6B10109 Медицина в Марат Оспанов атындағы Батыс Қазақстан медицина университеті

Білім алушыларға адам организмін және оны қоршаған ортаны зерттеуге толық физикалық-химиялық, табиғи ғылымдық ұстаныммен қарауды қалыптастыру және тірі организмде жүретін маңызды биохимиялық үдерістердің және әр түрлі тепе-теңдік түрлерінің химиялық және физикалық-химиялық аспектілерін негіздеу.

Тірі ағзадағы химиялық үдерістер және олардың аурулар мен дәрі-дәрмектер қабылдау барысындағы биохимиялық аспектілермен байланысы туралы білім мен түсінік қалыптастыру, медициналық химияда зерттеу дағдыларын дамыту.

Пән адам ағзасының анатомиялық құрылымын зерттейді, ол мүшелердің бір-бірімен топографиялық-анатомиялық байланысын, олардың клиникалық аспектілермен байланысын қамтиды. Студенттерге медициналық практикаға қажетті іргелі білім береді.

Пән жасуша құрылымының жалпы заңдылықтарын, дененің барлық тіндерінің құрылымын, адамның эмбриональды дамуын, гистологиялық зерттеу әдістерін, микроскопиялық дағдыларды зерделейді

Зат алмасулың молекулалық аспектілері, метаболизм жолдарын реттеу және метаболизмнің бұзылуы мен аурулар арасындағы байланыс, зат алмасуға қатысатын органдардың физиологиясы туралы іргелі білім зерттеледі, биохимиялық талдауларда практикалық дағдылар пысықталады.

Пәнді оқу білім мен дағдыларды дамытуға, медицинадағы негізгі статистикалық тұжырымдаманы қабылдауға, зерттеу нәтижелерінің клиникалық және статистикалық маңыздылығына бағытталған. Биологиялық статистика негіздері және зерттеулерде қолдану, сипаттамалық және аналитикалық статистика құралдары, медициналық-биологиялық зерттеулердің түрлері мен ерекшеліктері туралы білім алу кәсіби қызметті тиімді жүзеге асыруға одан әрі ықпал етеді.

Пән эксперименттік және клиникалық физиологиядағы негізгі әдіснамаларды, микроорганизмдердің биологиялық қасиеттерін және микробиологиялық зерттеу әдістерін зерделеуді және алынған нәтижелерді клиникалық қызметте қолдану үшін түсіндіруді қамтиды.

Дисциплина студенттердің жүйке жүйесі мен сезім мүшелерінің морфологиялық және физиологиялық негіздері, нейрондардың жұмыс істеу механизмдері мен жүйке сигналдарының берілуі туралы білімін қалыптастыруға бағытталған. Курстың мазмұны бас және жұлын миының, перифериялық жүйке жүйесінің құрылымы, қызметтері мен биохимиялық процестерін, сондай-ақ жүйке жүйесінің организм функцияларын реттеудегі рөлін оқып-үйренуді қамтиды, бұл клиникалық пәндерді меңгеруге негіз болады. Дисциплина шеңберінде эксперименттік және клиникалық физиологияның негізгі әдістемелері, сондай-ақ алынған нәтижелерді медициналық практикада қолдану үшін оларды интерпретациялау ерекшеліктері қарастырылады. Сонымен қатар, адамның қимыл жүйесінің физиологиясына ерекше назар аударылады: студенттер қозғалысты бақылау механизмдерін талдауды, қимыл белсенділігін бағалауды, бұлшықеттер мен буындардың жағдайын анықтауды үйренеді

Тұқым қуалаушылық механизмдерінің молекулалық және жасушалық негіздері, адамның эмбриональды даму заңдылықтары, дамудың маңызды кезеңдері, диагностиканың қазіргі молекулалық-генетикалық әдістері, көбею органдарының морфологиясы, гаметогенез үдерістері, ерлер мен әйелдердің жыныс жүйесі мүшелерінің гистологиялық құрылымы зерттеледі.

Пән тағамдағы көмірсулардың, липидтердің, ақуыздардың және нуклеопротеидтердің қорытылуы мен сіңу кезеңдерін, сондай-ақ осы үдерістің бұзылу көріністерін зерттейді. Студенттер асқазан-ішек жолдары ауруларының патогенезін зерттейді, сонымен қатар күнделікті энергия шығындарын есептейді, тамақтану рационын жасайды, есептейді және бағалайды, сонымен қатар үйлестірілген тамақтану бойынша ұсыныстар береді.

Жүрек-қантамыр жүйесінің қалыпты жағдайдағы эмбриогенезі және ауытқулары, макро-микроқұрылымның, физиологиялық үдерістердің жасқа байланысты ерекшеліктері зерттеледі.

Пән ас қорыту органдарының морфологиялық аспектілерін физиологиямен және тағам гигиенасымен біріктіреді. Ас қорыту жүйесінің морфофункционалды сипаттамаларына, ас қорыту және сіңіру үдерістеріне, тағам гигиенасы мен санитарлық сараптама негіздеріне басты назар аударылады. Студенттер тағамның сапасын және клиникалық пәндерде қолданылатын санитарлық нормаларға қойылатын талаптарды бағалайды.

Ағзаның реттеуші жүйелерін ұйымдастырудың жалпы принциптері; гомеостазды қамтамасыз етудегі реттеу жүйелерінің, нейро-эндокриндік қатынастардың механизмі мен рөлі; эндокриндік жүйе мүшелерінің гистологиялық құрылымы және оның жұмысын қамтамасыз ететін физиологиялық процестер, қанның физика-химиялық константалары, олардың гомеостаздағы маңызы; нефрон функциясының негізгі механизмдерін және зәр түзілудің, зәр шығарудың жүйке және гуморальды реттелуін зерделейді..

Жалпы гигиена - қоршаған орта факторларының адам денсаулығына әсерін зерделеуге, сондай-ақ олардың зиянды әсерін бағалауға және болдырмауға бағытталған пән. Пән санитарлық-гигиеналық нормалауды, профилактикалық іс-шараларды ұйымдастыруды және халықты сауықтыру бойынша ұсынымдар әзірлеуді қамтиды. Пән шеңберінде дәрігерлермен кейіннен халықтың санитариялық-эпидемиологиялық салауаттылығын қамтамасыз ету және салауатты өмір салтын қалыптастыру үшін гигиеналық зерттеулер мен санитариялық-гигиеналық сараптама жүргізу әдістері зерделенеді.

Адам ағзасы үшін жүйенің макро-, микро-құрылымы тұрғысынан тыныс алу жүйесінің рөлі, қалыпты және әртүрлі экологиялық және гигиеналық факторлар барысындағы тыныс алу жүйесінің рөлі, аденозинтрифосфор қышқылын синтездеудің негізгі механизмі ретінде тіндердің тыныс алуының тиімділігі оқылады.

Пән жалпы патологиялық үдерістер мен тұқым қуалайтын аурулар барысындағы морфологиялық өзгерістердің негізгі принциптері мен механизмдерін, ішкі ағзалар ауруларының семиотикасы мен диагностикасы және жалпы фармакология негіздері туралы түсінік береді.

Пропедевтикалық хирургиялық пәнді оқу барысында жалпы хирургия және топографиялық анатомия, хирургиялық науқасты клиникалық тексеру және емдеу негіздері туралы білім мен түсінік қалыптасады.

Жүрек-қан тамырлары жүйесінің зақымдануының негізгі белгілері мен синдромдарының этиологиясын, патогенезін және морфогенезін білу және түсіну. Патологиялық үдерістің мүше және тін деңгейіндегі дифференциалды диагностикасы. Қан айналымы мүшелері зақымдануының семиотикасы және зерттеудің негізгі әдістерімен жүрек-қантамыр жүйесін зерттеу әдістемесі. Қан айналымы мүшелерінің патологиясы синдромдарының диагностикасы. Аспаптық зерттеу әдістерінің диагностикалық маңызы. Жүрек-тамыр жүйесінің жұмысына әсер ететін дәрілерлік заттар.

Білім алушы иммундық жүйенің құрылымын, жұмыс принциптерін және иммундық жауап механизмдерін; туа біткен және бейімделген иммунитеттің механизмдерін, патогендерден қорғану барысында ағзада болатын иммунобиологиялық үдерістерді; иммундық жүйенің жасушалары мен молекулаларымен патогендерді бейтараптандырудың негізгі механизмдерін, иммундық жауаптардың дамуы барысында иммундық жүйе жасушаларының өзара әрекеттесуін түсінетін болады.

Тыныс алу мүшелері зақымдануының негізгі белгілері мен синдромдарының этиологиясын, патогенезін және морфогенезін білу және түсіну. Патологиялық үдерістің мүше мен тін деңгейіндегі дифференциалды диагностикасы. Тыныс алу органдарының зақымдануының семиотикасы және әртүрлі жастағы ересектер мен балалардағы негізгі зерттеу әдістерімен тыныс алу жүйесін зерттеу әдісі. Тыныс алу органдарының патологиясы синдромдарының диагностикасы. Аспаптық зерттеу әдістерінің диагностикалық маңызы. Тыныс алу мүшелерінің қызметіне әсер ететін дәрілік құралдар.

Эндокриндік жүйенің бұзылуындағы негізгі белгілер мен синдромдардың этиологиясы, патогенезі және морфогенезі. Патологиялық үдерістің мүше мен тін деңгейіндегі дифференциалды диагностикасы. Эндокриндік жүйенің зақымдануының семиотикасы және зерттеудің негізгі әдістерімен зерттеу әдістемесі. Ересектер мен әртүрлі жастағы балалардың эндокриндік жүйесі патологиясының синдромдарының диагностикасы. Зат алмасу үдерістерін реттейтін дәрілік заттар.

Тірек-қимыл жүйесі мен терінің зақымдануының негізгі белгілері мен синдромдарының этиологиясы, патогенезі және морфогенезі. Патологиялық үдерістің мүше мен тін деңгейіндегі дифференциалды диагностикасы. Тірек-қимыл жүйесі мен тері зақымдануының семиотикасы, зерттеудің негізгі әдістерімен зерттеу әдістемесі. Ересектер мен әртүрлі жастағы балалардағы тірек-қимыл жүйесі мен тері патологиясы синдромдарының диагностикасы. Аспаптық зерттеу әдістерінің диагностикалық маңызы. Тірек-қимыл жүйесі мен терінің қызметіне әсер ететін дәрілік заттар.

Қан түзу жүйесінің зақымдануының негізгі белгілері мен синдромдарының этиологиясы, патогенезі және морфогенезі. Патологиялық үдерістің мүше мен тін деңгейіндегі дифференциалды диагностикасы. Қан түзу мүшелері зақымдануының семиотикасы және зерттеудің негізгі әдістерімен зерттеу әдістемесі. Ересектердегі және әртүрлі жастағы балалардағы қан түзу жүйесі патологиясы синдромдарының диагностикасы. Қан түзу мүшелері патологиясының клиникалық және зертханалық диагностикасы. Қан түзу жүйенің жұмысына әсер ететін дәрілік заттар.

Микроорганизмдердің биологиялық қасиеттерін, микро- және макроорганизмдердің өзара әрекеттесу заңдылықтарын, эпидемиологиялық анамнездің рөлі мен маңыздылығын, морфологиялық өзгерістердің макро және микроскопиялық сипаттамаларын, микробиологиялық диагностикалық іздеу принциптерін түсіну; инфекциялық ауруларды диагностикалай алу, дифференциалды диагностика жүргізе алу, дәрілік заттармен емдей алу, балалар мен ересектердің жұқпалы ауруларының алдын алу және бақылау.

Бүйрек функциясының бұзылуының этиологиясы мен патогенезі, соның ішінде жедел және созылмалы бүйрек жеткіліксіздігі, диурездің сандық және сапалық өзгерістері, балалар мен ересектердегі жыныстық және репродуктивті жүйелердің дамуының бұзылуындағы жыныстық жүйенің патофизиологиясы және гормоналды бұзылулары, зақымдануларды диагностикалау әдістері мен семиотикасы, су-тұз алмасуына әсер ететін және несеп-жыныс инфекцияларында қолданылатын дәрілер зерделенеді. Визуалды зерттеу әдістері, зәрді клиникалық зерттеу және зәр шығару жүйесінің патологиялық синдромдарының зертханалық диагностикасы.

Жүйке жүйесінің зақымдануының негізгі белгілері мен синдромдарының этиологиясы, патогенезі және морфогенезі. Патологиялық үдерістің мүше мен тін деңгейіндегі дифференциалды диагностикасы. Жүйке жүйесінің зақымдануының семиотикасы және зерттеудің негізгі әдістерімен зерттеу әдістемесі. Ересектердегі және әртүрлі жастағы балалардағы жүйке жүйесі патологиясы синдромдарының диагностикасы. Орталық жүйке жүйесінің қызметін реттейтін дәрілік заттар.

Ас қорыту жүйесі бұзылуының негізгі белгілері мен синдромдарының этиологиясын, патогенезін және морфогенезін білу және түсіну. Патологиялық үдерістің мүше мен тін деңгейіндегі дифференциалды диагностикасы. Ас қорыту жүйесі бұзылуының семиотикасы және ас қорыту жүйесін зерттеудің негізгі әдістерімен зерттеу әдістемесі. Ас қорыту патологиясы синдромдарының диагностикасы. Аспаптық зерттеу әдістерінің диагностикалық маңызы. Ас қорыту жүйесінің жұмысына әсер ететін дәрілік заттар.

Бронх-өкпе жүйесінің аурулары және кеуде қуысы патологиясы; рационалды фармакотерапия мен дәлелді медицина туралы заманауи түсініктерді ескере отырып, диагностиканың заманауи әдістері, клиникалық критерийлер, зерттеулер мен емдеу зерделенеді. Пән стандарттарға сәйкес дәрі-дәрмек терапиясын да, хирургиялық әдістерді де қамтиды.

Интеграцияланған пән балалар ауруларының пропедевтикасын, балалар тамақтануы мен инфекцияларының ерекшеліктерін зерттейді. Білім алушылар аурудың белгілерін анықтауды, оларды тиімді емдеуді және балалар арасында таралуын болдырмауды, сондай-ақ балалардың денсаулығы мен оңтайлы дамуына ықпал ете отырып, дұрыс күтім мен тамақтануды ұйымдастыруды үйренеді.

Пән студенттерге туберкулезді зерттеу мен емдеудің заманауи аспектілерін үйретеді. Оқу барысында студенттер туберкулездің этиологиясын, патогенезін және диагностикасын, сондай-ақ аурудың алдын алу және емдеу әдістерін зерделейді. Медициналық тексерулерді ұйымдастыруға және фтизиатрлармен бірлесіп әрекет етуге ерекше назар аударылады.

Хирургиялық патологиясы бар балаларға клиникалық диагноз қою кезінде клиникалық ойлаудың негіздері қалыптасады, балаларды тексеру кезінде коммуникативті және клиникалық дағдыларды меңгереді және медициналық құжаттарды дұрыс толтырады. Мемлекеттік деңгейде әзірленген профилактикалық іс-шаралар кешенін және балаларға шұғыл және жоспарлы хирургиялық көмек көрсету мәселелерін білетін болады.

Білім алушы ересектер мен балалардағы эндокриндік аурулардың этиологиясы мен патогенезін, жіктелуін және клиникалық көрінісін; зерттеудің жалпы және арнайы әдістерін білетін болады. Науқасты объективті тексеру, диагноз қою, эндокриндік жүйе ауруларын дифференциалды диагностикалау және емдеу әдістемесі бойынша білім мен дағдыларды меңгереді; эндокриндік хирургия және сүт бездерінің патологиясы бойынша заманауи ақпарат алады. Клиникалық ойлау қалыптасады, жалпы медициналық және хирургиялық дағдыларға ие болады.

Пәнді оқу барысында студенттер пульмонология, кардиология және фтизиатрия салаларында жиі кездесетін аурулардың этиологиясы, патогенезі, жіктелуі және клиникалық белгілері бойынша заманауи тәсілдерге қатысты жүйелі білім алады. Пәнді меңгеру процесінде студенттер клиникалық көрініс пен диагноз қою өлшемдерін, зертханалық және аспаптық диагностикалау әдістерін зерттейді, дифференциалды диагностика жүргізу принциптерін және аталған нозологиялар бойынша дәлелді медицинаға негізделген ұтымды фармакотерапияны қолдануды игереді.

Морфологиялық талдауға кіріспе; микроскопиялық бейнелерді өңдеудің негіздері; деректерді интерпретациялау және визуализациялау

Пән теориялық білімдер мен практикалық дағдыларды біріктіре отырып, жеке стресске төзімділікті, эмоциялық құзыреттілікті және қоршаған ортамен тиімді өзара әрекеттесуді дамытуға бағытталған. Бұл білімдер мен дағдылар студенттерге жеке тиімділікті және кәсіби өнімділікті арттыруға көмектеседі.

Жасанды интеллект негіздері бойынша теориялық білімдерін қалыптастыру, денсаулық сақтауда жасанды интеллектті қолдану, Python бағдарламалау тілінде жұмыс істеу дағдылары, ғылыми талдау дағдылары және оларды тәжірибеде қолдану.

Пән студенттерді клиникалық сұрақтар құрастыруға, ғылыми дереккөздер мен медициналық ақпаратты іздеп, сыни бағалауға және ғылыми зерттеулерде биоэтикалық нормаларды сақтауға үйретеді. Шешім қабылдау, кәсіби жауапкершілік, ғылыми ойлау және этикалық бағалау дағдыларын қалыптастырады. Студенттер дәлелдерді, клиникалық тәжірибені және пациенттің құндылықтарын біріктіруді үйренеді.

Пән әйелдердің репродуктивті жүйесі ауруларының, оның ішінде онкологиялық аурулардың әртүрлі клиникалық көріністерін зерттейді. Ақ етеккір синдромы, жамбас ауруы, бедеулік, етеккір циклінің бұзылуы және жыныс мүшелерінен қан кету сияқты белгілер барысында дифференциалды диагностика әдістері зерделенеді, рационалды фармакотерапия мен дәлелді медицина туралы заманауи түсініктерді ескере отырып, терапия принциптері қамтылады.

Пән зертханалық зерттеулердің нәтижелерін тағайындауға, бағалауға және қолдануға қатысты негізгі тәсілдерді көрсетеді, оны дәрігер өз тәжірибесінде басшылыққа алуы керек, зерттелген индикаторлардың критикалық мәндерін ескере отырып, медициналық көмек көрсету үшін жедел әрекеттерді қажет етеді

Бала көтеруге, жүктілікке, босануға және босанғаннан кейінгі кезеңге байланысты әйел денесінде болатын физиологиялық және патологиялық үдерістер, сондай-ақ жүкті әйелдерді, жаңа босанған әйелдерді, жаңа туған нәрестелерді тексеру әдістері оқылады, босану әдістері, жүктілік пен босанудың асқынуларының, ұрық пен жаңа туған нәрестенің ауруларының алдын алу және емдеу әдістері меңгеріледі.

Пәнді зерделеу ұтымды тамақтанудың теориялық негіздерін, тамақтанудың бұзылуының негізгі синдромдарын, тамақтанудың зат алмасуға әсерінің ерекшеліктерін және ағзалар мен жүйелердің функционалдық жай-күйін білуді қалыптастырады. Нақты тамақтануды зерделеу және тамақтанудың әртүрлі теорияларының оң және теріс жақтарын айтып түсіндіру кезінде халыққа сұхбат жүргізу дағдылары игерілетін болады.

Пәнді оқу барысында студенттер бүйрек және зәр шығару жолдарының жиі кездесетін ауруларының этиологиясы, патогенезі және клиникалық көрінісі туралы өзекті ақпараттарды игереді. Студенттер зертханалық-аспаптық диагностиканың заманауи әдістері туралы білім алады, дифференциалды диагностика жүргізу дағдыларын, заманауи классификацияларды қолдана отырып диагнозды тұжырымдауды, сондай-ақ дәлелді медицина және ең жақсы клиникалық практика принциптеріне сәйкес емдеу жоспарын құруды меңгереді.

Білім алушыларда әртүрлі бейіндегі емдеу мекемелерінде медициналық көмек көрсете отырып, инфекцияның пайда болуы мен таралуының экологиялық-эпидемиологиялық ерекшеліктері мен заңдылықтары, жекелеген эпидемияға қарсы іс-шаралардың әлеуетті тиімділігіне сәйкес МКБИ-ға эпидемиологиялық қадағалау жүргізу дағдылары және профилактикалық және эпидемияға қарсы іс-шаралардың эпидемиологиялық диагностикасының нәтижелерін бағалау туралы қазіргі заманғы түсініктерді қалыптастыру.

Медициналық психология студенттерге аурудың пайда болуы, диагностикасы, лечения және алдын алу мәселелеріне психологиялық білімді қолдану мүмкіндіктерін ашады. Осы пәнді оқу нәтижесінде білім алушыларда науқасты психологиялық тексерудің, психологиялық мәртебені сипаттаудың, психикалық бұзылулардың психотерапия принциптерінің маңызды кәсіби дағдылары қалыптасады

Пән токсикологияның негізгі мәселелері туралы білімді дамытуға, өндірістік жағдайларда кездесетін зиянды химиялық заттардың ағзаға әсерін зерттеуге бағытталған. Жұмысшылардың ағзасына әсер ететін зиянды заттар адам ағзасына түскен кезде кәсіптік немесе өндірістік уланулар ретінде қарастырылуы керек, олар айқын кәсіптік ауруларға да, уақытша компенсацияланған бұзылуларға да, жалпы спецификалық емес аурушаңдықтың жоғарылауына және қоршаған орта факторларының әсеріне организмнің төзімділігінің төмендеуіне әкелуі мүмкін.

Бұл пән көз ауруларын диагностикалау мен емдеуді зерделеуге бағытталған. Ол симптомдар мен синдромдарды талдауды, фармакотерапия әдістерін зерттеуді және ықтимал хирургиялық араласулармен танысуды қамтиды.

Білім алушы медициналық практиканы реттеу нормалары мен ережелерін, медицина қызметкерлері мен пациенттердің құқықтары мен міндеттерін қоса алғанда, медициналық құқық туралы білімді меңгереді. Медициналық қызметке байланысты құқықтық мәселелерді талдап, шеше алады. Медициналық сараптама контекстінде сот органдарымен жұмыс істеу және сот процестеріне қатысу дағдыларын меңгереді. Сонымен қатар диагностика, морфология, механо- және танатогенез мәселелерін оқытады.

Онкологиялық диагноз қою кезіндегі клиникалық ойлау негіздері, пациенттерді тексеру кезіндегі коммуникативтік және клиникалық дағдылар және онкологиялық стационарлар мен емханаларда медициналық құжаттаманы дұрыс толтыру зерделенеді, мемлекеттік деңгейде әзірленген профилактикалық іс-шаралар кешені, сондай-ақ қатерлі ісік биологиясы мен канцерогенез мәселелері бойынша соңғы ғылыми деректер зерделенеді.

Оториноларингология саласындағы ең көп таралған аурулар, рационалды фармакотерапия және дәлелді медицина туралы заманауи идеяларды ескере отырып, диагностика және емдеу әдістері зерделенеді. Курс сонымен қатар ықтимал хирургиялық араласуларды зерттеуді қамтиды.

Тері, венерологиялық, паразиттік және жұқпалы ауруларды клиникалық диагностикалау үшін қажетті білім, біліктер мен дағдылар, ұтымды фармакотерапия және дәлелді медицина бойынша қазіргі заманғы идеяларды ескере отырып, этиотропты және патогенетикалық емдеуді тағайындау қағидаттары зерделенеді.

Кең таралған неврологиялық ауруларды біледі және диагностика мен ем жүргізе алады; неврологиялық пациенттерді тексеру мен емдеудің заманауи әдістерін біледі; неврологиялық тексеру жүргізуге және пациенттің жүйке жүйесінің жағдайын бағалауға қабілетті; пациенттердің денсаулығын жақсарту үшін неврологиялық ауруларды ерте анықтау мен тиімді емдеудің маңыздылығын түсінеді.

Білім алушы оқуды аяқтағаннан кейін психиатрия мен наркологияның негізгі ұғымдары мен принциптерін білуге және түсінуге; психикалық бұзылулар мен наркологиялық жағдайларды диагностикалау қабілетіне; жыныстық бағдар мәселелерін зерттеумен сексопатология негіздері, сонымен қатар психикалық және наркологиялық аурулары бар пациенттерді емдеу мен оңалтудың заманауи әдістерін білуге; психотерапиялық және наркологиялық іс-шараларды жүргізу қабілетіне; психикалық денсаулық пен нашақорлық проблемаларының қоғам мен пациенттер үшін маңыздылығын түсінуге қол жеткізеді.

«Травматология және ортопедия» «Хирургиялық аурулар» пәнінің негізгі бөлімдерінің бірі болып табылады. Осы пәннің аясында студент жарақат алған науқастан анамнез жинау, сүйек жүйесінің жарақаттары мен патологиясы бар науқасты физикалық тексеру, ауруды диагностикалау, науқастың жағдайын бағалау, шұғыл медициналық көмек көрсету бойынша білім мен дағдыларды меңгереді, сондай-ақ: - жараларды біріншілік хирургиялық өңдеу; - қан кетуді қысқа мерзімді және уақытша тоқтату; - аяқ-қолдың және омыртқаның сынуы кезіндегі көліктік иммобилизация; - әртүрлі жердегі сынықтарға гипс салу;

Пән асқорыту жүйесі ауруларының этиологиясы мен патогенезін, жіктелуі мен клиникалық көрінісін зерттейді, емдік диеталық тамақтану ережелері мен қағидаттарын, диета түрлерін қарастырады. Пән заманауи зертханалық және аспаптық диагностиканың әдістерін, дәлелді медицинаның тұрғысынан фармакотерапия қағидаларын қолдану бойынша білім мен дағдыларды қалыптастырады. Пән аясында студенттер әртүрлі патологияларға байланысты үлгілік мәзірлер құрастыруды үйренеді.

Асқазан-ішек жолдарының топографиялық анатомиясы және хирургиясы саласындағы негізгі білім беріледі. Бұл пәнді оқу барысында студенттер іштің ауруларын, оның ішінде ісіктер мен ісікке дейінгі жағдайларды диагностикалау, емдеу және алдын алу принциптері туралы біледі. Бұл пән сонымен қатар клиникалық ойлауды, дәрігер мамандығының этикалық аспектілерін және пациенттерді дәрігерлік тексеру дағдыларын дамытады.

Пән ең жиі кездесетін ревматикалық аурулардың этиологиясы мен патогенезіне, жіктелуіне және клиникасына қатысты заманауи ақпаратты қамтиды. Студенттер зертханалық және аспаптық диагностиканың заманауи стандарттарымен танысады және ревматикалық аурулардың клиникалық диагностикалық критерийлерін анықтауды үйренеді. Пән ревматикалық ауруларды диагностикалық іздестіру және дифференциалды диагностикалау алгоритмін, дәлелді медицина тұрғысынан фармакотерапия принциптерін қолдану бойынша білім мен дағдыларды дамытады.

Пән ағзаның қартаюының қазіргі заманғы аспектілерін, Қазақстанда паллиативтік көмек көрсетуді, оның ішінде емделмейтін пациенттердің физикалық және психикалық жағдайын бағалауды, коммуникативтік дағдыларды, созылмалы ауырсынуды және басқа да белгілерді басқару стратегияларын зерттейді. Сондай-ақ диагностиканы жақсарту және онкологиялық және гериатриялық аурулары бар науқастарға симптоматикалық терапияның ең тиімді бағдарламаларын таңдау үшін клиникалық ойлауды дамытуға ықпал етеді.

Бұл пән жедел және шұғыл медициналық көмек қызметін ұйымдастыру мен жұмыс істеуін қамтиды. Осының шеңберінде төтенше жағдайлар мен апаттар кезіндегі үштік жүйесі, пациенттерді ауруханаға жеткізгенге дейін диагностикалау және шұғыл көмек көрсету алгоритмдері қарастырылады. Ерекшелігі - студенттердің практикалық жұмысы, оның ішінде жедел медициналық көмек бригадаларымен шақыруларға шығу, рационалды фармакотерапияны және топтық жұмысты ескере отырып, клиникалық жағдайларды талдау және емдеу тактикасы.

Пән студенттерді анестезиология және реанимация негіздерімен таныстырады. Осы пән шеңберінде олар анестезиологиялық-реанимациялық қызметтің жұмысын ұйымдастыруды, анестезия және реанимация әдістерін, сондай-ақ реанимациялық көмек көрсетудің ерекшеліктерін зерделейді. Оқу үдерісі көпсалалы топта жұмыс істеу үшін қажетті теориялық білімді де, практикалық дағдыларды да қамтиды.

Пән халықтың денсаулығын алғашқы медициналық-санитарлық көмек (МСАК) деңгейінде сақтау тұжырымдамасын зерделейді. Бұл тәсіл денсаулықты нығайту мен алдын алудан бастап, қарым-қатынас дағдыларын ескере отырып, емдеуге, оңалтуға дейінгі көптеген іс-шараларды қамтиды. Дәлелді медицина принциптеріне негізделген рационалды фармакотерапияның заманауи әдістері де ескеріледі

Пәнді оқудың мақсаты кәсіби білім беру ұйымдарының студенттері арасында қаржылық сауаттылық пен жеке қаржыны басқару саласында қаржылық шешімдер қабылдаудың негізгі дағдыларын дамыту болып табылады. Қаржы саласында болып жатқан процестер мен құбылыстарды сипаттау үшін, экономикалық деректер мен қаржылық ақпаратты біріктіру үшін қолданылатын курстың негізгі ұғымдары мен терминдерін меңгеру; экономикалық салада болып жатқан проблемалар мен өзгерістерді талдауға, осы негізде дәлелді пайымдаулар жасауға және қабылданған шешімдердің ықтимал салдарын бағалай білуге мүмкіндік беретін функционалдық қаржылық сауаттылықты дамыту; дербес, экономикалық негізделген шешімдер қабылдау дағдыларын дамыту.

Ең жиі таралған жұқпалы ауруларды клиникалық диагностикалау үшін қажетті білім, білік және дағдылар, ұтымды фармакотерапия және дәлелді медицина туралы қазіргі заманғы идеяларды ескере отырып, этиотропты және патогенетикалық емдеуді тағайындау принциптері оқытылады

Аурулар мен еңбек жағдайлары арасындағы байланыс, қызметкерлердің медициналық-әлеуметтік сараптамасы, дәлелді медицина принциптерін ескере отырып, кәсіптік аурулардың алдын алудың, диагностикалаудың және емдеудің негізгі принциптері мен әдістерін қоса алғанда, жұмыс жағдайлары мен кәсіптік қауіпсіздікті жақсарту жөніндегі шаралар зерделенеді.

«Клиникалық фармакология» пәні студенттердің дәрілік заттардың клиникалық фармакологиясы бойынша білімін, дәлелді медицина деректерін пайдалана отырып, ұтымды фармакотерапияны негіздеу және жүргізу бойынша дәрігерлік клинико-фармакологиялық ойлауды, терапевттік науқастың патологиялық және физиологиялық бейінін ескере отырып, фармакотерапияның тиімділігі мен қауіпсіздігін арттыру үшін дәрілік заттарды және олардың дозаларын таңдауға дербестендірілген тәсілге негізделген клиникалық нұсқауларды (хаттамаларды, стандарттарды) дұрыс пайдалану туралы білімдерін қалыптастырудға және жетілдіруге бағытталған.

Пән әртүрлі жастағы пациенттерді МСАК жағдайында тексеру және емдеу алгоритмдерін зерттейді. Студенттер әртүрлі жас топтарындағы пациенттер үшін клиникалық дағдыларды қалыптастыруға және пациентке бағытталған медициналық тәжірибені жақсартуға ықпал ететін диагностика мен емдеудің тиімді әдістерін тәжірибеде қолдануды үйренеді

Қоғамдық денсаулық пен денсаулық сақтаудың негізгі принциптері, оның ішінде эпидемиология, аурудың алдын алу және медициналық көмекті ұйымдастыру, қоғамдық құрылымдармен өзара іс-қимыл, көшбасшылық және халықтың денсаулығы мен қоғамдық әл-ауқатты жақсарту үшін көпсалалы өзара іс-қимыл мәселелері зерттеледі

Тыныс алу мүшелерінің, жүрек-тамыр және зәр шығару жүйелерінің, асқазан-ішек жолдарының, ревматикалық және эндокриндік аурулардың жиі кездесетін ауруларын зерттейді. Анамнез жинауға, клиникалық көріністі диагностикалауға, белгілі бір аурудың зертханалық-аспаптық диагностикасының нәтижелерін түсіндіруге, ұқсас аурулармен дифференциалды диагностика жүргізуге, тиісті емдеуді тағайындауға қабілетті болады.

Пәнді оқу барысында білім алушыларда шұғыл хирургиялық көмекті қажет ететін іш және кеуде қуысының патологиялық үдерістерінің, несеп-жыныс жүйесінің, аяқ-қол тамырлары ауруларының себептері, жай-күйлері мен даму механизмдері туралы білім қалыптасады. Білім алушылар қажетті диагностикалық іс-шаралар, шұғыл рәсімдер, операциялар, әдістер мен технологиялар туралы түсінікке ие болады.

Пән ауызша және жазбаша түрде шет тілінде кәсіби қарым-қатынас дағдыларын дамытады. Ол әртүрлі әлеуметтік-мәдени және кәсіби контексттерде, оның ішінде оқу және ғылыми салаларда тиімді тұлғааралық өзара қарым-қатынас үшін қажетті білім мен дағдыларды және кәсіби сала мен академиялық жазбаға қатысты лексикалық тақырыптарды қамтиды.

Пән басқару психологиясының міндеттерін, оның тиімділігін арттыру мақсатында басқарушылық қызметтің психологиялық аспектілерін талдауды, менеджменттің негізгі функцияларын: жоспарлау, ұйымдастыру, мотивация, және бақылау, сондай-ақ басқару принциптері, шешім қабылдау процесі, адам ресурстарын басқару, топтық динамика және кикілжіңдердішешу әдістері және стресті тиімді жеңе білу, бұл ұзақ мерзімді табысты медициналық мансап үшін маңызды

Әмбебап және прогрессивті модельді қолдана отырып, жүкті әйелдер, жаңа туған нәрестелер мен сәбилерді үйде бақылауды ұйымдастыру принциптері оқытылады. ЮНИСЕФ ұсынған бұл модель балаларға қауіп төндіретін медициналық және әлеуметтік тәуекелдерді анықтауға және азайтуға, сондай-ақ отбасыларға міндетті түрде тәуекелсіз баруды азайтуға бағытталған.

Білім алушы оқу аяқталғаннан кейін денсаулық сақтаудағы менеджменттің негізгі принциптері мен әдістерін меңгереді, стратегиялық жоспарларды әзірлеуді, ресурстарды басқаруды және пациенттерге сапалы қызмет көрсетуді қамтамасыз етуді үйренеді. Сондай-ақ медициналық мекемелердің жұмысын оңтайландыру үшін көшбасшылық және әріптестермен тиімді қарым-қатынас дағдыларын меңгереді.