігі бар кәсіпорындардың менеджерлерінің және мамандарының болуы.

Аурулардың түрлерін, олардың пайда болу себептерін және жұқпалы, жұқпалы емес ауруларды оқытады. Білім алушылар әр түрлі ауылшаруашылық дақылдарында белгілі бір ауруды анықтау, өсімдіктерді белгілі бір зиянды организмнен қорғаудың немесе кешенді қорғаудың дұрыс әдістерін таңдау, мәдени өсімдіктерді химиялық және биологиялық препараттармен өңдеу бойынша агротехникалық іс-шараларды жүргізу дағдыларын қалыптастырады.

Шалғынды өсімдіктердің жүйеленуін, морфологиялық және биологиялық сипаттамаларын, егілген және табиғи шабындықтарда, сондай-ақ көлтабанды суармалы жерлер жағдайында өндірілетін әртүрлі жем-шөп түрлерін өндірудің, жинау мен сақтаудың технологиялық процестерін оқытады; мәдени шабындық алқаптарын құрудың инновациялық әдістерін және табиғи шабындықтарды нақты технологиялар қолдану арқылы ұтымды пайдалануды оқытады.

Кондицияланған тұқым өндіруге ықпал ететін ауыл шаруашылығы дақылдарының биологиялық сипаттамаларын оқытады; таңдау кезінде бастапқы материалды құру әдістері; тұқым өндірісінің теориялық негіздері және мал азықтық дақылдардың жаңа сорттарын сынау; егістік және мал азықтық дақылдардың жоғары сапалы тұқымын өндірудің экономикалық тиімді технологияларын оқытады. Селекциялық жетістіктерді жедел жүзеге асырудың және барлық шаруа қожалықтарын ауыл шаруашылығы дақылдарының жоғары сапалы сорттық тұқымдарымен қамтамасыз етудің заманауи әдістерін оқытады.

Ауыл шаруашылығы дақылдарына, мәдени және табиғи мал азықтық алқаптарға зиян келтіретін организмдерге қарсы күрес шараларының теориялық және әдіснамалық негіздерін оқытады. Ауыл шаруашылығы дақылдарына зиян келтіретін түрлердің көптілігі, олардың биологиясы, көбеюі, дамуы, агробиоценоздың қүрылымы, егістіктермен көпжылдық теректердің фитосанитарлық ахуалын бағалау әдістері, өсімдік қорғаудың заманауи әдістері және перспективалық бағыттары туралы түсінік береді.

Зиянды ағзалардың таралуы мен диагностикасын ұйымдастыру және қорғау шараларын жоспарлау мен дәл орындау кезінде цифрлық технологияларды қолдануды оқытады. Студенттерде ауыл шаруашылығы дақылдарын зиянды ағзалардан қорғау шараларын ұйымдастыру бағытында цифрлы технологияларды іс жүзінде қолдану дағдыларын қалыптастырады.

Берілген пәнді оқу каллусты, суспензиялық дақылдардың invitro,гаплоидты жасушаларды, оқшауланған протопласттарды алу әдістерінің теоретикалық және практикалық білімдерін қалыптастырады, дақылдағы өсімдік жасушаларының, жасушалық селекцияның, гендік және жасушалық инженерияның физиологиялық-биохимиялық процестерін зерттеу,жоғары сатылы өсімдіктерінің оқшауланған жасушаларының invitroөсіру, өсімдіктердің клондық микрокөбею техникасы мен әдістерін, өсімдіктердің генетикалық трансформациясы және жоғары саты өсімдіктерінің генофондын сақтау тәсілдерін игеруге ықпалдасады. Каллусты және суспензиялық дақылдарын алу және пассирлеу бойынша септикалық процедураларды жүзеге асыруда ықпалдасады.

Өсімдік ресурстарын шет жерден келетін ағзалардан қорғауды және ауыл шаруашылығы дақылдарының карантиндік объекттерінің, басқа да қауіпті зиянды организмдердің таралуын болдырмауға бағытталған құзырлы органдар белгілейтін мемлекеттік шаралар жүйесін оқытады. Студентте репродуктивтік және азық-түлік тағамдары үшін және техникалық өңдеу үшін реттелетін материалдарды, карантиндік жадығаттарды зертханалық карантиндік сараптамадан өткізу құзыреттілігін қалыптастырады.

Жылыжай шаруашылығы технологиясын, жабық топырақта тұқым мен отырғызу материалын дайындау, тұқым себу мен отырғызу мерзімдері, өсімдіктерге күтім жасау тәсілдері, өнім жинау, өнім сапасын көтеру және өнімді сақтауға үйретеді. Студенттерде жылыжайды жоспарлау, ұйымдастыру және іске асыру құзыреттіліктерін қалыптастырады.

Азық-түлік қауіпсіздігін қамтамасыз ету контекстінде агродақылдардың өнімділігі мен сапасын (тұқымдық, технологиялық) арттырудың жаңа амалдарын оқытады. Білім алушыларда практикалық іс әрекетте агродақылдардың өнімділігі мен сапа көрсеткіштерін арттыруға бағытталған инновациялық (агротехникалық, технологиялық, өндірістік) амалдар жүйесін ұйымдастыра білу дағдысын қалыптастырады.

Жайылымдық жерлердің топырақ және өсімдік жамылғысының жәй кұйі, жайылым өсімдіктерінің түр құрамын, сандық және нақты технологияларды пайдалана отырып табиғи және мәдени жайылымдарды ұтымды пайдаланудың инновациялық әдістерін, жайылымдардың айналымын, ауылшаруашылық жануарларының ғылыми негізделген жайылуын, жайылымдық жүктемелердің реттелуін, беткі және түбегейлі жақсарту, суландыру сапа мәселелерін оқытуды қарастырады.

Негізгі бақша дақылдарының жүйеленуін, анатомиялық, морфологиялық және биологиялық ерекшеліктерін, олардың көбею әдістерін, топырақ құнарлылығын арттырудың ғылыми негіздерін, бау-бақша дақылдарын арамшөптерден, зиянкестер мен аурулардан қорғаудың ғылыми әдістерін, ауылшаруашылық тәжірибені, өнім сапасын жақсарту әдістерін, сақтау техникасын, озық тәжірибе негіздерін зерттейді, цифрлы әдістерді қолдана отырып қарқынды бау-бақша және көшеттіктер технологиясын оқытады.

Ауыл шаруашылығы дақылдарын тиімді сорттар мен тұқыммен қамтамасыз етуде биотехнология, генетика, селекцияның әдістері мен практикалық дағдыларды көрсету

Тракторларды, ауыл шаруашылық машиналарын жүргізу, ауыл шауаршылық танаптарында жұмыс жасау үшін тиісті машинаны немесе агрегатты дұрыс таңдау

Агродақылдардың өнімділігі мен сапасын артыру үшін өсірудің цифрлы және сандық технологияларын, мал азықтық танаптарды тиімді басқаруды ұйымдастыра білу

Тілдер аралық, мәдениетаралық өзара қарым-қатынас орнату, ғылыми зерттеу әдістерінің негіздерін білу қабілетін көрсету

Кәсіби қызметте IT, агрометеорологиялық, геологиялық, жерге орналастыру және бонитировка білімдері мен әдістерін білу

Дәстүрлі және органикалық өсімдік шаруашылығында ауыспалы егіс, топырақ өңдеу, ауыл шаруашылық дақылдардың арам шөптерімен күресу, мелиорацияның цифрлы жүйесін аймақтың ерекшеліктерін ескере қолдану

Құқықтық, кәсіпкерлік және экономикалық ортада әлеуметтік құбылыстарды түсіну бағытында жаңа бағыттарды бағалау және қолдану

Химиялық процестер, топырақ ерекшеліктері, құнарлылығын арттыру, ауыл шаруашылығы дақылдарын тыңайту жүйесі туралы білімді көрсету

Ауыл шаруашылық өсімдіктерінің жүйесін, биологиясын, микробиологияны, экология және өмір тіршілік қауіпсіздігі сұрақтарын білу

Цифрлы технологияны қолдана отырып көкөністер мен картопты дайындау, жылыжай шаруашылығы, көшеттіктер технологиясы мен қарқынды бақ шаруашылығын білу

Цифрландыру әдістерін шараларын қолдана отырып, зиянды ағзаларды диагностикалау, күресу, фитосанитарлық, карантиндік күрес шараларын, амалдарын ұйымдастыру