6B07270 Фармацевтік өндіріс технологиясы в М.Әуезов атындағы Оңтүстік Қазақстан университеті

Мақсаты: Процестердің химиялық мәнін түсінуге қажетті химияның теориялық және эксперименттік бөлімдері бойынша терең білімді қалыптастыру, шығармашылық ойлауды дамыту және алған білімдерін мамандықтың негізгі пәндерін оқуға қолдана білу. Мазмұны: Химияның негізгі ұғымдары мен заңдары. Атомдағы электрондардың күйі, кванттық сандар, атомдық орбитальдар, атомдардағы электрондардың таралу ережелері, жердегі және қозған күйдегі атомдардың электрондық конфигурациялары. Д.И.Менделеевтің периодтық жүйесінің топтары мен периодтары бойынша элементтердің қасиеттерінің өзгеруі. Коваленттік байланыстың түзілу механизмдері мен қасиеттері, атомдық орбитальдардың гибридтенуі. Иондық байланыс. Жүйелер туралы жалпы түсініктер, энтальпия түсінігі, термохимиялық теңдеулер, Гесс заңы, энтропия түсінігі, процестің энтальпиясы және энтропия факторлары, Гиббс энергиясы. Химиялық реакцияның жылдамдығы және оған әсер ететін факторлар (массалық әрекет етуші заңы, Вант-Гофф), активтену энергиясы. Химиялық тепе-теңдік, химиялық тепе-теңдіктің ығысуы. Ерітінділердің жіктелуі, заттардың ерігіштігі, электролит емес ерітінділер, электролит ерітінділері, күшті және әлсіз электролиттер, ортаның рН, ерігіштік өнімі және тұнбалардың түзілу және еру шарттары. Тотығу-тотықсыздану реакциялары (ТТР), негізгі түсініктер, ТТР бағыты. Күрделі қосылыстар, негізгі түрлері және номенклатурасы.

Мақсаты: Сыбайлас жемқорлыққа қарсы дүниетанымды, тұлғаның берік адамгершілік негіздерін, азаматтық ұстанымын, сыбайлас жемқорлыққа қарсы мінез-құлықтың орнықты дағдыларын қалыптастыру. Мазмұны: Құқықтық нигилизмді еңсеру, сыбайлас жемқорлыққа қарсы заңнама саласында білім алушылардың құқықтық мәдениетінің негіздерін қалыптастыру. Сыбайлас жемқорлыққа саналы көзқарасты қалыптастыру. Сыбайлас жемқорлық мінез-құлқынан, сыбайлас жемқорлық моралінен, этикасынан адамгершілік тұрғыдан бас тарту. Сыбайлас жемқорлыққа қарсы іс-қимыл үшін қажетті дағдыларды игеру. Сыбайлас жемқорлыққа қарсы мінез-құлық стандартын жасау. Сыбайлас жемқорлыққа қарсы насихаттау, заңдылық, заңға құрмет идеяларын тарату. Сыбайлас жемқорлықтың табиғатын түсінуге, оның көріністерінен әлеуметтік шығындарды сезінуге, өз ұстанымын дәлелді қорғай білуге, сыбайлас жемқорлықтың көріністерін еңсеру жолдарын іздеуге бағытталған қызмет.

Мақсаты: Физика заңдары туралы білімдерін дамыту және оларды техника мен технологияда қолдану дағдыларын жетілдіру. Мазмұны: Механикалық қозғалыс, динамиканың негізгі заңдары. Қатты дененің айналуы, сақталу заңдары. Үздіксіз орта механикасы, механикалық тербеліс және толқындар. Молекулалық-кинетикалық теория, тасымалдау құбылыстары, термодинамика. Электростатика, тұрақты электртогы. Магнит өрісі, электромагниттік индукция. Электромагниттік тербелістер мен толқындар, оптика. Жылулық сәулелену, фотоэффект. Зертханалық зерттеу нәтижелерін өңдеу және талдау әдістері. Қолданбалы салалық есептерді шешу үшін физикалық заңдылықтарды қолдану.

Мақсаты: AI-Sana бағдарламасының басымдықтарын ескере отырып, жасанды интеллект құралдары мен әдістерін практикалық қолдану және білімді пайдалану саласында құзыреттіліктерді қалыптастыру. Мазмұны: Жасанды интеллектке (AI) кіріспе. Практикалық дағдылар мен дағдыларды дамыту: AI құралдарын қолдану; үлкен тілдік модельдермен (LLM) жұмыс істеу; кодсыз жасанды интеллект платформаларын пайдалану; генеративті жасанды интеллект құралдары; кескінді тану; табиғи тілді өңдеу (NLP); AI көмегімен деректерді визуализациялау. Әртүрлі салаларда AI қолдану туралы түсінікке ие болу; AI-sana бағдарламасының тәсілдерін интеграциялау арқылы AI әлеуетін ашу.

Мақсаты: А.Құнанбайұлы арқылы «Қазақтану» жобасындағы «ұлтық кодты» сақтау мен дәріптеу. Мазмұны: ХІХ-ХХғ. Қазақстан тарихына, қазақ әдебиетіне тарихи шолу жасау. Абайтану саласының дамуындағы ХХ-ХХІ ғасырдың абайтанушылардың еңбектері. Абайдың шығармашылығының хронологиясы. Абай - қазақ халқының ұлы ақыны, этнограф, қазақ жазба әдебитінің негізін салушы. Абай - «Қарамола Ережесі» заңдар жинағының құрастырушысы, қоғамдық маңыздылығы. Абай - ойшыл, дінтанушы, философ. Абай білім және ғылым саласындағы рөлі, «Толық адамды» қалыптастыру идеясы. Абайдың аудармалары, поэмалары, «Қара сөздері», «Абай жолы» роман-эпопея. Қ.Тоқаев «Абай және Қазақстан ХХІ ғасырда» маңыздылығы.

Мақсаты: М.Әуезовтің әдеби-тарихи шығармашылығы туралы әдебиет тарихымен патриоттық және мәдени-рухани ұстаным негізінде түсінік қалыптастыру. Шығармашылық ойлауын, өзіндік зерттеу дағдысын дамыту. Мазмұны: М.Әуезовтің Семей, Ташкент, Санкт-Петербург кезеңіндегі өмірі мен шығармашылық жолы. «Шолпан», «Абай» журналдарындағы М.Әуезовтің қызметі. М. Әуезовтің публицистикасы. «Қорғансыздың күні», «Қыр суреттері», «Оқыған азамат», «Көксерек» әңгімелеріне, «Еңлік-Кебек» пьесасына, «Қилы заман», «Қараш-қараш» оқиғасы» повестеріне, «Абай Құнанбаев» монографиясына, «Абай жолы» роман-эпопеясына шолу жасау.

Мақсаты: Қажетті өлшемдерді және соған байланысты есептеулерді орындау, кәсіби есептерді шешу үшін теоремаларды, формулаларды және математикалық әдістерді қолдану. Мазмұны: Матрицалар. Анықтауыштар. Кері матрица. Сызықтық теңдеулер жүйесін шешу әдістері. Векторлар. Жазықтықтағы түзудің және кеңістіктегі түзудің және жазықтықтың әртүрлі теңдеулері. Екінші ретті қисықтар мен беттер. Функция. Функция шегі. Тамаша шектер. Бір айнымалы функцияның дифференциалдық және интегралдық есептеулері. Жоғары ретті туындылар мен дифференциалдар. Функцияны зерттеу және график құру. Анықталмаған және анықталған интегралдар. Бірнеше айнымалылардың функциялары. Бірінші және екінші ретті дифференциалдық теңдеулер. Қатарлар.

Мақсаты: Академиялық сауаттылық пен академиялық жазба жазу дағдыларын қалыптастыру. Мазмұны: Студенттердің академиялық сауаттылығын қалыптастыру және жазуды теория мен практика тұрғысынан оқыту мәселелері. Ғылыми мәтіндерді, баяндамаларды, эсселерді, аналитикалық шолуларды, глоссарийлерді, рефераттарды, баяндамаларды, ғылыми мақалаларды, курстық және дипломдық жұмыстарды дайындау, жазу және басып шығару бойынша ұсыныстар. Конференцияларда, жиналыстарда сөз сөйлеу және т.б.

Мақсаты: Жалпы химиялық білім жүйесіндегі ерітінділер теориясының орны туралы білімдерін, түсініктерін қалыптастыру. Мазмұны: Дисперсті жүйелер және ерітінділер, дисперстік жүйелердің түрлері. Ерітінділердің физикалық теориясы (Дж.Вант-Хофф, С.Аррениус, В.Оствальд, Рауль еңбектері). Ерітінділердің химиялық теориясы (Д.И. Менделеев), гидраттар мен сольваттар, кристалдық гидраттар, «еріген зат-еріткіш» байланысының механизмі және табиғаты. Еріту процесінің термодинамикасы, интегралдық және дифференциалды еріту жылулары, ерітінді сұйылту жылуы. Еру кинетикасы (Фик-Щукарев теңдеуі). Ерігіштік, ерігіштік коэффициенті, ерігіштіктің әр түрлі факторларға тәуелділігі, иондардың өзара поляризациясы. Бейэлектролиттердің ерітінділері (Рауль заңдары). Электролит ерітінділері (С.Аррениус, И.А.Каблуков және В.А.Кистяковский теориясы), диэлектрлік өтімділік, иондардың химиялық және физикалық гидратациясы, диссоциациялану дәрежесі мен константасы, изотониялық коэффициент. Күшті электролиттердің ерітінділері, активтілік және активтілік коэффициенті. Қышқылдар мен негіздер теориялары (Бренстед-Лоури, Льюис, Усанович).

Мақсаты: Студенттердің дәрілік заттардың негізгі формалары мен қосалқы заттары туралы білімдерін қалыптастыру. Дәрілік заттарды өндіруде қолданылатын процестерді білу дағдыларын дамыту. Мазмұны: Пәннің негізгі ұғымдары. Дәрілік форма технологиясының дамуының қысқаша тарихы. Негізгі ұғымдар мен терминдер. Дәрілік формалардың классификациясы. Дәрілік заттардың тізімі. Дәрілік заттарды өндіру негізінде жатқан процестер (ұнтақтау, еріту, сүзу, зарарсыздандыру және т.б.) және қолданылатын жабдықтар. Биофармация туралы түсінік. Фармацевтикалық қызметті реттейтін нормативтік құжаттармен танысу. Мемлекеттік фармакопея.

Мақсаты:. Дәрілік заттардың негізін құрайтын элементтердің химиясы бойынша білім негіздерін қалыптастыру, химиялық қосылыстарды синтездеу әдістемесінің дағдыларын меңгеру. Мазмұны: Биологиялық маңызды элементтер туралы түсінік (микро және макроэлементтер, биогендік элементтер). Жануарлар мен адам ағзасындағы ең маңызды химиялық элементтердің (оттегі, фосфор, кремний, мырыш, магний, калий, натрий, темір, марганец, хром, мыс) биологиялық рөлі, организмде минералды заттардың жетіспеушілігі. Металдар мен бейметалдардың жалпы сипаттамасы, олардың атомдарының құрылыс ерекшеліктері. Металдар мен бейметалдардың қасиеттерінің периодтық жүйедегі орнына тәуелділігі. Дәрілік заттардың құрамына кіретін ең маңызды s-, p-, d- элементтердің және олардың негізіндегі қосылыстардың физикалық-химиялық қасиеттері, оларды алудың зертханалық және өндірістік әдістері. Химиялық идентификация (сапалық және сандық талдау).

Мақсаты: Кәсіби, ғылыми, қарым-қатынас, шет тіліндегі мәтінді құру және ұйымдастыру салаларында ауызша және жазбаша сөйлеудің ерекшелігі бойынша білімді қалыптастыру. Лингвистикалық, ақпараттық-аналитикалық және коммуникативтік аспектілерде кәсіби қызметті жүзеге асыра білу. Мазмұны: Техникалық және технологиялық процесті сипаттауда қолдануға арналған кәсіби ағылшын тілі. Ағылшын тілінің айрықша ерекшеліктері. Техникалық мәтінді аударудың лексикалық қиындықтары. Фармацевтикалық инженерия саласындағы терминологияны дамыту. Әр түрлі типтегі сөйлемдерді құрастыру қабілеті. Жазбаша ғылыми-техникалық аударманың семантикалық дәлдігі мен функционалдық сәйкестігін бағалау дағдысы.

Мақсаты: Өндірістің технологиялық жабдықтарының жалпы бөлшектерін жобалау мен құрастырудың теориялық негіздері туралы білімді қалыптастыру. Мазмұны: Статика - күштер, сыртқы күштердің түрлері, денелердің тепе-теңдік шарты. Кинематика - механикалық қозғалыстың, жылдамдықтың, үдеудің, траекторияның заңдары. Динамиканың негіздері. Материалдар кедергісі –бөлшектердің беріктігі, қатаңдығы, ұзақ мерзімділігі және орнықтылығы. Деформация түрлері - созылу - сығылу, ығысу, бұралу, иілу, күрделі деформациялардың түрлері. Кернеулі күйдің теориясының негіздері және беріктік. Машина бөлшектерiнiң - және оларға қойылатын талаптар. Берілістер - тісті, червякты, фрикцияционды, белдікті, шынжырлы берілістер. Редукторлар. Бiлiктер, өстер, муфталар, мойын тіректер, қосылыстар.

Мақсаты: Органикалық химияны оқу барысында танымдық қызығушылықтарын, интеллектуалдық және шығармашылық қабілеттерін қалыптастыру, логикалық және физикалық-химиялық ойлауды дамыту. Мазмұны: Ароматты және гетероциклді қосылыстардың классификациясы. Өндірістік және зертханалық алу әдістері, олардың химиялық қасиеттері. Ароматты және гетероциклді қосылыстардың функционалды туындылары. Органикалық қосылыстардың құрылыс ерекшеліктері. Ароматты қосылыстар. Гетероциклді қосылыстар. Ароматты және гетероциклді қосылыстарды талдау, қосылыстардың берілген қасиеттері бойынша нәтижелері және тәжірибелік мәліметтерді талдау.

Мақсаты: Органикалық химия (ациклді көмірсутектер және олардың туындылары) саласында іргелі білімді қалыптастыру; органикалық молекулалардың құрылысы теориясы, электрондық және кеңістіктік әсерлері, оптикалық қасиеттері, органикалық молекулалардың стереоизомериясы, химиялық қасиеттері – әрбір топ үшін жалпы және ерекше қасиеттері. қосылыстар, органикалық қосылыстар топтары мен кластары арасындағы биогенетикалық байланыстар, негізгі реакция механизмдері, зерттеу дағдыларын дамыту. Мазмұны: Органикалық химияның теориялық негіздері. Органикалық қосылыстардың құрамы мен құрылысы. Органикалық қосылыстардың классификациясы. Гомология, изомерия. Органикалық реакциялардың механизмі. Алыну әдістері және химиялық қасиеттері. Заттардың құрылымын элементтік талдау негізінде талдау, спектроскопиялық және хроматографиялық идентификация әдістері. Реактивтердің қатынасын, реакция өнімдерінің теориялық және практикалық шығымдарын есептеу.

Мақсаты: Фармацевтикалық өндірісте технологиялық жабдықтардың элементтерін әзірлеу және пайдалану кезінде қажетті техникалық механика саласында кәсіби құзыреттіліктер мен тұрақты ұсынымдарды қалыптастыру Мазмұны: Статика-денелердің тепе-теңдік шарттары, күші. Кинематика-механикалық қозғалыс, жылдамдық, үдеу заңдары. Динамика негіздері. Материалдардың кедергісінің негізгі түсініктері. Деформацияның қарапайым және күрделі түрлері. Механизмдер мен машиналар теориясының негізгі ұғымдары, кинематикалық жұптардың жіктелуі, кинематикалық тізбек. Механизмдердің негізгі түрлері, құрылымдық талдау, механизмдердің синтезі. Машиналарының бөлшектері - берілістер, редукторлар, мойын тіректер, муфталар, біліктер, өстер, қосылыстар. Жұмысқа қабілеттіклік критерийлерін және кинематикалық параметрлерді анықтау.

Мақсаты: AutoCAD пайдаланып, инженерлік-конструкторлық құжаттарды дайындауға қажетті білім, біліктілік, дағдылық қалыптастыру. Мазмұны: Проекциялау. Нүкте мен түзу. Жазықтық. Аксонометриялық проекциялар. Геометриялық беттер мен денелер. Сызбаларды графикалық безендіру жайлы негізгі мәліметтер. Көріністер, тіліктер мен қималар. Бөлшектерді біріктіру әдістері. Бұрандалық бұйымдар. Бөлшектердің эскиздерін дайындау. Құрастыру мен жалпы күйдегі сызбаларды орындау, оқу және бөлшектеу. Алғашқы тағайындаулар. Жұмысты аяқтау және кескіндерді сақтау. Жазық фигураның сызбасын тұрғызу. Бөлшектер сызбаларын сызу. Кескіндерді өңдеу. Нысанның үшөлшемді моделін тұрғызу.

Мақсаты: Аналитикалық химияның теориялық курсын, химиялық талдау әдістерін игеру және жалпы түсініктерді қалыптастыру, аналитикалық жабдықтар мен құрылғылармен жұмыс жасау. Талдау нәтижелерін статистикалық өңдеуді жүргізе білу. Мазмұны: Химиялық және ФХТӘ негіздері мен әдістері, химиялық талдау нәтижелерін метрологиялық өңдеу, сынама алу және сынама дайындау. Химиялық реакциялардың түрлері. Анықтау, оқшаулау, бөлу және шоғырландыру әдістері. Дәрілік заттарды өндірудегі сапалық және сандық талдау әдістері. Қазіргі заманғы жабдықта дәрілік заттарды талдау. Аналитикалық химияда талдаудың жаңа әдістерін құруда жасанды интеллектті қолдану.

Мақсаты: Циклді қосылыстардың органикалық химиясының іргелі теориялық және тәжірибелік негіздері туралы білімдерін қалыптастыру, органикалық заттардың құрылымына байланысты құрылымын, физикалық және химиялық қасиеттерін сипаттай білуді меңгеру, тәжірибелік ілімдер мен дағдыларды меңгерту. Мазмұны: Гетероциклді қосылыстардың классификациясы. Бес мүшелі гетероциклді қосылыстарды алудың өнеркәсіптік, зертханалық әдістері, химиялық қасиеттері. Көп ядролы және гетероциклді қосылыстар. Бес мүшелі гетероциклдер. Бір гетероатомы бар алты мүшелі гетероцикл. Химиялық талдаудың негізгі операцияларын орындау, есептер шығару, тәжірибелер жүргізу.

Мақсаты: Қаржылық әл ауқатқа жету үшін маңызы бар жеке және отбасылық қаржылық ресурстарды басқаруды, кәсіпкерлік қызметті ұйымдастыруды дағдыларын оқыту. Мазмұны: Кәсіпкерлік: мәні, мазмұны қалыптасу шарттары. Кәсіпкерліктің ұйымдастыру-құқықтық түрлері. Кәсіпкерліктегі тәукелділік. Кәсіпкерліктегі бизнес-жоспарлау. Кәсіпкерлік келісімдерді ұйымдастыру. Кәсіпкерліктегі мәдениет және этика. Кәсіпкерлік қызметің қаржыландыру. Қаржылық сауаттылық түсінігі, мақсаттары мен міндеттері.Ақша,есеп айырысу және төлемдер. Жеке қаржы: кіріс,шығыс, бюджет. Салықтар және жеке тұлғаларға салық салу. Зейнетақылар және сақтандыру. Халыққа банктік қызмет көрсету. Жеке тұлғалардың банкроттығы және қаржылық тәуекелдер. Қаржылық пирамида және жеке қаржылық қауіпсіздік.

Мақсаты: Электромагниттік үдерістер теориясы, электр энергиясын өндіру және жеткізу салаларында тұтас көзқарас пен білім жүйесін қалыптастыру, сондай-ақ электротехника мен электроника саласында қажетті электротехникалық, электрондық, электрөлшеу құрылғыларын таңдай алатындай, олардың жұмысын түсіндіріп, дұрыс пайдалана алатындай құзыреттер кешенін қалыптастыру. Мазмұны: Электрқауіпсіздіктің негіздері. Негізгі ұғымдар мен анықтамалар. Тұрақты және айнымалы токтың сызықтық электр тізбектері. Үш фазалы тізбектер. Симметриялы үш фазалы ЭҚК жүйесін алу. Сызықтық емес және магниттік тізбектер. Электр тізбектеріндегі өтпелі процестер туралы түсінік, олардың пайда болу себептері. Электрлік өлшеулер және өлшеу құралдары. Трансформаторлар және электр машиналары. Заманауи электрондық құрылғылардың элементтік базасы, импульстік және цифрлық құрылғылар.

Мақсаты: Коллоидтық химияның теориялық негіздері туралы білімдерін қалыптастыру, өндірістік қызметте практикалық есептерді өз бетінше шешу қабілеттерін дамыту. Мазмұны: Коллоидтық химияның міндеттері мен анықтамалары. Беттік құбылыстар және адсорбция. Адсорбциялық қабаттар және олардың дисперстік жүйелердің қасиеттеріне әсері. Дисперсті жүйелердің электрлік қасиеттері. Дисперсті жүйелердің түзілуі, құрылымы және тұрақтылығы. Кинетикалық және агрегаттық тұрақтылық. Дисперсті жүйелердің коагуляциясы. Дисперсті жүйелердің реологиялық, құрылымдық-механикалық, молекулалық-кинетикалық және оптикалық қасиеттері.

Мақсаты: Аналитикалық химия теориясының негіздері, сапалық және сандық талдау әдістері туралы түсініктерін қалыптастыру, оларды дәрілік және дәрілік заттардың фармацевтикалық өндірісінде қолдана білу. Мазмұны: Аналитикалық химияның мақсаты, міндеттері. Су ерітінділеріндегі химиялық тепе-теңдік. Электролиттік диссоциация. Сутегі индексі. Күшті, әлсіз қышқылдардың, негіздердің рН-ын есептеу. Гидролиз. Ерігіштік өнімі. Қышқылдар, негіздер теориясы. Тотығу-тотықсыздану реакциялары. Сапалық талдау. Фармацевтикалық препараттарды талдау және талдаудың химиялық, физикалық, физика-химиялық әдістерінің классификациясы.

Мақсаты: Физикалық және коллоидтық химияның іргелі заңдары мен ережелері туралы білімдерін қалыптастыру, физикалық және химиялық заңдылықтарды талдау дағдыларын дамыту. Мазмұны: Химиялық термодинамиканың негізгі заңдары. Химиялық және фазалық тепе-теңдік. Электролиттер және бейэлектролиттер ерітінділері. Химиялық кинетика және катализ негіздері. Электрохимия. Беттік құбылыстар мен адсорбцияның теориялық негіздері. Дисперстік жүйелер, олардың қасиеттері, дисперстік жүйелердің тұрақтылық және тұрақтандыру факторлары. Жоғары молекулалық заттар (ЖМЗ) және микрогетерогенді жүйелер туралы түсініктер.

Мақсаты: Органикалық химия (карбоциклді, ароматты көмірсутектер және олардың туындылары) бойынша білім негіздерін қалыптастыру, циклдік қосылыстардың органикалық химиясының іргелі теориялық және тәжірибелік негіздері туралы білім жүйесін меңгеру, органикалық заттардың құрылымын, физикалық және химиялық қасиеттерін сипаттай білуді меңгеру, эксперименттік ілімдер мен дағдыларды меңгеру. Мазмұны: Ароматты қосылыстар және олардың классификациясы. Ароматты қосылыстардың алынуы және химиялық қасиеттері, механизмі. Ароматты қосылыстардың функционалды туындылары. Органикалық қосылыстарды синтездеу барысында берілген қасиеттері бойынша нәтижелерін талдау. Эксперименттік мәліметтерді талдау. Генетикалық байланыс.

Мақсаты: Қоғамның тұрақты дамуына қол жеткізу үшін экономика, құқық, экология және тіршілік қауіпсіздігі, ғылыми зерттеу әдістері саласында интеграцияланған білімді қалыптастыру. Мазмұны: Адам мен табиғаттың қауіпсіз өзара іс-қимылының, экожүйелер мен биосфераның өнімділігінің негіздері. Қазақстанның тұрақты даму мақсаттары шеңберінде ресурстардың шектеулілігі жағдайындағы қоғамның кәсіпкерлік қызметі, бизнес пен ұлттық экономиканың бәсекеге қабілеттілігін арттыру. Экологиялық мәселелер мен тұрақты даму принциптерін жүйелі түсіну. Қазақстандық құқықты, субъектілердің міндеттері мен кепілдіктерін білу, әлеуметтік прогресті қамтамасыз ету үшін қоғамдық қатынастарды мемлекеттік реттеуді білу және сақтау. Инклюзия-халықаралық заңнаманың стратегиясы. Жасанды интеллекттің құқықтық негіздері. а.

Мақсаты: Фармацевтикалық кәсіпорындарды жобалауда конструкторлық шешімдерді әзірлеу бойынша білім мен дағдыларды қалыптастыру. Мазмұны: Өндірістік фармацевтикалық объектілерді жобалаудың жалпы ережелері. Жобалау жұмыстарын реттейтін негізгі нормативтік құжаттар. Техникалық жобаның мақсаты мен мазмұны. Негізгі жобалау кезеңдерін әзірлеу. Фармацевтикалық өндірісті оңтайлы жобалау бағдарламаларын қолдану.

Мақсаты: Фармацевтикалық өндірісті жобалаудың негізгі принциптері туралы білімдерін қалыптастыру және өндірісті жабдықтау дағдыларын дамыту. Мазмұны: Техникалық прогрестің негізгі бағыттары және фармацевтикалық өндірістік кәсіпорынды жобалаудың жалпы ережелері, оның номенклатурасы. Дәрілік заттарды өндіру бойынша кәсіпорындарды жобалаудың негізгі кезеңдері мен ерекшеліктері. Өнімнің даму кезеңдері. Негізгі құқықтық нормалар мен нормативтік құжаттар. Фармацевтикалық өндірісті жабдықтаудың технологиялық жабдықтарын таңдау.

Мақсаты: Талдаудың физикалық және физика-химиялық әдістері бойынша білім негіздерін қалыптастыру. Теориялық сұрақтарды меңгеру, сәйкестендіру дағдыларын меңгеру және химиялық күйлердің құрылымын орнату. Дәрілік заттарды өндірудегі заманауи әдістердің көмегімен сандық құрамы және олардың сәйкестігі. Талдау нәтижелерін интерпретациялау. Мазмұны: Талдаудың физикалық және физика-химиялық әдістерінің теориялық негіздері, бұл әдістердің маңызы және олардың химиялық әдістерге қарағанда артықшылықтары. Бөлшектердің магнит өрісімен әрекеттесуіне негізделген электро-химиялық, оптикалық әдістер, хроматогра-фиялық әдістер. Талдау нәтижелерін статистикалық өңдеу әдістері.

Мақсаты: Өзінің кәсіби қызметі барысында өнім, қызмет және жұмыс сапасы мен өлшем бірлікті қамтамасыз ету бойынша мәслелерді шешу үшін стандарттау, сертификаттау және метрология саласындағы теориялық білімі мен практикалық дағдысын қалыптастыру. Мазмұны: Стандарттау, сертификаттау және метрология нысандары. Стандарттау, техникалық реттеу, метрология және сәйкестікті растау жүйелерінің құқықтық, нормативтік-техникалық базалары. Стандарттаудың жалпы ғылыми және арнайы әдістері. Сертификаттау және декларациялау схемалары. Өлшеудің түрлері мен әдістері. Өлшеудің анықталмағандығын және қателігін есептеу. Метрологияның техникалық негізі. Кәсіпорынның бәсекеге қабілеттілігін жоғарылатудағы халықаралық сапа жүйесінің рөлі.

Мақсаты: Молекулярлық және жасушалық деңгейде тірі жүйелерде жүретін процестердің биохимиялық мәні мен механизмдерін қарастыру кезінде студенттерге қажетті білім кешенін қалыптастыру. Мазмұны: Ұйымның барлық деңгейлеріндегі тірі жүйелердің химиялық құрамы, химиялық процестер. Статикалық және динамикалық биохимия, ұлпалардың химиялық құрамы, организмдердегі зат және энергия алмасуы. Метаболизм. Көмірсулардың метаболизмі. Липидтердің метаболизмі. Ақуыздардың метаболизмі. Ағзадағы заттардың түрленуін зерттеу. Ғылыми биохимияның жаңа жетістіктері және олардың болашағы.

Мақсаты: Студенттер мен болашақ мамандарда ғылыми деректерді өз бетінше жинау, зерттеулерді жоспарлау, ғылыми-техникалық ақпаратты зерделеу, талдау және жалпылау, сондай-ақ кәсіптік қызметте техникалық құжаттамаларды әзірлеу және пайдалану үшін базалық білім мен дағдыларды қалыптастыру. Мазмұны: Ғылым және оның қазіргі қоғамдағы рөлі. Қазақстанда ғылыми-зерттеу жұмыстарын ұйымдастыру. Ғылыми зерттеудің әдістері мен әдістемесі. Ғылыми зерттеудің тақырыбы мен кезеңдерін таңдау. Ақпаратты іздеу. Ғылыми зерттеулерге ақпарат дайындау. Дереккөздерді іздеу және олармен жұмыс істеу. Ғылыми шараларға қатысу. Ғылыми жұмыстың нәтижелерін көрсету. Ғылыми зерттеу жұмыстарының нәтижелерін өңдеуге арналған жасанды интеллект.

Мақсаты: Болашақ мамандардың практикалық және аналитикалық ойлауын дамыту, қажетті ғылыми-техникалық әдебиеттерді іздестіру және нақты мәселелерді шешу үшін табылған материалдарды пайдалана білу, студенттердің білім, білік және дағдыларын қалыптастыруда өз бетінше ғылыми зерттеу жұмыстарын жүргізу , өнеркәсіптік меншік объектілерін құру, қорғау және пайдалану, жаңа әзірлемелерді патенттеу мәселелерін шешу. Мазмұны: Ғылыми зерттеулерге мақсат қою. Патенттік ізденіс, патенттік өтінімнің жобасын жасау. Ғылыми әдебиеттермен жұмыс, ғылыми ақпаратты іздеу, жинақтау және өңдеу. Физикалық-химиялық зерттеулер мен ғылыми-техникалық шығармашылық әдістемесі. Патенттік, әдебиеттік іздестіру және эксперименттік мәліметтердің нәтижелерін жүйелеу, ғылыми зерттеу бағыты мен зерттеу тақырыбының өзектілігін бағалауды таңдау.

Мақсаты: Биоинженерия және биотехнология, жасушалық және гендік инженерия саласындағы ғылыми жетістіктер деңгейі туралы заманауи түсініктерді қалыптастыру; заманауи өндірістік биотехнологиялық процестермен танысу. Мазмұны: Биотехнология пән ретінде және оның фармацевтикалық ғылым мен практика үшін маңызы. Биобъектілер дәрілік, профилактикалық және диагностикалық агенттерді өндіру құралы ретінде. Экологиялық мәселелерді шешудегі биотехнология. Өсімдіктердің, жануарлардың және микроорганизмдердің өсірілген ұлпалары мен жасушаларына негізделген жаңа технологияларды дәстүрлі әдістермен қолдану және салыстыру.

Мақсаты: Күрделі жүйелердің қасиеттерін, құрамын зерттеу және аз мөлшердегі заттардың мөлшерін анықтау және осы әдістерді дәрілік заттардың фармацевтикалық өндірісінде қолдану мақсатында қазіргі заманғы талдау әдістерінің білім қорын қалыптастыру. Мазмұны: Тепе-теңдік жүйелерінің құрамы мен қасиеттері арасындағы қатынас. Күрделі жүйелердің құрамын анықтау үшін олардың әр түрлі қасиеттері. 10-5 - 10-10 моль/л ретті заттардың концентрациясын анықтау: масс-спектрометриялық талдау, радиохимиялық әдістер, резонанстық әдістер (ЯМР, ЭПР және т.б.).

Мақсаты: Студенттердің дәрілік заттардың сапасын бақылауды фармацевтикалық талдаудың негізгі әдістері туралы білімдерін қалыптастыру, зерттеу дағдыларын дамыту. Мазмұны: Фармацевтикалық химия пәні мен мазмұны, оның басқа ғылымдармен байланысы. Дәрілік заттарды алу көздері, синтездеу жолдары мен әдістері. Дәрілік заттардың классификациясы. Дәрілік заттарды фармацевтикалық талдау әдістері. Шынайылық сынағы. Дәрілік заттардың сапасын анықтаудың химиялық әдістері. Дәрілік заттардың сапасының критерийлері. Фармацевтикалық өнімдерді реттейтін құжаттар. Бейорганикалық препараттар. Органикалық препараттар. Сульфаниламидті препараттар. Дәрілік заттардың құрамындағы гетероциклді жүйелер.

Мақсаты: Дәрілік заттардың сапасын бақылауды ұйымдастыру және жүргізу саласындағы маманның іс-әрекетіне қажетті студенттердің теориялық ойлауын, кәсіби әдеттерін, іскерліктері мен дағдыларын қалыптастыру. Мазмұны: Дәрілік заттарды алу көздері мен әдістері. Нормативтік құжаттама және дәрілік заттарды стандарттау. Анықтамалық материалдар және олардың фармацевтикалық талдауда қолданылуы. Өндірістегі дәрілік заттардың сапасын бақылау. Дәрілік заттардың жарамдылық мерзімін зерттеу. Түпнұсқалықты анықтаудың химиялық әдістері. Дәрілік заттардың сапасын кезең-кезеңімен бақылау. Дәрілік заттарды стандарттау.

Мақсаты: Технологиялық процестердің жалпы заңдылықтары және оларды интенсификациялау жолдары туралы білімдерін қалыптастыру, технологиялық процестердің статикасы мен кинетикасын есептеу дағдыларын дамыту. Мазмұны: Технологиялық процестердің физика-химиялық негіздері. Технологиялық процестің термодинамикалық ықтималдығы және химиялық тепе-теңдік шарттары. Ле-Шателье принципі және оның шектеулері. Біртекті, гетерогенді және гетерогенді каталитикалық процестер ағымының кинетикалық заңдылықтары. Технологиялық процестің шекті кезеңдері және оларды интенсификациялау әдістері. Технологиялық процестерді модельдеу негіздері.

Мақсаты: Дәрілік заттардың түрлері, жіктелуі, қасиеттері, дәрілік заттардың өндірісі, олардың технологиясы, жабдықтары, заттары, көмекші заттары туралы білімдерін қалыптастыру, дәрілік заттардың материалдарын, орау және таңбалау түрлерін оқып білу. Мазмұны: Улы және күшті әсер ететін заттар. Көмекші заттар. Дәрілік заттардың тұрақтандырғыштары және дәрілік формалары. Консерванттар, пролонгаторлар, еріткіштер, корригенттер және т.б. Сұйық және жұмсақ дәрілік түрдегі ұнтақтардың технологиясының кезеңдері. Линименттер, жақпа майлар, суппозиторийлер. Инъекцияға арналған дәрілік формалар. Инъекциялық дәрілік формаларға арналған еріткіштер. Дәрілік формалардың классификациясы. Дәрілік заттардың номенклатурасы.

Мақсаты: Жалпы химиялық технологияның теориялық негіздері туралы білімдерін қалыптастыру, химия-технологиялық жүйе ретінде химиялық өндіріс туралы түсініктерін дамыту. Мазмұны: Химиялық өндіріс туралы жалпы түсініктер. Химия өндірісіндегі шикізат және энергия. Химиялық өндірістің тиімділігін бағалау критерийлері. Химиялық-технологиялық процестің негізгі заңдылықтары. Біртекті және гетерогенді процестердің күшеюі. Гетерогенді және гомогенді катализ. Химиялық реакторлар. Химиялық өндірістің типтік технологиялары: бейорганикалық заттарды – тұздарды, қышқылдарды және негіздерді алу технологиялары, органикалық синтез технологиялары – қаныққан және қанықпаған көмірсутектердің синтезі, нитробензол, ацетилен синтезі. Химиялық технологияны дамытуда жасанды интеллектті пайдалану.

Мақсаты: Дайын препараттардың өнеркәсіптік өндірісіндегі негізгі технологиялық процестер және олардың дәрілік заттардың сапасына әсері туралы білімдерін қалыптастыру. Мазмұны: Фармацевтикалық заттар, дәрілік формалар, көмекші заттар. Дәрілік заттар өндірісін реттеудің заңнамалық негіздері. Фармацевтикалық өндіріс. Дәрілік заттарды өнеркәсіптік өндіруге арналған процестер мен құрылғылар: механикалық процестер, фазалық тепе-теңдіктің өзгеруіне негізделген процестер, масса және жылу алмасу, гидромеханикалық процестер. Қатты, сұйық, жұмсақ және газ тәрізді препараттарды, сонымен қатар инъекциялық және инфузиялық препараттарды өндіру технологиясы мен жабдықтары. Таза бөлмелер және оқшаулау технологиялары. Фармацевтикалық кәсіпорындардағы сапаны бақылау. Дәрілік препараттарды әзірлеуде жасанды интеллектті қолдану.

Мақсаты: ҚР-ның МФ талаптарына сәйкес дәрілік өсімдіктердің табиғи ресурстарын ұтымды пайдалану негізінде дәрілік өсімдік шикізатын дайындау және талдаумен байланысты мәселелер бойынша студенттер арасында фармакогностикалық дайындықты қалыптастыру. Мазмұны: Биологиялық белсенді қосылыстардың классификациясы. Дәрілік өсімдік шикізатын стандарттау. Дәрілік өсімдіктердің фитохимиясы. Табиғи дәрілік заттардың классификациясы және номенклатурасы. Шикізатты, жеке биологиялық белсенді заттарды, дәрілік формаларды фитохимиялық талдау. Табиғи заттардың фитохимиялық талдауы. Өсімдік шикізатын жинау және сақтау.

Мақсаты: Дәрілік өсімдік шикізатын сатып алу, стандарттау, сапасын бақылау, сақтау және өңдеу бойынша дәлелді ұсыныстарды ескере отырып, дәрілік өсімдік ресурстарын ұтымды пайдалану мәселелеріне байланысты студенттер арасында белсенді практикалық әрекеттерді қалыптастыру. Мазмұны: Фармакогнозия негіздері. Дәрілік өсімдіктердің шикізат базасы. Дайындау процесінің негіздері. Дәрілік өсімдік шикізатын фармакогностикалық талдау әдістері. Дәрілік өсімдіктердің химиялық құрамы және дәрілік өсімдік шикізатының классификациясы. Дәрілік жинақтар. Ұсақталған дәрілік өсімдік шикізатын стандарттау және сертификаттау, дәрілік жинақтарды талдау. Фармацевтикалық тәжірибеде шикізат пен өсімдік тектес дәрілік заттарды қолдану.

Мақсаты: Отандық және халықаралық стандарттарға сәйкес дәрілік заттардың технологиялық жабдықтары мен сапасын бақылау құрылғыларын таңдау бойынша білім мен дағдыларды қалыптастыру. Мазмұны: Технологиялық жабдықтың классификациясы. Қатты, жұмсақ және газ тәрізді дәрілік формаларды алуға арналған типтік технологиялық қондырғылар. Жетекші фармацевтикалық инжиниринг компанияларының инновациялық жабдықтары. Фармацевтикалық технологияларды дамытудың заманауи тенденциялары. Шикізаттың, аралық материалдардың және дайын өнімнің сапасын бақылауға арналған озық заманауи аналитикалық жабдық.

Мақсаты: Студенттерде экстракциялық препараттарды жасау, өндіру және стандарттау бойынша жүйелі білім, дағдыларды қалыптастыру. Мазмұны: Экстракциялық дәрілік препараттар. Фармацевтикалық өндірістің негізгі даму тенденциялары. Өнеркәсіптік реттеу. Алкоголиметрия. Хош иісті және емдік сироптар. Биогенді стимуляторларды кептіру, экстракциялау, препараттарды алудың теориялық негіздері. Дәрілік шикізатты алу әдістері. Технологияның ерекшеліктері, жеке заттарды тазарту және оқшаулау. Дайын дәрілік заттарды өндірудің технологиялық процесін басқару және экстракциялық препараттарды өндірудің технологиялық процесін жүргізу.

Мақсаты: Студенттердің дәрілік өсімдіктер, дәрілік өсімдік шикізаты және өсімдік және жануар текті алғашқы өңдеудің кейбір өнімдері туралы білімдерін қалыптастыру. Мазмұны: Биологиялық белсенді қосылыстардың жіктелу принциптері. Дәрілік өсімдіктердің фитохимиясы. Табиғи дәрілік заттардың классификациясы және номенклатурасы. Шикізатты фитохимиялық талдау, дәрілік формалар. Өндіріс технологиясы және химиялық дәрілік табиғи заттардың қасиеттері. Фитохимиялық өндірістің дәрілік түрлерін бөліп алу және талдау. Өсімдіктерден дәрілік заттарды өндірудегі химиялық-технологиялық процестерді модельдеу.

Мақсаты: Химиялық және фармацевтикалық өндірістің типтік процестері мен құрылғыларының теориялық негіздері туралы білімдерін қалыптастыру, оларды есептеу және құрастыру қабілеттерін дамыту. Мазмұны: Гидростатика мен гидродинамиканың теориялық негіздері. Модельдеу. Гидромеханикалық процестер: тұндыру, сүзу, центрифугалау, сұйықтандыру. Механикалық процестер: ұнтақтау, ұсақтау, қатты материалды жіктеу. Жылу процестері және құрылғылар. Жылу беру. Молекулалық және конвективті масса алмасу. Масса алмасу процестері мен аппараттары: абсорбция, ректификация, экстракция, адсорбция, кептіру, кристалдану. мембраналық процестер.

Мақсаты: Әр түрлі дәрілік заттардың технологиясы, қатты, жұмсақ, сұйық және газ тәрізді дәрілік формаларды алуға арналған құрал-жабдықтар туралы білім негіздерін қалыптастыру. Биофармация түсінігі, дәрілік заттың емдік тиімділігіне әсер ететін фармацевтикалық факторлар. Мазмұны: Дайын дәрілік заттар мен жартылай фабрикаттарды өндірудің технологиялық процесін ұйымдастыру және жүзеге асыру. Таблеттеу машиналары, олардың жұмыс істеу принципі, таблеткаларды қабықпен қаптау. Аэрозольдерді алудың технологиялық процесі. Биофармация дәрілік технологияның ғылыми бағыты ретінде. Биофармацевтикалық дәрілік препараттардың өндіріс процестерін талдау және жаңа препараттарды зерттеу.

Мақсаты: нарықтық жағдайда кәсіпорынның жұмыс істеуінің экономикалық механизмін зерделеу негізінде инженерлік-экономикалық есептеулерді орындаудың экономикалық ойлауы мен практикалық дағдыларын дамыту. Мазмұны: Инженерлік экономика, курстың мақсаты мен міндеттері. Кәсіпорынның негізгі белгілері, міндеттері мен функциялары. Кәсіпорынның негізгі және айналым капиталы. Кәсіпорын қызметкерлері. Кәсіпорындағы еңбек ақы. Кәсіпорынның инвестициялық және инновациялық қызметі. Кәсіпорынның өндірістік қызметін жоспарлау. Кәсіпорынның маркетингтік қызметі. Өндіріс шығындары және өнімнің өзіндік құны. Пайда және пайдалық. Кәсіпорын қызметінің экономикалық тиімділігі.

Мақсаты: Жалпы химиялық және физикалық заңдылықтар, алу әдістері, құрылымы, физикалық және химиялық қасиеттері туралы білімдерін қалыптастыру, химиялық құрылымның фармакологиялық белсенділікпен байланысы және дәрілік заттарды талдау әдістерін әзірлеу. Мазмұны: Синтетикалық препараттардың классификациясы және номенклатурасы. Синтетикалық препараттарды іздеудің негізгі бағыттары. Дәрілік бейорганикалық және органикалық агенттердің химиясы және технологиясы. Химиялық құрылым мен фармакологиялық белсенділіктің өзара байланысы. Өнеркәсіптік алу әдістері. Дәрілік заттардың өндірісін фармацевтикалық бақылау. Синтетикалық препараттарды синтездеу және талдау.

Мақсаты: Маркетинг қызметін жоспарлау және талдау дағдыларын қалыптастыру. Маркетингтік жағдайларды талдай білу. Мазмұны: Өндірісті ұйымдастыру және басқару мәселелері. Нарық жағдайында технологиялық өндірісті ұйымдастыру мен басқарудыдың мазмұны мен айрықша белгілері. Фармацевтикалық өнеркәсіпті интенсификациялаудағы өндірісті ұйымдастыру мен басқарудың рөлі. Маркетингтік қызметтің негіздері. Фармацевтикалық нарықтағы маркетингтік қызмет.

Мақсаты: Белсенді дәрілік заттарды ағзалар мен тіндерге олардың жанама әсерлерін азайту мақсатында мақсатты түрде жеткізумен заманауи дәрілік формаларды құру мақсатында резиденттер арасында нанотехнология саласындағы білім мен дағдыларды дамыту. Мазмұны: Нанотехнологияның негізгі міндеттері, химиялық, механикалық, физикалық заңдылықтарды дәрілік заттар өндірісінде қолдану мақсатында анықтау. Дәрілік заттарды жасау жолдарын жетілдіру; сабақтас ғылымдарды ескере отырып, дәрілік заттарды өндіру әдістерін құру. Жаңа көмекші заттарды іздеу, оларды минимум жанама әсерлермен тиімдірек ету, дәрілік заттардың тұрақтылығын зерттеу және олардың жарамдылық мерзімін белгілеу; осындай қорларды өндірудің технологиялық процестерінің тиімділігін зерттеу.

Мақсаты: Синтетикалық препараттардың классификациясы, синтетикалық препараттарды алу әдістері және оларды талдау ерекшеліктері туралы білімдерін қалыптастыру. Мазмұны: Синтетикалық препараттардың классификациясы. Синтетикалық препараттарды іздеудің негізгі бағыттары. Дәрілік заттардың өндірісіне және сапасын бақылауға Тиісті өндірістік тәжірибелер (GMP) талаптарын қолдану. Дәрілік заттарды стандарттау және метрология. Синтетикалық препараттар мен қосалқы заттарды ұтымды іріктеуді жүзеге асыру. Синтетикалық препараттарды талдау

Мақсаты: Студенттердің медициналық мақсаттағы полимерлер саласындағы мәселелерді түсінуге, қазіргі дәрілік формаларға және оларды жасау үшін қолданылатын көмекші заттарға байланысты құзыреттерін қалыптастыру. Мазмұны: Фармациядағы полимерлі заттар, олардың физикалық-химиялық қасиеттері және әр түрлі дәрілік формаларда қолданылуы: қатты дәрілік формаларда жағымсыз дәмді кетіру, дезодорациялау, ылғалдан қорғау, атмосфералық оттегінен қорғау, дәрілік заттардың әсер ету ұзақтығын реттеу, дисперсиялық орта ретінде сұйық дәрілік формаларды өндіруде. Қоюландырғыштар, тұрақтандырғыштар, эмульгаторлар, диспергаторлар, солюбилизаторлар қызметін атқаратын суда еритін полимерлер.

Мақсаты: Фармацевтика ғылымындағы жаңа бағыт ретінде биофармация туралы білім негіздерін қалыптастыру. Әр түрлі дәрілік формалардағы дәрілік заттардың биологиялық белсенділігінің айырмашылығы туралы түсініктер алу. Мазмұны: Биофармацевтикалық талдау дәрілік технологияның ғылыми бағыты ретінде. Дәрілік заттардың емдік тиімділігіне фармацевтикалық факторлардың әсері. Дәрілік заттардың биожетімділігі «invitro» және «invivo» эксперименттерінде. Дайын дәрілік заттарды биофармацевтикалық талдау. Биофармацевтикалық препараттарды өндіру процестерін талдау және биофармацевтикалық препараттарды талдау.