7M03109 Этносаясаттану в Л.Н.Гумилев атындағы Еуразия ұлттық университеті

Пәндер

• Көші-қон саясаты

  Пәннің мақсаты – білім алушыларға саяси сипаттағы құбылыс ретінде көші-қон үдерісінің себептері мен үрдістері, көшіп-қонушыларды қабылдайтын елдердің, оның ішінде Қазақстан Республикасының көші-қон саясатының негізгі бағыттары туралы түсінік беру. Магистранттардың жалпы және саяси мәдениетін арттыру, олардың әлемде болып жатқан саяси үдерістер туралы тұтас көзқарасын қалыптастыру.

  Оқу жылы - 1
  Семестр - 1
  Несиелер - 5
  

• Аймақтық қауіпсіздік және этникалық қақтығыстар

  Пән этносаралық қатынастар мәселелерін, этносаралық қатынастардың даму үрдістерін, ұлт аралық ынтымақтастықтың мәнін, этникалық қақтығыстардың себептерімен табиғатын, олардың алдыналу және жеңу жолдарын, сондай-ақ халықаралық және аймақтық қауіпсіздік теориясының сипаты, қалыптасу және даму ерекшеліктері туралы ғылыми идеялардың эволюциясын және халықаралық қатынастардағы қақтығыстарды шешудің стратегиясымен технологиясын қамтиды.

  Оқу жылы - 1
  Семестр - 1
  Несиелер - 5
  

• Қазіргі әлемдегі этносаяси үдерістер

  Пәнді оқытудың негізгі мақсаты – білім алушыны Қазақстан Республикасындағы және әлемдегі этносаяси үдерістердің ерекшеліктерімен таныстыру. Пәнді оқу барысында ҚР-дағы негізгі этносаяси үдерістердің мазмұнын сипаттау мақсаты қойылады, магистранттарға Қазіргі Қазақстандағы этносаяси үдерістерді сипаттайтын және түсіндіретін негізгі теориялық тұжырымдамалар туралы түсінік беру.

  Оқу жылы - 1
  Семестр - 1
  Несиелер - 5
  

• Ғылым тарихы және философиясы

  Курс ғылым тарихын, ғылыми танымның философиялық негіздерін және ғылыми зерттеу әдіснамасын зерттеуге бағытталган. Курстың мақсаты – магистранттарда ғылымның әлеуметтік институт ретінде даму туралы тұтас түсінікті қалыптастыру, сонымен қатар қазіргі ғылымның әдіснамалық негіздері мен мәселелерін менгеру. Курс ғылым мен философияның өзара байланысының тарихымен, оның ішінде нақты онтологиялық және гносеологиялык проблемалармен, сонымен қатар нақты ғылымдардың қазіргі жағдайындағы философиялық мәселелерімен таныстырады. Курс заманауи ғылыми жетістіктерді сыни талдауға және ғылыми зерттеу жұмысының әдіснамалық мәдениетін дамытуға ыкпал етеді.

  Оқу жылы - 1
  Семестр - 1
  Несиелер - 4
  

• Жасанды интеллект аясындағы геосаясат

  «Геосаясат аясында ЖИ дамуы» пәнін меңгерудің мақсаты студенттерде жасанды интеллектті саясатта қолдану аясы туралы ғылыми көзқарастардың тұтас және дәйекті жүйесін қалыптастыру және Қазақстан Республикасының ұлттық мүдделерін ескере отырып, әртүрлі мемлекеттердің саяси үдерістеріне ЖИ енгізу мысалдары негізінде жағдайды талдау.

  Оқу жылы - 1
  Семестр - 1
  Несиелер - 5
  

• Мемлекеттік саясаттағы этнодіни бағдарлар

  Пәнді меңгерудің мақсаты магистранттардың қалыптасқан этнодіни жағдаймен қазіргі заманның құқықтық жүйесіне қатыстылығын ескере отырып, Қазақстан Республикасындағы этномәдени және діни бірлестіктердің қызметін құқықтық реттеудің негізгі үрдістерімен заңдылықтарын зерделеу болып табылады.

  Оқу жылы - 1
  Семестр - 1
  Несиелер - 5
  

• Шет тілі (кәсіби)

  Пәннің мақсаты – еңбек нарығында бәсекеге қабілетті болашақ магистрдің табысты кәсіби және ғылыми қызметі үшін қарым-қатынас құралы ретінде шет тілін (жоғары-базалық стандарттылық денгейінде (C1) пайдалануға мүмкіндік беретін шет тілін окытудың халықаралық стандарттарына сәйкес құзыреттерді игеру жене жетілдіру болып табылады. Оқыту курсы білім беру бағдарламасына сәйкес кәсіби және академиялық контексте ағылшын тілін үйретуді қамтиды. Кәсіби және ғылыми саламен байланысты арнайы терминдерді үйретуге және оны белсенді қолдануға, сыни оқуға, мәтіндерді талдауға, тыңдау арқылы алынған ақпаратты қабылдауға, ғылыми жұмыстарды жазуға қажетті академиялық жазу дағдыларын дамытуға, сондай-ақ академиялық ортада қарым-қатынас жасау үшін ауызша сейлеу дағдыларын дамытуға баса назар аударылады.

  Оқу жылы - 1
  Семестр - 1
  Несиелер - 4
  

• Басқару психологиясы

  Курсы магистранттың ұлттық біліктілік шеңберіндегі басқарушы мамандардың біліктілік анықтамалығына сәйкес кәсіби қызметімен айқындалған басқарушылық міндеттерді шешу контекстінде магистранттардың әлеуметтік және басқарушылық көзқарасын қалыптастыруға бағытталған. Курстың мақсаты — магистранттардың іс-әрекетінде одан әрі қолдану үшін басқару психологиясының әлеуметтік-психологиялық процестері, құбылыстары, қасиеттері және негізгі категориялары туралы білімді жүйелеу және тереңдету. Ол басқарушы тұлғасы, әлеуметтік құбылыс ретінде басқару және көшбасшылық ерекшеліктері, басқару қызметінің негізгі функциялары, басқару және көшбасшылық стильдері, басқару объектісі ретінде бағынышты тұлғасы, тұлғаның әлеуметтенуі, әлеуметтік тұлғасы, бағыныштылық ұйым жағдайында бейімделу процесінің ерекшеліктері, тұлғаның мінез-құлықы мен белсенділігін реттеу жүйесі, қарым-қатынас әлеуметтік құбылыс ретінде, басқарушылық қарым-қатынас ерекшеліктері және т.б. тақырыптарды қамтиды.

  Оқу жылы - 1
  Семестр - 2
  Несиелер - 4
  

• Этносаралық қатынастар саласын зерттеу әдіснамасы

  Магистранттардың этноәлеуметтік салада арнайы теориялық білімі мен практикалық жұмыс дағдыларын қалыптастыру. Этникалық және әлеуметтік үдерістердің қалыптасу және даму тарихы, Қазақстандағы этносаралық қатынастарды зерттеу әдіснамасы туралы теориялық түсініктерді қалыптастыру. Жастар арасында этносаралық толеранттылықты қалыптастыруға ықпал ету.

  Оқу жылы - 1
  Семестр - 2
  Несиелер - 5
  

• Ұлттық бірегейліктің трансформациялары

  Курстың мақсаты көпэтносты қоғамдарда ұлттық бірегейлікті қалыптастыру мәселесі туралы білімалушылардың білімін кеңейту және жүйелеуден тұрады. Ұлттық бірегейліктің негізгі компоненттерін зерттеу: тарихи, саяси, мәдени, тілдік аумақтық, өркениеттік және басқалар. Қоғам дамуындағы күрделі және өзекті мәселелер туралы білімалу – оның мүшелерін сәйкестендіру және өзін-өзі анықтау, адам өзін қоғаммен қаншалықты анықтайды немесе анықтамайды.

  Оқу жылы - 1
  Семестр - 2
  Несиелер - 5
  

• Тарихи жад саясаты

  Пәннің мақсаты көп ұлтты қоғамның қалыптасу процестерін, мемлекеттің әкімшілік және қаржылық ресурстарын қолдана отырып, биліктегі саяси күштер тарихи оқиғалардың белгілі бір түсіндірмелерін үстем деп көрсетуге тырысатын әдістер жиынтығын зерттеу болыпта былады. Тарихи жадтың қалыптасу кезеңдері және негізгі түсінігі.

  Оқу жылы - 1
  Семестр - 2
  Несиелер - 5
  

• Этносаясаттану

  Пәнді оқытудың мақсаты – этникалық ортадағы саяси үдерістің мәні мен динамикасын ашу, магистраттарды этникалық негізде қарама-қайшылықтың негізгі себептерімен және оның алдын-алу тәсілдері мен таныстыру.

  Оқу жылы - 1
  Семестр - 2
  Несиелер - 5
  

• Жоғары мектеп педагогикасы

  Мақсаты: магистранттардың кәсіби-педагогикалық мәдениетінің негіздерін қалыптастыру, қазіргі педагогика ғылымының теориялық негіздерін меңгерту. Мазмұны: жоғары мектеп педагогикасы: пәні, міндеттері, қызметтері, педагогикалық ғылымдар жүйесіндегі орны. Жоғары білім құбылыстары мен процестерінін мәні, оның негізгі даму үрдістері. Жоғары мектептің педагогикалық үдерісінің құрылымы. Студенттерді окыту мен тәрбиелеуді ұйымдастырудың технологиялары, әдістері мен формалары. Жоғары білім беру жүйесіндегі педагогикалық менеджмент.

  Оқу жылы - 1
  Семестр - 2
  Несиелер - 4
  

• Ұлттың генетикалық кодын қалыптастырудың саяси алғышарттары

  Ұлттық құрылыстың үйлесімді процесі ретінде Қазақстан этностарының қазақ халқы мен мемлекеттік тілдің айналасына топтасуы, біртұтас ұлтты ұйыстыратын өзек ретінде құндылықтар мен нышандарды қалыптастыру. Дәстүр мен мәдениет-ұлттың генетикалық коды. Олар ұрпақтар сабақтастығын, қоғамның қарышты дамуын қамтамасыз етеді. Қолданбалы және талдамалық кейстерді жасау Қазақстан мемлекеттілігінің негіздерін тереңірек тануға, рухани тәрбие, ұлттық сананы жаңғырту қажеттілігі туралы түсінікті қалыптастыруға мүмкіндік береді.

  Оқу жылы - 2
  Семестр - 1
  Несиелер - 5
  

• Қазақстанда ұлттық бірегейлік саясатын қалыптастырудың тұжырымдамалық негіздері

  Бұл пәннің мақсаты магистранттардың қазақ халқының дәстүрлі мәдениеті туралы білімдерін кеңейту және таныстыру болып табылады. Пән қазақ мәдениетін, тілін, тарихын, этикасын, философиясын және тұрмыс ерекшеліктерін насихаттауға бағытталған. Білім алушылар қазақ халқының және Қазақстанда тұратын этностардың салт-дәстүрлерімен, әдет-ғұрыптарымен, құндылықтарымен тереңірек танысады.

  Оқу жылы - 2
  Семестр - 1
  Несиелер - 5
  

• Мәдениетаралық диалог

  Пәнді меңгерудің мақсаты магистранттарда әртүрлі мәдениеттер мен өркениеттердің диалогы туралы тұтас түсінікті қалыптастыру, Қазақстан мәдениетінің алуан түрлілігімен, жаһандану процессі жағдайын дағы мәдениеттер диалогының ерекшеліктерімен танысу және алған білімдерін кәсіби қызмет міндеттерін шешу үшін қолдануға үйрету – мәдениет аралық қатынастардың пайда болу және даму ерекшеліктері туралы негізгі мәліметтер беру болып табылады.

  Оқу жылы - 2
  Семестр - 1
  Несиелер - 6
  

• Ұлттық брендинг

  Курс шеңберінде білімнің жаңа саласы ретінде ұлттық брендингті қалыптастыру негіздерін зерделеу көзделеді. Брендингтің құрамдас бөліктерін зерттеу: мемлекеттің басқа елдер мен саяси және қатынастарын анықтайтын елдің беделін өлшеу, құру және басқару; ұлттық брендинг пен айналысатын басқа мемлекеттердің тәжірибесін зерттеу; ұлттық брендтің саяси, тарихи, экономикалық, этникалық компоненттері.

  Оқу жылы - 2
  Семестр - 1
  Несиелер - 6
  

• Халықтық дипломатия және азаматтық қоғам

  Пән халықтық дипломатия институтының қолданыстағы теориялық және практикалық әдістері мен тетіктерін, халықтық дипломатияның эволюциясы туралы білімді, оның дамуына әсерететін факторлар мен тенденцияларды, «жұмсақ күш» технологияларын қолдан аотырып, халықаралық және қоғамдық қатынастар саласындағы заманауи мәселелерді шешудің құралдарын игеруге мүмкіндік береді.

  Оқу жылы - 2
  Семестр - 1
  Несиелер - 6
  

• Қоғамдық пікірді қалыптастыру

  Курстың негізгі мақсаты магистранттарда қоғамдық пікірді зерттеудің негізгі теориялық тәсілдері туралы тұтас түсінік қалыптастыру, категориялық аппаратты және әдіснамалық базаны игеру болып табылады. Пәнді оқытудың міндеттері: ойлау дербестігін, зерттеу жұмысының қабілеттері мен дағдыларын қалыптастыру.

  Оқу жылы - 2
  Семестр - 1
  Несиелер - 5
  

• Этникалық қауымдастықтардың рухани-психологиялық болмысы

  Пән мақсаты – этникалық бірегейліктің, өзін-өзі тану мен төзімділіктің негізгі теориялары мен тұжырымдамалары, адам психикасының дамуындағы этникалық мәдениеттің маңызы, мәдени-шартты мінез-құлықтың мәні мен механизмдері туралы. Білім алу – кәсіби қызметінде психологиялық-педагогикалық жағдайларда төзімділік пен көпмәдениеттілік психологиясының принциптерін қолдану, қолданбалы психологиялық-педагогикалық мәселелерді шешуде мәдени-спецификалық және әмбебап психологиялық құбылыстарды анықтау дағдыларын дамытуға мүмкіндік береді.

  Оқу жылы - 2
  Семестр - 1
  Несиелер - 6
  

Профессии

Оқыту нәтижелері

• Негізгі дүниетанымдық және әдістемелелік мәселелерді, соның ішінде ғылым дамуының заманауи кезеңінде пайда болатын пәнаралық сипаттағы мәселелерді, талдайды және кәсіби қызметте пайдалану.
• Заманауи ғылыми-педагогикалық, талдаулық технологияларды және коммуникативті дағдыны игеру, педагогикалық менеджмент және жас ерекшелік психологиясын білу.
• Этносаралық қатынастар саласындағы ағымдағы проблемаларды зерттеу және дамудың қазіргі кезеңінде этносаясат проблемаларын шешу бойынша ұсыныстар тұжырымдау қабілетіне ие болу; зерттеунысанын ескере отырып, этносаралық қатынастар саласындағы тиісті әдіснаманы және зерттеу дизайнын айқындау; этносаясат саласындағы теориялық және қолданбалы білім негізінде этносаралық қатынастар саласындағы зерттеу бағдарламасын әзірлеу; басқа ғалымдармен бірлесіп жұмыс істеу; көп құрамды және көпэтносты қоғамдардағы этносаралық қатынастарды дамытудың ықтимал дамуын ғылыми зерттеулер негізінде жобалау; жалпы және мамандандырылған әдістер негізінде этносаясат саласында дербес ғылыми зерттеулер жүргізу дағдысы болу.
• Ғаламдық және жергілікті деңгейдегі этносаяси үрдістерді талдау және бағалау әдістері мен тәсілдерін, нақты эмпирикалық материал негізінде оларды ресімдеу және тексеру дағдыларын меңгеру. Этносаяси және этнодіни қатынастарды зерттеудің қазіргі заманғы технологияларын қолдануға қабілетті болу: этноөңірлік карталар жасау, ағымдағы этносаяси үрдістер негізінде талдамалық кейстер әзірлеу, Қазақстанда тарихи жадты сақтау саясатын қалыптастыру бойынша ғылыми дереккөздер мен мұрағаттық құжаттануларға жүйелі талдау жүргізу, этносаясатты жаңғырту бойынша стратегияларды талдау және шолулар жасау.
• Этносаясат саласындағы аналитикалық және сараптамалық жұмыс үшін мамандандырылған теориялық тәсілдерді қолдану қабілетіне ие болу. Жалпы әлемдік немесе жергілікті саяси, әлеуметтік, экономикалық үрдістердің, қазіргі этносаяси қатынастардың өзгеруінің жаһандық және ұлттық үрдістерін талдау. Қазіргі мемлекеттерде ұлттық брендингтің қалыптасу феноменін зерттеу және қазақстандық брендингтің ерекшелігін зерттеу. Этносаралық қатынастарды нығайту және мәдениетаралық диалог негізінде азаматтық қоғамды дамыту үшін қоғамдық пікірді қалыптастыру технологиясын қолдана білу. Шешілетін міндеттердің сипатына сәйкес кәсіби қызметтің мақсаттарына жетудің оңтайлы әдістерін таңдауға қабілетті болу. Алынған білімді этносаралық қатынастар мен этносаясат саласының әлеуметтік-психологиялық аспектілерін талдау саласындағы кәсіби құзыреттілікті дамытуға бағыттау. Саяси үдерістерді талдау, жаңалықтар ағынын бақылау және геосаяси үрдістерді анықтау үшін жасанды интеллектіні қолдану; түрлі деңгейдегі бұқаралық ақпарат құралдарында әлеуметтік желілерде өзекті мақалалар жариялау, ғылыми зерттеулер әдіснамасын білу.
• Қазіргі әлемдегі этносаяси үдерістердің жағдайы мен дамуын бағалау. Этникалық қақтығыстарды болдырмау және реттеу үшін көші-қон және өңірлік қауіпсіздік индикаторларын өлшей білу. Этносаралық келіспеушіліктердің алдын алу және толерантты азаматтық қоғамды нығайту үшін халықтық дипломатия мен мәдениетаралық диалогтың заманауи құралдарын әзірлеу және пайдалану. Этносаяси қақтығыстардың ерекшелігін анықтай білу, жанжалды жағдайларды шешу дағдыларын меңгеру. Алған білімдерін ғылыми-зерттеу және кәсіби қызметте белсенді пайдалану.
• Этносаяси үрдістерді саралау, модельдеу, болжау қабілетіне ие болу; қауіпсіздік контекстінде этносаяси нысандар мен институттардың, үрдістер мен құбылыстардың дамуының әртүрлі сипаттамаларын, индикаторларын, факторлары мен проблемаларын талдау және бағалау әдістеріне ие болу; этносаралық және этносішілік өзара іс-қимылды, мәдениетаралық диалогты нығайтуға бағытталған бағдарламалар мен жобаларды әзірлеу. Ғылыми және қолданбалы міндеттерді шешу үшін кешенді саяси ақпаратты өңдеудің, түсіндірудің және таныстырудың заманауи әдістерін қолдана білу қабілетіне ие болу.
• Этносаяси салада саяси-басқарушылық шешімдерді әзірлеу және билік органдарында, саяси партиялар аппаратында және этномәдени бірлестіктер, жергілікті өзін-өзі басқару органдары тұлғасында үкіметтік емес секторда басқарушылық үрдістерді ұйымдастыруға қатысу қабілетіне ие болу. Мәдениетаралық диалогты нығайту үшін этносаралық қатынастар саласындағы мемлекеттік саясаттың негізгі бағыттарын әзірлеу және жобалау. Жанжалдардың, әлеуметтік шиеленістердің алдын алуға бағытталған алдын-алу шараларының ретін құру.

Ұқсас БББ