6B01509 География-Тарих мұғалімдерін даярлау в Жұмабек Ахметұлы Тәшенов атындағы университеті

Пәндер

• Абайтану

  Абайдың гуманистік ілімдеріне бой алдырған толыққанды, адамзатты сүйетін, адамгершілігі мол, толерантты азаматты қалыптастыру. Абайдың мәңгілік құндылықтар туралы ойларына терең махаббат тәрбиелеу: оның өлеңдері мен прозаларында көрсетілген оқу, білім, ғылым, өнер, тәрбие, адамгершілік; ақын-ойшылдың дүниетанымына әсер еткен негізгі көздерді көрсету; Шығыс мәдениетінен, Ислам философиясынан шыққан Ар-намыс пен ар-ождан түсінігін игереді.

  Оқу жылы - 1
  Семестр - 1
  Несиелер - 3
  

• Жалпы жертану

  Географиялық бағыттағы білім алушыларға жалпы ғаламдық географиялық қабықтың құрылысын, оның уақыт пен кеңістіктегі даму заңдылықтарын, олардың өзара байланысын кеңінен таныстырып, қазіргі жағдайы жəне болашақта болатын өзгерістерді зерделейді. Жалпы заңдылықтарға бағынған географиялық қабық құрамдас бөліктері жəне биосферадағы тірі заттардың өзара байланысы мен бір-біріне бағынышты əрекеттерін сараптайды Географиялық бағыттағы білім алушыларға жалпы ғаламдық географиялық қабықтың құрылысын, оның уақыт пен кеңістіктегі даму заңдылықтарын, олардың өзара байланысын кеңінен таныстырып, қазіргі жағдайы жəне болашақта болатын өзгерістерді зерделейді. Жалпы заңдылықтарға бағынған географиялық қабық құрамдас бөліктері жəне биосферадағы тірі заттардың өзара байланысы мен бір-біріне бағынышты əрекеттерін сараптайды

  Оқу жылы - 1
  Семестр - 1
  Несиелер - 5
  

• Қазақстанның ежелгі тарихы

  Ежелгі дәуірде Қазақстанды мекен еткен халықтардың кескін-келбетін, тұрмыс тіршілігі, әлеуметтік топтары, тас дәуірі, қола дәуірі және темір дәуірінің ерекшеліктері, археологиялық ең көне ескерткіштері, сақ сармат тайпаларының тарих сахнасына шығуы және ежелгі Үйсін, Қаңлы, Ғұн бірлестіктерінің құрылуы, олардың саяси тарихын, қоғамдық құрылысын, шаруашылығын, тұрмыс-тіршілігі, еңбек құралдары және діни наным-сенімдерін және мәдениеті мен өнерін сипаттайды

  Оқу жылы - 1
  Семестр - 1
  Несиелер - 5
  

• Тәшеневтану

  Жұмабек Тәшеневтің республика басшылығында болған жылдардағы Қазақстанның экономикасы мен мәдениеті, қазақ мемлекетінің аумақ тұтастығының сақталуына сіңірген еңбегі, Маңғыстауды Түрікменстанға қосу жөніндегі ұсыныстарға тойтарыс беруі, тың өлкесіне біріктірілген солтүстік облыстарды Ресейге, Оңтүстік Қазақстанның мақта егетін аудандарын Өзбекстанға беруге қарсы шығуы, Қазақстан жерінде ядролық жарылыстар жасауға қарсылығы, Кеңестік дәуірдегі Қазақстанның дамуында Тәшеневтің алатын орны мен ролі қарастырылады.

  Оқу жылы - 1
  Семестр - 1
  Несиелер - 3
  

• Ежелгі дүние жүзі тарихы

  Азияда, Солтүстік Африка мен Еуропада өмір сүрген ежелгі өркениеттер дамуындағы негізгі кезеңдер мен заңдылықтар туралы идеялар, сондай-ақ Ежелгі Шығыс және Ежелгі Греция мен Рим, Вавилонның экономикалық құрылысы , осы өркениеттердің адамзат тарихындағы рөлі, олардың мәдени-тарихи ерекшелігі, тарихи өткенге саналы құндылықтар қатынасы, ежелгі дүние тарихына қазіргі зерттеу саласында бар маңызды тарихи мәселелер талданады.

  Оқу жылы - 1
  Семестр - 1
  Несиелер - 5
  

• Дүние жүзілік шаруашылық географиясы

  Дүниежүзілік шаруашылық географиясын жалпы, салалық және аймақтық географиямен бір қатарда экономикалық, әлеуметтік және саяси географияның құрамдас бөлігі ретінде қарастырады. Білім алушылар түрлі деңгейде өзара байланысып, шаруашылықтың кеңістіктегі ұйымдастырылуын жан-жақты зерттеумен айналысады. Дүниежүзілік шаруашылық географиясының арнайы мақсаттары, міндеттері, кеңістіктегі объектілерді зерттеудің әдістері, құрылымы, географияның тағы басқа бағыттары сипатталады.

  Оқу жылы - 1
  Семестр - 1
  Несиелер - 5
  

• Оқушылардың физиологиялық және психологиялық дамуы

  Оқушылар психикасының жас ерекшеліктерін анықтау және зерделеу; жалпы және жеке ерекшеліктер, психикалық даму факторлары, педагогикалық процестің психологиялық тетіктері туралы білімді ескере отырып, педагогикалық жағдайларды талдау; оқушылардың жас ерекшеліктерін ескере отырып, оқыту, тәрбиелеу, педагогикалық ықпал ету әдістерін таңдау; әріптестермен және оқушылармен сындарлы қарым-қатынас орнату және қолдау, жеке және топтық мүдделердің арақатынасын қарастырады.

  Оқу жылы - 1
  Семестр - 2
  Несиелер - 3
  

• Қазақстан археологиясы

  ҚР-ғы археология ғылымының дамуы, ежелгі дәуірдегі және орта ғасырлардағы қала мәдениеті, ортағасырлық қалалар мен қоныстардың археологиясын зерттеу тарихы, ортағасырлық қалалар мен қоныстардың пайда болуы мен даму проблемалары сарапталады; Оңтүстік Қазақстанның егіншілік және мал шаруашылығы мәдениеті, Оңтүстік Қазақстанның ортағасырлық қалалары; Орталық Қазақстанның ортағасырлық қалалары мен қоныстары; Қазақстан аумағындағы орта ғасырдың сәулет ескерткіштері туралы археологиялық деректер талданады

  Оқу жылы - 1
  Семестр - 2
  Несиелер - 5
  

• Картография және топография

  Карталардың модель іспеттес мәні мен қасиеттері, карталардың математикалық негіздерін, картада суреттеудің тәсілдері, карталар мен атластардың жүйеленуін қарастырады. Сонымен қатар пәнде әлемді географиялық танудың негізгі құралы ретінде зерттеудің картографиялық әдісі, географиялық карталар мен топографиялық карталардың сипаттамасы, масштаб атаулары мен құрылымы сарапталады.

  Оқу жылы - 1
  Семестр - 2
  Несиелер - 4
  

• Геоинформатика

  Геоинформатиканың негізгі ұғымдары және оның басқа ғылымдармен, технологиялар және өндіріспен байланысын, классикалық география және картография дәстүрлері мен әдістерін, теориясын, қолданбалы математика, информатика және компьютерлік техниканың мүмкіншіліктерін сараптайды. Геоинформатиканы ғылым ретінде қарастырады. Геоинформатиканың кеңістіктегі ақпаратты өңдейтін және оны қолданушыға, монитор экранына,басылым құралдарына немесе байланыс каналдарына жеткізетін есептеуіш машиналарын және әдістемелік құралдарын талдайды

  Оқу жылы - 1
  Семестр - 2
  Несиелер - 4
  

• Археология

  Пәнде археологиялық зерттеудің әдістері мен тәсілдерін қарастырады, археология ғылымының даму тарихын, Қазақстан аумағындағы тас дәуірі, қола дәуірі, темір дәуірі мен ортағасырлық ескерткіштері, сонымен қатар ТМД аумағындағы археологиялық ескерткіштердің зерттеу тарихы, археологиялық қазбалар, археологиялық деректер салыстырылады.

  Оқу жылы - 1
  Семестр - 2
  Несиелер - 5
  

• Орта ғасырдағы шығыс елдерінің тарихы

  Пәнде Орта ғасырдағы Азия, Африка елдері тарихының түпдеректері, тарихнамасы, Шығыс феодализмінің ерекшеліктері, Ирандағы Сасанидтер мемлекеті, ІІІ-ХІғғ. Үш патшалық кезеңі, Суй, Тан империялары кезеңіндегі Қытай, Жапониядағы феодалдық қатынастардың қалыптасуы, Арабияның бірігуі, Исламның пайда болуы, Омеядтар және Аббасидтер халифаты, Дели сұлтандығы, Осман империясының құрылуы, оның сыртқы саясаты сипатталады

  Оқу жылы - 2
  Семестр - 1
  Несиелер - 5
  

• Орта ғасырдағы Қазақстан тарихы

  Қазақстан аумағындағы түрік және батыс түрік қағанаттарының, қарлұқ, оғыз, қыпшақ, қарахан мемлекеттерінің құрылуы, феодалдық қатынастар және оның дамуы, сол кезеңдегі саяси- әлеуметтік жағдай, шиеленістер, шаруашылықтың түрлері, өнер мен қала мәдениеті және сауда байланыстары, Моңғол дәуіріндегі мемлекеттер, қазақ халқының қалыптасуы, Қазақ хандығының құрылуы, нығаюы, оның экономикасы және мәдениеті талданады.

  Оқу жылы - 2
  Семестр - 1
  Несиелер - 6
  

• Академиялық хат

  Пән ғылыми бағыттағы түрлі мәтіндерді (ғылыми мақала, баяндама, пікірлер, тарихи шолу, эмпирикалық мақала және т.б.) жазу дағдыларын қалыптастыруға, олардың ерекшеліктері мен құрылымдарын жан - жақты меңгертуге бағытталады. Сондай-ақ ғылыми мәтіндер жазу үшін тақырып таңдаудан бастап, оны жариялау барысындағы барлық жазылым үдерісінде кездесетін мәселелерді қарастырады.

  Оқу жылы - 2
  Семестр - 1
  Несиелер - 3
  

• Орта ғасырлар тарихы (Батыс)

  Пәнде Антикалық және орта ғасырлар тоғысындағы Еуропа тарихы, ежелгі Германдықтардың б.з. ІVғ. дейінгі қоғамдық құрылысын талдайды. Еуропада ұлы қоныс аудару кезеңіндегі ғұндардың тарихы, Франк державасындағы феодализмнің дамуы және ІҮ-ХІІ ғасырлардағы. Византия, ерте орта ғасырлардың аяғындағы Батыс Еуропа туралы, Орта ғасырларда қалалардың пайда болуы, дамуы және Ұлы географиялық ашылулар және еуропалық мемлекеттердің отаршылдық жүйенің қалыптасуын қарастырады

  Оқу жылы - 2
  Семестр - 1
  Несиелер - 5
  

• Материктер мен мұхиттардың физикалық географиясы

  Мұхиттар мен материктерді физикалық-географиялық аудандастырудың принциптері, дүниежүзілік мұхит және оның бөліктері, мұхиттарға аймақтық-географиялық сипаттама береді: табиғат ресурстары, геоэкологиялық проблемалары, Солтүстік және Оңтүстік материктеріне аймақтық- географиялық талдау жасалынады, табиғатының даму кезеңдері, жер бедері, климаты, сулары, тіршілік дүниесі, материктердің ірі табиғат аймақтарына жіктелуі сарапталады.

  Оқу жылы - 2
  Семестр - 2
  Несиелер - 4
  

• Ғылыми зерттеу әдістері

  Ғылыми зерттеудің әдістемесі, ерекшеліктері; ғылыми зерттеудің процедурасы; ғылыми зерттеу бағдарламасы; ғылыми зерттеудің мақсаты; ғылыми зерттеудегі математикалық әдіс; бастапқы ақпаратты жинақтау әдістері (сауал әдістері: анкеталау, интервью, эксперттік сауал, эксперимент, контент-талдау, социометрикалық сауал) туралы мәліметтер талданады.

  Оқу жылы - 2
  Семестр - 2
  Несиелер - 5
  

• Экология және тіршілік қауіпсіздігі негіздері

  Курс қоғам мен табиғатты дамыту негіздері, табиғи ресурстарды ұтымды пайдаланудың заманауи тәсілдері, тіршілік қауіпсіздігін құқықтық реттеу, жағымсыз әсерлердің дамуын болжау және төтенше жағдайлардың салдарын бағалау, тірі организмдер популяцияларының жай-күйі, экожүйелердің бұзылу дәрежесі, популяциялардың құрылымы мен динамикасы туралы білімді қалыптастыру мақсатында зерттеледі.

  Оқу жылы - 2
  Семестр - 2
  Несиелер - 5
  

• Сыбайлас жемқорлыққа қарсы күрес мәдениеті негіздері

  Қоғамға қарсы құбылыс ретінде сыбайлас жемқорлыққа қарсы іс-қимыл бойынша азаматтық ұстанымды қалыптастыру; сыбайлас жемқорлыққа қарсы мәдениетті жетілдіру және сыбайлас жемқорлық құқық бұзушылықтары үшін моральдық-адамгершілік және құқықтық жауапкершілікті қалыптастыруға бағытталған іс-әрекеттер; Қазақстан Республикасында сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері талданады;

  Оқу жылы - 2
  Семестр - 2
  Несиелер - 5
  

• Кәсіби қазақ (орыс ) тілі

  Тарихи және географиялық ғылыми терминдер, синтаксистік конструкцияларды ауызша және жазбаша қарым-қатынаста дәл қолдану дағдылары, әңгіме құру дағдылары, іскерлік қарым-қатынас, хаттар, есептер, пікір, эссе жазу дағдылары, мәтіндерді түсініп оқу, өз ойын жеткізу мәселелері сарапталады. Әртүрлі қарым-қатынас түрлерінде еркін сөйлеу, әңгіме, пікір-талас жүргізе алу,функционалдық сөйлеу стильдері сөйлесу құралдарының тарихи қалыптасқан жүйесі ретінде, кәсіби тілдің алуандығы қарастырылады.

  Оқу жылы - 2
  Семестр - 2
  Несиелер - 3
  

• Экономика және құқық негіздері

  Курс Қазақстан Республикасындағы әкімшілік құқық негіздері, азаматтық және отбасы құқығы, Қазақстан Республикасының еңбек құқығы және әлеуметтік қамсыздандыру құқығы туралы білімді қалыптастыру мақсатында оқытылады. Мемлекеттік басқару институттарының жүйесі және олардың өкілеттіктерінің көлемі. Экономиканы мемлекеттік реттеудің мақсаттары, әдістері. Мемлекеттік сектордың экономикадағы рөлі. Қаржы құқығы және қаржы. Материалдық және іс жүргізу құқығының өзара әрекеттесу механизмі.

  Оқу жылы - 2
  Семестр - 2
  Несиелер - 5
  

• Қаржылық сауаттылық негіздері және кәсіпкерлік

  Жеке қаржыны басқару өзінің әл-ауқаты мен отбасының әл-ауқатын қамтамасыз ету, қаржы нарығының негізгі құралдары туралы білім жүйесі, тұтынушының, салымшының, қарыз алушының, акционердің, салық төлеушінің, сақтанушының, инвестордың әлеуметтік-экономикалық рөлін тиімді орындауды және кәсіпкерлік қызметті қаржыландыруды, кадрлік қамтамасыз етуді, кәсіпкерлік қызметті қалыптастыруды және дамытуды, әлеуметтік-экономикалық жағдайды жақсартуды және қазіргі таңда қызмет атқарып жүрген кәсіпкерлерге де қолдау көрсету бағдарламалары қарастырылады.

  Оқу жылы - 2
  Семестр - 2
  Несиелер - 5
  

• Жасанды интеллект негіздері

  Дайындықтың әртүрлі бағыттарының студенттері үшін жасанды интеллекттің іргелі принциптерімен танысу және оны тиісті салаларда қолдану болып табылады. Пән студенттердің болашақ кәсіби қызметінде Инновациялық технологияларды қолдану қабілетін дамытуға бағытталған. Пән жасанды интеллекттің негізгі тұжырымдамаларына, әдістері мен технологияларына кіріспе және оларды әртүрлі салаларда практикалық қолдану болып табылады. Студенттер машиналық оқыту, нейрондық желілер сияқты негізгі технологияларды, сондай-ақ болашақ кәсіби қызметіне сәйкес жасанды интеллектті қолдану салаларын үйренеді.

  Оқу жылы - 2
  Семестр - 2
  Несиелер - 5
  

• Педагогика және тәрбие жұмысының әдістемесі

  Педагогика және тәрбие жұмысының теориясы мен әдістемесінің негізгі категориялары; педагогикалық ғылымның әдіснамасы және оқу-тәрбие процесін ұйымдастырудың негізгі әдіснамалық тәсілдері; педагогикалық процестің құрылымы мен маңызды сипаттамалары; тұтас педагогикалық процестің теориясы; білім беру мазмұнын реттейтін нормативтік құжаттардың мазмұны; заманауи білім беру технологиялары; оқыту мен тәрбиелеудің заңдылықтары, принциптері, мақсаттары, мазмұны, әдістері; білім беру және тәрбие процесін ұйымдастырудың жалпы және жеке нысандары; тұлғаны тәрбиелеу мен дамытудың негізгі теориялары; тәрбие процесін ұйымдастырудың негізгі әдістері, құралдары мен нысандары; тәрбие процесінің мәні және оның құрылымы; сынып жетекшісінің функциялары мен негізгі бағыттарын қарастырады.

  Оқу жылы - 2
  Семестр - 2
  Несиелер - 4
  

• Геоэкология және тұрақты дамуы

  Геоэкология және тұрақты даму пәнінің мақсаты мен міндеттері қарастырылады Экологиялық факторлар және олардың геосаясатқа әсері талданады. Қазақстанның жеке аймақтарының экологиялық проблемалары, табиғат қорғаудың қазіргі кезеңдегі міндеттері сарапталады. Табиғатты қорғау туралы ілімнің ғылыми негіздерін жердің табиғи-антропогендік жүйелерінің экологиялық саны ретінде геоэкологияның негіздеуші принциптерін саралайды, анықталған заңдылықтарды қолданбалы экологияның теориясы мен тәжірибесін іс жүзінде қолданады.

  Оқу жылы - 3
  Семестр - 1
  Несиелер - 5
  

• Қазақстанның физикалық географиясы

  Пән Қазақстан табиғатының зерттелу тарихы, Қазақстан аумағындағы табиғаттың қалыптасуының негізгі кезеңдері, жер бедерін қалыптастырушы факторлар, Қазақстанның ішкі сулары, топырақтары, өсімдік жамылғысы, жануарлар дүниесі, табиғат зоналары, табиғат ресурстары жайында теориялық білім береді, сондай-ақ Қазақстанның физикалық-географиялық аудандастырылуы қарастырылады.

  Оқу жылы - 3
  Семестр - 1
  Несиелер - 5
  

• Жаңа замандағы Батыс

  Пәнде Еуропа және Америка елдерінің жаңа замандағы әлеуметтік-экономикалық жағдайы, саяси тарихы, еуропалық державалардың отарлар жаулап алу жолындағы өзара соғыстары, жаңа замандағы Еуропа мен Америка елдерінің қоғамдық құрылысы, американдық отарлардың тәуелсіздік үшін күресі, жаңа замандағы ғылымның дамуы, ағартушылық ғасыры мен Ұлы Француз революциясы, жаңа замандағы Еуропа, Америка елдеріндегі мәдениеттің жаңа белестерге көтерілуі сипатталады

  Оқу жылы - 3
  Семестр - 1
  Несиелер - 5
  

• Қазақстанның жаңа заман тарихы

  XVIII ғ. басындағы Қазақстанның сыртқы, ішкі саяси жағдайы, Ресей империясының отаршылдық саясатының мақсаттары, әдістері, XIX ғ. екінші жартысындағы Қазақстанда жүргізілген патшалық реформалардың салдарлары, отаршылдыққа қарсы ұлт-азаттық қозғалыстар, ХХ ғ. басындағы Қазақстандағы саяси өмірдің жандануы, өлкедегі саяси бас көтерулер, XIХғ.-ХХғ. басындағы Қазақстанның мәдениеті, экономикасы, қазақ жерінің жалпыресейлік экономикаға тартылуы сипатталады

  Оқу жылы - 3
  Семестр - 1
  Несиелер - 5
  

• Қытайдың жаңа дәуір тарихы

  Пәнде жаңа заман дәуіріндегі Қытайдың саяси тарихы, әлеуметтік-экономиканың жағдайы,сыртқы саясаты мен мәдениеті, манчжурлардың Қытайды жаулап алуы және Цин әулетінің таққа отыруы, оның жаулап алу соғыстары, Еуропа елдерімен қарым-қатынасы, апиын соғыстары мен Қытайдың жартылай отар елге айналуы, Қытай халқының еуропалық державалар мен Жапонияның отаршылдық экспансиясына қарсы ұлт-азаттық қозғалысы, цин әулеті билігінің әлсіреуі сипатталады.

  Оқу жылы - 3
  Семестр - 1
  Несиелер - 5
  

• Патшалық Ресейдің Қазақстандағы отарлау саясатының зардаптары

  Қазақстандағы патшалық Ресейдің отарлау саясатының зардаптары, аграрлық саясаттың тарихнамасы, XIX ғасырдың аяғы – ХХ ғасырдың басындағы реформалар, Жетісудағы шаруалардың қоныс аударуы туралы уақытша ережелер, ұйғырлар мен дүнгендердің қоныс аударуы, "Ауыл тұрғындары мен буржуазияның қазыналық жерлерге ерікті түрде қоныс аударуы туралы" ереже, Қазақ зиялылары және қазақ даласындағы аграрлық дағдарыс сипатталады. Ресейдің отарлау саясатының салдары, егіншілік практикасының қалыптасуындағы әлеуметтік топтардың рөлі талданады

  Оқу жылы - 3
  Семестр - 1
  Несиелер - 5
  

• Геоэкономика

  Курс шеңберінде табиғи ресурстарды бағалаудың теориялық және практикалық мәселелері, оларды классификациялау, табиғат ресурстарын тиімді пайдаланудың (жер, орман, су, минералды және т.б.) экономикалық мәселелерін толық қарастырады. Қазіргі жағдайда нарықтық қатынастардың дамуы мемлекеттердің экономикасын, олардың табиғи эконмикалық әлеуетінің маңызын сараптайды.

  Оқу жылы - 3
  Семестр - 1
  Несиелер - 5
  

• Инклюзивті білім беру

  Пән келесі мәселелерді қарастыруға бағытталған: Инклюзивті білім беру түсінігі мен мәні; инклюзивті білім берудің тұжырымдамалық негіздері; ерекше білім беру қажеттіліктері бар адамдардың білім беру процесін реттейтін нормативтік-құқықтық актілер; инклюзивті білім беру модельдері мен Арнайы білім беру шарттары; мақсаттар, міндеттер, принциптер, әдістер, әдістер мен ұйымдастырушылық формалар инклюзивті білім беру; инклюзивті білім берудің түзету бағыты қарастырылады.

  Оқу жылы - 3
  Семестр - 1
  Несиелер - 3
  

• Қазақстандағы ұлт-азаттық қозғалыстар тарихы

  Пәнде Қазақстандағы ұлт-азаттық қозғалыстардың: тарихнамасы, методологиясы және кезеңдері, Қазақ халқының жоңғар басқыншылығына қарсы күресі, С. Датұлы, И. Тайманұлы мен М.Өтемісұлы, Ж. Нұрмахамедұлы К. Қасымұлы, Е. Көтібарұлы бастаған көтерілістер және ХІХ ғ. 60-70 жж. Орал, Торғай облыстарындағы, Маңғыстаудағы ұлт-азаттық қозғалыстар, 1916ж. ұлт-азаттық көтеріліс, Алаш қозғалысы, оның тағдыры, Қазақстандағы Кеңес өкіметінің отарлау саясаты және оған қарсы наразылықтардың алғышарттары мен салдары талданады

  Оқу жылы - 3
  Семестр - 1
  Несиелер - 5
  

• Кәсіби-бағытталған шетел тілі

  Тарихи және географиялық ғылыми терминдер, әлеуметтік-тұрмыстық қарым-қатынас саласы, тарих және қоғам, әлеуметтік-мәдени қарым-қатынас саласы, әлем картасы. салт-дәстүрлер, оқу-кәсіби қарым-қатынас саласы, қазіргі қоғам, геосаяси мәселелер, мәдени-тарихи ая, тарихи және географиялық білім, кәсіби тілдің алуандығы қарастырылады.

  Оқу жылы - 3
  Семестр - 1
  Несиелер - 3
  

• Жаңа замандағы Шығыс

  Жаңа заман кезеңіндегі Шығыс елдерінің қоғамдық-саяси, рухани және әлеуметтік-экономикалық үдерістері, мерзімдік ауқымы мен кезеңденуі, Азия және Африка мемлекеттерінің отар елдерге айналуы және де шығыс елдерінің индустриаландыруға дейінгі өркениеттен дамудың жаңа кезеңіне өтуі, Азия-Африка аумағындағы жекелеген елдердің әлеуметтік экономикалық, саяси дамуына талдау жасайды; Азия және Африка елдерінің жаңа замандағы оқиғаларының хронологиясын,өркениеттік жетістіктерін тарихи деректер мен ғылыми әдебиеттер негізінде тұжырымдайды.

  Оқу жылы - 3
  Семестр - 1
  Несиелер - 5
  

• Гидрология және су ресурстарын қорғау

  Мақсаты: су нысандарын және сур ресурстарын қорғауды зерделеу. Студенттер: жалпы гидросферадағы және түрлі әртиптегі су нысандарының негізгі гидрологиялық процестерін ажыратады; су нысандарын және гидрологиялық процестерді географиялық гидрологиялық зерделеудің практикалық мағыздылығын көсете алады; су қауіпсіздігін қамтамасыз ету және болашақты болжамдау мақсатында жерүсті су ресустарының жағдайын, су нысандарындағы қауіпті гидрологиялық құбылыстарды зерттейді.

  Оқу жылы - 3
  Семестр - 2
  Несиелер - 5
  

• Мектептегі оқыту мен бағалаудың инновациялық әдіс тәсілдері

  Білім беру жүйесіндегі жаңа инновациялық әдіс - тәсілдерді қолдану ерекшеліктері, жаңа технологиялардың білім берудегі қолданылу мүмкіндіктері, модульдік оқыту технологиясын, деңгейлеп саралап оқыту технологиясы, қашықтықтан оқыту технологиясы, тірек сигналдары арқылы оқыту технологиясы, интер белсенді оқыту технологиясы арқылы білім сапасын дамыту қарастырылады

  Оқу жылы - 3
  Семестр - 2
  Несиелер - 5
  

• Жаратылыстануды оқыту әдістемесі

  Жаратылыстану ғылымын білімнің пән аралық саласы ретінде қарастырады. Ғылыми таным әдістерінің жіктемесі, байқау, эксперимент, өлшеу, абстракциялау, идеалдандыру, формализация, талдау және синтез, баламалау және үлгілеуді , жаратылыстану тарихын оқыту әдістерін, тіршіліктің пайда болуы және эволюциясын салыстырады. Жаратылыстанудың ғылыми негіздерін оқыту әдістерін, кіріккен курстың мазмұнын, (физика, химия, биология, география, астрономия)қарастырады. Әлемнің ғылыми жаратылыс сипатындағы эволюциялық ұғымдарын талдайды

  Оқу жылы - 3
  Семестр - 2
  Несиелер - 5
  

• Климатология негіздерімен метеорология

  Метеорологиялық жүйе және оның қызметі; атмосфераның пайда болуы, оның географиялық қабығы, атмосфераның құрылымы мен химиялық құрамы; атмосфералық жауын-шашын және олардың түрлері; атмосфераның жалпы айналымы, жел және оның түрлері; климат, климат түзуші процестер мен факторлар; радиациялық тепе-теңдік және сәулеленуді өлшеу құралдары; күн радиациясының заңдары және оның жер бетінде таралуы; климаттың ғаламдық өзгеруі қарастырылады.

  Оқу жылы - 3
  Семестр - 2
  Несиелер - 5
  

• Қосалқы тарихи пәндер

  Пәннің мақсаты студенттердің арнайы тарихи пәндер білімдерін олардың кәсіби қызметінде пайдалану қабілетін қалыптастыру. ҚТП принциптері мен әдістері, қазіргі заманғы арнайы тарихи пәндерде қолданылатын негізгі ұғымдар мен терминдердің мазмұны, арнайы тарихи пәндердің қалыптасу және даму тарихы, қалыптасу кезеңдері, қазіргі жағдайы, ҚТП тарихи және архивтанулық зерттеулеріндегі ерекшеліктері мен рөлдері қарастырылады.

  Оқу жылы - 3
  Семестр - 2
  Несиелер - 5
  

• Тарихи антропология

  Заманауи тарихи зерттеулердегі аса ықпалды бағыттардың бірімен таныстырады. Мұнда антропологиялық бағыттағы тарихтың бастапқы (менталдылық тарихы) түрлерінен бастап, кейінгі түрлеріне (микротарихтар, күнделікті өмір тарихы, жаңа мәдени тарих талданады. Тарихи-антропологиялық бағыттағы жұмыстардың жалпы сипатымен қатар, жекелеген ұлттық мектептердің (Франция, Италия, Германия, АҚШ, Ұлыбритания) өзіндік ерекшеліктері қарастырылады.

  Оқу жылы - 3
  Семестр - 2
  Несиелер - 5
  

• Географияны оқыту әдістемесі

  Географияны оқыту әдістемесі пәннің мақсаттары мен міндеттері және арнаулы түсініктер, заңдылықтар мен құбылыстарды танып білудің формалары мен әдістемелерін оқытады. Географиялық түсіндірме және терминологиялық сөздіктермен, анықтамалық әдебиетпен жұмыс істеу, жалпы білім беретін мектепте географияны базалық және бейіндік деңгейде оқытудың технологиясы, оқытудың құралдары мен әдістері, географиялық оқытудың мектептен тыс формалары, пәнаралық байланыстарды қарастырады.

  Оқу жылы - 3
  Семестр - 2
  Несиелер - 5
  

• Метеорология және климатология

  Мақсаты; атмосферадағы айналым процестерін, қазіргі климаттың өзгеруін зерделеу, Жердің климатына антропогендік әсерге байланысты проблемаларды түсіну. Студенттер: су шаруашылығы және табиғатты қорғау объектілерін жобалауда метеорологиялық бақылау әдістерін қолданады; аймақтың антропогендік климаттық факторларын анықтау үшін эксперимент жүргізеді; метеорологиялық өлшеу материалдары мен метеорологиялық ақпараттың дұрыстығын және негізгі метеорологиялық сипаттамаларды есептеу әдістерін талдайды және бағалай алады.

  Оқу жылы - 3
  Семестр - 2
  Несиелер - 5
  

• Тарихты оқыту әдістемесі

  «Тарихты оқыту әдістемесі» пәні болашақ тарих пәні мұғалімдерін еліміздің жалпы орта мектептеріндегі тарих пәнін оқытудың теориясымен және әдістемесімен қаруландырады. Тарих пәнін оқытудың түрлі әдіс-тәсілдері мен жолдары талданады. Тарихты оқыту әдістемесінің дамуы мен қалыптасуы, сондай-ақ тарих пәні мұғаліміне қойылатын бүгінгі талаптарды қарастырады

  Оқу жылы - 3
  Семестр - 2
  Несиелер - 5
  

• Гидрология

  Гидродинамикалық, гидрохимиялық, гидроэкологиялық ерекшеліктер және су ресурстарының географиялық таралуы туралы білім беру. Студенттер: су ресурстарының таралуы мен принциптерін бағалау үшін гидрологиялық нысандардың сипаттамасын қүрастырады; антропогендік әсерді ескере отырып, климаттық факторлардың өзара әсерлесуін талдайды; гидросфера туралы түсіну үшін гидрография мен су ресурстарының географиялық таралуын зерделеуде ақпараттық технологияларды қолданады.

  Оқу жылы - 3
  Семестр - 2
  Несиелер - 5
  

• Жалпы геология

  Пән жердің ішкі құрылысын, жердің жылулық күйін, жердің химиялық құрамын, жердің даму сызбаларын және жалпы мазмұны минералогия, петрография, геодинамика (экзогендік және эндогендік) және геотектоника негіздері сонымен қатар, геологиялық ортаның техногендік өзгерістерін антропогендік әрекеттермен байланысты салыстырады

  Оқу жылы - 4
  Семестр - 1
  Несиелер - 4
  

• Қазақстанның экономикалық және әлеуметтік географиясы

  Республиканың экономикалық жəне əлеуметтік географиясынан, яғни оның табиғат байлықтарын шаруашылық салаларының орналасу ерекшелігі жəне олардың даму жолы, экономикалық аудандардың даму ерекшеліктері, басқа елдермен экономикалық байланысы жайлы терең жəне жүйелі білім береді. Сондай-ақ ҚР экономикалық-геосаяси жағдайы, әлемдегі Қазақстан Республикасының рөлі мен орны, әкімшілік-аумақтық бөлінуі, табиғи ресурстық әлеуеті, халқы мен ұлттық құрамы, Қазақстанның шаруашылық аудандарын қарастырады.

  Оқу жылы - 4
  Семестр - 1
  Несиелер - 4
  

• Архивтану және цифрлық дәуірдегі архив ісі

  Архивтану кешенді ғылыми пән ретінде қарстырылады. Студенттер архив құжаттарын цифрландырудың заманауи технологиялары туралы жүйелі түсініктері мен архивте сканерлер және басқа да техникалық құралдармен жұмыс жасау әдістерін үйрену қабілеттілігін қалыптастырады. Архив құжаттарын цифрлаудың модельдік нысандары; құжаттарды цифрлаудың техникалық құралдары; сканерлеуші құрылғылардың жұмыс қағидаттары; архивтік құжаттарының мәтінін тану, цифрландыру үдерісінің бағдарламалық қамтамасыз етуін таңдау әдістемесі қарастырылады.

  Оқу жылы - 4
  Семестр - 1
  Несиелер - 4
  

• Музейтану

  Әлем музейлері кеңістігіндегі музей қызметiнің дамуы мәселелерінің ортақ мiнездемесін беру, әлем музейлері тәжірибесіне қолданатын алдынғы қатарлы технологияларды, бiлiм және мәдениет саласындағы интеграцияның үдерісі, музейлік бiлiм беру саласындағы әрiптестiкті саралау, әлем музейлері қызметi бағыттарындағы мәселелер туралы түсініктерін қалыптастыру, әлем музейлерінің қор жұмысы, экспозициялық ерекшеліктері сияқты мәселелер қарастырылады.

  Оқу жылы - 4
  Семестр - 1
  Несиелер - 4
  

• Тарихи демография

  Қазақстан тарихи демографиясының қалыптасуы, Ресейге бодан болғаннан осы күнге дейінгі қазақ халқының этнодемографиялық даму дәуірлері мен кезеңдері, бірінші дәуір – отарлық дәуір, ХVІІІ ғ. 30-жылдарынан бері 1917 ж. дейін; екінші дәуір – 1917-1991 жж., яғни Кеңес заманы; үшінші дәуір – тәуелсіздік дәуірі – 1991жылдан қазіргі уақытқа дейін қазақтардың өз елінде біртіндеп, көпшілікке айналған дәуір, тәуелсіздік жағдайында қазақтардың өз еліндегі этнодемографиялық даму бағыттары және оның сан-қилы жақтары мен көрсеткіштері қарастырылады

  Оқу жылы - 4
  Семестр - 1
  Несиелер - 5
  

• Музей педагогикасы

  Музей педагогикасының кəсіби қалыптасуы, тарихи реттілікпен музейдің білім беру қызметінің қалыптасуы мен дамуының маңызды аспектілері жəне осы қызметтің негізі ретіндегі музей педагогикасының мазмұны жан-жақты қарастырылады

  Оқу жылы - 4
  Семестр - 1
  Несиелер - 4
  

• Мектептегі өлкетану

  Мектептегі өлкетану пәні арқылы бір аймақты жан-жақты зерттеп тануға үйретеді. Өлкенің əлеуметтік-экономикалық, саяси, тарихи жəне мəдени дамуы, сондай-ақ, оның табиғи сипатын мептегі оқушыларға ұйымдастыру негіздерімен танысады. Жоғары оқу орнында оқытылатын тарих курсы мен туған өлкені зерттеп-тану барысында алған білімдері мен дағдылары арасындағы байланыстарды бақылап, айқындайды

  Оқу жылы - 4
  Семестр - 1
  Несиелер - 5
  

• Ландшафттану

  Материктердің әртүрлі ландшафттарын айқындайтын ландшафт жасаушы факторларды саралайды. Ландшафттардың географиялық бағытын, территориялардың қалыптасу тарихын, геолого-тектоникалық құрылымдарын, рельефтің негізгі түрлерін, пайдалы қазбаларын, климаттық жағдайларын, топырақты өсімдік жамылғысын, ландшафттарын , материк табиғатына антропогендік әсерін талдайды, сондай-ақ табиғи ресурстарды қорғайды және тиімді қолданады

  Оқу жылы - 4
  Семестр - 1
  Несиелер - 5
  

• Архивтану және Оңтүстік Қазақстан өніріндегі жазықсыз жоғалғандардың өмірі архив құжаттарында

  Студенттердің архивтануды кешенді ғылыми пән ретінде, болашақ кәсіби қызмет шеңберінде оны зерттеудің әдістері мен мәселелері туралы тұтас жүйелі түсініктерін қалыптастырады. Архивтанудың нормативтік-құқықтық базасы, Қазақстандағы архив ісінің ұйымдастырылуы, архивтану қағидаттары, архив құжаттарын жіктеу және жүйелеу, архив құжаттармен жұмыс істеудің негізгі кезеңдері сынды мәселелер қарастырылады. Оңтүстік Қазақстан өніріндегі жазықсыз жоғалғандардың өмірі туралы архив құжаттарындағы деректер талданады

  Оқу жылы - 4
  Семестр - 1
  Несиелер - 4
  

• Қазақ диаспорасының тарихы

  Қазақ диаспорасының қалыптасып, дамуына қатысты саяси себептер, XVIII ғасырдағы жоңғар-қазақ соғыстары, қазақтардың Ресей үстемдігіне қарсы XVIII – XIX ғасырлардағы ұлт-азаттық көтерілістері мен соғыстары, Орталық Азия мен Қазақстандағы 1916 жылғы ұлт-азаттық қозғалысы, қазақтарға қатысты жүргізілген геноцидтік саясаты, Шығыс Түркістандағы (Шыңжаңдағы) қазақтардың Қытай өкімет орындарына қарсы ұлт-азаттық күресі, II-дүниежүзілік соғыс, экономикалық себептер, діни себептер, көші-қон салдары қарастырылады.

  Оқу жылы - 4
  Семестр - 1
  Несиелер - 5
  

• Геология және геоморфология негіздері

  Жердің қыртысын және ішкі қабаттарын, олардың құрамын, құрылысын, қозғалысын, жердің пайда болуын, жасын, құрылымдық ерекшелігін, дамуы мен элементтерінің жер бетінде таралуын қарастырады, сыртқы және ішкі процестердің, сонымен қатар, жер бетінің қалыптасуындағы антропогендік факторларды сараптайды. Геоморфологиялық процестерді зерттеуде стационарлық және тәжірибелік әдістер, Жер бетін әуеден (аэрофототүсірім) және ғарыштан түсіру, теңіз (мұхит) түбін эхолотпен анықтау сияқты әдістер талданады.

  Оқу жылы - 4
  Семестр - 1
  Несиелер - 4
  

• Дүниежүзілінің экономикалық, әлеуметтік және саяси географиясы

  Дүние жүзінің қазіргі саяси картасының қалыптасу кезеңдерін, мемлекеттік құрылыс, басқару формалары және әкімшілік бөлінісі, дүние жүзі елдерінің алуан түрлілігі, саяси география және геосаясат, халықаралық ұйымдар, дүние жүзінің табиғи ресурстары, дүние жүзінің халқы, ҒТР және дүниежүзілік шаруашылық, дүниежүзілік шаруашылық географиясы және халықаралық экономикалық қатынастары талданады

  Оқу жылы - 4
  Семестр - 1
  Несиелер - 4
  

• Цифрлық тарих

  Цифрлық тарих құралдарын қолдану және интерпретациялау дағдыларын қалыптастырады және тарихшының кәсіби міндеттерін шешуге қажетті негізгі құзыреттіліктерді (ойлау, іздеу, талдау және өткенді түсіну) дамыту қарастырылады. Цифрлық ғылымдардың ажырамас бөлігі ретінде тарихи информатика мен сандық тарихтың қазіргі жағдайын талдайды

  Оқу жылы - 4
  Семестр - 2
  Несиелер - 5
  

• Географияны оқытуды жоспарлау және оқытуды даярлау

  Мақсаты: педагогикалық және дербес зерттеулер негізінде оқушылардың әртүрлілігін және географияны оқыту технологияларын қолдануды ескере отырып, оқытуды даралау дағдыларын қалыптастыру. Студенттер: оқытуды жоспарлау және өткізу кезінде өзінің педагогикалық, пәндік саладағы құзыреттілік, кәсіпкерлік және тұрақты даму талаптарын түсінеді; оқытуға әсер ететін басқа жағдайларды жоспарлайды және болжай алады; жеке оқыту және көшбасшылық ұстнымдарын іс жүзінде қолданады, оқушылардың қажеттіліктерін ескереді, олардың жеке басының дамуы мен өзін-өзі бағалауын қолдайды.

  Оқу жылы - 4
  Семестр - 2
  Несиелер - 5
  

• Географиялық зерттеулер, даму және инновациялар

  Мақсаты: қоғамда және білім беру ортасында болып жатқан өзгерістер контекстінде географияны оқытудың инновациялық тәсілдері мен технологияларын әзірлеу, жаңарту және қолдану қабілеттерін зерттеуге және дамытуға бағытталған ойлауды қалыптастыру. Студенттер: зерттеуге негізделген тәсілдер арқылы жеке оқыту дағдыларын дамытады бағдарламалық жасақтаманы әзірлеу үшін деректерді жинау және пайдалану кезінде сыни ойлауды қолданады, ғылыми зерттеулерге қатысу және немесе университеттер мен мүдделі тараптар арасындағы ынтымақтастықты дамыта алады әртүрлі байланыс формаларын қолдана отырып, зерттеу іс-әрекетін құжаттайды және нәтижелерді ұсынады.

  Оқу жылы - 4
  Семестр - 2
  Несиелер - 5
  

• Қазақ халқының этногенезі мен этникалық тарихы

  Пәнде қазақ халқының этникалық құрылымының қалыптасу алғышарттары мен кезеңдері, барысы, түркі тілдес халықтардың, оның ішінде қазақ халқының қалыптасуына негіз болған тарихи оқиғалар, оның ішінде қола дәуіріндегі тайпалар, сақтар, ғұн тайпалары, үйсіндердің этникалық тайпалары, қазақ халқының этногенезінің түркілік кезеңі, қазақ халқының қалыптасуындағы этномиграциялық үдерістердің атқаратын рөлі, қазақ этностық санасының орнығуы сарапталады

  Оқу жылы - 4
  Семестр - 2
  Несиелер - 6
  

• Тарихи білім берудегі цифрлық технологиялар

  Цифрлық деректермен жұмыс істеудің заманауи құралдарын, оларды гуманитарлық зерттеулерде қолдану технологияларын, мәдени мұраны сандық түрде сақтау әдістерін қарастырады. Тарихи-мәдени құбылыс немесе оқиғаның виртуалды цифрлық өнімін (аудио-видео, анимация, медиа, «тірі мәтін» және т.б.) құру үшін тарихи ақпаратты талдайды және шығармашылық түрде өзгертеді;

  Оқу жылы - 4
  Семестр - 2
  Несиелер - 5
  

• Тұрғындар географияcы

  Мақсаты: қазіргі әлемде болып жатқан демографиялық үдерістердің теориялық және практикалық негіздерін зерттеу. Студенттер: дүниежүзі халқы санының динамикасын сипаттайтын демографиялық үдерістер мен құбылыстарды ажырата алады; жалпы және аймақтық демографиялық, миграциялық, этникалық үдерістердің ерекшеліктерін талдайды; жеке елдер халық санының өзгерістері туралы болжамдарды негіздей алады; халықпен байланысты үдерістерді талдауда кешенді географиялық тәсілдерді қолданады.

  Оқу жылы - 4
  Семестр - 2
  Несиелер - 5
  

• Өлке топонимикасы

  Мақсаты: өлкенің географиялық атауларын зерттеу, топонимикалық ақпаратты талдау. Студенттер: белгіленген нысандардың ресми атауы мен жергілікті халықтың пайдалануы арасындағы айырмашылықтарды анықтайды; топонимикалық мәліметтерді жазудың әртүрлі әдістерін қолданады; жер атауларын Жергілікті пайдалану туралы ақпарат алу үшін далалық зерттеулер жүргізеді; топонимикалық атау жататын жердің, объектінің немесе ауданның орналасуын талдайды.

  Оқу жылы - 4
  Семестр - 2
  Несиелер - 5
  

• Этнология

  Географиялық, мәдени-шаруашылықты, нәсілдік, антропологиялық, лингвистикалық, конфессиялық ерекшеліктері, әдістері және методологиясы жіктеледі. Австралия және Океания халықтары, Азия халықтары, Европа халықтары, Батыс, Орталық, Солтүстік және Оңтүстік елдерінің шарушылығы, материалдық мәдениеті, қоғамдық тұрмыс, отбасы, неке қатынасы, рухани мәдениет және халықтық творчество, дін, наным, шаруашылығы және негізгі кәсіптері салыстырылады.

  Оқу жылы - 4
  Семестр - 2
  Несиелер - 6
  

• Заманауи топонимика

  Мақсаты: жер атауларының емлесі мен айтылу заңдылықтарын, географиялық атаулардың әртүрлілігін анықтайтын факторларды зерделеу. Студенттер: топонимдердің айтылуын талдау негізінде жер атауларының әртүрлілігін анықтау; табиғи аумақтық және аквалдық атауларды тіркеудің әртүрлі әдістерін қолдану; географиялық номенклатураның қалыптасуы мен өзгеру проблемаларын айқындау; жердің әртүрлі айқмақтары мен халықтарының жергілікті жер атаулары туралы мысалдар келтіру.

  Оқу жылы - 4
  Семестр - 2
  Несиелер - 5
  

• Қалалар мен ауылдың елді мекендердің географиясы

  Мақсаты: елді мекендердің негізгі түрлерінің ерекшеліктерін ашу. Студенттер: статистикалық деректер бойынша еліміздің әр түкпіріндегі қала мен ауыл халқының арақатынасының көрсеткіштерін салыстырады; урбанизацияланған аумақтардың экологиялық мәселелерін зерттеу және проблемаларды шешу жолдарын ұсына алады қалалық жүйелердің дамуының негізгі кезеңдерін және ауылдық елді мекендердің даму заңдылықтарын талдайды; географиялық кеңістікті ұйымдастырудағы қалалардың рөлін, олардың құрылымы мен даму динамикасын бағалай алады

  Оқу жылы - 4
  Семестр - 2
  Несиелер - 5
  

• Қазақстанның туристік реакреациялық ресурстары

  Мақсаты: табиғи және әлеуметтік-экономикалық сипаттағы туристік қажеттіліктерді зерделеу. Студенттер: еліміздің тартымды таулы, рекреациялық, табиғи, су, экскурсиялық аймақтарын жіктеу үшін Қазақстанның туристік-рекреациялық ресурстары туралы білімді пайдаланады; туризмді дамыту үшін Қазақстанның климаттық жағдайларын басқа елдермен салыстырады; туристік сұраныстың заманауи үрдістерін қанағаттандыру үшін Қазақстанның рекреациялық ресурстарын бағалайды.

  Оқу жылы - 5
  Семестр - 1
  Несиелер - 6
  

• Мәдениет географиясы

  Мақсаты: табиғат пен қоғамның өзара әрекеттесуінің нәтижесі болып табылатын кеңістіктік мәдени айырмашылықтарды және мәдениеттердің аумақтық таралуын зерделеу. Студенттер мүмкін: мәдени және географиялық кеңістіктің өзара әрекеттесуі туралы білімді пайдалана алады; мәдени география мен мәдениеттанудың өзара байланысының жалпы тенденцияларын талдайды; жер аймақтары арасындағы кеңістіктік және мәдени айырмашылықтарды зерттейді; әлемнің мәдени аудандарының электрондық карталарын жасау үшін геоақпараттық технологияларды қолданады.

  Оқу жылы - 5
  Семестр - 1
  Несиелер - 6
  

• Геосаясат

  Мақсаты: қазіргі дүниедегі геосаяси үдерістерді және әлем елдерінің геосаяси жағдайының ерекшеліктерін зерттеу. Студенттер: жеке елдердің қазіргі заманғы жағдайын анықтауда геосаясаттың эволюциясын түсіндіру; саяси құрылымы мен экономикалық дамуын бағалау үшін әлем елдерінің геосаяси жағдайы туралы мысалдар келтіре алады; елдердің геосаяси кеңістіктегі рөлін анықтауда заманауи геосаяси үдерістерді зерттеудің нәтижелерін талдай алады.

  Оқу жылы - 5
  Семестр - 1
  Несиелер - 6
  

• Германия тарихы

  Пәнде XVIII ғ. ортасынан басып ХХ ғ. басы аралығындағы Германияның саяси, әлеуметтік-экономикалық жағдайы, XVII-XVIII ғғ. Неміс мемлекеттерінің экономикалық дамуы, олардың өзара қарым-қатынасы, Герман мемлекеттерінің сыртқы саясаты, ХІХ ғ. басындағы Наполен соғыстары жылдарындағы Герман мемлекеттерінің жағдайы, ХІХ ғ. соңында Герман мемлекеттерінің бірігуі, Герман империясының құрылуы, оның ішкі және сыртқы саясаты мәселелерін қарастырады.

  Оқу жылы - 5
  Семестр - 1
  Несиелер - 5
  

• Ресей тарихы

  Ежелгі Шығыс славяндар: орналасуы, әлеуметтік құрылымы, көршілермен қарым-қатынасы, Киев Русі мемлекетінің тарихы, орыс жерлерінің Москва төңірегіне бірігуі, Иван IV кезінде мемлекеттіліктің нығаюы, І Петрдің реформалары, ХІХ ғ. басындағы Ресей, Ресейде империализмнің дамуы, 1917 ж. Революция, Кеңес мемлекетінің құрылуы, екінші дүниежүзілік соғыс, Сталинизмнің жоғарғы шегі, Қайта құру және жеделдету, КСРО-ның ыдырауы сипатталады

  Оқу жылы - 5
  Семестр - 1
  Несиелер - 5
  

• Қазіргі заман кезеңіндегі Батыс

  Пәнде Еуропа және Америка елдерінің 1918 жылдан бастап XXI ғасырдың алғашқы онжылдығына дейінгі тарихы сипатталады. Батыс елдерінің қазіргі заманғы саяси, әлеуметтік-экономикалық даму тарихы, сыртқы саясаты мен мәдениеті, ХХғ. бірінші жартысындағы Еуропа елдерінің әлеуметтік-экономикалық жағдайы, Италия мен Германияда фашистердің билікке келуі, екінші дүниежүзілік соғыс, ХХғ. екінші жартысындағы Еуропа мен Америка елдерінің халықаралық қатынастардағы орны мен рөлі талданады.

  Оқу жылы - 5
  Семестр - 1
  Несиелер - 5
  

• ҚР тұрақты даму мен аймақтық басқару

  Студенттер 2030 жылға дейін жетуге тиіс 17 мақсаттан, сондай-ақ, оларға байланысты 169 міндеттерден және 242 индикатордан тұратын ҚР тұрақты даму мақсттары тұжырымдамасын талдайды ТДМ үш компонентті біріктіру арқылы тұрақты дамуға жетуіне жәрдемдесуге тиіс экономикалық, әлеуметтік және экологиялық мәселелерді зерделейді. Тұрақты дамудың үш компонентері арасындағы тығыз өзара байланыстың болуы климаттық өзгерістердің маңызды салдарлары және шектелген табиғи ресурстарды сақтау және «жасыл» экономикаға ауысу қажеттілігін қарастырады.

  Оқу жылы - 5
  Семестр - 1
  Несиелер - 6
  

• Шетел тарихының тарихнамасы

  Пәнде ғылыми-тарихи білімдердің пайда болуы және жинақталуы, тарихи ойдың дамуы, тарихи ғылымның қалыптасуы және дамуы, әр кезеңдегі тарихи таным мен ойлаудың заңдылықтары, деректер мен тарихнамалық жұмыстардың түрлерін ажыратады; деректердің дәрежесін анықтайды; зерттеу жұмысында деректану және тарихнамалық талдау әдістері сарапталады

  Оқу жылы - 5
  Семестр - 1
  Несиелер - 5
  

• Қазіргі заман кезеңіндегі Шығыс

  Азия және Африка елдерінің қазіргі заманғы тарихы мен ұлт-азаттық қозғалыстар, шығыс қоғамының Батыстың дамыған мемлекеттері аясындағы трансформациялануы және тәуелсіз мемлекеттердің құрылуы, саяси партиялар қызметінің және діни қозғалыстардың белсенділігі, исламның ішкі және сыртқы саясатқа әсерін, жалпы тарихқа қазіргі қалыптасқан концептуалдық көзқарас тұрғысында кезеңделуіне талдау жасалады

  Оқу жылы - 5
  Семестр - 1
  Несиелер - 5
  

• Дүниежүзілі тарих тарихнамасы және деректану негіздері

  Ежелгі шығыс тарихнамасы, Антика тарихнамасы және Грек тарихнамасы, Эллинистік римдік кезең, Орта ғасыр тарихнамасы, Жаңа заман тарихнамасы, Қайта өрлеу дәуірі және реформация кезеңіндегі тарихнама, Еуропаның тарихи мектептері, қазіргі заман тарихнамасы, ФРГ, Франция, Англия, АҚШ тарихнамасы және деректанулық негіздері талданады.

  Оқу жылы - 5
  Семестр - 1
  Несиелер - 5
  

Профессии

Оқыту нәтижелері

• Тиімді коммуникацияны жүзеге асырады және өз ойларын қазақ, орыс, шет тілдерінде сауатты тұжырымдайды.
• Философиялық, әлеуметтік-саяси, құқықтық проблемаларды, қазақстандық қоғамның тарихи дамуының негізгі кезеңдері мен заңдылықтарын, әлеуметтік маңызы бар проблемалар мен процестерді, қоғамның даму перспективаларын талдайды
• Педагогикалық қызметті адамгершілік, этикалық және құқықтық нормаларға сәйкес ұйымдастырады, тез өзгеретін әлеуметтік шындық жағдайында жеке және кәсіби дамудың өзіндік траекториясын құрайды
• Жасанды интеллект негіздерін қолданады, әртүрлі көздерден алынған ақпаратты өңдейді және талдайды, ақпараттық қауіпсіздіктің негізгі талаптарын ескере отырып, кәсіби мәселелерді шешуде ақпараттық технологияларды қолданады
• Жеке және топтық зерттеулер мен жобаларды жүзеге асырады, зерттелетін мәселеге модельдерді, әдістерді, тәсілдерді таңдайды және академиялық адалдық қағидаттарын сақтайды
• Қазақстанның, Батыс және Шығыс елдерінің саяси, экономикалық, әлеуметтік тарихымен байланысты оқиғалардың дұрыстығын салыстырады, талдайды;
• Археология, этнология, тарихнама, деректану, өлкетану негіздері бойынша білімді өз бетінше зерттеу жұмыстарын жүргізу кезінде қолданады;
• Оқыту және тәрбиелеу әдістемелерін әзірлеуді жүзеге асырады, бағалау құралдарын, мектептегі тарих және география бойынша сабақ жоспарларын әзірлейді
• Қазақстандағы және әлемдік географиядағы экономикалық, әлеуметтік және саяси процестердің жай-күйін талдайды, салыстырады
• Әрбір білім алушының ерекшеліктері мен қажеттіліктерін ескере отырып, сыныптағы денсаулық пен эмоционалды-психологиялық климатты жақсартуға бағытталған қолайлы оқу ортасын жасайды
• Кәсіби және қолданбалы міндеттерді шешу мақсатында әлем және Қазақстан географиясы, жаратылыстану, жалпы геология, геоинформатика, геоэкономика, ландшафттану, гидрология, картография және топография, топонимика саласындағы білімді түсіндіреді
• Цифрлық тарих құралдарын қолданады және интерпретациялау дағдыларын қалыптастырады, архив құжаттарын цифрландырудың заманауи технологияларын қолданады

Ұқсас БББ