7R01133 Ревматология (ересектер, балалар) в Қ.А.Ясауи атындағы Халықаралық қазақ-түрік университеті

Пәндер

• Стационардағы ревматология, ересектердің

  Пән резиденттерге тірек-қимыл аппараты мен дәнекер тінінің аурулары бар ересек пациенттерге тиімді стационарлық медициналық көмек көрсету, алынған нәтижелерді талдай отырып, дифференциалық диагностика, клиникалық, зертханалық және аспаптық зерттеулер жүргізу саласында білім алуға арналған. Базисті терапияға және ГИБТ акцент жасай отырып, ең қауіпсіз және тиімді емдеу әдісін таңдау, ревматологиялық аурулардың емі мен нәтижесін болжау, ересек науқаспен, оның туыстарымен оңалтудың стационарлық кезеңінің принциптері бойынша, оның ішінде буындарға хирургиялық араласулар жасалған науқастармен тиімді өзара әрекеттесу бойынша білімді нығайтады.

  Оқу жылы - 1
  Семестр - 2
  Несиелер - 42
  

• Амбулаториялық-емханалық ревматология, ересектердің

  Пән резиденттерге ревматологиялық патологиясы бар ересек пациенттер арасында амбулаторлық-емханалық көмекті ұйымдастыру саласында білім алуға арналған. Стационарды алмастыратын технологиялар қағидаттарына, халықаралық клиникалық хаттамаларға және Қазақстан Республикасының ұсынымдарына сүйене отырып, ол резиденттерге тиімді диагностика мен емдеуді, профилактиканы, реабилитацияны зерделеуге, амбулаторлық сатыда ревматологиялық ауруларды емдеудің қауіпсіздігі мен тиімділігін бақылауға мүмкіндік береді. Медициналық құжаттарды жүргізу, еңбекке уақытша жарамсыздықты тексеруге көрсеткіштерді анықтау, ревматизмдік аурулары бар науқастарды медициналық-әлеуметтік сараптамаға уақытылы жіберу сұрақтарын тереңдетеді.

  Оқу жылы - 1
  Семестр - 2
  Несиелер - 26
  

• Амбулаториялық-емханалық ревматология, балалардың

  Пән балалардағы ревматологиялық амбулаторлық-емханалық көмекті ұйымдастыру, балалық шақтағы ревматологиялық аурулар ағымының ерекшеліктері, тірек-қозғалыс жүйесі мен дәнекер тіндерінің ауруларын дер кезінде диагностикалау, алдын алу және емдеу мәселелері, ревматологиялық аурулардың қауіпсіздігі мен тиімділігін бақылау бойынша білім мен дағдыларды бекітеді. Амбулаториялық кезеңде балалар мен жасөспірімдердің ревматологиялық ауруларын емдеу, ревматологиялық аурулармен ауыратын балалардың өмір сүру сапасын бағалау және медициналық құжаттарды жүргізу дағдыларын меңгеруіне ықпал етеді. Сондай-ақ инфекциялардың алдын алуға және инфекциялық бақылауға бағытталған балалардағы ревматологиялық аурулардың алдын алу шараларын ұйымдастыру және жүргізу дағдыларын меңгереді.

  Оқу жылы - 2
  Семестр - 2
  Несиелер - 26
  

• Ревматологиялық науқастар реабилитациясының заманауи негіздері

  Осы пәнді меңгеру барысында резиденттер ревматололгиялық аурулары бар науқастарды медициналық оңалтудың принциптері туралы жүйелі білім қалыптастырады. Аурудың әртүрлі кезеңдеріндегі оңалтудың кезеңдері, мақсаттары мен міндеттері қарастырылады. Резиденттер науқастың клиникалық-функционалдық жағдайын бағалау, оңалту шараларының әр түріне көрсетілімдер мен қарсы көрсетілімдерді анықтау дағдыларын меңгереді. Алынған білім резиденттерге науқастарды кешенді түрде жүргізуге, өмір сүру сапасын арттыруға және мүгедектік деңгейін төмендетуге мүмкіндік береді, бұл қазіргі ревматологияда аса маңызды бағыт болып табылады.

  Оқу жылы - 2
  Семестр - 2
  Несиелер - 4
  

• Стационардағы ревматология, балалардың

  Пән ревматологиялық аурулары бар балалар мен жасөспірімдерге мамандандырылған стационарлық көмек көрсету, алынған нәтижелерді талдай отырып кешенді тексеру жүргізу, емнің қауіпсіздігі мен тиімділігін бақылау бойынша резиденттердің білімі мен дағдыларын бекітуге бағытталған. Ревматологиялық аурулармен ауыратын балалар мен жасөспірімдердің өмір сүру сапасын бағалау және олардың нәтижесін болжау, сондай-ақ профилактикалық іс-шаралар мен оңалту принициптерін тереңдетіп игереді, тірек-қозғалыс жүйесі мен дәнекер тінінің аурулары бар балалар мен жасөспірімдерге стационарлық жағдайда жедел медициналық көмек көрсетуді ұйымдастыру принциптерін меңгереді.

  Оқу жылы - 2
  Семестр - 2
  Несиелер - 40
  

• Жүктілік және ревматизмдік аурулар

  Осы пәнді оқу барысында резиденттер жүктілік кезіндегі ревматологиялық аурулардың клиникалық көрінісінің ерекшеліктерімен танысады, жүкті әйелдерді пренатальды және босанғаннан кейінгі кезеңде жүргізу тактикасын, ревматологиялық аурулар кезінде жүктілікті тоқтату көрсеткіштерін жүйелеуді меңгереді; Жүкті әйелдерге жүктіліктің ревматологиялық аурудың ағымы мен нәтижесіне әсері және керісінше ревматологиялық аурудың жүктіліктің ағымы мен нәтижесіне әсері туралы, аурудың күтілетін болжамы және ықтимал асқынулары туралы ақпараттандыру дағдыларын тереңдетеді.

  Оқу жылы - 2
  Семестр - 2
  Несиелер - 4
  

• Ревматологияда биологиялық терапияны қолданудың заманауи тәсілдері

  Осы пәнді меңгеру барысында резиденттер ревматологиялық аурулар кезінде биологиялық терапияны қолданудың заманауи тәсілдері туралы терең әрі жүйелі білім алады. Пән биологиялық препараттардың (ГИБП, таргеттік синтетикалық БП) әсер ету механизмдерін, қолдану көрсеткіштері мен қарсы көрсетілімдерін, емнің қауіпсіздігі мен тиімділігін бағалау қағидаттарын қамтиды. Пәнді оқу барысында резиденттер науқастың ерекшеліктерін ескере отырып, тиімді әрі қауіпсіз емді жүргізуді үйренеді. Алынған білім мен тәжірибе резиденттерге дәлелді медицина қағидаттарына негізделген заманауи, жоғары технологиялық ревматологиялық көмек көрсетуге мүмкіндік береді

  Оқу жылы - 2
  Семестр - 2
  Несиелер - 4
  

• Ревматологиядағы иммунологияның заманауи принциптері

  Бұл пәнді игеру барысында резиденттер ревматоидты артрит, жүйелі қызыл жегі және т.б сияқты аутоиммунды аурулардың себептері мен даму механизмдері туралы білімін қалыптастырады. Пәнді игеру барысында резиденттер аутоиммунды аурулардың зертханалық нәтижелерін интерпретациялау дағдыларын дамытуға, талдау әдістерін меңгеруге және көрсеткіштердің мағынасын түсінуге мүмкіндік алады, бұл өз кезегінде пациенттерде аутоиммундық процестің болуын, оның түрін және ауырлығын дәл анықтауға көмектеседі.

  Оқу жылы - 2
  Семестр - 2
  Несиелер - 4
  

Профессии

Оқыту нәтижелері

• ревматология саласында клиникалық диагнозды тұжырымдай алу, медициналық көмек көрсетудің барлық деңгейлерінде дәлелді тәжірибеге негізделген емдеу жоспарын тағайындау және оның тиімділігін бағалай білу (ОН1);
• пациент үшін үздік нәтижелерге қол жету мақсатында пациентпен, оның ортасымен, денсаулық сақтау мамандарымен тиімді өзара іс-қимыл жасай білу (ОН2);
• тәуекелдерді бағалай білу және медициналық көмектің қауіпсіздігі мен сапасының жоғары деңгейін қамтамасыз ету үшін ең тиімді әдістерді қолдана білу (ОН3);
• өз мамандығы бойынша Қазақстан Республикасының денсаулық сақтау жүйесінің құқықтық және ұйымдастырушылық шеңберінде әрекет ететін, ұлт денсаулығын жақсарту жөніндегі саясатты іске асыру үшін кәсіби топтардың құрамында төтенше жағдайларда негізгі көмек көрсете алу (ОН4);
• адекватты зерттеу мәселелерін тұжырымдай алады, кәсіби әдебиеттерді сыни тұрғыдан бағалауға, өзінің күнделікті қызметінде халықаралық деректер базасын тиімді пайдалануға, зерттеу командасының жұмысына қатысуға қабілетті болу(ОН5);
• өз бетінше оқуға және кәсіби команданың басқа да мүшелерін оқытуға, пікірталастарға, конференцияларға және үздіксіз кәсіби дамытудың басқа да нысандарына белсенді қатысуға қабілетті болу (ОН6);