7M11301 Тасымалдауды,қозғалысты ұйымдастыру және көлікті пайдалану в Д.Серікбаев атындағы ШҚТУ

Пәндер

• Шет тілі (кәсіби)

  Оқыту курсы магистранттардың лингвистикалық, дискурсивтік және әлеуметтік-мәдени құзыреттілігін қалыптастыруды, оларды оқытылатын тіл елдерінің мәдениетіне баулуды, шет тілінде кәсіби сөйлеу дағдыларын қалыптастыруды, мамандық бойынша мәтіндерді аудару дағдыларын дамытуды көздейді. Курсқа кіретін тақырыптары: грамматикаға шолу, оқу және жазбаша жұмысқа дайындалу әдістемелері, эссе жазу, тындау және сөйлеу әдістемелері.

  Оқу жылы - 1
  Семестр - 1
  Несиелер - 3
  

• Басқару психологиясы

  жүйелерінің жай-күйі мен өзгерістерін диагностикалау және болжау; әлеуметтік құрылымдардағы адамдардың өзара іс-қимылы мен өзара іс-қимыл мәселелері, шешімдердің орындалуын ұйымдастыру; басқару қызметінің шарттары мен ерекшеліктері және басқару жүйесіндегі жұмыстың тиімділігі, басқару формалары, функциялары, басшылық және көшбасшылық; үлкен топ басшылығының бірлескен қызметі және иерархиясы; бағыныштылардың қызмет бағдарламаларын қалыптастыру.

  Оқу жылы - 1
  Семестр - 1
  Несиелер - 3
  

• Инженерлік талдаудағы аналитикалық және сандық әдістер

  Бұл пән қазіргі жағдайда көлік процесін зерттеу әдістерінің дамуының объективті заңдылықтары мен үрдістерін анықтаумен байланысты сұрақтар шеңберін қамтиды. Модельдеу әдістерінің жіктелуі қарастырылады, сондай-ақ экспериментті жоспарлау теориясының негіздерін зерттеу, аналитикалық және имитациялық модельдеу әдістерін пайдалана отырып экспериментті зерттеулерді өңдеу қарастырылған.

  Оқу жылы - 1
  Семестр - 1
  Несиелер - 5
  

• Көлік жүйелерінің дамуын және бәсекеге қабіліттілігін бағалауды жоспарлау

  Бұл пән болжаудың принциптерін, тәсілдері мен әдістерін, болжамдардың жіктелуін, көліктік жобаларды болжаудың әдіснамалық негіздерін, сараптама ұғымдарын, сараптамалық бағалауларды, магистранттың ары қарай зерттеу қызметіне қажетті сарапшыларға қойылатын талаптарды зерделеуді қарастырады.

  Оқу жылы - 1
  Семестр - 1
  Несиелер - 5
  

• Ғылым тарихы мен философиясы

  Ғылым феномені нақты мәселе және талдау пәні ретінде қарастырылады. Ғылым мен техника теориясы және олардың постиндустриалды қоғамдағы дамуы туралы түсінік береді. Курстың өзектілігі ғылым философиясы мен жаратылыстану ғылымдарының интеграциясы негізінде ғылыми зерттеу саласында болып жатқан процестерге бағдарлаумен байланысты.

  Оқу жылы - 1
  Семестр - 1
  Несиелер - 3
  

• Қазақстан Республикасының жол-көліктік кешені

  Көлік процесінің қауіпсіздігі мен тиімділігін қамтамасыз ету жөніндегі қазіргі заманғы талаптарды ескере отырып, Қазақстан Республикасы жол-көлік кешенінің теориялық негіздерін, сыртқы және ішкі факторлар кешенінің әсерін ескере отырып, Қазақстан Республикасы жол-көлік кешенінің қазіргі жай-күйінің, ерекшеліктері мен даму перспективаларының жалпы сипаттамасын зерделеуді көздейді.

  Оқу жылы - 1
  Семестр - 1
  Несиелер - 6
  

• Мәліметтерді жедел және зияткерлік талдау

  Бұл курста деректерді интеллектуалды талдау технологиясының негізгі кезеңдері қарастырылады. Data Mining келесі әдістері зерттеленеді: факторлық талдау; кластерлік талдау және жіктеу; ассоциативті ережелерді іздеу; шешім қабылдау ағаштары; нейрондық желілер. Data Mining технологиясын пайдаланатын аспаптық құралдар. Data Mining технологиясы арқылы деректерді талдау процесі. Deductor аналитикалық платформасын қолдану арқылы деректерді талдау

  Оқу жылы - 1
  Семестр - 1
  Несиелер - 5
  

• Көлік жүйелерін жобалау

  Өндірістік процестің тиімділігі көп жағдайда тасымалдауды жүзеге асыру тәсіліне байланысты, себебі көлік операциялары технологиялық процестің жекелеген кезеңдері арасындағы байланыстың тікелей көрінісі болып табылады. Көлік жүйесінің міндеті қажетті дайындамаларда, жартылай фабрикаттарда және дайын бұйымдарда негізгі жабдықтардың, жинақтағыштардың және қойманың барлық сұраныстарының орындалуын уақтылы және талап етілетін реттілікпен қамтамасыз ету.

  Оқу жылы - 1
  Семестр - 2
  Несиелер - 5
  

• Көліктегі статистика

  Көлік статистикасы көлікте болып жатқан құбылыстар мен процестерді бақылау міндеттерін шешеді: жылжымалы құрамның саны, көлік инфрақұрылымы, тасымалдау көлемі, сондай-ақ кәсіпорындар мен ұйымдардан сапалы және объективті ақпарат алу, көлік кәсіпорындары қызметінің нәтижелерін бағалау және салалар, өңірлер бойынша және тұтастай алғанда ел бойынша бірыңғай әдістеме бойынша жиынтық деректерді қалыптастыру.

  Оқу жылы - 1
  Семестр - 2
  Несиелер - 5
  

• Көлік жүйелерінің теориясы

  Пәнде жүйе түсінігі, жүйелердің жіктелуі қарастырылады: табиғи, жасанды, техникалық, адам-машиналық. Жүйелердің негізгі қасиеттері. Көліктік жүйелер теориясы жүйелер теориясы және операцияларды зерттеу, математикалық статистика және жаппай қызмет көрсету теориясы қолданылатын ғылыми пән ретінде. Қоғамдық өндіріс және тарату жүйесіндегі көлік өнімдерінің қасиеттері. Көлік процесінің мазмұны, оның элементтері.

  Оқу жылы - 1
  Семестр - 2
  Несиелер - 5
  

• Жоғары мектептің педагогикасы

  Пәнді оқытудың өзектілігі жоғары білім беру жүйесіндегі инновациялық процестерге белсенді қатыса алатын жоғары оқу орнының кәсіби - құзыретті оқытушысын озық даярлау қажеттілігімен байланысты. Курс магистрлерді жоғары мектепте оқытушылық қызметке дайындауға бағытталған. Курстың мазмұны университеттің білім беру процесін ізгілендіру мен демократияландырудың заманауи тенденцияларын, жаңа білім беру технологияларын көрсетеді, жеке шығармашылық қызмет стиліне бағытталған.

  Оқу жылы - 1
  Семестр - 2
  Несиелер - 3
  

• Тасымалдаудың сапалылығын басқару

  Бұл пән қызмет сапасын басқару бойынша теориялық негіздерді және практикалық ұсыныстарды зерделеуді көздейді. Көлік қызметтерінің сапасын бағалау принциптері, сапа мәні, сапа элементтері, сапа көрсеткіштері қарастырылады. Сапаға арналған шығындарды жіктеу, сапаға арналған шығындарды талдау үшін ақпаратты жинау және өңдеу әдістері, шығындарды анықтау әдістері, сапаны басқарудың экономикалық тиімділігі зерттеледі.

  Оқу жылы - 1
  Семестр - 2
  Несиелер - 6
  

• Ерекше жүктерді тасымалдауды ұйымдастыру

  Пән қауіпті, ірі көлемді,ауыр салмақты жүктерді жеткізу процесін ұйымдастыру кезінде көлік құралдарын тиімді пайдалану мәселелерін зерделеуді; жылжымалы құрамды таңдауды;автомобильдердің және тиеу-түсіру пункттерінің жұмысын келісуді қарастырады.

  Оқу жылы - 1
  Семестр - 2
  Несиелер - 6
  

• Тасымалдау процестерін ғылыми талдаудың ақпараттық технологиялары

  Тасымалдау жүйесін басқару процесін зерттеу және оңтайландыру құралы ретінде қолданылатын заманауи ақпараттық талдау технологиялары. Осы жүйенің негізгі компоненттерімен және олардың арасындағы байланыстармен, автокөлік жүйелерін талдау процестерін ақпараттық қамтамасыз ету технологиясымен танысу

  Оқу жылы - 1
  Семестр - 2
  Несиелер - 6
  

• Көліктегі басқару жүйесі

  Пән Қазақстанда және шетелде көлікті басқару құралдары мен жүйелерін енгізудің негізгі бағыттарын; бақыланатын көлік құралдарынан навигациялық ақпаратты жинау және өңдеу жүйелерін жобалауға қойылатын талаптарды; автомобиль көлігін басқару жүйелерінде тасымалдау процесінің ағымдағы жағдайы туралы ақпаратты бейнелеу жүйелерін, автокөлік құралдарының жүргізушілеріне арналған ақпаратты бейнелеу жүйелерін, қалалық жолаушылар көлігінің жолаушыларына арналған ақпаратты бейнелеу жүйелерін жобалауға қойылатын талаптарды; автомобиль көлігінде Телематика құралдары мен жүйелерін енгізудің негізгі кезеңдерін; соңғы пайдаланушыларға ақпаратты жинау, өңдеу

  Оқу жылы - 1
  Семестр - 2
  Несиелер - 5
  

• Жол қозғалысындағы зияткерлік көліктік жүйелер

  Жол жүрісіндегі интеллектуалдық көлік жүйелері ірі қалалардағы көше-жол кешенінің ажыратылмайтын бөлімі болып табылады. Қазіргі уақытта жол қозғалысының тиімділігін көтермелеу үлкен дәрежеде басқарудың барлық деңгейлерінде көлік және жаяу жүргіншілер ағынын сапалы басқару резервтерін ашу арқасында жүзеге асу керек.

  Оқу жылы - 2
  Семестр - 3
  Несиелер - 6
  

• Жолаушылардың көліктік жүйесі

  Пән жолаушылар кешенін басқару мәселелерін зерделеуді көздейді, қаланың көлік жүйесіндегі жолаушылар көлігінің рөлі қарастырылады. Жолаушыларды тасымалдау көлемін игерудегі әртүрлі көлік түрлерінің арақатынасы мен үлес салмағы, Көлік желісінің тығыздығы, көлікке қол жетімділігі зерттеледі. Жолаушылар көлігінің түрлерін таңдау, жолаушылар көлігі жүйесінің элементтерін жобалау және есептеу принциптеріне назар аударылады.

  Оқу жылы - 2
  Семестр - 3
  Несиелер - 6
  

• Жол жүрісін ұйымдастырудың қазіргі әдістері

  Қарастырылатын пәнде қазіргі жағдайдағы жол қозғалысы үрдісінің ерекшеліктері, Қазақстан Республикасы қалаларында жол қозғалысын ұйымдастыру бойынша ғылыми-әдістемелік және нормативтік қамтамасыз ету мәселелері, Қазақстан Республикасы қалаларының көше-жол желісінде жол қозғалысын ұйымдастыру бойынша практикалық іс-әрекет негіздері болып табылады.

  Оқу жылы - 2
  Семестр - 3
  Несиелер - 5
  

• Көлік-жүк таситын жүйелер

  Пәнде өндірістік-логистикалық кешендердің бір бөлігі болып табылатын көлік - жүк жүйелерінің негізгі түсініктерін зерттеу қарастырылған. Жүк пункттерінің жұмыс көлемін, жүк өңдеу технологиясын таңдаудың техникалық-экономикалық көрсеткіштерін және тиеу-түсіру жұмыстарын механикаландыру үшін аналитикалық формулалар ұсынылған. Сондай-ақ жаппай жүктерді Тиеу-түсіру жұмыстарының технологиясы қарастырылады: ыдысты-даналы, ауыр салмақты, үйінді, құйылатын, контейнерлер мен пакеттер.

  Оқу жылы - 2
  Семестр - 3
  Несиелер - 5
  

Профессии

Оқыту нәтижелері

• Ғылыми танымның даму тенденциялары, жаратылыстану және техникалық ғылымдардың өзекті әдіснамалық және философиялық мәселелері туралы негізгі білімді меңгеру
• Кәсіби қызметте заманауи ақпараттық-коммуникациялық технологияларды қолдану
• Жоғары мектеп оқытушысының кәсіби құзыреттілігі туралы базалық білімді меңгеру, болашақ педагогикалық қызметте педагогика мен психология білімін қолдану
• Жоғары оқу орындарында базалық пәндерді оқытуды жүзеге асыруға және әдеби дереккөздерге шолу жүргізуге мүмкіндік беретін шет тілін кәсіби деңгейде қолдану
• Ғылыми зерттеулер жүргізу және көлік жүйелерін жобалау кезінде алған білімдерін қолдану
• Көлік процестерінің тиімділігін бағалау, инновациялық шешімдерді әзірлеу және оларды практикада енгізу кезінде жаңа технологияларды қолдану
• Тасымалдау, жол қозғалысы, көлік түрлерінің өзара іс-қимылы, көлікті дамыту проблемалары мен перспективалары саласында нормативтік-құқықтық базаны қолдану
• Көліктің әртүрлі түрлерінде жүктерді тасымалдау нарығының, көліктік-экспедициялық және логистикалық қызметтер нарығының дамуының негізгі тенденцияларын анықтау, талдау және болжау
• Қазіргі жағдайда жол қозғалысы процесінің көрсеткіштерін, қозғалысты ұйымдастыру және көлік жүйелерін жобалау әдістерін өңдеу және талдау қабілетін көрсету
• Математикалық модельдеудің әдістері мен принциптері негізінде жол-көлік жүйелерін зерттеуді ұйымдастыру және жүргізу

Ұқсас БББ