8D02111 Режиссура (түрлері бойынша) в Қазақ ұлттық өнер университеті

Пәндер

• Кеңейтілген режиссёрлік тәжірибелер және авторлық ойлау

  Бұл дисциплина докторанттардың режиссура саласындағы авторлық көзқарасын қалыптастыру мен жетілдіруге арналған. Курс аясында әйгілі режиссёрлердің режиссерлік әдістері, стилистикалық шешімдері, нарративтік құрылымдары мен эстетикалық көзқарастары зерттеледі. Теориялық талдау арқылы докторанттар өздерінің режиссерлік стилін, дүниетанымдық және тұжырымдамалық ұстанымдарын жүйелі түрде дамытады. Әр қатысушы өз ғылыми тақырыбына сай авторлық тұжырымдама құрастырып, оны тәжірибеде нақты көркемдік жоба түрінде іске асырады.

  Оқу жылы - 1
  Семестр - 1
  Несиелер - 3
  

• Академиялық хат

  Курс докторанттардың ғылыми жұмысқа қажетті жазбаша қарым-қатынас дағдыларын дамытуға, сондай-ақ сыни ойлау қабілеттерін жетілдіруге бағытталған. Курс барысында білім алушылар академиялық жазу мен ғылыми мәтінді ресімдеудің принциптерін меңгереді, жазбаша жұмысындағы логикалық бірізділікті сақтауды үйренеді. Сонымен қатар, курс докторанттардың ғылыми қоғамдастықта өз зерттеу нәтижелерін тиімді ұсыну үшін қажетті жазбаша дағдыларын қалыптастырып, диссертация қорғау процесіне дайындықты қамтамасыз етеді.

  Оқу жылы - 1
  Семестр - 1
  Несиелер - 3
  

• Жоғары мектептегі ғылыми жұмыс

  Пәннің өзектілігі докторанттарды жоғары білім берудегі ғылыми-педагогикалық іс-әрекетке даярлау қажеттілігімен айқындалады. Курс педагогикалық үдерісті ұйымдастыру, білім алушылардың тұлғалық дамуы, өзін-өзі дамыту мен өзін-өзі тәрбиелеу мәселелерін зерттеуге, сондай-ақ білім алушылардың ерекшеліктері мен кәсіби білім беру жүйесінде жүзеге асырылатын педагогикалық қызметтің негізгі сипаттамалары мен принциптерімен танысуға бағытталған.

  Оқу жылы - 1
  Семестр - 1
  Несиелер - 5
  

• Кино тарихы, теориясы және эстетикасы

  Бұл курс кино өнерінің тарихи дамуы, теориялық парадигмалары мен эстетикалық қағидаларын кешенді түрде зерттеуге бағытталған. Курста әлемдік кино тарихының маңызды кезеңдері, көркемдік бағыттар, ұлттық және жаһандық контекстер қарастырылады. Докторанттар кинотаным саласындағы негізгі ұғымдарды, теориялық мектептерді, жанрлық талдауды, құрылымдық және визуалды тәсілдерді меңгереді. Пәннің мақсаты — визуалды мазмұнды ғылыми тұрғыда талдай алатын, интердисциплинарлық және мәдениетаралық әдістерді қолдана алатын зерттеуші маман қалыптастыру.

  Оқу жылы - 1
  Семестр - 2
  Несиелер - 3
  

• Продюсерлік қызмет және киножобаларды басқару

  Бұл пән киноөндіріс процесін ұйымдастыру, жоспарлау және басқарудың кешенді тәсілдерін қамтиды. Қаржылық модельдер, инвестиция тарту, құқықтық реттеу, келісімшарттық қатынастар, авторлық құқық, маркетинг және дистрибуция жүйелері жан-жақты талданады. Практикалық бөлімде докторанттар нақты кейстер негізінде өздерінің продюсерлік жобаларын әзірлеп, шығармашылық пен әкімшілік функциялардың үйлесімін меңгереді. Курстың мақсаты — стратегиялық ойлау қабілетін дамытып, тәуелсіз продюсер ретінде әрекет етуге дайын болу.

  Оқу жылы - 1
  Семестр - 2
  Несиелер - 3
  

• Киноөнер және медиа саласындағы зерттеу әдістері

  Бұл курс кино және медиа салаларындағы ғылыми-зерттеу әдістерін жүйелі меңгеруге бағытталған. Сандық және сапалық әдістер, соның ішінде сұхбат алу, сауалнама жүргізу, контент талдау, дискурстық және семиотикалық зерттеу тәсілдері, визуалды деректерді интерпретациялау қарастырылады. Пән ғылыми ойлау қабілетін, аналитикалық дағдыларды дамытады және халықаралық стандарттарға сәйкес академиялық мақала дайындау процесін үйретеді. Әр докторант өз диссертациялық тақырыбына сай жеке зерттеу жобасын әзірлейді.

  Оқу жылы - 1
  Семестр - 2
  Несиелер - 3
  

• Ғылыми зерттеу әдістері

  Курста зерттеу жұмысының тұжырымдамалық аппараты, ғылыми зерттеу әдістері, пәнаралық зерттеу әдістері және зерттеу тәжірибесінің негізгі мәселелері қарастырылады. Пән докторанттардың зерттеу әдістерін қолдану дағдыларын, зерттеушілік құзыреттілікті дамытуға және алған білімдері мен дағдыларын ғылыми зерттеулерін ұйымдастыруда, сондай-ақ кәсіби қызметінде тиімді пайдалану дайындығын қалыптастырады.

  Оқу жылы - 1
  Семестр - 2
  Несиелер - 5
  

Профессии

Оқыту нәтижелері

• Докторант заманауи әдістемелік тәсілдерді қолдана отырып, ғылыми зерттеу жүргізу мен академиялық жазудың терең дағдыларын меңгерген; зерттеу дизайнын әзірлей алады, ғылыми гипотезаларды тұжырымдайды, әртүрлі деректерді (соның ішінде визуалды материалдарды) жинап, талдайды; пәнаралық талдау әдістерін қолданады; академиялық мәтіндерді сауатты рәсімдейді, халықаралық дәйексөз беру стандарттарына сәйкес библиография құрастырады; ғылыми адалдық пен зерттеу этикасы қағидаларын сақтай отырып, ғылыми мақалалар мен баяндамалар дайындайды.
• Докторант киноны тарихи-теориялық тұрғыдан талдау дағдыларын меңгерген, кинотанудың негізгі мектептері мен жанрлардың даму кезеңдерін, сондай-ақ философиялық және көркемдік бағыттардың кинематографқа ықпалын жақсы біледі; терең аналитикалық ойлау қабілетіне ие, кино тіліне, символикаға, монтаж бен драматургияға талдау жасай алады; зерттеу және ғылыми-педагогикалық қызметте ғылыми терминология мен мәдениеттанулық интерпретация әдістерін қолдана алады.
• Докторант авторлық режиссураның көркемдік-поэтикалық табиғатын заманауи технологиялармен ұштастырған режиссерлік ойлауға ие; авторлық және эксперименталды кинодағы эстетикалық әрі концептуалдық стратегияларды сыни тұрғыдан талдауға қабілетті; режиссерлік тәжірибеде заманауи технологияларды (VR, AR, ЖИ, блокчейн) интеграциялау дағдыларын меңгерген. Теориялық пайым, зерттеушілік тәсіл мен визуалды жүзеге асыруды (сценарийлік құрылым, композиция және визуалды стиль) қамтитын ғылыми тұрғыда негізделген көркем жобаларды әзірлеу құзыреттілігіне ие.
• Докторант стратегиялық продюсерлік дағдыларды меңгереді, оған қаржылық жоспарлау, құқықтық сүйемелдеу, басқарушылық модельдеу және өндірістік үдерісті бақылау кіреді; нарықтық жағдайды, мақсатты аудиторияны және фестивальдік қозғалыстарды ескере отырып, кино жобасының тұжырымдамалық моделін әзірлей алады; нақты кейстер негізінде шығармашылық идеяларды іс жүзінде жүзеге асыру тәжірибесіне ие.