7M02189 Сән және костюм дизайны в Т.Жүргенов атындағы Қазақ ұлттық өнер академиясы

Пән бакалавриаттан кейінгі келесі білім беру сатысы болып табылады және кәсіби шет тілін меңгеруді мақсат етеді. Пән магистранттардың кәсіби шеттілдік дереккөздермен жұмыс жасау дағдысын жетілдіру арқылы білім бағдарламасының өзге пәндерін меңгеруге ықпал етеді. Пәнді оқу нәтижесінде магистранттар шетел тілін мәдениетаралық қарым-қатынас құралы ретінде қолдана отырып, халықаралық кәсіби ортаға біріктіріледі.

Курс магистранттарды жоғары білім педагогикасының жалпы мәселелерімен таныстыра отырып, жоғары білім педагогикасының әдіснамалық және теориялық негіздерін, қазіргі заманғы талдау технологияларымен, жоғары оқу орнындағы оқу-тәрбие үрдісін ұйымдастыру мен оның мазмұнын айқындайтын концептуалды мәселелерді қарастырады, жоғары мектептегі білім беру және тәрбие үдерісін ізгілендіру мен демократияландырудың қазіргі үрдістерімен, оқыту мен тәрбиелеудің дәстүрлі және инновациялық технологияларымен таныстырады

Пән магистратураның ғылыми-педагогикалық және бейіндік бағыттағы барлық білім беру бағдарламаларының магистранттарына арналған және рационалды аналитикалық ойлауды қалыптастыруға әрі дамытуға бағытталған. Оқу барысында магистранттар қазіргі заманғы сыни ойлаудың теориялық және практикалық тәсілдерінің өнердегі өзара әрекеттесуін меңгеруі тиіс. Оның ішінде: зерттеудің ғылыми нысандарын бағалау, таңдау және құрылымдау, өз ойларын негіздеу және дәйекті түрде ұсыну, дәлелді пікірталас жүргізу, ақпарат көздерін таңдау және пайдалану.

Курс қашықтан оқыту жүйелерінен, вебинарлардан, оқу курстарынан, онлайн сабақтарды өткізуге, қашықтықтан тапсыруға және емтихан тапсыруға арналған кешеннен тұратын аппараттық-бағдарламалық кешен болып табылады. Пәннің мақсаты – оқу процесіне тән барлық құрамдас бөліктерді көрсететін қашықтықтағы білім алушы мен оқытушының өзара әрекетін жоспарлау және дамыту. Пән әртүрлі цифрлық платформалар мен мазмұнды пайдалана отырып, цифрлық оқыту орталарында курстарды жоспарлауға және дамытуға бағытталған

Курс магистранттарды ғылымның тарихы мен философиясы қалыптасуының өзекті мәселелерімен, ғылыми қызметтің қағидалары және әдістерімен, мәдениет динамикасындағы ғылымның құрылымымен және даму модельдерімен, ғылыми революциямен, ғылымның эмпирикалық және теориялық деңгейлерімен және т.б. таныстырады. Курс ғылыми-философиялық білімді мәдениеттің шекаралас салаларымен (дін, ғылым, көркем шығармашылық) түйісетін нүктесін айқындап, заманауи ғылым философиясының, нақтырақ өнертанудың өзекті мәселелерін қарастырады.

Пән заманауи инновациялық тенденцияларды, технологиялар мен дизайндық білім беру саласында қолданылатын құралдарды тереңдетіп оқытуды ұсынады. Дәрістер мен семинарлар арқылы қатысушылар негізгі ұғымдардан бастап интерактивті мазмұнды жасау бағдарламалық құралына, жасанды интеллект пен виртуалды шындыққа дейінгі озық технологияларды зерттейді.

Курс басқару психологиясы мен ұйымдастырушылық психологияның аспектілерін ашады, басқарушылық қызметтің психологиялық құрылымының мазмұны туралы түсінік береді және маманның психологиялық мәдениетін арттыруға ықпал етеді, сонымен қатар басқару шешімдерін қабылдау кезінде этикалық, әлеуметтік жауапкершілік пен салдарларды түсінетін жоғары білікті мамандарды даярлауда басқарушылық қызметтің психологиялық жағдайы мен ерекшеліктерін зерттеу мен талдаудағы ғылыми негізді қамтамасыз етеді

Пәннің мақсаты жасанды интеллект негізі ретінде нейрондық желі модельдеріне жүйелі түрде шолу жасау, оларды ақпаратты өңдеу және үлгіні тану үшін, әсіресе шығармашылық білім беру бағдарламалары үшін қолдану жолдарын зерттеу және меңгеру. Пәннің міндеттері биологиялық және жасанды нейрондық желілердің заманауи үлгілерін зерттеу; ақпаратты өңдеу және үлгіні тану үшін нейрондық желі модельдерін пайдалану әдістерін әзірлеу, кеңістік-уақыттық мәліметтердің үлкен көлемін, нейрондық желіні өңдеу әдістерін қолдану технологияларын әзірлеу

Курс педагогика бойынша теориялық білім мен тәжірибелік дағдыларды қалыптастыруға және бейнелеу өнері мен дизайн саласындағы арнайы пәндерді оқытуға бағытталған. Педагогика әдістері, оқыту әдістері, оның ішінде жаңашылдары, оқу процесін ұйымдастырудың ерекшеліктері, оқу-әдістемелік құжаттамаларды дайындау, техникалық оқыту құралдарын пайдалану жолдары қарастырылады.

Курстың мақсаты білім алушыларда мәдениет және өнер саласындағы бағдарламалар мен жобаларды басқаруға қатысуға мүмкіндік беретін білім, білік және дағдылар кешенін қалыптастыру болып табылады. Курс жобаны құру ресурстарымен, ережелерімен, қағидаттарымен, өнер саласындағы жобаларға қатысу және басқару шарттарымен, жобалау қызметінің технологиясымен, әдістері және құралдарымен, өнер саласындағы жобаларды басқарудың практикалық дағдыларын игерумен таныстырады

Бұл курс ғылыми жарияланымдар авторларына көмек ретінде әзірленді және Web of Science және Scopus халықаралық ғылымометриялық дерекқорларда индекстелетін шетелдік журналдарда жариялау үшін ғылыми мақалаларды дайындау бойынша негізгі талаптардың сипаттамасын қамтиды; қолжазбаларды жариялауға дайындау кезінде негізгі ережелердің қысқаша сипаттамасы беріледі; әдістемелік нұсқаулықтар мен олардың қосымшаларын қолдана отырып, мақсатты журналдарды таңдау бойынша құралдар жинағы және нұсқаулар берілген

Пән эстетиканы тарих пен өнер теориясының семантикалық тұжырымдамасы ретінде зерттеуге бағытталған. Дәуірлердің мәдени кодтары өнердің фундаменталды императиві ретінде "көркемдік стильде" шоғырланады. Пән аясында жалпы мәдени парадигмамен біріктірілген әр түрлі өнер түрлерінің синтезі мен стиль жасалым мәселелері қарастырылады. Хронологиялық және концептуалды дискурста әлемдік өнердің негізгі көркемдік стильдері қарастырылады: роман стилі, готика, ренессанс, барокко, рококо, классицизм, романтизм, заманауи. Бейнелеу өнеріндегі "стиль" және "бағыт" ұғымдарын саралау жүзеге асырылады.

Курстың негізгі идеясы магистрлік диссертация жазу кезінде қолданылатын ғылыми-танымдық қызметтің негізгі категорияларымен таныстыру болып табылады. Сонымен қатар, курста маңызды теориялық және әдіснамалық тұжырымдамаларға, ғылымды дамытудың нақты модельдеріне, әдіснамалық принциптер мен құрылымдарға, өзіндік ғылыми зерттеулердің құрылымына, мазмұнына және нәтижелерін жобалауға ерекше назар аударылады. Білім алушыларды зерттеуде қойылған мақсаттар мен міндеттерді ашуға мүмкіндік беретін негізгі ғылыми әдістермен таныстыру маңызды орын алады.

Пәнді оқудың мақсаты – білім алушыларға шығармашылық үшін кеңістік беру, шығармашылық әлеуетін ашу мүмкіндіктері үшін бағыт пен ережелер белгілеу. Курс барысында білім алушылар бизнес, ғылым, мәдениет, өнер, саясат сияқты барлық динамикалық өмірлік салаларда өздерінің стандарттан тыс ойлау дағдыларын жинақтайды және өзектендіреді. Курс барысында білім алушы креативті ойлауды әр түрлі білімнің бірігуінің энергетикалық өнімі ретінде анықтайды.

Пәнді оқытудың мақсаты-білім алушыларда креативті маркетингтің заманауи тұжырымдамасының мәні мен маңыздылығы туралы түсінік, маркетингтік стратегияларды қалыптастыруда қажетті базалық білім мен практикалық дағдыларды қалыптастыру. Курс креативті салалардың заңдылықтары мен трендтері контекстінде жалпы қабылданған маркетинг жүйесін талдайды. Маркетингтің барлық шарттары-ұсынылатын өнімнің сапасы, оның бағасы, жарнама, маркетингтік төрттік арт-менеджмент заңдылықтарын ескере отырып түзетіледі, талданады және жүйеленеді.

Курс антикалық дәуірден қазіргі уақытқа дейінгі өнертану тарихын зерттеуден тұрады. Магистранттар өнертануды дамыту үрдісінің біртұтас синхронды көрінісіне, өнер тарихының белгілі мектептері мен концепциялары туралы түсінігіне, өнер тарихы мен теориясы тұрғысынан көркем шығармалардың бейнелік мазмұны мен мәнерлілік құралдарын талдай білуге машықтанады.

Пән Қазақстан Республикасындағы киім дизайнының тарихы мен қазіргі жағдайы туралы білім кешенін құрайды. Қазақ киім үлгісінің дамуының тарихи кезеңдері мен қазақ киім дизайнерлерінің шығармашылығы, жеңіл өнеркәсіп кәсіпорындарының қызметі қарастырылады. Пән диссертациялық зерттеудің ерекшеліктеріне сәйкес дәрістер мен семинарларды, ғылыми зерттеулерді және тапсырмаларды орындауды қарастырады.

Дәрістер мен семинарлар барысында қазіргі заманғы костюмдер дизайны мен вестиментарлы сәннің іргелі тұжырымдамалары, дизайнның қазіргі теориялық ережелері, оның ішінде анықтамалары, философиялық негіздері, концептуалды бағыттары, костюмнің семантикасы мен семиотикасы, шығармашылық ізденіс әдістері, көркем бейнені қалыптастыру жолдары қарастырылады.

Қазіргі өнертану ғылымында көркемдік сын өнердің теориясы мен практикасы мәселелерін біріктіретін танымның маңызды құралы мен әдісі болып табылады. Курс аясында өзекті өнердің ерекшеліктері мен ерекшеліктері, оның терминологиясы, әдіснамасы, даму стратегиялары қарастырылады

Курс өнер туындыларын қабылдау және түсіну процесінің заңдылықтарын зерттейді, шығармашылық әрекетке жауапты жеке құрамдас бөліктерді зерттеу арқылы шығармашылық тұлғаның психикалық әрекетінің ерекшеліктерін, шығармашылық ұғымын және шығармашылық ойлаудың әртүрлі деңгейлерін зерттейді, шығармашылық психологиясы саласындағы ғылыми-зерттеу іс-әрекетіне ықпал ететін теориялық білімді, шығармашыл тұлғаның құрылымын қалыптастырады, шығармашыл тұлғаны қалыптастырудың психологиялық процестерін, шығармашылық психологияның қазіргі заманғы мәселелері мен даму перспективаларын ашады

Курс ХХ ғасырдың маңызды сыни мәтіндерімен, олардың мазмұнымен және бағдарламаларымен таныстырады, соның негізінде магистрант көркем сынның жұмыс істеу заңдылықтары мен принциптерін; аннотацияны, кейіпкердің портретін, рецензияны, сыни мақалаларды, жалпылама шолу жасау әдістемесін; шығармаларды, көрмені, топтар мен бағыттардың қызметін бағалауды; теориялық категорияларға негізделе отырып өз бағалауларын негіздеуді үйренеді.

Пән костюмдер этнодизайнының концепциялары шеңберінде костюм дизайнын жобалау әдістері мен принциптерінің кең ауқымын зерттеуге арналған. Қазіргі дизайн тәжірибесінде қолданылатын дәстүрлі костюм элементтері зерттеледі. Пән бойынша диссертациялық зерттеудің ерекшелігіне сәйкес дәрістер мен семинарлар, ғылыми зерттеулер мен тапсырмаларды орындау қарастырылған.

Семиотикалық белгілер жүйесі ретінде көркемдік тұжырымдамалардың, әдістердің, олардың дамуы мен эволюциясы контекстінде әлемдік өнер тарихын зерттеуді қорытындылайтын барлық шығармашылық білім беру бағдарламаларына арналған жалпы курс. Курсты оқу барысында білім алушылар уақыттың жалпы философиясымен, дәуірдің идеалдары мен құндылықтарымен көркемдік процестердің үздіксіздігі туралы түсінік алады. Уақыт пен кеңістіктегі әмбебап өнер тілін түсіну мәселесі ретінде әр дәуірдің өзекті тақырыптарын бейнелейтін идеялардың, бейнелердің, символдардың семантикасы мен синкретикасы сияқты мәселелер қозғалады

Жеке тұлғаның сәні мен әлеуметтік мінез-құлқы, сән костюм өзгерістерінің реттеушісі, киім өзгерістерінің циклдік сипаты, аксиология, психосоматикалық негіздер, гендерлік сәйкестендіру, мотивация, мінез-құлықтың әлеуметтік нормалары, мәртебелік-рөлдік қатынастар, костюмнің даралығы, стилі мен имиджі, сәнді болжау ретінде қарастырылады. Пән бойынша диссертациялық зерттеудің ерекшелігіне сәйкес дәрістер мен семинарлар, ғылыми зерттеулер мен тапсырмаларды орындау қарастырылған.

Дәрістер барысында заманауи костюмдер дизайнындағы цифрландыру процестері, сән индустриясына инновациялық технологияларды енгізу жолдары мен әдістері қарастырылады. Пәннің практикалық бөлімі Clo3D/Marvelous Designer инновациялық 3D графикалық бағдарламасын және оны тәжірибелік киім үлгілерін жобалауда, шығармашылық және ғылыми жобаларды құруда қолдану принциптерін зерттеуге арналған.

Деконструкция, трансформация инверсиясы, кинематика, бионика, модульдік жобалау және т.б. өзекті әдістері қарастырылады. Киім заманауи дизайны туындыларының үлгілерін өнертанушылық талдау дағдылары қалыптасады. Пән лекцияларды, тәжірибелік сабақтарды және жобамен жұмысты қарастырады.

Курс магистранттардың теориялық және практикалық дайындауға бағытталған; өнер психологиясының әдіснамалық, теориялық және әдістемелік негіздерін ашады, өнер психологиясына қатысты психологиялық ғылымның негізгі мәселелерін жарықтандырады, маманның жеке және кәсіби дамуындағы өнер психологиясын зерттеудің маңыздылығын талдайды, өнер тілінің адам тұлғасының дамуына әсері туралы білімді, ұйымдастыру мен шығармашылық процесінің нақты психологиялық негіздері мен көркемдік қабылдауын қалыптастырады

Ұсынылған пән аясында өнер теориясы мен тарихының тұжырымдамалық мәселелері қарастырылады. Салыстырмалы көзқарас, ауқымды тарихи дискурс әлемдік өнер эволюциясының заңдылықтарын құрылымдауға, көркем образдардың хронологиялық және географиялық контекстпен байланысын түсінуге мүмкіндік береді. Өнер тарихы бір-бірімен және дәуір контексімен байланысты көркем ұғымдардың проблемасы ретінде, ал өнер біртұтас көркемдік кеңістік ретінде қарастырылатын болады