6B01683 Дінтану в Қожа Ахмет Ясауи атындағы Халықаралық қазақ-түрік университеті

Пән бала психологиясының әртүрлі жас дамуының кезеңдерінің ерекшеліктерін, іс-әрекеттің әртүрлілігін, жеке адамды қалыптастыратын психикалық қалыптар мен мінез-құлықты, баламен жұмыс істеу барысында берілген заңдылықтарды есепке алу туралы ғылыми түсініктерін қалыптастырады. Студенттер адам психологиясы қалыптасуындағы негізгі бағыттарды, әрбір адамның психикалық құрылымының қайталанбастығы туралы білім мен оны айқындаудың дағдыларын меңгереді, педагогикалық процестерді ұйымдастырады, жас ерекшелік пен әлеуметтік психологиялық салаларындағы білімдерін қолданады.

Діннің рухани мәдениеттің ажырамас бөлігі және оның адамзаттың өркениеттік дамуындағы орны, діни түсініктердің ерте кезеңдегі формасынан әлемдік деңгейге дейінгі қалыптасуы мен дамуы қарастырылады. Тарихта болған дiндердiң қазiргі таңда кездесу жағдаяттары мен формалары, діндердің тарихи және мифтік-аңыздық түрлерінің сақталу барысы туралы білімін қолданады. Пәннің мазмұны діни дереккөздердің құндылығын талдап, түсіндіру арқылы зерттеліп отырған сала пәні бойынша аналитикалық ойлауды қалыптастыруға бағытталған.

«Мамандыққа кіріспе» пәні студенттерде таңдалған мамандық жайлы, оқу процесінің ұйымдастырушылық-әдістемелік негіздері, дидактикалық блоктардың құрылымы және білім беру бағдарламалары бойынша оқытудың түпкі мақсаты туралы тұтас түсінік қалыптастыруға бағытталған. Кур аясында білімгер оқу әдебиеттерімен, ғылыми және қолданбалы зерттеулермен жұмыс жасау, өзіндік білім алу дағдыларын игереді.

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Бұл курс академиялық B2 деңгейіндегі түрік тілінің негізгі стандартын үйренуге арналған. Курс техникалық (мамандандырылған) тақырыптарды қоса алғанда, түрік тіліндегі нақты және дерексіз тақырыптар бойынша күрделі мәтіндерді ұсынады. Курстың мақсаты-академиялық тілді жетілдіру. Пәнді оқу нәтижесінде студент әртүрлі тақырыптар бойынша түсінікті, егжей-тегжейлі мәтін құра алады, өз көзқарасын түсіндіре алады, тақырып бойынша әртүрлі көзқарастарды қолдай алады және оларға қарсы дәлелдер келтіре алады.

Пән ислам дамуының тұтастығын сипаттайтын негізгі фактілерді, үдерістер мен құбылыстар туралы білім-танымдарын қалыптастырады. Пәнді оқу барысында дереккөздермен және зерттеу әдебиеттерімен аналитикалық жұмыс істей білуді, тарихи, діни мәтіндерді түсіндіруді, әртүрлі халықтар мен аймақтардың мәдениетінің қалыптасуына исламның әсер ету дәрежесі мен сипатын анықтауды үйренеді. Студенттер ислам тарихы бойынша алған білімдерін өз ұстанымын тұжырымдап, түсіндіруді жүзеге асырады.

Пән мектеп жасындағы балалардың анатомиялық-физиологиялық ерекшеліктеріне, даму заңдылықтарына қарай оқушы денсаулығын қорғау және қоршаған ортада бейімделу жолдарын меңгертеді, салауатты өмір салтын қалыптастыру, гигиена мен денсаулықты нығайту ережелерін көрсетеді. Пәнді меңгерген білім алушы педагогикалық үдерісте оқушылардың зияткерлік қабілет, танымдық әлеуетінің жоғары деңгейін қамтамасыз ету әдістерін үйренеді, антропометриялық және медициналық әдістерді пайдаланып, бала ағзасына әсер ететін факторларды анықтайды.

Пән дін психологиясының негізгі бағыттары мен оның даму тарихы туралы үйретеді. Пән танымдық, эмоционалды ерік-жігерді сипаттайтын ұғымдық аппаратты, діндар адамдардың психикасының мотивациялық және реттеуші салалары, күшті және әлсіз жақтары, қалыптасу және даму ерекшеліктерін айқындау дағдыларын қалыптастырады. Білім алушы алған білімін субъектінің діни санасына бақылау жүргізу және дінге сенуші адамның психикалық жағдайын, ерекшеліктерін сипаттау үшін қолданады.

Пән тұтас педагогикалық процессте оқытудың теориялық – әдістемелік негіздерін, қағидаларын, әдістері, формалары мен технологияларын, кәсіби педагогикалық іс-әрекет ретінде модельдеуді, оқушылардың жас ерекшеліктеріне байланысты оқу-танымдық іс-әрекетін ұйымдастыру және оқу-тәрбие процесін басқару туралы түсінік қалыптастырады. Білім алушы пәнді меңгеру нәтижесінде білім беру мекемелеріндегі субъектілермен оқу және тәрбиелеу жұмыстарын атқаруға, оқу-танымдық іс-әрекетін қалыптастыруға, ғылыми, кәсіби міндеттерді шешуге, оқушылардың педагогикалық іс-әрекетін ұйымдастыруға қабілетті.

Пәнді оқыту аясында тәрбие процесінің ғылыми негіздерін, теориясы, әдістемесі, заңдылықтары, принциптері, формалары, құралдары, тәрбие үдерісінде тұлғаның қалыптасуы, дамуы және тәрбие үдерісін жобалау, талдау, басқару мен ұйымдастыру туралы жалпы түсінік қалыптасады. Пәнді меңгерту нәтижесінде әр түрлі типтегі білім беру ұйымдарында сынып ұжымын қалыптастыру, сынып жетекшісінің қызметінің ерекшеліктерін білу, тәрбие жұмысының жоспарын құру, тәрбиелік іс-шараларды ұйымдастыру іскерлігі мен практикалық дағдыларын меңгереді.

Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

Пән инклюзивті білім берудің қағидалары және теориялық, әдіснамалық негіздері, ерекше қажеттіліктері бар балаларды психологиялық-педагогикалық қолдау көрсету және инклюзивті тәжірибе аймағында білім беруді ұйымдастырау туралы түсінік қалыптастырады. Пәнді меңгеру нәтижесінде білім алушы арнайы білім беруді қажет ететін, даму мүмкіндігі шектеулі балаларды құқықтық-нормативтік құжаттарға сүйене отырып қалыпты дамыған балалармен бірге әлеуметтендіру, дамыту, өмірге бейімдеу жолдарын көрсетіп, педагогикалық процесті ұйымдастыра алады.

Пән мемлекеттік-конфессияаралық қатынастар және діни сенім бостандығы туралы білім қалыптастырады. Пәнде сенім бостандығының тарихи-әлеуметтанулық және конституциялық-құқықтық негіздері, дін туралы заңнамалар мен тәжірибелер, сенім құқығына қатысты нормативтік құқықтық құжаттар туралы білім беріледі. Пәнді оқыту барысында студенттердің дін саласындағы заңнамалық актілермен жұмыс жасай білу дағдылары мен біліктілігі қалыптасады, сонымен бірге кәсіби ортада қолданылатын діни-құқықтық қағидаттарды қолдана отырып, оқу материалдарын әзірлеу құзыретін меңгереді.

Пән діннің аксиологиялық, дүниетанымдық, психотерапевтік және басқа да аспектілеріне қатысты ғылыми дүниетанымның және рационалды бағдардың қалыптасуын, діни құбылыстардың теріс әсерінің негізгі тенденцияларын талдау қабілетін қалыптастырады. Пәнді оқу барысында білім алушылар дінтанудың ғылыми әдіснамасы мен ұстанымдарының негіздеріне, Құдай болмысы, оның әлемге және адамға қатынасына зерттеу жүргізеді. Дін мәселелерін қарастырғанда философиялық-ғылыми талдаудың әдістерін қолданады және дін туралы шығармаларды интерпретациялау дағдыларын көрсетеді.

Пән дін әлеуметтануы, оның негізгі ұғымдары мен әдіснамалық ұстанымдары, діннің классикалық және қазіргі теориялары, оның эмпирикалық зерттеулерінің әдістері мен нәтижелері туралы білім қалыптастырады. Қазіргі қоғамдағы дін әлеуметтануының даму басымдықтары туралы білімі мен дінді әлеуметтік тұрғыдан зерттеудің әдістерін қоғамда діндерді зерттеуде қолданады. Пәннің әдіснамалық негізін діннің әлеуметтік маңыздылығын және қоғамдық үдерістердің діни өмірге әсерін қолданбалы зерттеу, діни құбылыстарды әлеуметтанулық талдау құрайды.

Пән студенттерде әртүрлі этникалық топтар мен діни мәдениеттерге жататын адамдар топтарының психологиясының негіздері, жеке тұлғаның осы топтармен өзара әрекеттесу заңдылықтары және олардың өзара әрекеттесуі (теориялар, тұжырымдамалар, негізгі ұғымдар, заңдылықтар) туралы іргелі түсінік қалыптастырады. Пәнде топтардағы адамдардың өзара іс-қимылының заңдылықтарын зерттеудің ғылыми негізі мен әдістемесін түсіндіреді, әртүрлі этномәдени және діни бірлестіктердегі адамдардың психикалық жай-күйін айқындау дағдысын көрсетеді.

Пән әртүрлі санаттағы академиялық жұмыстарды (essay, report, etc) оңтайлы жазу үшін қажетті дағдылар мен біліктерді қалыптастырады. Пән білімгерлерге жазбаша сөйлеудің жанрлық, грамматикалық, стилистикалық және пунктуациялық ерекшеліктерін түсіндіріп, академиялық жазба жұмыстарды қатесіз жазу әдістерін үйретеді. Академиялық жазбалар әзірлеуде әлемдік дерек базаларын және ғылыми журналдардың онлайн жүйелерін пайдалану дағдыларын қалыптастырады.

Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пән дінтанудың маңызды саласы туралы білім алу ғана емес, сонымен бірге өздерінің педагогикалық және әдістемелік танымын айтарлықтай толықтыруға мүмкіндік беретін әлемдік өркениет тарихындағы айрықша оқытудың принциптері, нысандары мен әдістерін қолдануды үйретеді. Курс діни білімнің діни сананы және діндарлар қауымдастығын жаңғыртудағы рөлін көрсетеді; оқу үдерісінің тәрбиелік әлеуетін дамытады; діни және зайырлы білім арасындағы қатынастарды талдайды және олардың әдістемелерін айқындайды.

Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

Пән адамның, қоғам мен мәдениеттің шығу тегін, діндердің адамдардың мәдени өміріндегі қызметін зерттеуге бағытталған. Пәнді оқу нәтижесінде студент дін ғалымдарының антропологиялық көзқарастарын меңгере отырып, діндердегі антропологиялық категориялардың мазмұнын түсінеді, адам болмысының жаратылу мақсаты мен мәнін ұғынады, діндердегі антропологиялық мәселелерге салыстырмалы түрде баға беру дағдыларын игереді.

Пән өзінің зияткерлік және жалпы мәдени деңгейін жетілдіру және дамыту қабілеті, өзінің жеке басының адамгершілік және дене бітімін жетілдіруге қол жеткізу қабілетін қалыптастырады. Ежелгі, халықтық-ұлттық және әлемдік діндерде дамытылатын адамның әртүрлі тұжырымдамаларында пайдалану қабілеті; қазіргі діни антропологияның негізгі парадигмаларын, антропологиялық мәселелерді шешу дағдысын қалыптастырады. Тұлға қалыптастырудағы әдіснамалық мәселелерді шешуде діни құндылықтар мен құқықтық нормаларды пайдаланып, оқу үдерісінің тәрбиелік әлеуетін дамытады.

Пәнді оқу арқылы студенттер өзінің кәсіби іс-әрекетінің әлеуметтік-педагогикалық құрамын жүзеге асырудағы қоғамның әлеуметтік мәслелелерінің педагогикалық қырларын танып біледі. Студенттер әлеуметтік педагогикалық іс-әрекет сипаты және ерекшелігі жайлы теориялық және практикалық білімдерді меңгереді. Әлеуметтік-педагогикалық жұмыстың практикалық біліктері, педагогика саласында зерттеудің әдістемесін жасау дағдылары қалыптасады. Диагностикалық, ұйымдастыру, коммуникативтік дағдылары мен біліктерін жетілдіруде теориялық білімдерді тәжірибеде қолдануды ұйымдастырады және оны іске асыруға қабілетті.

Пән діни және халықтық тәрбие дәстүрлерінің қайнар көздері, олардың мәні, ерекшеліктері мен практикалық маңызы, діни және халықтық педагогика мен діннің қазіргі білім беру парадигмалары туралы білімдер қалыптастырады. Қазіргі заманғы әлеуметтік-педагогикалық салада дін мен этнопедагогика қатынасын ғылыми зерттеу іскерлігін көрсетеді. Халықтың этнопедагогикалық мәдениетін ұғыну үшін қажетті базалық діни-этнопедагогикалық танымды оқу барысында иегерген білім мен әдістемені айқындайды, оқу үдерісінің тәрбиелік әлеуетін дамытады.

Пән діни білімнің дамуы, педагогикалық ғылым жүйесіндегі орны, мазмұны және оның негізгі бағыттары, діни педагогиканың міндеттері туралы, зайырлы және конфессиялық білім беру жүйесіндегі діни педагогика ретінде діни педагогика мәселелерін заманауи зерттеу туралы білімді қалыптастырады. Діни білім берудің категориялық аппараты мен ғылыми негіздерін игеру, мектепте дінді оқытудың әдіснамалық мәдениеті және діни педагогиканың халықаралық академиялық стандарттарын талдап, дәстүрлі сабақты өткізу қабілеттілігін көрсетеді.

Пәнді оқу барысында этика мен аксиология, діни ілімдердің моральдық этимологиясы туралы білім қалыптасады. Этикадағы негізгі теориялық категориялар мен бағыттармен танысады, діни этика мен моральдың мазмұны мен мақсаттарын ұғынады. Пән алған білімді адамгершілік тұрғыдан өзін жетілдіру мақсатында қолдану қабілетін қалыптастырады. Болашақ маман кәсіби қызмет саласында діни мәдениеттегі базалық этикалық ұстанымдар мен олардың моральдық сана мен мінез-құлықтағы орнын көрсетеді.

Пән студенттерге көшбасшылық феноменін зерттеуге қатысты қолданыстағы түсініктер мен көзқарастарды игеруді, заманауи әртүрлі мекемелер мен құрылымдардағы көшбасшының рөлі мен жауапкершілігі туралы білімдерді білуді, бөлімдер мен топтарды басқару бойынша практикалық дағдыларды және технологиялық жетістіктерді қолдануды, ғылымдағы танымал озық тәсілдермен жақын танысуды және іске асырудыүйретеді. Студенттер кәсіби саладамәселелерді ұтымды сыни талдау мен шешімдер қабылдау арқылы көшбасшылық қабілетін қалыптастырады.

Пән сопылықтың пайда болу, даму тарихы және философиясы туралы білімді қалыптастырады. Сабақта сопылықтың қазақ халқының тарихындағы, сондай-ақ араб-мұсылман философиясындағы және жалпы тарихтағы рөлі мен орнын объективті бағалау үйретіледі. Сопылықтың дінтану саласындағы орнына қатысты ғылыми зерттеулер жүргізу арқылы, ислам тарихындағы рөлін неғұрлым толық және объективті тану, бағалау әдістері анықталады. Студенттер сопылық ғұрыптар мен ілімдердің қалыптасуы мен дамуына қатысты зерттеу дағдыларын көрсетеді.

Пән әлемдік діндердегі әдебиет, музыка, театр және сәндік-қолданбалы өнер синтезінде діни кескіндеме, сәулет, мүсін және олармен байланысты негіздер туралы түсінік қалыптастырады; өнердің негізгі қағидаттарын зерделеуді үйретеді. Әлемдік діндердің эстетикалық тұжырымдамаларын, негізгі шығармаларды, әр түрлі конфессияларға жататын өнердің өзара әсерленуін сипаттауды, тұлғааралық қарым-қатынас жасау және ұжымда жұмыс істеу дағдылары қалыптасады. Студенттер діннің көркем негіздерін салыстыру әдістерін меңгеру дағдыларын көрсетеді.

Пән қазіргі заманғы оқу үдерісін ұйымдастыру негіздерін; дінтану және гуманитарлық ғылымдар саласында кәсіби білім берудің дидактикалық негіздері мен тәсілдерін үйретеді. Пәнде оқу сабақтарын бағдарламалаудың әдістерін; білім беру жүйесінде оқу-тәрбие жұмысын ұйымдастырып өткізуді, талдау мен шешудің принциптері мен тәсілдерін қолдану әдістемелерін меңгереді. Проблемалық оқытудың заманауи технологияларын іске асыру дағдылары қалыптасады. Студенттер бекітілген стандартты әдістер мен технологияларды қолданып, дәстүрлі сабақ өткізуге қабілетті.

Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

Пән заманауи білімді, әдістерді, дағдыларды қолдану қабілетін қалыптастырады. Студент дінтанулық білімді нақты педагогикалық міндеттерде қолдану тұрғысынан тереңдету және бекіту; ерекше кәсіби-педагогикалық біліктерді қалыптастыруды, педагогикалық әдіс-тәсілдерді меңгеріп, сабақ әзірлеп, өткізуді үйренеді. Пәнде көпшілік алдында сөйлеу, дәлелді пікірталас және полемика жүргізу; дінтану саласында ғылыми зерттеулерді пайдалану сынды практикалық дағдылар қалыптасады. Әдіснамалық мәселелерді шешуде дінтану проблемаларын түсіну, баяндау және сыни талдау дағдыларын көрсетеді.

Пән ерте және қазіргі заманғы діни ағымдардың тарихы мен ілімдері туралы түсінігін қалыптастырады. Пәнде діни ағымдардың әртүрлілігі мен жалпы ерекшеліктері туралы білім беру міндеті шешіледі. Қазіргі қоғамдағы ағымдардың дәстүрлі діннің конфессиясына, жалпы қоғамға әсері мен қауіптілігін түсіну және талдау арқылы сабақтарды әзірлеп, өткізу, діни ағымдар мәселелеріне қатысты "діни ағымдар мен топтар" феноменін анықтау мен салыстыру әдістерін қолдану дағдыларын дамытады.

Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

Пән жалпы дидактикалық, жобалық және технологиялық білім мен дағдыларды игеруді, педагогикалық технологиялардың әдіснамалық негіздерін зерделеуді, болжамдық және рефлексивтік педагогикалық біліктерін дамытуды; педагогикалық ойлауды, педагогикалық шеберлікті дамытудың әдістемелерін меңгеруді үйретеді. Пәнде түрлі іс-шараларды ұйымдастыру, тұлғааралық өзара әрекеттесуді жүзеге асыру дағдылары қалыптасады. Студенттер диагностикалық және түзету-дамыту міндеттерін шешетін бекітілген стандартты әдістер мен технологияларды меңгеріп, дәстүрлі сабақ құрылымын әзірлеп, өткізеді.

Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Пән діни экстремизм мен терроризмнің алдын алу шараларын жетілдірудің, қоғамда радикалды идеологияға қарсы иммунитетті қалыптастыруға бағытталған және радикалды көріністерге мүлдем төзбеушіліктің негіздері мен әдістемесін үйретеді. Кәсіби ортада қолданылатын радикализмге қарсы іс-қимылдың діни-құқықтық қағидаттарын қолдана отырып, оқу материалдарын әзірлейді. Студенттер діни экстремизмнен қорғану жөніндегі іс-шаралардың тиімділігіне сенімділікті арттыру, төтенше жағдайларда әрекет етуге практикалық дайындықты қалыптастыруда діни және құқықтық нормаларды қолданады.

Пән студенттерге дінтану пәндерінің негізгі проблематикасын түсіндіреді; оның қалыптасу және даму тарихымен, негізгі теорияларындағы жетістіктері және кемшіліктерімен таныстырады; феноменологиялық тұжырымдамаларды сыни талдау әдістемесін үйретеді; діни фактілерді дербес феноменологиялық талдау дағдысын қалыптастырады. Студенттер діндер тарихын мұқият танып біледі, дін философиясы, дін психологиясының жеке бөлімдері туралы білімдерді меңгереді. Студенттер дін феноменологиясы тұрғысынан діни мәтіндерді талдау дағдыларын қолданады және кәсіби-тұлғалық қабілеттерін көрсетеді.

Пән қоғамның екі негізгі әлеуметтік институты ретінде құқық пен діннің өзара іс-қимылы саласындағы негізгі ережелер, дін-мемлекеттік және діни-құқықтық қатынастар туралы түсінік қалыптастырады. Ар-ождан бостандығы және діни бірлестіктердің қызметі саласындағы қолданыстағы халықаралық және отандық заңнамалар туралы түсінік пен талдау дағдылары қалыптасады. Студенттер қолданыстағы заңнама талаптарына сәйкес талдау жүргізу мен нормативтік-құқықтық актілерді қолданады. Сондай-ақ, құқықтық актілермен оқу материалдарын толықтырып әзірлеуге қабілетті болады.

Пән ғылым мен діннің өзара қарым-қатынасының тарихы мен логикасымен таныстырады; ғылым мен діннің олардың өмір сүруінің әртүрлі кезеңдерінде дамуы мен өзара іс-қимылының жалпы үрдістері мен белгілері туралы түсінік қалыптастырады. Пәнді оқу барысында студенттер әлеуметтік-мәдени факторлармен және ішкі себептермен туындаған дінді зерттеу дағдыларын меңгереді. Студенттер мәдениет дамуының тарихи кезеңдері және ондағы шындықты игерудің діни және ғылыми формаларын салыстырмалы талдауды қолданады.

Пән антропогенез және этногенездік үдерістері, қазіргі әлемнің этникалық және діни әртүрлілігін қалыптастырудағы географиялық фактордың рөлі, этноконфессиялық өзіндік сананың ерекшеліктері, этникалық–діни қақтығыстардың себептері және оларды шешу принциптері туралы тұтас түсінік қалыптастырады. Студенттерде әлеуметтік-экономикалық және гуманитарлық ғылымдар жүйесіндегі дінтанудың орнын тану және зерттеу дағдылары қалыптасады. Студенттер қазіргі әлемдегі негізгі этникалық-конфессиялық проблемаларды шешуде, этникалық және конфессиялық толеранттылықты талдау дағдылары қалыптасып, айқындалады.

Пән мәдени білім беруді кеңейту және діни-танымдық мазмұн арқылы рухани тәрбие берудің негіздері туралы түсінік қалыптастырады. Пәнде білім беру психологиялық-бейімдеу міндеттері қазақ діни дәстүрін, діни өнер мен әртүрлі діндердің діни архитектурасының ерекшеліктерін талдауды, әрбір адамның ішкі әлемін құрметтеуге тәрбиелеуді түсінеді, тарихи кезеңдердегі діни ахуалды түсіндіреді. Студенттер қарым-қатынас мәдениетін қалыптастыру, жеке дамудың ықтимал тұйықтарының алдын алу, патриотизмге тәрбиелеу дағдыларын көрсетеді.

Пән түркі халықтарының тарихы мен исламдық мәдениетімен байланысты әртүрлі кәсіби және әлеуметтік қызмет түрлерінде гуманитарлық, әлеуметтік, тарих ғылымдарының әдістерін практикада қолдануын; филология, тарих, әлеуметтану және мәдениеттану негіздерін білуін, түркі халықтарының тарихы мен мәдениетінің негізгі кезеңдері туралы түсіндіреді. Пәнде студенттер түркі-мұсылман халықтарының тарихы мен мәдениетінің негізгі үрдістері мен ерекшеліктерінің дамуын анықтауда дінтану саласының ғылыми зерттеу тәсілдері мен әдістерін тәжірибеде қолданады.

Пән шешендік кәсіби сөйлеу және шешен сөйлеу әдістемелерін меңгеруді үйретеді. Пәнде студенттер педагогикалық риториканың міндеттері: мұғалімнің кәсіби сөйленіс имиджін қалыптастыру; педагогке қарым-қатынас жасаудың риторикалық ілімін үйрету; үйретудің риторикалық амалдары мен үйренушінің түсінгенін тексеру үдерісінің логикалық жолдарымен танысады. Студенттер кәсіби педагог шешенге керек дағдыны, яғни шешен сөйлейтін нағыз педагог тұлғаға тән қасиеттерді көрсетуге, осы қасиеттерін дәстүрлі сабақты әзірлеп, өткізуде қолдануға қабілетті.

Интернационалдық ортада мемлекеттік және шетел тілдерінде кәсіби, академиялық, ғылыми және әлеуметтік қарым-қатынастар орнатады

Кәсіби қызметінде ғылыми зерттеу әдістерін, академиялық жазба негізіндерін, академиялық адалдық принциптері мен мәдениетін қолданады

Оқушылардың психофизиологиялық және жас ерекшеліктерін ескеріп, педагогикалық процестерді ұйымдастырады

Дінтану саласында ғылыми, тарихи және діни білімін еркін қолданып, оқу үдерісінің тәрбиелік әлеуетін дамытады.

Кәсіби қызметінде қоғамның экономикалық, экологиялық құқықтың, сыбайлас жемқорлыққа қарсы қағидаттарын сақтайды

Педагогика және дінтану салаларында ғылыми зерттеулер жүргізеді.

Оқыту және тәрбиелеу процестерінде оқушылардың әлеуметтік, жеке, инклюзивтік қажеттіліктерін ескеріп, басқару шешімдерін қабылдауға қабілетті

Дінтанудың тарихи және зайырлы теорияларын ескеріп, педагогикалық инновацияларды меңгеріп, дәстүрлі сабақ құрылымын әзірлеп, өткізеді .

Кәсіби ортада қолданылатын діни-құқықтық қағидаттарды қолдана отырып, оқу материалдарын әзірлейді.

Зерттелетін салада мәліметтерді жинақтау және сыни көзқараспен талдау нәтижесінде өз бетінше шешімдер қабылдау арқылы көшбасшылық қабілетті қалыптастырады