8D02184 Кино және ТВ режиссурасы в Т.Жүргенов атындағы Қазақ ұлттық өнер академиясы

Бұл курс арнайы мамандарды шығармашылық тұрғыдан және ғылыми даярлау жүйесіндегі жетекші курстардың бірі болып табылады. Сонымен қатар аталмыш курс жалпы өнер саласындағы білімді талдау және синтездеу қабілетін қалыптастыруға арналған. Бұл пәнде шығарма авторына, идея қалыптастырушы мен көрермен арасындағы қарым-қатынастың мәнін аша отырып материалды терең түсінуге, интерпретациялау арқылы көркем әдебиетті драмалық талдау негізінде драматургияның сан алуан саласына назар аударылады. Докторанттар заманауи әлемдік киноөндіріс тәжірибесін және отандық киноиндустрия ерекшеліктерін ескере отырып, режиссерге көркем, деректі және телевизиялық фильмнің бейнесін жасау үшін қажетті дағдылар мен құзыреттерді қолдануды және стандарттауды үйренеді.

Курс жалпы адамзат өнерінің, оның ішінде қазақ халқының өнерінің классикалық дамуының ең ірі, түйінді, тағдырлы кезеңдері негізінде өнер философиясын; өнердің белгілі бір түрінің өркендеу себептерін, эстетикалық, этикалық және философиялық білімдердің даму дәрежесі мен деңгейін; шығармашылықтың негізгі философиялық және эстетикалық мәселелерін шешуді; өнерді мәдени-тарихи құбылыс ретінде философиялық түсіну және бағалау мәселелерін ашады.

Курс аясында академиялық хаттың жанрлық әралуандығын, академиялық мәтіннің және оның құрамдас бөліктерін, академиялық хаттың жалпы қағидаттарын, жазбаша ғылыми мәтінді құрылымдаудың негізгі қағидаттарын; академиялық хаттың стилистикалық ерекшеліктерін, ғылыми мәтіннің жанрлары мен олардың ерекшеліктерін: ғылыми-танымал (дәрістер, мақалалар, очерктер); оқу-ғылыми (оқулықтар, әдістемелік құралдар, бағдарламалар); ғылыми-іскерлік (келісімшарттар, шығармашылық зертханалар нұсқаулықтарын); ғылыми-ақпараттық (патент, ақпараттық рефераттар, аннотациялар); ғылыми – анықтамалық (сөздіктер, энциклопедиялар, каталогтар анықтамалығы) қарастырылады

Курс докторантқа экрандық өнерінің тарихын, теориясы мен тәжірибесін және оның қазіргі кезеңдегі дамуы саласындағы зерттеулердің ғылыми принциптерін қалыптастыруға мүмкіндік береді. Яғни арт-синема түсінігі авторлық режиссерлік фильмнің институциясы және саясаты ретінде; кинотіл талдау әдістері, фильмнің құрылымы мен құрылысын зерттеу, режиссерлік интерпретация сынды тұстарын қарастырады. Сонымен қатар кинематографияның көркемдік тұстарына, стилистика, өзгешелік, семиотика, эстетикалық заңдылықтары саласындағы жаңалықтарға құрылымдық талдау жасалады.

Курс мәдени антропологияның пәнімен, принциптерімен, категорияларымен; әлеуметтік және мәдени антропологияның негізгі даму кезеңдерімен, мәдени антропологияның генезисі мәселесімен; әлеуметтік және мәдени антропологияның тарихы мен әдіснамасымен таныстырады; адамның мәнін және оның трансценденттік, экзистенциализм үрдістерін; шығармашылық үдерістегі сабақтастық мәселесін; трансцендентализмді мәдени-философиялық талдау тәсілі ретінде; антропологиялық константаны – трансцендентализмнің негізі және философиялау дәстүрі ретінде ашады.

Курс докторантқа ғылыми зерттеудің әдіснамалық қағидалары мен тәсілдерінің теориялық бағыттарын береді. Курстың мазмұны ғылыми зерттеудің әдіснамалық априоризм принципіне негізделген, бұл пәнаралық тәсілдер, яғни жалпы категориялардың ғана емес, сонымен қатар әдіснамалардың әртүрлі рефлексиясын біріктіруге мүмкіндік береді. Курс зерттеу әдістерін таңдау, зерттеу мәселесін тұжырымдау, теориялық және эксперименттік зерттеулерді жүргізу, ғылыми жұмыстың нәтижелерін ресімдеу бойынша ұсыныстарды қамтитын зерттеу жұмысының бірнеше кезеңдерін қамтиды.

Курс классикалық семиотиканың теориялық және әдістемелік тәсілдерін тереңдетіп оқытуға негізделген; семиотиканың ғылым ретінде даму тарихының негізгі кезеңдері мен заңдылықтарын, семиотикалық талдаудың негізгі әдістерімен, принциптерімен және тәртібімен таныстырады; семиотикалық сараптама әдістері, принциптері мен процедураларын, қазіргі заманауи семиотиканың (сонымен қатар нарратологияның) өнерді зерттеудегі семиотикалық көзқарасын, позициясын, семантиканың өнердегі мәні мен рөлін ашады.

Курс отандық және шетелдік ғалымдардың заманауи жетістіктеріне негізделген ғылыми зерттеулерді жүргізудің негізгі теориялық ережелерін, технологияларын, операцияларын, практикалық әдістері ментәсілдерін; ғылыми зерттеу әдістері мен әдістемесін, ғылыми деректерді жинау және өңдеу әдістерін, ғылыми зерттеулерді ұйымдастыру принциптерін, қазіргі ғылымның әдіснамалық ерекшеліктерін, ғылым мен ғылыми зерттеулердің даму жолдарын, жалпы ғылыми, философиялық және арнайы әдістерді теория мен практикада қолдануды ашады.

Курс эстетикалық категориялармен және негізгі проблемалармен, түрлі эстетикалық мектептердің өнер мен өнер туындыларын интерпретациялаудағы қолданатын амал-тәсілдер, құралдар және әдістерімен таныстырады. Көркем шығармашылық түрлерінің жүйесін, эстетикалық және көркемдік қызметтің арақатынасын ашады. Көркем шығармашылық процесін, эстетикалық және көркем құндылықтар жүйесін, олардың адам тіршілігіндегі рөлін қарастырады. Қоғам, өркениет, өнердегі эстетикалық проблемалардың көрінісі, адам мен өнер мәселелері, эстетиканың өзекті мәселелері туралы ақпарат береді.

«Әлеуметтік-мәдени кеңістіктегі медиа саланың құбылыстары» пәнінің теориялық курсы аясында медиа саласының дамуы мен құрылымы, парадигмасы, теориясы, бұқаралық коммуникацияның жұмыс істеу моделі, тұжырымдамасы қарастырылады. Медиа зерттеулердің теориясы мен тәжірибесі, БАҚ эволюциясы, медиа жүйелер мен медиа орталардың типологиялары, мәдениет, өнер және БАҚ саласындағы заманауи медиа индустрия және медиа технологиялар зерттеледі.

Курс докторанттардың пәнаралық диалог негізінде өнердегі үдерістерді талдауға жүйелі көзқарас дағдыларын белсендіреді: мәдениет антропологиясының қазіргі теориялары, эстетика, философия және өнер тарихы. Стилі, ағымы және басқа да замануи өнертанудың категориялық аппараты ұғымдарының өзекті түсіндірмелеріне ерекше назар аударылады. Курс адам мен әлем бейнесін диахрондық тұрғыда көрсету мәселесі толассыз тақырыпқа негізделген және көрнекі мысалдарға толы.

Өнер мен визуалды антропологиядағы қазіргі әлемді құру теориясы мен әдіснамасы. Адамның қоршаған әлемдегі орны мен қатынасын анықтаудағы ғылыми бағыттардың тәжірибесі. Мәдени құбылыстарды ғылыми зерттеудің әдіснамалық принциптері мен тәсілдері. Батыстық емес контексте өнерді анықтауда ғылыми мұраны сыни тұрғыдан пайымдау. «Өнер» антропологиясының басқа түрлеріне айналу тенденциялары. Қазіргі әлемді құрудағы адамның «биологиялық өзгерістерін» айқындау. Шығармашылық таным үлгілері және қиялға қарай жасалған эволюциялық қадам.