6B02126 Дизайн в Қ.А.Ясауи атындағы Халықаралық қазақ-түрік университеті

Пәндер

• Түрік тілі (А1)

  Бұл курс түрік тілінің бастапқы деңгейін оқуға арналған, "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастырады. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

  Оқу жылы - 1
  Семестр - 1
  Несиелер - 5
  

• Дизайн композиция

  Композиция пәнінің мақсаты — студенттерге дизайн объектілерінің визуалды құрылымын тиімді ұйымдастыруды үйрету, композицияның негізгі принциптері мен заңдылықтарын меңгерту арқылы шығармашылық ойлау және көркемдік шешім қабылдау қабілеттерін дамыту.

  Оқу жылы - 1
  Семестр - 1
  Несиелер - 4
  

• Түстану

  Түстану – түстердің теориясы мен тәжірибесін зерттейтін пән. Бұл курс кеңістіктегі түстерді қабылдаудың негізгі қағидаларын, олардың үйлесімділігін, композициядағы рөлін және колористика ерекшеліктерін түсіндіруге бағытталған. Пәннің мақсаты – студенттерді түстерді кәсіби түрде қолдануға, түстік шешімдер арқылы шығармашылық және композициялық ойлау қабілетін дамытуға үйрету.

  Оқу жылы - 1
  Семестр - 1
  Несиелер - 4
  

• Дизайн кескіндемесі І

  Пән білімгерлерді бейнелеу құралдары мен бояу түрлерінің тәсілдерін таныстыра отырып, дизайн кескіндемесіндегі әртүрлі техникалар мен технологияларындағы түс атаулары арқылы орындау амалдары мен ерекшеліктерін үйретеді. Білімгерлер дизайн кескіндемесіндегі сан алуан түстерді қолдану мен практикалық орындау тәсілдерін нығайтып, оны одан әрі дағдыларын қалыптастырып, нұсқадан нобайлар салуды орындайды.

  Оқу жылы - 1
  Семестр - 2
  Несиелер - 5
  

• Дизайн суреті І

  Пән заттың көлемінің өлшемдік пішінін жазықтық бетіне түрлендіріп, кескіндеу әдістерін меңгертеді. Білімгерлер қарапайым геометриялық денелердің пішінін үйреніп, тұрмыстық заттардан тұратын тақырыптық натюрморттарды, әр түрлі графикалық материалдарда кескіндеудің дизайнерлік әдіс-тәсілдерін меңгереді. Шығармашылық ерекшеліктерін түсініп, шығармашылық, ізденімпаздық, сыни тұрғыдан ойлау дағдыларын меңгереді.

  Оқу жылы - 1
  Семестр - 2
  Несиелер - 3
  

• Академиялық жазбаға кіріспе

  Пән академиялық жазбаның жанрлық ерекшеліктері мен құрылымын меңгеруге бағытталады. Білім алушылардың жазбаша ойды сауатты және жүйелі жеткізу, түрлі форматтағы академиялық мәтіндер (эссе, есеп, т.б.) құрастыру дағдылары дамытылады. Жазбаша тілдің лексикалық, грамматикалық және стилистикалық нормаларын сақтау, ресми-академиялық стильде жазу құзіреттіліктері қалыптастырылады. Академиялық адалдық қағидаттарын сақтай отырып, халықаралық ғылыми дерекқорларды және ғылыми журналдардың онлайн жүйелерін пайдалану дағдылары игеріледі. Академиялық жазбалармен жұмыс барысында жасанды интеллект технологияларын тиімді қолдану тәсілдері қарастырылады.

  Оқу жылы - 1
  Семестр - 2
  Несиелер - 3
  

• Түрік тілі (А2)

  Бұл курс түрік тілінің жалғастырушы деңгейін үйренуге арналған, "Шет тілін меңгерудің жалпыеуропалық құзыреттеріне" сәйкес А2 деңгейінде білім алушылардың практикалық дағдыларын дамытады. Курс білім алушылардың тілдік деңгейіне байланысты жазбаша (оқылым, жазылым) және тікелей ауызша (айтылым, тыңдалым) коммуникативтік дағдыларын дамытуға бағытталған. Пәнді оқу нәтижесінде білім алушы қарапайым күнделікті әлеуметтік тақырыптарда сөйлесе алады, қарапайым жағдайларды сипаттай алады.

  Оқу жылы - 1
  Семестр - 2
  Несиелер - 5
  

• Мататану

  Пән киімді жасауға қажетті барлық негізгі (мата) және көмекші материалдардың қасиеттерін (флизелин, астар, жіп, түйме, найзағай, т.б.) танытып, киімге сәйкес пайдалану білімін қалыптастырады. Білімгерлер талшық, иірілген жіп, матаның қалыптасуы, трикотаж және тоқыма маталар, тоқыма емес маталар, әрлеу және бояумен басып шығару әдістері (ою-өрнек және көмекші материалдар) зерттейді. Трикотажды, тоқылған және тоқыма емес маталарды анықтайды. Матаға қолданылатын әрлеу процестері мен бояу басып шығару әдістерін жалпы түрде түсінеді. Талшықтар мен маталарды олардың дизайнына сәйкес таңдайды.

  Оқу жылы - 2
  Семестр - 1
  Несиелер - 3
  

• Өнер тарихы

  Пән өнердің пайда болуы мен дамуын географиялық және хронологиялық кезеңдерін нақты материалдық-мәдениет объектілерімен түсіндіреді. Білімгерлер көркем шығарманы толық мәнді қабылдап, антикалық, классикалық, жаңа кезең өнері тарихының теориялық негіздерімен танысады. Әлемдік өнер дамуының хронологиялық мәліметтеріне бейімделіп, өнерде негізгі стильдік бағыттарды анықтайды. Өнер бағытындағы көркемдік терминологияны меңгереді.

  Оқу жылы - 2
  Семестр - 1
  Несиелер - 3
  

• Дизайн кескіндемесі ІІ

  Пән композициялық көркемдік тәсілдер мен заңдылықтарын үйретеді. Білімгерлер әр алуан техникалық әдістерімен құралдарын меңгертіп, бейнелеудің теориялық негіздерін талдап, қойылымға қарап оймен және елестету арқылы сурет салуды меңгереді. Нұсқадан нобайлар салу арқылы білімгерлер қабілеттерін нығайтып, оны одан әрі дағдыларын қалыптастырып, шығармашылық қызметтерін орындап, кескіндеме негіздерін игереді.

  Оқу жылы - 2
  Семестр - 1
  Несиелер - 4
  

• Түркі мемлекеттер тарихы

  Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

  Оқу жылы - 2
  Семестр - 1
  Несиелер - 3
  

• Ататүрік принциптері

  Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

  Оқу жылы - 2
  Семестр - 1
  Несиелер - 3
  

• Дизайн суреті ІІ

  Пән композицияның көркемдік тәсілдері мен заңдылықтарын үйретеді. Білімгерлер суреттің әр алуан техникалық әдістерімен құралдарын меңгеріп, адамды бейнелеудің теориялық негіздерін талдайды. Натураға қарап, оймен және елестету арқылы сурет салуды меңгереді. Графикалық қабілеттерін нығайтып, нұсқадан нобайлар салу арқылы көркем шығармашылық ойлау қабілетін дамытады.

  Оқу жылы - 2
  Семестр - 1
  Несиелер - 3
  

• Қаржылық сауаттылық

  Пән студенттердің қаржылық қатынастарының маңызды салаларын бейнелейтін негізгі қаржылық-экономикалық түсініктерді дамыту арқылы қаржылық сауаттылық негіздерін қалыптастырады. Сондай-ақ қаржылық нарықтағы тұтынушының, инвестордың, қарыз алушының, акционердің, салық төлеушінің, сақтандырушының, инвестордың әлеуметтік-экономикалық рөлін тиімді орындауға және тұтынушыларды пирамидалар мен қаржылық алаяқтықтан сақтандыруға бағытталған білім мен дағдыларды қалыптастырады.

  Оқу жылы - 2
  Семестр - 2
  Несиелер - 5
  

• Ғылыми зерттеу негіздері

  Пән студенттердің ғылыми зерттеушілік дайындығын тереңдетіп, ғылыми зерттеулерді ұйымдастыру және жүргізу дағдыларын қалыптастырады. Осы пәнді оқу барысында студенттер ғылыми әдебиеттермен өз бетінше жұмыс істеу және алған деректерді өңдеу әдістерін меңгереді. Пәнаралық зерттеулер арқылы өнердің пайда болуын, өркендеу-қалыптасу сатыларын, атқаратын қызметін, мәдениетпен және басқа да құбылыстармен арақатынасын нақтылайды.

  Оқу жылы - 2
  Семестр - 2
  Несиелер - 5
  

• Көшбасшылық теориясы

  Пән көшбасшылық қасиеттерді, стильдерді, әсер ету әдістерін тиімді қолдану арқылы адамдардың мінез-құлқы мен өзара әрекетін тиімді басқару әдістемесі мен практикасын қарастырады. Пән мамандарды іргелі даярлаудың алғышарты болып табылады және қызметтің белгілі бір принциптерін талап ететін өзінің күшті жақтары мен қоршаған ортаның мүмкіндіктерін ұтымды пайдалануға қабілетті, шығармашылық белсенді тұлғаның қалыптасуын қамтамасыз етуге арналған.

  Оқу жылы - 2
  Семестр - 2
  Несиелер - 5
  

• Дизайн суреті ІІІ

  Пән академиялық сурет салудың заңдылықтары мен техникасын үйрету үдерісін жүзеге асырады. Білімгерлер заттың көлемінің үш өлшемдік пішінін жазықтық бетіне бейнелеу әдістерін меңгереді. Дизайн саласындағы академиялық сурет салу элементтерін дұрыс қолдана біледі. Тәжірибеде әр-түрлі әдістер арқылы бейнелеуді, суреттің композициялық шешімін табып, суреттің айшықты құралдарының эмоциялық-мазмұндық аспектілері туралы түсінігін меңгереді.

  Оқу жылы - 2
  Семестр - 2
  Несиелер - 4
  

• Дизайн кескіндемесі ІІІ

  Пән дизайндағы кескіндеме жұмыстарын жүргізу барысында адам фигураларының кескіндемелік заңдылықтарына сәйкес бейнеленген қойылымды, тән ерекшеліктерін көрсетіп бейнелеуді меңгертеді. Білімгерлер дизайн кескіндемесінде қолданылатын образдарды кеңістіктің жазықтық пен тереңдігін беріп, акценттертерді тұрмыстың өнімі немесе өзгермелі сипатына қойып, деректі идеяларды суреттейді. Кескіндеме тәсілдері арқылы көркем образ жасап, кәсіби қызметін жеткілдіреді. Білім, іскерлік деңгейін игеріп, кескіндеменің айшықты құралдарының эмоциялық-мазмұндық аспектілері туралы түсінігін дамытады.

  Оқу жылы - 2
  Семестр - 2
  Несиелер - 5
  

• Жасанды интеллект негіздері

  Пән жасанды интеллект саласындағы (ЖИ) негізгі ұғымдарды, ЖИ технологияларының архитектурасы мен жұмыс істеу принциптерін, қолдану әдістері мен мүмкіндіктерін оқытады. Курсты оқу барысында білім алушылар ЖИ технологияларының теориялық және практикалық негіздерін меңгеріп, оларды құқықтық және этикалық нормалар аясында кәсіби салалардағы міндеттерді шешуде тиімді қолдану дағдыларын қалыптастырады.

  Оқу жылы - 2
  Семестр - 2
  Несиелер - 5
  

• Сыбайлас жемқорлыққа қарсы мәдениет негіздері

  Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

  Оқу жылы - 2
  Семестр - 2
  Несиелер - 5
  

• Экология және өмір қауіпсіздігі

  Пән білім алушыларда адамның қоршаған ортамен өзара іс-қимылы, экологиялық және техногендік тәуекелдер, тіршілік қауіпсіздігін қамтамасыз ету қағидаттары және қоғамның тұрақты дамуы тұжырымдамасы туралы білім жүйесін қалыптастырады. Білім алушы тұрақты даму мақсаттарын, инклюзивті орта ерекшеліктерін ескеріп, тіршілік әрекетінің қауіпсіздігін қамтамасыз ету жөніндегі іс-шараларды әзірлеуді және негіздеуді меңгереді. Төтенше жағдайлар мен тәуекелдерді бақылау, талдау және алдын алу құралдарын қолдануға дағдыланады.

  Оқу жылы - 2
  Семестр - 2
  Несиелер - 5
  

• Экономика, кәсіпкерлік және бизнес негіздері

  Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

  Оқу жылы - 2
  Семестр - 2
  Несиелер - 5
  

• Икемді дағдылар

  Пән адамның өзгермелі жағдайларға бейімделуге қажет икемді дағдыларды қалыптастырады. Курс барысында студенттер көпшілік алдында сөйлеу, презентация жасау, аудиторияның назарын аудару, сондай-ақ инклюзивті ортада тиімді қарым-қатынас жасау дағдыларын дамытады. Нәтижесінде студент проблемалардың басымдылықтарын анықтап, оларды шешуде креативті ойлауды және тәуекелдерді болжауды үйренеді. Сонымен қатар, студент өз мүдделері мен сұхбаттасушының мүдделері үшін екіжақты ақпарат алмасуды инклюзивті тәсілдерді ескере отырып тиімді қамтамасыз ете алады.

  Оқу жылы - 2
  Семестр - 2
  Несиелер - 3
  

• Ясауитану

  Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы Ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

  Оқу жылы - 2
  Семестр - 2
  Несиелер - 3
  

• Костюм құрастыру

  Студенттер дене өлшемдерін алу, негізгі тор құру, бүкпелерді есептеп орналастыру және оларды модельге сай алып тастау жолдарын меңгереді. Белдемше, көйлек, шалбар сияқты негізгі киім түрлерінің базалық конструкцияларын құрастырып, қарапайым модельдеу әдістерін үйренеді.

  Оқу жылы - 3
  Семестр - 1
  Несиелер - 7
  

• Техникалық сурет

  Пән киімнің техникалық эскизінде қолданылатын технологиялық қадамдар мен сапа параметрлерін сақтай отырып матасын, қалыбын, аксессуар ерекшеліктерімен сызуды және киім атауларын түсіндіруді меңгертеді. Білімгерлер жобаланған модельдің ерекшеліктерін анықтап, үгіні пішінде және өлшемде өндіру үшін қажетті байланысты орындайды. Үлгіні өлшемдерге сәйкес салып, өлшемді және белгілерді орынды қолданады. Жасалған үлгінің немесе өндірілген киімнің егжей-тегжейлі сызбаларын және қажетті түсіндірмелерін (мата, қалып және аксессуар ерекшеліктерімен) жасайды.

  Оқу жылы - 3
  Семестр - 1
  Несиелер - 4
  

• Модельерлік сурет

  Модельерлік сурет пәнінде студенттер сән үлгілерінің эскиздерін орындауды үйренеді. Фигура пропорциясы, мата фактурасы мен қозғалысын беру, силуэтті көрсету дағдылары қалыптасады. Тушь, акварель, маркер сияқты материалдармен сәндік бейнелеу техникасы меңгеріледі. Шығармашылық көзқарас дамытылады.

  Оқу жылы - 3
  Семестр - 1
  Несиелер - 7
  

• Костюм тарихы

  Пән адамзат тарихында киім мен костюмдердің қалыптасуы мен даму кезеңдерін үйретеді. Білімгерлер түрлі елдердің киім және костюмдерін тарихи кезең бойынша қалыптасқан өзіндік ұлттық ерекшеліктері мен жетістіктерін ажырата отырып, мата және жасалу стилінің кезең кезеңмен талдауды үйренеді. Ежелгі Египет, Греция, Европа, Шығыс елдері мен қазақ ұлттық костюм түрлерінің сәтті үлгілерін талдау жасап, болашақта эстетикалық талғамды костюмдердің эскиздік үлгілерін дайындайды.

  Оқу жылы - 3
  Семестр - 1
  Несиелер - 4
  

• Костюм дайындау технологиясы І

  Костюм дайындау технологиясы І пәнінде жеңіл өнеркәсіп өнімдері туралы жалпы мәліметтер беріледі. Жеңіл өнеркәсіп өнімдерінің ассортименті мен киімге қойылатын негізгі талаптар мен жеңіл өнеркәсіп өнімдерін өндірудің негізгі кезеңдері қарастырылады. Негізгі ассортимент бөліктерінің спецификациясы, қиықтар мен конструктивті сызықтардың атауы мен тігін бұйымдарының техникалық құжаттамасы жасалынады. Пәнді оқу барысында студент киім туралы жалпы мәліметті меңгереді, киім ассортименті бөлшектерінің ерекшеліктері, қиындылардың және конструкциялы сызықтардың қолдануды үйренеді.

  Оқу жылы - 3
  Семестр - 1
  Несиелер - 8
  

• Компютерлік бағдарламамен костюм құрастыру І

  Пән компютерлік бағдарламамен, қалыптау жүйесін құрайтын функциялар мен жабдықтарды пайдалану арқылы қалыптарды компьютерлік жүйемен дайындау құзыреттілігін үйретеді. Білімгерлер компьютерлік бағдарламаны пайдаланып, белден киілетін бұйымдардың үлгілерін дайындайды. Компьютерлендірілген үлгі жасау жүйесінде құралдар тақтасын қолданып, негізгі киім үлгілерін жасап, қалыптардың жаймасын жасауды үйренеді.

  Оқу жылы - 3
  Семестр - 2
  Несиелер - 7
  

• Fashion нобайлары

  Пән сән индустриясымен киім және аксессуар дизайнымен байланысты болуы мүмкін көзқарастарды иллюстративті түрде көрсетеді. Білімгерлер интернетті, журналдарды салаға қатысты дизайн ресурстарын пайдаланып, жанды модельден адам денесін әртүрлі позада бейнелеп, киімін, өрнегін, текстурасын, жарық пен көлеңкесін беруді меңгереді. Түрлі тоқыма текстуралары мен аксессуарларын дұрыс құрастыруды үйренеді.

  Оқу жылы - 3
  Семестр - 2
  Несиелер - 6
  

• Костюм дайындау технологиясы ІІ

  Пән костюм дайындауға қажетті жеңіл өнеркәсіп бұйымдары туралы жалпы мағлұматтармен таныстырып, костюмге, киімге қойылатын негізгі талаптарды пысықтайды. Бәләмгерлер костюм дайындаудағы негізгі ассортимент бөлшектерінің ерекшеліктерін, қиындыларды дұрыс өңдеуді және конструкциялы сызықтарды қолдануды үйренеді. Костюм дайындау технологиясы жеңіл өнеркәсіп бұйымдарын дайындаудың негізгі технологиялық кезеңдерін қарастырады. Костюм дайындау технологиясында тігін бұйымдарының техникалық құжаттарын дайындауды үйренеді.

  Оқу жылы - 3
  Семестр - 2
  Несиелер - 6
  

• Коллекциялық бұйымдарды жобалау І

  Пән костюмді жобалаудың негізгі әдістерін модельдеу және макеттеу тәсілдерін үйретеді. Білімгерлер киімдегі қатпарлармен бүрмелерден үлгінің пішінін жасап, модельдеуді және көркем сәндеуді құрастырады. Бүрмелердің сыртқы көрінісі, матаның фактурасы мен икемділігіне байланысты муляждық техникада модельдейді. Қалың және қатты матадан жасалынатын бүрмелерді бір бағытқа орындалатын қатпарлармен жасайды. Шығармашылық ізденудің құралы ретінде, адам мүсінінде, манекенде, көлемді пішіндерді ине шаншу тәсілімен қолданады.

  Оқу жылы - 3
  Семестр - 2
  Несиелер - 7
  

• Материалмен жұмыс

  «Материалмен жұмыс» пәні киім үлгісінің эскизді жобасын матада техникалық құрал арқылы орындау ғана емес, сонымен қатар киім үлгісінің жаңа, сән бағытына сай пішімдерін көркем жобалаудың іздену әдісі арқылы табу. Костюм пішінінің өзгеруі бұл сәннің өзгерісі болып табылады.

  Оқу жылы - 3
  Семестр - 2
  Несиелер - 6
  

• Коллекциялық бұйымдарды жобалау ІІ

  Пән «Топтама» түрінде жеңіл ассортимент өнімдерінің жобасы және сырт киім ассортименттерін дайындауға байланысты қажетті техникалық білім мен қолдану дағдыларын қалыптастырады. Білімгерлер коллекция дайындық барысын біліп, сән трендтері және маусымды бағалау бойынша зерттеулер жүргізеді. Сюжетті, түсті және материалды тақта дайындап, үлгілерді толықтыратын түпнұсқа киім үлгілері мен аксессуарларды әзірлейді. Жеңіл ассортимент өнімдерінің жобасы және сырт киімге сәйкес мата материалын таңдап, коллекциялар жасайды.

  Оқу жылы - 4
  Семестр - 1
  Несиелер - 8
  

• Мода иллюстрациясы

  Пән, сән индустриясымен киім және аксессуар дизайнымен байланысты болуы мүмкін көзқарастарды иллюстративті түрде көрсетуді үйретеді. Білімгерлер сән кескіндемесінің әдістері және принциптеріне сәйкес әртүрлі тақырыптарда (стиль және қолданатын материалдар) шығармашылық қабілеттерін дамытады. Негізгі киіну тәсілдерін бере отырып, иллюстрация, жоғары-кутюр және дайын киімнің анықтамасын түсініп, шығармаларда қолданады.

  Оқу жылы - 4
  Семестр - 1
  Несиелер - 8
  

• Компьютерлік бағдарламамен костюм құрастыру ІI

  Пән компютерлік бағдарламада компьютерлік қалыптау жүйесін құрайтын функциялар мен жабдықтарды пайдалану арқылы қалыптарды компьютерлік жүйемен дайындау құзыреттілігін үйретеді. Білімгерлер компьютерлік бағдарламаны пайдаланып, иықтан киілетін бұйымдардың үлгілерін дайындайды. Компьютерлендірілген үлгі жасау жүйесінде құралдар тақтасын қолданып, негізгі киім үлгілерін жасап, қалыптардың жаймасын жасауды үйренеді.

  Оқу жылы - 4
  Семестр - 1
  Несиелер - 7
  

• Компьютерлік дизайн

  Пән графикалық редакторларда жұмыс істеуді, соның ішінде Adobe Photoshop, CorelDRAW және жасанды интеллект негізіндегі бағдарламалар арқылы векторлық және растрлық сызбалар орындауды үйретеді. Нәтижесінде білім алушылар алған теориялық және практикалық дағдыларын сәндік-қолданбалы өнер негізінде полиграфия, сандық медиа және өнеркәсіптік дизайн салаларындағы жобаларды жасауға қолдана алады. Олар заманауи компьютерлік бағдарламалардың көмегімен сәндік бұйымдардың эскиздерін әзірлеуді, жобалау жұмыстарын жүргізуді меңгереді.

  Оқу жылы - 4
  Семестр - 1
  Несиелер - 7
  

• Бұйымдарды топтап жобалау

  Пән өндіріс өніміне қойылатын көптеген әлеуметтік экономикалық, эргономикалық пен эстетикалық талаптар сай киімдерді шығаруды меңгертеді. Білімгерлер спорт, арнайы киім, әр түрлі қызмет саласы үшін униформалардың (медбике, теміржолшы, жұмысшы, күзет қызметкерлері, стюардесса, мектеп формасы) эскизін әзірлеп, киім комплектілерінін сызба комплектілерімен экспозицияларын орындайды.

  Оқу жылы - 4
  Семестр - 2
  Несиелер - 9
  

• Аксессуарлар дизайны

  Пән сәндік аксессуарларға анықтама беріп, тарихи дамуы, классификациясы, аксессуарларды жасауда қолданылатын материалдар туралы технологиялық мағлұмат беріп, киім әшекейлерін таңдап, бүгінгі сәнге сай дизайн жасап шығаруға білім және дағды береді. Білімгерлер сәндік аксессуарлардың анықтамасын, жіктелуін, қасиеттерін, материалдарын, маңыздылығын және орнын анықтайды. Аксессуарлардың тарихи дамуы және сәнді аксессуарлардың дизайнына әсер ететін факторлар туралы білім алады. Киімге сәйкес келетін аксессуарларды таңдап жобалайды.

  Оқу жылы - 4
  Семестр - 2
  Несиелер - 9
  

• Идеялармен жоба дизайндағы ізденіс

  Бұл пән – диплом алдындағы шығармашылық дайындықтың негізі. Студент өз жобасына қатысты идеяларды дамытып, көркемдік, техникалық, функционалдық шешімдерге талдау жасайды. Нәтижесінде, пән соңында студент толыққанды шығармашылық жұмысын әзірлеп, оны шығармашылық жұмыс ретінде қорғауға дайын болады.

  Оқу жылы - 4
  Семестр - 2
  Несиелер - 9
  

• Коллекциялық бұйымдарды жобалау ІІІ

  Пән киім ансамблі жиынтығына байланысты қажетті техникалық білім мен қолдану дағдыларын қалыптастырады. Білімгерлер ұлттық киім, ұзатуға, той костюмдеріне арналған коллекциялардың дайындық барысын біліп, сән трендтері және маусымды бағалау бойынша зерттеулер жүргізеді. Сюжетті, түсті және материалды тақта дайындап, үлгілерді толықтыратын түпнұсқа киім үлгілері мен аксессуарларды әзірлейді. Жеңіл ассортимент өнімдерінің жобасы және сырт киімге сәйкес матасын таңдайды. Екі және үш өлшемді әдістерді қолданып, коллекция жасайды.

  Оқу жылы - 4
  Семестр - 2
  Несиелер - 8
  

• Композицияны матада орындау

  Композицияны матада орындау пәні студенттерге матадағы композиция негіздерін,түстер мен текстураны үйлестіруді, шығармашылық және техникалық дағдыларды меңгеруге мүмкіндік береді. Олар матаға дизайн жасап, қолөнер техникасын пайдалана отырып, композицияны кәсіби деңгейде орындауды үйренеді.

  Оқу жылы - 5
  Семестр - 1
  Несиелер - 6
  

• Театр костюмдері

  Пән сахналық өнер (театр, опера, балет.. т.б.), кино және роман, ертегі т.б. шығарманың мән-мағынасына, кезеңіне, оқиғасына қажетті костюмдер мен негізгі керек-жарақтарды шығармалардың сипатын ескере отырып құрастыра білуді меңгертеді. Білімгерлер шығармашылық, өзіндік, эстетикалық және жаңашыл қолданбалы сахналық өнерге арналған костюмдерді жобалайды. Таңдалған шығарма жазылған тарихи жағдайды зерттейді. Таңдалған шығарманың басты кейіпкерлерін қарастырады. Шығарманың жазушысы мен режиссерінің көзқарасын және оқиғаның қалыптасуын біріктіру арқылы басты кейіпкерлердің костюмдерін жасайды.

  Оқу жылы - 5
  Семестр - 1
  Несиелер - 8
  

• Тұрақты мода және экологиялық дизайн

  Бұл пән тұрақты даму қағидаларын, экологиялық таза материалдарды, қалдықсыз өндіріс тәсілдерін, қайта өңдеу және қайта пайдалану мүмкіндіктерін қарастырады. Сондай-ақ, ол сән саласында этикалық және экологиялық проблемаларды талдап, оларды шешу жолдарын іздеуге бағытталған.

  Оқу жылы - 5
  Семестр - 1
  Несиелер - 8
  

• Имидж және стиль талдау

  Пән бет және дене типтерінің жалпы ерекшеліктері, киім мен аксессуарларды таңдауға әсер ететін факторлар, имидж мен стиль жасаудың білім мен дағдыларын береді. Білімгерлер стильдерді, трендтерді және сән тұжырымдамаларын түсінеді. Бет әлпетіне қарай денеге талдау жасауды меңгереді. Адамға ең қолайлы үлгіні, матаны және аксессуарларды таңдайды. Шаш пен макияжды дұрыс таңдап, киімге сәйкестендіруді меңгереді.

  Оқу жылы - 5
  Семестр - 1
  Несиелер - 3
  

• Костюмді сәндеудің заманауи тәсілдері

  Пән әйелдер, ерлер және балалар киімдерінің ою-өрнектерін құрастыруға қажетті техникалық білім мен дағдыларды береді. Білімгерлер киім түрлеріне қарай ою-өрнек дизайнын жасайды. Сән әлеміндегі дизайнерлердің, қазақстан дизайнерлерінің шығармашылық жұмыстарын зерттеп, дизайнерлердің киім үлгілерімен таныстырады. Сәйкес безендіруге қажетті материалдарын таңдап, безендіру әдістерін қолданады.

  Оқу жылы - 5
  Семестр - 1
  Несиелер - 5
  

• Текстиль өнері және қол өнері

  Пән студенттерге текстиль өнері мен қолөнерінің теориялық және практикалық негіздерін меңгертеді. Киім, аяқ киім, аксессуарлар мен интерьерге арналған бұйымдарды көркем жобалау арқылы сәндік техника (батик, пэчворк, кесте, тоқыма) және заманауи материалдарды үйлестіріп, функционалды әрі эстетикалық шешім жасау қабілетін дамытады.

  Оқу жылы - 5
  Семестр - 1
  Несиелер - 5
  

• Цифрлық киім дизайн және 3D модельдеу

  Цифрлық киім дизайн және 3D модельдеу — киім үлгілерін Clo3D, Marvelous Designer, Blender секілді бағдарламалармен үш өлшемді форматта жобалау және визуализациялау пәні. Студенттер виртуалды манекенге киім кигізуді, үлгіні өзгертіп жетілдіруді, дизайн үдерісін жылдам әрі тиімді жүргізуді үйренеді.

  Оқу жылы - 5
  Семестр - 1
  Несиелер - 8
  

• Сәнді фотосурет

  Пән сәнді фотосуретке қатысты біліммен әдіс-тәсілдерді пайдалану арқылы білім мен дағдыларды меңгертеді. Білімгерлер сәнді фотосуреттің жалпы түсініктерін түсінеді, сурет, дефиле, backstage, сән үйлерінің киім-кешектері мен аксессуарларын, сондай-ақ кең, жылтыр фотосурет саласында патшалық гламурдың шексіз жанры есте ұстай отырып, сәнді суретке түсіру принциптері мен әдістерін біледі. Фотосуреттің бизнес процесін біліп, қолданылатын құралдарды пайдаланады.

  Оқу жылы - 5
  Семестр - 1
  Несиелер - 6
  

• Тренд анализі

  Пән сән үрдісін болжау және трендті талдау, бақылау және нарықты зерттеу арқылы мақсатты аудиторияны анықтау жолдары туралы ақпарат береді. Білімгерлер сән және трендті талдауға қатысты ұғымдарды түсіп, сән циклі мен таралу процесін біледі. Трендтерді талдау туралы ақпаратты түсініп, тренд аналитиктерінің ақпарат көздерін біледі. Интернетті, журналдарды, тезистерді, мақалаларды және салаға қатысты дизайн ресурстарын пайдаланып, инновациялық және түпнұсқа идеяларды тудырады.

  Оқу жылы - 5
  Семестр - 1
  Несиелер - 3
  

• Драптау

  Драптау» пәні білімгерлерге матаны дене пішініне үйлестіре отырып, киімге көркемдік және көлемдік шешімдер енгізуді үйретеді. Олар әртүрлі драпировка техникасын меңгеріп, мата қасиеттерін ескере отырып шығармашылық үлгілер әзірлеуді үйренеді. Білімгер авторлық дизайн жасау, форма мен сызықты көркем үйлестіру дағдыларын меңгереді.

  Оқу жылы - 5
  Семестр - 2
  Несиелер - 5
  

• Цифрлық портфолио және көркем экспозиция негіздері

  Бұл пән авторлық шығармашылық жұмыстардың портфолиосын құру, оның ішінде мамандандырылған веб-сайттарда жұмыстарды орналастыру. Дипломдық эскиздің экспозициясын құрастыру негіздері және презентация жасап, техникалық құралдарды тиімді пайдалану дағдылары меңгеріледі.

  Оқу жылы - 5
  Семестр - 2
  Несиелер - 5
  

• Кестелеу техникасы және шығармашылық дизайн

  Бұл пән студенттерге түрлі кесте тігу әдістері мен техникаларын меңгеруді және оларды сәндік дизайн элементтері ретінде шығармашылық тұрғыда қолдануды үйретеді. Пән барысында студенттер кесте үлгілерін әзірлеу, түстер мен материалдарды үйлестіру, сондай-ақ заманауи және дәстүрлі кестелеу тәсілдерін пайдаланып, ерекше сәндік композициялар жасау дағдыларын дамытады.

  Оқу жылы - 5
  Семестр - 2
  Несиелер - 5
  

Профессии

Оқыту нәтижелері

• Зерттелетін салада мәліметтерді жинақтау және сыни көзқараспен талдау нәтижесінде, инклюзивті қағидаттарды ескере отырып, өз бетінше шешімдер қабылдау арқылы көшбасшылық қабілетті қалыптастырады.
• Интернационалдық ортада мемлекеттік және шетел тілдерінде кәсіби, академиялық, ғылыми және әлеуметтік қарым-қатынастар орнатады.
• Кәсіби қызметте ғылыми зерттеу әдістерін, академиялық жазу негіздерін меңгереді, академиялық адалдық принциптерн негізге ала отырып жасанды интеллект технологияларын тиімді қолданады.
• Кәсіби қызметінде қоғамның рухани құндылықтарын, тұрақты даму мақсаттарын ұстанып, экономикалық, инклюзиялық, экологиялық, қаржылық сауаттылық, құқықтық, сыбайлас жемқорлыққа қарсы қағидаттарын сақтайды.
• Түстер гаммасы мен колоритін зерттеп, көркем шығармашылық ойлау қабілеттерін дамытып, дизайн композициясының үлгілерін жасайды.
• Сән кескіндемесінің әдістерін қолданып, дизайнерлік креативті ойлау арқылы, киімнің техникалық және көркем эскиздерін жасайды.
• Инкрустация мен интарсияны қолданып, маусымдық капсула топтамасын бір тақырып негізінде, түс гаммасы мен принтті үйлестіру арқылы графиканың барлық түрлерін — сызықтық, монохромды және полихромды кескіндерді жобалайды.
• Киім жобалау әдістерін, заманауи өнер стильдері мен бағыттарын меңгеру арқылы шығармашылық концепция әзірлеп, бұйымдарды ою және сюжеттік сызбалармен безендіру арқылы көрме экспозициясын құрастырады.
• Заманауи компьютерлік бағдарламаларды және жасанды интеллект мүмкіндіктерін пайдаланып, киімнің негізгі эскиздерін, сызбалары мен қалыптарын әзірлейді.
• Киім өндірісі мен дизайнына арналған технологиялық карталарды құрастырып, жартылай автоматты тігін машиналарында тігіс пен өңдеу түрлерін қолданып, өз бетінше әзірленген киім дизайны жобасын материалда жүзеге асырады.
• Сән индустриясындағы маркетингтік және трендтік ғылыми-зерттеулер арқылы жаңа стиль жасайды.